rajarajeshwari kavacha stotram - · pdf fileshri rajarajeshwari kavacha stotram...

SHRI RAJARAJESHWARI KAVACHA STOTRAM

(MAHATRIPURASUNDARI TRAILOKYA MOHANAKHYAM

KAVACHAM)

WWW.BHARATIWEB.COM

1

shrshrshrshrIIII rrrrAAAAjarjarjarjarAAAAjeshwarjeshwarjeshwarjeshwarIIII kavacha stotramkavacha stotramkavacha stotramkavacha stotram

pArvatyuvAcha -

devadeva mahAdeva lokAnAm hitakAraka |

yatsUchitam purA nAtha kimartham na prakAshitam || 1 ||

rAjarAjeshwarI-devyAs-tripurAyAh shubhAvaham |

kavacham yadi me prItah kathayasva vruShadhwaja || 2 ||

Ishwara uvAcha -

lakShavAra-sahasrANi vAritAsi punahpunah |

strI-svabhAvAn-mahAdevi punastvam pariprucChasi || 3 ||

atyantam durlabham guhyam kavacham sarvakAmadam |

tathApi kathayAmyadya tava prItyA varAnane || 4 ||

trailokya-mohanam nAma triShu lokeShu durlabham |

sarva-soubhAgya-jananam bhoga-mokSha-phalapradam || 5 ||

yaddhrutvA dAnavAn viShNur-nijaghAna sudAruNAn |

lokAn vitanute brahmA samhartAham yatah priye || 6 ||

dhanAdhipah kubero api yatah sarve digIshvarAh |

naitat-parataram guhyam pratijAne hi pArvati || 7 ||

veda-shAstra-purANeShu sAram-etad-varAnane |

putra-dArAdi-sahitam shiro deyam kathamchana || 8 ||

na deyam kavacham guhyam prANaih kaNThagatairapi |

shruNu sarvAnga-subhage divyam kavacham-uttamam || 9 ||

rAjarAjeshwarI-devyAh kavachasya ruShih shivah |

Chando virAD devatA cha mahA-tripura-sundarI || 10 ||

hamsah shaktih parA bIjam ramAbIjam cha kIlakam |

dharmArtha-kAma-mokSheShu viniyogah prakIrtitah || 11 ||



KAVACHAM)

WWW.BHARATIWEB.COM

2

tripurA trividhA pAtu mama sarvArtha-siddhaye |

aim klIm souh vadane bAlA pAtu sarvArtha siddhidA || 12 ||

hsraim - hsakalarI - hsrouh kaNThe pAtu mahAdevI shrImat-tripura-bhairavI |

hrudaye avyAn-maheshAnI mahA-tripurasundarI || 13 ||

rAjarAjeshwarI-vidyA ShoDashI yA mahodayA |

brahma-randhre sadA pAtu kamalA parameshwarI || 14 ||

girirAja-sutA devI pAtu nityam cha shIrShake |

kAmabIjam lalATe avyAd-vAgabIjam kaNTha-deshake || 15 ||

souh pAtu me tathA pArshve praNavo bAhumUlake |

shambhupriyA sadA pAtu bAhvor-dakShiNa-savyayoh || 16 ||

viShNupriyA sadA pAtu maNibandha-dvaye tathA |

pArvatIshah kare pAtu netre nakShatra-vallabhah || 17 ||

shrotre ratipriyah pAtu ghrANe shakrah sadAvatu |

pruShThadeshe sadA pAtu pArvatI parameshwarI || 18 ||

hsouh shvAse chaiva nihshvAse pAtAm parama-siddhidou |

kAmah kAme sadA pAtu pinAkI lingagochare || 19 ||

pruthvI sarvAmshake pAtu hrullekhA hrudaye avatu |

stanou viShNupriyA pAtu kukShou cha sa purAntakah || 20 ||

netre vajradharah pAtu mAyA vai jaThare avatu |

padadvandve cha souh pAtu aim jihvA-nilaye avatu || 21 ||

klImkArah sarvadA pAtu dantoShThayor-varAnane |

shIrShAdi-pAda-paryantam sarvAngam bhuvaneshwarI || 22 ||

rakShA-hInam cha yat sthAnam varjitam kavachena tu |

tatsarvam parameshAni pAtu nityam haripriyA || 23 ||

AdhAre vAgbhavah pAtu kAmarAjo hrudi priye |

Shakti-kUTam tathA pAtu bhruvor-madhye cha pArvati || 24 ||

shIrShe kUTatrayam pAtu lalATe sarva-mantrakah |

aShTA-vimshati-varNeyam mukhavrute sadAvatu || 25 ||



KAVACHAM)

WWW.BHARATIWEB.COM

3

ShoDashIyam mahAvidyA brahmavidyaiva kevalA |

Bhoga-mokSha-pradA devI kevalAtma-svarUpiNI || 26 ||

kAmeshwarI lalATe avyAnmukhe tu bhagamAlinI |

dakShanetre sadA pAtu nityam (dIptA?klinnA) mahodayA || 27 ||

bhIruNDA vAmanetre avyAt karNe vai vahnivAsinI |

mahA(vidye?vajre)shvarI pAtu vAmakarNa-pradeshake || 28 ||

dakSha-nAsApuTe pAtu shivadUtI maheshwarI |

vAma-nAsApuTe pAtu tvaritA sarvasiddhidA || 29 ||

dakSha-gaNDe sadA pAtu nityam mAm kulasundarI |

trailokya-vimalA pAtu vAmagaNDa-pradeshake || 30 ||

oShThe nIla-patAkA-vyAd adhare vijayAvatu |

Urdhvadante sadA pAtu devI mAm sarvamangalA || 31 ||

Adhodanta-pradeshe avyAnnityam jwAlAmshu-mAlinI |

vichitrA sarvadA pAtu nityam mUrdhani pArvati || 32 ||

AsAm pradhAna-bhUtA yA mahA-tripura-sundarI |

ShoDashI sA sadA pAtu mukhe vai parameshwarI || 33 ||

pruShTha-deshe sadA pAntu guruvas-trividhAshcha te |

pAdayoh sarvadA pAtu tripurA parameshwarI || 34 ||

jAnudeshe sadA pAtu devI mAm tripureshwarI |

Urudvaye sadA pAtu devI tripurasundarI || 35 ||

tripuravAsinI devI kaTideshe sadAvatu |

tripurA-shrIshcha mAm nityam guhyadeshe sadAvatu || 36 ||

mUlAdhAre sadA pAtu devI tripuramAlinI |

nAbhou tripurA-siddhAvyAt tripurA(cha?mbA) sadA hrudi || 37 ||

brahma-randhre sadA pAtu mahA-tripura-sundarI |

AsAm tu mantra-bIjAni prokta-sthAneShu vinyaset || 38 ||

pAShANDa-gaNa-madhye tu buddho mAm pari-rakShatu |

brahma-vyAd brahma-sanghAte shivo mAm yoga-siddhaye || 39 ||



KAVACHAM)

WWW.BHARATIWEB.COM

4

gyAne mAm bhAskarah pAtu mokShe nArAyaNah prabhuh |

yA shaktih sarva-bhUtAnAm vidyA-vidyeti gIyate || 40 ||

sA shaktih sarvadA pAtu strI putra dhana sampadi |

aNimA pashchime pAtu laghimA chottare avatu || 41 ||

pUrvatah pAtu mahimA IshitA dakShiNe avatu |

vashitA vAyunilaye Ishe prAkAmya-siddhidA || 42 ||

bhukti-siddhi-stathAgneye pAt-vicChA-siddhI rAkShase |

adhah pAtu prApti siddhir-mokSha-siddhi-stathordhvake || 43 ||

brahmANI samdhyayoh pAtu mAheshwarI divAvatu |

madhyAnhe pAtu kaumArI rAtrou cha shakra-vallabhA || 44 ||

brAhme muhUrtake pAtu vaiShNavI sarva-siddhidA |

nishIthe pAtu vArAhI chAmuNDA sha(kra?tru) vigrahe ||| 45 ||

mahotsAhe mahAlakShmIh pAtu nityam maheshwarI |

shIrShe sankShobhiNI pAtu (tAri?drAvi)NI hrudaye avatu || 46 ||

AkarShiNI shikhAyAm tu kavache ppAtu vashyadA |

unmAdinI tathA netre sarvagAtre mahAnkushA || 47 ||

trikhaNDA bhujayoh pAtu bIje bIjaswarUpiNI |

khecharI pAdayoh pAtu yonimudrA cha sarvatah || 48 ||

(sa?kA)mAkarShaNa-rUpAvyAt sadAkarShaNa-karmaNi |

buddhyAkarShaNa-rUpAvyAt parabuddhi-vikarShaNe || 49 ||

ahankAre sadA pAtu ahankAra-vikarShaNI |

shabdAkarShaNa-rUpAvyAt shabdAkarShaNa-karmaNi || 50 ||

sparshAkarShaNa-rUpA mAm pAtu sparshana-karmaNi |

rUpAkarShaNa-rUpAvyAt pararUpa-vikarShaNe || 51 ||

rasAkarShaNa-rUpAvyAd rase vai parameshwarI |

gandhAkarShaNa-rUpA mAm pAtu gandhe cha sarvadA || 52 ||

chittAkarShaNa-rUpA mAm pAyAd-AkruShTi-karmaNi |

dhairyAkarShaNa-rUpA tu pAtu dhairyavidhou sadA || 53 ||



KAVACHAM)

WWW.BHARATIWEB.COM

5

smrutyAkarShaNa-rUpAvyAt gyAnAkarShaNa-karmaNi |

nAmAkarShaNa-rUpAvyAn-nAma-vyAharaNe sadA || 54 ||

bIjAkarShaNa-rUpA mAm sarvabIja-praropaNe |

parajIvAkarShaNe pAtvAtmAkarShaNa-rUpiNI | 55 ||

amrutAkarShaNI pAtu amrutIkaraNe sadA |

sharIrAkarShaNI pAtu sadA sharIra-rakShaNe || 56 ||

anangakusumA pAtu puratah sarvakarmaNi |

ananga-mekhalA pAtu pruShThatah parameshwarI || 57 ||

anangamadanA pAtu vAmato me maheshwarI |

dakShiNe sarvadA pAtu ananga-madanAturA || 58 ||

nityam chAnanga-rekhAvyAd-Urdhvam mama sadA priye |

ananga-veginI pAtu adho me parameshwarI || 59 ||

tathAnangA-kushA nityam pAtu mAm dikShu sarvadA |

anangamAlinI pAtu vidikShu mama sarvadA || 60 ||

sarva-sankShobhiNI chordhve pAtu mAm jagadIshwarI |

sarva-vidrAviNI chAdho dikShu sarva-vikarShaNI || 61 ||

sarvAhlAdakarI shaktir-vidikShu parirakShatu |

sarva-sammohinI pAtu samantAt parameshwarI || 62 ||

antar-bahishcha mAm pAtu sarva-stambhana-kAriNI |

tathaiva pAtu mAm nityamAkAshe sarva-jrumbhaNI || 63 ||

pAtAle chaiva mAm pAtu sarva-vashyakarI tathA |

devaloke sadA pAtu sarva-ranjana-kAriNI || 64 ||

sarvonmadana-shaktirmAm bhUtale parirakShatu |

sarvArtha-sAdhanI shaktih pAyAd-bhUta-gaNAlaye || 65 ||

siddha-nAmAlaye pAtu sarva-sampatti-pUraNI |

rAkShasAnAm cha yakShANAm sarva-mantramayI gruhe || 66 ||

asurANAm nivAse tu sarva-dvandva-kShayankarI |

sarvasiddhipradA devI pAtu rAjagruhe sadA || 67 ||



KAVACHAM)

WWW.BHARATIWEB.COM

6

sarva-sampat-pradA pAtu svagruhe sarva-sampadi |

sarva-priyankarI pAtu sarvalokeShu sarvadA || 68 ||

sarva-mangalakArye avyAt sarva-mangalakAriNI |

sarva-kAmapradA devI sarva-kAryeShu sarvadA || 69 ||

aishvarye sarvadA pAtu sarvaishvarya-pradAyinI |

sarva-mrutyu-prashamanI pAyAnnityam mamAlaye || 70 ||

sarvArambhe sadA pAtu sarva-vighna-vinAshinI |

deha-soundarya-kAle tu pAtu sarvAnga-sundarI || 71 ||

sarva-soubhAgya-kAle tu sarva-soubhAgya-dAyinI |

sarvagyA cha gruhe pAtu sarva-shaktimayI raNe || 72 ||

sarveshvarya-pradA mArge sarvagyAnamayI jale |

sarvavyAdhiShu sarvatra sarvavyAdhi-vinAshinI || 73 ||

parvate pAtu prabalA sarvAdhAra-swarUpiNI |

sarva-pApaharA pAtu sarvakarmasu sarvadA || 74 ||

sarvAnandakarI devI nAnAgha-kruta-gochare |

sarva-vairibhaye pAtu sarva-rakShAsvarUpiNI || 75 ||

sarva-sankalpa-kAryeShu sarvepsita-phalapradA |

vashinI vashyakArye avyAt kAmeshI stambhane avatu || 76 ||

mohane modinI pAtu vimalocchATane avatu |

aruNA pAtu mAm vAde jayinI jalpakarmaNi || 77 ||

sarveshwarI kAmyakArye koulinI bhedakarmaNi |

jrumbhaNe sarvaddA pAtu sharAh pancha maheshwari || 78 ||

dhanurmohavidhou pAtu pAshastu vashyakarmaNi |

mahAtejomayah pAtu stambhane mAm tathAnkushah || 79 ||

sarvagyA hrudaye pAtu nitya(krutA?truptih) cha shIrShake |

anAdibodhikA pAtu nityam shikhApradeshake || 80 ||

kavache mAm svatantrAvyAt netre nityamaluptikA |

achintyashakti(va?ra)streShu pAyAt paramasiddhidA || 81 ||



KAVACHAM)

WWW.BHARATIWEB.COM

7

kAmeshwarI ratou pAtu yuddhe vajreshwarI tathA |

nityam pAtu maheshAnI shrIkAme bhagamAlinI || 82 ||

rase rUpe cha gandhe cha shabde sparshe cha pAtu mAm |

sarvAnandamayI devI mahAtripurasundarI || 83 ||

IshAne vaTukah pAtu AgneyyAm yoginIgaNAh |

tvagasrun-mAmsa-medo asthi-majja-shukrANi pAntu nah || 84 ||

kShetresho nair-rute pAtu gaNesho vAyumandire |

mAtangavanitA pAtu sheShikA kulasundarI || 85 ||

shaktirmAm sarvadA pAtu mUlAdhAra-nivAsinI |

itIdam kavacham devi triShu lokeShu durlabham || 86 ||

yannoktam DAmare tantre yannoktam rudrayAmale |

sarvatantreShu yannoktam gandharve prakaTIkrutam || 87 ||

tava prItyA mahAdevi gopanIyam prayatnatah |

tava nAmni smrute devi sarva-yagyaphalam labhet || 88 ||

sarvatraiva jaya-prAptir-vAnChA-sarvatra sidhyati |

nAmnah shataguNam stotram vyAkhyAnam chApi tacChatam || 89 ||

tasmAcChata-guNam dhyAnam dhyAnAcChata-guNo manuh |

mantrAcChata-guNam devi kavacham te mayoditam || 90 ||

yasmai kasmai na dAtavyam sugopyam-ati-durlabham |

na deyam para-shiShyAya krupaNAya sureshwari || 91 ||

shiShyAya bhaktihInAya chumbakAya tathaiva cha |

gurubhakti-vihInAya parahimsAratAya cha || 92 ||

nindakAya kushIlAya dAmbhikAya maheshwari |

abhaktebhyo api putrebhyo dattvA mrutyum-avApnuyAt || 93 ||

yo dadAti niShiddhebhyah kavacham manmukhAcchyutam |

tasya nashyanti deveshi vidyAyuh-kIrtti-samchayAh || 94 ||

tam himsanti cha yoginyo madIyashAsanAt priye |

pare narakamApnoti janma-koTi-shatAni cha || 95 ||



KAVACHAM)

WWW.BHARATIWEB.COM

8

sarva-lakShaNa-yuktAya yantra-mantra-ratAya cha |

shiShyAya shAnta-chittAya gurubhakti-ratAya cha || 96 ||

udake lavaNam lInam yathA bhavati pArvati |

mano bhavati vai lInam pAdayoh shrIguroh priye || 97 ||

tadA deya mahad-guhyam krupayA chAti-durlabham |

guroh pAdam-prasAdena shrIvidyA yadi labhyate || 98 ||

tathaiva kavacham devi triShu lokeShu durlabham |

sa cha devo harah sAkShAt tatpatnI parameshwarI || 99 ||

pramAdAdapi deveshi shrI-gurornAma nAdadet |

yasya bhaktirgurou nityam vartate devavat priye || 100 ||

tasya mantrasya yantrasya siddhirbhavati nAnyathA |

kavachasya tathA siddhir-guTikAyAshcha sundari || 101 ||

idam kavacham-agyAtvA yo japet sundarIm parAm |

navalakSham prajaptvApi tasya vidyA na siddhyati || 102 ||

shuchih samAhito bhUtvA bhakti-shraddhA-samanvitah |

sarva-bhUtAlaye supte nishAyAm-ardharAtrake || 103 ||

hetayukto maheshAni nirjane pashuvarjite |

raktAsanopa-viShTastu raktAbharaNa-bhUShitah || 104 ||

tAmbUla-pUrita-mukho dhUpAmoda-sugandhitah |

samsthApya vAmabhAge tu shaktim swami-parAyaNAm || 105 ||

raktavastra-parIdhAnAm shivamantra-dharAm shubhAm |

yA shaktih sA mahAdevI hararUpastu sAdhakah || 106 ||

anyonya-chintanAd devi devatvam-upajAyate |

shaktiyukto yajed devIm shrIchakre lakShaNAnvite || 107 |||

puShpAnjali-trayam devyai mUlamantreNa dApayet |

bhogaishcha madhuparkAdyais-tAmbUlAdyaih suvAsitaih || 108 ||

pUjayitvA mahAdevIm pUjAkoTiphalam labhet |

pUrvokta(syA?nyA) samevAsmin samaye cha pravinyaset || 109 ||



KAVACHAM)

WWW.BHARATIWEB.COM

9

AtmAnam paramam dhyAyed divyastrIbhir-alankrutam |

divyam mUrdhni mahacChatram sahasradala-nirmitam || 110 ||

sudhAvarShi-mukhAmbhojam sasmitam divyavarchasam |

paramAnanda-sandoha-muditam paramavyayam || 111 ||

divyAlankAra-vastrADhyam divyamAlyAnu-lepitam |

divyAsana-samAsInam divyabhoga-vibhoginam || 112 ||

sarvagam sarvabhUtesham sruShTi-sthityanta-kAriNam |

nirlepam nirmalam shAntam sarvavyApinam-Ishvaram || 113 ||

tato devIm hrudambhoje dhyAyet tadgata-mAnasah |

japAkusuma-sankAshAm bAlArka-kiraNAruNAm || 114 ||

rakta-padmasanAsInAm raktAbharaNa-bhUShitAm |

raktavastra-parIdhAnAm pUrNachandrA-nibhAnanAm || 115 ||

saivAhamitya-bhedena dvaitahInam vichintayet |

advaitAnanda-bhAvena sAdhakah paramAtmanah || 116 ||

ChAyayA shoNayA vyAptam jagadeta-ccharAcharam |

bhAvanAvasha-sampanno bhAvayed bhAvanAparah || 117 ||

evam chintAparasyAshu siddhayo aShTou bhavanti hi |

samprApya vipulAn bhogAn rAjyAspadam cha bhUtale || 118 ||

aindram padamavyApyAtha viharan nandane vane |

UrvashI-pramukhAbhishcha svecChayA divyabhoga(dA?vA)n || 119 ||

tadApnoti param sthAnam durApam tridashairapi |

tatashcha kavacham divyam paThedekamanAh priye || 120 ||

tasya sarvArtha-siddhih syAnnAtra kAryA vichAraNA |

idam rahasyam paramam param svastyayanam mahat || 121 ||

sarveShAmeva himstrANAm DAkinInAm maheshwari |

nishAchara-gaNAnAm cha vAraNam nAshanam tathA || 122 ||

Ayurbalapradam nityam tuShTi-puShTi-shubhAvaham |

nArINAm mrutavatsAnAm guNavat-suta-dAyakam || 123 ||



KAVACHAM)

WWW.BHARATIWEB.COM

10

sUtyAh sUtigruhasyApi bAlagraha-nivAraNam |

viShada(sya?syu) grahANAm cha sadA shanti-vivarddhanam || 124 ||

viSha-shastrAgni-rudrANAm vAraNam jayadam yudhi |

jale sthale tathAkAshe sarvotpAteShu sarvadA || 125 ||

trailokya-vAsinAmeva sarvamangala-dAyakam |

sakrudyastu paThed devi kavacham deva-durlabham || 126 ||

hayamedha-phalam tasya bhavatyeva na samshayah |

nityam yastu paThed devi shruNuyAdvA samAhitah || 127 ||

sa sarvAmlabhate kAmAn pare devIpuram vrajet |

samgrAme cha jayecChatrUn mAtangAniva kesarI || 128 ||

dahet truNam yathA vahnistathA shatrUnjayet sadA |

nAstrANi tasya shastrANi sharIre prabhavanti cha || 129 ||

tadgAtram prApya shastrANi brahmAstrANi cha yAni cha |

mAlyAni kusumAnIva sukhadAni bhavati hi || 130 ||

parAh parAnmukhA yAnti vi(vA?nA) yuddhena pArvati |

vyAdhistasya kadAchittu duhkham nAsti kadAchana || 131 ||

gatistasyaiva sarvatra vAyostulyA sadA bhavet |

dIrghAyuh kAmabhogI so dhana-dhAnya-samruddhimAn || 132 ||

jitavyAdhI rUpavAn syAd guNavAn-abhijAyate |

chAturvargyam kare tasya bhavatyeva na samshayah || 133 ||

anyasya vallabhah so vai putra-dAra-kulAnvitah |

iha loke sukham bhuktvA pare mukto bhaviShyati || 134 ||

na tasya durgatirdevi kadAchidapi jAyate |

durgrahAh sugrahA yAnti vasham gacChanti mAnavAh || 135 ||

na tasya vighno bhavati na shoko bhuvi jAyate |

vetAlAshcha pishAchAshcha rAkShasAshcha bhayAnakAh || 136 ||

te sarve vilayam yAnti kavachasyAsya kIrttanAt |

tasyaiva shatravo devi chintAmAtra-prayogatah || 137 ||



KAVACHAM)

WWW.BHARATIWEB.COM

11

vinashyanti na samdeho yoginyo bhakShayanti tAn |

shAntikAdIni karmANi mAraNocchATanAni cha || 138 ||

vachomAtreNa deveshi tasya siddhyanti bhUtale |

na pApair-lipyate devi mahograistu sudAruNaih || 139 ||

na kAlasya vasham gacChenna jarA na cha duhkhitA |

tatra deshe na durbhikSham na cha mArI pravarttate || 140 ||

na rogAstatra jAyante notpAtAh prabhavanti cha |

vividhAshchaiva yoginyastasya sAdhaka sannidhou || 141 ||

shAntim chaiva prayacChanti rakShanti putravat sadA |

sarvadA cha sukhaprAptih sarva-tIrtha-phalam labhet || 142 ||

nAnena sadrushah kashchit sAdhako bhuvi jAyate |

surAsura-manuShyANAm tattvarUpah sukhAvahah || 143 ||

yena vigyAtanAtreNa smrutenaiva cha sundari |

akShayAm-llabhate kAmAn muktisthAnam cha gacChati || 144 ||

sarva-lakShaNa-hIno api smaraNAt kaluShApahah |

aho kavacha-mAhAtmyam paThamAnasya nityashah || 145 ||

vinApi yogacharyeNa yoginAm samatAm vrajet |

bhUrjatvachi samAlikhya chakram tattva-vinirmitam || 146 ||

madhye-trikoNam samlikhya sAdhya-sAdhakayor-lipim |

tadUrdhve mUlamantram cha mAtrukArNena veShTayet || 147 ||

agurudrava-mishreNa chandanena sugandhinA |

etadyantram mahAdevi surAsura-sudurlabham || 148 ||

rochanA-kumkumenaiva tadbAhye kavacham likhet |

Shweta-sUtreNa samveShTya lAkShayA pariveShTayet || 149 ||

panchAmrutaih panchagavyaih snapayitvA shubhe ahani |

sampUjya devIrUpAm tAm guTikAm sarvakAmadAm || 150 ||

prANa-pratiShThA-mantreNa prANAms-tatra niveshayet |

chAruNA shAtakumbhena bhUShitAm yonimudrayA || 151 ||



KAVACHAM)

WWW.BHARATIWEB.COM

12

antaryoni tato dhyAtvA tatra samsthApayed budhah |

eShA tu guTikA devi kaNThalagnA dhanapradA || 152 ||

shIrShe vashyakare devi kaTyAm stambhana-kAriNI |

baddhA vAmabhuje chaiShA vairipakSha-vinAshinI || 153 ||

jaThare rogashamanI putradA hrudi samsthitA |

vidyAkarI lalATasthA shikhAyAm tu yashahpradA || 154 ||

dakShiNe bAhumUle vai yadi tiShThati sarvadA |

tadA sarvArtha-siddhih syAdyadyan-manasi varttate || 155 ||

satyam satyam punah satyam satyam satyam punah punah |

na shaknomi prabhAvam hi kathitum kavachasya vai || 156 ||

etattu kavachenaiva paThanam sAdhanam priye |

kathitam me tava snehAd gopanIyam sadA priye || 157 ||

|| iti shrI gandharva-tantre pArvatIshwara-samvAde mahAtripurasundarI trailokya-

mohanAkhyam kavacham nAma chaturthah paTalah ||

rajarajeshwari kavacha stotram - · pdf fileshri rajarajeshwari kavacha stotram...

Documents