geeta govindam - bharatiweb

Geeta Govindam – Jayadev

www.bharatiweb.com

geeta govindam shree jayadeva kavi virachitam

prathamah sargaha || saamoda daamodaraha ||

meghairmeduram ambaram vanabhuvah shyaamaastamaaladrumaih naktam bheerurayam tvameva tadimam raadhe gruham praapaya | ittham nanda nideshitah chalitayoh pratyadhva kunjadrumam raadhaamaadhava yorjayanti yamunaakoole rahahkelayaha || 1 || vaagdevataa charita chitrita chitta sadmaa padmaavatee charaNa chaaraNa chakravartee | shree vaasudeva ratikeli kathaa sametam etam karoti jayadeva kavih prabandham || 2 || yadi harismaraNe sarasam mano yadi vilaasakalaasu kutoohalam | madhura komalakaanta padaavaleem shruNu tadaa jayadeva sarasvateem || 3 || vaachah pallavayatya umaapatidharah sandharbha shuddhim giraam jaaneete jayadeva eva sharaNah shlaaghyo duruhadrate | shrungaarottara satprameyarachanaih aachaarya govardhana spardhee ko~pi na vishrutah shrutidharo dhoyee kavikshmaapatih || 4 || ~~~~~~~~~

|| pralayapayodhijale dhrutavaanasi vedam || (ashTapadee 1)

pralayapayodhijale dhrutavaanasi vedam | vihita vahitra charitram akhedam || keshava dhruta meenashareera jaya jagadeesha hare || 1 || kshitirati vipulatare tishThati tava prushThe | dharaNidharaNa kiNachakra garishThe || keshava dhruta kacChaparoopa jaya jagadeesha hare || 2 || vasati dashanashikhare dharaNee tava lagnaa | shashini kalanka kaleva nimagnaa || keshava dhruta sookararoopa jaya jagadeesha hare || 3 ||


www.bharatiweb.com

tava karakamalavare nakham adbhuta shrungam | dalita hiraNyakashiputanu bhrungam || keshava dhruta narahariroopa jaya jagadeesha hare || 4 || Chalayasi vikramaNe balim adbhuta vaamana | padanakhaneera janitajanapaavana || keshava dhruta vaamanaroopa jaya jagadeesha hare || 5 || kshatriya rudhiramaye jagadapagatapaapam | snapayasi payasi shamita bhavataapam || keshava dhruta bhrugupatiroopa jaya jagadeesha hare || 6 || vitarasi dikshu raNe dikpati kamaneeyam | dashamukha moulibalim ramaNeeyam || keshava dhrutaraamashareera jaya jagadeesha hare || 7 || vahasi vipushi vishade vasanam jaladaabham | halahati bheetimilita yamunaabham || keshava dhruta haladhararoopa jaya jagadeesha hare || 8 || nindasi yajnavidherahaha shrutijaatam | sadaya hrudaya darshita pashughaatam || keshava dhruta buddhashareera jaya jagadeesha hare || 9 || mlecCha nivaha nidhane kalayasi karavaalam | dhoomaketumiva kimapi karaalam || keshava dhruta kalkishareera jaya jagadeesha hare || 10 || shree jayadeva kaverida muditamudaaram | shruNu sukhadam shubhadam bhavasaaram || keshava dhruta dashavidharoopa jaya jagadeesha hare || 11 || ~~~~~~~~~~~~~~~~ vedaanuddharate jaganti vahate bhoogolamudbibhrate daityam daarayate balim Chalayate kshatrakshayam kurvate | poulastyam jayate halam kalayate kaaruNyam aatanvate mlecChaan moorChayate dashaakrutikrute krushNaaya tubhyam namah || 5 || ~~~~~~~~~~~~~~~~

|| shritakamalaakucha maNDala dhrutakuNDala || (ashTapadee 2 )

shrita kamalaakucha maNDala dhrutakuNDala e | kalita lalita vanamaala jaya jaya deva hare || 1 ||


www.bharatiweb.com

dinamaNi maNDala maNDana bhavakhaNDana e | munijana maanasahamsa jaya jaya deva hare || 2 || kaaliya vishadhara ganjana janaranjana e | yadukula nalina dinesha jaya jaya deva hare || 3 || madhumura naraka vinaashana garuDaasana e | surakula kelinidaana jaya jaya deva hare || 4 || amala kamaladala lochana bhavamochana e | tribhuvana bhavana nidhaana jaya jaya deva hare || 5 || janakasutaakrutabhooshaNa jitadooshaNa e | samara shamita dashakaNTha jaya jaya deva hare || 6 || abhinava jaladhara sundara dhrutamandara e | shreemukha chandrachakora jaya jaya deva hare || 7 || tava charaNe praNataa vayamiti bhaavaya e | kuru kushalam praNateshu jaya jaya deva hare || 8 || shree jayadeva kaveridam kurute mudam e | mangalam ujjvala geetam jaya jaya deva hare || 9 || ~~~~~~~~~~~~~~~~ padmaapayodhara taTeeparirambha lagna- kaashmeera mudritamuro madhusoodanasya | vyakta anuraagamiva kheladanangakheda- svedaambupoora manupoorayatu priyam vah || 6 || vasante vaasantee kusuma sukumaarairavayavai- rbhramanteem kaantaare bahuvihita krushNaanusaraNaam | amandam kandarpa jvarajanita chintaakulatayaa valadbaadhaam raadhaam sarasamidamooche sahacharee || 7 || ~~~~~~~~~~~~~~~~

|| lalitaa lavanga lataaparisheelana komala malaya sameere || (ashTapadee 3 )

lalita lavanga lataaparisheelana komala malaya sameere madhukara nikara karambita kokila koojita kunja kuTeere || viharati haririha sarasavasante nrutyati yuvatijanena samam sakhi virahijanasya durante || 1 ||


www.bharatiweb.com

unmada madana manoratha pathika vadhoojana janita vilaape | alikula samkula kusuma samooha niraakula bakula kalaape || 2 || mrugamada sourabha rabhasavasham vadana vadalamaalatamaale | yuvajana hrudaya vidaaraNa manasijana kharuchi kimshukajaale || 3 || madana maheepati kanakadaNDa ruchi keshara kusuma vikaase | milita shileemukha paaTali paTalakruta smaratooNa vilaase || 4 || vigalita lajjita jagadavalokana taruNa karuNa krutahaase | virahi nikruntana kunta mukhaakruti ketakidanturitaashe || 5 || maadhavikaa parimalalalite navamaalikayaati sugandhou | munimanasaamapi mohanakaariNi taruNaakaaraNa bandhou || 6 || sphuradati muktaalataa parirambhaNa pulakita mukulita choote | vrundaavana vipine parisara parigata yamunaajala poote || 7 || shree jayadeva bhaNitamida mudayati haricharaNa smrutisaaram | sarasa vasanta samaya vana varNanamanugata madana vikaaram || 8 || ~~~~~~~~~~~~~~~~ daravidalita malleevalli chanchatparaaga - prakaTita paTavaasairvaasayan kaananaani | iha hi dahati chetah ketakee gandha bandhuh prasarada samabaaNa praaNavadgandhavaahah || 8 || adyotsangava sadbhujanga kavalakleshaadi veshaachalam praaleya plavanechChayaanusarati shreekhaNDa shailaanilah | ka cha snigdharasaala mouli mukulaanyaalokya harshodayaad unmeelitam kuhooh kuhooriti kalottaalaah pikaanaam girah || 9 || unmeelan madhugandha lubdha madhupavyaadhoota chootaankura- kreeDatkaakila kaakaleekala kalairudgeerNa karNajvaraah | neeyante pathikaih katham kathamapi dhyaanaavadhaana kshaNah praapta praaNasamaa samaagama rasollaasairamee vaasaraah || 10 || aneka naaree parirambha sambhrama- sphuran manohaari vilaasa laalasam | muraari maaraadupa darshayantyasou sakhee samaksham punaraaha raadhikaam || 11 || ~~~~~~~~~~~~~~~~


www.bharatiweb.com

|| chandana charchita neela kalevara peetavasana vanamaalee || (ashTapadee 4)

chandana charchita neela kalevara peetavasana vanamaalee kelichalanmaNi kuNDala maNDita gaNDayuga smitashaalee || haririha mugdhavadhoonikare vilaasini vilasati kelipare || 1 || peenapayodhara bhaarabhareNa harim pariramya saraagam | gopavadhooranugaayati kaachidudanchita panchamaraagam || 2 || kaapi vilaasa vilola vilochana khelana janita manojam | dhyaayati mugdhavadhooradhikam madhusoodana vadana sarojam || 3 || kaapi kapolatale militaa lapitum kimapi shrutimoole | chaaru chuchumba nitambavatee dayitam pulakairanukoole || 4 || kelikalaa kutukena cha kaachidamum yamunaajalakoole | manjula vanjula kunjagatam vichakarsha kareNa dukoole || 5 || karatala taala tarala valayaavali kalitakala svavamshe | raasarase sahanrutyaparaa hariNaa yuvatih prashashamse || 6 || shlishyati kaamapi chumbati kaamapi kaamapi ramayati raamaam | pashyati sasmita chaaru taraamaparaam anugacChati vaamaam || 7 || shree jayadeva bhaNitam idam adbhuta keshava keli rahasyam | vrundaavana vipine lalitam vitanotu shubhaani yashasyam || 8 || ~~~~~~~~~~~~~~~~ vishveshaam anuranjanena janayannaanandam indeevara- shreNeeshyaamala komalai roopa nayannangairanangotsavam | svacChandam vrajasundareebhirabhitah pratyangamaalinkitah shrungaarah sakhi moortimaaniva madhau mugdho harih kreeDati || 12 || raasollaasa bhareNa vibhrama bhrutaamaabheeravaamabhruvaa- mabhyarNam parirabhya nirbharamurah premaandhayaa raadhayaa | saadhu tvadvadanam sudhaamayamiti vyaahrutya geetastuti- vyaajaadudbhaTa chumbitah smita manoharee harih paatu vah || 13 ||

|| iti prathamah sargah ||

~~~~~~~~~~~~~~~~


www.bharatiweb.com

dviteeya sargah || aklesha keshavah ||

viharati vane raadhaa saadhaaraNa praNaye harou vigalita nijotkarshaad eershyaavashena gataanyatah | kvachidapi lataakunje gunjanmadhuvrata maNDalee- mukharashikhare leenaa deenaapyuvaaCha rahah sakheem || 1 || ~~~~~~~~~~~~~~~~

sancharadadhara sudhaamadhura dhvanimukharita mohanavamsham || (ashTapadee 5 )

sancharadadhara sudhaamadhura dhvanimukharita mohanavamsham | valita druganchala chanchala moulikapola vilola vatamsam || raase harimiha vihita vilaasam smarati mano mama kruta parihaasam || 1 || chandraka chaaru mayoora shikhaNDakamaNDala valayita kesham | prachura purandara dhanuranu ranjita meduramudira suvesham || 2 || gopakadamba nitambavatee mukhachumbana lambhita lobham | bandhujeeva madhuraadhara pallavamullasita smita shobham || 3 || vipula pulaka bhuja pallava valayita vallava yuvati sahasram | karacharaNorasi maNigaNa bhooshaNa kiraNa vibhinnatamistram || 4 || jalada paTalavaladindu vinindaka chandana tilaka lalaaTam | peenapayodhara parisara mardana nirdaya hrudaya kapaaTam || 5 || maNimaya karamanohara kuNDala maNDita gaNDamudaaram | peetavasanamanugata munimanuja suraasuravara parivaaram || 6 || vishada kadambatale militam kalikalushabhayam shamayantam | maamapi kimapi tarangadanangadrushaa manasaa ramayantam || 7 || shree jayadeva bhaNitam atisundara mohanamadhuripu roopam | haricharaNa smaraNam prati samprati puNyavataam anuroopam || 8 || ~~~~~~~~~~~~~~~~ gaNayati guNagraamam bhaamam bhramaadapi nehate vahati cha pareetosha dosham vimunchati dooratah |


www.bharatiweb.com

yuvatishu valattrushNe krushNe vihaariNi maam vinaa punarapi mano vaamam kaamam karoti karomi kim || 2 || ~~~~~~~~~~~~~~~~

|| nibhruta nikunja gruham gatayaa nishi rahasi nileeya vasantam ||

(ashTapadee 6 ) nibhruta nikunja gruham gatayaa nishi rahasi nileeya vasantam | chakita vilokita sakaladishaa ratirabhasabhareNa hasantam || sakhi he keshimathanamudaaram ramaya mayaa saha madana manoratha bhaavitayaa savikaaram || 1 || prathama samaagama lajjitayaa paTuchaaTu shatairanukoolam | mrudu madhura smita bhaashitayaa shithileekruta jaghanadukoolam || 2 || kisalaya shayana niveshitayaa chiramurasi mamaiva shayaanam | kruta parirambhaNa chumbanayaa parirabhya krutaadharapaanam || 3 || alasa nimeelita lochanayaa pulakaavali lalita kapolam | shramajala sakala kalevarayaa varamadanamadaadati lolam || 4 || kokila kalarava koojitayaa jitamanasija tantra vichaaram | shlatha kusumaakula kuntalayaa nakhalikhita ghanastanabhaaram || 5 || charaNa raNitamaNi noopurayaa paripoorita suratavitaanam | mukhara vishrunkhala mekhalayaa sakachagraha chumbanadaanam || 6 || ratisukhasamaya rasaalayasaa daramukulita nayanasarojam | nihsahanipatita tanulatayaa madhusoodana mudita manojam || 7 || shree jayadeva bhaNitamidam atishaya madhuripu nidhuvanasheelam | sukham utkaNThita gopavadhoo kathitam vitanotu saleelam || 8 || ~~~~~~~~~~~~~~~~ hasta strasta vilaasa vamshamanruju bhroovalleedvallavee- vrundotsaaridruganta veekshitam atisvedaardra gaNDasthalam | meemudveekshya vilajjita smita sudhaa mugdhaananam kaanane govindam vraja sundareegaNa vrutam pashyaami hrushyaami cha || 3 || duraalokastokastabaka navakaashokalatikaa vikaasah kaasaaropavanapavano~pi vyathayati | api bhraamyad bhrungeeraNita ramaNeeyaa na mukula- prasootishchootaanaam sakhi shikhariNeeyam sukhayati || 4 ||


www.bharatiweb.com

saakoota smitamaakulaakula galaddhammillamullaasita- bhroovallee kamaleeka darshita bhujaamoolaardha drushTastanam | nibhrutam nireekshya gamitaakaankshashchiram chintaya- nantarmugdha manoharam haratu vah klesham navah keshavah || 5 ||

|| iti dviteeyah sargah ||

~~~~~~~~~~~~~~~~

truteeya sargah || mugdha madhusoodanah ||

kamsaarirapi samsaara vaasanaabandha shrunkhalaam | raadhaamaadhaaya hrudaye tatyaaja vrajasundareeh || 1 || itastatastaam anusrutya raadhikaam anangabaaNavraNa khinna maanasah | krutaanutaapah sa kalinda nandinee- taTaanta kunje vishasaada maadhavah || 2 || ~~~~~~~~~~~~~~~~

|| maamiyam chalitaa vilokya vrutam vadhoo nichayena || (ashTapadee 7 )

maamiyam chalitaa vilokya vrutam vadhoo nichayena saaparaadhatayaa mayaapi vaarita atibhayena || harihari hataadaratayaa gataa saa kupiteva || 1 || kim karishyati kim vadishyati saa chiram viraheNa | kim dhanena janena kim mama jeevitena gruheNa || 2 || chintayaami tadaananam kuTilabhru kopabhareNa | shoNamadmam ivopari bhramataakulam bhramareNa || 3 || taam aham hrudi samgataam anisham bhrusham ramayaami | kim vane~nusaraami taamiha kim vruthaa vilapaami || 4 || tanvi khinnamasooyayaa hrudayam tavaakalayaami | tanna vedmi kuto gataasi na tena te~nunayaami || 5 || drushyase purato gataagatameva me vidadhaasi | kim pureva sasambhramam parirambhaNam na dadaasi || 6 ||


www.bharatiweb.com

kshamyataamaparam kadaapi tavedrusham na karomi | dehi sundari darshanam mama manmathena dunomi || 7 || varNitam jayadevakena hareridam pravaNena | kindu bilva samudra sambhava rohiNee ramaNena || 8 || ~~~~~~~~~~~~~~~~ hrudi bisalataahaaro naayam bhujangamanaayakah kuvalayadalashreNee kaNThe na saa garaladyutih | malayajarajo nedam bhasma priyaarahite mayi prahara na harabhraantyaananga krudhaa kimu dhaavasi || 3 || paaNou maa kuru chootasaayakamamum maa chaapamaaropaya kreeDaa nirjita vishva moorChita jana aaghaatena kim pourusham | tasyaa eva mrugeedrusho manasija prenkhatkaTaakshaashuga shreNeejarjaritam manaagapi mano naadyaapi samdhukshate || 4 || bhroopallavo dhanurapaanga tarangitaani guNah shravaNapaalirati smareNa | tasyaam ananga jaya jangama devataayaam astraaNi nirjita jaganti kim arpitaani || 5 || bhroochaape nihitah kaTaakshavishikho nirmaatu marmavyathaam kuTilah karotu kabareebhaaro~pi maarodyamam | moham taavadayam cha tanvi tanutaam bimbaadharo raagavaan sadvruttam stanamaNDalam tava katham praaNairmama kreeDati || 6 || taani sparsha sukhaani te cha taralaah snigdhaa drUshorvibhramaas tadvaktraambuja sourabham sa cha sudhaasyandee giraam vakrimaa | saa bimbaadhara maadhureeti vishayaasange~pi chenmaanasam tasyaam lagnasamaadhi hanta virahavyaadhih katham vardhate || 7 || tiryakkaNTha vilola mouli taralottam sasya vamshoccharad- geetisthaana krutaavadhaana lalanaa lakshairna samlakshitaah | sammugdhe madhusoodanasya madhure raadhaamukhendou sudhaa- saare kandalitaashchiram dadhatu vah kshemam kaTaakshormayah || 8 ||

|| iti truteeya sargah ||

~~~~~~~~~~


www.bharatiweb.com

chaturtha sargah || snigdha madhusoodanah ||

yanmunaa teera vaaneera- nikunje mandam aasthitam | praaha prema bharodbhraantam maadhavam raadhikaa sakhee || 1 || ~~~~~~~~~~

|| nindati chandanam indu kiraNam anu vindati khedam adheeram || (ashTapadee 8 )

nindati chandanam indu kiraNam anu vindati khedam adheeram | vyaala nilaya milanena garalam iva kalayati malaya sameeram || saa virahe tava deenaa maadhava manasija vishikha bhayaadiva bhaavanayaa tvayi leenaa || 1 || avirala nipatita madana sharaadiva bhavadavanaaya vishaalam | svahrudaya marmaNi varma karoti sajala nalineedala jaalam || 2 || kusuma vishikha shara talpamanalpa vilaasa kalaa kamaneeyam | vratamiva tava parirambha sukhaaya karoti kusuma shayaneeyam || 3 || vahati cha valita vilochana jaladharamaanana kamalamudaaram | vidhumiva vikaTa vidhuntuda dantadalana galitaamrutadhaaram || 4 || vilikhati rahasi kurangamadena bhavantam asamashara bhootam | praNamati makaramadho vinidhaaya kare cha sharam navachootam || 5 || pratipadamidamapi nigadati maadhava tava charaNe patitaaham | tvayi vimukhe mayi sapadi sudhaanidhirapi tanute tanudaaham || 6 || dhyaanalayena purah parikalpya bhavantamateeva duraapam | vilapati hasati visheedati roditi chanchati munchati taapam || 7 || shree jayadeva bhaNitam idam adhikam yadi manasaa naTaneeyam | hari virahaakula ballava yuvati sakheevachanam paThaneeyam || 8 || ~~~~~~~~~~ aavaaso vipinaayate priyasakheemaalaapi jaalaayate taapo~pi shvatisena daavadahana jvaalaa kalaapaayate |


www.bharatiweb.com

saapi tvadviraheNa hanta hariNee roopaayata haa katham kandarpo~pi yamaayate virachayan shaardoola vikreeDitam || 2 || ~~~~~~~~~~

|| stanavinihitamapi haaramudaaram || (ashTapadee 9)

stana vinihitam api haaramudaaram | saa manute krushatanuriva bhaaram || raadhikaa virahe tava keshava || 1 || sarasamasruNamapi malayajapankam | pashyati vishamiva vapushi sashankam || 2 || shvasati pavanam anupama parihaaNam | madanadahanamiva vahati sadaaham || 3 || dishi dishi kirati sajala kaNajaalam | nayananalinamiva vigalitanaalam || 4 || tyajati na paaNitalena kapolam | baalashashinamiva saayamalolam || 5 || nayanavishamapi kisalayatalpam | gaNayati vihitahutaashavikalpam || 6 || haririti haririti japati sakaamam | virahavihitamaraNeva nikaamam || 7 || shree jayadeva bhaNitamiti geetam | sukhayatu keshava padam upaneetam || 8 || ~~~~~~~~~~ saa romaanchati seetkaroti vilapatyutkampate taamyati dhyaayat yudbhramati prameelati patatyudyaati moorChatyapi | etaavatyatanujvare varatanurjeevenna kim te rasaat svavaidyapratima praseedasi yadi tyakto~nyathaa hastakah || 3 || smaraaturaam daivatavaidyahrudya tvad anga sangaamruta maatra saadhyaam | vimuktabaadhaam kurushe na raadhaam upendra vajraadapi daaruNo~si || 4 ||


www.bharatiweb.com

kandarpah jvara samjvaraatura tanoraashcharyam asyaashchiram chetashchandana chandramah kamalinee chintaasu santaamyati | kintu klaantivashena sheetalataram tvaamekameva priyam dhyaayantee rahasi sthitaa kathamapi ksheeNaa kshaNam praaNiti || 5 || kshaNamapi virahah puraa na sehe nayananimeelanakhinnayaa yayaa te | shvasiti kathamasou rasaalashaakhaam chiraviraheNa vilokya pushpitaagraam || 6 || vrushTi vyaakula gokulaavanarasaad uddhrutya govardhanam bibhradvllava vallabhaabhir adhikaanandaacchiram chumbitah | darveNeva tadarpitaadharataTee sindoora mudraankito baahurgopatanostanotu bhavataam shreyaamsi kamsadvishah || 7 ||

|| iti chaturthah sargah ||

~~~~~~~~~~

panchamah sargah || aakaankshaa puNDareekaakshah ||

ahamiha nivasaami yaahi raadhaam anunaya madvachanena chaanayethaah | iti madhuripuNaa sakhee niyuktaa svayamidametya punarjagaada raadhaam || 1 || ~~~~~~~~~~

|| vahati malayasameere madanamupanidhaaya || (ashTapadee 10 )

vahati malayasameere madanamupanidhaaya sphuTita kusumanikare virahi hrudaya dalanaaya | sakhi seedati tava virahe vanamaalee || 1 || dahati shishiramauookhe maraNamanukaroti patati madanavishikhe vilapati vikalataro~ti || 2 || dhvanati madhupasamoohe shravaNamapidadhaati | manasi valitavirahe nishi nishi rujamupayaati || 3 ||


www.bharatiweb.com

vasati vipinavitaane tyajati lalitadhaama | luThita dharaNishayane bahu vilapati tava naama || 4 || bhaNati kavijayadeve viraha vilasitena | manasi rabhasavibhave harirudayatu sukrutena || 5 || ~~~~~~~~~~ poorvam yatra samam tvayaa ratipateraasaaditaah siddhyas tasminnava nikunja manmatha mahaateerthe punarmaadhavah | dhyaayamstvaam anisham japannapi tavaivaalaapa mantraavaleem bhooyastvat kuchkumbha nirbhara pareerambhaamrutam vaanChati || 2 || ~~~~~~~~~~

|| ratisukhasaare gatamabhisaare madanamanoharavesham || (ashTapadee 11 )

ratisukhasaare gatamabhisaare madanamanoharavesham | na kuru nitambini gamana vilambanamanusara tam hrudayesham || dheerasameere yamunaateere vasati vane vanamaalee peenapayodhara parisara mardana chanchalakara yugashaalee || 1 || naamasametam krutasanketam vaadayate mruduveNum | bahu manute nanu te tanu sangata pavana chalatimapi reNum || 2 || patati tatrate vichalati patre shankita bhavadupayaanam | rachayati shayanam sachakitanayanam pashyati tava panthaanam || 3 || mukharamadheeram tyaja manjeeram ripumiva kelishu lolam | chala sakhi kunja satimirapunjam sheelaya neelanilochanam || 4 || urasi muraare roopahitahaare ghana iva taralabalaake | taDidiva peete rativipareete raajasi sukrutavipaake || 5 || vigalita vasanam parihrutarasanam ghaTaya jaghanamapidhaanam | kisalayashayane pankajanayane nidhimiva harshanidhaanam || 6 || harirabhimaanee rajaniridaaneemiyamapi yaati viraamam | kuru mama vachanam satvararachanam pooraya madhuripukaamam || 7 || shree jayadeve kruta hariseve bhaNati parama ramaNeeyam | pramudita hrudayam harimitasadayam namata sukruta kamaneeyam || 8 || ~~~~~~~~~~


www.bharatiweb.com

vikirati mahuh shvaasaanaashaah puro muhureekshate pravishati muhuh kunjam gunjanmahurbahu taamyati | rachayati muhuh shayyaam paryaakulam muhureekshate madanakadanaklaantah kaante priyastava vartate || 3 || tvadvaamyena smam samagramadhunaa tigmaamshurastum gato govindasya manorathena cha samam praaptam tamah saandrataam | kokaanaam karuNasvanena sadrushee deerghaa madhabhyarthanaa tanmugdhe viphalam vilambanamasou ramyo~bhisarakshaNah || 4 || aashleshaadanu chumbanaadanu nakhollekhaadanu svaantaja- prodvodhaadanu sambhramaadanu rataarambhaadanu preetayoh | anyaartham gatayorbhramaanmilitayoh sambhaashaNarjaanato- rdampatyoriha ko na ko na tamasi vreeDaavimishro rasah || 5 || sabhayachakitam vinyasyanteem drusham timire pathi pratitaru muhuh sthitvaa mandam padaani vitanvateem | kathamapi rahah praaptaam angair ananga tarangibhih sumukhi subhagah pashyansa tvaamupaitu krutaarthataam || 6 || raadhaa mugdha mukhaaravinda madhupastrailokya moulisthalee nepathyochita neelaratnam avanee bhaaraavataaraantakah | svacChandam vrajasundareejana manastosha pradoshayah kamsa dhvamsana dhoomaketuravatu tvaam devakeenandanah || 7 ||

|| iti panchamah sargah ||

~~~~~~~~~~

shashThah sargah || dhrushTa vaikuNThah ||

atha taam gantum ashaktaam chiram anuraktaam lataagruhe drushTvaa | taccharitam govinde manasijamande sakhee praaha || 1 || ~~~~~~~~~~

|| pashyati dishi dishi rahasi bhavantam || (ashTapadee 12 )

pashyati dishi dishi rahasi bhavantam tadadhara madhuram adhooni pibantam || naatha hare seedati raadhaa vaasagruhe ||1 ||


www.bharatiweb.com

tvad abhisaraNa rabhasena valantee | patati padaani kiyanti chalantee || 2 || vihita vishada bisa kisalaya valayaa | jeevati param iha tava ratikalayaa || 3 || muhuravalokita maNDanaleelaa | madhuripuraham iti bhaavanasheelaa || 4 || tvaritam upaiti na katham abhisaaram | haririti vadati sakheem anuvaaram || 5 || shlishyati chumbati jaladhara kalpam | harirupagata iti timiram analpam || 6 || bhavati vilambini vigalita lajjaa | vilapita rodati vaasakasajjaa || 7 || shree jayadeva kaveridam uditam | rasikajanam tanutaam ati muditam || 8 || ~~~~~~~~~~ vipula pulaka paalih sspheeta seetkaaramanta- rjanita jaDimakaaku vyaakulam vyaaharantee | tava kitava vidhaayaamanda kandarpa chintaam rasajaladhi nimagnaa dhyaanalagnaa mrugaakshee || 2 || angeshvaabharaNam karoti bahushah patre~pi sanchaariNi praaptam tvaam parishankate shayyaam chiram dhyaayati | ityaakalpa vikalpa talpa rachanaa sankalpa leelaashata- vyaasaktaapi vinaa tvayaa varatanurnaishaa nishaam neshyati || 3 || kim vishraamayasi krushNabhogibhavane bhaaNDeera bhoomeeruhe bhraataryaasi na drushTigocharamitah saananda nandaaspadam | raadhaayaa vachanam taddhvaga mukhaan nandaantike gopato govindasya jayanti saayamatithi praashastyagarbhaa girah || 4 ||

|| iti shashThah sargah ||

~~~~~~~~~~


www.bharatiweb.com

saptamah sargah || naagara naaraayaNah ||

atraantare cha kulaTaa kula vartmapaata- sanjaata paataka iva sphuTa laanChana shreeh | vrundaavanaantaram adeepayad amshujaalair- diksundaree vadana chandana bindurinduh || 1 || prasarati shashadhara bimbe vihita vilambe cha maadhave vidhuraa | virachita vividha vilaapam saa paritaapam chakaarocchaih || 2 || ~~~~~~~~~~

|| kathitasamaye~pi harirahaha na yayou vanam || (ashTapadee 13)

kathitasamaye~pi harirahaha na yayou vanam | mama viphalam idam amalam api roopa youvanam || yaami he kamiha sharaNam sakheejana vachana vanchitaa || 1 || yad anugamanaaya nishi gahanamapi sheelitam | tena mama hrudayam idam samashara keelitam || 2 || mama maraNameva varamiti vitatha ketanaa | kimahi vishahaami virahaanalam achetanaa || 3 || maamahaha vidhurayati madhura madhuyaaminee | kaapi harim anubhavati kruta sukruta kaaminee || 4 || ahaha kalayaami valayaadimaNi bhooshaNam | hariviraha dahana vahanena bahudooshaNam || 5 || kusuma sukumaara tanumatanu shara leelayaa | stragapi hrudi hanti maamati vishama sheelayaa || 6 || ahamiha nivasaami na gaNita vana vetasaa | smarati madhusoodano maamapi na chetasaa || 7 || haricharaNa sharaNa jayadeva kavibhaaratee | vasatu hrudi yuvatiriva komala kalaavatee || 8 || ~~~~~~~~~~


www.bharatiweb.com

tatkim kaamapi kaamineem abhisrutah kim vaa kalaakalebhi- rbaddho bandhubhir andhakaariNi vanaabhyarNe kimudbhraamyati | kaantah klaantamanaah manaagapi pathi prasthaatum evaakshamah sanketee kruta manjuvanjula lataakunje~pi yannaagatah || 3 || athaagatam maadhavam antareNa sakeemiyam veekshya vishaada mookaam | vishankamaanaa ramitam kayaapi janaardanam drushTavadetadaaha || 4 || ~~~~~~~~~~

|| smara samarochita virachita veshaa || (ashTapadee 14)

smara samarochita virachita veshaa | dalita kusumadara vilulita keshaa || kaapi madhuripuNaa vilasita yuvatiradhikaguNaa || 1 || hari parirambhaNa valita vikaaraa | kucha kalashopari taralita haaraa || 2 || vichalad alaka lalitaanana chandraa | tadadhara paana rabhasa kruta tandraa || 3 || chanchala kuNDala lalita kapolaa | mukharita rasana jaghana gatilolaa || 4 || dayita vilokita lajjita hasitaa | bahuvidha koojita ratirasa rasitaa || 5 || vipula pulaka pruthu vepathubhangaa | shvasita nimeelita vikasad anangaa || 6 || shramajala kaNabhara subhaga shareeraa | paripatitorasi ratiraNadheeraa || 7 || shree jayadeva bhaNita hariramitam | kalikalusham janayatu parishamitam || 8 || ~~~~~~~~~~ viraha paaNDu muraari mukhaambuja- dyutirayam tirayannapi vedanaam |


www.bharatiweb.com

vidhurateeva tanoti manobhuvah suhrudaye hrudaye madana vyathaam || 5 || ~~~~~~~~~~

|| samudita madane ramaNee vadane chumbana valitaadhare || (ashTapadee 15 )

samudita madane ramaNee vadane chumbana valitaadhare | mrugamada tilakam likhati sapulakam mrugamiva rajaneekare || ramate yamunaa pulinavane vijayee muraariradhunaa || 1 || ghanachaya ruchire rachayati cikure taralita tarUNaanane | kurubaka kusumam chapalaa sushamam ratipati mrugakaanane || 2 || ghaTayati sughane kuchayuga gagane mrugamada ruchi rooshite | maNisaram amalam taarakapaTalam nakhapada shashi bhooshite || 3 || jitabisashakale mrudubhujayugale karatala nalineedale | marakatavalayam madhukaranichayam vitarati himasheetale || 4 || ratigruha jaghane vipulaapaghane manasija kanakaasane | maNimaya rasanam toraNahasanam vikirati krutavaasane || 5 || charaNakisalaye kamalaanilaye nakhamaNigaNa poojite | bahirapa varaNam yaavakabharaNam janayati hrudi yojite || 6 || ramayati subhrusham kaamapi sudrusham khala haladhara sodare | kimaphalamavasam chiramiha virasam vada sakhi viTapodare || 7 || iha rasabhaNane kruta hariguNane madhuripu padasevake | kaliyuga charitam na vasatu duritam kavinrupa jayadevake || 8 || ~~~~~~~~~~ naayaatah sakhee nirdayo yadi shaThastvam dooti kim dooyase svacChandam bahuvallabhah sa ramate kim tatra te dooshaNam | pashyaadya priyasangamaaya dayitasyaa krushyamaaNam guNair- utkaNThaarti bharaad iva sphuTad idam chetah svayam yaasyati || 6 || ~~~~~~~~~~


www.bharatiweb.com

|| anila tarala kuvalaya nayanena || (ashTapadee 16)

anila tarala kuvalaya nayanena | tapati na saa kisalaya shayanena || sakhi yaa ramitaa vanamaalinaa || 1 || vikasita sarasija lalita mukhena | sphuTati na saa manasija vishikhena || 2 || amruta madhura mrudutara vachanena | jvalati na saa malayaka pavanena || 3 || sthala jalaruha ruchikara charaNena | luThati na saa himakara kiraNena || 4 || sajala jalada samudaya ruchireNa | dahati na saa hrudi viraha davena || 5 || kanaka nikasha ruchi shuchi vasanena | shvasiti na saa parijana hasanena || 6 || sakala bhuvanajana vara taruNena | vahati na saa rujamati karuNena || 7 || shree jayadeva bhaNita vachanena | pravishatu harirapi hrudayam anena || 8 || ~~~~~~~~~~ manobhavaanandana chandanaanila praseeda re dakshiNa muncha vaamataam | kshaNam jagatpraaNa vidhaaya maadhavam puro mama praaNaharo bhavishyasi || 7 || ripuriva sakeesamvaaso~yam shikheeva himaanilo vishamiva sudhaarashmiryasmin indunoti manogate | hrudayamadaye tasminnavam punarvalate balaat kuvalayadrushaam vaamah kaamo nikaama nirunkushah || 8 || baadhaam vidhehi malayaanila panchabaaNa praaNaangruhaaNa na gruham punaraashrayishye | kim te krutaantabhagini kshamayaa tarangaih angaani sincha mama shaamyatu dehadaahah || 9 ||


www.bharatiweb.com

praatarneela nicholam achyutam urah samveeta peetaamshukam raadhaayaashchakitam vilokya hasati svairam sakheemanDale | vreeDaa chanchalamanchalam nayanayoraadhaaya raadhaanane svaadusmera mukho~yamastu jagadaanandaaya nandaatmajah || 10 ||

|| iti saptamah sargah ||

~~~~~~~~~~

ashTamah sargah || vilakshya lakshmeepatih ||

atha kathamapi yaamineem vineeya smara shara jarjararitaapi saa prabhaate | anunaya vachanam vadantamagre praNatamapi priyamaaha saabhyasooyam || 1 || ~~~~~~~~~~

|| rajani janita guru jaagara raaga kashaayitam alasa nimesham || (ashTapadee 17)

rajani janita guru jaagara raaga kashaayitam alasa nimesham vahati nayanam anuraagam iva sphuTam udita rasaabhinivesham | harihari yaahi maadhava yaahi keshava maa vada kaitavavaadam taamanusara saraseeruha lochana yaa tava harati vishaadam || 1 || kajjala malina vilochana chumbana virachita leelima roopam | dashanavasanam aruNam tava krushNa tanoti tanoranuroopam || 2 || vapuranuharati tava smara sangara khara nakhara kshata rekham | marakata shakala kalita kaladhoutaliperiva ratijayalekham || 3 || charaNa kamala galad alaktaka siktam idam tava hrudayamudaaram | darshayateeva bahir madana druma nava kisalaya parivaaram || 4 || dashanapadam bhavadharagatam mama janayati chetasi khedam | kathayati kathamadhunaapi mayaa saha tava vaturetadabhedam || 5 || bahiriva malinataram tava krushNa mano~pi bhavishyati noonam | kathamatha vanchayase janam anugatam asamashara jvara doonam || 6 ||


www.bharatiweb.com

bhramati bhavaan abalaa kavalaaya vaneshu kimatra vichitram | prathayati pootanikaiva vadhoo vadha nirdaya baala charitram || 7 || shree jayadeva bhaNita rati vanchita khaNDita yuvati vilaapam | shruNuta sudhaamadhuram vibudhaa vibudhaalayato~pi duraapam || 8 || ~~~~~~~~~~ tavedam pashyantyaah prasarad anuraagam bahiriva priyaa paadaalakta cChuritam aruNadyoti hrudayam | mamaadya prakhyaata praNaya bhara bhangena kitava tvadaalokah shokaadapi kimapi lajjaam janayati || 2 || antarmohana mouli ghoorNana chalan mandaara vistramsana- stabdhaakarshaNa drushTi harshaNa mahaamantrah kurangeedrushaam | drupaddaanava dooyamaana divishad durvaara duhkhaapadaam bhramshah kamsariporvyapohayatu vah shreyaamsi vamsheeravah || 3 ||

|| iti ashTamah sargah ||

~~~~~~~~~~

navamah sargah || mugdha mukundah ||

taamatha manmathakhinnaam ratirasabhinnaam vishaada sampannaam | anuchintita haricharitaam kalahaantaritaam uvaacha rahah sakhee || 1 || ~~~~~~~~~~

|| harirabhisarati vahati madhupavane || (ashTapadee 18)

harirabhisarati vahati madhupavane | kimaparam adhikam sukham sakhi bhavane || maadhave maa kuru maanini maanamaye || 1 || taalaphalaadapi gurumati sarasam | kim viphalee kurushe kuchakalasham || 2 || kati na kathitam idam anupadam achiram | maa parihara harim atishaya ruchiram || 3 ||


www.bharatiweb.com

kimati visheedasi rodashi vikalaa | vihasati yuvatisabhaa tava sakalaa || 4 || sajala nalineedala sheelita shayane | harim avalokaya saphalaya nayane || 5 || janayasi manasi kimiti gurukhedam | shruNu mama vachanam aneehita bhedam || 6 || harirupayaatu vadatu bahumadhuram | kimiti karoshi hrudayam ati vidhuram || 7 || shree jayadeva bhaNita mati lalitam | sukhayatu rasikajanam hari charitam || 8 || ~~~~~~~~~~ snigdhe yatpurushaasi yatpraNamati stabdhaasi yadraagiNi dvashasthaasi yadunmukhe vimukhataam yaataasi tasminpriye | yadyuktam vipareetakaariNi tava shreekhaNDa charchaa visha sheetaamshuh tapano himam hutavahah kreeDaamudo yaatanaah || 2 || saandraananda purandaraadi divishad vrundaira mandaadaraa- daanabhrair mukuTendra neelamaNibhih sandarshita indindiram | svacChandam makaranda sundaragalan mandaakinee meduram shree govinda padaaravindam ashubhaskandaaya vandaamahe || 3 ||

|| iti navamah sargah ||

~~~~~~~~~~

dashamah sargah || chatura chaturbhujah ||

atraantare masruNa rosha vashaam aseema- nihshvaasanih sahamukheem sumukheem upetya | sakreeDam eekshita sakhee vadanaam pradoshe saananda gadgada padam hariritya uvaacha || 1 || ~~~~~~~~~~


www.bharatiweb.com

|| vadasi yadi kinchidapi dantaruchi kaumudee || (ashTapadee 19)

vadasi yadi kinchidapi dantaruchi kaumudee harati daratimiram ati ghoram | sphuradadhara seedhave tava vadanachandramaa rochayatu lochana chakoram || priye chaarusheele muncha mayi maanamanidaanam sapadi madanaanalo dahati mama maanasam dehi mukhakamala madhupaanam || 1 || satyamevaasi yadi sudati mayi kopinee dehi kharanayana sharaghaatam | ghaTaya bhujabandhanam janaya radakhaNDanam yena vaa bhavati sukhajaatam || 2 || tvamasi mama bhooshaNam tvamasi mama jeevanam tvamasi mama bhavajaladhi ratnam | bhavatu bhavateeha mayi satatam anurodhinee tatra mama hrudayam ati yatnam || 3 || neelanalinaabham api tanvi tava lochanam dhaarayati kokanada roopam | kusuma sharabaaNa bhaavena yadi ranjayasi krushNam idam etad anuropam || 4 || sphuratu kuchakumbhayorupari manimanjaree ranjayatu tava hrudayadesham | rasatu rashanaapi tava ghanajaghana maNDale ghoshayatu manmatha nidesham || 5 || sthala kamala ganjanam mama hrudaya ranjanam janita ratiranga parabhaagam | bhaNa masruNavaaNi karavaaNi charaNadvayam sarasa lasada laktaka raagam || 6 || smara garala khaNDanam mama shirasi maNDanam dehi padapallavamudaaram | jvalati mayi daaruNo madanakadanaanalo haratu tadupaahita vikaaram || 7 || iti chaTula chaaTu paTuchaaru muravairiNo raadhikaamadhi vachanajaatam | jayati padmaavateeramaNa jayadeva kavibhaaratee bhaNitamatishaatam || 8 || ~~~~~~~~~~ parihara krutaatanke shankaa tvayaa satatam ghana- stanajaghanayaakraante svaante paraanavakaashini | vishati vitanoranyo dhanyo na ko~pi mamaantaram praNayini pareerambhaarambhe vidhehi vidheyataam || 2 || mugdhe vidhehi mayi nirdaya dantadamsha- dorvallibandhaniviDa stanapeeDanaani | chaNDi tvameva mudamanja na panchabaaNa- chaaNDaala kaaNDa dalanaadasavah prayaantu || 3 || shashimukhi tatra bhaati bhangurabhroo- yuvajana moha karaala kaala sarpee |


www.bharatiweb.com

tadudita bhaya bhanjanaaya yoonaam tvadadhara seedhu sudhaiva siddhamantrah || 4 || vyathayati vruthaa mounam tanvi prapanchaya panchamam taruNi madhuraalaapaistaapam vinodaya drushTibhih | sumukhi vimukheebhaavam taavadvimuncha na muncha maam svayam atishaya snigdho mugdhe priyo~yamupasthitah || 5 || bandhooka dyuti baandhavo~yamadharah snigdho madhookacChavi- rgaNdashchaNDi chakaasti neela nalina shree mochane lochanam | naasaabhyeti tilaprasoona padaveem kundaabhadanti priye praayastvan mukhasevayaa vijayate vishvam sa pushpaayudhah || 6 || drusho tava madaalase vadanam indu sandeepanam gatirjana manoramaa vijitarambham oorudvayam | ratistava kalaavatee ruchira chitralekhe bhruvaa- vibudhayouvatam vahasi tanvi pruthveegataa || 7 || sa preetim tanutaam harih kuvalayaapeeDena saardham raNe raadhaapeena payodhara smaraNakruta kumbhena sambhedavaan | yatra svidyati meelati kshaNamapi kshipte dvipe tatkshaNaat kamsasyaalam abhootjitam jitamiti vyaamoha kolaahalah || 8 ||

|| iti dashamah sargah ||

~~~~~~~~~~

ekaadashah sargah || saananda govindah ||

suchiramanunayena preeNayitvaa mrugaaksheem gatavati krutaveshe keshave kunjshayyaam | rachita ruchira bhooshaam drushTimoshe pradoshe sphurati niravasaadaam kaapi raadhaam jagaad || 1 || ~~~~~~~~~~

|| virachita chaaTu vachana rachanam charaNe rachita praNipaatam || (ashTapadee 20)

virachita chaaTu vachana rachanam charaNe rachita praNipaatam | samprati manjula vanjula seemani kelishayanamanuyaatam ||


www.bharatiweb.com

mugdhe madhumathanam anugatam anusara raadhike || 1 || ghanajaghana stanabhaaradhare daramanthara charaNavihaaram | mukharita maNimanjeeramupaihi vidhehi maraalanikaaram || 2 || shruNu ramaNeeyataram taruNeejana mohana madhuripuraavam | kusuma sharaasana shaasna vandini pikanikare bhaja bhaavam || 3 || anila tarala kisalaya nikareNa kareNa lataanikurambam | preraNamiva karabhoru karoti gatim prati muncha vilambam || 4 || sphuritam ananga tarangavashaadiva soochita hari parirambham | prucCha manohara haara vimala jaladhaaram amum kuchakumbham || 5 || adhigatam akhila sakheebhiradam tava vapurapi ratiraNasajjam | chaNDi raNitara sanaarava DiNDimam abhisara sarasamalajjam || 6 || smara shara subhaga nakhena kareNa sakheem avalambya saleelam | chala valaya kkaNitairava bodhaya harimapi nijagati sheelam || 7 || shree jayadeva bhaNitam adahree kruta haara mudaasitaraamam | hari vinihita manasaamadhitishThatu kaNThataTeem aviraamam || 8 || ~~~~~~~~~~ saa maam drakshyati vakshyati smarakathaam pratyangam aalinganaih preetim yaasyati ramsyate sakhi samaagatyeti chintaakulah | sa tvaam pashyati vepate pulakayatyaanandati svidyati pratyuggacChati moorcChati sthiratamah punje nikunje priyah || 2 || akshNornikshipadanjanam shravaNayostaapicCha gucChaavaleem moordhni shyaamasarojadaama kuchayoh kastoorikaa patrakam | dhoortaanaam abhisaara satvarahrudaam vishvan nikunje sakhi dhvaantam neela nichola chaaru sudrushaam pratyangam aalingati || 3 || kaashmeera gourava vapushaam abhisaarikaaNaam aabaddharekham abhito ruchi manjareebhih etat tamaaladala neelatamam tamisram tat prema hema nikashopalataam tanoti || 4 || haaraavalee tarala kaanchana kaanchidaama- manjeera kankaNa maNi dyuti deepitasya | dvaare nikunja nilayasya harim vilokya vreeDaavateem atha sakheem iyam ityuvaacha || 5 || ~~~~~~~~~~


www.bharatiweb.com

|| manjutara kunjatala keli sadane || (ashTapadee 21)

manjutara kunjatala keli sadane | vilasa ratirabhasa hasita vadane || pravisha raadhe maadhava sameepamiha || 1 || nava bhavad ashokadala shayana saare | vilasa kuchakalasha taralahaare || 2 || kusumachaya rachita shuchivaasagehe | vilasa kusuma sukumaara dehe || 3 || chala malaya vana pavana surabhisheete | vilasa rati valita lalita geete || 4 || [ mrudu chala malaya pavana surabhisheete | vilasa madana shara nikarabheete || 4 || ] vitata bahu valli nava pallava ghane | vilasa chiram alasa peena jaghane || 5 || madhu mudita madhupa kula kalita raave | vilasa madana rasa sarasa bhaave || 6 || madhutara pika nikara ninada mukhare | vilasa dashana ruchi ruchira shikhare || 7 || vihita padmaavatee sukha samaaje | kuru muraare mangala shataani || bhaNati jayadeva kaviraaja raaje || 8 || ~~~~~~~~~~ tvaam chittena chiram vahannayam atishraanto bhrusham taapitah kandarpeNa ca paatumicChati sudhaasambaadha bimbaadharam | asyaankam tadalankuru kshaNamiha bhrookshepa lakshmeelava- kreete daasa ivopasevita padaambhoje kutah sambhramah || 6 || saa sasaadhvasa saanandam govinde lolalochanaa | sinjaana manju manjeeram pravivesha niveshanam || 7 || ~~~~~~~~~~


www.bharatiweb.com

|| raadhaavadana vilokana vikasita vividha vikaara vibhangam || (ashTapadee 22 )

raadhaavadana vilokana vikasita vividha vikaara vibhangam | jalanidhimiva vidhumaNDala darshana taralita tunga tarangam || harim ekarasam chiram abhilashita vilaasam saa dadarsha guruharsha vasham vada vadanam anga vikaasam || 1 || haaram amalatara taaramurasi dadhatam parilabhya vidooram | sphuTatara phena kadamba karambitamiva yamunaajalapooram || 2 || shyaama mrudula kalevara maNDalam adhigata goura dukoolam | neelanalinamiva peetaparaaga paTalabhara valayita moolam || 3 || tarala druganchala chalana manohara vadana janita ratiraagam | sphuTa kamalodara khelita khanjana yugamiva sharadi taDaagam || 4 || vadana kamala parisheelana milita mihira samakuNDala shobham | smita ruchi kusuma samulla sitaadhara pallavakruta ratilobham || 5 || shashikiraNa cChuritodara jaladhara sundara kusuma kesham | timirodita vidhumaNDala nirmala malayaja tilaka nivesham || 6 || vipula pulakabhara danturitam ratikeli kalaabhiradheeram | maNigaNa kiraNa samooha samujjvala bhooshaNa subhaga shareeram || 7 || shree jayadeva bhaNita vibhava dviguNeekruta bhooshaNabhaaram | praNamata hrudi vinidhaaya harim suchiram sukrutodayasaaram || 8 || ~~~~~~~~~~ atikraamyapaangam shravaNapatha paryanta gamana- prayaasenevaakshNos taralatara taaram patitayoh | tadaaneem raadhaayah priyatama samaaloka samaye papaata svedaambuprakara iva harshaashrunikarah || 8 || bhajantyaah talpaantam kruta kapaTa kaNDooti pihita smitam yaate gehaadbahir avahitaalee parijane | priyaasyam pashyantaam smarashara samaahoota subhagam salajjaa lajjaapi vyagamadiva dooram mrugadrushah || 9 || saanandam nanda sunoordishatu mitaparam sammadam mandamandam raadhaamaadhaaya baahvorvivaramanu druDham peeDayan preeti yogaat | tungou tasya urojava atanuvara tanornigatou maa sma bhootaam prushTham nirbhidya tasmaadbahiriti valitagreevam aalokayanvah || 10 ||


www.bharatiweb.com

jayashree vinyastaitmahita iva mandaara kusumaih svayam sindooreNa dviparaNamudaa mudrita iva | bhujaapeeDa kreeDaahata kuvalayaapeeDa kariNah prakeerNaasrug bindurjayati bhujadaNDo murajitah || 11 || soundaryeka nidherananga lalanaa laavaNya leelaajusho raadhaayaa hrudi pavale manasija kreeDaikaranga sthale | ramyoroja saroja khelana rasityaadaatmanah khyaapan dhyaaturmaanasa raajahamsa nibhataam deyaanmukundo mudam || 12 ||

|| iti ekaadashah sargah ||

~~~~~~~~~~

dvaadashah sargah || supreeta peetaambarah ||

gatavati sakheevrunde~mandatrapaabhara nirbhara- smarashara vashaakoota sspheeta smita snapitaadharaam | sarasamanasam drushTvaa raadhaam muhurnava pallava- prasarashayane nikshiptaaksheem uvaacha harih priyaam || 1 || ~~~~~~~~~~

|| kisalaya shayana tale kuru kaamini charaNa nalina vinivesham || (ashTapadee 23)

kisalaya shayana tale kuru kaamini charaNa nalina vinivesham | tava padapallava vairiparaabhavam idam anubhavatu suvesham || kshaNamadhunaa naaraayaNam anugatam anusara raadhike || 1 || karakamalena karomi charaNam aham aagamitaasi vidooram | kshaNamupakuru shayanopari maamiva noopuram anugati shooram || 2 || vadana sudhaanidhi galitam amrutamiva rachaya vachanam anukoolam | viraham ivaapanayaami payodhara rodhakamurasi dukoolam || 3 || priya parirambhaNa rabhasavalitamiva pulakitam atiduravaapam | madurasi kuchakalasham viniveshaya shoshaya manasija taapam || 4 || adhara sudhaarasam upanaya bhaamini jeevaya mrutamiva daasam | tvayi vinihita manasam virahaanala dagdha vapusham avilaasam || 5 ||


www.bharatiweb.com

shashimukhi mukharaya maNirashanaa guNamanuguNa kaNTha ninaadam | shrutipuTa yugale pikarutavikale shamaya chiraadavasaadam || 6 || maamati viphalarushaa vikaleekrutam avalokitum adhunedam | meelita lajjitam iva nayanam tava viram visruja ratikhedam || 7 || shree jayadeva bhaNitam idam anupada nigadita madhuripu modam | janayatu rasikajaneshu manorama ratirasa bhaava vinodam || 8 || ~~~~~~~~~~ pratyoohah pulakaankureNa niviDaashleshe nimesheNa cha kreeDaakoota vilokite~dhara sudhaapaane kathaakelibhih | aanandaadhigamena manmatha kalaayuddhe~pi yasminnabhood udbhootah sa tayorbabhoova surataarambhah priyambhaavukah || 2 || dorbhyaam samyamitah payodhara bhareNaapeeDitah paaNijai- raaviddho dashanaih kshataadharapuTah shroNeetaTenaahatah | hastenaanamitah kache~dhara madhusayanandena sammohitah kaantah kaamapi truptimaapa tadaho kaamasya vaamaa gatih || 3 || maaraanke ratikeli sankula raNaarambhe tayaa saahasa- praayam kaantajayaaya kinchiduparu praarambhi yatsambhramaat | nishpandaa jaghanasthalee shithilataa dorvallirut kampitam vaksho meelitamakshi pourusharasah streeNaam kutah sidhyati || 4 || tasyaah paaTalapaaNijaankitamuro nidraakashaaye drushou nirdhotou~dhara shoNimaa vilulitaah srastasrajo moordhajaah | kaancheedaama darashlathaanchalamiti praatarnikhaatairdrusho- rebhih kaamasharaistadadbhutam abhootpatyurmanah keelitam || 5 || vyaalolah keshapaashah taralitam alakaih svedalolou kapolou klishTaa drushTaadharashreeh kuchakalasharuchaa haaritaa haarayashTih kaancheekaanchid gataashaam stanajaghana padam paaNinaacChaadya sadyah pashyantee satrapam maam tadapi vilulita sragdhareyam dhinoti || 6 || eeshanmeelita drushTi mugdha vilasat seetkaara dhaaravashaa- davyaktaakula kelikaaku vikasad dantaamshu dhoutaadharam | shvaasannoddha payodharopari parishvangaat kurangeedrusho harshotkarsha vimukti nihsahatanordhanyo dhayatyaananam || 7 || atha saa nirgatabaadhaa raadhaa svaadheena bhartrukaa | nijagaada ratiklaantam kaantam maNDana vaanChayaa || 8 || atha sahasaa supreetam surataante saa nitaanta khinnaangee | raadhaa jagaada saadaram idam aanandena govindam || 9 ||


www.bharatiweb.com

|| kuru yadunandana chandana shishira tareNa kareNa payodhare || (ashTapadee 24)

kuru yadunandana chandana shishira tareNa kareNa payodhare | mrugamada patrakamatra manobhava mangala kalasha sahodare || nijagaada saa yadunandane kreeDati hrudayaanandane || 1 || alikula ganjana sanjanakam ratinaayaka saayaka mochane | tavadadhara chumbana lambita kajjalam ujjvalaya priya lochane || 2 || nayana kuranga taranga vikaasa niraasakare shrutimaNDale | manasija paasha vilaasadhare shubhavesha niveshaya kuNDale || 3 || bhramarachayam rachayantamupari ruchiram suchiram mama sammukhe | jitakamale vimale parikarmaya narmajana kamalakam mukhe || 4 || mrugamadarasa valitam lalitam kuru tilaka malikara rajaneekare | vihita kalankakalam kamalaanana vishramita shramasheekare || 5 || mama ruchire chikure kuru maanada maanasaja dhvaja chaamare | ratigalite lalite kusumaani shikhaNDi shikhaNDaka Daamare || 6 || sarasaghane jaghane mama shambaradaaraNavaaraNa kandare | maNirashanaa vasanaabharaNaani shubhaashaya vaasaya sundare || 7 || shree jayadeva vachasi jayade hrudayam sadayam kuru maNDane | haricharaNa smaraNaamruta kruta kalikalusha bhavajvara khaNDane || 8 || ~~~~~~~~~~ rachaya kuchayoh patram chitram kurushva kapolayoh ghaTaya jaghane kaancheemancha srajaa kabareebharam | kalaya valayashreNeem paaNou pade kuru noopuraa- viti nigaditah preetah peetaambaro~pi tathaakarot || 10 || yad gaandharva kalaasu koushalam anudhyaanam cha yadvaishNavam yat shrungaara viveka tattvamapi yatkaavyesha leelaayitam | tatsarvam jayadeva paNDitakaveh krushNaikataanaatmanah saanandaah parishodhayantu sudhiyah shree geeta govindatah || 11 || saadhvee maadhveeka chintaa na bhavati bhavatah sharkare karkaraasi draakshe drakshyanti ke tvaamamruta mrutamasi ksheeram neeram rasaste | maakanda kranda kaantaadhara dharaNitalam gacCha yacChanti yaavad bhaavam shrungaara saarasvatam iha jayadevasya vishvag vachaamsi || 12 ||


www.bharatiweb.com

ittam kelitateervihrutya yamunaakoole samam raadhayaa tadromaavali mouktikaavaliyuge veNeebhramam bibhrati | tatraahlaadi kuchaprayaaga phalayorlipsaavator hastayaa rvyaapaaraah purushottamasya dadatu sspheetaam mudaa sampadam || 13 || paryankee kruta naaganaayaka phaNaashreNee maNeenaam gaNe samkraanta pratibimba sankalanayaa bibhradvibhu prakriyaam | paadaambhoruha dhaarivaaridhi sutaam akshNaam didrukshuh shataih kaayavyooham ivaacharann upachiteebhooto harih paatu vah || 14 || tvaam apraapya mayi svayamvaraparaam ksheerodateerodare shanke sundari kaalakooTam apivatmooDho mruDaaneepatih | ittham poorvakathaabhir anyamanaso vikshipya vaksho~nchalam padmaayaah stana korakopari milannetro harih paatu vah || 15 || shree bhojadeva prabhavasya vaamaa- deveesuta shree jayadevakavasya | paraasharaadi priyabandhu kaNThe shree geeta govinda kavitvam astu || 16 ||

|| iti shree jayadeva rachitam shree geeta govindam sampoorNam ||

geeta govindam - bharatiweb

Documents