july 2016 t agape t 1 - mizoram synod – presbyterian ... 2016 t agape t 7 a pasal chauh ni lovin a...

July 2016 t AGAPE t 1

www.mizoramsynod.org

http://www.mizoramsynod.org



Editorial

LAL ISUA HNENA PEK

Khawvela mi awm zawng zawng hi mawlmang deuhvinhmun hnihah han \hen phawk ila, rethei leh hausa tiin. Hetiachi hniha kan \hente hi an khawsakna leh an thil neihte chu ainthlau hle ang. An dinhmun pawh hi a tu ve ve mahin aninhriat thiampui phak loh khawpa zau a ni. Chutiangdinhmunah chuan mi rethei tan mi hausate \anpuia thil tihsakmai theihna kawng a tlem khawp ang. Kawng lehlamah, hausazawkte tan chuan mi harsa zawkte chungah khawngaihna leh\hatna lan chhuahtir dan tur chu tam tak a awm thei ang.

Zawlneite hun lai khan roreltu te, mi hausa lehthuneituten retheite an ngaihsak lo va, an tirethei \hin. A neitamin a nei tlem ta chhuhsak phet an tum a, an laksak a, nasataka an hnehchhiah avangin Lalpa pawh a thinur a nih kha.

Pathian thu chuan, “Mi retheite thil petu chu a tlachhamlo vang a, maimitchhinsantu erawh chuan ânchhia nasa tak adawng ang,” a ti (Thuf. 28:27). Mi retheite leh renchhamtechunga \hat chhuah chu Lal Isua chunga ti kan ni. Kan ngaihsakloh chuan amah Lal Isua ngaihsak lo kan ni bawk. “Ka unautê ber chunga in tih chu ka chunga ti in ni,” Lal Isuan a ti.

Kan khawtlanga chhiatni \hatni a lo awmin kan inlenpuiliam liam \hin a. He Zo nun duhawm tak hi a mawi a, azahawm hle mai. Heng hunah hian inralna leh inlawmpuinainpek kan ching a. Hemi chungchangah hian harsa lehkhawsakna lama \anpui ngai zualte pek tam deuhva, khawsathei zawk kan pek aia kan pek tam deuh theih chuan thil \hatak a ni ang. Kan hnena kir leh tur nei lote chunga \hatchhuah hi Lal Isua chunga ti kan ni tih i inhre thar leh ang u.

.....




Kristian Chhungkua

NUPUI FEL CHU– Lalmuanzuali

Central Committee Member

Thufingte 31:10-31-ah hian 'Nupui fel' tih chungchangkan hmu a. He khawvelah hian mite ngaiha nupui fel tam takan awm ngei ang. Nu challang leh fing, pasalte pawh kawngtam taka khum hialte pawh an awm ang. Tun \umah hian kanPathian thuin 'Nupui fel' a tih chu Bible chang thlan chhuahtlawhchhanin eng ang hmeichhia nge a nih i han zir dawn tehang.

Lalpa \ihtu (chang 30) - Ahmasa berin nupui fel chuanLalpa a \ih \hin. A nun pumpui innghahna leh athinlungin eng lai pawha azawm tlat chu Lalpa a ni.Krista chu a nunna a ni tih ahre chiang a. Amah nena lendun a thlang \hin. A thiltihtur kawng tinrengah Pathianduh zawng a ni ang em tih hiamah leh amah a inzawt fo\hin.

A pasal tan a hlu (chang 11)- Nupui fel chu a pasal tan ahluin lallukhum a ni. "A manchu lunghlu sen mi aiin a sangzawk daih si a." A pasal tan

a rin tlak a, a tlakchhamnaapiang phuhruksaktu a ni.Sarin a pasal Abrahama chu‘Lalpa’ tia a koh ang khannupui fel chuan a pasal chu alu a ni tih a hre chiang a, athu a awih \hin. A pasal thua awih a, a zah thiamin amahleh amah chu zahawmah ainsiam a ni tih a hre reng \hin."Mipa hlawhtlingte phenahhmeichhia an awm chawk,"tih angin a pasal rawngbawl-naah a langsar lo lamah nasatakin \awng\aina nen a lo\anpui ve \hin a ni. Hei hiPathian leh mihringte mithmuhah pawh a lo langchhuak \hin.




A pasalin a fak (chang 28) -Nupui fel chu hmeichhedangte aia ropui lehchungnung ni kher lo mah se,a pasal thinlungah achungnung a, a fak a,hmeichhe dang zawng zawngkhum vektu ni hialin a hre\hin a. A pasal thinlung lalnua ni reng \hin. Hei aia hlu hinupui tan a awm thei lo vang.Mizo Kristiante zingah hiannupui fel, pasalten mi dangtehriata an fak mawlh mawlhchak, an mante pawh pekbelh hial an inhuam hi engzat awm tak ang maw! Nge,nupui atana an lo thlang tamai kha a rukin an lo inchhirngawih ngawih zawk, tih hizawhna lian tak a ni awm e.

Zing takah a tho \hin (chang15) - Tunlai khawvelchangkang tawh takah hianzan lamah rei tak tak mengahnathawk kan lo tam ve ta a.Thufingte 31:18-a kan hmuhang hian, nupui fel chuan rimtakin zan rei tak thlengin hnaa thawk \hin. Chang 15-naahkhaw var hmaa a thawh \hinthu leh a chhungkaw tanruahmanna fel tak siama

chhungkaw member-te an hnachanpual tur a rel felsak thukan hmu. Hei hi chhungkuaanute kan inen fiah nan a \hahle awm e. Tunlaiin hun hi ahlu em a, hun hman dan turruahman thiam (time manage-ment) tur chuan zing thawhhma a \ul \hin.

A taima (chang 16,19 &27)- Nupui fel chu a taima a, adawngdah ngai lo. Ama kutngeiin lungawi takin hna athawk \hin. ‘Mahni kutkawihngei huan thlaite hi a tui bike,’ an lo ti chawk nia. Tin,taimak mai piah lamahlungawi taka hna thawh hi ava pawimawh em! Lungawihmel hi a hmuhnawm em ema ni. Kan rawngbawlna penghrang hrangah pawh hiandawngdah tak leh lungawinatel lova a khawngaih rawng-bawl hna thawh a rem lo. Kantheihna zawng zawnga lawmtaka thawh hi a \ul hle a ni.Lalpan chutiang mi chu ahmuh hmaih ngai si lo va.

A intodelh (chang 22-24) -Nupui fel, Lalpa \ihtu chu atheih ang tawka intodelh tumtlat mi a ni. A fa duh takte




kan nih avangin, mawihnaitaka kan inthuam leh mahniin chhungkhur pawh felfaitaka kan cheibawl hi Pathianduh zawng a ni ngei ang. Amite tana thil \ha ui ngai lotuchuan in leh lo \ha te, silh lehfen mawi takte kan thawhrimna avanga kan neih hi aphal ngei ang. Theih ang chinchina mi dang ban mai lova,mahni mamawh hai chhuahleh neih tum tlat hi nupui felnih nen a inmawi hle a ni.

A intichak \hin (chang 17) -Nupui fel chu harsatna lehmanganna a lo thlen hunpawha Pathian rinchhanaintichak \hin mi hi a ni.Hmeichhe awmnem takte tanLalpa hi kulhpui nghet,nghing ve ngai lo chu a ni.Nupui fel chuan a chaknahnar a ni tih a hre chiang a, apan \hin. Chauh chang ni alo thlen hunin a chakna siamthar leh turin Lalpa a nghakfan fan \hin a ni.

Mi retheite a ngaihsak(chang 20) - Lal Isuan, "Hengka unau tê berte zinga mipakhat chunga in tih chu kachunga ti in ni," (Mt. 25:40)

tih thu a sawi hi nupui felchuan a nunah a takin a lantir\hin. A \awngkam chhuak lehchetziaah retheite an chawlhahdam a, an tan malsawmnaa lo ni \hin. "Renchhamtethlengin a ban phak \hin a ni."

A \awngkam chhuak finnaleh ngilneihna (chang 26) -Mi dangte nena indawrna lehkhawsak honaah \awngkammawi tak hman fo hi nupuifel nih nen a inmawi a ni.Ngaihtuah chiang mang lo lehthuhnu dawn lovin nupui felchuan a kâ a ang mai mai ngailo. |awngkam mawi lehthuhnuairawlh hman theih anih reng laia mi dangte rilruhliam zawnga \awng chhuahchin hi nupui fel tih tur a nilo vang. Tirhkoh Paulapawhin Kolossa 4:6-ah, "In\awngka chhuak chu chia al,khawngaihna tel ni fo rawhse," a tih kha.

A chhungkaw tan mal-sawmna a ni (chang 21,28)- Nupui fel chu chhung lehkhatte tan pawh malsawmnaa ni. An lakah a thil neih a uilo va. A phak ang tawktawkin thil \hain a vur \hin.




A pasal chauh ni lovin a fatepawhin an fak a,‘ Engthawli’,‘Duhsaki’, ‘Nihlawhi’ tiin ahming pawh an lo vuahsak anih chu! Fate hian eng angnu nge an neih an hre chiangber ang. Pawn lama Kristian\ha tak, in chhunga keipui angmai nu nih hi nupui fel nen ainhmeh thei ngai lo vang.

Fak a hlawh (chang 30,31)- Famkim lohna khawvelahhian tu mah sawisel bo a awmtheih loh. Khawngaihnaavanga chhandam, Lal Isuathisena sil fai, Pathianin ahmangaihna tawp nei lo

avanga a faa a vuah kan ni.Nupui fel, Amaha rinna nghattlat mite hi Lalpan mitethinlung leh lei leh kahmangin a fakin a chawimawi\hin. "Lalpa \ihtu hmeichhiaerawh chu fak a ni ang,"(chang 30) a tih kha.

Kan Bible chang tar lana\ang khian kan ram chhunganute hian mahni inen fiah ila.Kan tlakchhamnate minphuhruksak turin Pathianhnenah intulut \heuh thei ilaa va lawmawm dawn em!

.....

* Dr. Drencher-a chu a faten nungchang an hloh vekavangin a inchhir a, a tlin lohna leh a fel lohna hriain,“Chhungkua din thar leh tur ni ila chuan –

1. Ka fate zingah a tam thei ang ber ka awm tawhang.

2. Ka fate zingah a tam thei ang ber ka nui tawh ang3. Ka fate ka fak \hin ang.4. An lawm zawngte ka tipuitlin zel tawh ang5. In leh lovah neitu riltu pu turin ka kaihruai \hin

tawh ang,” a ti a ni.

** Nupa inrem tak chhungkua a\ang chuan pawi khawihching naupang an chhuak ngai lo. - Dr. Keneth Foremam




THLARAUVA |AWNG|AI

– K. VanlallawmiVice Chairman, Central Committee

Kan thupui hi ‘Thlarauva |awng\ai’ tih a ni a. Pathianhnena \awng\ai hi a pawimawh em em a. |hian dun kaninkawm a, kan ti ti bawrh bawrh \hin angin keini lehmihringte’n Pathian kan pawlna a ni a. Kan lawmna te, kanlungngaihna te, \anpui kan ngaihna te leh kan mamawhapiangte Pathian hnenah kan thlen \hin a. “|awng\ai hi ringtutethawk lakna a ni,” an ti a. Mihringte thaw lova kan nung theilo ang hian ringtu dik takte chu Pathian hnena \awng\ai lovinan awm thei lo. “Ringtu inti, Pathian hnena \awng\ai ngai loleh \awng\ai khat takte hi chu ringtu chak lo leh chau, damlothaw thei tawh mang lo, thi lek lek ang hi an ni,” an ti. Biblechhiar hi Pathian aw kan hriat theihna a ni a, \awng\ai hianPathian nen kan inpawl \hin a ni.

Sermon

Amah Isua ngei hian,“Dil rawh u, tichuan an peang che u; zawng rawh u,tichuan, in hmu ang; kik rawhu, tichuan, an hawnsak angche u. Tu pawh a dil apiangchuan an hmu \hin a, tu pawha zawng chuan an hmu \hina, tu pawh a kik chu anhawnsak dawn a ni,” (Mt.7:7,8) a ti a. Dil chu mihringtih tur a ni a, pek erawh chuPathian chan a ni.

Lal Isuan a tisa put lainiah khan \awng\ai hi a ngaipawimawh em em a, fianrialaPathian pawla \awng\ai rengmi a ni a. Kraws tuarna a lohnai tial tial a, Gethsemanehuanah zanah \awng\aiin a kal\hin. Hla phuahtu pakhatchuan, “A \awng\ai zankhua\hin,” a ti hial a ni.

Tirhkoh Paula pawh kha\awngtai mi a ni a, bang lovina \awng\ai \hin a ni. A




zinnaah te pawh a \awng\ai\hin a. Vawi khat chu Sila nenPhilippi khuaah rawng anbawl a, \awng\aina hmuna ankal laiin nula, ramhuai aienthiamin a zui a. Paulanramhuai a hnawh chhuahsaka, a puten an hek ta a.Roreltuten an man a, ripchhung nungah kawl bunchungin an tantir a, Paula te\hian dun chu zanlaiahPathian hnenah an \awng\aia, hla an sa a, mi tangten anngaithla a. Thawklehkhatah lirnasa takin a lo nghing a, tanin kawngkhar zawng zawnga in hawng ta vek a (Tirh.16:16-18). Hei hian Thla-rauva \awng\ai hlawhtlinna alantir a ni. Paula hian \awng\aihlawkzia a hre chiang a;chuvangin, “Bang lovin\awng\ai rawh u,” a ti a ni (1Thes. 5:17) Engtin nge kan\awng\ai ve \hin? Thlarauvinkan \awng\ai ve \hin em ?

‘Thlarauva |awng\ai’han tih kher hi eng nge aawmzia kan ti mai thei e.Mawl tea sawi chuan,ringtute hi ThlarauThianghlim chang vek kan ni

a, kan \awng\ai hianThlarauvin kan \awng\ai tihnaa ni. Chu \awng\aina chuanthil nasa tak a ti thei a ni.Ringtute hi Bible chuan ‘Mifel’ a ti a. Jakoba chuan, “Mifel \awng\aina chuan thil nasatak a ti \hin,” a ti (Jak. 5:16).

‘Thlarauva |awng\ai’ tihchu heti zawng hian a sawitheih bawk ang. Thinlungchhungril tak a\anga thil dangdip buaitu awm miah lovaPathian hnena \awng\ai,Pathian chauh rinchhanaPathian pawlna hi ‘Thlarauva|awng\ai’ a ni.

Chumi tifiah turin Hani\awng\ai hi han thlir ila. Tin,Hani chu a rilru a mangangem em mai a, Lalpa hnenaha \awng\ai a, lungchhe takina \ap a. Tin, thu a tiam a,“Aw, Sipaihote Lalpa, ibawihnu tlawmzia hi minhriatsak takmeuhvin, minhriat renga, i bawihnu hi mintheihnghilh lohva, i bawihnuhi fapa i pek chuan, a damchhung zawng Lalpa ka peve thung ang a, a lu pawhmeh reng reng a ni lo vang,”a ti a (1 Sam. 1:10,11)




Hetiang taka Pathian chungarinna nghata thinlung zawngzawnga \awng\aina hi‘Thlarauva \awng\ai’ a ni a,Pathian pawhin mal a sawm\hin a ni.

Chandwick-a chuan,“Khawvelah hian \awng\aimi hi an ropui ber a. Thilmak deuh chu, hre reng siinmihring hi a \awng\ai chuanglo,” a ti a. Pathian rinawmziahre pha khawp hian Pathianhi kan au zing lo thei tlat mai.Thlarauva \awng\aia Pathianpawl hi uar deuh deuh ilakan kohhran, kan ram a \hangei ang.

Em Bouds-a chuan,“|hahnemngai taka \awng-\aina chuan nghawng a nei\hin, \awng\aina chu mei anga ni,” a ti. |awng\aina chumei anga chak a nih avanginmi dang \awng\aisakna te hia pawimawh zual hle a ni.

Roven Hill-a chuan,“Vanramah hian inchhirnatur awm thei ta sela chuan,mi dangte tana \awng\ai tamtawk loh vang a ni deuh berngei ang,” a ti hial a ni.

In\awng\aisak tam turin Paulapawh hian min ti ngun khawpmai. Paulan Timothea hnenah,“Chutichuan, a tir berin thildil \awng\aina te, \awng\ainahrim hrim te, lawm thu sawinate, mi zawng zawng tansiamsak turin ka fuih a che,Lalte leh thuneitute zawngzawngte tan pawh, Pathianngaihsak leh zahawm takainremna thlamuanga kankhawsak theih nan, chu chumin chhandamtu Pathianngaihin a \hain, a lawm tlak ani,” a ti (1 Tim 2:1-3). Kolossakhuaa mite hnenah pawh,“|awng\ai fan fan ula,chumiah chuan lawm thu hrilchungin ngaihven rawh u,” ati a ni.

|awng\ai hian lawm thusawi hi a hmasaa tih zel a \ha.A tawp lama, “Lawm thu sawichungin ka dil e,” tih hi chu a\ha lo deuh. |awng\ai tawpa“Kan rawn inhlan e” tih pawhhi a \ha tawk lo. Kan inhlansa vek ang a, a tawpah chuanIsua hminga dil tur a ni.

Kan sawi tawh angin,\awng\aina hi ringtute tan apawimawh em em avangin ni




tin Pathian hnena \awng\aimai ni lovin, ni khatah vawieng emaw zat Pathian hnenah\awng\ai \hin ila a \ha ang.Paula chuan, “Lawm fo ula,bang lovin \awng\ai ula;engkimah lawm thu hril rawhu,” a ti a (1 Thes. 5:16-18).|awng\ai tam kohhran chu annungin an chak a, thilpekahte, Chanchin |ha hril lamahte an chak nge nge \hin.Chhungkua leh ringtu mi mal

pawh \awng\ai tam chu anhlimin an entawn tlak \hin.

Andrew Murray-a chuan,“Dil ngut nguta \awng\ainaavang hian Pathian chhannaa tira kan hmuh loh hi kanhmuh theih phah a ni,” a tia.

Lawm thu sawi chunginbang lovin, Thlarau lehtihtak-zetin i \awng\ai \hinang u.

ISRAEL-TE CHHEHVELA AN PATHIANTE

1. Aigupta-ho pathian hming chu Re a ni a, ni leh thlapathian a ni.

2. Ammon-ho pathian hming chu Moleka a ni a, he pathianbiak nan hian mihringin an inthawi \hin.

3. Assuria-ho pathian chu Ashur a ni.

4. Babulon-ho pathian hming chu Tamuz a ni a, ni pathianniin an ngai.

5. Grik-ho pathian hming chu Zeus a ni a, Jupiter leh Marshi an be bawk.

6. Kanaan-ho pathian pa hming chu Baal-a a ni a, buh lehbal, fanau malsawmna thlentu niah an ngai a. An pathiannu hming chu Astoreth-i a ni a, ani pawh hi buh leh bal,fanau malsawmna thlentu niin an ngai.

7. Philistia-ho pathian chu Dagona a ni.




HMANGAIHNA

– Pastor H.L. ThianghlimaPhullen Vengthar

“Pathianin khawvel a hmangaih em em a; chutichuan, a Fapamal neih chhun a pe a, amah chu tu pawh a ring apiang anboral lohva, chatuana nunna an neih zawk nan” (Jn. 3:16).

Hmangaihna chu : Hmangaihna tih \awngkam hikhawvela thil ri mawi berte zinga mi a ni ngei ang. Hmangaihnih hi a nuam a, a hlu a, a duhawm bawk. Hmangaih lehhmangaihtu chu an inhal thei lo va, an indo thei hek lo.Mihring kara lo piang hmangaihna hi Pathianin min duansaka ni a, mihring phuar khawmtu thil duhawm ber a ni.Hmangaihna chuan hmelma a inremtir a, huatna tibovinpumkhatah a siam \hin. Mihring hmangaihna tawi te mai pawhhian nun hona a tinuam a, thinlung hliam tuam damin nunhlutna min hriattir \hin. Hmangaih loh nih hi a tuartu tan a naa, hmangaihtu nei lo nia inhria phei chuan khawvelah hianbeisei tur nei lo hialin a inhre \hin.

Mihring kara hma-ngaihna mai pawhin khaw-velah dam chhan neia minsiam si chuan Pathianhmangaihna phei chu nunnaatan a va hlu dawn em!Pathian hmangaihna thukziahi Augustine-a chuan,“Pathian hian hmangaih turmi pakhat chiah nei ta se, ahmangaih tur nasat ang chiah\heuhvin mi tin min hmangaiha ni,” a ti. Pathian hian

hmangaih bik leh duhsak bika neih loh laiin, a hmangaihnahretu chuan hmangaih bik,duhsak bik leh voh bik niinan inhre vek mai. Pathianhmangaihna chuan a \ha bermin hlui a, a duhsaknaahchuan nunna a awm. Hma-ngaihtu chuan a hmangaihtehnenah inhlanna a thlen a,chutah chuan a inhmang rala, amahah chanvo minsiamsak a ni. Chutianga




hmangaihna chu Pathianhmangaihna, krawsa lolangah hian a chiang.

Hmangaihna tih\awngkam hi Bible-ah a langtam hle a. Thuthlung Hluihuna an sawi dan hiThuthlung Thar pawhin a zuia. Hmangaihna hi Pathian lamhawi leh mihring lam hawiasawina a awm a, Pathiana\anga chhuak hmangaihnachu a \ha a, a thianghlim veka ni.

Hmangaih tih hianhmakhua ngaihsakpui akawk a, an tana \ha turngaihtuahpui leh chudinhmun chu an thlentheihna tura \anpui a kengtel a ni. Chu vang chuanhmangaihna dikah chuanmahni hmasialna a tel lo va,mahni nawmna leh hlimnaumnain hmun a chang lo va,hmangaihte tana inpek zawhvekna a keng tel nghal a ni.

Hmangaihna chakzia :Hmangaihna hian thinlung sakber a tinem thei. Khawvelami sual tawrawt berte zingami, mi sual huaisar Nicky

Cruz-a kha, eng mah hlauhnei lo, thisena tuihal reng maia ni. Pastor Wilkerson-a’n,“Nicky, Isuan a hmangaihche asin,” a tih khan mihuaisen chu a zam a, a khura, a mittui a hnam nghal a,Isua hmangaihna chuan a nuna thlaksak thawk mai.

Hla Thlan Khawmahchuan, ‘Thihna angin a chaksi, hmangaihna chu,’ (8:6) tihkan hmu. Pathian hmangaihnahi a chak a, dan khirh tak aiina chak a, vauna leh vuaknatiang aiin thil a tithei a,hremna na ber aiin a thawkchak zawk. Chu Pathianhmangaihna chu Kristaahtihlanin a lo awm a, krawsahPathian hmangaihna chuleihbuak a lo ni ta!

Rev. D.E. Jones-a chuan,‘Kraws thisenin mi chak thei lo,Huai berah a chantir thei;Kraws thisenin mi huai berpawh,Tam tak a titlawm der thei,”tiin a lo phuah chhuak hial ani.

C.H. Spurgeon-achuan, “Vur tlang i tihtuiral




duh chuan tubohva chhut kehtum chu a sawt lo vang. Nilumah dah la, a tuiral vek maiang. Chutiangin vur tlangang maia thinlung sakte chutharumin emaw, hnialpatawkin emaw i hneh theilo vang a, hmangaihna niengin chhun la, a tui dul dulmai ang,” a ti.

Tunlai khawvel sualtakah hian mihring nun siam\hat nan hmangaihna aia \haa awm thei lo vang! Tleirawlsual thununna atan, sualkawng zawh mekte tan,chhungkua leh khawtlangah,nupa inkar leh unau inkarahpawh hmangaihna hruiaphuar khawm tluka hlu aawm thei lo vang.Hmangaihna tel lo chuan nunhi inthlaksak mai theih a nilo. Talhfiak emaw, thu hriamemaw hian nun a khawihtawk zo lo.

Pastor Vanchhunga kha(an tia lawm!) khualah angaihzawng rimin a zin a. Ani kha pa san \ha, a hun laiainbuan chak a ni. A bialnuchu a awm thleng chauh a niawm e. A haw dawnin

kawtchhuah thleng a bialnuchuan a va thlah a. Ama sawidanin, “Ka ipte hruaiah avuan a, mittui parawl kiangchungin, ‘Haw rih lo mairawh aw,’ a ti a. Ka tal luihluih a, ka tal chhuak zo rengreng lo,” a ti e, an tih chu!Hmangaihna kuta vawn chua nghet a, a vuantu thahruiaiin a fei a, a chelhtu chaknaaiin a khauh va, pawh dinzawh loh a nei ve lo!

Hmangaihna chuan nunthar a siam : ChhandamtuPathian hi HmangaihnaPathian a ni. Johana chuan,“Hmangaihna nei lo chuanPathian a hre lo; Pathianchu hmangaihna a ni si a,”(1 Jn. 4:8) a lo ti hial a.Pathian hmangaihna hi miina hmuh chian tak tak chuanama nun kalsan a hreh lo va,Pathian duh zawngin a nun ahmang \hin. Nun bawlhhlawhleh chhe vek tawh pawhPathian hmangaihna chuan athlak danglamsak a, chuta\ang chuan a nunin awmzia anei a, kal ngaihna hre tawhloten kawng dik an zawh a,beidawngin beiseina thar a nei




leh \hin. Mi dang haw \hinkhan ama nun a ten a, amahaiin mi dang \ha zawkah a loruat thei tawh a, ama tananung \hin kha mi dang tan ainphal a, mi dang zar zo tum\hin khan mi dangin a zar anzo theih nan a nun a hmangral hreh tawh lo.

Nun beidawng leh rummek, khawvelah hian chanvonei lova inhria zawngzawngte hian Pathianhmangaihna hi lo hria selachuan beidawnnaah an tawplo tur. Hma lam thlir thei lokhawpa thimin a tuam vel nunhi Pathian hmangaihnain achhun en chuan ‘Thlir lamapiang a mawi,’ tih ang maiinkhawvel thar an chen a, annunin a tawn chu ngai rengmah se, anmahniah dang-lamna a awm tawh avanginan thil thlir dan a danglam a,chung harsatnate chuan annun a tichhe pha tawh lo va.Hmangaihnain nun a thlakdanglam tak tak chuan, “Vanangel thianghlim sak ve theihloh hla mawi, Kei mi sual berchhandamna hla,” tih hi hlimtakin a sa thei tawh \hin.

Hmanni deuh khantlangval pakhat ruihhlongaiin a testimony a sawi a.Ani chuan, “Ka pa hi cancera ni a, a na chhawkna turdamdawi hi ka nu lei chauhan phal a. Ka nun a lei sahian ka lo injection a, ka pachu tuisikin ka jection \hin.Vawi thum ka jection chuana tlin ta lo va, a thi ta a ni,”a ti. A va rapthlak em!Chutianga mahni pa nunnahlu tak pawh ngai pawimawhzo lo leh zah zo lo khawpasualin a thunun chuan Pathianhmangaihna a hriat chian hnuchuan a nun a tui ral zo ta!

Kha tlangval kha JACleh VDP-in vawi tam tak anman, an vuak leh lock up-aan dah tawh a ni. Mahse, anun danglamna atan talhfiaka tawk lo va, mualphonain anun a tidanglam zo lo.Tlangval tawrawt, hetiangem em hi chu an awm theidawn em ni tih khawpaboralna khur thuka tang tawhpawh Pathian hmangaihnachuan mi tharah a lo siam theia nih chu! A va hlu si em!




Chhan let ngai hmangaihna: Hmangaihna hi amahngawtin a awm thei lo va.Hmangaihna chu chhan let anih loh chuan hmangaih nihhlutna a lang lo va, chhan letloh hmangaihna chu a vakvai\hin. R.S. Seaton-a chuan,“...hmangaihna chu pekchhuah a nih loh chuanhmangaihna a ni lo ve,” a loti. Africa hmar lam Thagastekhuaa Monica-i chuan Pathianhmangaihna ropuizia ahrechiang a. A fapa sualkawng zawh, Carthagekhawpuia nuam chen tura kalchu \hahnem ngai takin Pathianhmangaihnaa chhun ena aawm theih nan a \awng\ai a.A nu \awng\awina avangchuan Pathian hmangaihnaina thinlung a chhun eng ta! Mithianghlim, Kohhran pa, theo-logian ropui, Hippo khawbishop Augustine-a hi kan loneih phah ta a ni.

Lal Isuan fapa tlan botehkhin thu a sawiah khanchiang takin kan hmu. Fapatlan bo khan a pa hnena aawm lai khan a pa hmangaihnaa lo hre chiang lo hle mai a.

A pa hnen a\anga hla taka tlanbova, a pa ro chen hem hemkha a hlimna turah a ngai a.A duh dan ang tak chuan akal bo ta! A thil tawn zawngzawngah chuan hmangaihnatel lova nun hlut lohzia lehthihna mai hmabak a nihzia ainhriat chhuahtir a, a pa a ngaita vawng vawng mai a nih kha!

A tlan bona hmunahkhan a \hian tharte nen nuamlutukin an awm a nih kha.Khati chung khan a mamawhchu hmangaihna tho a ni.Hmangaihna tel lova nuamlutuk kha a lo nuam rei lo hleni tur a ni, vawkin an ei englo kawmte kha a it ta mai mailek a ni!

A pa hnena kirtir lehtuchu a pa hmangaihna kha ani. A inhriat chhuah veleh apa hnenah a pa hmangaihnachuan a tirkir ta a ni. A pahmangaihna chhang let lovaa nun a hman lai khan buainaleh ril\amna bak a tawng lo,a pa hmangaihna angchhungaa awm lai leh a tlan bonaa\anga a lo let leh hnu khachuan a mamawh zawngzawng a pa hmangaihna




angchhungah chuan a chen tazawk a ni. A pa angchhunga\anga chhuah kha a hlimnatur leh a lawmna tur emaw ati a; mahse, a chhiatna bul, amualphona tur pan lek a lo nisi! Ril\am, kalsan lehkhawharna bak a hlawhchhuak zo lo.

Pathian hmangaihna himiin an hriat chian takzetchuan,“Engkim mai hi ka tani se, Pathian pekah a tawklo va; Chutiang hmangaihnanasa chuan, Thlarau, nunna,engkim a duh,” tiin an nunan hlan mai a ni. Pathianinkhawvel a hmangaih emavangin a Fapa mal neihchhun min pe, chuhmangaihna chu chatuananunna, boral lohna a ni.Pathian hmangaihna krawsalo lang avanga nun hlohngamten an nun an humhima, amah avanga nun kalsanngam chu lei nun aia hluzawk van nun pek an ni. Chunun hlu tak chu hre lovaboral, sual avanga hliam tuarleh boralna kawng zawh mekan va la tam em! Heng,boralna kawng zawh mekte

hian an mamawh nia an hriathi an mamawh a ni lo va, anmamawh tak zawk chuhmangaihna hi a ni.

Pathian hmangaihna hia chhang let ngamten ahmangaihna an chen a, aanchhungah chuan an chawlmuang \hin. Hlutna nei tawhlo, chhe vek tawh, beisei turnei tawh lo tan pawh Pathianhmangaihnaah chuan mi thara la ni thei asin! Fapa tlan bokhan a pa hmangaihnaangchhunga a let leh hnu khana hma aia duhsak leh duat ahlawh a nih kha! Hlutna neitawh lo, ril\am, kalsan hnukhan lal fapa anga chei ahlawh a, a pa hmangaihnaavangin a hloh tawh zawngzawng a nei let leh a ni.

Pathian hmangaihna,krawsa kan hmuh hi kan tana tawk a ni. Chumi hrechiangtu chuan –“Kei zawng hlutna ka nei lo,Kei zawng mawina ka nei lo;Mahse, krawsa thihnaavangin,Ka hluin ka mawi a ni,” an timawi a ni.

Amen.




SAWMA PAKHAT LALPA TA

– Biakhmingthanga ChhangteKolasib Vengthar

"Ka inah ei tur a awm theih nan, sawma pakhat zawngzawng chu thawhlawm inah rawn la rawh u; Van tukverhtechu hawnsak che uin, malsawmna dawn sen loh hial ka vurdawn che u nge dawn lo che u, mi han fiah teh reng u,"Sipaihote Lalpa chuan a ti (Mal 3:10).

1. Thuthlung hluiah :Sawma pakhat pek thu kanhmuhna hmasa ber chu Gen.14:20-ah a ni. AbrahamanKedorlaomera leh a \anrualpuite beiin a hneh a, arallak a\angin sawma pakhata pe a. Genesis 28:22-ahJakoban Bethel-a lung a phunkhan Pathian hnenah sawmapakhat pek a tiam a ni. Israeltehnena sawma pakhat pe turaPathianin a ti a. Kawng hnihina lang a - kum tin loa thlaithar zawng zawng a\angin lehan ran zinga piang hmasa beran pek tur thu a ni. PuithiamDan an tih Leviticus 27:30-33-ah chuan sawma pakhatchu Levia chite pual a ni bera. Kanaan ram insem lai khanchan an nei ve lo a; chuvanginanmahni chu "Lalpa Pual" tih

an ni a. An intunnun nansawma pakhat chu anchanpual atana pek \hin an ni.

Sawma pakhat hi Israel-te tan thil thar a ni lo. Anchhehvel hnamte tih dan anlak chhawn niin a lang.Phoiniki-hote pawhin anpathiante hnenah inthawi nansawma sakhat an pe \hin.

Sawma pakhat tih\awngkam hi chhiarkawp lam\awng a ni a, "Sawm zelahpakhat" tihna a ni. Sawmapakhat hi "Lalpa tan thilthianghlim" a ni a. Sawmapakhat hi "Lalpa Pathian \ihnachang in lo hriat fo theihnan…" a pek a ni (Deut 14:23).

Israel-ten sawma pakhatpek an thlahthlam ta hle a, anchungah Lalpa a lungni ta lo




va, "Mihringin Pathian ta chua ruk sak tur em ni? Nangnierawh chuan, 'Engahte hiannge kan ruk sak che?' in ti a,sawma pakhat leh thilhlanahte hian. Anchhia lawh in nita, nangni he hnam pum puihian kei hi min ruksak \hin a,"Lalpan a ti a ni (Mal 3:8-9).

2. Puithiamte pual a ni :Thuthlung hlui hunah chuanBiak bukah Puithiamten kawlani chhuak chhiarin mite sualthawina hlanin hna an thawknileng a,anmahni hna pawhan thawk hman lo a, an eitur sum pai an thawk chhuakhman lo a. ChuvanginPuithiamte ei tur a awm theihnan sawma pakhat mipuitenan pek a \ul a ni. Hei hi kansum hmuh kawng hranghrang a\anga pek tur a ni a,chutianga kan pek \hin chuanmalsawmna dawn sen lohkhawp hial min vur a intiama ni. A thu phelh tawh ngailova chuan "Ka ka a\ang aka thu chhuak chu … engmahtih nei lovin ka hnenah a kirleh lo vang a, ka duh ang chua ti zo zawk ang a, thil ti turaka tirhnaah chuan a

hlawhtling bawk ang" a ti, (Is55:11). Fiah turin min sawm,i fiah ngam em le?

3. Ei raltu min khapsakang : Kan sum lakluhnakawng hrang hrang atangapek Pathianin a phut a. I ranhralh man te, i loa thlai tharchi hrang hrang i hralh mante, i thawh chhuah zawngzawng atangte khan hlim lehlawm takin Pathian hnenahsawma pakhat zawng zawnghan pe zar zar mah tehmalsawmna dawn sen loh avur \euh mai ang che.Chutianga i tih chuan i tanaPathian intiamna hi a takin alo thleng ang. ‘Eiraltu chu kakhap sak ang che u a, tichuanin lei rahte chu a tihchhiatsaktawh lo ang che u a, huanain grep rah chu a hlam tla raltawh hek lo vang, Lalpan ati" (Mal 3:11). I sum lakluhna kawng hrang hranga\ang khan sawma pakhat pezar zar la chuan i thlai a himang a, i sum hnar a chatlaklo tur.

4. Sawma pakhat pe\hatu chu : Pathian \ih misawma pakhat pe \ha deuh




mai chanchin tlem i han sawiteh ang. New York-ahtleirawl piangthar \ha tak Wil-liam Colgate-a chu a pasahbawn siam a pui \hin a, apa chuan mahnia awm hrangaei zawng ve turin a ti a. Anin a\angin a chhuak ta a. An\henawm putar lawng sipaibang chuan khawnge a kaldawn tiin a lo zawt a. Putarchu thil awmzia a hrilh a.Putar chuan "E! lungngaireng reng suh tlangval i nitawh a, i ei khawp i hmu emem ang, eng nge i thawh ve\hin a?” tiin a zawt a. A nichuan, "Ka hnathawh thiamve chhun chu Sahbawn siama ni" a ti a.

An han ngawi dun vangvang a, putar chuan, "Kantawngtai lawk ang e" a ti a.An pahnih chuan an \hing\hia, putar chu William-a tanchuan \hahnemngai takin a\awng\ai ta a. Chumi zawhchuan putar chuan, "NewYork khawpuiah hian sahbawnsiamtu hmingthang tak a laawm dawn a. Chu chu nangemaw mi dang emaw a ni theie. Engpawh ni se mi \ha tak

nih tum la, pawisa i hlawhchhuah atangin Lalpa chanpualpe \hin la, sahbawn i siam anih pawhin rinawm tak leh diktakin hna thawk la, a rih dantur dik takin siam \hin ang cheaw" a ti a. William-a chu mihnuaiah a inhlawh a, a hlawhchhuah tlem te a\ang chuanPathian hnenah sawma pakhata pe zel a.

Tichuan rei lo teah ahlawh chhuah a\ang chuansahbawn siam lamasumdawnna chu a \hianpanen an ti dun a. Vanduaithlaktakin a \hianpa chuan athihsan ta hlauh mai a.Sahbawn siam hna chuamahin a thawk ta a. Pathianmalsawmna a dawng a, asahbawn siam chu a lohlawhtling hle a. A sahbawnsiam hralhna a\ang chuansawma pakhat a pe a, a lohlawhtling chho ta zel a.Sawma pakhat mai ni loinpahnih, pathum, pali, pangaa pe chho ta zel a, a fatezawng zawng sikul \haah akaltir vek thei a, anchhungkua chu a tichangkangta vek a ni. A duhthusam




tipuitlingin a sumdawnnaa\anga a hlep zawng zawngchu Pathian tan a pe ta vek a.

Williama Colgate-achuan a sumdawnna chu amahming chawiin COLGATEtih a hmang a. Sahbawnchauh lo pawh ha nawh fainaCOLGATE, a hmeh chhuahchi leh a phut chite a siam a.Pathianin mal a sawm a,khawvel pum hriat thamkhawpa sumdawng hausa alo ni ta a ni.

5. Keini pawhin kan peve ngei tur a ni : WilliamColgate-a hi kan entawn atana va tha tak em! Kawng hranghranga kan sum lakluh atangasawma pakhat zawng zawngte phal tak leh hlim leh lawmakan pek ve a tul takmeuh ani. Eng vangin maw?Kohhranah hun pumathawktu Pastor lehrawngbawltu te, missionaryleh rethei chhawmdawl ngaikan nei a; chuvangin,Pathianin, "Ka inah ei tur aawm theih nan, sawma pakhatzawng zawng chu thawh-lawm inah rawn la rawh u"tiin min hrilh a ni. Chutianga

kan pek chuan Pathianinmalsawmnain min vur vedawn a ni.

Dan awm hmaa ringtuAbrahama chuan phut lehtukluih vang pawh ni lovin,Pathian hnenah sawma pakhata lo pe tawh \hin a. "Rinnaakan Pa Abrahama lo tih thinang chuan keini a fate pawhhian a chanvo leh a ta chu kanpe ve ngei tur a ni. Kan pekloh chuan kan ruksak a ni.

Kan thil deh chhuahtinreng leh kan buh leh thlai,sum leh pai, kan ran vulhzawng zawngte hi Lalpa ta ani a. Heng malsawmna kandawnna kawngah hian athawktu leh tipungtu ber chuPathian a ni a. ChuvanginAbrahama anga rinna neitutehian kan Pa tih dan chu zuiinkan neih engkima "Sawmapakhat" pek hi kan tih ngeitur a ni. Phal taka petutemalsawm turin a inpeih renga ni (Mal 3:10). Pathian tachu hlim leh lawm takin uilo leh phal takin i pe ve \hinang u". Pathian chuan hlimtaka petu a ni a hmangaih ni.




N.E. KHAWDUNGSEI KOHHRAN TLAWHA|ANGA ZIR TUR AWMTE

– P.C. LalhmachhuaniChamphai Bethel

Bethel Pastor Bial Hmeichhe Inkhawmpuiin Kristianchhungkaw dinna kawnga hma kan sawn theih beiseiin kum14 lai mai Kristian chhungkaw dinhmun tehnaa pakhatna loni tawh N.E. Khawdungsei Bial chu tlawha, an tih dan va zirchian ni se tih a rel a. Chumi bawh zuiin ni 9-10.4.2016(Inrinni & Pathianni) hmangin Bial Hmeichhe Committeemember-te bialtu Pastor Rev. H. Za\huama leh Bial Secre-tary (Sr.) Upa C. Pakunga hovin mi 28 lai kan kal a. N.E.Khawdungsei Kohhranin min lo dawngsawng \ha hle a,chawhlui te min lo buatsaihsakin Bialtu Pastor Rev. B.Darnghakliana hovin min lo hmuak a. An dinhmun zir chiangtura kal e ti lovin, Inrinni zan a\anga Pathianni nileng thusawinahun min lo pe a. Veikhawr deuh hu chungin thu kan va sawihlawm a. Amaherawhchu, inpawl hona hun inkhawm banapiangin min buatsaihsak thung a, Pastor/Upa leh kohhranmite an tel \hain hlawkna tam tak kan chhar a, heng anhmalakna hrang hrang kan ngaihthlak a\ang hian Zoram pumaan dinhmun kan lo hriat hi an lo phu thlawt a ni tih leh zir vea, tih ve nghal theih tam tak hi kohhranten kan ke pen nan a\angkai ngei dawnin ka hria a, ngawih bopui mai ka ui deuhva, ka han ziak ve a ni.

N.E. KhawdungseiKohhran hian kum 20/30 liamta a\ang khan Kristianchhungkua hi tihtakzetin an lobuaipui tawh a. Chutih laia anKohhran Hmeichhe hruaitute

chu tunah kum 80 dawndawn lai an ni tawh a; mahse,an tha an la thlah chuang miahlo va, hma an la hruai theireng mai a, an fakawm hlemai.




N.E. Khawdungsei hikhaw vannei tak an ni, ankhaw lal hmasa chu Kristiana ni a, pem thar an nei tlema, mi nghet an tam a, kohhranpawl hrang sawi tham anawm lo. Hei vang hian ankhawtlangah kohhran aw alian a, an inpumkhat \ha emem a. An khua a pem thar anawmin an khawtlanghruaituten an lo dawngsawnghmasa a, ni tin chhungInkhawm neih loh kha thuawih lohna a ni an lo ti maia, khawtlang leh kohhran ankal kawp tlat hian Kristianchhungkua hmalak atihawlsam phah niin a lang.

Tin, an khua chu DryArea-ah an puang a, zu zuaran awm lo va, zu rui hmuhtur an awm lo va, an in leh avel a fai a, anmahni pawh anfai a, hmuh an nuam a, ankhawtlang a ralmuang a, tuleh fate sei lenna atan a itawmngawih ngawih mai a ni.Kohhran an hlim a, inkhawman \ha a, kum upa inkhawman tam a, biak in thleng ngaimiah lo chhungkua sawi tur

an hre lo. Biak in an khat rengmai a, “Kan lo kal vang emni?” kan ti fiam a, “Kan nihdan phung pangngai a ni,” anti. Tuna an kohhran lehkhawtlang dinhmun awhawmtak hi kum 20/30 hma lama\anga Kristian chhungkua anlo atchilhna rah a ni tih lohrual a ni lo.

Kristian chhungkawdinna atana an hmalak dantlangpui chauh sawi ila. Nitin chhung inkhawm nei theilo zu zuar leh biak in thlengngai lote inah an campaign a.A tirah chuan kawngka te anlo kalh tlat a, a \hen chuanTV te an lo ensan tlat a. Aninah \awng\ai an dil a, an loremtih loh emaw, an awm lohemaw pawhin an bathlarah an\awng\ai rual chiam \hin a, Nitin chhung inkhawm an neihtheih hma chu an kal tlut tlutmai a ni.

Kohhran HmeichheCommittee apiangin Kristianchhungkaw thu hi Agenda no.1-ah an dah ziah a, thla tininCommittee member-ten anBial dinhmun an report ziah




a, chhung inkhawm nei theilo awmna bial vawngtu nih anhlau va, anmahni chauhpawhin an bei ngar ngar maia ni. Chaw ngheia \awng\aite, ni tin zirna sikul leh Sun-day School-a campaign te annei deuh reng a. Kristianchhungkaw tlangau an ti a,mike hmangin khaw chhungmi zawng zawng hriat theihturin campaign an nei \hin a.Thla tinin ni 8 ni hi awmnikhamin Kristian chhungkawpualin \awng\aina an nei \hin.Ni tin chhung inkhawm neithei inah lawm thu sawi\awng\ai neiin an kal kual rengbawk a ni. Pastor/Upa,Kristian chhungkuaa tui lodeuhva an hriat chu Retreat,etc. an nei a, Speaker atan anhmang hlauh mai a ni.

Tin, Dry Area Commit-tee hnuaia cell hrang hrang-ten zu emaw, ganza emaw tean mansakin Inrinni zanah\awng\aipui turin an hming anpuang chhuak a, an\awng\aipui \hin a. Ni tinchhung inkhawm nei thei lotepawh an tar lang a, an

\awng\aipui \hin. Hetianga nihavang hian \awng\aipui nawnfo ngai nih chu a hlauhawmduh khop ang.

Harsatna tam tak antawk ve tho va, Inter StateBoundary-a awm an ni a, ankhawtlang hi thil hrang hrangin a paltlang ve \hin. Hengavang tak hian \an la turin aninfuih reng a ni. Tin, Upate,Kohhran Hmeichhe Commit-tee, K|P, Pavalai Committeemember-te zingah ni tin neiregular-a chhung inkhawmnei lo an awm hian campaigna sak \alh zel an ti.

N.E. KhawdungseiKohhran Hmeichhiate hetitaka inpumkhata an chaknachhan ber ni a lang ta chu anluang chhuak tam hi a ni, mirethei/harsa, ramthar a niemaw, tualchhung a ni emawan kawl ang ang an pe chhuaka, balance pakhat mah neilovin an pe chhuak ngam ani. Pathian hian pek a lawm\hin a, petu hnena tam takape lettu a ni tih hi an hrechiang a, an pe chhuak huaia ni.




Heng kan han ziak kimlo tak a\ang hian zir tur tamtak kan nei ang tih ka ring a.Kristian chhungkua kanbuaipui mek \heuh hi tisathilah pawh kan tan apawimawh ber, kan ram, kankhawtlang, kan kawtthlerzawng zawng te hi a ralmuantheihna tur leh kan tu kan fatesei lenna tlaka siam tur hiantun mai thlir lovin nakin kum

10, 20, 30 hnua kan dinhmuntur thlirin tun a\ang hiantheihtawp chhuahin bei ila,Kristian chhungkua lo hi chusiam \hat theihna hmanrua avang hle a ni.

Kan chhungkaw mai-chamte chhawm nung zelin,“I thuin lente kan deng lehang e,” tiin Zoram nute i \angsauh sauh ang u.

PRESBYTERIAN CHURCH OF INDIA (PCI)BIENNIAL GENERAL ASSEMBLY VAWI 42-NA REPORT

– R. RengkhumiJoint Editor

A hmun : Mawsynram Presbyterian Church, KJP Synod SepngiA hun : 27 April - 1st May, 2016Thupui : "The Gospel Transforming Power"Sawitu : Rev. Dr. Vanlalchhuanawma, Mizoram Synod.Palai kal zat 1,150 kan ni a, Mizoram a\angin 571 kan kal.

Thurel tlangpuite:1) Tripura Mission Field chu Provisional Synod a siam remtih a ni.2) Kum tinin June thla Pathianni hmasa ber hi Environment Sun-day atan hman \hin nise tih a ni.3) Meitei Presbyterian Singlup Provisional Synod chu Synodpuitlinga hlankai remtih a ni a, hawn hun tur chu PCI ExecutiveCommittee kutah dah a ni.4) Nomination Committee-ah hian Presbytery Moderator Elect




leh Bial Chairman Elect-te tel tawh tura rel a ni a, PCI Danahziah luh tur a ni.5) Executive Committee member atan kohhran member nuai 3a\anga nuai 4 neiin 8 an ruat thei ang a, nuai 4 chuang neiin nuai 1zelah pakhat an ruat belh thei ang.6) PCI General Assembly hnuaiah Finance Committee siam thara ni a, PCI Genl. Assemby. Puipate, bakah Synod tina FinanceOfficer-te chu ex-officio an ni anga, Gen. Assembly ruat mem-ber - 5 an awm bawk. Mizoram Synod atangin Upa LalsawmlianaSynod Finance Manager ruat a ni.7) Kohhran hming ziah dan chung changah Mizoram Synoda\anga thu lut, Presbyterian Church of India tih chu dah hmasakaa hnuaiah Synod hming dah nise tih a ni.8) PCI Danpui chu a puma en\hat remtih a ni a, Executive Com-mittee bawhzui tura dah a ni.9) Administrative Secy. \anglai term a tawp avangin a aiah Rev.Rolianthanga Laisim, Biate ram Synod chu dah a ni.10) PCI Dan 7th Edition chu, hemi hnu-a PCI Assembly-in dan asiam \hatte belhin 8th Edition chhut thar ni se tih a ni.

Inkhawmpui thlengtu Mawsynram khuaah hian 1869-ah Mis-sionary an lut tawh a, kum 1930-ah kohhran a ding nghet a. Kohhranin 285 a ni a. Danzawhkim 639 an ni a, kohhran member hi 1340an ni.

Dt. 27.4.2016 chawhnu dar 2:30 velah Synod Office a\anginBus 17 hmangin kan chhuak a, 28th April chawhnu dar 1 velahMawsynram kan thleng a ni. Ni 28-ah Nomination leh Committeepeng hrang hrang an \hu a, zan a\angin Pathian Biak InkhawmPCI Assembly hawnna Inkhawm neih nghal a ni a. Inkhawmapiangin Synod hrang hrang leh kohhran zaipawl 4 vel an zai ziaha, an zai thiam em em a, music lamah pawh an sang a. MizoramSynod Choir-te an zai \hain an thiam hle bawk.

Mikhual thlen chung changah an entawn tlak hle. In khatah 40te an thleng a, mikhual tan an khum an kian vek mai a, a neitute




CHARITY STORE LEH TARTE INKAWM HLIMNAHAWN A NI TA

TARTE INKAWM HLIMNA

Ram changkang zelah tar leh kum lama upate’nngaihsak an mamawhzia hriain Synod chuan Tarte InkawmHlimna (Old Age Day Care Centre) a hawng ta a. Hetianghian kalpui a ni:

A hmun : Synod Conference Centre, Mission VengA hun : Dar 10:30 a.m. - 3:00 p.m. (Mon–Fri)

kha khawiah nge an mut pawh kan hre mang lo a ni.Inkhawmpuiah hian Mizoram Synod puipate an che \hain re-

port felfai takin an pe a, kan Minister-te an che \hain \hahnem anngai em em a, PCI chungchangte an hre rilin, rorelnaah anchhuanawmk takzet a ni.

PCI Administrative Secretary-te:1) Rev. V.L. Luaia Hranleh, Mizoram Synod (Sr)2) Rev. G.S. Lyttan, KJP Synod Sepngi.3) Rev. Rolianthanga Lalsim, Biateram Synod

Nomination Committee-ah Upa R. Lalmalsawma, Mizoram Synodthlan a ni.

Kum 2018 PCI Biennial General Assemby vawi 43-na chuFiangpui Kohhran, Haflong Biak Inah nghah a ni ang. Moderatoratan Rev. Lalramliana Pachuau, Mizoram Synod ruat a ni. Thupuitur chu ‘Nunna Eng’ tih a ni.

Presbyterian Kohhran Inkhawmpui lian berah hian KohhranHmeichhia leh K|P aiawhte hi han kal ve thei ila chuan a valawmawm lehzual ang tihte ka ngaihtuah a. Eng pawh ni se,Chanchin |ha avanga kan chanvo hi a ropui takzet a, a rawngbawltura min thlangtu Pathian hnenah lawm thu i sawi ang u.




Hriat tur pawimawhte :

1. Inkawm hlimnaa tel tur hian kum bithliah eng mah a awmlo.

2. Inkawm hlimna hmunah hian intihhlimna chi hrang hrangleh chanchinbute dah a ni.

3. Chhunah thingpui leh a hmeh pek an ni ang.

4. Kal leh haw chungchangah an chhungte emaw, ankohhran emawin an buaipui tura ngaih a ni.

5. A tel tur tan pawisa chawi eng mah a awm lo vang.

CHARITY STORE

Mi rethei leh harsa zawkte \anpui nan Synod chuanCharity Store a buatsaih a, a duh apiang tan dawr theih a nita. Ni tin office hun chhungin dawr theih an ni a. Inrinnipawhin chawhma hawn \hin a ni. Heng thawmhnaw lehbungbelte hi man tlawm te tea hralh a ni a, sumdawn nanahman erawh phal a ni lo.

Mi rethei leh harsa zawkte tan thawmhnaw, bungbel,hmanraw chi hrang hrang leh pawisa pawh pek theih reng ani a. Chung thilpekte chu fel taka chhinchhiah zel a ni bawk.

A hmun : Pu R. Zathanga Building, Tuikhuahtlang (Sikulpuikawn chhak)

(REV. B. SANGTHANGA)Executive Secretary i/c Social Front

Mizoram Presbyterian ChurchSynod Office, Aizawl




Hriselna Huang

THLUAKA KHAWSIK LUT (MENINGITIS)

Thluaka khawsik lut kan tih mai, meningitis hi thluakanatna hrik lut a ni a, natna hlauhawm tak a ni. He natna hinatna chi dang – sentut te, bengkherh te, khuhhip te hiankaichhuak duh a, fimkhur a ngai hle a ni. He natna hi naute apian hnu thla rei loteah an nuten TB te a vei hlauh chuannaute hian TB Meningitis hi a vei mai thei \hin a ni. Nauhnute pek lai hian nu hriselna hi ven \hat a \ul khawp mai.

Meningitis vei hriat dan -* Khawsik an neih a* Lu na tak an neih bawkin.* Ring khawng tlat -

Naupang chu na hlein alang a, a lu chu a tidakin asir zawngin a mu \hin.

* A khup inkarah a lu adahtir dawnin ahnungzang khawngvangin a dah theih loh.Nausen kum khat la tlinglo chu a lu dip a lo pawng\hin.

* An luak deuh reng bawk.* A chang chuan an kaih a,

an chet dan pawh adangdai deuh \hin.

* Naupang damlo chu a lonat zual deuh deuhvin,nikhaw hre loin a awmthei.

* Tuberculosis meningitis hia thawk muang a, a natnalo lang chhuak turin ni tam,hapta tam a duh \hin.Meningitis chi dang chu arang a, darkar rei vak loleh ni tlem te hnuah a langmai \hin.

A enkawl dan -Damlo chu hetiang natna avei nia rinhlelhawma a awmchuan damdawi thiam rawnvat tur a ni. Eng lai pawh aenkawl ngun pawimawh emem a ni tih hriat a \ha. Mahnirin dan dana enkawl hi tihsuala awm duh em avangin atheih hram chuan damlo chudamdawi inah kalpui vat tur.

Damdawi in kal phaklohna hmunah chuandamdawi thiamte rawna, an




kaihhruainain Ampicillin 500gm-in darkar 4 danah emaw,Crystalline Penicillin10,00,000 units-in emawdarkar 4 danah chiu a \ha.

A khawsik a san hlechuan (400C aia sang) puantui vawta chiah huhin dep la,Aspirin/Paracetamol pawh petel rawh. Hei hian khawsikchu a tihniam thei a ni.

Naute nuin TB a veichuan naute hnute hne laidamlo chu Tuberculosis men-

ingitis a ni thei a. Chutiangarin an nih bawk chuan, a taksarih dan azirin Streptomycin-in chiu tur a ni (0.2 ml/5kganga chhut tur). Meningitischu TB vanga awm nia i rinloh chuan Ampicillin emaw,Crystalline Penicillinemawin enkawl tur a ni.

Meningitis ven dan -Nu TB vei tawh chuan a naupawmten Tuberculosis Men-ingitis an vei loh nan an pianveleh B.C.G.-a chiu tur a ni.

PATHIAN THU ZIR DUH TAN

Presbyterian Bible School, Mission Veng, Aizawlah C.Th.(Certificate in Theology) zir tur lak a ni leh dawn a, dil duh chuanheng hi hriat tur a ni e:1. Admission Form Office-ah Rs 10.00 (cheng sawm)-a leitur a ni a, August 25, 2016 (Ningani) tlai dar 3:00 thleng PBSOffice-ah theh luh theih a ni. Diltu chu Class VII pass, kum 16 aianaupang lo, kohhran dan chhunga awm a ni tur a ni.2. August 30, 2016 (Thawhlehni) chawhma dar 10:00-ahinterview neih tur a ni a, September 5, 2016(Zirtawpni)-ah class \an a ni ang3. Zir hun chhung thla li, i.e September–December, 2016 ani. Hre chiang duh tan Phone No. 2317343/2325082/9436198231-ah zawh fiah theih a ni. Hostel a awm lo.

Sd/- (Rev. LALNEIHVURA)Principal

Presbyterian Bible School




CHAPATIMamawhte

Atta - no 2Giu - 1 tablespoonTui lum pip pep - a hmehna tur

A siam dan1. Atta leh Giu chhuan tui chu hmeh pawlh rawh,2. Tui lum pip pep nen chuan nuai nuam tawk a nih thlengin

hmeh tur.3. Darkar 1 vel dah rih rawh, a nuai a nuam sawt ang.4. Atta chu nuai phek la, Frying pan-ah tel tlem dah la, a

mal te tein thlak la, minute 1 hnuah let la, minute 1 dangkang leh la, a ei theih tawh ang.

PLAIN CAKE

Mamawhte

Artui - 6 nos Maida - 250 gmsChini - 150 gms Baking Powder - 1 tspButter - 200 gms Bawnghnute - A \ul zatVanila essence - 1 tsp

A siam dan1. Chini leh butter chu \ha takin chawhpawlh la.2. Chumi hnuah artui kha tlem tlema telh tur.3. Maida baking powder nena chawhpawlh sa kha tlem te

tein pawlh leh la.4. A la khal dan azirin bawnghnute telh leh tur.5. A hnuhnung berah Vanilla essence telh la, minute 30-

35 vel ur (bake) tur a ni.

Ei siam dan




Hruaitute chanchin

Pi Rothangliani hi PuThan\hianga (L) leh Pi Biaki(L)-te fa pasarih zinga a milai a ni. Kum 1987-ah Pu R.Lalrinthanga nen inneiin fapapahnih an nei. Mizoram StateCo-operative Union Office-ahField Education Officer hnaa thawk mek.

Senior Dept.-a a awmlaiin naupang lam zirtirtuahlak a ni a, Beginners a\angaSenior thlengin DepartmentLeader leh zirtirtuah a \angvek tawh a ni.

A nulat laiin K|Prawngbawlna ah a inhmanghle a. Branch leh Bialahchanvo hrang hrang a chelh\hin. Mission Veng Biala anawm laiin Bial Zaipawl hmasaberah member a ni.

Kohhran Hmeichherawngbawlnaah chuanKohhran leh Bialah Commit-

tee member leh Office Bearerpost hrang hrang Secretary tihloh chu a chelh kim tawh a,Tlangnuam Pastor Bial Chair-man hmasa ber a ni. Tunahhian Tlangnuam Bialah ViceChairman niin kohhranahchuan Treasurer a ni.Kohhranah Puitling SSzirtirtu a ni a, zing \awng\aiinkhawm leh Social FrontCommittee member a ni.

Bible chang duh zawngte - Kol 2:14,15 “Batnalehkha thupeka ziak, kanchunga awm, min dodal\hinna chu a thai bo tawh sia,... ” tih leh Sam 125-na hia duh em emte an ni. A hladuh ber chu KHB no. 57-na,“Krista thisen hlu tak chhuakchu ka tan a hlu a ni” tih hi ani.

“Kan fate Pathian biakin an ngainat theih nan lehPathian biak an zir theih nannuten inthlahrung lovin, kanfanau te tete nen Biak Inainkhawm i uar ang u. Zanlama inkhawm a harsa a nihpawhin, Pathianni SS lehchhun inkhawm tal hi chu ingai pawimawh ang u,” tiinmin chah a ni.

ROTHANGLIANI




Hriat atan

1. Heng hmunah hian kan hruaitute an feh chhuak a, Pathianhruainain tluang takin hun an hmang.

1) Dt. 6-8.5.2016 chhung khan Airfield Vengthar BialahLeadership Training leh Kristian chhungkaw Canpaignneiin Pi Rinchawii, Chairman, Pi LalhmingmawiiSailo leh Pi Lalnunsiami C/M-te an kal.

2) Dt. 14.5.2016 khan Zemabawk Bialah Pi K.Vanlallawmi, Vice Chairman leh Pi B. BualchhumiC/M-te Leadership Training neiin an kal.

3) Dt. 14.5.2016 khan Tuikual Bialah Leadership Train-ing neiin Pi C. Lalhmangaihi, Vice Chairman leh PiR. Rengkhumi C/M-te an kal.

4) Dt. 6-9.5.2016 khan Pangbalkawn Bialah LeadeshipTraining leh Kristian chhungkaw Campaign neiin PiLalbiakengi, Pi C. Nuzawni leh Pi Liansangi C/M-tean kal.

5) Dt 9 & 10 May, 2016 chhunga United Prayer forIndia buatsaih National Meeting Hyderabad-a neih aPi Lalmuanzuali leh Pi Lalbiaksangi te an kal.

2. Hmangaihna inah hian Generator 5KVA bun fel a ni a.Tui connection pawh pahnih dah belh a ni. Tunah hiannaupang (23.5.2016 angin) mipa 9 leh hmeichhia - 13,an vaiin 22 an awm.

3. Dt. 27 April - 1 May, 2016 chhunga PCI General As-sembly Mawsynram Presbyterian Church (KJP SynodSepngi) a neihah Central Committee a\anga PWF Stand-ing Committee member Pi H. Lalpianthangi, General Sec-retary, Pi Sailuti Asst. Secretary, Pi R. Rengkhumi lehPi Sawithangi Committee Member-te an kal a. PiK.Lalliantluangi, Peace & Justice Committee Member lehPi C. Lalneihthangi PWF Vice Chairperson te an kalbawk.




DECLARATION

1. Title of News paper : AGAPE2. Language in which

it is published : Mizo3. Periodical of its publication : Monthly4. Printer’s name : Upa R. Lalmalsawma

Nationality : Indian5. Publisher name : Rev. P.C. Pachhunga

Wheather a citizen of India : YesAddress : Synod Office

6. Place of publication : Mission veng, Aizawl7. Editor’s name : Lalfakmawii

Address : Synod Office8. Owner’s name : AGAPE Association

Where printing is conductedand premises on which : Synod Pressthe press in installed Mission veng. Aizawl

9. Name & address of individualwho owns the news paper andpartners or shareholder holdingmore than one percent of thetotal capital : Nil

I, Rev. P.C. Pachhunga, hereby declare that the par-ticulars given above are true to the best of my knowledgeand belief.

Dated, Aizawl (REV. P.C. PACHHUNGA)the 2nd June, 2014 Signature of publisher


july 2016 t agape t 1 - mizoram synod – presbyterian ... 2016 t agape t 7 a pasal chauh ni lovin a...

Documents