Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377 Hmasawnna Thar Vol - 33/217 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

thlaphur (may) 29, 2018 thawleni (tuesday)

GAS NEWS Agency : SASBooking :9th. April. , 2018 to 30th. April, 2018delivery :29-05-2018 (tUe) Time : 9AM - till stockstOCK : 306 @rate:Rs. 761/-

GAS NEWS Agency : KIM JOEBooking : 1st June to 13th. June, 2018 (ad-vance booking) delivery : 29-05-2018 (tUe) Time : 9AM - 11:30AMStock : 230

Commercial 5kg & 19 kg available

NEWS TOMkiMcHANcHIN LAKTAWI

Global Fund for sustainable development GermanyIMpleMentAtIOn AGenCy AGApe MUseUM, tUIBOnG

This is GOOD NEWS FOR NGOs who are registered under Manipur Co-Operative Society for three years or more and willing to work in rural areas of the Hill Districts of Manipur, under Global Fund for Sustainable Development-Germany Sponsorship.1. Enrolment period open till 31st May, 20182. All paper works should be completed on or before 15th June, 2018 and send to National Co-Ordinator, Global Fund India, Meerut, UP- Through mother NGO, Agape Museum Chura- chandpur.3. Project work will be started by the last week of July 2018 as instructed by the National Co- Ordinator, Golbal Fund India.4. All genuine NGOs including registered schools, churches, associations and clubs are invited to join the project for better implementation and development of Manipur.5. For details and complete information, please contact Mother NGO-Agape Museum, Opp. Tuibong Petrol Pump, Churachandpur Manipur.

sd/- J.C. ngura Hmar sd/- rev. dr lhunkhohao HaokipTYRDS, Rengkai Director Mother NGO for Hill Areas of Manipur.# 9436245040 Mobile: 9862059465 Email:acmc3@rediffmail.com

June 1 le 2 in NYK interview

CCPUR: Nehru Yuva Kendra, Churachandpur a Volunteer sin lakna dinga interview chu June 1 le 2, 2018 hai khin zingkar dar 11:00 AM in DC Office, Tubuong-ah nei ning a tih. Hi sin apply-tuhai chu a hun le hmun ruota hin mani original documents hai leh fe seng dingin H. Doungel, District Youth Coordina-tor, NYC, Churachandpur chun zani khan inthriettirna a siem.

Juvenile Justice Act, 2015 & POcSO Act le inzawmin Workshop neiCCPUR: May 28, 2018, 11:00AM khan Manipur Commission for Protection of Child Rights (MCPCR), Imphal huoihawtna le Na-tional Commission for Protection of Child Rights (NCPCR) sponsored-nain District Training Centre, Tuibong, CCPur-ah Juve-nile Justice Act, 2015 & POCSO Act, 2012 le inza-wmin ‘One Day District Level Workshop on Child Rights’ nei a nih.

Hun hmangnaa hin Lunkhomang Khongsai, Addl. SP (Law & Order),

CCpur; Shyam Lal Poonia, IAS, DC/CCpur; Mannu-amching, MCS, DC/Pher-

zawl han thu an hril bakah Sumatibala Ningthoujam, Chairperson, MCPCR chun Workshop nei nasan a hril. Technical Session huna chun Dr. Ch. Narendra Singh, Sr. Advocate/Lec-turer, LMS Law College/Legal Consultant, MCPCR in ‘JJ Act, 2015’ thupui hmangin thu a hril a, Thi-yam Rajkishore Singh, Ad-vocate/ Chairperson, CWC, >>sunzawmna phek 4-ah

Kum 100 tling lawmna

CCPUR: June 30, 2018-July 1, 2018 inkar sung khin Mualnuam SDO HQ, Mualnuam khuo kum 1918 a Biekin bawl a ni a inthawk kum 100 tlingna lawmna le Pathien kuoma law-mthu hrilna nei tum a nih. Mualnuam khuoa hin tuhin Biekin 3- EBC, PCI (R ) le CoC an um mek a, Biekin bawl a inthawk kum 100 tling lawmna hi Mualnuam EBCC inrawina hnuoia nei ding a ni a. June 30, 2018 khin Rev. S. Vung Mint-hang, General Secretary, EBC in Church Centenary Lungdaw hawng a tih.

HWA Founding day organizing CommitteeCCPUR: Hmar Wom-en Association (HWA) 30th Founding day July 26, 2018 a hmang tumna le inzawmin Organiz-ing Committee indin a ni a, Chairman in Dr. John Pulamte, Secretary Nk. Sharonparmawi, Finance Nk. Rebecca Siemlien

le Members dingin Tv. LRS Puruolte, Pu Alan Famhoite, Pi JL Sawmi President, HWA-GHQ; Nk. Lalrinpui Treasurer, HWA-GHQ; Pu David Buhril Adviser, HWA-GHQ le Nk. Margareth Tryte Adviser, HWA-GHQ hai bakah Souvenir

Board dingin Chairman Dr. Immanuel Zarzosang Varte, Editor Dr. Grace Laltlingzo le Members dingin Pu Joseph L Infi-mate, Pi Lhingneichong Kipgen, Dr. Rothangpui, Dr. Ruth Lalsiemsang, Pu Alan Famhoite le Pi Mary Beth hai ruot an nih.

Chura-Sugnu Road black-topping thaw \an

CCPUR: November 26, 2017 a Pu Ginsuanhau, MLA & Chairman, MANI-REDA in Chura-Sugnu Road km. 26 a sei lampui siem dinga a lo vailiem ta chu lung le pil hai lampuia sung a ni hnungin zanita in-thawk khan Rengkai Leilak bul laia inthawk Blacktop-ping sin thaw \an a nitah. Blacktopping hi Reng-kai-a Tui\hapui leilak a in-thawk Khawpui sung tieng paw dinga siem \an a nih. Chura –Sugnu Road zero point Opposite, CCPur Police Station a inthawk Sugnu chenah Social and Infrastructure Develop-ment Fund (SIDF), Min-istry of Development of North Eastern Region (M/o

DONER) hnuoia Rs. 47.96 crore (total project cost) sanction hmanga siem din-ga ti a ni a, 1st instalment chu March 31, 2017 khan Rs. 23.98 crore a sanction ta a. Lampui siem dinga vailiem a ni hnung hin Cul-vert siem \ulna hmun haiah culvert siemin lung hai sung a ni a, tuhin blacktop-ping sin \an a ni ta a nih. Implementing Agency chu PWD/Manipur a ni a, Agency/contractor ruok chu M/s HVS Construction Materials Pvt. Ltd. Spe-cial Class Contractor Pat-soi Lamkhai, N.C. Road Imphal a n thung. Lampui hi thla 24 sung, November, 2019 chena zo dinga ti a nih.

Diarrhoea dangna dingin ei \hangruol a pawimaw: Health Ministerimphal: Health & Family Welfare Minister Mr L. Jayanta-kumar Singh chun, tulaia natna \ium takhai laia pakhat, mi tamtak thina la nih zing hri inleng thei Diarrhoea chu dang thei a ni a. Doarrhoea danga dingin ei renga \hangruol a pawimaw, tiin a hril. Hi thu hi zani May 28, Jawa-har Lal Nehru Institute of Medi-cal Sciences (JNIMS), Porompat, Imphal East, Conference Hall ah Diarrhoea dangna dinga inhrilhri-etna hapta Intensified Diarrhoea Control Fortnight, 2018 a hawng-na huna a hril a nih. Minister chun, Diarrhoea dangna ding chun inhrilhiet a pawimaw a. Ei inhrilhriet senga

mi tinin thaw dan ding ei hriet pha pha a dangna kawngah ei hlawtling chau ding a nih tiin a hril.

“Diarrhoea anga natna tium hi tienlai a inthawkin hriet a lo ni tah a. A umna sawt tak an tah. Natna upa tak an tah lei hin

a donaa khawm hin fimkhur tak le thiem taka thaw a ngai. Depart-ment pakhat chau thaw thei chi an tah nawh a, \hangruol a ngai. PHED, Health, Social Welfare le Education hai \hangruolin, hlawtling taka dangna ding chun thaw tak tak a tul tah” tiin a hril. “Khawtlnag hrisel tak neina dingin, naupanghai hrisel taka an um a ngai a. Naupang hrisel taka a um theina ding chun nu hrisel \ha a ngai a. Chuongchun, an dawt sawng peia an batkai vawng a nih” tiin a hril. Health Minister chun, hi Di-arrhoea hi lehathiem hai chun an dang dan ding le enkawl dan dinghai khawm an manfuk zung

zung a. Amiruokchu, mi mawl le lekhathiem lo, rural le tlangrama umhai ta ding chun hriet le zawm an tak em em niin a hril. “Hi lei hin sawrkar department hran hran hai \hangruolin, a veng dan ding le enkawl (dam) dan dinghai inhrilhiet vat vata dang dan ngaituo hi inhmaw taka thaw makmaw chu a nih” tiin a hril. Minister chun Diarrhoae natna vengna dinga tulai a \ha pawl taka hmang chu ORS le Zinc Solution a ni thu hrilin, ORS le Zinc Solu-tion um nawna hmuna hai khawm tiena inthawk ei lo hmang tah, ‘oral rehydration’ thawin Diar-rhoea sukdam thei a ni thu a hril a. >>sunzawmna phek 4-ah

By-Election a Tlangpui ralmuong, Nagaland-ah buoina suok, mi 7 man

Kohima: Lok Sabha seat 4 le Assembly Seat 10 haia By-Election chu a tlang-puiin a ralmuongin \ha taka zofel thei a nih, Nagaland-a polling station pakhata EVM hai le hmangruo dang suksiet suksiet vawng ti naw chu. North East a By-election nei vena chu pahni- Naga-land-a Lok Sabha (Parlia-mentary) election le Megha-laya-a Ampati Assembly contituency hai an nih. Nagaland-a vote thlak zat per centage chu 75% a ni a, Meghalay ah 90.42% a nih. Nagaland-ah chu Mo-kochung district sunga Aolengden Assembly Constituency a 13-Kubza polling station ah mipuiin polling station an suksiet a, EVM hai an suksiet bawk tiin CEO Mr Abhijit Singh

chun a hril. Nagaland Chief Elect-toral Officer Mr Abhi-jit Sinha chun, buoina le inzawm hin mi pasari man a nih tiin Indian Express a hril. “Chawhnung dar 1pm velin mipui hawn khat hun-gin a sunga sinthawtuhai po po an thuhne a. Polling station le EVM machine an suksiet a. Returning Officer a inthawka report ka dawng danin, mi 7 man nia chu voe thlak sunzawm dan a um naw thu a mi hung hril a. Re-poll nei dinga ruohm-an a nih” tiin a hril. Meghalaya khawm, South West Garo Hills dep-uty commissioner (district magistrate), Hazel Sangma chun, “polling chu a ral-muong hle” tiin, “tharum hmangna a um nawh a. >>sunzawmna phek 4-ah

Secretariat staffs han sin chawlsana nuorna an zawmimphal: Manipur Secre-tariat staffs han Manipur-ah 7th Pay Commission an hmatienga implement dinga ph<tna in zani khan an sin-thaw chawlsana nuorna an \an ve. 7th Pat ph<tna hin Joint Administrative Coun-cil of All Manipur Trade Unions’ Council (AMTUC) le All Manipur Government Employees’ Organisation (AMGEO) chun March 22, 2018 a inthawk khan sin chawlsana nuorna an lo nei \an tah a nih. Manipur Secretariat Services’ Association (MSSA) working presi-

dent Moirangthem Iboyai-ma chun, 7th pay thua hin sawrkar leh vawi tamtak inbiekna nei a ni tah tiin a hril. Chief Minister chun ‘fitment committee’ in re-port an peklut pha 7th pay lak dingin a hril a, com-

mittee in report an peklut hnungin, 7th pay lak thei a ni char ding am ti study nei dinga special financial board indin a rawt nawk a, sawrkarin mi a hlem kuol dana hin kan lung a awi ta nawh. Manipur sawrkar

sum ngirhmun kan hriet nawh a, iengkhawm nisien, thawktuhai hi ‘central pay scale’ pek ngei ding an nih tiin Moirangthem Iboyaima chun a hril sa bawk. Manipur Govern-ment Services’ Federation (MGSF) in thutlukna a siem dungzuia MSSA han nuorna hi an zawm ve a ni a, an thil ph<t sukpuitling a ni hmakhat nuorna an sun-zawm pei ding thu hrilin, Manipur sunga services tum tum khawmin an nuo-rna zawm dingin an inring zing niin MGSF thusuok chun a hril.

ADcc in council property an enfel:show cause notice an pek ding

CCpur: Autonomous District Council (ADC), CCPur ro le ram nei hai iemanizat document fel tak um lo le hmu zo lova a um leiin tulai hin document hmu zolo hai le a umsa hai enfelna an nei mek. Zanikhan Pearsonmun khaw saka um kum 2014 a Vocational Training Centre ding bawlna dinga inremna siema lo um tah Tuta Tun-

nu School of Nursing in an hluo Thongkhochin ram an enfel. Hi huna hin Khaipao Haokip, Chairman, ADCC; T. Paukhanlian, EM, ADCC, Thangboi Haokip, MDC; KC Chonsei, MDC bakah T. Kammuanlal Simte, CEO, ADCC hai an \hang. Vocational Training Centre dinga ADC in a

bawlna hi Thongkhochin ram a ni a, kum 2014 a 13th Finance Commis-sion hnuoia General Per-formance Grant 2012-13 le 2013-14 a April 28, 2014 a Rs. 25 lakh sanction hmanga bawl a ni a, hi huna hin a ram neitu Thongkhochin le ADC in May 5, 2014 in inremna siemin Lease Agreement ziek a, Thongkhochin in >>sunzawmna phek 4-ah

AYUSH Medical Camp nei

CCPUR: Zanikhan 2-As-sam Rifles le Singngat Phil-anthropic Organisation tum tum hai \hangruola huoi-hawtnain Singngat New Market Shed, HQ Veng-ah

AYUSH Free Medical Camp nei a nih. Medical camp hi Pu Ginsuanhau, MLA & Chairman, MANIREDA chun khuolliena \hangin a hawng. Medical camp a

hin AYUSH Department a inthawk doctor le staff mi 14 han damnaw hai an en a, vawisun hin la sunzawm nawk an tih. Medical camp hi Dr M Shyamjai Singh, Addl Director AYUSH, Ma-nipur khawmin a uop ve. Medical camp sung hin Ayurveda, Homeopathy hai hmang \angkai dan ding de-partment chun hrilhrietna nei bawk a tih. Zanita medi-cal camp a hin student 200 le khawsung mipui an ren-gin 1000 vel an \hang.

Meivar Harsatna phuhrukna ding source dang ei ngai: Dy cMimphal: Deputy Chief Minister Mr Y. Joykumar Singh chun, ei rama kawl-phemeivar ei mamaw zat phuhrukna ding chun, re-newable energy hi a \ha tak a nih” tiin a hril. Hi thu hi Uripok Ah-anthem Leikai Develop-ment Organisation, Imphal, Community Hall ah 500 Kilo Watts ‘grid connect-

ed roof top solar plant’ a hawngna hunah chief guest a nina anga a hril a nih. Minister chun, meivar lak suoktua ei hmang fossil fuel hai hi kum sawtnawte bo/rem vat an ta, chu huna renewable energy ei hman-gtak tak ding chu solar en-ergy hi a nih dinga nih tiin a hril. “Ei ni tin nun in\hang pei ang iziriin meivar ei mamawna khawm a pung deu deu a. Chu ei mamaw phuhrukna ding chun So-lar Energy hi ei pawimaw a nih. Nisa zung hmanga meivar siemna hi nasatakin ei inhril hmu ding a nih” tiin a hril. “Inchunga a inthawka Kawlphemeivar peksuok-

na hin khawtlang po po chawm thei a ta. Chubakah, power hmang seng nawhai chu power grid haiah za-wrin revenue \ha tak hmu theina a nih” tiin a hril. Hi project hi MANIRE-IDA le MSPDCL hai huoi-hawt a ni a. Uripok A/C biel pumpui khawm meivar a pek hne ding niin a hril. Uripok biel po po Street Ligh chu thla tahr June khin inbuk zo vawng an nih tah ding niin a hril bawk. “Street Light hai bawl zo vawng phat chu, zana rukru le suomhmang khawm tlawm sawt tang an tih” tiin a hril. a. Mipui-hai chu theitawpa sawrkar hmasaknahai lo thlawp pei dingin a ngen bawk. (DIPR)

JCILPS in ‘drive’ an thawimphal: Tulai hin Joint Committee on Inner Line Permit System (JCILPS) chun Manipur-ah a rammi nina nei loa chenghai za-wngsuokna ‘drive’ hrat takin an nei a, zani khan Thangmeiband Assembly Constituency huom sungah Aadhar, residential certifi-cates annawleh voter IDs mumal taka nei lo mi 56 an hmusuok. JCILPS chun drive hi Thangmeiband United Youth Club (TUYC) le \hangruola an thaw a nih. Drive chu Thang-

meiband Khomdram Se-lungba Leikai le Thang-meiband Hijam Dewan

Lekai haia thaw an ni a, mihriem chengna In 186 an dapna a mi 56 hai chu

mansuok an nih. Mana um hai lai chun local mi ni lo 2, an nuhmeihai hnam hming hmanga an hming thleng tah Wahengbam Asish Das le Thingbaijam James hai an \hang a, hieng ang ch$ng hlakhai an dem thu JCILPS chun thusuok siemin an pu-ong bawk. JCILPS thusuok chun In neitu han an In hluo dinghai documents \ha taka enfel a, local mi nina indik tak nei lo hai chu In inhluotir lo dingin ngenna an siem.

Bail a ngen naw leiin ni 15 sung custody-ahimphal: Bihari han Ma-nipur mihai an in\hi\haina video social media-ah a thedar leia man, PRJA con-venor Erendro Leichombam chu zani khan ama ang baw-ka video thedar ve midang 6 leh CJM Imphal West hmaa inlangtir an ni a, midang chu bail an ngenna pawm peka insuo vawng an ni a, Erendro Leichombam ruok chun bail

a ngen ve naw leiin ni 15 sung judicial custody (jail) a intang dinga a chungthu rel pek a nih. Erendro Leichom-bam chun thil iengkhawm a suksuol naw leia bail a ngen naw niin an hril a, a video share chu Manipur mihai a ngaivenna ni fawma police han an mawphurna an tlak naw zie an hriettirna niin a hril.

Hmasawnna Thar2thlaphur (may) 29, 2018 thawleni (tuesday) artiCle/health & employment news

Editorial Boardlalmalsawm sellate: Editor& Publisherroding l. sellate: Jt. Editor ramditum ralsun: Asst. EditorJoseph Joute: Co-Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

Editorial

Tuolsung & Imphal sunzawmnaVAWISUN THUPUIIn nauhai \hahnemngaitakin inchuktir in ta, in ina in \hung lai dam, lampuia in fe lai dam, in zal lai dam, in tho huna khawm in hril hlak ding a nih.- Deuteronomy 6:7

Malsawmna am AnsieIndia sawrkar chun a khuo le tuihai suk hmsawnna ding, sukchangkangna ding le dawmsangna dingin plan, programme, scheme le project chi hran hran an duong a. Indik taka thaw le hmang hai chun an sawr \angkai hle a, thil lawmum takel a nih. Ei ramah BJP \huoina hnuoia NDA sawrkar a hung um a inthawk lem hin chu hiengang thil hi a hung siem tam zuol a. Congress party sawrkar hun laia la um ngai lo le ei la hriet ngai lo thil thar tam takel an hung thaw ta a, an la hung thaw belsa pei khawm ring a um. Ei chengna Manipur state-a ngei khawm Congress party sawrkar hun laia an la thaw ngai lo thil thar tam tak an hung thaw \eu ta a nih. Mipuihai chun ei lawm a, ei hlim-pui khawp el. Sawrkarin scheme thar a hung siem hai chang ve ngei tumin ei buoipui a, ei invirpui sup sup el a nih. A hmutlak hrim, a chang ve ding hrim le a fa ding hrim han an fak phak le an hmu phak lem hi chu lawm a um zuol bik. Lawm a um laizing hin ei thil hmu le dawnghai hi iengang chiein am ei hmang a, iengang chiein am ei thaw a, iengang chiein am ei sawr \angkaia ti ruok hi chu ei ngaituo chik hle nuom a um. Sawrkara in-thawka a thlawna pawisa ei dawng dam, thil dang dang ei hmu dam le man tlawm lema thil ei inchawk theihai dam hi a hmutu le a dawng hai ta dingin ansie an chang thei a nih ti hi ei hriet nuom a um. Hiengang thil hmu le dawng hai hin ei ta dinga malsawmna am ansie ti khawm hi ngaituo chet chet hlak ei tiu. Indiknawna, ringumnawna le thabona hai mi petu a hung ni pal chun nakie tienga ei hembawk ding a la hung ni thei a nih. Ei ta dinga thil\ha ei sawn khawm hi thil\ha lo hung inchang thei ngai a nih ti hi hriet tlat ding a nih. Africa ram khu entirna \ha tak a nih. Tuta hma chun Africa ram khu kumpinu le Dutch hai awp hlak a nih. Lunghlu le rangkachak a tam a, chu bakah mi-hriem an mawlin an rethei em em hlak. Europe le America-ah dam sala sawr dingin sumdawngnain an hmang hlak. Ei hla hriet inlar em em el, “Hmangaina mak, mawi le ditum” ti phuoktu Rev John Newton khawm kha a piengthar hma chun Africa rama mi-dumhai ramdanga zawra sumdawng hlak a nih. Africa ram hi a lum a, Malaria natna a tam a. Chu bakah a mi chenghai hi kawlsen, tuolthat khawm pawisa lo an ni leiin mingo han an um chil pei naw a. Ralkhata inthawkin an awp hlak. Awlsam taka an awpkhum theina dingin sum le pai invetchil dingin pawisain an vur nghek nghek hlak a, hmang \angkai dan hlak an inchuktir si naw a. Chuongchun Africa ram \huoituhai chu thuneina inchuin an hung phek buoi ta hlak a nih. Kumpinu sawrkar chun London a inthawk a nuom dan danin a tuoivir thei hlak. An ram \huoitu han thuneina le sum le pai ringawt an invetchil ta leiin ram venghimna le hmasawnna hai chu an thlathlam a. Sum le pai hmu theina ding a ni phawt chun ieng hmangruo khawm hmang an hniel ngai nawh. Hi thil hin Corruption le ralthuom laka helna a hung rasuok a. Tuchen hin Africa ram tam lem chu helpawlhai leiin ram ral\ina hmun a hung ni ta a nih. Tuolsung buoina leiin sawrkar nghet a ngir thei naw a. An ram \huoitu han ram venghimna le hmasawnna an ngaitha leiin an \am em em zing a. Fak ding nei lo lei le helpawlhai \itna leiin mi maktaduoi telin an ram suoksanin ram dangah an raltlan a nih. UNO in Peace keeping Force hai tirin pawisa cheng tlukledingawn tela a \hangpuina hai chun umzie a nei hlei thei nawh. Lungril fima ngaituona hmanghai chun mani kea ngir thei lo dinga a thlawna sum le paia lo vur hlaktu min-gohai hi ansie inlaw ngei an tih. Hmasawn le changkang ei nuom em em lai hin ien-gang chie am a ni a ti ei ngaituo chik a \ul hle. World Council for Churches (WCC) chun kum 1975 khan Africa ram khawpui pakhat Nairobi-ah inkhawmpui an nei a, hmasawnna chungchang an hriltlang a, chu taka an resolution chu, “Hmasawnna thiltum chu retheina bawia intanghai sansuok, rorelna indik indin, mani kea ngir thei dinga mipuihai buotsai ti le kawng tinrenga hmasawnna intlungtir a nih. Hieng a ni lei hin sawrkar ei inkhina ding pawimaw tak chu, “An hun sungin mani kea ngir thei dingin ieng chen am mipui an enkawl’ ti hi a nih. Sawrkarin a thlawna sum a sem dam, thil dang dang a sem dam, scheme hran hran a siem dam, grant, sanction, scholarship, welfare scheme etc a siem hai hi a \ha ie. Sawrkar chun a khuo le tuihai \hatna ding, hmasawnna ding le changkangna ding a thaw hi a mawphurna le a thaw ding hrim a nih. Amiruokchu, hieng thil hai hi mipui han hmang suol lova hmang indik ding, in le lo inbengbel theina le buripna din-ga hmang ding an nih. Mani kea ngirsuok theinaa ei hmang lem chun a \hapa tak a nih. Sawrkara scheme chi hran hrana thil ei dawnghai, ei zawrsawng nawk dam, smart phone, two wheeler, TV le Refrigerator inchawkna dama ei hmang chun ei hmang suol let der tina a nih. BPL/AAY ni si lo, BPL/AAY a inziek lut dam, mihai BPL/AAY Card hijack a sawrkar scheme iemani lo va lak ti dam hi suol a nih. In\hanglienna le vangneinain hmang nawng ei ta, ei ta dinga ANSIE a la hung ni ding a nih.

sam 23 inlet hautaKZieBy:L.Keivom

-sunzawmnaEini ta dinga buoium ruok chu ‘Chawlna tuipangahai a mi \huoi hlak” (He leadeth me besides the still waters) ti hih a nih. A khaw lai tak hi’m a na tui pang chu? Tuiin pang a nei hrim hrim hlak am? Hi hi mihriem pang (body) le ei hril kawpna a ni nawh. Hi thil hi ‘pang’ le ‘kam’ umzie hre hrang loa indik lo taka ei hmang lei a nih. Tuiin varuom a hrut thuk, a sir bang anga ngir hi vapang (vadung pang laktawi) a ni a, chu ko tawpa zawl lo um, chawl hadam theina hmun kha ‘vakam’ (vadung kam) a nih. Vapanga chu ei kawp amanih ei inkhai \ĕng \êng a ngai leiin chawl hadam thei a ni nawh. Vakamah a nih ei chawl hadam hlak. Vapanga hman chawl hadam thei a ni naw chun, tuipanga lem chuh, thil um hlak a lo ni palh khawmin, chawl hadam ngaina um naw nih. Chuong chu ni siin, ieng leia kum za chuong zet ei Baibul inlettuhaiin tuipangah mi’n chawl hadamtir an tum am ning a ta? A buotsaituhai mit a kêu thei naw a ni khawmin, a hmangtuhai mit bek ieng leia kêu thei naw? DV-a chuh chang 2-3 hi hieng ang hin sie a nih: 2 Hlo hna hring dup hmuna hai, A mi’n chawl hadamtir a, 3 Tui cham dêl kamah \huoiin, Ka hringnun a tuoi thar hlak. Felna lampuia hai chun, A hming leiin a mi \huoi.I bi chieng chun, ‘Chawlna tuipangahai a mi \huoi hlak” ti hi a thu luong dan le inzawmin chang 3-na bulah siein, “Ka hringnun a tuoi thar hlak” ti sentence-in a khar a. BSI sut le kan besan tak NRSV le NIV ruok chun inrem naw \utin chang 2-na tawpah “Tui cham del kamah \huoiin” ti hi ti hi an sie a, chang 3-na bulah ‘Ka hringnun a tuoi thar hlak” ti hih chang 3-na bulah an sie thung. Iengkhawm ni sien, DV-a ‘chawlna tuipang’ hmang ta lo a, ‘tui cham dêl kam’ ti kan hmang san hi hrilfie met \ûlin ka hriet. Beram hi ran intlaw el khawm ni lo, an khaw hmu a tawi a, tui luong lai an pal chun an lu a’n hai nghal a, dawn khawm an dawn ngam nawh. Chuleiin. Beram chu tui intling, luong loa tui pek an ngai leiin, dil kamah an \huoi naw leh vadung sirah tui an lak peng a, tuikhur ding an huot a, chu taka tui intling chu an indawntir hlak. “Tui cham dêl” ti hin tui intling amanih dil, luong lo le infawn lo tina a kawk el bakah a hla \awng hlie hlie a, ngaituonain chieng takin ei mitthla nghal thei a nih. Inlet harsa dang chu chang 3-naa a hming leia felna lampuia a \huoi thu a hril hi a nih. ‘Felna lampui’ (paths of righteousness) a ti hi iem ning a ta? Hi \awnghmang hi KJV-a mi a na, KJV le a zawlpuihai chun iem a hril a nih ti hre chieng naw hai sien khawm an tawk chang ngam hri naw a ni tak. Eini khawmin an inlet dan anga ‘felna lampui’ ti-a ei inlet hi tluong zutin ei hriet ni ding a na, DV-a khawm chuong ang chun kan sawm ve pei. Pathien chu Felna Pathien a ni leia a hming chawi zo khawpa fela a \huoi thu a hrilna a ni chun, Davida nuna thil tlung \henkhat leh an inhme ei ti thei ding am a ni? Krista ei ringna leia fela ruot ei nina leh ei bel kawp ding chun, Davida kha Isu pieng hma kum 1000 laia lo khawsa tah a ni bawk si. Felna lampui (paths of righteousness) ti-a an inlet hin ran vaituhai hlaah (pastoral poem) sakhaw rawng an inkaitir a, a \ha hle. Tu laia Baibul inlettuhai ruok chun berampuin a beramhai lampui indika (right paths) an \huoi thu tar lang zawnga inlet chu pawimaw an sak lem. A ieng am a chieng lem: felna lampui am lampui indik?

Valley of the shadow of death Chang 4-naa hin hril fie intak zuol \awngkam, ‘thina hlim ruom’ (valley of the shadow of death) ti-a ei inlet hi a um a. Hi khawm hi KJV \awngkam hmang, a ngiel a ngana ei inlet (formal equivalent) sawng a nih. ‘Thina hlim ruom’ chuh thinain thla a zâr zingna, hmun inthim

le sà mup, John Bunyan tienami Pilgrim’s Progress-a ‘NOW at the end of this valley there was another called the Valley of the Shadow of Death; and it was necessary for Christian to pass through it because the way to the Celestial City was in that direction. Now this valley was a very solitary and lonely place. The prophet Jeremiah describes it as, “A wilderness, a land of deserts and of pits, a land of drought and of the shadow of death, a land that no man” (except a Christian) “passes through, and where no man dwells” ti-a a ziek kha a nih. Kum 1993-a Davida beram vengna hlak hmun le Isu pieng thu hrila vanmihaiin hla pawl an hung remna hmun nia an hril ka fang ve \um khan ramngaw hmu ding a um ta naw a, sahuoi sahrang an um ta nawh. Tuta an sahuoihai chu AK-47 chawi, Palestina firfiek ruol an ni tah. Davida hun lai ruok khan chu ngawpui vawng, ramsa \ium an invak sup supna hmun a ni ring a um. Lal a ni hnung daih, a naupa Absalomin a’n dopui \um khan Efraim ram ngawpuiah an inbei a, “kawlhnâma thi nêkin ram ngawpuia thi an tam lem” ti 2 Samuel 18:8 ah ei hmuh. Chu chun thi el theina hmun, thina hlim ruom, a tam ding zie ngairuot thei a nih. Thlarau thila lak lem chun, Upa Ngama’n, “Thina thim hnuoia ka’n \hung laiin” tia hla mawi taka a lo sak suok kha, mi tin chungah indik kumkhuong a tih. Sienkhawm, “Pielral khawfing a hung chat ka lungrilah” tiin lawmna le thlamuongna thuin a sunzawm nghal a. Chu char chuh Davida hla khawm hin a hril a nih: Thina hlim ruom hraw lang khawm, Thil \ha lo hrim \i naw ning, Nang ka kuomah i um a,

I hmawl le i funghrawl chun, An mi sukthlamuong si a.

prepare a table Chang 5-naa hin hmelma huol vel kara hnienghnâr taka Pathien ditsakna, humhimna, hausakna le malsawmna ren ruol lo a tlănzie thu, a dittawka zu le sa chĕn ding a nei zing thu, a zu no khawm phai hman loa liem pâr păra a sung sippek zing thu, thu a hrilna a nih. Chu dinga \awnglamkei a hmang chu ‘dawkan buotsai’ (prepare a table) ti a nih. “Dawkan hung buotsai ta ro leh” ei ti chun ei thlaithleng kil ding dawkanah hung sie tah dinga ei hrilna a nih. “Bu hung thur ta ro leh” ti ang char a nih. Hnienghnâr taka thlaithleng ei kil ding chun bu le sa ringawt ni loin, dawn ding zu \ha le theitui chi hrang hranga siem le thil dang dang a \hang sa a ngai. Eini rawi chun zu le sa ei ti pha leh ei mengphawk nghal. Uoiin le bei amanih, sa le uoiin ei ti ruok chun ei ngai a \ha. Ei mawl leia mi kalchar le ningkhawng ei hriet naw lei a nih. Uoiin hi zu a ni a, zu po po ruok hi chuh a siem dan zirin uoiin a ni nawh. Israelhai kalcharah uoiin hi a ser laia a mei ang, hlanbieka chen khawm, abikin bu le bal thilhlânah, an hmang makmaw a nih. An Pathienin mal a sawm ding le ding naw a hrilna chu uoiin an hau ding le ding naw-ah a nih. Chu thu chuh Davida’n thuthup hmangin hieng hin a lo hril a nih:

5 Ka hmêlmahai hmû ngĕiah, Ruoi i mi buotsaipek a, Ka lu-ah hriek i năl a, Ka no i sung sip zing bawk. 6 I \hatna le hmangainan, Dam sûng mi zui ngĕi a ta, LALPA inah inlawiin, A chun chêng kumkhuong ka tih. Ka lo titi sawt taluo tah leiin, thuthup (euphemism) hmanga mawi eltienga chang ngana a hang sep rawtui vel hi hang sep kuol ve chak um hle sien khawm, hieng hin la maksan hri phawt ei tih. Tuta ei hril tah poa inthawk khawmin thu inlet hautakzie chu ngaidan ei nei thei phuor tah ka ring.( July 23, 2016 Saturday, Delhi).

tripura Cm in Cm hlui manik sarkar sawrkar ‘report card’ a ph<tAGARTALA: Tripura Chief Minister Biplab Kumar Deb chun, CM hlui Manik Sarkar in Tripura sawrkar inthlak thleng hnungin Tripura-ah sin le fak le dawn thuah buoina nasatak a um a ti chu theitawpin a hnawl a, a dawnletna in CM hlui sinthaw hai suklangna dingin ‘progress card’ a ph<t. Mr. Deb chun, Tripura state sungah fak le dawn har-satna thu khawlai khawm report a um nawh a, opposition CPI-M hin a thaw dan pangngaiin, mipuihai sukbuoina

dinga thu bulbal um lo intuma a siem nawk a nih tiin a hril. Sawrkar thar thla 2 le a chanve chau hin MGNREGA hnuoia sinthawna hlaw khawtin ta ding a peksuok a, hi thil hi Manik Sarkar a sawrkarin nikum November thlaa inthawk a suktawp tah a nih. BJP sawrkar chun fund a peksuok chau dittawk lovin, tlangram khawtin-ah officials a tir a, mirethei han sin thawa ham\hatna tum tum an hmu ding an hrilhmu a nih tiin Mr. Deb chun a hril.

Bank fraud leiin banks 21 in Rs. 25,775 cr an inhmangnew delhi: Kum 2017-18 sung khan Public Sector Banks (PSBs) 21 han banking fraud leiin Rs. 25,775 crore an inhmang tiin RBI in RTI hmanga indawnna a dawn. RTI chu Chandrasekhar Gaud a file a ni a, RBI in a hril pei dan chun, banking fraud leiin India a banks lientak dawttu Punjab National Bank (PNB) in Rs. 6,461.13 crore an hmang a, PSBs hai laia an hmang rawn tak a nih tiin a hril. PNB chun rangkachak sumdawngtu Nirav Modi le a sinthawpui Mehul Choksi han Rs. 12,636 crore anghu an hlemna leia an hmang rawn bik a ni a, hi chungthu hi CBI, ED le IT Department han suina an nei zing a nih. RBI dawnna in a hril pei dan chun PNB hi State Bank of India in a dawt a, SBI chun Rs. 2,390.75 crore anghu banking fraud leiin an hmang a nih. Banking fraud leiin

Bank of India in Rs. 2,224.86 crore an hmang a, Bank of Baroda in Rs. 1,928.25 crore, Allahabad Bank in Rs. 1,520.37 crore, Andhra Bank in Rs. 1,303.30 crore, UCO Bank in Rs. 1,224.64 crore, IDBI Bank in Rs. 1,116.53 crore, Union Bank of India in Rs. 1,095.84 crore, Cen-tral Bank of India in Rs. 1,084.50 crore, Bank of Maha-rashtra in Rs. 1,029.23 crore, Indian Overseas Bank in Rs. 1,015.79 crore, Corporation Bank in Rs. 970.89 crore, United Bank of India in Rs. 880.53 crore, Oriental Bank of Commerce in Rs. 650.28 crore le Syndicate Bank in Rs. 455.05 crore hai an inhmang bawk a nih tiin RBI in RTI hmanga indawnna a dawn a, banking fraud hai chu Rs. 1 lakh le a chungtieng hai chau list-ah suklang a ni thu a hril bawk.

Assam-ah exam a enruk thaw an tamtakGuwahati: CBSE in Class XII board exam a huoihawt sung khan enrutu 110 mansuok an ni a, enrutu chu Assam-ah an tamtak niin CBSE thusuok chun a hril. Nikum khan CBSE board exam-ah enrutu 119 mansuok niin tukum nekin an tam lem bawk. CBSE record dungzuiin, board exam sung khan Guwahati centre-ah enrutu 32 mansuok niin nikuma mi 27 nekin an tam lem a, Guwahati chu mi 19 mansuokna Delhi in a dawt a nih. Delhi a hin nikum khan enrutu mi 8 mansuok an nih. Enrutu tamna tak a 3-na chu Panchkula niin mi 16 mansuok an nih. Nikum khan Ajmer-ah enrutu 54 mansuok niin a tamtak a ni a, tukum ruok chu mi 8 chau mansuok an ni tah. Regional wise a pass percentage tamna tak Thiruvananthapuram a chun en-rutu 1 chau man a nih.

Pa siem dan training \anCCPUR: District Rural Development Agency (DRDA) hnuoia Project Implementing Agency huoihawtnain May 30, 2018 chen aw dingin District Training Centre, Tuibong, CCPur-ah PMKSY (IWMP) Project hnuoiah Musroom Cultivation Training programme nei \an a ni a, Pu Shyam Lal Poonia, IAS, DC/CCPur chun training hi a hawng. Training a hin . Mushroom IWMP Project hnuoia um Self Help Group, Watershed Committee, Watershed Devel-opment Team, User Group, Farmers Group hai an \hang tawl a, resource person in KVK/CCPur an \hang.

Solar Battery inrutu manCCPUR: May 26, 2018 zingkar 4PM vel khan New Bazar-a nuhmei bazar a Solar Battery inruk a ni a, an rutu Mr Lunminlal (29), s/o Jamkhomang of Zalenphai chu sinthawtu han an man niin T. Kammuanlal Simte, CEO, ADCC chun Police-ah report a pek. Mana um pa hi Police a peklut a ni hnunga thu indawna nei hunah Bus parking le a sevela Solar battery 5 khawm midang leh \hangruolin an lo inruk ta hlak niin an puong. Hi le inzawm hin Police chun FIR No. 46(5) 2018 CCP-PS U/S 379 IPC an register a, CJM chun May 29, 2018 chen PS Custody-a la um phawt dingin a rel.

MSPScWA president dingin Seikhojam KipgenKanGpoKpi: Elite Higher Secondary School, Kangpok-pi Principal Seikhojam Kipgen chu Manipur State Private School and Child Welfare Association (MSPSCWA) Presi-dent dinga ruot nih. Mr Seikhojam Kipgen hi Private Schools and Child Wel-fare Association National President Shamael Ahmad in a ruot a ni a, appointment letter hi zanikhan a dawng a, ap-pointment letter a hin Private Schools and Child Welfare As-sociation office Secretary Fauzia Khan in hming a ziek. Mr Seikhojam Kipgen hi General Secretary, Hill District Private Schools Association, Manipur chel lai a ni bawk. (UNA)

Nemcha Kipgen in MSCB Ltd Yairipok Branch a hawngimphal: Social Welfare and Cooperation Minister Pi Nemcha Kipgen in zani khan Yairipok Bazar-ah Manipur State Cooperative Bank (MSCB) Ltd. Yai-ripok Branch a hawng. Hi huna hin Wangkhem A/C MLA K. Meghachan-dra Singh, Cooperation Principal Secretary J.C. Ramthanga, MSCB Man-aging Director A. Subhash Singh le mi pawimaw tum tum an \hang. Khuollien Pi Nemcha

Kipgen in thu a hrilna a chun, Manipur State Coop-erative Bank (MSCB) Ltd. hi Manipur state apex bank a ni angin a state mipuihai ta dingin pawimawna insang

tak a nei a nih tiin a hril. MSCB hin Manipur mihai socio-economic ngirhmun nasatakin a dawmsang a, loneitu, puongkhawngtu le handicrafts thawhai tak

takin an sawr \angkai zuol a nih. Hieng anga Manipur mihai hmakhuo ngaia sin-thawtu hi loan latu khaw-min a hung takah a loan a rul hlak a \ul a nih. Mani-pur-ah ‘cooperative move-ment’ a hung hlawtling pha chun, tuta nek hin mipuihai ngirhmun dawmsang zuo-lin um a tih tiin Pi Nem-cha Kipgen chun a hril a, Yairipok le a se vela um han MSCB fethlenga ham\hatna tamtak dawng dingin ditsakna an hlan bawk.

UNLF cadre pakhat man a nih

imphal: Moreh Police Commando hai chun zani zantieng 3:30PM khan United Liberation Front (UNLF) cadre pakhat chu Sunrise Grond, Dalpati,

Moreh Ward No. 1 hmunah an man. Mana um hi Haorong-bam Ranjit @ Lumba (40) s/o Haorongbam Zila of Keibi, Lausangkhong, Lamlai, Imphal East niin kum 1996 a kha UNLF lo zawm ta le 12 batch hnu-oia Eastern Nagaland-a ni 50 sung training lo nei niin tuta a rank chu s/s Captain nii a army number chu 561 a nih. Tuta a umna hmun tak chu Thongren, Myan-mar a UNLF GHQ a nih.

JSSK/JSY sum sem a nih

CCpur: Janani Shishu Suraksha Karyakaram (JSSK)/Jansankhya Sthirata Kosh (JSK) hnuoia Nuhmei nau nei hai kuoma sawrkarin \hangpuina sum a pek hlak chu zani 10:30AM a inthawk khan District Hospital, CCPur Mater-nity Ward bula JSSK/JSY Cell-ah sem a nih. Zanita JSSK/JSY sum sema um hi January, 2018 chena nau nei hai an ni a, mi 50 vel kuoma sem a nih. June 1, 2011 a kha hi thil hi National Health Mission (NHM) hnuoia \an a nih.

laKtawi

3thlaphur (may) 29, 2018 thawleni (tuesday) national/international & adVertisement Hmasawnna Thar

SIELMAT CHRISTIAN HIGHER SECONDARY SCHOOL Sielmat, Churachandpur

NOTICE TO APPLICANTS FOR CLASS XI

New students applying for Class XI are informed to submit their ad-mission application forms not later than 1st June, 2018 (Friday) as there are very limited seats.

For old students who have passed Class X from SCHSS, the last date for admissions into Class XI is 29th May, 2018 (Tuesday).

-Principal SCHSS (28 &29)

VIsIOn ACAdeMyRengkai, Churachandpur -795128, ManipurCoHSEM Recognised-1/321/01/HSC

ADMISSION NOTICEAdmission open for class XI (Arts & Science) for Aca-demic Session 2018. Admission form and prospectus can be obtained from the office during office hour (10:00 am - 2:00pm)subject Offered (Arts)1. English 2. History 3. Political Science4. Education 5. Sociology 6. Geography7. MIL/Alternative Englishsubject offered (science)1. English 2. Biology 3. Chemistry4. Physics 5. Mathematics 6. Geography7. MIL/Alternative English

sd/- principal(27,28,29,30,31)

mount Carmel schoolMuolvaiphei, Churachandpur.

Admission OpensFor Class Xi arts & science

subject offered:arts : Pol.Sc, History, Education, Geography, Sociology

sCienCe : Physics, Chemistry, Biology, Maths, Geography

Details information, prospectus & admission forms are available at School Office during school office hour on all working days.

sd/- principal(29,30,31,1,2)

Office of the

tn HAOKIp FOUndAtIOnRegd. No. 1/2008 (Registered under Indian Charitable Trust Act, 1882)Head Office: Gibeon Cottage, Bijang, Churachandpur-795128

nOtICeBijang, the 26th May, 2018

The TNHF Churachandpur Express our heartfelt Con-gratulations to all the successful students in the HSLC Exam, 2018 (BOSEM) within 59-Saikot Assembly Con-stituency. To bring quality education and to encourage students and schools within 59-Saikot A/C in the field of Matchs & Science, the foundation is inviting application from deserving students & Schools for its 14th Meritori-ous Awards.sl. no. name of Award Amount

1 All Round Topper Award 20,000/-+Certificate

2. Mathematics Topper Award 15,000/-+Certificate

3. Science Topper Award 15,000/-+Certificate

4. School of the Year Award 10,000/-+ Certificate

rUles:1. Applicant (student/school) must be permanently re side/settle within 59-Saikot A/C CCPur.2. The School, which he/she had passed the HSLC Exam 2018, must be within 59-Saikot A/C and under BOSEM.3. Subject Topper Award (i.e Maths & Science), shall be given to the second highest Scorer (applicant) if the highest mark scorer is selected for any other Award, on the basis of one person one Award.4. Last date of form submission to TNHF office : 29th May 2018, 4:00PM5. Application form available at: 1). Gibion Enterprises, Bijang, CCPur 2) Jalhai Printers, Tuibong CCPur

sd/- thongkai HaokipSecretary.

china-in South china Sea Laia US Lawng Luthai Sawisel

BeijinG: Suotieng milien hrat deu deu le khawvela economy insangtak dawt ni tah, China chun South China Sea laia US lawng ruol luthai chu a sawisel a. China-in a rama a ngai laia US lawng lien pahni hung luthai chungah a ‘lungawi naw hle’ niin a hril. Hi hin boruok a suksang niin a hril. Chinese foreign ministry chun Pathienni khan thusuok siemin, South China Sea laia

Paracel Island, China ta biela US lawnglien pahni an hung chu ‘nasatakin a sawisel’ a nih tiin a hril. US military chun, hilai biala mi tinin ‘freedom of Navigation” (nuomna na fe theina) an nei ti suklangna dinga a thaw niin a hril. US chun South China Sea lai hin hmun hau bik ruok chu a nei nawh a. Khawvel rambung a nuom taphawtin anhraw thei le

hraw hlak a nizie suklangin, China-in a ram bik ang zie zanga a hau bura, a rengin ‘ka ta’ a ti khawm a kal niin a hril.US Navy hai lawng Higgins le Antietam warships, De-stroyer le Cruiser hai chun, phalna iengkhawm la lovin hilai hmun hi an lut a. China chun lo dangin ‘verification le identification’ a thaw zo hnungin lawng pahni chu a tir kir niin a hril. Hi thil hi China-in hi lai thlierkar chungah a vuon-gnahai a tir lut zo kar khat hnunga tlung a nih a. ‘Thu-neina inchuna’ le ‘inentirna’ a nih tiin political oberver hai chun an hril. Kha thil kha US chun a theida hlea, tu ta bik khawm an nawh ti suk-langna dingin lawnghai hi a tirlut niin a hril. (Reuters)

North Korea Le Inbiekna Ding Lampui Siem Zing A Nih: Trumpw a s h i n G t o n : U S President Donald Trump chun, North Korea le inbiekna Summit neina ding kawng le lam zawngin US team hai chu Pathienni a inthawk khan North Korea ah umin Kim Jong Un pawlhai leh an inrawntlang zing a nih, tiin a hril. Hi hma met khawm hin State Department chun, South Korea le North Korea inrina Militarized Zone DMZ ah US le North Korea team hai chun inbiekna a um theina ding lampui zawngin an inrawn khawm niin a hril. President Trump chun May 24 khan June 12 a inbiekna ding chu \hul a nih thu lekha thawnin Kim

Jong Un a hril a. Khawhnung metah Twitter ah ‘nei a la ni tho tho el thei” tiin a comment nawk a. Chu beiseina chu bawzuiin, North Korea inbiek a la nuom bawk leh an bawzui tah a nih. Twitter ah “Kim Jong Un le kan inbiekna ding ngaituo pawl US team hai chu North Korea an tlung tah. North Korea khi ni khat

chu economy ropui tak le financial power house a la hung ni ngei ka beisei a nih. Hi kawnga hin Kim Jong Un-in a mi pawmpui chun, la hung ni vat a tih” tiin a tweet. Inrinni khan Kim Jong Un chun South Korea President Moon Jae-in chu ‘informal’ taka inhmupui a nuom thu hrilin, Panmunjom DMZ ah an hmupui a. Thawk hni lai

inkuo puiin, US le inbiekna a um theina dinga hma lapui dingin a ngen chiem a. Korean Peninsula nuclear bomb um lova siem a nuom tak tak thu a hril a. Chu dungzuia Moon-in President Trump a hril a nih. Secretary of State Mike Pompeo chun inbiekna dinga thil buoipuitu dingin American diplomat Korean mi Sung Kim a dande a. Chun, ni kuma CIA director a ni laia an din team chu hmang an nih bawk a. North Korea an inzin vawng a nih. Team pathumna chun inbiekna a um tak tak chu security buoipui dingin Singapore an um zing tah bawk. Tuta \uma palaia hmang Sung Kim hi South Korea

le Philippines ah khawm US ambassador lo ni ta a nih a. Chun, 2005 a George W Bush Presidnet a ni laia North Korea le bawk Nuclar bomb thua inbiekna neina dinga buoipuitu kha a nih. Inbiek hi North Korea a nuom lem tah a. Inrinni lem khan chu South Korea President Moon a nawrin a nawr a ni tak, Trump inbiekpuia inbiekna nei dinga nawr dingin. Inbieknaa h in Nor th Korea chun US a inthawkin ‘security protection’ le ‘economic sanction hlip’ a beisei a. An ram security protection a um thei ding phawt chun Nuclear bomb a mamaw naw a vel a velin a hril. (Reuters)

Telangana in pen-sion kum a suksei

hyderaBad: Telangana sawrkar chun sawrkar thawk-tu pension kum 58 ni hlak chu kum 65 in a suksei tah. Hi thutlukna hi zanita state Cabinet meeting in a siem a ni a, ‘farmers insurance scheme’ proposal um khawm Cabinet chun a approved bawk. Farmers scheme chu loneitu kum 18 le 60 inkarhai life insurance Rs. 5 lakh chen pekna ding a nih.

Rohingya Raltlan Iemani Zat An Khatin An Hung Kir: Myanmary a n G o n : M y a n m a r sawrkar chun, Rohingya raltlan iemani zat chu anni thu volunteer in an lo hung kir a, an umna dinga siem transit camp haiah thawn vawng an ni tah tiin a hril. Raltlan hung kirhai hi an chungthu ngaituoa ngaidam ding le ding naw la rel ding niin a hril. Ni kum August a in-thawka Rakhine state-a Ro-hingya Muslim le a ram mi Buddhist hai buoina leiin Rohingya raltlan 700, 000 vel chu Bangladesh an lut tah a. An reng hin Cox Ba-zaar ah an um a, UN chun an rengin la kir nawk vawng dingin Myanmar sawrkar a

hril. Myanmar le Bangladesh chun \huoi kir nawkna din-gin inremna an siema chu vawisun chenin sukpuitling a la ni nawh. Thil umdan suituhai chun Myanmar sawrkar hin an renga lak lut nawk vawng chu a tum tak tak an ring naw thu an hril.

Chubakah, raltlanhai hin transit camp mei meia um ni lovin an khuohaia ngei kir nawk an nuom a. Chu chu Myanmar sawrkar hin a phal hmel tah si naw leiin hun iemani chen chu buoina hi chingfel lova la um ring a nih. Counselor Ang San Suu Kyi office thusuokin a hril

dan chun, Rohingya 58 chu Bangaldesh refugee camp ah an um thei hlawl naw leiin Thaw\anni khan Myanmar an hung kir a. Kir nawkna dinga siem dan fel tak an zui naw leiin ‘hrentang’ an nih a. Myanmar-a um nawk thei dinga ‘ngaidam’ an ni le ni naw an chungthu hriet hma chu transit camp ah sie la ning an tih” tiin a hril. UN Assistant Secre-tary-General for Human Rights Andrew Gilmour chun, “Myanmar sawrkarin raltlanhai \huoikir nawkna dingin iengkim peifel vawng a ni tah a tia chu, thil umdan enin a lan zozap naw niin an lang.

Punjab-ah Pakistan mi 1 man

FeroZepur: Punjab hmuna India le Pakistan ramri Ferozepur Sector, In-ternational Border (IB) lai zani zingkar khawvar hma khan Pakistan mi a ruka ramri kana India rama lut, Mohammed Asif (32) chu BSF han an man. Moham-med Asif a kuta inthawk Pakistan pawisa Rs. 1,200 an man a, Ferozepur police ku-tah peklut a ni a, a chungthu suizauna nei mek a nih tiin ei thu dawngna chun a hril.

CBSE Class X result a suok ding

new delhi: Central Board of Secondary Edu-cation (CBSE) chun vawi zantieng dar 4:00 PM hin Class X result a puong ding niin CBSE official thusuok chun a hril. CBSE Class X exam huna khan Delhi-NCR, Haryana le Jharkhand haiah ques-tion paper a leak leiin hun sawt tak buoina a um a, HRD ministry in thutlukna a siem dungzuiin states 3 haia hin exam nawn a nih. CBSE Class X chu students 16 lakh velin exam an pek a nih.

Ni 5 cham dingin PM Indonesia le

Singapore-ahnew delhi: Prime Min-ister Narendra Modi chu Indonesia le Singapore ram haia ni 5 sung thanghmang dingin vawisun hin New Delhi suoksan a tih. PM Modi chu May 29 le 31, 2018 inkar sung Indonesia-ah cham a ta, June 1, 2018 hin Singapore panin ni 2 chen cham nawk a tih.

congress thu ang peiin sin thawng ka tih: Karnataka cM

new delhi: JD(S) \huoitu le Karnataka Chief Minister H.D. Kumaraswamy chun mi tam takin Congress lunginsietna leia CM mawphurna chel thei a nih tia an hril vet zani khan a dawnlet a, JD(S)-Congress coalition sawrkar a hin Congress members a tam lem an ni leia an thu a hrat ding thu hrilin, Congress thu ang peia sin a thaw ding thu a puong. “Lunginsietna in ti vet hi iem a ni a? Congress hin ka party an thlawp a nih. Congress rawtna siem le a thlek dan peiin sin thawng ka tih” tiin Mr. Kumaras-wamy chun a hril. Mr. Kumaraswamy chun Karnataka

mipui 6.5 crore thlawpna ni lovin, Con-gress lunginsietna leia tlinga an hril nia intum a ni a, hi le inzawma chanchinbumi-hai zawna dawnna a hi thu hi a hril a nih. Mr. Kumaraswamy chu PM Modi inhmu-pui dinga New Delhi inzin a ni a, PM le Union Ministers tum tum an hmupui huna chun, Karnataka sawrkar tharin loneituhai dawmsang le an farm loan sukbo pek a ngaiven hmasatak a ni thu an tlun. PM Modi le Mr. Kumaraswamy chun Karnataka Bhavan, Delhi-ah inbiekna an nei a, chu huna chun Union Ministers \henkhat an \hang ve. PM inhmupui din-ga a suok laiin, Mr. Kumaraswamy chu chanchinbumi han an lo dang a, an zawna chu lungsen ang ela rawl pangngai lo takin a dawn a, “Congress lunginsietna dawng chu ka ni ngei, an mi thlawpna leia CM ngirhmun chel thei ka nih” tiin a hril. Kar-nataka mipuihai dawmsang a, an chanvo inhmutir dingin mawphurna pek ka ni bawk tiin Mr. Kumaraswamy chun a hril.

PM Modi in PMUY beneficia-ries hai an biekpui

new delhi: Prime Min-ister Narendra Modi chun zani khan hmun tum tuma Pradhan Mantri Ujjwala Yojana (PMUY) benefi-ciaries hai ‘NarendraModi App’ hmangin an biekpui. PM Modi chun, PMUY hin mirethei, mi hnuoihnung, Dalits le tribal hnam hai a dawmsang a nih tiin a hril a, hi scheme hin vantlang sukhmasawnna dingin sin tamtak a thaw a nih tiin a hril bawk. PM Modi in a hril pei dan chun, kum 2014 chen khan India mi 13 crore in LPG connection an hmu a, chu hnung kum 4 sungin 10 crore dangin connection an hmu nawk a, hi hmalakna hin abikin miretheihai na-satakin a \hangpui a nih tiin a hril. Ujjwala Yojana

le ‘safety measures’ thuah India ramsung hmun tum tumah LPG Panchayats huoihawt a ni tah tiin PM Modi chun a hril bawk. Inbiekna an nei huna hin Odisha a Mayurbhanj khawmi Suchsmita Kabata chun Ujjwala scheme in a hringnun a thlak danglam zie thu a hril. Chhattisgarh nuhmei pakhat khawmin ama hringnun a dawm-sang bakah an sungkuo in an \hathnempui thu a hril ve. Anantnag, Jammu and Kashmir a nuhmei inza-wmkhawm pawl pakhat khawmin PMUY leia an lawm zie suklangna dingin, PM Modi ta dingin ni tina \awng\ai dingin an intiem a, PM Modi chu India PM hung ni zawm pei dingin ditsakna an inhlan.

Helpawl chetna-ah Army le civil mi thi; Army jawan 3 hliem

srinaGar: Jammu and Kashmir hmun pahni-ah zani khan helpawlhai chetna leiin Army jawan le civil mi pakhat ve ve an thi bakah, Army jawan 3 in hliemna an tuok pha. Pak-hat chu zingkar khawvar hma in a ni a, helpawl tu pawl tak am ti la hriet lo han Kakapora, south Kash-

mir district hmuna 50 Rash-triya Rifles camp silai-in an kap a, civil mi driver Bilal Ahmed le Army jawan 1 na taka kap hliem an ni a, hos-pital panpui mek an ni laiin an thi. Army hai khawmin helpawlhai chu an kaplet veh a, helpawl tieng thi le hliem an um thu hriet a ni nawh. Thiltlung lei hin zani

po khan Kakapora le a se velah Army han dappui an thaw a, man ruok chu an nei nawh. Helpawlhai chetna dang chu Shopian district-ah a ni a, Turkwangan area laia Army patrolling party helpawl han IED hmangin an bei a, Army jawan 3 in hliemna an tuok. IED puok zo chun Army le helpawlhai hun iemanichen an inkap-tuo a, chu hnungin an fena chin hriet lovin helpawlhai an tlanhmang. Zanita hmun pahni a Army beituhai chu an lan puong nawh.

Naxal cadres 3 kap hlum

ranChi: Zani khan Jharkhand-ah Chatarpur police station huom sung Palamu district ramhnuoi lai CRPF le Naxal-hai an inkaptuo a, Naxal cadres 3 kaphlum niin, an inkap zovin Naxal cadres 2 an in surren-der bawk. Inkapna hmuna chun CRPF han AK-47 as-sault Rifle 1, Self-Loading Rifles (SLRs) 2 le Rifle 1 an man. Naxal cadres in surren-der 2 hai chu hliemna tuok an nih tiin CRPF spokesper-son chun a hril.

MP Baijayant Panda in BJD a tawpsanBuBhaneswar: Lok Sabha MP le Biju Janta Dal (BJD) \huoitu Baijayant Jay Panda chu zani khan BJD a inthawk an ban. Kendrapara district Lok Sabha MP Baijayant Jay Panda chun BJD chief le Chief Minister Naveen Patnaik kuomah an banna lekha a peklut. BJD chu politics-ah a tlahnuoi pei tah leia an ban niin Jay Panda chun a lekha-ah a ziek a, a thutlukna chu Lok Sabha Speaker khawm an hri-ettir vat ding thu a hril. Jay Panda chu BJD founding mem-ber niin, 2000 kuma inthawk BJD MP ni ngat ngat a ni a, January, 2018 khan a nungchang mawi naw leiin BJP chun a ‘primary membership’ a lo suktawp pek ta hrim a nih.

Karnataka MLA thar car chesuol-ah a thi

BaGalKote: May 15, 2018 a Karnataka Assem-bly election result puonga Jamkhandi A/C MLA tling thar le Bagalkote district mi, Congress MLA Siddu Nyamagouda chu zani khan car chesuol-ah a thi. Nya-magouda chu Goa a inthawk Bagalkote district pana a tlanna lampui-ah Truck leh an inpel laiin a thawsuol a, lampui sira bang a baw a nih tiin District Superinten-dent of Police Vamshiku-mar chun a hril. Kum 70 mi Nyamagouda chu thaw ding

pawimaw a nei leia New Delhi inzin a ni a, New Del-hi a inthawk Goa chen vuon-gna in a fe a, Goa a inthawk a chengna hmun car in a pan a nih. Nyamagouda chu car chesuol hunah hliemna na tak a tuok a, hospital pan-pui mek a ni laia thi niin, ama hin a nuhmei le a nau 5, nuhmei 3 le pasal 2 hai a thisan a nih. Nyamagouda chun 1990 le 1991 inkar sung khan PM hlui PV Nar-asimha Rao a ministry-ah Union Minister mawphurna a lo chel ta bawk.

India in a \henum rambunghai leh inlaich-inna \ha tak nei a nuom: Vice President

jammu: Vice President M Venkaiah Nai-du chun Pakistan \hangin India chun a \he-num rambunghai le inlaichinna \ha tak nei a nuom tiin a hril. Vice President chun CISR-Indian Institute of Integrative Medicine (IIIM), Jammu hmuna function huna hi thu

hi a hril a nih. India chu Pakistan le inbiek dingin an hawng zing a, \ha taka inbiekna neia helna le tharum insuona tum tumhai hi suktawp a nuom a nih tiin Vice President chun a hril sa bawk. Vice President chun, khawvel pum huo-pa rambunghai hma an sawn pha chun, Jam-mu and Kashmir khawmin development ra a ch>n nawna ding san a um nawh tiin a hril. Vice President chun Jammu and Kashmir ram leilung hausakna hai hmang \angkai a, state ngirhmun dawmsang dingin scientists hai an fui bawk. Vice President chun func-tion zovin IIM Jammu a laboratories tum tum a kan a, chu hmuna sinthaw scientists le inchuklaihai hohlimpuina a nei.

Fake journalist pawisa ngentu mi 3 man

Guwahati: Assam-a Lakhimpur Police chun zanikhan Dr Majibur Rah-man kuomah Journalist nia inhrila Rs. 1 lakh ngentu mi 3 an man. Mana um hai chu Gohain, Manasjyoti Sarma le Imazuddin hai an nih. Mr Goahin inrawinain mi 3 hai hi Dr Rahman inah an va fe a, pawisa hi a peknaw chun a chanchin

a \halo zawnga an insuo ding thu hrilin an vau a, sienkhawm doctor hin an pawisa ngen a pek nuom-naw leiin an vau bawk a hril a nih. Hi le inzawma Dr Rah-man in Police-ah complaint a pek a, chu hnunga police in mi 3 hai hi an hung man a nih. Mi pakhat hi thila inrawl fe Jitu Dutta an ti chu man dinga zawng mek a la nih.

Mihriem a sum-dawngtu 6 man

murshidaBad: West Bengal Murshidabad dis-trict a Lalbagh railway sta-tion bul laia hotel pakhat zani khan police han an dap a, mihriem a sumdawng hlaka intum nuhmei 4 le pasal 2, an rengin mi 6 le kum 35 hnuoitieng vawng man an nih. Mi 6 hai chu West Bengal districts tum tuma um an nih. An hotel chu police han hun sawt taka inthawk an enthlak tah a, fak le dawn ding an zawr el bakah, nuhmei inzawr khawm an kawl a, nuh-mei inzawrhai chu hmun \henkhata inthawk lalutin, hmun dangah an thawn sawng hlak bawk a nih tiin Murshidabad police thu-suok chun a hril. An ren-gin thubuoi siem khum a Murshidabad police station a hrentang an ni a, court hmaah inlangtir ning an tih tiin police thusuok chun a hril sa bawk.

Hmasawnna Thar4 EntErtainmEnt / SportSthlaphur (may) 29, 2018 thawleni (tuesday)

sun ZAWMnA.......

Salah in WC khel thei an beisei:

Ramos hrem dinga petition-ah mi 150,000 chuongin hming an sign tahKieV: Inrinni zana Liv-erpool le Real Madrid han UEFA Champions League final an inkhel huna Real Madrid captain Sergio Ra-mos in a keithluk leia a dar-ah hliemna na tak a tuok leia khel zawm thei ta lo Mohamed Salah chun June 14, 2018 a inthawk Russia rama World Cup inkhel \an dinga hin khel thei ngei an beisei thu a hril. Ramos khan Salah in ball a khal lei a changtieng kut man le a zakah kepdea a keithluk a ni a. Khel-zawm tum sien khawm a hliem na lei khan mitthli leh field a suoksan a nih.

Real Madrid chun Liver-pool 3-1 a hnein a zawna vawithumna dinga Cham-pions League nopui an dawm leiin lawm hle hai sienkhawm First half min-utes 30 vel chau an khel huna Salah kha sukhliem

a ni leiin Liverpool fans hai chu an lung a senin an ngaithiemnaw hle a. Salah chunga thil tlung le inzawm khan Liver-pool fans hai chun Salah sukhliemtu Sergio Ramos hremna pe dingin Online

petition siemin tuchena hin khawvel pumpuiah Liver-pool fans 150,000 chuong in petition-a hin hming an sign ta a nih. Liverpool fans hai chun Ramos khan tum hrama (intentionally) Salah kha a suknat a nih tiin an intum a nih. Hi baka hin petition on change.org a chun, Ramos khan acting thawin Liverpool players dang Mane chu fault anga inlangtirin Yellow card pek awm lo Referee in Mane chu Yellow card a pek pha a nih tiin an intum bawk a nih. Salah hi World Cup hung um dinga Egypt team

ta dinga player pawimaw le an banpui tak a ni a, Champions League final-a an sukhliem khan pawi a tawk sei hle a nih. Liver-pool manager Jurgen Klopp khawmin Salah hliemna hi a serious niin a hril a, World Cup khawm a khel theinaw el thei niin a hril a nih. Hieng laizing hin Salah chun Russia rama world Cup hung um dinga hin khel hman dinga a dam fel hman ngei a beisei thu a hril a, inhmangaina le thlawpna hai hi ka ta ding chun thahrui mi petu a nih’ tiin ama ngainatu hai twit-ter fethlengin a thlamuon.

Loris Karius that dinga vautu an um; Police in an zawng mek

KieV: Liverpool le Real Madrid in Champi-ons League final In-rinni zana an inkhel \uma chetsuol leia ho deua goal 2 zet an suo nia intumna leiin German Liverpool goalkeeper Loris Karius (24) le a sunghai chun that dinga

vauna an dawng nia hril a nih. Karius that dinga vau a ni thu hi Police khaw-min an hriet a, vauna siemtu hi man tumin an zawng mek niin report chun a hril. Karius khawmin inkhel tawpna mutrik a hung inri khan pawi tiin fans hai kuomah ngaidam an hni mawl mawl bakah ama chetsuol leia Liver-pool hrat zo lo nia ngaiin a tuorna ve hle a nih.

French Open 2018:Defending champion Jelena Ostapenko first round-ah a tlaparis: May 27, 2018 Pathienni khan French Open khel \an a ni a, de-fending champion Lat-via mi Jelene Ostapenko chun an khingpui Ukraine mi Kateryna Kozlova chu 5-7, 3-6 a hne zo loin first round-ah a tla. Jelena Ostapenko hi nuhmei Grand Slam cham-pion ni lai opening round-a tla 6-na a nitah. Tuta hmaa Grand Slam champion ni lai Steffi Graf (Wimble-don in) 1994, Jennifer Capriati (2003 Australian Open), Anastasia Myskina (2005 French Open), Svet-lana Kuznetsova (2005 US Open) le Angelique Ker-ber (2017 US Open) hai khawm first round-ah an lo tla ve ta a nih. Chun, Pathienni khan Grand Slam title vawi 7 lo la tah Venus Williams (37) chu kum 21 liemta sunga a tennis career-a opening round-ah a tlak vawikhatna dingin China mi World No. 91 Wang Qiang a hne zonaw leiin first round-ah a tla ve. Qiang hin 6-4 7-5 in Williams hi a hne a nih. Nikum Paris open a khan Williams hin Qiang hi a lo knock out ve ta a nih. Ostapenko chun kar hmasaa Rome khawpuia Maria Sharapova le quar-

ter final an inkhel huna a ke a suknat leiin duthusamin a khel \ha thei naw niin an tum. Hieng laizing hin Ukraine mi Elina Svito-lina chun Pathienni khan Australia mi Ajla Tomlja-novic chu 7-5 6-3 a hnein French Open second round a lut ta a, player inlar sec-ond round lut hmasa tak a nih. Next round-ah 2010 champion Francesca Schia-vone inkhelpui a tih. Chun, pasal-ah Pathi-enni zan khan Bulgaria mi fourth seed Grigor Dimitrov chun Egypt mi Mohamed Safwat 6-1 6-4 7-6 (7/1) a hnein second round a lut ve. Draw dungzuiin Dimi-trov hin opening-ah Victor Troicki an khelpui dinga ti a ni a, sienkhawm Troicky hi a hnungzang hliem leiin an hnukdawk a nih. German mi Alexander Zverev chun Lithuania mi Ricardas Be-

rankis 6-1 6-1 6-2 a hnein second round a lut bawk. Chun, zanikhan Wim-bledon vawi 2 champion lo nitah Petra Kvitova chun Paraguay mi Veronica Ce-pede Royg hnein second round a lut a. Japan mi Naomi Osaka chun Ameri-ca mi Sofia Kenin 6-2 7-5 a hnein second round a lut. Japan mi Kei Nishi-kori chun wild card a khel French mi Maxime Jan-vier chu 7-6 (7/0), 6-4, 6-3 a hnein second round a lut. Novak Djokovic chun 20th seeded Roland Garros 6-3 6-4 6-4 a hnein second round a lut bawk. Australian seventh seed Dominic Thiem chun Be-larus mi Ilya Ivashka 6-2 6-4 6-1 a hnein second round a lut. Thiem hin next round ah Stefanos Tsitsi-pas inkhelpui a ta Djokovic chun Spain mi Juame Mu-nar inkhelpui nawk a tih.

Promoter Hearn chun Brook, Khan, Joshua le Jacobs han tukum sung an inhnek a nuom

london: Boxer pro-moter Eddie Hearn chun a promote boxer pathum han tukum 2018 sung box-ing ring an lut a nuom. Hearn chun, tukum sung hin Kell Brook in Amir Khan; Anthony Joshua in Deontay Wilder le Saul Canelo Alvarez in Daniel Jacob hai an inhnek-pui a nuom a, sienkhawm hienghai lai hin Book le Khan hai chau tukum sung inhnek thei dinga beisei le chance um a nih. Anni pahni hi boxing career

tawp hnai an ni leiin. Anthony Joshua le De-ontay Wilder hai chu tu-kum sung an inhnek beisei a um nawh. A san chu Joshua hin an ram UK nge-ia inhnek a nuom a, chu-

ongang bawkin Wilder le a team hai khawmin an ram US ngeia inhnek an nuom a, hi thila ding hin dollar 50 million an offer nghe nghe a. Sienkhawm Joshua chun UK a inhnek a, pay cut an huom thu tuta hma khan a lo hril ta a nih. Hieng laizing hin Saul Canelo Alvarez le Daniel Jacobs hai chu September 15 a inhnek ding deua riru-ong nisienkhawm iemani leiin an inhnek ring a um naw lem niin report chun a hril.

rGG FOOtBAll MeMOrIAM 2018 Venue : Public Ground, Churachandpur.

Group-StageRESulT : 28Th MAy, 2018Zenhang Lamka YC 2-0 AVOI FCBungmual YC 2-0 Anpak FC.

FIxTuRES : 29Th MAy, 20181. ABC Saidan vs Headquarters SC - 12:00 pm. 2. Happy Feet vs Korte Brothers SC - 2:00pm.

* Bungmual YC knockout round an lut ve tah.

Sri Lanka Ruosur Tuilien Leiin Mi 23 An Thi Tah ColomBo: Fur ruotui Monsoon hung in\an mek lai khawma Sri Lanka chu ruotui a sur tam taluo tah leiin mi 23 an thi tah a, midang 75, 000 neka tam chu an umna hmun um thei ta lovin hmun him lem dang tienga sawn an ni tah, tiin Disaster Management Centre chun a hril. DMC thupuongtu Pradeep Kodippili chun, mithi 23 hai laia panga chu \ektlain a

deng hlum an nih tiin Xinhua news a hril. Ruo tui tam lem la hung sur pei dinga ngai a ni leiin National Building and Research Organization khawmin district panga, Kalutara, Galle, Ratnapura, Jeggalle le Nuwera Eliya hai chu ruotui a tam ding leia lo inring dingin an hriettir niin a hril.(Reuter)

Taylor Swift-in Radio 1 Weekend Concert Neilos anGeles: “Shake It Off” le ‘Blank Space’ saklartu, a lam thiem le hlasak rawl inring le performance-a mi hnetu Taylor Swift chun Pathienni khan Radio 1 hai huoihawt, Swansea-a Biggest Weekend concert ah inthazo tak le powerful taka lam pawlhai leh lamin a hei concert chu mi a hne pep pep hle. A hlasak le lam bakah an chei danin mi a hipin mipui a hne hle bawk. “Bad Blood” hit maker Taylor hin a hla hit “Shake It Of’ bawk a sak a. A dum vawnga incheiin a malpui lai po taksa an lang thei a. A zakuo khawm a dum, a pum le infit char, kekawr or puonbil hran ngai lo chi a haka, a kawng inrek inlang theina dingin. Booth khup chen a bun bawk a, hner sen hamin a sam eng thalin a hei inher kuol vel chu mipui an lawm nasa hle.

Taylor Swift hin a ‘Reputation’ album promote na dinga tour nei mek

a nih a. Hienglai zing hin social media haiah fans hai ngaisang a hlaw laiin sawiseltuhaiin ‘rul’ a hawi dam an tih a. Hla thuah Kenye West le Kim Kardashian hai leh inselna met an nei bawk leiin, tulai chu ‘lunghnuolna’ neu neu a nei niin a hril. Tulai hnai khan Billboard Award pahni a dawng ve a. Chuonglai zing chun ‘hun inthim tak’ pal tlang angin an hril a. Mihaiin ‘rul’ anga an hril lei khawmin fans hai suklawm tuma a concert nei hlak chu a phur ta nawa, nei tah lo el dim a nih ti dam a ngaituo niin a hril. Social media-a a hril dan chun, “Mi tamtakin social media ah ‘Snake’ tiin an mi ko a, Rul lim emoji tamtak ka account ah ka dawng nghe nghe a. Hienga miin an mi hnam si chun

iengleiin concert neiin hla ka sak ka sak tah ding, tiin hlasak chawlsan el dim a nih ti dam ka ngaituo hiel a nih. Amiruokchu, hi hi ka hril nuom cheu. Miin ieng angin lo ko hai sienla cheu khawm, in lung sen hle sienkhawm in thaw ding le ni ding kawngah chu suk\hultu le sukhrat nawtuah hmang ngai naw ro” tiin a fans hai a hril. Ni kum khan Kenye West a hla thu le inzawmin an ngaidan an kal a. Taylor Swift chun Kenye West chu ‘b***h*” tiin hming \ha naw takin a ko nghe nghe a. An kar thu a sie hman met a nih. Kenye West hla thu hi Taylor hla a lak nia hril a nih a. Kenye West chun ‘a phalna uma ka hmang a nih’ tia hril laiin Taylor-in phalna a pek naw thu a hrila inthawka hung suok a nih.

Lindsay Lohan-in Greece ah Lohan Beach House

london: A nunghak vanglaia hmel\haa inthang, “Mean Girls’ star, nun hmang inhawi taluo tum leia Rehab le Jail chen lo lut tah, Islam sakhuo a inthawka lungril hadamna hmu tuma zawng le khawvel inzin kuola hadamna hnawt Lindsay Lohan chun, a hminga holiday hmangna ding Lohan Beach Houes, pahnina ding chu Greece ah a hawng thar. Kum 31 a upa Lindsay Lohan hin Greece-a tuipui kam chawlhadamna hmun inhawi takah Lohan Beach House Mykonos tiin a hawng a. Dawrtu pasal a hau hrat hle. Khuo a la um leiin zakuo inphan deu a haka, tarmit sen dal met a bun bawk a. Ni dang

nek chun a hriselna a \ha tah niin an lang. Lindsay Lohan hi London ah hun iemani chen a um hnungin Dubai an hawi lem tiin an sawn/pem tah a. Los Angeles (Hollywood) chu lut nawk khawm a \i tah niin a hril. Dubai a um zingin Greece inzin hi inhawi a tih a, tuta mi khawm hin tawite sunga an zin \um hnina a nih tah. Lindsay hin Night Club le Holiday Inn hai an hlawk theina dingin a hming hmang an ngen angin Lohan Beach House tiin partner-in an hawng hlak a. Greece-a mi baka hin Lohan Beach-House, Rhodes le Lohan Nightclub, Athens hai khawm a hming hmangin co-partner vawng a nih. W magazine kuoma a hril dan chun, Dubai a um hi an hawi tak niin a hril. Lindsay hi December 2016 a inthawk khan Dubaia um an tah. “Dubai ah chu muongna danglam tak ka nei a. Paparazzi hai an um naw a, camera men an um naw bawk. A hadam thlak a nih” tiin a hril. Lindsay Lohan hi kum 20 bawr a ni lai khan a vanglai tak, hmel \hat lai tak a nih bawk. A luck leiin a hming khawm an thang a. Anachu, a nun zalen taluo le inhawi chen tum taluo leiin Rehab a lut deu zing a. Zurui puma motor khal leiin tawite Jail a lut tah bawk. Tuhin chu kum 31 khawm a tling tah a, insumin thlarau tieng hadamna ding a zawng tah lema, taksa khawm hadam taka hun hmang a tum tah niin a hril.

Pippa Le James, French Open Enin, Pippa An Rai Tahparis: Duchess of Cambridge, Kate Middleton sangnu Pippa Middleton chu a pasal millionair James Matthew leh Pathienni khan French Open (Tennis) khel en dingin an leng suok nawk a. Pippa khawm thla li vel nau pai tah, an lang met met tah. Pippa hin zakuo sen \iel a haka, Ralph Lauren designed Rs. 31, 666 man a nih. James Matthew leh kut inchelin Paris khawpui kawtthler ah mi tamtak karah Tennis inkhel em dingin Roland Garros an pan a. An hmel hlim dan en chun nupa nun hlimum tak an hmang niin an lang. Pippa hin zakuo fuol a sen le var in\iel a haka, leather bag uk a pai bawk a. Lukhum par chi a var, Tennis en laia nisa hlietu ding a chawi bawk a. James khawm zakuo var hlawk le kekawr uk infit tak a bun a. Lukhum par var a chawi ve bawk a. A Coat pawl a khai bawka, tarmit dum an bun ve ve bawk. An inchei an en chun Paris

chu a lum tah hle ti an hriet thei. Pathiennia Paris khawpuia an leng suok hi

tulai hnaia an leng suok vawi hnina a nih tah. Zani hmasak khan Parisan Park lai an leng hmu a nih bawk. Pippa le James hai inkhel ngaina mi, anni khawm athletic ve tak, ni tin thlan phul kaia tlan hlak an nih. Tulai hin nau a pai ta leiin naute thuomhnaw ding vel le enkawlna ding hmangruo chi hran hran hai la khawmin an buoi ve em em a. Ama khawm nau pai lai a ni leiin fak le dawn a fimkhur a. A nau neina ding le inzawmin Pregnancy Support Program – thla kuo sunga exercise lak dan ding le nau nei zo (post-natal) a inenkawl dan dinghai a lo lak khawl vawng tah. Pippa nau pai thu hi midang po po nekin an unu Duchess of Cambridge, Kate an hril hmasatak a. Kate khawm a sangpa Harry le Meghan innei zo hlim a ni bawk, ama naute thar pawmlai a nih, a lawmpui hle thu a hril.

Demi Rose-in Zakuo Hn-uoi Bikini Thar Pholang

los anGeles: A kawng iner le mawng bawr \ha leia Kim Kardashian hai sungkuo kh<m tuma khawvel hmun tin fanga modeling thaw mek Britain nunghak Demi Rose (23) chu Pathienni kham ISAWITFIRST.COM collection thar, zakuohnuoi (Bikini) le insilna zakuo thar a pholar a, a nal thei hle. Ama angin mi dangin an inhmepui dim ti ruok chu hriet an nawh. Rapper Tyga ngaizawng hlui Demi Rose hi tuta \um

chu a zakuohnuoi pholar hai hi ama ta ding renga siem ang hlawl an nih. Bra le panty inkawp chi a nih a. Hnung-tienga inthawka en chun a awmbawr hnuoi sir lai, nene bal hmu thei a nih a, a thup ding tak ruok chu a thup tho. Zakuohnuoi var hakin a sam dum thlap chu a sukhu dar a, a tukhnung tieng an khai thla diela, hnungtieng in-awn rieia hung enin a kawng an er raka, camera manin hnai teah a laka, an lang chieng thei bawka ngaituo sei rak khawm a ngai nawh. Tuta \uma a pholar zakuohnuoi collection thar baka product a display chu Dutch siem zu \ha chi ‘tequila’ a nih. Demi Rose hi modeling leiin khawvel ramtin an zin kuol hlaka, pose nal tak takin company hran hran hai Brand a pholar pek hlak. Hi chau hi dittawk tah lovin Los Angeles ah inpem lutin film acting tieng thaw a tum tah ti thu kha hma met khan The Sun maga-zine a hril a. Film a chang nuom khawm 007 James Bond a nunghaknu a nih.

ORS um naw chun ‘chini le machi’ chawk-pawl dawn khawm ORS dawng ang thoa \ha a ni thu a hril. Diarrhoea enkawl le sukdam chu ho tak a ni leiin, inkaisawngna awlsamna hmun mihriem tamna, abikin fimkur zo lo nau-pang tamna school haiah dam Oral Rehy-dration le Zinc Solution hai hi student hai lai hril uora an hmu zing theina dinga sie khawm invengna ding chu a \ha em em niin a hril. Sawrkar department tina lu Head of Department hai chun an rawihai seng kuomah, program a hlawtling theina ding chun hi thil hi hrilhriet seng dingin an fui tawl bawk. Hi campaign hun sunga hrilmawi le promote dinga \ha thil dang chu, bu fak tawm le khawp zata kut fai taka sawp le, inhnawm fe zatin kuthai sabawna fai taka

sawp hi niin a hril. “Public Toilet haiah khawm tui huntawk sie a, kut sawpna ding \ha taka siema kuthai sawpfai zie dinga inhrilhriet a pawimaw” tiin a hril bawk. Hi huna \hang daktor hai chun bufak tawm le khawp hnunga kut fai taka sawp \hatnahai an inentir a. Fortnight-a \hang naupanghai kuomah ORS le Zinc khuol lien hin a sem bawk. Hi huna functional president, Director, National Health Mission, Ms. N. Bandana Devi, IAS chun, hi fortnight buotsaina san chu Diarrhoea leia thina hi a tlung tah nawna ding, ‘zero death’ a nih theina dinga inhrilhrietna le hmalakna a nizie thu a hril. “Naupanghaiin chingdan \ha le thieng-hlim tak an inchuka an thiem theina ding chun nuhai inchuktirna a pawimaw tak a nih” tiin faina le thienhlimna kawnga nuhai mawphurna a hril. (DIPR)

Diarrhoea dangna dingin ei \hangruol

ADC kuoma Vocational Training Centre bawlna dinga remtina a nei, ADC in kum 15 sung a hmang ding ti a nih. Training centre bawl a ni hnung March 16, 2015 khan ADC chun centre dinga bawl hluotu dingin Rural Upliftment De-velopment Society,CCPur a president Khamkhanchin leh inremna an siem a, Khamkhanchin in Society hmingin build-ing hi kum 14 a hluo thei ding le kum 1 ah hluoman Rs. 1 ADC kuomah a pek ding tia inremna siem a nih. Amiruokchu, building hi Kham-

khanchin chun hluo naw bakah Thongk-hochin in ADC le inremna an nei bawsiein a rukin Tunnu School of Nursing leh kum 2016 khan thlatin hluo man Thongkho-chin kuomah Rs. 5000 a pek dingin in-remna a lo neipui nia hril a nih. Hi le inzawm hin ADC chun inremna bawsie tiin Thongkhochin hi Show Cause Notice peng a ta, Vocational hmun hluo-tu dinga inremna siempuia um Kham-khanchin khawm ADC chun Show Cause Notice a pek ding niin report chun a hril.

ADCC in Council property an enfel:

Imphal West chun ‘ POCSO Act, 2012 (Prevailing Customary Law & Social Is-sue’ ti thupui hmangin le Dr. Sapam Dilip Singh, Lecturer, LMS Law College chun Emerging Child Trafficking Scenerio- Special focus in Churachandpur district’ ti thupui hmangin thu a hril a, Lunkhomang Khongsai in ‘ Gaps and Challenges faced by Police Department in the implementa-tion of Child Rights Acts & Laws’ ti thu-pui hmangin thu a hril.

Technical session zo hin JJ Act 2015 & POCSCO Act, 2012 le chungchangah discussion nei a ni a, Hi huna hin Social Welfare, Medical, Home Department, Inte-grated Child Protection Scheme, Juvenile Justice Board, Child Welfare Committee, District Child Protection Unit, Education department, NGO tum tum, tribe leaders, kohran \huoitu, Village Authority le Stu-dents organisation tum tuma \huoituhai an \hang.

POCSO Act le inzawmin Workshop nei

EVM pakhat a sie a, inrang taka thleng nawk nghal a nih” tiin hril. Nagaland-a By-election nei a nina san chu, Lok Sabha member umsun, tuta Chief Minister Neiphiu Rio hi February thla khan an ban lei a nih. Candidate hai chu Congress thlawp NPF Mr. Apok Jamir le BJP-NDPP candidate Tokheho Yepthomi an nih. Meghalaya-a Ampati state assembly in-thlang\hat a \ulna san chu Chief Minister hlui Mr Mukul Sangma-in seat pahnia hrat-na a chang ve ve leia pakhat an thla suok a ngai dungzuia an suo a ni leiin. February

election ah khan seat pahni hnena a changa, pakhat lem lem an ban a \ul. Ampati ah hin party/mi pathum chal-lang deu deu an um a, chuonghai chu Con-gress ah Mr Miani D Shira, CM Mukul Sangma naunu, NPP ah Clement G. Momin le Independent Subhankar Koch hai an nih. (EN/IE) State dang assembly election hai khawm vote a tla \ha a. Punjab ah 73% a tla a. Meghalaya ah chu 70.01% vote thlak a nih. Result hai May 31 khin punog ning a tih.

By-Election a Tlangpui ralmuong