ka jinglamkhmat - census of india website 2018. 3. 5.آ  bapher jong ki sorkar jylla bad sorkar...

Download KA JINGLAMKHMAT - Census of India Website 2018. 3. 5.آ  bapher jong ki Sorkar jylla bad Sorkar pdeng

Post on 02-Mar-2021

4 views

Category:

Documents

0 download

Embed Size (px)

TRANSCRIPT

  • 1

    KA JINGLAMKHMAT

    Ka jingpyntreikam ia ka khana samari ba 2011 jong ka ri India ka pdiang sngewbha ia phi baroh ki Enumerator ba la jied kyrpang, na ka bynta kane ka kam bakhraw bad ba donkam eh. Ngim artatien ei ei ba phi ruh phin ia trei lang ban pyndep ia la ka bynta da ka buit bad ka bor baroh jong phi baroh.

    Khyndiat shaphang ka histori jong ka khana samari

    1.2 Ka khana samari jong ka ri India ka ioh nam shibun eh kum kawei na ki jingpyntrei kam ba biang eh ha ka pyrthei. La sdang ban shim ia ka jingniew khlieh briew nyngkong eh ha u snem 1872 ha kaba la niew ia ki nongshong shnong ha ki bun ki jaka ba pher jong ka ri ha ki por ba iapher. Hynrei, ia ka khana samari ba la leh salonsar ha ka ri baroh kawei ha ka juh ka por la sdang ha u snem 1881. Naduh kane ka por la leh ia kane ka kam ha ka ri India, shisien shiphew snem khlem da pep haduh une u snem 2011, kaba long ruh ka sien ba 15 (khatsan) naduh u snem 1872 bad kaba hynniew naduh ba ka ri India ka la ioh ia la ka jinglaitluid. La lah ban leh ia kane, dei namar ka jingtrei hok bad shit rhem jong kiba bun ki Enumerator, kum maphi kaba la pynlah ia ngi ban pyndep ia kane ka kam wat hapdeng kiba bun ki jingeh, kum ki thma, ki jingkulmar ha ka synshar khadar, ki jingpang ba par stet, ki jingjia ba sngewsih ba wan na ka mariang bad kiwei kum kita. Ka jingiasnoh kti ha ka khana samari ka pyni shai ia ka dur jong ka jingiatylli hapdeng ki jaitbynriew bapher ka India.

    Ka daw balei la dei ban leh ia ka khana samari

    1.3 Ka India ka dei hi ka ri ba thew ban leh ia ki kam ba bha ia baroh ki nong shong shnong jong ka. Naduh ba la ioh ia ka jinglaitluid, la shna ia ki plan san snem, ki plan shisien shi snem bad la pyntreikam ia kiba bun ki lad trei kam na ka bynta ka bha ka miat jong u luk u lak. Ban pyniaid ia kine ki lad trei kam, donkam nyngkong ia ki jingtip ba shisha naduh kaba sdang bad kaba rit eh ruh. Ia kane ka jingtip la lah ban lum tang lymba ka khana samari.

    1.4 Phi juh pyrkhat ne em, kumno ba pyn iabynta ia ki nongmih khmat sha ki Assembly/Parliament/Ki Dorbar Panchayat/Shnong bad kiwei kiwei ki rukom trei kam? Kumjuh ruh ha kano ka rukom la pynshong nongrim ia ka jingbynta ia ki Constituensi? Hooid shisha dei ka khana samarai kaba long ka nongrim jong kine kiei kiei. Kine ki long ki nuksa ba ha khmat eh. Hynrei ka khana samari ka ai ia ki jingtip shaphang kiba bun bah kiei kiei. Namarkata, phi long nonglum jingtip, bad ha kajuh ka por phi don ka bynta ba donkam eh ha ka kam tei-ri.

    1.5 Ia ka jingtip shaphang ki iing bad ki iing ba la shong da ki briew la donkam eh ha ki bynta bapher bapher kum, ki jinglong jingman ki jaka ba la shong briew, ki jingduna iing shong, bad kine kin ai ia ka nongrim kumno ban pyrkhat ia ka lad iarap ha kaba shna ia ki iing shong iing sah. Kane kajuh ja jngtreikam, kam wanlam ruh ia ki jingtip shaphang ki jingioh ia ki jingdonkam ba donkam eh bad ia kiwei pat ki kabu babha (Assets) ia ki long iing, khnang ba ka jingthmu treikam jong ki Department bapher jong ki Sorkar jylla bad Sorkar pdeng ne kiwei kiwei ki tnat bam iadei bad ka Sorkar, ki lah ban urlong ha ki bynta bapher ki shnong ki thaw bad ka jylla baroh kawei. Kane ka jingniew ia ki iing kan long ruh ka nongrim na ka bynta ka jingniew briew hi.

    1.6 Ka jingniew briew ka wanlam ia ka jingtip ba kordor eh ia ka jinglong ka jaka ka puta bad ia ki nongshnong shnong ha ito i por ba la buh khnang. Ka ai ruh ia ki daw bad ki jinglong ba iapher jong ka jingroi briew ha ki jaka bapher ki jingkhein ki jingdiah jong ka khana samari ki long kiba kongsan eh ha kaba iadei bad ka jingpynwandur ia ki jingthmu (Planning). Kine ki jingkhein baroh, la pyndonkam ha ka shna ia ki buit treikam (Policies) bad ki jingpynbeit ia ki jingtrei (Programmes) ban pyn urlong ia ki kam iarap ia ki nong shong shnong ha ka ri baroh kawei. Ka khana samari namr kata ka long ka tlong ba

  • 2

    kongsan eh jong kiba bun ki jingtip, ba donkam eh ha ka synshar khadar, na ka bynta ki nongpule puthi ki nongwad bniah, ki riew treikam, ki kam karkhana, ki nongsaindur ia ka lawei (Planners) bad ia ki kam ban jied nongmihkhmat sha ki dorbar thaw ain bad kiwei kiwei. La pyntrei kam ia ka man la ka 10 snem ha kiba bun ki ri ha ka pyrthei, na ka bynta ki thong kiba shai bad kiba kongsan eh. Kawei ka jinglong ba paw khmat jong ka khana samari, ka long ka jingniew ia uwei pa kawei ka briew, bad ia ki jinglong bapher jong uwei pa uwei la lum thohlang ha kajuh ka por ba la buh kyrpang.

    Ka khana samari 2011 jong ka India

    1.7 Ia kane ka khana samari, yn pyntreikam ha ki ar ki bynta, kata (1) Ka jingniew ia ki jingtei (Houselisting) bad ia ki iing ba shong briew (Housing Census) (2) Ka jingniew khlieh briew. Katei ka bynta ba nyngkong yn leh naduh u bnai Iaiong haduh Nailar, 2010 ha kylleng ki jylla bad ki Union Territories, katkum ja jingbiang jingbit ha la ki jong ki jong ki jaka ia ka bynta ba ar (ka jingniew briew) yn sa leh ha kajuh ka por kata naduh u Rymphang haduh u Lber 2011.

  • 3

    KA JINGAIBOR KYRPANG JONG KA AIN BAD KI HOK BAD KI KAMRAM JONG KI

    ENUMERATOR BAD SUPERVISOR A. Census Act 1948

    Kum u Enumerator, phi don ka kamram kaba donkam bad kaba kham eh ban leh. Haba la thung ia phi kum u Enumerator, phi la iohi ba la thung kam ia phi katkum ka Census Act 1948. Kane ka mut ba ia ka kam ba phin leh la ithuh da ka Ain. Hynrei, la ka ain kan iada iaphi ha kaba pyndep hok ia ka kamram, ka lah pat ha kawei ka liang, ban pynshitom ia kito ki bym trei hok. Hooid ngim artatien ei ei ba phin ia trei hok bad ban pyndep pura ia ka kam da kaba sngew sarong, ha ka por ba biang, ba la dep pynbeit. To ngin ia peit ia kito katne ki mat ba kyrpang jong ka jing iada ka ain ha kaba pyntrei ia ka khana samari.

    Ki hok bad ki kamram jong u Enumerator/Supervisor hapoh ka Census Act, 1948

    2.2 Kine harum ki long ki hok jong u Enumerator ba la ai da ka Census Act, 1948, ha kaba pyntrei kam ia ka khana samari.

    (i) Ban rung ha ki iing, ki kynja sem, ki jingker, ki jhad/lieng ne kiwei kiwei ki jaka shong briew ba la pyndonkam da ki longiing ban treikam na ka bynta ka jing niew briew, da kaba burom ia ki riti ki dustur jong kita ki jaka(Section 9).

    (ii) Ban ai number ia ki jingtei/ iing census, katkum ka jingdonkam, da kaba thoh da ka rong ne shu tah ia ki number, na ka bynta ka khana samari (Section 9).

    (iii) Ban kylli ia baroh ki jingkylli ba la shon ha ka phom Houselisting bad Housing Census Schedule (Section 8.1).

    (iv) Ban ioh ia ki jubab na kito kiba shah kylli, ia baroh ki jait jingkylli ba la shon ha ka phom bad ba la buh jingkylli [Section 8 (2)].

    Ki jingpynshitom hapoh ka ain Census lada u Enumerator um leh ia la ka kamram.

    2.3 Ka jingthungkam ia uno uno u briew, hapoh ka Census Act 1948, ka dawa ia u ne ka briew ban trei hok trei smat ia la ka kamram ba la ai ha u. Ka jing bym pyndep ia ka kamram ba la pynkit ha u kan wanlam ia ka jingpynshitom katkum ka ain.

    (i) Kine harum ki long ki jingleh beain ba lah ban ai jingpynshitom da ka jingsiew kuna (fine) kaba lah ban poi haduh 1000 tyngka bad ka jing shah set phatok, haduh lai snem.

    (a) Ka jing bym kohnguh ban leh ia kano kano ka kamram ba la pynkhamti, hapoh ka Census Act 1948, ne ki ain Census 1990 ne kaba khang ne buh jingeh ia uwei pa uwei u briew ha kaba pyndep ia kum kine ki kamram [Section 11(1) (a)].

    (b) Kaba buh jingkylli bym dei ne khlem akor lane kaba thoh khnang ia ki jubab bym dei [Section 11(1) (b)].

    (c) Ka pynpaw pyrthei ia kano kano ka jingtip kaba u ne/ka ba ioh lyngba ka jingkylli khana samari, khlem ka jingioh bor shuwa na ka sorkar [Section 11(1) (b)].

    (ii) Kine harum ki long ki jingleh beain ia kiba lah ban pynshitom da ka jingsiew kuna kaba lah ban poi haduh 1000 tyngka.

  • 4

    (a) Ka jingbym trei thikna ia ka kamram ba la pynkhamti ha u briew lyngba ka Census Act, lane ka Census Rules. [Section 11 (1)(aa)].

    (b) Kaba kyrshan ia kano kano ka kam beain hapoh ka sub-section (1) jong ka Section 11 jong ka Census Act, 1948. [Section 11 (2)].

    2.4 Ia ki bynta ba kham kongsan jong ka Census Act, 1948, la ai ha ka Annexure-1 haba kut jong kane ka lynnong, na ka bynta ban iarap iaphi.

    B. Ka hok jong ki khynnah ban ioh ia ka jinghikai skul khlem da siew dor (The Right of children to free and Compulsory Primary Education Act, 2009)

    2.5. Section 27 jong ka ain ba la pynjari ha u snem 2009, kaba la tip kum “The Right of children to free and Compulsory Primary Education Act, 2009” ba bthah kumne harum “ Ym dei ban ai kam da kumwei pat ia uno uno u nonghikai skul ha kiwei pat ki bynta bym iadei bad ka kam hikai skul, lait noh tang ha ka khana samari ba shisien 10 snem, ki kam iarap ha ki por ba jia ki jingjia ba mynsaw bad ki kam jied nongmihkhmat sha ka dorbar thaw ain jong ka jylla bad ka sorkar pdeng, katba ka dei”. Kane ka Act ka iaid laitluid na kiwei pat ki jing bishar kiba la rai haduh mynta, halor ki phang ban thung ia ki nonghikai kiba la rai haduh mynta, halor kip hang ban thung ia ki nonghikai skulk um ki nongtrei khana samari. Namarkata ka long kaba shai kdar ba ki nonghikai skul ki lah ban trei ha ki kam ba kongsan jong ka ri kum ka khana samari.

    C. Ki kam bad ki jingkitkhlieh jong u Enumerator

    2.6 Khnang ba ka jingniew ia ki jait iing baroh, kan long kaba biang pura, u Enumerator u dei ban leit khmih nyngkong eh ia ka blok ba la ai ha u, khnang ba un sngewthuh ne ithuh shai bha ia u pud u sam bad ka jinglong ka dur ka dar jong ka. Ki kamram ba kongsan u Enumerator, shuwa, hapdeng bad hadien ka jing pyntreikam ha ka jing niew iing la batai kham shai shuh shuh haru