ki khubor ka balang basah 28 no. 28 - …. iajan bad ki khun jong phi ... kane ka la jia ha ka sngi...

Download Ki Khubor Ka Balang Basah 28 No. 28 - …. Iajan Bad Ki Khun Jong Phi ... Kane ka la jia ha ka sngi Pentekost ha kaba U Mynsiem ... (man la ka sngi)

If you can't read please download the document

Upload: vokhanh

Post on 17-Mar-2018

1.014 views

Category:

Documents


229 download

TRANSCRIPT

  • Ki Khubor Ka Balang Basah 2011-2

    KBB 28 - (1)

  • Ki Khubor Ka Balang Basah 2011-2

    KBB 28 - (2)

    Ki Khubor Na Khasi Jaintia Conference April June, 2011

    Editor Aibok Kharpran No. 28

    Email: [email protected]

    KHASI JAINTIA CONFERENCE OF SEVENTH-DAY ADVENTISTS Nongthymmai, Shillong Meghalaya 793 014

    Phone: (0364) 2231647/2521741

    President - Pr. (Dr.) K B Kharbteng Secretary - Pr. W Lapasam Treasurer - Mr. J L Khonghat

    DEPARTMENTS:

    K B Kharbteng: Ministerial, Public Relation & Religious Liberty & Chaplaincy, Global Mission W Lapasam: Health Ministries J L Khonghat: Trust Services, Risk Management A Kharpran: Education, Communication & Children Ministries A Sohkhlet: Publishing & Youth Ministries C Nongsiej: Sabbath.School, Personal & Stewardship Mrs. P Usman: Women & Family Ministries Mrs. W B Kharbteng: Shepherdess

    KI JINGKDEW

    1. Editorial ............................................................... 3

    2. Na Ka Miej U President ....................................... 4

    3. Ka Jingshonshap Ia Ki 144,000 ........................... 6 Pr. J B Sohkhlet

    4. Ka Jingpynkhreh Na Ka Bynta U Slap .............. 11

    5. Kynmaw Kaei Ka Kyrteng Jong Phi .................. 15 Pr. Ted N.C Wilson, G.C President.

    6. Ka Jingkhie-im Jong Ka Jinglongriewblei ......... 17 Pr. Ted N.C Wilson, G.C President.

    7. Ka Jingkhot Sha Ka Jingkhie im Bad Ka ........... 21 Pr. Ted N.C Wilson, G.C President.

    8. Ki Soh U Mynsiem ............................................ 23 (Kong S Kharnarry)

    9. Ka Jingdonkam Bakyrkieh Tam Jong Ngi ......... 26 (Norman R Gulley)

    10. Jingpynbaptis ..................................................... 29

    11. Ki Jingiaseng ..................................................... 31

    12. Ki ing-mane Thymmai ..................................... 37

    13. Ka Pastoral Retreat ............................................ 42

    14. Na Ka Bynta Ki Heprit ...................................... 43

    15. Iajan Bad Ki Khun Jong Phi .............................. 45

    16. Ka Sngi U Blei na ka bynta u briew .................. 46

    17. Ka Jingiathuhkhana Baphylla ............................ 50

    18. Ka Jingshah Jingit Bad Ki Jingmyntoi ............... 52

    19. Na ka Education Department ............................. 53

    20. Ki Khubor Lyngkot ........................................... 54

    21. Ki Shithi Sha U Editor ....................................... 57

    22. Poetry (English) ................................................. 58

    23. Jingpynbna ........................................................ 59

    24. Haduh Kata Ka Step .......................................... 61

  • Ki Khubor Ka Balang Basah 2011-2

    KBB 28 - (3)

    Editorial. . . . . .

    Ha shwa ba U Trai Jisu Un kiew noh sha bneng U la

    kular ha ki synran, kiba idiaw mynsiem bad sngewkynjah ba Un sa

    iehnoh ia ki, ba Un sa phah a U Mynsiem Bakhuid. Hynrei phin

    ioh diang a ka bor, ynda la wan U Mynsiem Bakhuid ha phi: bad

    phin long ki nongphla a nga ha Jerusalem, bad ha Judia baroh

    bad ha Samaria, bad haduh bakut ka pyrthei. Ki Kam 1:8

    Kane ka la jia ha ka sngi Pentekost ha kaba U Mynsiem

    Bakhuid U la wan hiar ha ka dur ki thylliej kiba pait pnat, kum ka ding.....Bad la

    pyndap a ki baroh da U Mynsiem Bakhuid, Ki Kam 2:3,4.

    Kumjuh ruh ha ki sngi bakhatduh ha shuwa ba U Jisu Un wan ban shimti

    a la ki jong, U la kular - Te kan jia hadien kata, ba ngan theh buk a la U

    Mynsiem halor ka doh baroh.... (Joel 2:28-30)

    Shisha ngi im mynta ha ki sngi ba khatduh eh jong kane ka pyrthei ha

    shuwa ba U Jisu Un wan noh shen. Ka por kam slem shuh. Ki jingjia kiba jia

    manla ka sngi - ki jingaleh, ki jingaumsnam, ka jingrang tyrkhong, ka jingshlei

    um bad kumta ter ter . . . kine baroh ki pynshisha a kata. Katkum ka

    jingathuhlypa ka la dei ka por ha kaba U Blei Un theh noh a U slap bakhatduh

    ha kaba ka balang kan iohpdiang a ka jingkhie-im.

    Ban pynkhreh a ka jingwan theh jong u slap bakhatduh, ka Balang

    Seventh-day Adventist shityllup pyrthei ka buh ia ka programme 777.

    7 Ka Balang Seventh-day Adventist (Kiba ap khmih lynti a

    ka jingwan arsien U Trai Jisu ha ki lyoh jong ka bneng

    bad kiba sumar khuid a ka sngi Sabbaton ka sngi ba

    hyniew katkum ka hukum ba saw).

    7 Hyniew baje mynstep ne mynmiet.

    7 Hyniew sngi ha ka shitaiew.

    Kumta 777 ka dei ka jingkhot a baroh ki dkhot jong ka balang Seventh-

    day Adventist shityllup pyrthei ban pynkyntang a la ka jingim na ka bynta ka

    jingpynkhreh ban pdiang a u slap bakhatduh da kaba kin ashim bynta ha ka

    jingduwai ha ka por hyniew baje mynstep ne hyniew baje janmiet ha baroh

    hyniew sngi ha ka taiew (man la ka sngi) naduh u snem 2011 haduh 2015.

    Sha Jingkdew

    A Kharpran

  • Ki Khubor Ka Balang Basah 2011-2

    KBB 28 - (4)

    KA DULIR NA KA BYNTA

    KA JINGKHIE IM BAD KA JINGPYNTHYMMAI Pr K B Kharbteng

    a Executive Committee jong ka General Conference ha

    ka jingalang jong ka kaba la long ha ka office treikam

    jong ka ha Silver Spring, Maryland, America ha u Risaw

    8 13, 2010 ka la rai pynskhem a kawei ka dulir kaba la tip

    kum Ka Jingkular a Ka Jingai Sngewbha U Blei: Ka Apil Kaba

    Kyrkieh Na Ka Bynta Ka Jingkhie-im (Revival), Ka

    Jingpynthymmai (Reformation) Ka Jinglong Synran

    (Discipleship) bad ka Jingalap (Evangelism).

    Na ka bynta kiba bun, khamtam ki parabangeit jong ngi hangne ha Ri

    Khasi, nga sngew dei ban pynshai lyngkot a kitei ki kyntien jong kane ka dulir.

    1. Ka Jingkhie im Ka eng a ka Jingpynthymmai a ka jingim bakynja mynsiem lane ka jingkhie-im pat na ka jingiap ba kynja mynsiem.

    2. Ka Jingpynthymmai Ka eng a ka jingkylla bak-ly-bak ha ka rukom im jong ngi, naduh ka bam ka dih, ka kup ka sem, ka ktien ka thylliej,

    bad ki kam ki jingleh jong ngi baroh.

    3. Ka Jinglong Synran Ka eng a ka jingroi jingsan jong ka jingiadei jong ngi bad U Khrist, kaba paw lyngba ka jingieit jong ngi a ka

    jingduwai, ka jingpule a ka Ktien U Blei bad ka jingkit a ki mynsiem.

    4. Ka Jingialap Ka eng a ka jingpynphriang a ka gospel ban khring a ki mynsiem sha U Blei lyngba ka jingim jong ngi shwa bad kiwei pat ki

    lad.

    Kaei kaba la pynlong a ki nongialam kiba la alum lang ha kane ka

    jingalang ban a rai a kane ka dulir? Ka dei ka jingsngewkhia a ka jingpyndep a

    ka jingialap a ka gospel ha ka nongrim ka Khubor ki lai angel.

    Ha ki kyntien jong kane ka dulir:-

    Ka jingiakob ban kot sha palat ki 6 billion ngut ki briew ha kane ka

    pyrthei bad ka khubor bakhatduh U Blei, kam i lah long. Ka kam ka long kaba

    khraw than eh. Na ka jingpeit briew jong ngi, ka jingpyndep shen a ka hukum U

    Khrist ban ialap ia ka gospel kam imat jia shen.

    Ka jingroi jong ka jingkhring a ki mynsiem kam ahap bad ka jingroi stet

    jong ka jingbun briew ha kane ka pyrthei. Ka jingbishar hok a ka jingktah jong ka

    jingialap a ka gospel kumba ka long mynta ka pynpoi sha ka jingpynkutnia ba

    K

  • Ki Khubor Ka Balang Basah 2011-2

    KBB 28 - (5)

    lymda jia kaei kaei kaba phylla, ngin ym lah ban pyndep a ka kam ba ka bneng ka

    la bynshet ha ngi ha kane ka pateng bynriew. Wat halor ki jingpyrshang kiba bha

    tam jong ngi baroh, ki plan jong ngi baroh, ki buit trei kam bad ka spah ka phew,

    ki sap ki talen jong ngi baroh, kin ym lah ban pyndep a ka kam U Blei ha kane ka

    pyrthei.

    Kaei ka khubor bakongsan jong kane ka dulir?

    Ka dei ban khot a ngi baroh sha ka jingkhie-im bad ka jingpynthymmai.

    Ka dei ka jingkhot sha ka jingieit kaba nyngkong kaba ngi la duh noh kaba

    ngi la iohmad mynba ngi la kylla kaba mut ha ki por ba ngi iehnoh a ka pyrthei

    bad ki jingsngewbha jong ka baroh bad aiti a ka jingim sha U Jisu Khrist kum U

    Nongpynim jong ngi shi met.

    Ka dei ka jingkhot a ngi ba ngin kyndit bynriew ne kyndit thiah na ka

    jinglong bakynja mynsiem kaba shu syaid, khriat ruh em shit ruh em. Ka jingkhot

    kaba U Blei U la pynpaw sha ngi lyngba ka khubor sha ka balang Laodikaia

    (Jingpynpaw 3: 14 22).

    Ka dei ka jingkhot sha ka jingpynkhreh a u slap bakhatduh, ka jingtheh

    buk U Mynsiem Bakhuid kumba ka la jia ha ka sngi Pentekost bad kham palat, ban

    pyndep noh shi syndon a ka jingalap a ka gospel (khamtam ka khubor u angel

    uba lai).

    Ha kaba kut, nga kyntu a ngi baroh lang da kine ki jingkyntu harum kiba

    long ruh ki jingkut jingmut jong ki nongialam jong ngi ha kato ka jingialang:

    1. Ban pynlong ka kam bakongsan eh jong ngi ban pan na U Blei a ka jingkhie-im bakynja mynsiem bad ka jingwantheh u slap bakhatduh ha

    ki jingim jong ngi shi met shi met, ha ki longing long sem bad ki kam

    ki jam ba ngi trei.

    2. Ba ngin don ka bor man la ka sngi ban asyllok bad U Blei lyngba ka jingduwai bad ka jingpule a ka Ktien U Blei.

    3. Ba ngin it a la ki jong ki dohnud ioh don kaei kaei ka ban khanglad a ngi ba ngin pynpaw a ka jinglong U Khrist ha ki jingim jong ngi.

    To U Blei Un kyrkhu a ngi da ka jingjubab jong U a ki jingduwai sngur

    mynsiem jong ngi a kata ka jingkhie-im bad ka jingpynthymmai bad khamtam ka

    jingtheh a u slap bakhatduh.

    Sha Jingkdew

  • Ki Khubor Ka Balang Basah 2011-2

    KBB 28 - (6)

    KA JINGSHONSHAP IA KI 144 HAJAR Pr J B Sohkhlet

    Kane ka jingthoh kaba nga pynmih lyngba KI KHUBOR KA BALANG

    BASAH, ka long kaba kyrpang, kaba iadei khamtam a ka Balang basah U Blei

    ha kine ki sngi. Nga kyrmen ba kane ka jingthoh kan iarap a ngi ba ngin sngewthuh a ka jingdonkam ba kyrkieh jong ka Jingkhie-im bad

    Jingpynthymmai (Revival & Reformation) khnang ba U Mynsiem Bakhuid Un

    shonshap ia ngi, khnang ba ngin lah ban iaid shaphrang ha kaban pyndep a ka jingialap a ka Gospel ha ka pyrthei, khnang ba U Jisu U lah ban wan noh bad ban shimti a la ki briew sha la ing.

    U MYNSIEM KA JINGIATHUHLYPA U ONG, To ngin pyrshang tyngeh da

    ka bor baroh ba U Blei U la ai ha ngi khnang ba ngin lah ban don hapdeng ki

    144 hajar Review And Herald March 9, 1905.

    KIEI KINE KI 144 HAJAR?

    Te hadien kane nga la iohi ia ki saw ki angel kiba ieng ha ki saw dong ka

    khyndew ba ki iabat ia ki sawlyer ka khyndew khnang ba ka lyer kan ym ioh beh

    ha ka khyndew, lymne ha ka duriaw, lymne ha kano kano ka dieng. Bad nga la iohi

    ia uwei pat u angel uba wan kiew na sha ba mih ka sngi, u da bat ia ka shap jong U

    Blei U ba im; bad u la pyrta da ka ktien bajam ha kita ki saw angel ha kiba la aibor

    ban pynsniew ia ka khyndew bad ka duriaw U da ong, to wat pynsniew ia ka

    khyndew lymne ia ka duriaw lymne ia ki dieng, ha ban da ngi la ioh shon ia ki

    shakri U Blei jong ngi halor ki shyllangmat jong ki. Bad nga la iohsngew ia ka

    jingkhei jong kita kiba la shon shispah sawphew saw hajar ia kiba la shon na ka

    jaid baroh ki khun Israel Jingpynpaw 7:1-8.

    IA KI LYER LA BAT HADUH YNDA LA DEP SHON IA KI 144,000.

    Ki angel ki eng ha ki saw dong ka khyndew (Shatei, Shathie, Mihngi bad

    Sepngi) bad ki iabat ia ki saw lyer. Ki lyer ki eng na ka bynta kaei ha ka

    jingiathuhlypa? Jeremaiah 25:32 Ka lyer ka eng a ka jingialeh lane ka thma.

    Kaba kum kaei kata ka jingialeh lane ka thma?

    Jingpynpaw 13: Hangto U Blei U la pynpaw a ki artylli ki mrad khlaw,

    bad kine ki artylli ki mrad khlaw, ha kaba kut ka history jong kane ka pyrthei kin

    sa iatreilang ha ka ban wan rah a kata ka jingialeh lane ka thma pyrshah a ki

    briew jong U Blei. Ka dei ka jingwanrah ia ka ai Robibar (Sunday Law) Bad kata

    ka ai ka long, ba kat ki bym pdiang ia ka sngi Robibar kum ka Sngi Shongthait

    kin shah pynshitom. Ia phi bad ia nga yn sa pynbor ia kaei kaba ngim kwah ban

    leh, bad lada ngim leh, ngin ym lah ban die lane ban thied. U Mynsiem ka

    jingiathuhlypa u ong: Ka por kan sa wan ha kaba ngin ym lah ban die ha kano

    kano ka dor 5T152.

    Kane kan sa jia shisha. Ka jingeh ia ki briew U Blei kan sa wan, ka dei ka

    por jong ka jingjynjar bakhraw.

  • Ki Khubor Ka Balang Basah 2011-2

    KBB 28 - (7)

    U Mynsiem ka jingiathuhlypa u ong: Ki rangbah balang bad ki jong ka

    hima kin iasohlang ban pynbam tyngka, pynkohnguh, lane pynbor ia ki briew

    baroh ban leh burom ia ka Robibar GC539. Ka dei kane kei ka jingialeh.

    Kawei na ki jingshisha ba la thoh ha ka Jingpynpaw 7:1-4 ka long, ba ki

    angel ki dang bat ia ka lyer tad haduh ynda la dep shonshap ia ki 144,000. Ka

    jingmut ba shisha jong kane ka long ba U Blei U dang bat lane Um pat shah ba

    ka ai Robibar kan wan, tad haduh ynda la dep shonshap ia ki 144 hajar.

    Kiei kine ki 144 hajar ia kiba U Blei Un sa shon shap? Hato ki dei shisha na ki

    12 jait ki Israel (literal Israel)?

    Sngewbha pule Deuterenomi 28 lynnong, bad Rom 11:17-22. Hangto phin

    shem ba ki khun Israel kum ka jaidbynriew, na ka daw jong ka jingbymkohnguh,

    U Blei U la kyntait noh ia ki kum kata ka jaitbynriew ba kyrpang. Kumta ngi

    sngewthuh, ki Israel ia kiba U Blei u la pynpaw ha u Ioannis, ki dei kito ki briew

    kiba la pdiang ia U Jisu Khrist, bad kiba la long napdeng jong ki jaidbynriew

    baroh jong ka pyrthei.

    Ka jingthoh bakhuid ka ong: Te lada phi long ki jong U Khrist, kumta te

    phi long u symbai u Abraham, ki nongioh pateng kei katba kum ka jingkular

    Kalatia 3:29.

    Hato ki ban ioh ia ka jingshonshap ki dei ban long thik tang 144,000?

    Ka dei kane ka jingkylli kaba la don ha ka jingmut jingpyrkhat jong nga la

    bun bun snem mynta. Bad nga la ju pyrkhat ruh, kumno kei ka lah ban long, ba ki

    ban ioh ia ka jingshonshap kin long tang 144 hajar, haba ka jingdon jong ki dkhot

    balang mynta ka la kot sha ka 16 million tam?

    Nga la ju pyrkhat, kumno kei ka lah ban long ba tang 144,000 ki ban ioh

    ia ka jingshonshap.

    U Mynsiem jong ka jingiathuhlypa u ong: na kaei ba la pyni ia nga

    hynrei dei tang u nombar uba rit napdeng kito kiba phla ba ki ngeit ia ka jingshisha

    ki ban ioh lait im 2T445.

    Ha ka jingithuhpaw ba la ai khatduh ha nga, la pyni ia nga ia ka

    jingshisha kaba la pynkyndit eh ia nga, ba tang i bynta iba khyndiat eh napdeng

    kito kiba phla ba ki la ngeit yn pynkyntang da ka, bad ioh lait im 1T608.

    Hooid! wat lada ngam pat ioh ia ka jingshai ka ban pynhun ia nga, hynrei

    ka jingshisha kaba nga sngewthuh mynta ka long ba kito kiba la kloi ban don

    hapdeng ki 144 hajar, kito kiba la pynkhreh ban ioh ia ka jingshonshap, kin long

    kiba tang khyndiat eh.

    Ka dei ka jingong kaba shongkun kaba nga kren ha ka Balang ba ym don

    wat tang uwei ruh napdeng ki arphew ngut uba la don kyrteng ha ka register

    balang uba la kloi ban pynkut ia ka jingim jong u ha pyrthei CS41

  • Ki Khubor Ka Balang Basah 2011-2

    KBB 28 - (8)

    Dei lyngba kine ki ktien na U Mynsiem ka jingiathuhlypa, kaba la pynlong

    a nga ban it a lade man la ka sngi. Kyrmen ba kane kan long a phi ruh kiba ioh

    ban pule ia kane ka jingthoh.

    KABA KUM KAEI KA JAIT JINGLONG BA KI 144,000 KI DON?

    Jingpynpaw 14:1-5. U Ioannis u iohi ba ki jinglong ba ki 144,000 ki don,

    ka long ba kim shym la pynbit tngit bad ki kynthei; namar ki long ki rang sotti.

    Te ha ka shyntur jong ki ym shym la shem a kaba arsap; ki long kiba khlem

    pop.

    Haba ngi peit a kine ki ktien i kumba ka eh ban sngewthuh. Hynrei haba

    ngi sngewthuh ba ka Kitab Jingpynpaw ka long kaba dap da ki ktien pharshi, kata

    ka jingeh ka duhnoh.

    Nyngkong to ngin a wad aiu ka kynthei ka ieng pli. 2 Kor. 11:2. Hangto u

    Paul u kren shaphang ka balang, bad hangto u Paul u anujor kum ka kynthei kaba

    dang sotti. Kumta ngi sngethuh, a ka balang kaba shisha la ianujor kum ka kynthei

    kaba sotti.

    Hynrei nalor ka balang kaba shisha, ki don sa kiwei pat ki balang

    bymshisha, la anujor a ki kum ki nuti. Jingpynpaw 17:3-6.

    Namarkata, haba u Ioannis u iohi ba ki 144,000 kim shym la pynbit tngit

    bad ki kynthei, ka jingmut bashisha ka long, ki 144 hajar kim pyniasoh ialade bad

    ki balang ba la phai dien noh na ka jingshisha.

    Nangta ia ki 144 hajar la khot ia ki, ki rangsotti. Kane ka pyni ba ki dei

    na ka balang bashisha jong U Blei, ka balang kaba khuid. Namar ka ktien sotti ka

    eng ia ka jinglong khuid.

    U Paul haba u kren shaphang ka balang, u ong, ba un da ioh pyneng ia ka

    hakhmat ha lade hi, ka balang kaba donburom, kabym don kaba thohbria lane kiba

    sti lane kaei kaei kaba kum kita, hynrei ba kan ioh long kaba khuid bad kaba

    khlem jingduna. Eph. 5:27.

    Ki 144,000 ki long kiba khuid ha ka jinglong jingim, bad ha ki ym shym la

    shem ia kaba arsap, ki long kiba khlem pop.

    Kynmaw, ki kam bad ki jingleh jong ngi mynta, kin rai la ngi ioh ne em

    ban don hapdeng ki 144 hajar. Bad haba ngim ioh ban don hapdeng ki 144 hajar,

    ngin ym ioh pdiang ia ka jingshonshap, bad haba ngim ioh ia ka jingshonshap;

    ngin ym lah ban eng ha kata ka sngi ynda haba U Blei U la pyllait noh ia ka

    lyer. Kaba mut ynda haba U Blei U la shah ba ka ai Robibar kan wan.

    Ban pynskhem ia kane U Mynsiem ka jingiathuhlypa u ong, Ym don

    uwei ruh na ngi u ban iohpdiang ia ka shap jong U Blei katba ki jinglong jingim ki

    don kawei ka jingthoh dak lane ka jingbit pop halor jong ki Signs of the times 214.

  • Ki Khubor Ka Balang Basah 2011-2

    KBB 28 - (9)

    KAEI KA JINGMUT BAN SHON SHAP? HATO KA DEI KA DAK BA NGI

    LAH BAN IOHI?

    Tang shu la dep shon ia u paidlang U Blei ha ki shyllangmat jong ki

    kam dei ka dak kaba lah ban iohi, hynrei ka dei ka jingpynskhem ha ka jingshisha

    ia ka bor pyrkhat bad bor mynsiem, kumta ba kin ym khih shuh 4BC1161.

    KABA KUM KAEI KA POR KI 144 HAJAR KI IA IM?

    U Ioannis, ha ka jingiohipaw, u la iohi ba ia ki 144 hajar la shonshap

    shuwa ban pyllait ia ka lyer. Ka lyer ha ka jingiathuhlypa ka eng pharshi ia ka

    jingialeh ka ban wan ynda haba ia ka ai Robibar la pyntrei kam, ka ban wanrah ia

    ka por ka jingjynjar bakhraw ia kito kiba sumar ia ka sngi sabbaton.

    U mynsiem ka jingiathuhlypa u ong: Shuwa ba ngin rung sha ka (ka por

    ka jingjynjar), baroh ngin ioh pdiang ia ka shap U Blei ba im. Nangta nga la iohi ia

    ki saw angel ba ki sangeh ban bat ia ki saw lyer. 7BC968.

    Ki 144,000 ki dei ki dkhot jong ka balang, kiba dang im haduh ka por ba ia

    ka ai Robibar la pyntrei kam. Mynta ngi lah ban sngewthuh balei U Blei U bat

    ia ki saw lyer (ka por jong ka jingjynjar), namar U Blei U iohi ba ka balang kam

    pat long kaba la pynkhreh. U Blei U iohi ba hapoh ka balang ka dang synshar ka

    khwan lade, ka jingbishni, ka jingbym iadei jingmut.

    Lada ka lyer ka wan ban beh pyrshah iaka balang, shuwa ban shonshap, ka

    balang da lei lei kan ym lah ban eng.

    Namarkata, U Blei U kwah ba ka balang kan pynkhuid noh na kiba kum

    kine ki jait jinglong, khnang ba kan long kaba la kloi ban ioh ia ka jingshonshap.

    U Mynsiem ka jingiathuhlypa u ong: Nga la iohi ba ki Israel jong U Blei

    ki dei ban khie joit bad pynthymmai ia ka bor jong ki ha U Blei da kaba

    pynthymmai bad sumar ia ka jutang jong ki bad U. Ka jingikwah, jingkhwan,

    jingieit spah bad ka jingieit pyrthei, kine baroh ki don ha ki nongsumar sabbaton

    lymda rat dyngkhong ia kitei ki pop, ka jingjot jong ki kan long kaba thikna

    1T140.

    Mynta phi dei ban pynkhuid ia la u khiew, ba un long uba la kloi ban

    pdiang ia ka umjer bneng, uba la kloi ia u slap bakhatduh; namar u slap bakhatduh

    un wan, bad ka jingkyrkhu jong U Blei kan pyndap ia kawei pa kawei ka mynsiem

    kaba la pynkhuid na ka jingbit tngit baroh. Ka dei ka kamram jong ngi ban

    pyndem rit ia la ki mynsiem ha U Khrist, ba yn ioh pyndap shoi ia ngi na ka

    bynta ka aiom pyngngad na khmat U Trai ba la pynbit ia ka jingpynbaptist U

    Mynsiem Bakhuid E702.

    Hooid! Ynda haba ki Israel jong U Blei ki la pynkhuid ia la u khiew, dei

    ha kata kei ka por, U Blei Un sa don ki briew kiba don ia ka jinglong riewblei

  • Ki Khubor Ka Balang Basah 2011-2

    KBB 28 - (10)

    barim ia ka bym shym pat la sakhi naduh ka por ki apostol. Bad ha kata ka por, U

    Blei Un theh noh halor jong ki ia U Mynsiem Bakhuid.

    Kumta da ka bor Pentekost, u paidlang jong U Blei ha kata ka por baroh

    kin long kiba la dap da U Mynsiem Bakhuid. Haduh ba ka dur khmat jong ki ka la

    phalang ia ka burom U Blei. Bad kito ki paidlang jong U Blei kiba dang don ha

    kiwei pat ki kynhun, kin iohi hangta ba ngi don ia ka jingshisha.

    KAEI KA BAN JIA HADIEN KANE?

    Jingpynpaw 14:4 Hangto ngi shem ba ia ki 144 hajar la khot Ki soh

    nyngkong ha U Blei bad ha u khun langbrot. la khot ia ki 144 hajar ki

    sohnyngkong, namar ba ki dei ka jingmih jong ka jingot banyngkong. U

    Mynsiem ka jingiathuhlypa, haba kren shaphang ki 144 hajar u ong: Kine ki dei

    kita kiba la pynkylla napdeng kiba IM, bad la iew ia ki kum ki sohnyngkong ha U

    Blei bad ha U Khunlangbrot. HB & SP2228. Ki 144 hajar ki dei ki riewkhuid

    kiba dang im. EW15.

    Hooid! Ki dei ki ban ioh pdiang ia ka jingshonshap shuwa ba ka ai

    Robibar kan wan. Bad ynda haba ka la wan, dei hangta kei ka por jong ka

    jingjynjar ka sdang. Hynrei wat ha kata ka por jong ka jingjynjar, kine ki 144

    hajar, da ka bor Pentekost, khadduh iawai kin mih ban ialap da ka sur kaba jam ia

    ka khubor jong ki lai angel. Ia ka sabbaton jong ka shiphew hukum la nang ialap

    kham janai. Bad ha kajuh ka por ia ki kambah bakhraw la leh, ia kiba pang la

    pynkhiah. Kumta, kito ki paidlang U Blei kiba dang don ha kiwei pat ki kynhun,

    ki wan sha kata ka jingpynkutnia, ba kane ka dei ka jingshisha.

    Bad U Mynsiem ka jingiathuhlypa u ong: Ha kata ka por kin mih ban

    iasohlang bad ngi ha ka jingpynshitom bei. EW33. Ka dei kane kei ka jingmih

    na ka jingot bakhatduh, ka jingot kaba donburom, wat hapdeng ka jingjynjar

    bakhraw.

    HADIEN KANE KAEI DE KA BAN BUD?

    Mathaios 24:29-31. Hadien ka jingot kaba khatduh, ki 144,000 ryngkat bad

    kito kiba la wan ban iasoh lang ha ka jingpynshitom bei ki iohi hangtei ha

    suibneng kaba sha ka liang mihngi ia u lyoh iong barit, uba ka jingheh jong u ka

    long kumba shiteng na ka kti briew uba nangheh nangheh, nangphyrnai bad nang

    kham phyrnai, bad hangtei ha mar pdeng jong ki million ki angel bakhuid la shong

    Uta ia Uba ngi la ia ap la slem. Ym dei shuh u khunlangbrot ba la pyniap, ym dei

    shuh u Rangbah Lyngdoh u ba shakri hapoh ka jaka kyntang tam, hynrei U Syiem

    ki Syiem bad U Trai ki Trai, U Jisu Khrist U Nongpynim baieit jong ngi.

    Bad ha kata ka sngi, ngin ia khmied sha jrong, bad ngin ia ong Une u

    long U Blei jong ngi ia uba ngi la ap la slem. Bad ha kata ka sngi, U Khrist Un

    peit shapoh, bad un ong: Bha, me u shakri babha bad ba ngeit, . . . . rung mynta

    sha ka jingkmen U Trai jong me.

  • Ki Khubor Ka Balang Basah 2011-2

    KBB 28 - (11)

    Bad ha kata ka por, ngin leit ia ka ban iashem ia U Trai ha suibneng. Ngin

    bat ia ki duitara jong U Blei, bad ban tem ia ki jingtem sur kiba bang bad ba

    sngewthiang. Ha ryngkat ka jingiarwai lang, ia ka jingrwai jong ka jingjop ka

    jingrwai U Moses bad U Khunlangbrot Jingpynpaw 15:2, 3. Hooid! Ka

    jingialeh ka la wai, mynta ngi la ioh ia ka jingjop. Jingpynpaw 7:16, 17. Ka dei

    kane kei ka jingiashem jong ka jingkmen kaba ngin sa iashem.

    Parabangeit baieit jong nga, pdiang ia ka jingaiei baphylla U Khrist ha ka

    jingim jong phi. Iaid shaphrang da ka jingngeit. Pynkhreh manla ka sngi duwai

    ha ka por 7 baje mynstep lane ha ka por 7 baje janmiet bad kumjuh ruh ha ka por

    12 baje shiteng sngi na ka bynta ka jingwan hiar U Mynsiem Bakhuid: Amen.

    (I Pr. J B Sohkhlet i dei u Circle leader jong ka Khasi Mihngi Circle naduh u snem 2010 bad i shong i sah ha Rynjah

    (Shillong). I la rung sha ka kam mission ha u snem 1998 kum u evangelist ha Sohra-Riwar. Ha u snem 2000 i la leit

    pyntbit ia lade ha ka Northeast Adventist Bible Seminary bad hadien kata i la bteng biang ia ka kam ha Sohra-Riwar.

    Naduh 2004 haduh 2009 i trei kum u Circle Leader ka Jaintia Mihngi Circle)

    Sha Jingkdew

    KA JINGPYNKHREH

    NA KA BYNTA U SLAP BAKHADDUH Ki Kyntien Na U Mynsiem Ka Jingiathuhlypa

    Ba la lumlang da u B.E Wagner

    (KA JINGLAMPHRANG: Kane ka jinglumlang jongki jingkren na U Mynsiem ka jingiathuhlypa da

    u Elder B.E. Wagner la pyndonkam bad ki jingiapule ba la ai ha ki katto katne ki balang. La don shibun ki jingkyrpad ban ioh ia kine, bad u la pyrkhat ban pynioh ia ki. Ia ka jingsam ba kham jngai ia kine la

    pynshlur da ki briew kum u H.M.S Richards, N.C Wilson, R.A. Anderson, Miller Brockel bad kiwei

    kiwei.

    La ai ia kine ki jingkren ha ka jingiaseng duwai ha University Church. Ngi sngewkmen ban pynioh ia

    kane ka jinglumlang na ka bynta kito kiba kwah ban pule ia kane ka sobjek kaba donkam tam. Katba

    ngi nang jan sha ka por kaba dap biang jong u Slap Bakhadduh, da shisha ngi kwah ban long kiba la pynkhreh.

    Ngi shaniah ba kane kan long ka jingkyrkhu ia baroh kiba pule ia ka.

    Paul C Heubach, Pastor, University Church)

    KA KHUBOR U KHRIST SHA KA BALANG BASAH

    Ka Jingdonkam Bakhraw Ka Laodikaia

    a jingaleh bakhraw hapdeng U Khrist bad u Soitan ka la jan kut. U soitan

    u dang alam a ki kynhun jong u na ka bynta ka jingialeh bakhadduh jong

    ka jingim ha ka history jong u briew. K

  • Ki Khubor Ka Balang Basah 2011-2

    KBB 28 - (12)

    La athuh a ngi ha ki Jingpynpaw 12:12, Kordit a ki nongshongshnong

    kata ka khyndew bad ka duriaw! naba uta u ksuid u la leit hiar ha phi, uba don ka

    jingbitar bakhraw, naba u tip ba u don tang khyndiat por.

    1 Petros 5:8: To phin leh adkar, to phin asharai, naba uta u nongialeh jong phi

    uba u soitan, kum u sing ba kyrhuh u iaid kylleng, u da wad khnang a uno

    uno ruh ba un ioh nguid tylli. Ka jingmaham ba a sriem bad kane la ai da

    ka nongrah khubor U Trai sha ki dkhot jong ka Balang Basah:

    8T298: Ki por kiba ma ki don hakhmat jong ngi. Iwei pa iwei iba don a ka jingtip

    jong ka jingshisha i dei ban kyndit bynriew bad buh ialade, met bad

    mynsiem ha ka jingsynshar jong U Blei. U nongshun u don ha ka lynti

    jong ngi. Ngi dei ban long kiba peitmat, ha ka jingap phira pyrshah a u.

    Ngi dei ban phong ia ki jingkieng atiar U Blei. Ngi dei ban bud a ki

    jingpyniaid ba la ai lyngba U Mynsiem ka jingiathuhlypa. Ngi dei ban ieit

    bad kohnguh ia ka jingshisha na ka bynta kane ka por. Kane kan pyllait a

    ngi na kaba pdiang ia ki jingpynthame bakhraw ... U Blei U la kren ha ngi

    lyngba ki jingthoh kiba la khot Ki Jingphla Sha Ka Balang, bad lyngba ki

    kot kiba la iarap ban pynshai a ka kamram jong ngi ha kane ka por bad ka

    jaka kaba ngi dei ban pyndap mynta. Ki jingmaham kiba la ai, u lai pa u

    lai, ka hukum pa ka hukum, dei ban shahshkor. Lada ngi leh bym

    suidiew a ki, kaei ka daw ba ngi lah ban ai?

    KA POR KABA TAN KA AP IA NGI

    Ha kane ka kynta badum jong ka histori ka pyrthei, da shisha ngi donkam

    kawei pa kawei ka kjatsngi jong ka jingshai kaba shai na ka khet U Blei. Ngi tip ba

    ka por kaba tan ka ap a ka pyrthei: ngi pule ha ka kitab kaba san jong ka kot

    Testimonies, p. 711 ba ka por kaba tan ka ap a ki briew U Blei.

    DA636: Ka por kaba tan ka wan suki da kaba rieh halor jong ngi. U soitan u iohi

    ba ka por jong u ka lyngkot. U la pynbeit ia baroh ki jingpyntreikam jong

    u, ba a ki briew lah ban pynshoi, pynthame, pynbunkam bad pynbyrngia,

    haduh ka sngi ban pynkut a ka lad ka jingisnei, bad a ka jingkhang jong

    ka jingisnei yn khang noh sha ki bymjukut.

    8T315: Ka eriong kan wan khlem jingisnei ha ka jingshla jong ka. Hato ngi la

    pynkhreh ban iakynduh a ka?

    9T17: Ki jingtynjuh ba shyrkhei ki ap a ki briew U Blei.

    9T37: Kawei pa kawei ka jingkren dei ban ai bad ka jingsngewthuh a ka

    jingbishar ba shyrkhei ka ban wan hap ha ka pyrthei Ai ba U Blei Un

    iarap a ki briew jong U ban khie ban iaid bad trei kum ki shynrang bad

    kynthei ha ki pud jong ka pyrthei bymjukut.

    Palat a ka shispah snem mynshwa (1909) ka shakri jong U Trai ka thoh:

  • Ki Khubor Ka Balang Basah 2011-2

    KBB 28 - (13)

    9T29: Lada uwei pa uwei u shipai jong U Khrist u la leh la ka jong ka kamram

    ka pyrthei kan jin da la lah ban iohsngew a ka khubor ka jingmaham.

    Hynrei ka jingtrei ka dang sahdien.

    6T450: Lada a ka jingthmu jong U Blei la pyndep da ki briew jong U ha kaba ai

    sha ka pyrthei a ka khubor jong ka jingisnei U Khrist, Un jin da la wan sha

    ka pyrthei, bad ki riewkhuid kin jin da la ioh a ka jingkhot sngewbha

    shapoh ka nongbah jong U Blei.

    Lada don katto katne ki ban shah pynshoi ban ong Hooid, hynrei a ka

    ai ban rakhe Robibar ym pat pynbor, ki dei ban pyrkhat bha a kane ka jingong.

    GC48: To ai ban don ka jingkhie im jong ka jingngeit bad ka bor jong ka balang

    ba nyngkong, bad a ka mynsiem jong ka jingpynshitom bei yn

    pynthymmai bad a ki ding jong ka jingpynshitom bei yn pynmeh biang.

    Namar ba a ka jingwan U Jisu la pyntud da ki bun snem hato ngi ha kane

    ka por ngin nym it minot da ka jingdwai, a ka daw jong kane ka jingpyntud

    bajlan, khnang ba ngi lah ban pynkhreh kloi ban pynkloi a ka jingwan jong U?

    9T46: Lada ki bor bakynja briew kin a trei ryngkat bad ki bor bakynja Blei, (U

    Mynsiem Bakhuid, ki angel) bun, bun ki mynsiem yn lah ban khring sha

    ka jingshisha. Hynrei ki briew kiba phla ba ki long ki jong U Trai ki la

    iohthiah halor ka kam ba la ai bynta ha ki.

    KH330: U Mynsiem Bakhuid u dang ap a ki lynti kiba lyngba jong ki U lah ban

    trei. a U Mynsiem Bakhuid jong U Blei yn sa theh ha ka balang ha ka por

    ba ki jingdiang ki la pynkhreh ban pdiang a ka.

    EW119, 120: Nga iohi ba ki dkhot balang basah kim shym pat la pynkhreh a kaei

    ka ban sa wan ha ka pyrthei. Ka jinglui jingmut kum ka jingsamthiah, la i

    kumba ka sdien ha ka jingmut jong kiba bun kito kiba phla ba ki ngeit ba

    ngi don a ka khubor kaba khatduh. Ka kam kaba khraw dei ban leh na ka

    bynta ki dkhot ka balang basah. Ong u angel, Ki paid angel ba bymman ki

    don sawdong a phi, Phi ai lad a ki jingmut jong phi ban shah pynphai

    da kaba suk na ka kam jong ka jingpynkhreh, Ong u angel, Ki

    nongsumar Sabaton kin hap ban iap noh a ka lade

    La katta ruh, ngim lah ban ai daw, namar ki jingjia kiba iasoh lang bad

    kaba kut jong ka lad ka jingisnei bad ka kam jong ka jingpynkhreh na ka bynta ka

    por ka jingshitom la ai da kaba shai.

    1T466: Jan baroh kiba phla ba ki ngeit a kane ka jingshisha kim shym la pynkhreh

    ban sngewthuh ia ka jingtrei jong ka jingpynkhreh na ka bynta kane ka por.

    U Khrist U Nongphla Bashisha (Jingpynpaw 1:5) U la phah a ka khubor

    sha ka balang Laodikaia, a kaba lada shahshkor yn pynkhreh a ngi na ka bynta u

    Slap Bakhadduh.

  • Ki Khubor Ka Balang Basah 2011-2

    KBB 28 - (14)

    KA KHUBOR LAODIKAIA

    Jingpynpaw 3:14-21:

    Bad ha uta u angel jong ka balang ha Laodikaia to thoh: a kine kiei kiei

    ruh u ong U Amen, U Nongphla U Baiaineh bad U Bashisha, ka jingsdang

    ka jingpynlong jong U Blei;

    Nga ithuh kei a ki jingleh jong pha, ba pham lang ka bakhriat lymne ka

    bashit: ah nga da kwah dik dik ba phan da long ka bakhriat lane ka bashit!

    Kumta naba pha long kaba shu syaid, khriat ruh em, shit ruh em, ngan sa

    prie noh a pha na ka shyntur jong nga.

    Naba pha ong, Nga ka bariewbha, bad nga la pynman spah te ngam don ka

    jingkyrduh ei ei ruh em, bad pham tip ba ma pha hi pha long kata ka

    balanot khop, bad ka bajynjar sat, bad ka baduk, bad kaba matlah bad ka

    balyngkhuid.

    Nga pyni buit ha pha ba phan thied na nga a ka ksiar ba la phrang ha ka

    ding, ba phan da ioh manspah; bad a ki jaikup balieh, ba phan ioh kup

    alade, bad ba kan ym paw kata ka jinglehrai ka jinglyngkhuid jong phi;

    bad a ka jingsleh khmat ban kyllan a ki khmat jong pha, ba phan iohi. Kat

    a kiba nga ieit, nga sneng bad nga sympat; to sngewshitrhem namar kata,

    bad to kylla ka bamut.

    Ha khmih, nga eng ha ka jingkhang bad nga tied; lada uno uno ruh un

    iohsngew a ka ktien jong nga, bad un plie a kata ka jingkhang, ngan wan

    rung hapoh ha u, bad ngan iakhawai miet lem bad u, bad ma u lem bad

    nga.

    Uta uba jop, ngan ai ha u ban shong lem bad nga halor ka khet jong nga,

    kumba nga ruh nga la jop, bad nga la shong lem bad U Kpa jong nga halor

    ka khet jong u.

    Ka khubor Laodikaia ka dei ka dur kaba shisha jong ka jinglong bakynja

    mynsiem jong ka Balang basah ha ki sngi bakhadduh jong ka histori kane ka

    pyrthei, bad ka dei ka jingkyrpad bakhadduh awai jong U Khrist sha ka Balang

    basah shwa ka jingkut ka jingailad ka jingisnei.

    Ka daw jong ka jingbymshit ne khriat bad ka jinglong kordit jong ka

    Balang Laodikaia ka long ba ka lade ka synshar a ka dohnud bad ia U Khrist la

    buh shabar ka jingkhang.

    Ka khubor Laodikaia ka long ka jingpynrem ba kyndit kynsan (3T252)

    hynrei ka long ruh ka khubor ka jingieit. Ka dei ka jingkhot ieit na U Nongieit

    Bakhraw. Lada ngi shahshkor a ka jingaibuit U Nongphla Bashisha bad plie a ka

    jingkhang jong ka dohnud, khnang ba U Khrist, lyngba u nongmihkhmat jong U, U

    Mynsiem Bakhuid Un lah ban rung, ngi ruh ngin ioh a ka bor bakynja blei ban jop

  • Ki Khubor Ka Balang Basah 2011-2

    KBB 28 - (15)

    a iwei pa iwei i jingsniew bad shadkmen ha ka lad ban shong bad U Khrist ha ka

    khet jong U.

    DA388: Dei lyngba U Mynsiem ba U Khrist U shong hapoh jong ngi; bad U

    Mynsiem U Blei, ba la pdiang ha ka dohnud da ka jingngeit, ka long kaba

    sdang jong ka jingim bymjukut.

    To ngin pule da ka jingdwai a kine ki jingong harum na u khulom ka

    nongrah khubor U Blei ia kane ka sobjek badonkam eh, ha kaba a ka jingrai ba

    bymjukut jong ngi la sdien.

    (Yn dang bteng)

    (Kum shibynta ban iasnohkti lang bad ka balang Seventh-day Adventist shityllup pyrthei ban

    pynkhreh ia ka jingwantheh u slap bakhadduh, Ki Khubor Ka Balang Basah ka wanlam sha phi ki

    nongpule ia ka kot Ka Jingpynkhreh Na Ka Bynta U Slap Bakhadduh ha ki lai bynta. Kane ka dei

    ka bynta kaba nyngkong bad ia ka bynta ba ar bad ba lai yn pynmih ha ki ar tylli ki issue kiba bud

    Editor)

    Sha Jingkdew

    KYNMAW KAEI KA KYRTENG JONG PHI Ka jingkren jong u President bathymmai jong ka General Conference ha ka

    sngi Sabbaton, 9 tarik u Risaw, 2010.

    Elder Ted N.C Wilson

    atba ka balang Seventh-day Adventist ka rakhe ia ka

    jingdap ba 150 snem jong ka jingsdang ia kane ka

    kyrteng da ka kynhun ki parabangeit ha Battle Greek,

    Michigan, u President jong ka General Conference, Elder, Ted

    N.C Wilson, u kyntu bad pynkynmaw ia ki parabangeit baroh

    ba kin Kynmaw Kaei Ka Kyrteng Jong Phi da kaba ka pyrthei

    ka ithuh ia phi.

    U ong ba U Blei U kwah ba ki briew ka balang basah jong U, kin don da

    ka kyrteng kaba kyrpang, da kaba ka pyrthei kan ithuh ia ki kum kita kiba sumar ia

    ki hukum U Blei bad don ia ka jingphla U Jisu (Jingpynpaw 12:17)

    U iaibteng bad ong ba ka kyrteng Seventh-day Adventist la jied hadien

    ba ki rishot jong ka jingngeit jong ngi, la pynskhem, ynda haba la wad bad pule

    bniah ia ka Ktien U Blei lem bad ki jingduwai.

    Man ba phi phla ia kane ka kyrteng, phi ialap ia ka jingngeit jong phi,

    ong u elder Wilson. Haba phi iasam bad kiwei pat la da ka ktien, ne ki jingthoh,

    wat kam ialade tang kum u Adventist. Lane lehrai ban pynpaw tang kum u

    SDA. Man ba phi ong Nga dei u Seventh-day Adventist phi ialap ia ka jingngeit

    K

  • Ki Khubor Ka Balang Basah 2011-2

    KBB 28 - (16)

    jong phi. Lano lano ruh wat ju sngewlehrai ban pynpaw ia la ka jong ka kyrteng

    jong phi. Haba la jied ia kane ka kyrteng, Seventh-day Adventist, U dei U Blei

    Uba la shon ha ka jingmut jong kito ki nongialam, 150 snem mynshuwa ba kane

    ka dei ka kyrteng ba bha eh.

    Ka kyrteng Seventh-day ka kdew ia ka bor U Blei Uba la thaw ia kane

    ka pyrthei ha ki hynriew sngi, ba 24 kynta shi sngi, bad pynkup da ka sngi ba

    hyniew kum ka jingsah jingkynmaw ia kata ka jingpynlong, ka sngi Sabbaton.

    Kane ka pynkynmaw ia ngi, ba ia ngi la thaw da U Blei hi, ym ba ngi shu longhi

    na ki phngit-khiang, kumba bun na ka pyrthei ki ngeit.

    Shuh shuh, ban pyni ia ka jingmut bakyrpang jong kane ka kyrteng jong ka

    Balang, u Elder Wilson u la ong, Adventist ka iathuh ia ngi shano ngin ia leit.

    Ngi ap ia ka jingwan pat jong U Trai Jisu Khrist, bad khmih lynti ia ka jingpynwai

    noh ia ka history jong ka pyrthei. Ka jingwan phai ba skhem U Khrist, Ka

    jingkyrmen basuk, ka dei ka thong bad jingkhmih lynti jong uwei pa uwei u

    Seventh-day Adventist.

    Kane ka kyrteng ba khrawbor ba la ai na bneng, Seventh-day Adventist

    ka dei ka jingialap ba ar mat jong ka jingkyrmen, ong u Elder Wilson. Ka kdew

    sha U Blei kum U Nongpynlong bad U Nongpynkut ia ka jingngeit jong ngi. Ka

    kyntiew ia U Khrist ha ka burom bad ka jingitynnad jong U. Ka pynbna ia kata ka

    Jingialeh Bakhraw na ba sdang haduh ban da kut.

    Ha kajuh ka por, u Elder Wilson u la maham, Ba la ngi kmen bad ai nguh

    ia U Blei ba U la ialam ia ka Balang ha kine ki 150 snem, hynrei ngi la dei ruh ba

    ngin pyrkhat, kumno ba kane ka kynhun, kaba ka mission jong ka, ka dei ban

    pynkhreh ia ka pyrthei ia ka jingwan shen U Jisu, ka lah ban sngewkmen ba 150

    snem ka por ka la iaid ha kane ka kyrteng? Sa katno kita ki sngi jingkynmaw

    (aniversary) ngin ia rakhe? Sa katno slem kane ka kynhun kan iai trei khnang ba U

    Jisu Un wan phai noh?

    U Elder Wilson u ong: Mynta ka la dei ka por ia ngi ba ngin long ki

    nongpynbna jong U Blei, ban khot ia ki briew ban mih noh na ka Babylon ba kynja

    mynsiem jong ka Jingpynpaw 14 bad 18. U Blei U la khot ia ki Seventh-day

    Adventist ban long kiba pher na ka pyrthei, ha kaba uwei pa uwei u dkhot - da ka

    mynsiem ba sngewrit bad sngew skhem kumba U Khrist U ong, Ngi kloi ban ieng

    na ka bynta ka Jingshisha watla ki bneng ki hap

    Ba ngin lah ban pynurlong ia kane, u ong, Nga kyntu ia iwei pa iwei i

    dkhot jong ka Balang Seventh-day Adventist ban iasnoh lang da ka bor jong U

    Mynsiem Bakhuid ban pyndep ia ka kam kaba U Trai U la pynshet ha ngi. To ngin

    ia tur lang shaphrang, ban ia trei lang da kajuh ka jingthmu, la ha ki ing-mane, Ki

    Skul, ne kiwei kiwei ki ministri baroh.

    Ngan lah ban ialam ia ka Balang, ong u Elder Wilson, tang lada nga

    dem ha khmat ka diengphna, ban pynlut por lem bad U Khrist ha ka Ktien jong U.

  • Ki Khubor Ka Balang Basah 2011-2

    KBB 28 - (17)

    Ngam don ka jingstad ban ialam lymda U Khrist U ai ia nga. Mynta nga kwah ban

    phla ha khmat jong phi bad U Blei jong nga ba nga don bun ki jingduna ha ka

    jingim jong nga, ka jingsarong, ka jingsngewnang, jingsngewhanga-mei, ka jingleh

    sting ban pynlut por ban pule ia ka Ktien U Blei bad ban duwai, ban pule ia u

    Mynsiem Ki Jingiathuhlypa, nga kyrpad ia phi baroh kum ki para nongtrei bad ki

    dkhot jong ka Balang baroh ba phin map ia nga. Nga kwah ban leh ia ka mon U

    Blei, nga kwah ban pynrit ialade ha khmat jong U, nga kwah ban duwai bad ban

    wad ia ka khmat jong U, nga thrang ban ioh ia ka bor u slap ba khadduh ha ka

    jingim jong nga. Hato phi kloi ne em ban iashim bynta lem bad nga ha kane?

    Sha Jingkdew

    * * * * * * * * * * *

    KA JINGKHIE-IM

    JONG KA JINGLONG RIEWBLEI BASHISHA Elder Ted N.C Wilson

    atba ngi iaid shaphrang sha ki san snem kiba

    shakhmat jong ka jingsakhi bad ka jingialap jong ngi

    na ka bynta U Trai - katba ngi ia shem ia ki

    nongpynwit bad jingeh sawdong jong ngi - ngi dei ban

    kynmaw kaei kaba kongsan tam ha ka jingmut jong ngi, bad

    kata ka long ba U Jisu Un sa wan shen. Katno ka long ka

    kabu ksiar ba ngi lah ban ia don bynta ha kane ka jingiakhih

    ba khraw U Blei jong ka jingwan arsien U Khrist, ha kane

    ka por jong kaba kut jong ka history ka pyrthei! Ka jingwan

    shen U Jisu ka dei ka khubor ba phylla tam, kaba dei ban ai mynsiem bad pynkhih

    ia ki jingthmu bad ki kam jong ngi baroh.

    Kam pher ha kano kano ruh ka kam ba phi trei, ka por ka la poi ba ngi dei

    ban pdiang sngewrit ia ka kabu, bad ka jingpynkit ba la pynshet ha ngi,bad ban

    sngewthuh ba dei tang da ka bor jong U Mynsiem Bakhuid ba ki jingtrei jong ngi

    baroh ki lah ban sei soh. Ka jingkhot ia ngi ka dei ba ngin trei kum ki shakri ba

    bha (Math 20:26-28) da kaba phla ba ngi shaniah ha ka jingstad kaba wan na U

    Trai (Jakob 1:5) da ka jinghikai U Mynsiem Bakhuid (Ioanis 16:13) bad ka jingtip

    ba janai na kiba bun ki nongpyrkhat (Prob 11:14).

    U Mynsiem Bakhuid U kyntu ia ngi ba ngin iasohlang, samla bad rangbah,

    kynthei bad shynrang, ha kawei ka balang kaba tylli hapoh ka jingialam jong U, da

    kaba pynrit ialade ha khmat jong U bad ban kyrpad ia ka jingkhie im bad ka

    jingpynthymmai ha la ka jingim bad ha ka balang baroh kawei. Ngi pule ha ka

    kitab 2 Khronikl 7:14 kaba ong: Lada ki briew jong nga, ia kiba la khot da ka

    kyrteng jong nga, kin pynrit ialade, bad kin duwai, bad kin wad ia ka khmat jong

    K

  • Ki Khubor Ka Balang Basah 2011-2

    KBB 28 - (18)

    nga, bad kin phai noh na ki lynti bymman jong ki; kumta te ngan sngew na bneng,

    bad ngan map ia ki pop jong ki, bad ngan pynkhiah ia ka ri jong ki.

    Kane ka kular ba phylla na U Trai ka khot ba ki briew jong U kin

    shahshkor. Man la ka sngi ngi dei ban kyrpad ia U Trai ban pyndep ia ki kular jong

    U jong ka kitab Joel 2 lynnong bad ki Kam Ki Apostol 2 lynnong, khnang ba u

    lapbah bakhatduh jong U Mynsiem Bakhuid yn theh ha ka Balang jong U.

    Kum kiba khmih ia ka jingwan arsien, ngi dei ban wad ka jingpynthymmai

    ia ki jingmut bad ki dohnud jong ngi, katba ngi ap khmih lynti ia ka bor U

    Mynsiem Bakhuid, da ka jinghap jong u lapbah bakhadduh, namar dei tang da ka

    jingtheh ia U Mynsiem Bakhuid ba ka jingpyndep ia ka kam U Blei ban pynbna ia

    ka khubor ki lai angel ngin lah ban pyndep. Ka mem White ka pynkynmaw ia ngi

    ba, Ka Jingimpat jong ka jinglong hok ba shida hapdeng jong ngi, ka dei kaba

    kongsan bad kaba kyrkieh tam na ki jingdonkam jong ngi. Ngi dei ban wad hok

    ban ioh ia ki jingkyrkhu jong U Trai, ym namar ba U Blei Um mon ban ai ha ngi ia

    kita ki jingkyrkhu, hynrei namar ba ngi hi ngi long ki bym la kloi ban pdiang ia ki.

    U Kpa jong ngi Uba ha bneng U kloi eh ban ai ia U Mynsiem Bakhuid ha kita kiba

    pan na U, ban ia kaei kaba ki kmie ki kpa jong ngi ki ai ia ki jingai ba bha ha la ki

    khun. Hynrei ka dei ka kamram jong ngi, da ka jingphla, ka jingpynrit, ka jingkylla

    kaba mut bad ka jingduwai minot, ban pyndep ia ki kyndon shuwa ba U Blei Un

    pyndep ia ki kular ban ai ha ngi ia ki jingkyrkhu jong U. Ka jingimpat ngi lah ban

    khmih lynti tang da ka jingjubab ia ki jingduwai.

    Nga khot sngewbha ia ki Seventh-day Adventist baroh sawdong satlak ka

    pyrthei ban iasnohkti bad nga da ki jingduwai ia ka jingtheh ia U Mynsiem

    Bakhuid ha kane ka por bad ka a bakyrpang jong ka history ka jingpynim. To ngin

    ia duwai kyrpang ba U Mynsiem Bakhuid Un weng noh na ki dohnud jong ngi ia

    ka jingsarong, jingsngewhok lade, kiba lah ban pynwit ia ka jingim pat bad

    jingpynthymmai ba U Jisu U kwah eh ban pyndep halor ki briew jong U ha kane

    ka yrta bakhadduh.

    To ngin ia shim ia kane ka lad ban iaduwai lang iwei bad iwei pat ha kine

    ki sngi ki ban sa wan. Ngi dei ban pynlong ki jingiaduwai lang ha ki ingmane, ki

    seng, ki skul, jong ngi khnang ba ngin lah ban kyntiew lang ia ki jingduwai jong

    ngi lem bad kiwei pat ki parabangeit ban dawa ia ki kular U Blei ba Un theh um ia

    ki mynsiem batyrkhong jong ngi, da ka jingsngewthuh bathymmai bad ka

    jingshitrhem.

    Man la ki ministri/department jong ka balang, ki dei ban pynlong ki

    prokram bakyrpang ban duwai ia ka jingimpat bad ban pyrshang katba lah ban wan

    rah ia kaei ba ka mem White ka ong: Ka jinglong hok ba janai jong ki jingim ba

    la aiti ha ka bor U Mynsiem Bakhuid.

    Kane ka kynhun ka long kaba kyrpang na ki jingngeit ba pher ha ka

    pyrthei baroh, namar ia ngi la pynithuh kum ki briew basah jong U Blei, ka balang

  • Ki Khubor Ka Balang Basah 2011-2

    KBB 28 - (19)

    ba ka jingiathuhlypa ka khot ka Seventh-day Adventist. Kane ka long ka

    jingkitkhlieh ba kyrpang ha ngi ban kyntiew ia U Khrist ha ki jingialap jong ngi

    baroh, ha ki ministri jong ngi, ban kdew sha ki briew baroh sha U Jisu bad tang U

    Jisu hi. Ka khubor ba shisha jong ka Kospel ka long ba ia ngi la pyniasuk bad U

    Blei lyngba ka jingim U Jisu namar jong ngi, ka jingiap jong U ha Kalbari bad ka

    jingshakri jong U kum U Rangbah Lyngdoh ha ka jaka kyntang ha bneng ka plie

    lad ia ngi da ka jingsngewskhem ban ioh ia ka jingim bymjukut.

    Da ka jingaiei U Blei, ka jingsiewspah ia ngi lyngba U Jisu kam shong ha

    ka jingstad jong ngi ban sngewthuh ne ban batai kumno ia ngi la pynim da U Jisu.

    Uwei na ki nongialam rangbah jong ka balang u ong kumne: Ynda ngi poi sha

    bneng da ka bor U Khrist ngin sa sngewthuh kumno la pynksan, pynkyntang, bad

    pyndonburom ia ngi bad hangta ngin sa dap da ka jingsngewhun.

    Ka jingthoh ka pynkynmaw ruh ia ngi ba ka jingimpat bad ka

    jingpynthymmai ia kaba ngi kyrpad yn ialeh pyrshah da ki bor kiba kwah ba ka

    balang kan iaisah kum ka balang Laodikaia. U bymman u pyrshang katta katta ban

    ialam ia ki Seventh-day Adventist ban sngewhun kumba ngi long khlem ka bor

    jong ka Gospel ban pynkylla ia ka jingim jong ngi, kaba la hikai ia ngi lyngba ka

    histori. Da ki bun ki buit sianti jong u, u wad ki lad ban pynjngai ia ngi na ka Baibl

    bad ban sngewthuh shai ia ka jingshisha ba U Blei U la ai ha ngi. Ki ktien u

    apostol Paul ki dei na ka bynta kane ka yrta jong ngi kumba ki dei na ka bynta ka

    balang ha Rom 2,000 snem mynshwa: To wat pynsriem ryngkat ia lade bad kane

    ka pyrthei hynrei to pynkylla dur noh ia lade kei da ka jingpynthymmai ia ka

    jingmut jong phi, khnang ba phin ioh tip kaba kumno ka long ka mon ka jong U

    Blei, kaba bha,bad kaba pynsngewbha eh, bad kaba janai de (Rom 12:2) kawei

    pat ka jingpynkylla ka ong kumne: Wat ai ba ka pyrthei sawdong jong phi kan

    khiot thawdur ia phi kum ka.

    Mynta ka dei ka por ba ngin ym shah ba u bymman un pynbieit ia ngi da

    ki ktien jali-jaum jong u ban thawdur ia ngi kum ka pyrthei. Kane ka dei ruh ka

    por ba ngin long kiba shai kdar ha ka jingmut jong ngi bad kiba shlur: Ieng skhem

    ha ki nongrim jong kane ka balang, kiba la pynieng ha ki ktien bym ju kylla jong

    U Blei. Ngim dei ban khei sting ka kaei ka jingthmu ia kaei ba ngi dei ban

    pyndep, namar U Jisu U kren ha ngi mynta da ki juh ki kyntien kiba ia dei kumba

    u kren ia ka balang ha Philadelphia: Ha khmih nga wan kloi: to bat skhem ia kata

    kaba pha don, ba uno uno ruh un ym shim ia ka pansngiat jong phi. (Jpp. 3:11)

    Para baieit, shynrang bad kynthei, to ia snoh lang bad nga ban bat skhem

    ia ka Ktien U Blei kumba ngi pule. Ka bor ba la kular ha ki sla jong ka yn theh ha

    ki briew jong U tang lada ki kular ban pule ia ka, im kum ka, hikai ia ka, bad ialap

    ia ka khlem jingsheptieng ne iew shiliang iano iano, bad kiba shah ba ka jingim

    jong ki shimet shimet bad baroh lang ruh kumjuh, ban saidur da ki jingshisha ba

    shai bad ba skhem jong ka.

  • Ki Khubor Ka Balang Basah 2011-2

    KBB 28 - (20)

    To ngin ia bat skhem ia ki jingshisha jong ka Baibl da kaba U Blei U la

    pynmih ia kane ka kynhun jong kine ki por ba khatduh ka pyrthei, kaba kynthup ia

    ka jinghikai jong ka shaphang ka jingai ia U Mynsiem ka jingiathuhlypa. Na baroh

    ki jingai U Blei ia ki briew basah jong U, ka jingiathuhlypa ka dei kawei na ki

    jingai bakhrawtam jong U. U Mynsiem ka jingiathuhlypa u ai jinghikai ia kawei pa

    kawei ka bynta ka jingim khristan, bad ka donkam eh mynta ha kine ki sngi,

    kumba ka long ha ka por ba la thoh ia ka. Kine ki dei ki khubor ba shisha na

    bneng. Pule ia u Mynsiem ka Jingiathuhlypa man la ka sngi ryngkat bad ka

    jingpule ia ka Ktien U Blei. Ngeit ha ka, kyntu ia ka sha kiwei, pyndonkam ia ka,

    hikai ia ka, kyrshan ia ka - phi hi ruh phin shem ba phin ioh ka bor ba thymmai ha

    ka jingim ba kynja mynsiem jong phi ka ban iarap ia phi ban ieng bad iaid da ka

    jingim bathymmai.

    To ngin ia bat skhem ruh ia ki khubor ki lai angel; ka jingwan arsien ba

    thikna U Khrist; ka jinglong hok da ka jingngeit ha U Khrist; ia ka sngi ba

    hyniew ka Sabbaton. Ka jingpynlong U Blei ia ka pyrthei ha ki hynriew sngi,

    kiba kynthup 24 kynta shi sngi ka khubor jong ka jaka kyntang (sanctuary) bad ka

    jinghikai ka Baibl shaphang kiba iap.

    To ngin pynkynmaw ialade ba ka Baibl bad u Mynsiem ka Jingiathuhlypa

    ki khot ia ngi ban im ka jingim kaba hok da ka bor u Mynsiem Bakhuid, ka jingim

    ba koit ba khiah kumba hikai ka Ktien U Blei bad u Mynsiem ka Jingiathuhlypa,

    bad ba ki jingrwai iaroh bad jingmane jong ngi kin long ki ban kyntiew ia U

    Khrist, ym ia ngi. To ngin shah shkor bha ia kaei kaba la hikai ia ngi kumno ba ia

    U Mynsiem Bakhuid yn theh ha kito kiba wad hok ia ka jingkhie-im bad kiba

    pdiang ia ka khubor ka jingpynthymmai.

    Ka jingkhot jong nga ia phi baroh ka long kaba palei bad kaba shai; snoh

    kti lang bad nga da kaba dem ha khmat U Trai ban pan da ka mynsiem ba sngewrit

    ia ka bor bad ka jingaiei bathymmai ha kine ki sngi kiba ha khmat jong ngi. Duwai

    na ka bynta ka jingimpat ba U Trai U thrang eh ba ka balang kan iashem, bad dwai

    ba ki dohnud jong phi kin long ki ba kloi ban leh ia kaei ba U Mynsiem Un wallam

    ha ki jingmut jingpyrkhat bad ka jingsngewthuh jong phi.

    Ka balang ba sngewrit bad kaba aiti lut ia lade kan kylla long ka balang

    kaba im pat bad kaba la pynthymmai. Bad ka balang kaba la im pat bad

    pynthymmai shen kan long ka balang kaba peit sha suibneng sha mihngi da ka

    jingkmen bad jingkhmih lynti ia ka jingwan U Jisu ban dawa ia ki briew jong U.

    (Kane ka dei ka jingkren jong u President bathymmai jong ka General Conference ka balang Seventh-

    day Adventist shityllup pyrthei ha kaba kut jong ka jingialangbah (General Conference Session) ba

    shisien san snem kaba la long ha u Risaw 2010 ha Georgia.)

    Sha Jingkdew

    * * * * * * * * * * *

  • Ki Khubor Ka Balang Basah 2011-2

    KBB 28 - (21)

    KA JINGKHOT SHA KA JINGKHIE IM BAD JINGTHAW THYMMAI Ted N C Wilson

    i delegates jong ka Annual Council jong ka Seventh-day Adventist

    Church Executive Committee kaba la long ha u December 2010, ha

    Washington DC ki sngew ba ka por ka la dei ba ki dkhot jong ka Balang

    Seventh-day Adventist satlak ka pyrthei, ba kin ia dwai ia ka jingthoh ka bor u

    lapbah bakhadduh, ban pyndep ia ka kam ba la pynshet ha ka Balang.

    Kumta da ka jingdwai da kaba ia dem khohsiew jong baroh ki delegates, ki

    la rai ban pynlong ka Jingkhot ba kyrkieh ban ioh ia ka Jingimpat,

    Jingthawthymmai, Jinglong synran bad Jingialap.

    U Trai u kwah ban pyndep noh ia ka mission ka jingialap ong u Elder

    Wilson, U kwah ban theh buk ia u Mynsiem Bakhuid. Ka jingroi jong ka Balang

    kam ia kot bad ka jingbun paid ka pyrthei. Lada ngi bishar hok katno ka jingialap

    jong ngi ka la ktah shisha ia ka purthei, ngi iohi ba lada ym don ka jingkylla ba

    khraw, ngin ym lah ban pyndep ia ka kamram ba ka bneng ka la pynshet ha kane

    ka pateng bynriew. La ngi la pyrshang katba lah, da ki jingthmu (plans) jong ngi,

    ki rukom pyniaid (strategies), ki jingdon jingem jong ngi, hynrei kine kim pat

    biang ban pyndep ia ka mission U Blei na ka bynta ka burom jong U ha pyrthei.

    U Elder Wilson u bteng shuh shuh bad ong. Ym don kawei pat kaba kham

    kyrpang ban ia kaba ngi tip bad ithuh ia U Jisu bad ban wad ia ki kular jong U ia

    ka jingtheh ia U Mynsiem Bakhuid lyngba ka bor u lapbah ba khatduh, ba ngin lah

    ban pyndep ia ka Gospel Commission.

    Ka Jingim pat ba ka Jingthawthymai ki don la ki bynta ban leh. Ka Ellen

    White ha ka Advent Review and Sabbath Herald jong u February 25, 1902 ka ong

    kumne: Ka Jingim pat ka thaw jingmut ia ka jingpynthymmai ia ka jingim ba

    kynja mynsiem, ka bor ka jingmut jingpyrkhat bad ka dohnud jong ngi ban pynmih

    pat na ka jingiap ba kynja mynsiem. Ka Jingthawthymmai ka thew jingmut ia ka

    jingpynbeit thymmai ia ka rukom trei kam, ka jingpynkylla ia ki jingmut

    jingsngewthuh, ka rukom jinghikai bad ki jingmliem, ka Jingthawthymmai kan ym

    lah ban pynmih ia u soh ba bha jong ka hok lymda pyniasoh ia ka bad ka Jingim

    pat na U Mynsiem Bakhuid.

    Kumta ka Council ka la rai ban buh ia kine ki hyniew tylli ki

    jingpynkhamti ba ki nongialam ka Balang bad ki dkhot Balang baroh kin ialeh:

    1. Ba marwei marwei kin shim khia ban wad ia U Blei na ka bynta ka jingpynkhie im ba kynja mynsiem, bad ka jingtheh ia ka bor u lapbah

    ba khatduh, ha la ka jingim, ka ng ka sem bad ka jingshakri jongki.

    2. Ban wad ia la ki dohnud jong ngi, bad pan ia U Mynsiem Bakhuid ba un pyni ha ngi ba ngin iohi kaei kaba kah ia ngi, ba ngin lah ban

    K

  • Ki Khubor Ka Balang Basah 2011-2

    KBB 28 - (22)

    pynpaw ia ka jinglong U Jisu ha ngi. Ngi thrang ia ki dohnud kiba

    mon khnang ba yn ym don kano kano ha ka jingim jong ngi ka ban

    khang lad ia ka jingpyndap ka bor jong U Mynsiem Bakhuid.

    3. Ba marwei marwei ngin pynlut por man ka sngi ban ia syllok bad U Khrist, lyngba ka jingdwai ba ka jingpule ia ka ktien jong U.

    4. Ban pynshlur ia ki ministri ba pher ba pher ha ka Balang ban pyllait por ban dwai bad pule ia ka ktien U Blei, bad ban wad ia ka dohnud U

    Blei ba ngin sngewthuh kaei ka jingthmu jong U na ka bynta ka

    Balang jong U.

    5. Ban pynshlur ia baroh ki seng (organization) ka Balang ban pyllait por ia ki nongkitkam, ki Pastors, ki nonghikai, ki khynnah skul bad kiwei

    kiwei ban pule lang ia ka ktien U Blei bad ban dwai bad wad ia u Jisu

    bad ki kular jong ka jingtheh ia U Mynsiem Bakhuid.

    6. Ban pyndonkam ia ki lad ki lynti, la da ki jingthoh, ne ki Seminar ne ki workshop ban kyntu ia ki dkhot Balang ban wad ia ka jingiadei ba

    jylliew bad U Jisu na ka bynta ban ioh ia ki jingkular ia ka Jingimpat

    bad Jingthawthymmai.

    7. Ban kyntu bad khot sngewbha ia baroh ki dkhot ka Balang Seventh-day Adventist ban ia snoh kiti lang ban plie ia ki dohnud jong ki ba

    ngin ioh ia ka bor U Mynsiem Bakhuid kaba lah ban pynkylla ia ka

    jingim jong ngi, ka ng ka sem jong ngi, ki nongkitkam jong ngi bad

    wat ha ka imlang sahlang.

    Ka Council ka pynkut ia kine ki jingrai da kine ki kyntien: Ngi kyrpad ia

    baroh ki dkhot ka Balang ban ia snohkti lang bad ka nongialam ka balang, bad ki

    million ki Seventh-day Adventists ban wad ia ki jingiadei ba kham janai bad U

    Jisu, bad ia ka jingtheh U Mynsiem Bakhuid ha ka por 7 baje mynstep ne janmiet,

    baroh hyniew sngi ka taiew. Kane ka long ka jingkhot ba kyrkieh sawdong ka

    pyrthei da kawei ka jingthmu. Kane ka long ka jingkhot ba ngin aiti lut ia lade ha

    U Jisu ba ngin ioh mad ia ka bor ka jingpynthymmai U Mynsiem Bakhuid ia ka

    jingim jong ngi, bad kaba U Trai u kwah eh ban ai ha ngi mynta

    Sha Jingkdew

    Pule a Ki Khubor Ka Balang Basah:

    http://www.sdachurchshillong.org/category/news/

    http://www.sdachurchshillong.org/category/news/

  • Ki Khubor Ka Balang Basah 2011-2

    KBB 28 - (23)

    KI SOH U MYNSIEM Da i Kong S Kharnarry

    Kat kum ka shithi u apostol Paul sha ki Galatia 5: 22, don khyndai

    tylli ki soh U Mynsiem kiba ki Khristan ki dei ban don. Kita ki

    long:

    (1) Ka jingieit: To ngin iit ialade la ngi don ne em ia une u

    soh ka jingieit ia U Blei bad ia ki para briew. I Korinth 13;

    Mathaios 22:37-40.

    (2) Ka jingkmen: Ngi dei ban don ka jingkmen wat ha ki jingtynjuh ba

    bunjaid. Jakob 1:2

    (3) Ka jingsuk: Ngi dei ban don ia ka jingsuk U Jisu bad ka jingsuk U Blei

    ba palat ia ka jingshemphang baroh. Ioannis 14:27; Philippi 4:7

    (4) Ka jingshahslem: Ngi dei ban long kiba iaishah ha kiei kiei baroh. Rom

    12:12; I Thes 1:3

    (5) Ka jingleh sbun: Kum kiba la jied jong U Blei ngi dei ban kup ia ka

    jinglehsbun. Kolosai 3:12

    (6) Ka jingbha: Ngi dei ban don ka jingbha kumba la hikai U Jisu. Mat 5:44

    (7) Ka jingiaineh: Ngi dei ban iaineh haduh ba kut. Mat 24:13

    (8) Ka jingjemnud: Dei tang kiba jemnud ki ban ioh ia ka khyndew kaba

    thymmai. Mat 5:5

    (9) Ka bor halor lade: Ngi dei ban don ka bor halor lade kum u Joseph. Jen

    39:9

    Halor kitei ki soh ba ki khristan ki dei ban don kaba pynpyrkhat eh ia nga

    ka long na ka Gospel u Markos 11:12-14, 20-26 bad Mathaios 21:18,19 ha kaba U

    Jisu u la sngewthngan bad ba U la leit wad soh na uto u diengdumbur uba itynnad

    ki sla ki jyrngam, hynrei haba u leit khmih pat um shem soh ei ei haduh ba U la

    tim ia u bad ba u la iap tyrkhong shisyndon. Kane ka dei ka jinghikai ia ki

    Khristan, ioh ba ngi don tang ki kyrteng ha ki Register balang bad smat tang ban

    leit jingiaseng. Kum u dieng dumbur uba don ki sla bajyrngam bad ba itynnad

    haba peit nabar katba ka jinglong ba kynja mynsiem kaba shisha kam don. Ka long

    kaba ma, ioh ba ngi shah tim kum u dieng dumbur u bym don soh haduh ban da

    iap tyrkhong. Markos 11:20-26.

    Kumta ruh ia ka balang kaba shit ruh em, khriat ruh em, kaba shu syaid

    mem mem, U Jisu U ong ba Un prie noh ia ka. Kata haba ka la tip ia ki jingshisha

  • Ki Khubor Ka Balang Basah 2011-2

    KBB 28 - (24)

    ka Ktien U Blei hynrei kam don ka jingshitrhem ban ialap bad phla ia ka

    jingshisha kaba ka don. Kane kam ia pher bad kito ki bym pdiang ia ka jingshisha.

    U Blei U kwah ba kiba ngeit ha U kin long kiba shitrhem ban phla ban ialap ia ka

    jingshisha. Um kwah ba ngin long kiba shu syaid, namar lada khriat ne shu syaid

    ka long ka jingijli hakhmat U Blei.

    Kumta ka jingkyntu ia ki bangeit ka long ban long kiba dap da U Mynsiem

    bakhuid. U Paul u ong, "To khmih bha te kumno phi iaid, ym kum ki bym stad,

    hynrei kum kiba stad da kaba siewspah ia ka por naba kine ki long ki sngi kiba

    sniew. Naba kumta te wat long phi kiba bieit, hynrei kiba shemphang kaei ka mon

    U Blei. To long kiba dap da U Mynsiem da kaba iakren paralok ha ki Salm bad ha

    ki jingrwai, bad ha ki jingrwai bakynja mynsiem, da kaba rwai, bad da kaba kynud

    da ka dohnud jong phi ha U Trai". Ephesos 5:15-19.

    Kum ki Khristan Adventist ka la dei ka por ia ngi ban khie joit na kaba

    iohthiah. Ka la dei eh ka por ba ngin ieng ban phla ia ka jingshisha. Lah ban ong

    bun bah kim pat tip ia ka khubor ki lai angel. Hynrei lada ngi la ialap ha ki, ngi la

    pyndep ia la ka kamram wat lada kim pdiang ruh ia ka. Ngim lah ban len ia ka

    jingshisha ba ki don kiba la sngewthuh ia ka jingshisha hynrei ki kyntait mardor

    kia ka ban pdiang ia ka. Kim kwah ban pdiang namar ioh kam iahap bad ka

    jingpyrkhat jong ki. Hynrei kita kiba wad naduh ka dohnud baroh kin shem ia ka

    jingshisha Mat 7:7; Jer 29:11. Ngi donkam ban pynleit jingmut ban duwai

    shitrhem ia ka jingdonlang U Mynsiem U Blei U ban ai bor ban kren bad ban

    pynkhih pynkynduh ia ki mynsiem jong ki briew. Dei namar ba ngi donkam ia

    kane ka bor ka balang ka la buh ba ngin duwai step ha ka por 7 baje bad duwai

    miet ha ka por 7 baje janmiet.

    Khnang ba ngi lah ban pynmih ia ki soh U Mynsiem, ngi dei ban kynmaw

    ia ka pharshi u dieng dumbur. Kata ba ngim dei ban don tang ka jingitynnad kaba

    shabar hynrei ym don ei ei hapoh. Bunsien haba ngi don tang kawei ka talent ngi

    burieh noh ia ka ha khyndew ha ka jaka ban pyndonkam na ka bynta ka burom U

    Blei. Lane ngi lah ban ong ba ha ka jaka ba ngin pyndonkam na ka bynta ka burom

    U Blei, ngi pyndonkam na ka bynta ka pyrthei.

    Ngi dei ruh ban don ki soh ka jingleh isynei. U Jisu U ong, suk kiba

    isynei naba yn isynei ia ki. Mat 5:5 Ka jingisynei ym tang ia kiba duk ha ka met

    hynrei kiba duk ha ka mynsiem ruh. Ka dei ruh ia ki Khristan Adventist ban

    sngewsynei ia kito ki bym shemphang ia ka ktien U Blei. U Paul u ong, kumne te

    kin ioh ngeit ha kata kaba kim shym la iohsngew? Kumno te kin iohsngew khlem

    don ba ialap? Kumno ruh kin ialap lymda la phah ia ki? Kumba la thoh, ah katno

    ba itynnad ki long ki kjat jong kito kiba wallam ia ka Gospel jong kiei kiei kiba

    bha. Rom 10:14. Kumta te kata ka jingngeit (ia ka jingpyrta ki lai angel) ka jia

    na kaba sngew bad kata kaba sngew da ka ktien U Blei kei. Rom 10:12. Kumta

    ngi dei ban don ia ka jingthrang kum u Apostol Paul bad ba ngin da kwah hir hir

    naduh ka dohnud ia ka jingkylla kaba mut kiwei pat. Rom 10:1.

  • Ki Khubor Ka Balang Basah 2011-2

    KBB 28 - (25)

    Te shuwa kaba kut jong ka por ngi lah ban khring shibun ki mynsiem kiba

    kordor ki bym pat tip ei ei ne shemphang ia ka jingpyrta ka khubor ki lai angel.

    Lada ki la shemphang ia kane ka khubor ki lai angel lehse kin sa pdiang. Nga

    ngeit, wat lada ym baroh ruh, yn sa don hi ki ban pdiang lyngba ki jingtrei jong U

    Mynsiem Bakhuid haba ki la iohsngew. Ka jingpynim ka hajan ia ngi mynta ban

    mynba ngi la ngeit. Namarkata to ngin ia kyndit bynriew ban ialap ia ka Gospel.

    Iwei pa iwei i Khristan Adventist i dei ban wan rah kawei ka mynsiem sha U

    Khriet. Ngim dei ruh ban klet ban long kiba la pynkhreh da kaba kieng ia ki atiar

    U Blei baroh bad ban ieng skhem da kaba kut jingmut skhem ban jop ia ki

    mynsiem bakordor sha U Khrist. Ngi dei ban long ki Khristan ki ba la panpoh da

    ka jingshisha ban kieng ia ka jingda shadem ka hok, ban don ka jingkloi ban ai ia

    ka Gospel ka jingsuk bad bymjukut. Nangta ban don ka stieh ka jingngeit, ka

    jingda khlieh ka jingpynim, bad ka waitlam U Mynsiem kaba long ka ktien U Blei

    ban ieng ialeh ia ki bor bad ki sum ba meh ding jong u bymman da kaba thang ia

    ka sharak kaba la dap da ka umphniang U Mynsiem Bakhuid ba ka Ktien U Blei

    kan meh ha ki dohnud kum ki theisotti kiba stad.

    Haba ngi la ialap ne kren da ka bor U Mynsiem kum ha ka por ki Apostol

    kin don shibun kiban pdiang ia ka jingshisha. Kumta ngi donkam eh ia U Mynsiem

    U ban iarap ia ngi ba ngin pynmeh ia ki soh U Mynsiem. U Jisu U ba long U

    diengsohwai Uba shisha, ba lada ngi snoh ha U Jisu ngin sa long ki tnad ba im

    bad ba seisoh kum kane ka jingrwai:

    Me long Ah Trai u diengsohwai,

    Ha Me to ai ngin snoh;

    Kum ki tnat ba im ban ym lehrai,

    Ba sei kyrhai ki soh.

    U soh jingkmen, u soh jingieit,

    U soh ki jingdwai de;

    Ba long ka burom ia U Blei,

    Jingiaroh (i'U Jisu de) ruh ia Me.

    Ki synran kiba snoh ha Me,

    Kin ioh jingim kyrhai;

    Ki bud khlem thait ia syllok de,

    Ki lok bajan U Trai.

    Iarap ia ngi ruh Trai babha,

    Ban im hajan jong Me;

    Ban iai phla ktien ka jingshisha,

    Bad aiti ialade.

  • Ki Khubor Ka Balang Basah 2011-2

    KBB 28 - (26)

    To ai ba ngin ioh pdiang ia ki soh U Mynsiem ba kumta ngin lah ban don ka

    mynsiem ka jingieit bad jingsngewsynei lem ia kito ki lok ki bym treh ban pdiang

    ia ki jingshisha ka ktien U Blei. To ngin kynmaw ba ngim dei ban long kum uto u

    diengdumbur uba don tang ki sla kiba itynnad hynrei khlem ki soh. Lada ngi la

    pynmih ki soh, U Jisu Un ong ha kata ka akher ka sngi, Bha me u shakri babha,

    me la minot ha kiba khyndiat ngan nang ai ia me ha kiba bun to rung sha ka

    jingkmen u kynrad jong phi.

    [I Kong Silverso Kharnarry i shong i sah ha Malki (Shillong). Naduh ba i la shem ia ka jingshisha i ju thoh shibun ki

    jingthoh bad pynmih lyngba ki kot khubor Khasi ban phla shaphang ka jingngeit jong i bad khamtam shaphang ka

    jingwan arsien U Jisu Khrist. Ha kine ki por ba la dep im da don ha ka met kaba koit ba khiah. Sngewbha kynmaw

    lem ia i ha ki jingduwai jong phi ba U Blei Un ai ha i ia ka met ka phad kaba koit ba khiah khnang ba in lah ban

    shakri khambha ia la U Kynrad]

    Sha Jingkdew

    Norman R. Gulley

    ga thrang ba phi ruh phi ia don lang ha kato ka jaka! Da ki spah ngut ki Seventh-day Adventist ki ialumlang ha station rel, katba ki dang ap ia ka rel

    ka ban kit ia ki sha Georgia. Ki la ia rwai, Ngi Don Jingkyrmen, katba kiwei pat ki ia-i-phylla ia kane ka jingialehkmen. Ka la dei ka Sabbaton ba

    khatduh jong ka jingialang bah jong ka General Conference ha u Naitung 2010. Ka

    long ka jingkmen ban long u Seventh-day Adventist! Oh ka jingkyrmen basuk

    shisha ngi don!

    Ki dak ki shin ka jingwan U Khrist

    U Khrist u la kren shaphang ka jingwan phai jong U. Phi tip ia ka jingkren

    jong U shaphang ki dak, ym dei (Mathaios 24:25)? Hato phi iohi ia ka jingkylli ki

    synran, Kaba kumno ka dak (Kim shym ong ki dak) ka jingwan jong Me, bad

    kaba wai noh kane ka pyrthei? (Mat 24:3)? U Khrist U la jubab, To sumar ba

    uno uno ruh un ym shukor ia phi (dkhot 4), bad U la bteng ban iewtang shibun

    ki dak ki shin. Hato U Khrist Um shahshkor ia ka jingkylli jong ki? Ne hato U don

    ka jingkit kaba kham khia ban ia ki dak ki shin, watla ki dak ki long kiba donkam?

    Khatduh, U Khrist U kdew sha ka jingwan jong U ha ki lyoh kum ka dak (dkhot

    30).

    U Khrist u la kren shaphang ki khrist lamler bad ki nongiathuhlypa ki ban

    shukor (dkhot 5, 11, 24). Hynrei ka jingsngewkhia ba jur tam jong u ka dei ka

    jingwan badonbor u khrist lamler (Soitan): Lada kin ong ha phi, Ha khmih, u don

    ha ri khlaw; phi wat mih noh: Ha khmih, u don ha ki pulit bajarjar: phi wat ngeit

    (dkhot 26), naba kumba ka mih noh ka leilieh na mihngi, bad ka shai haduh

    sepngi, kumta ruh kan long ha kata ka jingwan U Khun u briew. (dkhot 27; peit

    N

  • Ki Khubor Ka Balang Basah 2011-2

    KBB 28 - (27)

    ruh 1 Thes. 4:16-18). Wat shah shukor phi ha u Soitan lada u pynsyriem ia lade

    bad Nga ka la long ka jingmaham jong U (peit 2 Kor 11:14). Dei tang kito ki

    nongpule minot ia ki Jingthoh Bakhuid bad kiba la iohpdiang ia ka jingieit ia ka

    jingshisha ba yn iada na ka jingshukor bakhraw kiba ialam mraw ia ka pyrthei (JB

    501)

    Ka Jingwan Arsien U Khrist

    Ka jingwan arsien U Khrist ka dei ka jingkyrmen basuk jong ka Balang, ka

    thong ba ha khlieh tam jong ka Gospel. Ka jingwan jong U Nongsiewspah kan

    long kaba shisha, kaba thikna, kaba lah ban iohi bad kaban jia ha baroh shi tyllup

    pyrthei. Ynda U wanphai, ki bahok kiba la iap kin khie im pat, bad ryngkat bad

    kiba hok kiba dang im yn pyndonburom ban yn rong noh ia ki sha bneng, hynrei

    kiba pop kin iap. Ki jingiathuhlypa ba la jan pyndep lut, ryngkat bad ka jinglong

    jingman jong ka pyrthei mynta, ki pynthikna ba ka jingwan U Khrist kan jia shen.

    Ia ka por jong kata ka jingjia ym pat shym la pynpaw, ba kumta ia ngi la mana ban

    long kiba la pynkhreh ha ki por baroh. (Titus 2:13; Heb. 9:28; Ioan 14:1-3; Ki

    Kam 1:9-11; Mat. 24:14; Jpp. 1:7; Mat. 24:43, 44; 1 Thes. 4:13-18; 1 Kor. 15:51-

    54; 2 Thes. 1:7-10; 2:8; Jpp. 14:14-20; 19:11-21; Mat. 24; Mar. 13; Luk. 21; 2

    Tim. 3:1-5; 1 Thes. 5:1-6.)

    Ka Balang Badonkam

    U Khrist U la ong ba ha ki por ba kut kiba bun ki briew in man khriat (Mat

    24:12) Kata ka dei ka jinglong jingman sawdong ka balang. Hynrei kumno

    shaphang ka balang? U Khrist U la ong ba ka balang jong u kan pyrkhat ba kam

    donkam ei ei ruh katba ha ka jingshisha ka donkam lut ia kiei kiei barohnamar ia

    U Khrist la khang shabar (Jpp 3:14-22). U Khrist U la tip ba katto katne ha ka

    balang kin kham ieit ia ka jingsngewbha ban ia U Blei, kiba don ka dur ka

    jingriewblei, hynrei kiba la len ia ka bor jong ka (2 Tim 3:5). Nangta U Khrist U

    la iathuh ia ka pharshi shaphang ki shiphew ngut ki theisotti (Mat 25:1-13). Baroh

    shiphew ngut ki la ia iohthiah. Ki theisotti babieit ki la ia long hi kum kiwei pat,

    lait noh ba ki duna umphniang (dkhot 1-5, 8). U Khrist shisien U la ong, suk kiba

    thngan bad kiba sliang ia ka hok: naba yn pyndap ia ki (Mat 5:6). U Khrist U

    kwah ba ka balang jong U kan long kaba dap pura, ym kaba sngewhun bad tang

    khyndiat ka umphniang haba ka don shibun. U Khrist U la tip ba ki theisotti ba

    iohthiah ki donkam ia ka jingkhie-im bad ka jingpynthymmai.

    U Khrist U la ong ba ha ka por jong u Noah ki briew ki la kyndit haba ka

    jingshlei um ka la wan bad ba ki don shabar ka inglieng. U la ong ruh ba ka

    jingwan arsien jong U kan long ka ban jia ryngkhat kumta hi. (Mat 24:38, 39). Kan

    long kum ka jingwan u nongtuh, ha ka por ba phim mut (poi pyrkhat) (dkhot

    44). Ap khyndiat, la ong uwei hato ngin ym khmih lynti ia ka jingwan U Khrist

    hadien ka jingpynjari ia ka ai Robibar sawdong pyrthei, ka ai rai pyniap

    sawdong pyrthei, bad ki hyniew ki khlam bakhatduh? Kumno kan lap kyndit ia

    ngi? Ka jingkylli badonkam, wan ka jubab Kam dei shaphang ki dak ki shin,

  • Ki Khubor Ka Balang Basah 2011-2

    KBB 28 - (28)

    hynrei shaphang ka umphniang. Ki shiphew ngut ki theisotti ki tip bha shaphang

    kine ki dak ki shin jong ki por bakhatduh, hynrei san na ki ki duna umphniang.

    Kine ki la leit ban thied umphniang. Ka imat kumba ki la ioh khyndiat bad ki la

    pyrshang ban leit rung, hynrei U Khrist U la ong, Ngam ithuh ia phi (Mat.

    25:12). Lehse ki la ioh ia ka umphniang lamler (Mat. 7:21-23).

    Kawei pat ka jingwan arsien

    Hato phi tip ba don artylli ki jingwan arsien? Ka jong U Khrist bad U

    Mynsiem Bakhuid. Ka jingwan hiar ba nyngkong jong U Mynsiem ne u slap

    banyngkong, ka la long ha ka Pentekost (Ki Kam 2:1-39); bad ka jingwan hiar ba

    ar, ne u slap bakhatduh, kan long ha ki por ba kut (Joel 2:28-31). Pyrkhat ia ka

    jingwan banyngkong jong U Khrist. Hato ka jaidbynriew Jiw ka la pynkhreh ia ka

    jingwan jong U? Em. Hato U la wan katkum ka jingkhmihlynti jong ki? Em. Ki

    khmihlynti ia U Messiah u ban jop thma ia ki Roman kiba ki isih bad ban ai ha ki

    ia ka jinglaitluid ka ri. Ki peit poh ia ka jingwan ba jarjar U Khrist ban pyllaitim ia

    ki briew da ka jingiap jong U. Kumta ruh ka long mynta ki sngi, ka balang jong

    ngi ka khmihlynti ia U Syiem ki syiem bakhraw bor ban pyllait ia ki na kane ka

    pyrthei kaba dap da ki jingialeh (Jpp 19:14-21; 13:1-8, 11-17); hynrei katto katne

    kin nym iohi ia ka jingwan bajarjar jong u slap bakhatduh ban pynim ia ki (da kaba

    shonshap ia ki).

    Ka ai ba kynjablei sha ka pyrthei salonsar ka sawa, bat shwa ia ki saw

    lyer khnang ba ia ki briew jong nga yn shon shap (peit Jpp. 7:1-4). Ka

    jingshonshap ka dei ka ka jingpynbeit ia kiba shisha (iaineh) ha ka jingmut

    jingpyrkhat [tip ia ka jingshisha] bad ha mynsiem [ieit ia ka jingshisha], ba ia ki yn

    ym lah ban pynkhih. U slap bakhatduh u shonshap ia ngi khnang ba ngin long

    kiba iaineh bad U Khrist, jia katba jia. Kane ka dei ka jingpynthikna jong U Blei

    ba yn ym don kaei kaei ruh ha ka por jong ka bakut ka ban shukor ia ngi. Ka

    jingshisha ka long kane: Lada ngim long kiba la pynkhreh na ka bynta ka jingwan

    theh jong u slap bakhadduh ngin ym long kiba la pynkhreh na ka bynta ka jingwan

    arsien U Khrist. Ka khubor babha ka long kane: Lada ngi long kiba la pynkhreh na

    ka bynta ka jingwan theh jong u slap bakhadduh, ngin long kiba la pynkhreh na ka

    bynta ka jingwan arsien U Khrist!

    Kaba donkam tam

    Ym don dak don shin ban maham ia ngi ba u slap bakhatduh un wan. Kito

    kiba ap ba u slap bakhatduh un wan ban pynkhreh ia ki, kin shem ba ka la long

    kaba la dier eh. U slap bakhatduh um wan ban pynkhreh ia ngi. Kata ka dei ka kam

    jong u slap banyngkong. U slap bakhatduh un wan ban shonshap ia ngi. Ngi dei

    ban pynkhreh myntashuwa ba Un wan! Ka jingwan jong U ka dei ka jingjia

    kaba bud. U Khrist u tip ba katto katne kin iehnoh ia ka jingngeit jong ki bad

    shahshkor ia ki mynsiem ki ksuid (1 Tim. 4:1; ioh ia ka umphniang balamler, ba

    kumta katto katne kin ialehpyrshah ia u slap bakhatduh, namar ba um wan kat kum

    ka jingkhmihlynti jong ki) syriem ia ka jingwan ba nyngkong jong U Khrist, haba

  • Ki Khubor Ka Balang Basah 2011-2

    KBB 28 - (29)

    ia U la ialehpyrshah bad sahnarphna. Kan long ka jingsngewsih kaba khraw ban ia

    pyrshah bad ka bor ka ban pyllait na ki jingjia ha ki por bakut. Kam don kaba

    kham palat ia kata! Ban long ki bym pynkhreh ia ka jingwan hap u slap bakhatduh

    ka long ban iohmad ia ia ka jingwan u nongtuh ha ka por mynmiet.

    Mynta ka dei ka por ban rai kut ha shuwa ki jingjia kiba khadduh. Nga

    duwai sha U Blei ia ka jingpyndap ba jylliew jong U Mynsiem Bakhuid, ban long

    bla pynkhreh, ban shah shonshap, ban aiti lut ia lade manla ka sngi sha U Khrist

    bad ka mon jong U, ban shaniah tylli lut ha U. Nga thrang ban iohdiang ia ka

    jingdapbiang jong u slap bakhadduh, ka umphniang bakhuid, U mynsiem ba shon

    shap. Kane ka dei ka jingdonkam ba kyrkieh jong nga. To ngin ia wad ia U Blei

    mynta bad ban long kiba la pynkhreh na ka bynta ka jingwan theh jong Mynsiem

    Bakhuid. Ba kumta ngin long kiba la pynkhreh na ka bynta ka jingwan arsien U

    Khrist.

    [U Norman R. Gulley u dei u research professor of systematic theology ha Southern Adventist University ha

    Tennessee, U.S.A. U la thoh ruh bun tylli ki kot, kynthup ia ka kot U Khrist Un Wan! (1998).]

    Sha Jingkdew

    KA JINGPYNBAPTIS HA KILING

  • Ki Khubor Ka Balang Basah 2011-2

    KBB 28 - (30)

    a shnong Kiling ka don ha Ribhoi District ha khappud bad ka jylla Assam

    sa tang kumba katto katne kilometer shwa ban poi Guwahati. Ka la dei ha

    ka 9 tarik u Iaiong 2011 ba i Evangelist Romlah Lamin lem bad ki

    parabangeit na Pillingkata ki la ia leit sha Kiling ban pynbaptis ia ki lai

    ngut ki mynsiem bakordor ha kaba uwei na kita u dei u Tymmen Basan jong ka

    balang Presbyterian. Na Shillong ruh la don katto katne ngut ki parabangeit kiba la

    ia leit ban ia sakhi ia kane ka jingpynbaptis. Kita ki kynthup ia i Dr. M Shylla, Dr.

    S M Sungoh, Elder Fanner bad

    kiwei kiwei bad kumjuh ruh katto

    katne ki nongtrei na Conference

    Office. Ia ka Sabbath School la

    shim da i Bah Aibok Kharpran

    bad ia ka jingpynbaptis la leh da i

    Pr K B Kharbteng.

    Ka Conference jong ngi

    mynta u snem 2011 ka la buh ba

    ka thong pynbaptis ka long 500

    ngut ki mynsiem.

    Ngim lah ban len ia ka jingshisha ba baroh ki Evangelist bad ki Pastor bad

    kumjuh ruh katto katne ki dkhot balang ki la ia trei shitom ban pynphriang ia ka

    gospel ha Ri Khasi-Jaintia. Ka jingpynbaptis haduh mynta ka dang long tang

    kumba 100 ngut.

    Ka thong ka dang bun ban sa pyndep. Kane ka khot ia ka jingiatrei lang

    jong baroh ki nongtrei bad baroh ki dkhot balang ban pynphriang ia ka gospel ka

    jingwan U Trai.

    Sha Jingkdew

    K

  • Ki Khubor Ka Balang Basah 2011-2

    KBB 28 - (31)

    KA YOUTH CONVENTION 2010 Pr S Hyniewta

    Ka Youth Convention jong u snem 2010 kaba long ruh

    kaba 24 jong ka Khasi Jaintia Adventist Youth Association ka la

    long ha Amlarem naduh ka 5th

    haduh 8th

    tarik u bnai Kyllalyngkot

    2011. Kane ka shnong Amlarem ka don kumba 25 kilometers

    shaphang shathie na Jowai. Kane ka Youth Convention ka la long

    kaba sngewtynnad haduh katta katta ia ki khynnah samla baroh kiba

    la wan bad kumjuh ruh ka long kaba ai mynsiem shibun eh ia ngi

    kum ki nongialam jong ka seng. Ha ka 5th

    tarik kaba dei ka sngi sdang katba nga

    dang don ha Shillong ban leit shim ia ki tiar kiba donkam, la phone ia nga da ki

    paralok bad ki ong ba ym don briew ba wan jingiaseng. Nga la sngew lyngngoh

    eh hynrei nga khlem duh mynsiem. Ynda nga la poi da lade hi nga la shem ba

    bun bha ki samla kiba la poi. Nga la sngew dap ka mynsiem bad nga la kmen eh

    namar ba ka jingthrang jong nga kum u Nongialam ka long, ba ki samla baroh kin

    iawan sha ka Youth Convention. Nga ngeit ruh ba baroh ki nongialam jong ka

    seng ki don ia kajuh ka jingthmu.

    Ka jingiaseng ba nyngkong ka la sdang ha kata hi ka miet 5th

    tarik bad

    ynda la kut ka jingiaseng ngi la sdang sa ia ka registration ha kaba ngi ioh 144 ngut

    ki samla! Ha ka step kaba bud kata ha ka 6 tarik bun sa kiwei pat ki samla ki la

    poi sha ka convention. Ngi la don ia ki jingiaseng naduh mynstep haduh ka por

    bam sngi. Ynda la dep ka bam ngi la ia leit peit kai ia ka Leshka project Dam ka

    ba don kumba 20 kilometer na Amlarem. Ngi la ia leit ruh da ka Trok Shaktiman

    (sngew thamula ym dei) bad kawei ka trok TATA mobile. Ngi la ia khapngiah eh

    hynrei da ka jingisynei u Blei ngi la ia poi suk bad ia wan suk ruh kumjuh. Kaba

  • Ki Khubor Ka Balang Basah 2011-2

    KBB 28 - (32)

    kham pynsngewtynnad ia ngi baroh kadei ba ki khynnah samla baroh ki long kiba

    kohnguh bad kiba sngewthuh ban ia trei ryngkat bad ngi ki nongialam. Ka la long

    ka por kaba sngewtynnad eh ia ngi haba ngi la iohi ia ka Leshka Dam ba pawnam

    bha ha ka ri jong ngi. Ynda ngi la wanphai pat, baroh ngi la ia thait eh hynrei ki

    khynnah baroh ki khlem pep pat ia ka jingiaseng miet.

    Ha ka step kaba bud kata ha ka 7 tarik ngi la ia khie dangstep bad ngi la

    don ia ka jingiaseng step bad kiwei kiwei ki prokram. Ngi sngewnguh eh ia U Blei

    ba U la kyrkhu eh ia kane ka Youth Convention. Ngi sngewnguh ruh ia ki pastor

    rangbah jong ngi, i Pr (Dr) K B Kharbteng bad i Pr W. Lapasam ba ki la iawan ban

    pynshngai bad ban shim ia ki prokram kiba ngi la ia pynshet ha ki. Baroh ki

    jingialap bad ki jinghikai ki la long kiba la pynthymmai bad ba la wanrah ia kiba

    bun ki jingkyrkhu ia ki samla baroh. Shuh shuh kaba kham pynshongshit ia ki

    jingiaseng baroh ka long ka jingdon ki jingtem jingput baroh bad khamtam ki

    nongtem kiba la ia kitkhia bad ban shim bynta ha ka tem ka put naduh basdang

    haduh bakut. Bun na ki, ki long ki nongtem kiba tbit tam jong ka balang ha Khasi

    Jaintia Conference hi baroh kawei. Ngi la don ia ki nongtem guitars, ki nongtem

    bass, nongtem drums, shangkuriaw bad ruh ki nongialam jingrwai kiba tbit shisha.

    Ka la pynshongshit eh ia baroh ki samla bad ia kiwei pat ki paramarjan jong ka

    shnong Amlarem.

    Ha ka 8 tarik kata ha ka sngi Sabaton, bun bah ki parabangeit na kiba bun

    ki jaka ki la iawan ban iaseng lang

    bad ngi. Ka la long ka jingiaseng

    kaba shongshit katta katta. Ngi la

    ioh shibun ki jinghikai bad ki

    jingkyrkhu lyngba ki Sabbath

    School kiba ngi la ia phiah haduh 5

    kynhun bad ruh na ka Divine

    service kaba la ialap da i Pr W.

    Lapasam.

    Ynda la dep ka jingiaseng

    Divine Service ngi la ia bam ja sngi

    noh. Ka bam ka la long ka ba bang

    bha ha kaba la pynkynmaw sah ia

    ngi baroh ba baroh na kito kiba

    bam doh ki la ioh pang kpoh. Imat

    kane baroh ka dei ka jinghikai ia

    ngi ba ngin ym ai bam doh shuh ha ki por jingiaseng.

    Ki Khynnah Samla

    Khyndiat nga kwah ban pynpaw ia ka jingsngew jong ngi kum ki

    nongialam jong ka seng shaphang ka jingiadei bad ki samla. Saw snem mynshuwa

    haba nga la shim nyngkong eh ia kane ka kam, nga la ia shem ia kiba bun ki

  • Ki Khubor Ka Balang Basah 2011-2

    KBB 28 - (33)

    khynnah samla ba ki dang long kiba khor ha ka kren ka khana bad ruh kim da don

    eh ia ka jingburom ia ki nongialam bad hateng hateng nga la juh iohsngew ruh ia

    ki ktien sih kiba la mih na ki. Nga khlem mut ban ong ba baroh ki long kumta,

    hynrei khyndiat ngut. Mynta pat ngi lap ia ka jingiapher ka ba khraw katta katta,

    kata ka long ba ki khynnah ki la long kiba stad bad ki la nang kumno ban ieit bad

    burom ia ngi ki nongialam da kaba ki khot ia ngi Sir ne Pastor. Kane ka la

    pynkmen ia ngi shibun eh namar ki la nang kiew ha ka akor bad ka burom. Nga

    kwah ban pynshlur ia ki ba kin iai long kiba stad bad ba riewblei ha ka jingim

    jinglong jong ki. Ki jingkyrkhu bad ka burom ka long ia ki hi. Sa kawei pat ka

    long ka jingkohnguh jong ki. Bunsien ngi la ju phah ia ki ban trei kam, kum ban

    ot jhur, rah um dih, rah dieng thang bad bun kiwei kiwei, baroh ki la leh ia la ki

    kam da ka jingkmen bad kim ju saitlah. Ynda la dei ka por thiah ngi la ju phah

    noh ia ki ban leit thiah, kim saitlah bad ki la kohnguh ia ngi. Ngi kwah ban ai

    khublei ia ki baroh. To u Blei un nang iai kyrkhu ia ki baroh.

    Ki jingpyniaid kam ryntih jong ka seng

    Ngi kwah ban pyntikna bad ban iathuh iaphi baroh ki kmie ki kpa jong ki

    khun samla ka balang ia kawei ka jingshisha. Kata ka long ba haba phi phah ia ki

    khun jong phi sha kine ki jingiaseng to tip ba phi la lum ia ki jingkyrkhu ba burieh

    jong ka jingim la ka long ka jong phi ne jong ki khun. Ngi ki nongialam ngim ju

    don ia ka jingmut ban pynsniew ia ki khun samla hynrei ban hikai ia ki baroh ba

    kin nang kiew ha ki jingstad la ka long ka jong ka doh ne jong ka mynsiem. Ngi

    don ia ki ai ki rule ba ngi la ia bud ryntih ha ka rukom kaba pyrkhing bha. Kita ki

    dei.

    1. Ki kynthei bad ki shynrang ki don la ki jong ki jong ki jaka sah kham pajih kawei na kawei pat.

    2. La buh ia ka por thiah ia baroh ki samla; kim lah ban leit kai shane shatai ynda la palat por.

    3. Ki khynnah shynrang kim lah ban leit shongkai bad ki kynthei ha ki kamra jong ki, la ka long ha ka por mynsngi ne mynmiet.

    4. Ki nongpeit ia kiba la buh, ki ju leit jngoh ia ki kamra kynthei bad ki shynrang man la ka por bad iada na ki jingpynkhei ai.

    5. La pyrkhing ruh ba ki khynnah shynrang ba kim bit Ban dih kiad, dih sikret ne ban wanrah ruh sha ki jaka sah. Ngi kyntu ia ki kmie ki kpa

    baroh ba kin phah ia ki khun samla jong ki baroh ba kin wan

    jingiaseng Youth Convention.

    6. Ka membership fees jong ki khynnah ka long tang 150 tyngka marwei. Kane ka membership fees ka dei tang na ka bynta ka jinglut jingsep ha

    ka bam jong ki.

    Ki jingsngew

  • Ki Khubor Ka Balang Basah 2011-2

    KBB 28 - (34)

    Don ki kmie ki kpa kiba dang sngewthuh bakla shaphang kane ka Youth

    Convention ba ka long tang ka jingialeh samla ne ka jingiakynduh samla. Ngi

    kwah ban kren ia ka jingshisha baroh.

    1. Katkum ka jingwad bniah na ki samla ka balang hi baroh kawei, ngi la shem ba kito ki samla hi kiba ju wan jingiaseng tista, kumba 50

    haduh 70 na ka shispah ki ju ia shongkurim hi bad ki parabangeit.

    2. Kito ki samla ki bym ju leit jingiaseng kim tip ei ei ia ka pyrthei jong ka balang Seventh Day Adventist, hynrei ki tip tang ia ka pyrthei jong

    ka pyrthei, bad ha kaba kut kumba 60 haduh 80 na ka shispah

    napdeng jong ki ki ju ioh lok shabar niam. Ynda la ioh lok shabar la

    hap sa ka weng balang bad pynbaptist biang.

    3. Ki kmie ki kpa ki dei ban sngewthuh ba ka jingiakynduh jong ki samla bad ka jingia-ithuh jong ki iwei ia iwei pat ka long ka Education

    (jingstad). Haba ki ia kynduh lang kata kam mut ba kin ialeh samla

    noh.

    4. Lada u ne ka samla kiba ong ne pyrkhat ba kin leit jingiaseng tang ban leit peit samla ne ialeh samla, nga kwah ban ong ia ki ba ki la

    bakla eh hangta. Ki dei ban pyrkhat kham iar ha ki jingmut

    jingpyrkhat. Ki lah ban don kum kita hynrei nga ngeit ym baroh. Bun

    hi ki wan da kawei ka jingmut ban shakri Blei.

    Ka jingkiew jong ka Seng

    Ha kine ki saw snem ba la leit ka seng ka la kiew shibun eh ha baroh ki

    liang katba kum ka jingiaid jong ka por.

    1. Ka fund (pisa) ba ngi don ka la kiew kumba 25 haduh 35 na ka

    shispah bad ngi la lah ban pyntrei kam kham bha na ka bynta ki

    jingdonkam jong ki jingiaseng.

    2. Ki prokram ki la nang kham pher bad kham sngewtynnad ha kaba la

    kynthup ruh ia ki jingleit jngoh kai ia ki jingtei.

    3. Ka seng ka la lah ban pynbiang tyrsok ia baroh ki samla kiba wan

    jingiaseng khnang ba ka thiah ka dem jong ki kan suk bad kan syaid.

    4. La register ia ki samla baroh da ki ID Cards bad ruh ki ID Number

    kiba ngi la sam ha ki.

    5. Manla ka por jingiaseng ne shano shano shaba ki leit kin deng ia ki

    ID card jong ki kum ka dak jong ka jingryntih bad ban phla ia u

    Khrist sha kiwei pat ki briew jong kato ka shnong.

  • Ki Khubor Ka Balang Basah 2011-2

    KBB 28 - (35)

    6. Ki dara jingiaseng ruh ki la itynnad bad kham heh kham phuh shibun

    eh kynthup ia ki lighting system.

    7. Ka membership jong ki nongwan jingiaseng ruh ka la nang kiew

    shibun eh. Na ka 150-180 ngut ha ki snem ba la leit shaduh ka 240-

    250 ngut mynta u snem.

    8. Ka seng ka la lah ban lum pisa ruh na ka bynta ki jingiaseng ialap.

    Mynta u snem ngi la sdang ia kane ka kam ha kaba ngi la lah ban

    pynlong ar tylli ki jingialap da ki samla jong ka seng hi. Kawei ka la

    long ha Nartiang naduh ka 9th tarik haduh 18

    th tarik u Nohprah 2010,

    bad kawei pat la pynlong ha Mustoh (War Shella) kaba la pynlong

    naduh ka 27th

    tarik u Kyllalyngkot haduh ka 5th

    tarik u Rymphang

    2011. Ka seng ka la pynlut ha kine ki jingiaseng ialap kumba 11,000

    tyngka. Ia kaba duna nangta la pyndap da ka Conference.

    Ngi kwah ban ai khublei ia ki parabangeit kiba la ai pisa jingiarap na ka

    bynta ka seng ban ialap ia ka Gospel. Ngi dang don shibun eh kiwei pat ki

    jingthmu ban iai ialap te ngi kyrpad ia phi ba phin iai kyrshan ia ngi.

    (I Pr S Hynniewta i dei peit ia ka Jaintia Mihngi Circle. I bat ruh ia ka kam kum u President ka Khasi Jaintia Adventist

    Youth Association naduh u Kyllalyngkot 2008)

    KI JINGIASENG DONG

    Sohra-Riwar

    Ka jingiaseng jong ka thai Sohra Riwar ka la long ha Umwai ha ka 19

    tarik u bnai L