vatt khursachi, pavlam bhavarthachim...sombond, novsorunk ani vaddounk vavrum-ia. hem pustok toiar...
TRANSCRIPT
1
VATT KHURSACHI,
PAVLAM
BHAVARTHACHIM (Khursachi Vatt Ani Nimannea Brestarak Magnnea Riti)
Hem Pustok Borounk Adar Divpi:
Mario Carvalho, Myron Jeson Barreto, Savio D’silva,
Haston Fernandes, Rony Fernandes, Mario Noronha,
Soccoro Rebello, Richard Rodrigues, Roman Rodrigues
2
“Nihil Obstat”
Sd/- Pri. Simião Fernandes
‘Censor Deputatus’
Patriarchal Seminary
Rachol, Goa.
20/11/2013
CP/5132/2013
“Imprimatur’
+ Filipe Neri Ferrão
Archbishp – Patriarch
Archbishop’s House
Panjim, Goa
22/11/2013
Cover Chitarpi: Roman Rodrigues
Poili Avrut’ti: 2013
Uzvaddavpi: CHONDR-PROKAX
Mol: 50/-
E-mail: [email protected]
3
PUSTOKACHEM ORPONN
Hem pustok ami Siminarichea Borea Dekhnnarank bhettoitanv.
Devan tumkam subham’ denneamni ani axirvadan bhorum. Tumchea
jivitant tumkam kuddi otmeachi bori bholaiki dium mhonn amchim
magnnim.
Fulil’le komrek rompeache,
Adar mati-pavsa-kirnnacho.
Fulte jinnek Siminaristanche,
Sangat niz-magnnea-duddvancho.
Hanstea tonddant ditoleancho,
Ami ugddas kortanv.
Devachea upott besanvancho,
Magnneantlean ies magtanv.
Dakhoil’lea sorv boreponnacho,
Upkar ami atthoitanv.
Hem pustok, foll amchea vavracho,
SIMINARICHEA BOREA DEKHNNARANK ORPITANV.
4
DHIN’VAXI UMALLE
Khursachi Vatt mhollear amchea bhavarthachi iatra ani amchea bhavarthachi govaiki.
Heach bhavarthachi porgottnni korunk ani khursache vattentlean, herancheai
bhavarthak adar dinvk hem pavl ami marlam. Bhavarthachim pavlam marun,
khursachi vatt toiar korunk adar ditoleank amche abhar.
Poile suvater, Trieka Devache upkar atthoitanv. Tachich zannvai apnnavun, Tachech
zannvaien vaddun, Tachich zannvai niallun, ho amcho vavr toiar zala. Hem pustok
chhapunk man’neotai dil’lea khatir, amchea Gonvlli Bapache, Manadik Filipe Neri
Ferrao hanche, ami upkari. Pustokachi borpavoll bariksannen topasun, nittaier ghal’lea
ani apleo moladik suchovnneo divn, pustokak prostavnechea rupan aple mot
manddil’le khatir, Pri. Mariano D’Costa hankam ami Dev borem korum mhonnttanv.
Chhaploli borpavoll dhormache xikovnne pormonnem ani bhavarthak faideachi
mhonn ‘Nihil Obstat’ ditolea Pri. Simiao Fernandes, hankam amche dhin’vas.
Tech borobor, aplo moladik ani ut’tejon divpi sondex dil’lea khatir, Pri. Aleixo
Menezes ani Pri. Arvino Fernandes hankam, amche dhin’vas.
5
PROSTAVNA
Bhag. Agostin oxem mhonntalo: “Where there is love there is no pain, and if
pain there is, it is a pain that is loved” mhonnge, zhoim mog asa thoim dukh na, ani
dukh aslear, tem mogan vhel’lem dukh. Amchea Soddvonddar Jezu Kristan amchea
moga pasot dukhacho bhar vhelo ani khursachi vatt tankun ani teach khursacher
Apleak vopun diun, Tacho mog amche sovem kitlo vhodd ani mhatmik tem amkam
dakhoun dilem.
Aplea Bapachea mogan ravun ani amam mon’xanchea taronna pasot, Jezun
koxttam-dukhincher, sorv vaittacher ani mornnacher zoit vhorun
punorjivontponnacho mukutt zoddlo. Bhag Juanv hea Devachea mogachea guttacho
amkam thav dita: “Khorench, Tacher bhavarth thevta tea dor-eka mon’xacho nas
zaina zaunk punn taka Sasnnik Jivit mellche khatir, Devan Aplea ekleach Putak dilo:
itlo Tannem sonvsaracho mog kelo! Kiteak sonvsaracher khastichem formonn marunk
nhoi, punn Puta vorvim sonvsarachem taronn zaunche khatir Devan Putak sonvsarant
dhaddlo.” (Ju 3, 16-17)
Jezuchea Paskanchea guttant, mhonnge, Tachea koxttam-mornna-
punorjivontponnachea guttant liplolo Devacho mog niallun zaite bhagevont jiyelet ani
bhagevontponnacho mukutt zoddunk pavlet. Aplea koxttam-upodream modem tannim
Devacho oprimit mog onnbhovlo ani khuris ek kheast nhoi punn Devachea mogachi
zhor mhonn tannim dakhoun dilem. Hea sobar vir-bhoktam modem asat Bhagivont
Pio, Assizicho Bhagevont Francis, Avilachi Bhagevont Tereza, Ballka Jezuchi
bhagevont Tereza, Khursacho Bhagevont Juanv, adi.
Apleak dil’lo borovpacho gunn vaprun, siminarist Myron Jeson Barreto ani
Socorro Rebello- hannim sangata ievun ‘Jezuche koxtt ani amchi soddvonn’- hem
Jezuchea koxttancher ani Nimannea Brestarak vaprunk upeogak poddtolea Povitr Hor-
ancher adarlolem pustok toyar kelam. Adhunik kallar lagu zatolea veg-vegllea
vixoyancher tharun hea pustokachim panam tannim guntleant. Tankam amchi un-unit
porbim! Tanchea hea sangatan mellun kel’lea vavracho foll zaiteank pavtolo- hi amchi
itsa ani khatri. Hea pustokacho boro upeog zaun zaiteank Jezuchea taronnik
Paskanchea guttant bhitor sorunk ani bhagivontponnacho marog tankunk adaracho
zauncho ani tanche udexim Devachea xim’-mer naslolea mogacho dom’dom’ soglleak
pavcho.
Pri. Tomas Lobo
Povitr Kuttumbachi firgoz
Alto-Porvore, Goy 403 521
6
SON’DEX
“Nemlolo kall bhorlo ani Devachem Raj ieunchem zalem. Jivit bodlat ani Xubh-
Vortoman manun gheiat” (Mk 1:15) oso ulo marun, Jezun aplo bhovxik vavr suru
kelo. Jezuchem akh’khem munniari jivit, hea sondexacher atthaplolem asam ani hoch
sondex xevottak pavounk, Jezun aplea koxttank ani khursak veng marli. Koxtt-khuris
Jezun soddvonnechim hatiaram kelim.
Bhagevont Paulu khursachem vhoddponn porgott’tta, “... Khorench khursacho nirop
mhollear ibadd zatat tankam ek pixeponn, punn taronn melltta tankam to nirop,
Devachi xokti” (1 Kor 1:18). Khuris khorench Devachi xokti kiteak aplea khandar
khuris ghevn, Jezun Kalvar porvotacho rosto tanddlo; khursachea polongar thavn
Aplea dusmanank bhogxile ani aplo prann soddlo; ani khursak Tannem novo orth dilo:
nhoi mornnachi khunna punn soddvonnechi khunna.
Vorsan voros Kristi bhavarthi vhodde bhoktin Prachit Kall somarombhtanv. Eke
vatten, akh’khea Sevadhormik Vorsant, ho kall amkam Jezuchea koxttam-mornnacher
niall korunk soeg dita zalear, dusre vatten, ho kall amkam Jezuchea koxttant vantto
ghevn, amchea jivitant novsornni haddunk sondhi zata.
He don hetu amchea jivitant xarti pavounk, Prachit Kallar zaite torechim amkam
hatiaram asat: upas, magnnem, durseank adhar divop, adi. Teach borobor, amchea
khasgi jivitant ani firgozamni, ami somudaik hatiaram vapuddttanv dekhik, Khursachi
Vatt ani Somudaik Magnnim. Hench monant dhorun, hem pustok toiar zalam.
Amchea Kristi jivitak lagu zatole vixex vixoi ghevn, he Khursache Vatteche and
Magnneache Ritiche niall boroileat.
He niall amkam don mukh’khi kolponam spoxtt kortat:
--- Khursachem Vorteponn: Jezucho khuris amkam zoitachi khunna karonn, rukha
vorvim monis patkacho gulam’ zalo zalear, rukha vorvim amkam soddvonn favo zali;
Jezucho khuris amkam bhorvanxachi khunna karonn, fokt Jezuchea
Punorjivontponnak lagun, Tachea khursachea mornnak orth ailo.
--- Somudaik Boreponn: Jezucho khuris amkam sombondachi/ekvottachi khunna
karonn ubem lakudd amcho sombond Deva lagim khunnaita zalear, addvem lakudd
amcho ekvott amchea bhav-bhoinnim lagim khunnaita.
Hea khatir, hea pustokantle niall ami kortanv ten’nam, amcher ietole soglle koxtt
mogan vengounk ani Jezuchea koxttant ekvottavunk sfurti mellum. He vorvim Jezun
haddlolem soddvonnechem zoit amchem zaunk pavtolem; toxench, jitle pavttim ami
khursacher nodor martanv title-i pavttim Deva ani eka-meka thaim amche somudaik
sombond, novsorunk ani vaddounk vavrum-ia.
Hem pustok toiar kortoleam amchea siminarist bhavank ami xabaski ditanv ani
fuddarakui, oslim pustokam uzvaddak haddunk, tankam borem anvddetanv. Tech
borobor, hem pustok vapuddttoleank, Deva ani peleachea ekvottan amchem Kristi-
jivit vaddot vochunk ani ami soglleamni ek bhavarthacho somudai ghoddun haddunk,
he niall amkam ut’tejon zanv mhonn mhoje ontrek.
Pri. Aleixo Menezes
Reitor, Raiturchi Siminar
7
SON’DEX
‘Tor atam-uloita to Sorvespor! – Upas korun, rudon korun, vilapun, sogllea tumchea
kallzan mhoje-xim portun ieiat. Tumchim vostram nhoi, punn tumchim kallzam pinzat
ani Sorvespora tumchea Deva-xim portun ieiat, kiteak to movall ani doiall, vhodd
sonsnnikaiecho ani visvaxi mogan bhorlolo....’ (Joel 2, 12-13). Prachit kallacho hetu
hea vollimni amkam ugteponnim spoxtt zata.
Mukh’khi sondex mhollear, Dev aplea mogachea, opurbaiechea bhurgeank portun
aple vengent apoita. Mogan, opurbaien Devan mon’xak rochlo, hachi khobor
Utpotichea pustokant melltta. Punn monis denvcharachea tallnneank bhulun patok
korta. Patka vorvim sombond vibaddtta ani hacho porinnam koxtt-trasant bodolta. Je
meren monis Devache vengent aslo, te meren sogllem borem aslem. Punn patok
adarun monis sogllem bigddavn uddoita. Punn monis portun Aple vengent ievn,
subham’ jivitachi goddsann chakche khatir movall-doiall, sonsnnik ani visvaxi mogan
bhorlolo Bap mon’xak sondi favo korta. Lukachea Xubh-Vortomanant, ‘doiall-movall
kallzacho Bapui,’ he voparint, dakhtto put oxem mhonntta “kitle disvoddeache manai
mhojea Bapaichea ghorant naka puro zai-sor jevun-khavun asat, ani hanv hanga
bhuken mortam. Tor hanv utthun mhojea Bapa-xim vetolom....”
Bapache vengent sogllench borem aslem, subham’ jivit, jivitachi kuxalkai. Unnem
kainch naslem, dekhun pixeponnan, bapaichi veng soddun gel’lo vechik put, portun
ieunk nirnnoi gheta.
Prachit kallacho kherit hetu mhollear, Bapacho mog chakunk proitn ani bhavam-
bhoinnincho mog korunk nichev. Him pavlam martoleanv zalear, apleach jivitant
bhitor sorun, jivitachi molavnni korunk gorjechi. Molavnni kelea uprant bodolnni
haddunk zai. Ani bodolnni haddunk kaim upai mhollear magnnem, upas ani
donddvonn. Tallnneancher zhuzhunk Devachea adarachi kherit goroz. Bapacheach
adaran, Jezu tallnneancher zhuzunk pavlo. Magnneak vell divn Bapachea bollan
vaddunk ani tallnneancher dor vellar zhuzunk zanv di amche proitn. Kuddik
donddvonn diun, kuddichea bhulovnneancher zhuzchi goroz. Kudd nirmoll, povitr
samballunk donddvonn, upas amkam adar dita.
Prachit kall kurpecho kall. Hea kallant odik Devak lagim ievn, Tache mogache
vengent asro ghevn, subham’ jivitachem foll chakunk, hem pustok amkam adar zanv.
Amchea siminarist bhavank hanv dhin’vastam ani porbim ditam. Hem Khursache
Vattechem pustok tannim uzvaddak haddun, amkam-i hea Prachit kallant Devache
kurpen vadddunk adar dila. Dev tankam axirvadan bhorum!
Pri. Arvino Fernandes
Prefet, Raiturchi Siminar
8
SUCHIPOTR
1. Somudaiachea Gunnancher Adarloli Khursachi Vatt
Vixoi: “Xegunni Jinne Turo, Somudai Bandunk Ulo.”
2. Bhavarthacher Adarloli Khursachi Vatt
Vixoi: “Saiba, Amcho Bhavarth Vaddoi.”
3. Povitr Misa Bhettecher Adarloli Khursachi Vatt
Vixoi: “Misache Bhettechi Vollokh Gheum-ia, Jinnentle Khuris
Bhorvonxean Svikarum-ia.”
4. ‘Amchea Bapa’ Magnneacher Adarloli Khursachi Vatt
Vixoi: “‘Amchea Bapa’ Ucharum-ia, Somudaik Jivit Bandum-ia.”
5. Devache Somurtichea Updesancher Adarloli Khursachi Vatt
Vixoi: “Devacheo Adnia Pallum-ia, Sorginchea Rajeache Daiji Zaum-
ia.”
6. Sonvskarancher Adarloli Khursachi Vatt
Vixoi: “Sonvskarantlean Boll Gheum-ia, Jivitachi Vatt Cholum-ia.”
7. Nimannea Sukrarak: Somudaiacher Adarloli Khursachi Vatt
Vixoi: “Apsuvarthak Khillaum-ia, Somudaiant Jezuk Porzollaum-ia.”
8. Nimannea Brestarak Povitr Sonvskara Mukhar Ordem Vor
Vixoi: “Sorgar Vochpachi Vatt Xezareachea Angnnantlean.”
Vixoi: “Magnneachea Jivitantlean, Mogacho Somudai Bandum-ia.”
Vixoi: “Tumich Tankam Jevunk Diat.”
Vixoi: “Xezari-Somudai Vollkhum-ia, Jezu Mogant Vaddum-ia.”
Vixoi: “Zagrut Ravat, Magnnem Korat.”
9. Nimannea Brestarak Povitr Sonvskara Mukhar Povitr Vor
Vixoi: “Jezuchea Koxttank Amche Koxtt Ektthaum-ia, Bhavarthache
Govai Zaum-ia.”
9
POILO BHAG
PRACHIT KALLANT
DOR SUMANAK
KHURSACHI VATT
10
SOMUDAIACHEA GUNNANCHER ADARLOLI KHURSACHI VATT
VIXOI: “XEGUNNI JINNE TURO, SOMUDAI BANDUNK ULO.”
Survatechim Utram:
Priticheam bhoinnim-bhavamno, hem Gonvllik voros Don Hozar Tera tem Don Hozar
Chovda, Lhan Kristi Somudaiank bhettoilam. Amchea Bisp Saibache Gonvllik
chittint amkam Lhan Kristi Somudaianche char vixex-gunn mellttat. Lhan Kristi
Somudai xezareancho, eka-meka lagim sombond khunnaita; heam xezareancho Deva
lagim sombond; tancho somaza lagim sombond; ani tancho akh’khe Povitr Sobhe
lagim sombond. Tor he khursache vattek amcho vixoi zatolo, “Xegunni Jinne Turo,
Somudai Bandunk Ulo.”
He Khursache Vattent ami vantto ghetanam sobar somudaik xegunnancher ami niall
kortoleanv. Jezuchea-i jivitant nodor marlear he gunn amkam disun ietat. Tor hea
gunnancher niall korun, Bisp Sibacho ulo aikun, amcho somudai ekchara ani kariam
vorvim, thir ani ghott samballunk, Teach Jezucho amkam adar ani boll magum-ia.
POILEM STHAN:
JEZUCHER MORNNACHEM FORMONN MARTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Gunn: Ekvott
Devachem Utor:
“Tumche modem futti sompovn, ekmotan tumi ulovchem; tumi eka monachim ani eka
motachim zavn, tumche modem sompurnn ekvott vosum.” (1 Kor 1:10)
Niall:
Ten’nam Pilatan novean zap diun tankam mhollem” Toxem zalear, tumi Judevancho
Raza mhonnttat Taka hanvem kitem korchem? Tannim novean huiel marli: “Taka
khursar mar!” Tori Pilatan tankam mhollem: “Tor Tannem kitem vaitt kelam? Punn
tim odik vhoddlean huiel marunk laglim: “Taka khursar mar.” Mukhel iadnikamni ani
zanntteamni Jezucher mornnachem formonn magunk lokachea monant ghalem. Loka
modem ekvott naslo. Tim eka-monachim ani eka-kallzachim naslim ani hakach lagun
tim Jezucher oslem formonn magunk pavtat. Somudaiacho bandpas ekvottacher
dhorlolo asa. Eka-monan, eka kallzan, sogllim vavurtat ani somudaiacho ekvott
fuddem vhortat. Ekvottan jielear, eka-mekacher formonn marunk ani dusreank sokla
uddounk soeg mellona. Sogllim eka-mekak ek-sarkim lekhtat ani mogan jietat.
Magnnem:
11
Mogalla Jezu, amcho somudai ekvottacher bandlolo kor. Rag-dvesan ani krodhan
nhoi, punn sogllim eka–monan ani kallzan, vavrunk ani ekvottan jieunk amkam Tuzo
adar di.
Fuddari: Kaklut amchi kor Somia.
Sogllim: Kaklut amchi kor.
DUSREM STHAN:
JEZUCHEA KHANDAR KHURIS GHALTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Gunn: Somjikai
Devachem Utor:
“Tumchem ulovop sodam godd ani mittan ruchichem kel’lea sarkem zaum-di. Teach
borobor zonn-ekleak favo toslo zobab diunk zanno zaiat.” (Kol 4:6)
Niall:
Amchem jivit jietana, veg-vegllea mon’xam vorvim ani veg-vegllea rupamni, torekvar
khuris amchea jivitant uprastat. Oslea vellar ami kitem kortanv kai? Jezucho kosloch
guneanv nastana Tacher ho khuris ghalo ani Tannem to, ek zap kaddinastana mukhar
vhelo. Amchem kitem kai? Somudaiant ami jietana, eka-mekak somzotanv kai? vo
eka-mekachi ttika korun, dusreancheo osoktaio somzun gheunche bodlek, ami tanchi
osoktai voir kaddun tankam lojek ghaltanv?
Magnnem:
Mogalla Jezu eka-mekak somzopacho gunn Tum amkam di. Jen’nam dusro bhav vo
bhoinn amcher tiddtta, amchi ttika korta, amcher bonglattam ghalta ten’nam ami
tankam somzun gheunk ani oxem korun amcho somudai fulovpak amkam adar di.
Fuddari: Kaklut amchi kor Somia.
Sogllim: Kaklut amchi kor.
TISREM STHAN:
JEZU POILE PAVTT DHORNNIR PODDTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Gunn: Bhavponnacho Ekchar
12
Devachem Utor:
“Oxench soglleam bhavam-bhoinninchi opurbai tumi korchi ani soglleam mon’xam
lagim pritimogan cholchem.” (1 Ju 1:7)
Niall:
Judevamni dil’lo khuris ghevn vetana, Jezu poile pavtt dhornnir xevttota. Jezu
mhonntta, “Dusreamni tumche thaim korchem mhonn tumkam zai, toxench tumi-i
dusream thaim korat.” Amchea adleam Kristanvam thaim ho bhavponnacho ekchar
spoxttponnim disun ieta. Tim sogllim ekvottan jietalim ani sogllem tanchea bhaga
aslem. Tim aplim bhattam viktalim ani vikrecho duddu zonn ekleache gorje
pormonnem vanttalim. Dusreancheo gorzo vollkhun, tanchea adarak ami pavtanv kai?
vo dusrim gorib, tim dusrea zatichim, mhonn ami tankam sokla uddoitanv kai?
Magnnem:
Mogalla Jezu, Adlea Kristanvanchi ami dekh ghevn, amchea somudaiamni
bhavponnachea ekcharak mhotv diunk ani zonn ekleachea gorzank ami pavunk
amkam adar di.
Fuddari: Kaklut amchi kor Somia.
Sogllim: Kaklut amchi kor.
CHOVTHEM STHAN:
JEZU APLE AVOIK MELLTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Gunn: Magnnem
Devachem Utor:
“Te soglle ekach monan magnnem korit asle.” (D.I 1:14)
Niall:
Jezun Aplea jivitant Magnneak poilo ani voilo zago dilo. Magnnem amchea jivitant
khub mhotvachem ani gorjechem. Magnnea vorvim Jezu, Aplea Bapaichea
sombondant jielo ani aplea jivitant ietolea, tallnneancher zoit vhelem. Magnneachea
bollan Jezun aplea koxtta-trasank fuddo kelo. Ankvar Maria magnneachi ostori asli,
magnnea vorvim, tinnem aplea Putachem dukh sonslem ani soglleank ti magnneacho
nomuno zali. Amchea jivitant toxench amchea somudaiant magnneak favo to vell ami
ditanv kai? Konnachea jivitant dukh-koxtt ietat, ten’nam somudai koso tanchea
kuttumbant, toxench amchea jivitant ami khasgi magnneant vell sartanv kai?
Magnnem:
13
Mogalla Jezu, Ami somudaiant jivit jietana, magnneantlean amcho somudai bandunk
amkam adar di. Magnnea vorvim amcho somudai mogacho, ekvottacho, somjikaiecho
korun, to thir-ghott samballunk amkam adar di.
Fuddari: Kaklut amchi kor Somia.
Sogllim: Kaklut amchi kor.
PANCHVEM STHAN:
JEZUK KHURIS VHORUNK ADAR MELLTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Gunn: Seva
Devachem Utor:
“Zonn-ekleak Devan ek kherit vorgunn dil’lo asa; tor bore karbari koxe, hea veg-
vegllea vorgunnancho upeog korun, eka-mekachi chakri korat.” (1 Ped 4:10)
Niall:
Jezu mhonntta, “Mhojea lhanantlea lhanam bhavam-bhoinnim modlea ekleak jem
tumi kelem, tem tumi Mhaka kelem.” Jezuk khuris vhorunk adar melltta, Tacho bhar
il’lo unno zata, taka thoddo visov melltta. Amchea jivitant, dusreancho bhar unno
korunk ami vavurleanv kai vo amchea utram-kornneamni vojeacho bhar dusreanchea
khandar ami ghatla kai? Amchea jivitant ami lhan, gorib-dublleanchi, osoktanchi,
mhatareanchi ani kuddichi pidda sonstoleanchi seva korun, tancho bhar lhov korunk
zata mhonn ami chintlam kai? Toxench amche sevechea kornneantlean, Jezucho
rupkar tankam diunk ami vavurleanv kai?
Magnnem:
Mogall Jezu, Dev zavnui, chakrachem rup gheun, Tunvem somestanchi seva keli. Ami
amchea somudaiamni sevecho gunn apnnaun, eka-mekachi mogan seva korunk ani
amchean zata titlo adar diun, tancho bhar ani khuris lhov korunk amkam adar di.
Fuddari: Kaklut amchi kor Somia.
Sogllim: Kaklut amchi kor.
SOVEM STHAN:
VERONIKA JEZUCHEM MUKHAMOLL PUSTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
14
Gunn: Udarponn
Devachem Utor:
“He tumche seve vorvim apunn konnachim pattlavdaram tim tumi dakhovn ditat; ani
Kristachem Xubh-Vortoman tumi koxem manun ghetlam tem polleun, amchim bhav-
bhoinn Devak vakhannttolim; toxench kitlea udar kallzan tumchim dennim apnnank
vanttun ditat ani herankui pavoitat, tache pasot tim Devak mhoima ditolim.” (2 Kor
9:13)
Niall:
Veronikan, Jezu sovem aplem udar kalliz ani husko dakhoilo. Konnachich porva
korinastana Jezuk adar diunk fuddem sorli. Adlea Kristanvam modem ho
udarponnacho gunn disun ieta. Tim aplea sovem aslolem, eka-mekak vanttalim.
Toxench aplea sovem asat tim dennim vanttun soglleank khuxal kortalim. Eka-meka
sovem mogan ani husko dakhovn jietalim. Devan amkam zaitea denneamni bhorleant.
Thoddeank zaiti girestkai dilea. Punn ami dusream sovem kitlim udar zaleanv kai?
Magnnem:
Mogalla Jezu, amchea jivitant ami udar kallzachim mon’xam zaunk amkam adar di.
Somudaiant jietana eka-meka sovem husko dakhounk, dusreanchea adarak pavunk,
soglleank amkam aitim kor.
Fuddari: Kaklut amchi kor Somia.
Sogllim: Kaklut amchi kor.
SATVEM STHAN:
JEZU DUSRE PAVTT DHORNNIR PODDTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Gunn: Bhogsonnem
Devachem Utor:
“Dusreank bhogsat ani tumkam-i Dev bhogxitolo.” (Lk 6:37)
Niall:
Amkam vhoddantlo-vhodd bhogsonneacho nomuno mhollear Jezu. Khursachea
polongar astana legit, Tannem Aplea dusmanank bhogxile ani tench korunk amkam-i
ulo marlo. Amchea somudaiant lhan-lhan kestanvank lagun, ami uloinastana ravtanv.
Xetam-bhattak lagun bexttinch zhogddim korun ami eka-mekacher court-ant case
ghaltanv. Mortoch him bhattam ani girestkai ghevn ami vetoleanv kai? Ami, amkam
dukhoitat tankam bhogxitanv kai vo tanche add ami anik vaitt kortanv kai? Amcher ek
marlear ami tancher don fuloitanv kai? Zaite pavtt dusro ievn bhogsonnem magtolo
mhonn ami vogich ravtanv.
15
Magnnem:
Mogall Jezu, somudaiant voir-sokol zata, ten’nam eka-mekak somzun ani bhogsun,
upraslolo proxnn ami suttavo korunk ani Tuje bhaxen, amkam vaitt kortoleank
bhogsunk ani tankam manan lekhunk amkam adar di.
Fuddari: Kaklut amchi kor Somia.
Sogllim: Kaklut amchi kor.
ATTHVEM STHAN:
JERUZALEACHEA OSTOREANK JEZU BHUZVONN DITA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Gunn: Adar
Devachem Utor:
“Bhavam-bhoinnimno, xist nasloleank xiddkaiat, bhezuddeank dhir diat, osoktank boll
diat, soglleam borim sosnnikaien cholat.” (1Thes 5:14)
Niall:
Jezun Aplea akh’khea jivitant dusreank borem kelem. Apleachi porva korinastana
dusreank ek-sarko adar ani sohokar dilo. Hea vellar Apnnachench dukh visrun, Jezu
Jeruzaleachea ostoreank bhuzvonn dita. Eke bhaxen Apleakuch visrun, tanchea
kallzak ghottai dita. Kitle pavtt ami amchench dukh visrun, amchea peleak adar ditanv
kai? Somudaiant jietana, kitle pavtt ami amchi porva korinastana, amchea bhavam-
bhoinninchea adarak pavleanv kai? Dusreanchea dukhant ami vantto ghetla? Jen’nam
ami dusreank adar ditanv, ten’nam ami Jezuchoch mog ximpddaitanv.
Magnnem:
Mogalla Jezu, Tuje bhaxen dusreank adar diunk amkam aitim kor ani vell pavlear
amkanch visrun, amchea peleachea gorzank pavunk amkam adar di.
Fuddari: Kaklut amchi kor Somia.
Sogllim: Kaklut amchi kor.
NNOVEM STHAN:
JEZU TISRE PAVTT DHORNNIR XEVTTOTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
16
Gunn: Kalljidarponn
Devachem Utor:
“Zagrut ravat, bhavarth thirponnan samballat, kalljidarponn dakhoiat, ghott ravat”
(1 Kor 16:13)
Niall:
Jezu Aplo khuris ghevn vetana, tisre pavtt dhornnir xevttota. Punn To tosoch ravona,
kalliz gheta, ubo ravun Apli fuddli vatt tankta. Ami somudaiant jietanam veg-vegllea
proxnnank fuddo korcho poddtta, zaite torechem vaitt amcher ieta. Oslea vellar hea
vaittank kalljidarponnan ami fuddo kortanv kai? vo bhieun ami fattim ravtanv kai?
Ekvottan kalljidarponn dakhouche suvater, ami ek-eklim amchea bollacher ubim
ravunk sodtanv. Jezu pasot ani Tachea vavra pasot kalljidarponn dakhounk ami fattim
sortanv.
Magnnem:
Mogalla Jezu, Tujea koxttanchea vellar, Tum fattim sorunk nai. Kalljidarponnan,
Tunvem Tuzo khuris fuddem vheloi. Amchea somudaiant ietolea proxnnank
kalljidarponnan fuddo korunk ani soglleanchea boreponna khatir ami vavrunk, amkam
boll ani kurpa di.
Fuddari: Kaklut amchi kor Somia.
Sogllim: Kaklut amchi kor.
DHAVEM STHAN:
JEZUK VINGLLO KORTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Gunn: Husko
Devachem Utor:
“Tori mhojea koxttamnim mhaka adar divn tumi borem kelem” (Fil 4:14)
Niall:
Jezun Aplea jivitant sodanch dusrea sovem husko ani mog dakhoilo. Gorjevontank,
konn-nasloleank, koddek kaddloleank, alaxiro zalo. Bhed-bhav korinastana soglleank
ek sarke Tannem lekhle. Atam Jezuk tannim vingllo kelo. Konn Tache sovem husko
dakhoitolo kai? Konn Tachea, hea lojechea vellar pavtolo kai? Asanv kai ami toiar?
Ami somudaiant jietana, dusreanchem amkam poddlam kai? Vo ‘hanv mhaka ani Dev
somestank’ osli amchi goth zalea kai? Gorjevontank ani konn nasloleanchea adarak
pavun, tanche sovem ami amcho husko dakhounk goroz.
Magnnem:
17
Mogalla Jezu, amchea somudaiant ami soglleank ek-sarke lekhunk ani sogllea sovem
mog, moipas ani husko dakhounk ani gorjevontanchea adarak pavunk amkam kurpa
di.
Fuddari: Kaklut amchi kor Somia.
Sogllim: Kaklut amchi kor.
IKRAVEM STHAN:
JEZUK KHURSAR KHILLAITAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Gunn: Teag
Devachem Utor:
“Bhavponnachea mogan ekamekak adar divn, borem korunk visrum nakat. Kiteak
osle iodn Devak manovtat” (Heb 13:16)
Niall:
Devacho Put zavnui amche soddvonne pasot mon’xachem rup Tannem ghetlem ani
amchea patkam pasot, khursar moronn Taka sonschem poddlem. Aplo guneanv
nastanam, amcho bhar Jezun, Apnnacher ghetlo ani Aplem jivit, amche soddvonne
pasot somorpilem. Kedo vhoddlo teag Jezun amche pasot kelo. Ami somudaiant
jietanam amkanch unnem korun, ami dusreachea gorzank pavleanv kai? Teagi jivit
jieunk, Jezu amkam ulo marta. Jezuchea ani peleachea moga pasot, hanvem kitle teag
keleat kai? Dusreank adar dilear ‘hanv trasant poddttolo vo mhaka unnem zatolem’
osli goth amche sovem zaite pavttim zalea.
Magnnem:
Mogalla Jezu, somudaiant eka-mekachea gorzank ami pavunk ani teagi jivitantlean
amchea somudaiachi vadd korunk ani faido pollenastana, dusream pasot teag korunk,
amkam soglleank Tuzo adar di.
Fuddari: Kaklut amchi kor Somia.
Sogllim: Kaklut amchi kor.
BARAVEM STHAN:
JEZU KHURSAR MORTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
18
Gunn: Mog
Devachem Utor:
“Mhoji adnia hi, zoso hanvem tumcho mog kela tosoch tumi–i eka-mekacho korat”
(Ju 15:12)
Niall:
“Khorench, Tacher bhavarth thevta tea dor eka mon’xacho nas zaina zaunk punn taka
sasnnik jivit mellche khatir, Devan Aplea ekleach Putak dilo: Itlo Tannem
sonvsaracho mog kelo.” Amchea moga pasot khursar morun Tannem amchi soddvonn
keli. Ami somudaiant jietana, eka-mekacho mog kortanv kai? Eka-mekak manan ani
respetan lekhtanv kai? Mogan eka-mekachi seva kortanv kai? Zoim mog vosta thoim
Dev hajir asta. Zaite pavttim ami amkam zai tanchoch mog kortanv ani dusreank
kuskutta bhaxen lekhtanv. Amcho somudai mogachea bandpasan bandunk ami
chuktanv. Mon’xancho mog soddun ami zonavorancho ani vostuncho chodd mog
kela.
Magnnem:
Mogalla Jezu, mogacho gunn amchea dor ekleachea kallzant Tum rigoi. Zoso Tunvem
khursar moro-sor amcho mog keloi, tosoch ami amchea peleacho mog korunk ani
amchem jivit, dusream pasot khorchunk amkam adar di.
Fuddari: Kaklut amchi kor Somia.
Sogllim: Kaklut amchi kor.
TERAVEM STHAN:
JEZUK KHURSAVOILO DENVOITAT ANI TACHE AVOICHEA GOPANT
GHALTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Gunn: Borem Chintpi
Devachem Utor:
“Tumi Devak vakhannttalim ani sogllea lokak manovtalim. Zankam taronn mellchem
aslem, tankam tanchea vangdda haddun, disan-dis Sorvespor tanchi sonkhea
choddoitalo”. (D.I. 2:47)
Niall:
Jezun sodanch dusreanchem borem chintlem ani veta thoim boreponn ximpddait gelo.
Itlem borem korunui, Taka khursachem moronn favo zalem. Jem tum lhanantlea-
lhanank kortai, tem tum Jezuk kortai. Ami somudaiant jietana eka-mekachem borem
chintanv kai? vo eka-mekache nosaien bhorun, somudaiant futti ghalun, ekvott
19
bigoddttanv kai? Zaite pavttim, dusreanchem borem chintche suvater, ami tanchem
vaitt chintun, tankam vaitt uloileanv ani tanchem nanv vibaddlam.
Magnnem:
Mogalla Jezu, somudaiant soglleam vangddeanchem ami borem chintunk ani tanchem
borem ulounk amkam adar di. Dor disa amchea borea chintnantlean somudaiant
boreponn haddpacho haves dakhounk amkam Tuji kurpa di.
Fuddari: Kaklut amchi kor Somia.
Sogllim: Kaklut amchi kor.
CHOVDAVEM STHAN:
JEZUK FONDDANT NIKHIPITAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Gunn: Mon’xall
Devachem Utor:
“Tumi sogllim tumche modem eka monachim zaiat, dusreanchem sukh-dukh tumchem
korat, tumchea bhavam-bhoinnincho mog korat, peleak konnvallaien vagoiat, khaltea
kallzachim zaiat” (1 Ped 3:8)
Naill:
Jezu Dev zavnui monis zalo. Soglleam sovem To doiall, mogall ani kaklutsar zalo.
Eke bhaxen soglleam sovem mon’xall to zalo. Monis soimant jietanam, Tannem
kosloch bhed-bhav korinastanam, soglleank ek sarke, manan ani respetan lekhle ani
mon’xache soddvonne pasot To khursar melo. Ami somudaiant jietanam soglleam
sovem ami mon’xall zaleanv kai? To gorib ani hanv girest, to kallo ani hanv goro, to
sokoile zaticho ani hanv unchle zaticho, to patki ani hanv bhagevont, oslo bhed-bhav
ami zaite pavttim kortanv. Eke bhaxen mon’xak monisponnacho dorzo diunk ami
fattim urleanv. Sogllim Ekach Devachi rochnnam, mhonn manun gheunk ami
chukleanv.
Magnnem:
Mogalla Jezu, mon’xak monis koso lekhunk ani dor mon’xa sovem mon’xall nodren
vagunk ani amchea somudaiant, monisponnak favo, to dorzo diunk amkam zonn
ekleak, Tuzo adar di.
Fuddari: Kaklut amchi kor Somia.
Sogllim: Kaklut amchi kor.
Xevottachem Magnnem:
20
Jezu Mogalla, Tujea koxttant vantto ghevn, sobar somudaik xegunnancher ami niall
kela. Tujea koxttam-dukham vellar legit, Tunvem Bapa lagim aplo sombond thir ani
ghott samball’llo, Bapachea ekvottant Tum ravloi. Ami amcho somudai khuxalkaie
vellar, dukham-koxttam ani sonkoxttam vellar, addkholli vellar ani niraxiponna vellar,
odik ekvottan samballunk ani ekach Devachim bhurgim koxim jieunk, Tum amkam
Tuje kurpen bhor. Krista amchea Somia vorvim. Amen.
Pap Saibachea Sonkolpam Pasot:
Amchea Bapa…….
Noman Marie…….
Mhoima Bapak…...
21
BHAVARTHACHER ADARLOLI KHURSACHI VATT
VIXOI: “SAIBA, AMCHO BHAVARTH VADDOI.”
Survatechim Utram:
Priticheam bhoinnim-bhavamno, Otumbrache ikraver, Don Hozar Bara tem
Novembrache chovisver, Don Hozar Tera poriant ami bhavarthachem voros
somarombhla. Ani teach nimtan amchea adlea Pap Saiban, Benedict XVI-vean, hem
Bhavarthachem Voros porgott’ttana, ‘Porta Fidei’ mhonnge ‘Bhavarthachem Dar’,
ho dakhlo amkam dilo. Amcho bhavarth porgottunk, somarombhunk ani amchea
bhavarthak govai diunk amche mhukar ek avhan dovorlam. Dev amche lagim uloita
ani bhavartha udexim ami Taka amcho zobab ditanv. Amchea bautizma udexim Povitr
Sobhe koddlean amkam bhavarthachem dennem favo zalam. Ami vaddtta-vaddtta
amcho bhavarth halta-dholta so amkam dista. Hea vellar Jezuchea koxttant vantto
ghetanam ami amcheach bhavarthacher niall korum-ia ani Dhormdutanchi utram,
“Saiba, amcho bhavarth vaddoi” amchim korun, he Khursache vattentlean magum-ia.
POILEM STHAN:
JEZUCHER MORNNACHEM FORMONN MARTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Devachem Utor:
“Ani prarthon kortana, bhavarthan tumi magxat titlem-i tumi ghetoleat.” (Mt 22:22)
Niall:
Porjen Jezu lagim zaitem maglem ani tanchea bhavarthak lagun maglolem Jezun
tankam dilem. Punn hoch lok hea vellar Jezucher add vetat. Onnbhovlolo bhavarth
visrun Tacher mornnachem formonn marunk bhageli zatat.
Amchem Jivit:
Bhavarth, dhin’vaxi zaunk huskaita. Bhavarthan maglolem amkam zaitem favo zalam.
Punn hea denneam khatir Devache upkar atthounche bodlek, zaite pavttim ami
jivitantlea koxttam khatir Devak xinnla.
Magnnem:
Somia Jezu, koxttam-addkhollim vellar legit, Tujer amcho bhavarth vaddoi. Dhin’vaxi
kalliz ani mon amkam di.
22
Fuddari: Kaklut amchi kor Somia.
Sogllim: Kaklut amchi kor.
DUSREM STHAN:
JEZUCHEA KHANDAR KHURIS GHALTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Devachem Utor:
“Somurtiche kaide pallun nhoi, punn bhavartha udexim ki mon’xam Devak
manovlolim zatat: hi amchi khatri.” (Rom 3:28)
Niall:
Ho khuris Jezuk favo nhoi aslo punn amche sodvonne khatir Jezun to Aplea khandar
ghetlo. Jezu, ‘Tum Somurticho bhaknnar’ punn lokamni ‘Tum Somurticho moddnnar’
mhonn Tujer add gharanne ghale.
Amchem Jivit:
Bhavarth, vaitt ani borea jivita modem ontor korunk xikoita. Mon’xak Somurti pasot
nhoi, punn Somurt mon’xa pasot kelea. Zaite pavttim mon’xachem bhavarthi jivit
vollkhun ghenastana, tankam ami kaideanche gulam’ korun tancher ami naka zal’lim
gharannim ghaltanv.
Magnnem:
Krista Jezu, bhavarthachea dennea vorvim, kitem borem ani kitem vaitt tem vollkhunk
amkam adar di.
Fuddari: Kaklut amchi kor Somia.
Sogllim: Kaklut amchi kor.
TISREM STHAN:
JEZU POILE PAVTT DHORNNIR PODDTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Devachem Utor:
23
“Bhavartha vixim oxench ghoddtta: kornneo nant zalear bhavarth mel’lo zata.” (Jak
2:17)
Niall:
Jezun aplea jivitant aplea Bapacher bhavarth dovrun Zaiteo boreo kornneo keleo.
Boreponnan bhorlole Jezuk bhangaracho mukutt ghalche suvater, amche khatir
kantteancho mukhutt ghalun, khursachea bharan zomnir xevttilo.
Amchem Jivit:
Bhavarth, boreo kornneo korunk ut’tejon dita. Amchea jivitant ami bhavarth apnnaila,
punn borea kornneam vorvim to porgottunk ami fattim ravleanv. Soglle suvater ami
boreponn ani faido sodla. Bhavarth kornneantlean porgottunk ami visorleanv.
Magnnem:
Somia Jezu, akhrek mhaka kitem mellttolem tem chintche suvater, amchem jivit
bhavartha vorvim borea kornneam pasot bhettounk amkam kurpa di.
Fuddari: Kaklut amchi kor Somia.
Sogllim: Kaklut amchi kor.
CHOVTHEM STHAN:
JEZU APLE AVOIK MELLTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Devachem Utor:
“Zagrut ravat, bhavarth thirponnan samballat; kalljidarponn dakhoiat, ghott ravat.”
(1 Kor 16:13)
Niall:
Koxttam vellar legit Jezu kalljidarponnan, Bapachea ekvottant thir ghott ravloi. Aple
avoik bhettlo ten’nam tichem kalliz Tache sovem kitlem churchurlem, punn dhir
gheun Jezun aplem pavl fuddem marlem.
Amchem Jivit:
Bhavarth, jivitant zagrutai haddtta. Zaite pavtt amchea jivitant koxtt-addkholli ietat,
ten’nam amcho bhavarth halta. Kalljidarponnan fuddem pavl marche suvater ami
xellmoddim zatanv. Zagrut ravche suvater, ‘vell ietoch polloum-ia’ mhonnon allsaien
jietanv.
24
Magnnem:
Krista Jezu, koxttam-addkhollim vellar zagrut ravun, bhavarthan thirponn samballunk
ani kalljidarponnan pavl fuddem marunk amkam adar di.
Fuddari: Kaklut amchi kor Somia.
Sogllim: Kaklut amchi kor.
PANCHVEM STHAN:
JEZUK KHURIS VHORUNK ADAR MELLTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Devachem Utor:
“Mhoje xiddkavnnecho hetu ho: xud’dh kallzantlo, nitoll ontoskornnantlo ani osol’l
bhavarthacho upzota toslo priti-mog amche modem vaddounk.” (1 Tim 1:5)
Niall:
Sirencho Simanv nitoll ontoskornnan ani osol’l bhavarthan Jezuk aplo adar diun, priti-
mogachi kornni adarta. Aplea koxttant Jezu eksurponn onnbhovunk na, punn Tacho
bhavarth Aplea Bapacher odik thir zalo.
Amchem Jivit:
Bhavarth, amchem kalliz ani mon nitoll dovorta. Amcheach jivitant bhitor sorum-ia.
Amchem kalliz kitlem xud’dh asam kai? Amchem ontoskornn kitlem nitoll asam kai?
Amcho bhavarth kholavn, dusream sovem priti-mogachi kornni ami adartanv kai?
Magnnem:
Somia Jezu, amchem kalliz ani ontoskornn nitoll ani xud’dh samballunk ani dusreank
priti-mogachi seva diunk amkam Tuje kurpen bhor.
Fuddari: Kaklut amchi kor Somia.
Sogllim: Kaklut amchi kor.
SOVEM STHAN:
VERONIKA JEZUCHEM MUKHAMOLL PUSTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
25
Devachem Utor:
“Punn Tannem bailek mhollem: Tujea bhavarthan tuka taronn dilem. Xantin voch.”
(Lk 7:50)
Niall:
Jen’nam Veronika Jezuchem mukhamoll pusunk fuddem sorlem ten’nam kitli xanti
ani somadhan Jezuk bhoglem nam zait. Jezun aplea munniarpornnant zaiteanchi seva
keli, pekhovnni dili, maglolo upkar favo kelo, punn hea Tachea koxttam vellar zaitim
zanna fattim sorlim.
Amchem Jivit:
Bhavarth, jivitant xanti haddtta. Kitlexech pavttim ami amchim magnnim mellounk
hea ani tea suvatancher dhanvtanv ani maglolo upkar mellonam ten’nam niraxi zatanv.
Oslea vellar polkea bhavarthachi ucharnni ami kelea. Bhavarthan maglolem Dev
amkam sodanch dita.
Magnnem:
Krista Jezu, Tujer amcho bhavarth kholaunk ani bhavartha vorvim xanti ani taronn
zoddunk amkam Tuje Kurpen bhor.
Fuddari: Kaklut amchi kor Somia.
Sogllim: Kaklut amchi kor.
SATVEM STHAN:
JEZU DUSRE PAVTT DHORNNIR PODDTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Devachem Utor:
“Sodam togona tem bhangar porian ujeant ghalun topastat; toxench hal-upodreamni
tumchea bhavarthachi topasnni zata.” (1 Ped 1:7)
Niall:
Jezu, amchea patkam pasot dusre pavtt dhornnir xevttota. Jezu zavn asa boreponnacho
sagor. Amchea patkancho bhar Tannem aplea angar ghetloi.
Amchem Jivit:
26
Bhavarth, koxtta-trasank fuddo korunk boll dita. Zaite pavttim, Devacher visvas
dovorche bodlek ami mon’xache boddaiecher patietanv. Amchea jivitant hal-upodre
ietat ten’nam amcho bhavarth Devacher unno zata.
Magnnem:
Somia Jezu, sodanch Tuje podvecher patieun amchem pavl fuddem marunk amkam
boll di.
Fuddari: Kaklut amchi kor Somia.
Sogllim: Kaklut amchi kor.
ATTHVEM STHAN:
JERUZALEACHEA OSTOREANK JEZU BHUZVONN DITA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Devachem Utor:
“Tor, ixttamno, kalliz ghott dhorat, mhaka sanglam toxem zatolem mhonn mhaka
Devacher bhavarth asa.” (D.I 27:25)
Niall:
Jezun aplea koxttam vellar lokam koddlean bhuzvonn gheunche suvater Tunvem
tankam bhuzvonnechim utor favo kelim. Tachea bhuzvonnechea utra vorvim Tacho
sangat ani alaxiro tankam favo zalo.
Amchem Jivit:
Bhavarth, jivitantlem niraxiponn sonsunk bhuzvonn dita. Kitlimxinch bhavam-
bhoinnim mornnak, piddek ani koxttank lagun dusream koddlean bhuzvonnechem
utor sodtat. Zaite pavttim amchea utram ani asnneam vorvim tanche koxtt
bhavarthache nodren sonsunk tankam ami adar diunk visortanv.
Magnnem:
Krista Jezu, amchea jivitant ietole koxtt, bhavarthache nodren sonsunk ani dusreankui
amcho bhuzvonnecho sangat diunk amkam Tuzo adar di.
Fuddari: Kaklut amchi kor Somia.
Sogllim: Kaklut amchi kor.
NNOVEM STHAN:
27
JEZU TISRE PAVTT DHORNNIR XEVTTOTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Devachem Utor:
“Mhonnttoch tumcho bhavarth mon’xanche zannvaieche buniadir nhoi, punn
Devache xokticher bandlolo asa.” (1 Kor 2:5)
Niall:
Jezu koxttanchea bharan tisre pavtt dhornnir xevttoloi, ten’nam kitlem dukh Taka
bhoglem na zait? Punn Bapacher patieun, mon’xache soddvonne pasot utthun
Kalvarachi vatt Tannem dhorli.
Amchem Jivit:
Bhavarth, jinnentlem pavl fuddem marunk bhorvonso dita. Zaite pavttim, amchea
jivitant koxtt ietat ten’nam ami niraxi zavn sogllem sompadlem mhonn somzun
koxttank ami veng marun ravtanv. Bhavarthachea dennea vorvim koxttancher zoit
vhorunk ami visortanv.
Magnnem:
Somia Jezu, amchea jivitant ami koxttovtanv ten’nam, bhavarthachea dennea vorvim
koxttancher zoit vhorunk amkam xikoi.
Fuddari: Kaklut amchi kor Somia.
Sogllim: Kaklut amchi kor.
DHAVEM STHAN:
JEZUK VINGLLO KORTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Devachem Utor:
“Tornne piraiecheo vaitt vondavnneo domaun dovor; sodam Devak manovlolo zaunk
tujem dhean-mon lai; bhavarthant thir rav.” (2 Tim 2:22)
Niall:
28
Jezun amche khatir vinglleponn bhoglem. Amchea moga pasot kitem-i sonsunk To
fuddem sorloi. Hem vinglleponn onnbhovtana, kitli loz ani unneponn Taka bhoglem
na zait. Punn hem sogllem Tannem vogeponnan sonslem.
Amchem Jivit:
Bhavarth, kuddichem nirmollponn samballunk huskaita. Amchi zonn ekleachi kudd
Povitr Atmeachem Mondir. Punn zaite pavttim, amche kuddichi povitrtai samballunk
ami visortanv. Favo nhoi tem nhestanv ani vaitt vondavnnechim gulam’am zatanv. He
vorvim amchea bhavarthak govai zaunk ami visortanv.
Magnnem:
Krista Jezu, amchea kuddichi povitrtai samballunk ani amchea bhavarthak govai
diunk amkam boll di.
Fuddari: Kaklut amchi kor Somia.
Sogllim: Kaklut amchi kor.
IKRAVEM STHAN:
JEZUK KHURSAR KHILLAITAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Devachem Utor:
“Mhonnttoch, Somurt formaita tim kamam korun nhoi, punn Jezu Kristacher bhavarth
dhorun Devak manovlolim zaunche khatir, ami-i Jezu Kristacher bhavarth dovortanv.
Niall:
Jezu, amchea moga pasot aple kuddir khille ghetle. Itle koxtt-tras poddttanam legit,
aplea Bapacher bhavarth Tannem thir ghott samball’llo.
Amchem Jivit:
Bhavarth, tallnni poisaunk adar dita. Aiz pasun patkache tallnnent poddun ami
Jezuche Povitr kuddicher khille martanv. Tachem kalliz ami dukhoitanv. Amche
soddvonne vorvim amkam mell’llolo bhavarth porgottche suvater patkache ami
gulam’ zaleanv. Jezuche koxtt niallun amchea koxttancher zoit vhorunk ami
visorleanv.
Magnnem:
Somia Jezu, patok poisavun bhavarthak veng marunk amkam Tuje kurpen bhor.
29
Fuddari: Kaklut amchi kor Somia.
Sogllim: Kaklut amchi kor.
BARAVEM STHAN:
JEZU KHURSAR MORTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Devachem Utor:
“Bhavartha udexim Devan Apnnak promannik kel’lea mon’xank jivit mellttolem.”
(Rom 1:17)
Niall:
Jezun, amkam novem jivit diunche khatir, aplem jivit Tannem bhettoilem. Tachea
koxttam-mornnant ek promannik chakor koso, Bapachea ekvottant To ravloi. Khursar
mortanam legit chukloleank bhogsunk, Bapak Tannem ulo marlo.
Amchem Jivit:
Bhavarth, bhogsonnem diunk ani bhogsonnem gheunk huskaita. Jezun porgottlolea
bhavarthak veng marun ravche suvater, aiz zaitim bhavam-bhoinnim Povitr Sobhent
ani Povitr Sobhe bhair ximpoddleant. He vorvim amche soddvonnentlean mell’llolea
bhavarthak sakxi diunk ami visortanv.
Magnnem:
Krista Jezu, Tujea bhavarthant amkam samball. Chukloleank bhogsunk amkam Tuji
kurpa di.
Fuddari: Kaklut amchi kor Somia.
Sogllim: Kaklut amchi kor.
TERAVEM STHAN:
JEZUK KHURSAVOILO DENVOITAT ANI TACHE AVOICHEA GOPANT
GHALTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Devachem Utor:
30
“Bhurgeponnar thaun Povitr Pustokam Tum xiklai; tim tuka zannvaien bhorunk
xoktat ani oxem Jezu Kristacher bhavarth dovrun soddvonn zoddunk tim tuka
pavoitolim. (2 Tim 3:15)
Niall:
Jezuche avoin aplea Putachea koxttam-mornnant vantto ghetlo. Aplo Put koxttovtalo
tem polleun, ticho bhavarth halunk nam. Bhavarthachea dennea vorvim, hem sogllem
tinnem aplea kallzant ballgun dovorlem.
Amchem Jivit:
Bhavarth, jivitak fuddo korunk kalljidarponn dita. Ami amcho bhavarth appnnailear
kitlimxinch vorsam zalim. Punn amchea bhavarthant ami khol rigunk nanv.
Addkhollim vellar ami rokhddinch haltanv. Amchea jivitant rokhddich bhirant ieta.
Magnnem:
Somia Jezu, amchea jivitant niraxiponn ieta ten’nam amcho bhavarth Tujer vaddoi.
Fuddari: Kaklut amchi kor Somia.
Sogllim: Kaklut amchi kor.
CHOVDAVEM STHAN:
JEZUK FONDDANT NIKHIPITAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Devachem Utor:
“Tumche soglle bore ontrek Aple podven To bhorten bhagaum ani tumchea bhavartha
pormonnem jieunk tumi kortat te proitn To purnntaien sufoll korum. (2 Tes1:11)
Naill:
Bapachea mogant ravun, Jezun apleak dilolem karia xarti pavoilem. Apnnem
porgottlolo bhavarth, Jezu aplea jivitant jieloi. Utramni toxench kornneamni Tannem
amkam dekh dili.
Amchem Jivit:
Bhavarth, amchem Kristi jivit Devache khuxe pormonnem choloita. Zaite pavttim
amchea bhavartha add vochun, amkam zai toslem jivit ami jietanv. Apleponnan
bhorun, ‘apunn apleak, Dev somestank’ oslem dhoronn ami ghevn jietanv. Utramni
31
ami zaitem porgott’ttanv punn kornneantlean tem amcheach jivitant pallunk ami
chuktanv.
Magnnem:
Krista Jezu, amchea apovnneak sobta toslem jivit jieunk amkam adar di.
Fuddari: Kaklut amchi kor Somia.
Sogllim: Kaklut amchi kor.
Xevottachem Magnnem:
“Dhormdutamni Somiak mhollem: ‘Amcho bhavarth vaddoi.’ Ten’nam Somian
mhollem: ‘Sansvachea konnea itlo tumkam bhavarth asot zalear, humttun voch ani
doriant rigun pallam sod,’ oxem hea amorichea zhaddak tumchean mhonnunk
zatolem, ani tem tumchem aikotolem.” (Lk 17:5-6)
Jezu mogalla, Tujea koxttant vantto ghevn ami amchea bhavarthacher niall kela.
Somia, amcho-i bhavarth vaddoi. Amchea chaltea jivitant, Tunvem porgottlolo
bhavarth apnnavn, to thiraunk ani hea bhavarthache somarombhnne vorvim, amchea
jivitantlean to dusreank porgottunk, amkam Tuje kurpen bhor. Jezu, Tujea koxttam-
addkhollim vellar Tunvem Tujea Bapacher thir bhavarth dovorloi, tosoch ami Tujer
dovrunk amkam xikoi. Krista amchea Somia vorvim. Amen.
Pap Saibachea Sonkolpam Pasot:
Amchea Bapa…….
Noman Marie…….
Mhoima Bapak…...
32
POVITR MISA BHETTECHER ADARLOLI KHURSACHI VATT
VIXOI: “MISACHE BHETTECHI VOLLOKH GHEUM-IA, JINNENTLE
KHURIS BHORVONXEAN SVIKARUM-IA.”
Survatechim Utram: Priticheam bhavam-bhoinnimno, hea xubh vellar Jezuchea koxttancher niall korunk
ami ektthaim zaleanv. Aiche Khursache vattent, Misachi bhett ani thoddea misachea
bhagancher ami amcho niall kortoleanv. He khursache vattent bhag ghetana amcho
vixoi zatolo “Misache Bhettechi Vollokh Gheum-ia, Jinnentle Khuris Bhorvonxean
Svikarum-ia.” Mis mhollear Kristi jivitacho maz ani tenkxi. Misache bhettent amkam
Jezuchem jivit niallunk melltta. Toxench Misant amkam Kristi jivitachea avhanank
fuddo korunk boll favo zata. Hea vellar bhoktin he ritint vantto gheum-ia.
POILEM STHAN:
JEZUCHER MORNNACHEM FORMONN MARTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Niall:
Nixttur Judev, niropradi Jezucher mornnachem formonn martat. Jezun Devacho mog
vanttlo, boreponn ximplem, pekhovnni fankarli, punn hea soglleacho inam’ koso
Jezuk mornnacho mukutt favo zalo. Amkam konnakuch moronn chukchemna punn
amchea/mhojea nirnnoiak ani kusddea monak lagun konnak moronn ieta zalear, ti ek
vhodd onit.
Mhojea Jivitant:
Misache bhette vixim, zaite vaitt nirnnoi ani kusddem mon ghevn ami formonn
martanv. Misak gelear amkam kitem melltta? Dispott’ttim misak vetoleanchea jivita
poros, mhojem jivit odik xegunni asa. Misak borim bhagevont mhonn dakhoitat punn
ghora lagim ievn Lucifera bhaxen xezaream lagim zhogoddttat. Konn padri mis
kortolo? Ani to kitem sangta tem to aplea jivitant pallta kai? Khoincho somudai aichea
misachi manddavoll kortolo? Misak hanv khoinche vatten ani konna vangdda
bostolom? Misak vetana-ietana mhojem mon kitem chintam, konnacheo vaitt khobro
uloitam? Misant bhoktiponnim vantto gheunche bodlek dusreancher formonn marpak
hanvem ‘Mis’ ek soeg kela. Amkam bhogos Jezu.
Fuddari: Kaklut amchi kor Somia.
Sogllim: Kaklut amchi kor.
33
DUSREM STHAN:
JEZUCHEA KHANDAR KHURIS GHALTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Niall:
Jezuchea khandar ghatlolo bharadik khuris, Jezu vhodda mogan ani khuxalkaien
vengoita ani amche soddvonne pasot to khuxen fuddem vhorta. Misachi bhett folladik
ani orthabhorit korunk, zaiteo vostu ani zobabdareo manddavollin vanttun ghalcheo
ani gheuncheo poddttat. Amche firgojent misachi manddavoll korunk somudaiam
pormonnem vanttun ghaltat tem mhaka avoddna.
Mhojea Jivitant:
‘Hanv fuddem sorona zalear, konn tori kortolo, mhaka kiteak poddlam’ osli mhoji
vagnnuk zalea. Mhoje lagim vachunk zata punn hanv bhietam ani loztam. Misache
bhettek lagu zateleo zobabdareo, dekhik adlea disak igorz nitoll korunk, practice
korunk, gaionam gavun, ushers koxim ravun, dhormdan mezunk, hanvem ang
kaddlam. Hat-bott ghalun adar korcho soddun, hanvem fuddareanchi ani zobabdari
mogan pallttoleanchi ttika kelea. He bhaxen Jezucho khuris odik bharadik ani zodd
kela. Amkam bhogos Jezu.
Fuddari: Kaklut amchi kor Somia.
Sogllim: Kaklut amchi kor.
TISREM STHAN:
JEZU POILE PAVTT DHORNNIR PODDTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Nall:
Jezu Aplea khandar ghevn choltalo to khuris, amchea patkanchea bharan khubuch
zodd zal’lo, anik to fuddem vhorunk tachean zaina zalo ani to dhornnir poddlo. Kitli
mhonn dukh Jezuk bhogli na zait?
Mhojea Jivitant:
Mon’xallem soim, patki soim. Ami sogllim patok kortanv, patkache gulam’ zavn
jietanv. Tech khatir, misache survatekuch amchea patkanchem ami bhogsonnem
magtanv. Amcho guneanv ani chuki vollkhun ghetanv. ‘Hanv patki’ mhonnun
Devache kaklutik ulo martanv. Hanv patki oxem tonddan uchartam punn monant-
34
kallzant ‘hanv boro, dusro patki’ oxem chintanv. Dusreanchem vaitt voir kaddttanv,
tanchem khasgi vaitt jivit sobhemazar bhasabhas kortanv, tanchea chiklacho mhaka
vas ieta punn mhojea ontoskornnachi ghann mhaka iena. Borem korpachem hanvem
soddun dilam. ‘Hanv patki’ mhonn vollkhunk ani mhojeach patkachi poili dukh
dhorun, novsornni apnnaunk, ami chukleanv. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
CHOVTHEM STHAN:
JEZU APLE AVOIK MELLTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Niall:
Khursachi vatt, dukhachi vatt; khursachi vatt, chintest vatt; khursachi vatt, kotthin
vatt. Hi vat choltana Jezu Aple avoik bhett’tta.
Mhojea Jivitant:
Dor eka misachea bolidanant ani bhettent, Jezu amkam chear toramni bhett’tta.
Devachea utrant, Iadnika vorvim, unddea-sorea rupan ani misant ekvottlolea
somudaiant. Vachpam vorvim Devachem utor ami aikotanv ani Jezu Aple avoik
bhettlo tosoch, To amkam-i bhett’tta. Devachem utor vachunk asam zalear, hanv
practice korun toiar zatam kai? Devachem utor hanv mannsuken ani aiteponnan
aikotam? Iadnik Xubh-Vortoman vachta ten’nam bhoktiponnan, hat zoddun, chitan
hanv aikotam kai? Jezu, dor eka misant, Tujea utra vorvim, tum amkam bhettunk ietai,
punn ami tuka nakartanv, aikonanv. Amkam bhogos Jezu.
Fuddari: Kaklut amchi kor Somia.
Sogllim: Kaklut amchi kor.
PANCHVEM STHAN:
JEZUK KHURIS VHORUNK ADAR MELLTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Niall:
Sirencho Simanv Jezuk khuris vhorunk adar dita. Doiallaien pollevpi, bhorvanso
zagovpi ani dhiran ukolpi, zaite bore monis amchea somazant asat.
Mhojea Jivitant:
35
Misak mhaka jhem’ haddtta, bhair sorun ulounk huskaita ani amchea monak
bhonvddek vhorta, to mhollear sermão-acho vell. Sermão-ant, ek iadnik Devachea
Utrachi moddnni korta. Amchem jivit Devachea Utra pormonnem koxem cholunk
zata, tem to amkam, Povitr Atmeache prernne udexim xikoita. Amchea atmik jivitak
marg dorxon dita, amchea jivitantle khuris, Devache kurpen fuddem vhorunk to
amkam rosto dakhoita. Aplo sermão kortana, amche bhaxen sadea mon’xamni
Devacher patieun, aplea jivitantlea addkhollink-sonkoxttank koso fuddo kelo, tancheo
dekhi amkam divn, amkam sfurti ani boll dita. Mhojea jivitachi vatt cholunk uzvadd
ditolea iadnikak dhin’vasche bodlek, ‘kitlo lamb sermao’ mhonnun tachem
margdorxon nakartanv. Iadnikachea utrant, Jezu, ami Tujem utor aikunk na, Amkam
bhogos Jezu.
Fuddari: Kaklut amchi kor Somia.
Sogllim: Kaklut amchi kor.
SOVEM STHAN:
VERONIKA JEZUCHEM MUKHAMOLL PUSTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Niall:
Jezuchem mukhamoll ghamen ani rogtan buddlolem. Veronica Jezuchem churchure
korta ani apnna lagim aslolea rumalak Tachem mukhamoll pusta.
Mhojea Jivitant:
Misar ami bhavartheanchim magnnim kortanv. Hea bhavartheanchea magnneamni
amcheo torekvar gorzo-huske ami Devak ubartanv. Heo ubarloleo zaiteo gorzo, amche
podve ani kuveti pormonnem Devache kurpen, amcheamni suttaveo korunk zatat.
Punn ‘mhaka kiteak poddlam’ oxem ami vagtanv. Amche sorbhonvtonni, gorib,
gorjevont, osokt, piddest, opangull, mhatarim asat. Tanchem mukhamoll amkam
kitem tori sangta kai? Tanchem mukhamoll pollevn, ‘hanv kitem tori kortolo’ oslea
bhorvaxean mhojea jivitant kirnn pettlam kai? Veronikan Jezuchem mukhamoll
puslem, hanvem konnachea tori mukhamollar hanso ani somadhan haddlam kai?
Fuddari: Kaklut amchi kor Somia.
Sogllim: Kaklut amchi kor.
SATVEM STHAN:
JEZU DUSRE PAVTT DHORNNIR PODDTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
36
Niall:
Kitli mhonn lamb ti vatt, Jezu to khuris ghevn thokta, tachean anik fuddem tanch
marunk zaina. Jezu dusre pavtt dhornnir poddtta.
Mhojea Jivitant:
Misache bhettechi mukhel khunna mhollear unddo-soro. Ken’nam-ken’nam igorjent
bhitor sortana, eka mezar partikulam dovorlolim astat, tantlem ek kaddun vegllem
aslolea cibor-ant ghalunk poddtta. Hea vellar hanv mhakach bhettoitam. Uprant
danam toiare vellar, him partikulam ani unddo-soro ami iadnikachea hatant ghaltanv.
Ho unddo-soro khub koxttamni toiar kortat. Ho unddo-soro, Devan dil’lea ani
mon’xachea koxtti vavrachi khunna. Zaite gonv ektthavn, vanttun, pitt korun, toxench
teo dako pillun, ros kaddun, ho unddo-soro toiar zata. Gonv ani dako aplench orponn
kortat. Mhojem kitem Kai? Bhettovnne vellar, tea unddea-soreachea borobor hanv
mhojem akh’khench, asa toslench jivit ubartam. Mhojea jivitantlem dukh-sukh, pidda-
bholaiki, ogunn-xegunn, khuxalkai-niraxiponn sogllem Devak bhettoitam ani to
sogllem novem kortolo mhonn visvas thevtam. Jivit veglle ani nove dixen pollevn
mhaka boll melltta. Jezu dusre pavtt dhornnir xevttolo punn utthlo. Amchea jivitant
Devacho hat onnbhoum-ia ani novean pavl fuddem marum-ia.
Fuddari: Kaklut amchi kor Somia.
Sogllim: Kaklut amchi kor.
ATTHVEM STHAN:
JERUZALEACHEA OSTOREANK JEZU BHUZVONN DITA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Niall:
Konnem konnak bhuzvonn diunk zai asli? Koxttovtolo Jezu, Jeruzaleanchea ostoreank
bhuzvonn dita. Apunn itlo bhara khal chepun astanam pasun to dusreank dhir, adar ani
alaxiro zata. Vattsureancho Jezu sangati zata.
Mhojea Jivitant:
“Gheiat ani khaiat, hi Mhoji kudd, tumche pasot somorpunchim; Hem Mhojea
ugddasak korat”: Iadnik him utram mhonntta ani sado unddo, Jezuchea masant
bodolta. Ami sogllim Devak sodtanv, Devachem dorxon ani asnnem otrektanv.
Amche jivitache iatrent ami Devachi bhuzvonn sodtanv. Jezu Devacho put, apleakuch
moddun amchea jivitant bhitor sorta. Aplem deivik jivit amkam dita. Jezu amchea
soglleam bhitor jieta ani sogllea vellar amcho sangati zata, zalear Jezun kelam toxem
mhojean mhonnunk ani korunk zata? “Gheiat ani khaiat, hi mhoji kudd, mhojem jivit
tumche sevek orpitam. Tumkam zai ten’nam mhoje-xim ieiat, mhozo adar-sohokar
gheiat” osli vagnnuk apnnaunk ami chukleanv. Amkam bhogos Jezu.
37
Fuddari: Kaklut amchi kor Somia.
Sogllim: Kaklut amchi kor.
NNOVEM STHAN:
JEZU TISRE PAVTT DHORNNIR XEVTTOTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Niall:
Khursachi vatt choltana, Jezuche kuddint boll na zavn, cholpachi tank unnim zata ani
Jezu tisre pavtt dhornnir xevttota. Tache kuddint rogtachi xokt na.
Mhojea Jivitant:
Misache bhettent iadnik mhonntta, “gheiat ani pieiat, hem mhojem rogot, novea ani
sasnnik korarachem, patkachem bhogsonnem mellche khatir ani somestanche
soddvonne khatir tem varovtolem.” Jezun, Apunn morosor amche soddvonne pasot,
aplo nimanno rogtacho thembo varoilo. Amchem kitem kai? Hanv mhojea jivitachem
ek dan dusreank kortam? Dusro mhojea jivitacho bhag ani vantto mhonn hanv
ollkhotam? Mhozo vell, vostu, bori budh ani Devan dil’le gunn pasun vanttunk fattim
sortam. Suvarthan jietam. Amkam bhogos Jezu.
Fuddari: Kaklut amchi kor Somia.
Sogllim: Kaklut amchi kor.
DHAVEM STHAN:
JEZUK VINGLLO KORTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Niall:
Jezuk sobhemazar vingllo kortat. Sogllem hinnponn bhoglea uprant, atam To
vinglleponnache lojek sampoddtta.
Mhojea Jivitant:
Kurpechea jivitantlim ami pois vetanv ani patkachea gulamponnant jietanv, ten’nam
ami Deva mukhar vinglleponn bhogtanv. Dor misache bhettent ami ‘Amchea Bapa’
uchartanv. Hem magnnem kortana Devachi khuxi amche sovem zaunk magtanv, favo
titloch, gorje purtoch dispott’tto giras axetanv, amcher add chukloleank bhogsunk
kurpa otrektanv, ani tallnnent poddona zaunk adar sodtanv. Punn amchench raj,
amchench nanv, dadagiri, podvi ani suvarthponn choloitanv. Gorjevontank visortanv
ani amkanch punzavn xigur kortanv. Vingas ani bodla gheunk axetanv ani tallnnent
38
poddun denvcharachi khuxi kortanv. Utramni Devak amcho Bapui mhonnttanv, punn
amchea vingllea kortubamni Devak porko kortanv. Devak Jivitantlo dhanvddaitanv.
Amkam bhogos Jezu.
Fuddari: Kaklut amchi kor Somia.
Sogllim: Kaklut amchi kor.
IKRAVEM STHAN:
JEZUK KHURSAR KHILLAITAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Niall:
Chorank, nagovnneank, kirmidorank khursachem moronn favo zatalem. Jezuk oslem
moronn favo naslem. Jezun monis-somazant hinsa korunk na, konnachench rogot
varounk na, zalear tachem rogot kiteak varoilem? Taka kiteak khursar khillailo?
Mhojea Jivitant:
Misant ami eka-mekak xanti ditanv. Xanti ditana tonddar omurko hanso khelltta punn
kallzant ragacho duves xizta. Rag-krodhacho uzo kallzant ballgun, amkam avoddnant
tankam ami khursar khillaitanv. Jezun moga-xanticho pavs votlo, punn ami rag-
hinsecho uzo peroitanv. Amchea ghorabeant xanti na, xezaream modem dhuspott ani
somudaiant kestanvam-maramari. Jezu, tum xanti haddunk khursar meloi, punn ami
xantichea nanvan hinsa-zhogddi kortanv. Amkam bhogos Jezu. Xantichim hatiaram
amkam kor Jezu.
Fuddari: Kaklut amchi kor Somia.
Sogllim: Kaklut amchi kor.
BARAVEM STHAN:
JEZU KHURSAR MORTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Niall:
Khursar umkollop, mathear kantteancho mukutt, hatak-paiank khilleancho aspas, hem
sogllem sonslea uprant, Jezu aplo prann soddtta. Bapan aplea hatant ghal’lo vavr xarti
pavoita ani khursar morun moniskullak soddoita.
Mhojea Jivitant:
39
Iadnik misache bhettent him utram mhonntta, “Hi Devachi xelli, sonvsarachem pap
kaddta ti, xelliechea jevnnak apoileant tim subhagi”. Jezu, Ap-khuxen, amchea
patkam pasot Aplo jiv dita. Ami dusreanchem jivit lhov korche suvater, tancher odik
bhar ghala. Tannim aplem jivit novsorlam, torui tanchem fattlem patki jivit voir
kaddttanv. Jezun khursar morun amkam novem jivit dilam, toxench koxttam-
mornnantlean amchi soddvonn zata, mhonn ami vollkhunk visorleanv. Koxtt, pidda,
oddchonneo, Kristi jivitache bhag mhonn bhavarthan manun gheunk nant. Amkam
bhogos Jezu.
Fuddari: Kaklut amchi kor Somia.
Sogllim: Kaklut amchi kor.
TERAVEM STHAN:
JEZUK KHURSAVOILO DENVOITAT ANI TACHE AVOICHEA GOPANT
GHALTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Niall:
Maria Mai aplea Puta Jezuchi meloli kudd aplea gopant gheta. Hich kudd tinnem
aplea kusveant akarloli, Nnov mhoine posloli ani moniskullachea taronna khatir ti
vompun dil’li.
Mhojea Jivitant:
‘Kristachi kudd’ him utram aikun, ami ‘Amen’ mhonnttanv, ‘Amen’ mhonnun ami
khorench ti Jezuchi kudd mhonn sotmantanv ani bhavarthan ami ti xevtanv. Jezuk
xevlea uprant ami Jezuchi kudd zatanv. Oxem sogllim, Jezuk xevlolim Jezuchi kudd
zatanv. Dusro Jezuchi kudd mhonn vollkhonastana, zati-katiche addambe ami kiteak
ghaltanv? Ami sogllim Kristachim kudd zalear, he kuddik ami kiteak kikont kortanv?
Bhienastana amchea utramni, kornneamni ani vagnnukentlean, he kuddiche vantte
kiteak kortanv? Ani soglleank eksarke kiteak lekhinanv? Ami Kristache kuddiche
sande punn ami amche modem vantte ani bhed-bhav kela. Amkam bhogos Jezu.
Fuddari: Kaklut amchi kor Somia.
Sogllim: Kaklut amchi kor.
CHOVDAVEM STHAN:
JEZUK FONDDANT NIKHIPITAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
40
Niall:
Devachem raj soglleak vistartolom mhonn sopnam sopnelo, punn Tachea mornna
vorvim ami taka fonddant nikhipilo. Jezuchea sopnancho churo zalo kai?
Mhojea Jivitant:
Ami misant bhoktiponnim vantto ghetanv ani soglli seva-dhormik rit orthabhorit
somarombhtanv, punn he ritint sogllem somplem ani kobar zalem kai? Iadnik
misachea xevottak patthoita ani mhonntta “vochun ieiat, Kristache xantin tumkam
dhaddttam”. Misachea xevottak, misachi rit sompta, punn khorea misachi survat
thoim zata. Xevlolea, somarombhlolea Jezuk, sonvsarak diunk ani somazant Kristi
uzvadd, Kristi mitt ani Kristi khomir zaunk, amkam patthoileant. Hanv zoim jietam,
vavr kortam, thoim misantlean Jezucho rupkar ani asnnem zaunk zai aslom.
Dispott’ttim Jezuchim totvam jieunk chuklam. Amkam bhogos Jezu.
Fuddari: Kaklut amchi kor Somia.
Sogllim: Kaklut amchi kor.
Xevottachem Magnnem:
Mogall Bapa, dor disak ani odik korun dor aitarak, misache bhettent vantto gheunk ek
vhodd soeg amkam melltta dekhun ami Tuka vakhannttanv. Amchem Kristi
apovnnem sodun kaddunk ani Kristi jivitachi manddavoll, ji hea sonvskarant liploli
asa ti vollkhunk amkam ek sompo upai zata. Aiz thavn bhoktiponnan misant vantto
gheunk ani misant onnbhovlolea Jezuk sonvsarak diunk, amkam kurpa favo kor.
Krista amchea Somia vorvim. Amen.
Pap Saibachea Sonkolpam Pasot:
Amchea Bapa…….
Noman Marie…….
Mhoima Bapak…...
41
‘AMCHEA BAPA’ MAGNNEACHER ADARLOLI KHURSACHI VATT
VIXOI: “‘AMCHEA BAPA’ UCHARUM-IA, SOMUDAIK JIVIT
BANDUM-IA.”
Survatechim Utram:
‘Hanv, mhozo, mhaka,’ oslim utram ekleacher vo hanvponnacher bhor ghaltat zalear,
‘ami, amcho, amkam,’ him utram somudaik mon uktaitat. ‘Amchea Bapa’ hem Jezun
xikoilolem prarthon – ek somudaik prarthon ani somudaiant kel’lem magnnem,
somudaiak ektthaim haddtta ani ekvott zoddtta. Toxench ekleachea koxtta-dukhant
somudai vantto gheta, ten’nam ekleache koxtt-dukh unnem zavn, tem somudaiachem
dukh zata. Tor he Khursache Vattent vantto ghetana, Jezuche koxtt ani ‘Amchea
Bapa’ hem prarthon, amchea somudaianim koxem jieum ieta, hacher niall kortoleanv.
Tor magnneachea monan vantto gheum-ia.
POILEM STHAN:
JEZUCHER MORNNACHEM FORMONN MARTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Magnneacho Bhag: ‘Amchea’
Niall:
Jezucher mornnachem formonn martat, ten’nam Jezuchim pattlavdaram sogllinch
zollim-mollim ximpoddlim. Thoddim lip-choriam bhonvunk laglim, Pedru zalear taka
vollkhunkuch visorlo. Provochon kortana, ochoriam kortanam, xanneponn uloitanam,
lok mhonno “ho amchoch nhoi? Tachi avoi, bhoinn, bhav, amche modem ravtat
nhoi?” tea vellar Jezu amchoch aslo, punn atam Jezuk konnuch vollkho naslo. Jezu
‘amcho’ urunk naslo, to atam dusreancho zal’lo.
Magnnem: Mogalla Jezu, xisank tunvem magnnem korunk xikoitana ‘Amchea’ hea utran survat
keli. ‘Mhojea’ oxem mhonnonk na. ‘Amchea’ mhonnon, Tunvem ‘amchech modlo
Eklo’ mhonn dakhoilem. Monis natean Tum ‘Amcho’ punn Deivik sombondan
Devacho mhonn vollkhunk ami visorleanv. Aizui amchea somudaiant, amcho bhav-
bhoinn koxttovta, ten’nam to amcheach somudaiantlo eklo mhonn manun, tachea
koxtta-dukhant ami taka sangat diunk visorleanv. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
DUSREM STHAN:
42
JEZUCHEA KHANDAR KHURIS GHALTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Magnneacho Bhag: ‘Bapa’
Niall:
Jezuchea khandar khuris ghalo, ten’nam ‘chor’ hem lojechem nanv taka poddlem,
karonn osli soja ani moronn, fokot chorankuch favo zatalem. ‘Bapa’ mhonnon, amcho
soglleancho Bap ek mhonn, Jezun dakhovn dilem ani ami sogllim Tachim bhurgim.
Jezu amcho Bhav ani ami sogllim ek. Amcho Bhav niropradhi, punn lojechem lakudd
Tachea golleant poddlem. Abel-achea mornnak zobabdar aslolea Kain-ak, Devan Abel
khoim asa kai mhonn vicharlem, toso atam, amcho Bap amkam-i vichartolo, ten’nam
ami kitem zap diteleanv? Jezu amcho vhoddlo Bhav ani amkam rakhunk ani amchi
soddvonn korunk, amchi loz Tannem Apnnacher ghetli ani ami kainch korunk pavlim
nant.
Magnnem: Mogalla Jezu, Ami ekach somudaiache vangddi mhonnttoch, amchea somudayant ami
sogllim ek, punn sogllem manddavollin cholche khatir, amche voir somudaiache
fuddari asat. Zaite pavttim amche ekleache chukik lagun, tankam goddie dusreanchem
aikunchem poddlam ani vhoddilank zap dinvchi poddlea, punn amche votin ami
tankam sangat dinvche bodlek, ami tankam vikun dileat ani tanche koxtt odik
vaddoileat. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
TISREM STHAN:
JEZU POILE PAVTT DHORNNIR PODDTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Magnneacho Bhag: ‘Sorginchea’
Niall:
Jezu poile pavtt dhornnir poddtta ani osoch, To don pavttim dhornnir poddttolo.
Amcho Bap sorgincho ani Tacho Put Jezui sorginchoch, punn mon’xa soiman zolm
ghevn to dhornnir poddlo. Sorg sanddun Tannem sonvsarachi zomin apnnaili ani
sorgincho zavnui amchoch ani hech dhortore velo zavn, amkam ek zalo.
Magnnem:
43
Mogalla Jezu, amchea somudaiant thoddim girest, thoddim chodd xiklolim, vhoddleo
podveo aslolim, zalear thoddim voilea dorjeachim mon’xam asat. Punn Jezu, Tum
amchea somudaiank ek nomuno. Tuka svikarun, amche vhoddponnache pakhtte
toddun uddovn, mollba voilea dorjea thavn, sokol dhortorechea panvddeavelem mon
ani vagnnuk ami apnnaunk na. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
CHOVTHEM STHAN:
JEZU APLE AVOIK MELLTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Magnneacho Bhag: ‘Tujem Nanv’
Niall:
Jezu aple avoik melltta, ten’nam Jezuchem kalliz kitlem kollvoll’llem astolem, ‘Apli’
konn tori, ozun Mhojea sangata asa, ozun konn tori Mhaka vollkhota, konnak tori
Mhojem poddlolem asam, Mhojea koxttant konnak tori dukh zalam mhonn, avoichem
kalliz Taka sangta. ‘Jezu’ hem nanv mhollear, soddvonnar ani soddvonnaruch morot
zalear, ‘Jezu’ hea nanvacho orthuch onorth zata. Punn mon’xache nodre mukhar jem
onorth, tem Devache nodren orthpurnn. Mon’xa mukhar, ‘Aplem Nanv’ nhoi, punn
apnna vorvim ‘Tujem nanv’ mhollear, Bapachem nanv vhodd korunk, To Apnnakuch
visorlo ani Apnnachem nanv legit, Tannem khursar choddoilem.
Magnnem: Mogalla Jezu, Amchea somudaiant amkam veg-veglleo zobabdareo ani kariam asat.
Hea zobabdareank pallo ditana, amkam vhoddponn zoddunk ani amcheach nanvacho
prosar-prochar korunk, ami ievjilam. Somudaiant kel’lea borea vavrachem nanv
hanvem mhaka ghetlam. Oxe toren Devache mhoime khatir vavurche bodlek ani
Bapachem nanv voir kaddche bodlek, hanv mhojem nanv voir kaddunk vavurlam.
Amkam bhogos.
Fuddari: Kaklut amchi kor Somia.
Sogllim: Kaklut amchi kor.
PANCHVEM STHAN:
JEZUK KHURIS VHORUNK ADAR MELLTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
44
Magnneacho Bhag: ‘Povitr Zanv’
Niall:
Khuris mhollear zhaddachem lakudd; zodd ani bharadik. Punn Jezuchea khandar tem
poddlem ten’nam tem povitr zalem. Hem Povitr lakudd apnnacher ghevn, apunnui
povitr zaunk, Sirenchea Simao-ak ek vhodd bhag mell’llem. Bap povitr toso Putui
povitr ani ami-i povitr zanvche khatir, Jezun amkam soglleank appovnnem dila.
Apoileant zaiteank punn thoddeankuch vinchun kaddleant. Jezu khuris ghevn
choltana, lokachi khett sorbhonvtim asli, punn tatuntlo fokt Simao bhagi vortolo, taka
Jezucho khuris vhorunk bhag mell’llem. Amkam-i hoch Jezucho khuris vhorunk bhag
mellot kai? Ani mellot zalear ami raji astoleanv kai?
Magnnem: Mogalla Jezu, Somudaiant jietanam khasgi khuris, ghorabeache khuris, xezareanche
khuris ani somudaiache khuris, amchea khandar poddttat. Oslea vellar, “mhozoch
khuris mhaka vhorunk zaina, tuzo khuris anik hanv khoim ghevn vetolom?” oslem
amchem mon zalam. Dusreancho khuris vhorop mhollear, Jezu, Tujeach khursak hat
lavop punn oxem korunk ami fattim sorleanv. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
SOVEM STHAN:
VERONIKA JEZUCHEM MUKHAMOLL PUSTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Magnneacho Bhag: ‘Tujem Raj’
Niall:
Veronika Jezuchem mukhamoll pusta, ten’nam Veronik ek doiall kornni adarta.
Devachem Raj zoddunk borea jivitachi goroz ani borem jivit jieunk, amkam Povitr
Sobhen chovda doialleo kornneo dileat ani dukhovloleank, piddevontank adar divop,
hi-i ek kuddichi doialli kornni. ‘Tujem Raj’ osleanchench. Veronika, Jezuche koxtt ani
rogtan bhorlolem mukhamoll pollevn, churchurem korun, vogich roddun, vontti
fattlean lipun ravona, punn soglleam addkhollink fuddo korun, soinikanchi nodor
chorun ani tanche bhiranti voir choddun, tinnem Jezu sovem hi doialli kornnni adarli
ani tinnem Devachem Raj zoddun ghetlem.
Magnnem:
45
Mogalla Jezu, Somudaik jivitachim pavlam choltanam, hatant-hat ghalun jietana, eka-
mekacheo gorzo vollkhun, sogllea addkholleam modem, amchea bhageleanchea
koxtta-trasank, amchea borea utran, bore vagnnuken ani doiall kornneam udexim,
amchea somudaiant koxttovtolea ani dukhovlolea bhava-bhoinninchem mukhamoll
pusunk ami chukleanv. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
SATVEM STHAN:
JEZU DUSRE PAVTT DHORNNIR PODDTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Magnneacho Bhag: ‘Amkam Ieum’
Niall:
Poile pavtt poddlo ten’nam Jezu utthlo, atam dusre pavtt Jezu dhornnir poddlo.
Devachem Raj xantichem, Devachem Raj mogachem, Devachem Raj bhorvanxachem,
Devachem Raj bhogsonneachem. Hench raj mon’xakullak haddche khatir, Jezu dusre-
i pavtt utthlo. Apnna vorvim, Devachem Raj hea monis soimak ieum ani mon’xam
modem mog, xanti, kaklut, bhogsonem ani bhorvanso utpon’n zaunk Devachi ievzonn
zali.
Magnnem: Mogalla Jezu, Eka-meka sangata jietana, amchim monam suvarthachem chodd
chintat. Somudaik vavrant amkam kitlo faido zatolo tem chintun, fuddem vetana,
manddnneo ani ievzonneo fiskott’ttat ten’nam, he ievzonne vorvim somudaiak kitlem
boreponn mellttolem hem chintinastana, amchea luksannak lagun, heo ievzonneo ani
kariam ami novean sudranvche bodlek, veg-vegllim karonnam divn, tancher thoinch
dhampnnem ghatlam. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
ATTHVEM STHAN:
JERUZALEACHEA OSTOREANK JEZU BHUZVONN DITA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Magnneacho Bhag: ‘Tuji Khuxi’
46
Niall:
Amchea pottak bhuk laglear, konn amche modlo, dusreanchea pottachi bhuk
bhagounk chintolo? Konnuch na! punn Jezu oxem korta. Apnnache kuddik, monak ani
kallzak dukh zalea astanai, apnnak lokachi bhuzvonn ghenvche bodlek, To dusreank;
Jeruzaleachea ostoreank bhuzvonn dita. Dukhestank bhuzvonn, hi-i ek Bapachi khuxi.
Dukh zal’lea Jeruzaleachea ostoreanchi bhuzvonn ghetana, tankam-i to bhuzvonn dita
ani eka-mekachea sombondan vaddunk, ho khinn soegacho zata.
Magnnem: Mogalla Jezu, ‘Tuji Khuxi’ kitem-i zanv, mhoji khuxi poili’ mhojem dhadosponn,
mhoji khuxalkai, mhoji bhuk poili, magir dusreanchi bhuk. Oslem amchem mon
zalam. Somudaiant xezaream sangata jietana, mhoje bhukek, hanvem bhazloli rotti,
mhakach unni korun, gorjevontank diunk ani mhojea dukha fuddean dusreanchem-i
dukh vhodd, mhonn vollkhunk ami chuklam. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
NNOVEM STHAN:
JEZU TISRE PAVTT DHORNNIR XEVTTOTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Magnneacho Bhag: ‘Sorgar Zata Toxi Sonvsarant Zanv’
Niall:
Ekuch pavtt nhoi, punn tin pavttim Jezuk nakartoch, lojek fuddo korunk zaina zavn,
Pedru Jezuche nodre sorxil’lo koddsorlo. Atam tisre pavtt Jezu poddlo. Anik fuddem
vochunk zanvchem na, khuris thoimsoruch uddovn, poll kaddunk Jezuchea-i monant
zalem astolem. Punn sorg ani sorgincho Bap sompurnn, toso sonvsarui sompurnn
korunk, sat pavttim poddlear legit, to khuris vhorunk ani sonvsarant sorg haddunk
Jezuchi ievzonn zali. Oxem sorgar zata toxem sonvsarant korunk Jezu vavurlo.
Magnnem: Mogalla Jezu, Sonvsarant sorg denvounk ani sorgar zata toxem sonvsarant korunk,
amkam Tujem mon asunk zai. Sat sompurnnaiecho ankddo ani tinuch pavttim nhoi,
punn sot’tor ani sat pavttim legit ami poddlear, opesi zalear, niraxi zainastanam
amkanch ghottai gheunk ani dusreankui boll diunk ani oso amcho somudai,
sompurnnaiechea sondheamni bhorlolo somudai korunk, hea sthanant prarth’tona,
sobar pavttim ekach poddpant, ekach opesan ami har manlea ani dusreankui niraxi
keleant. Amkam bhogos.
47
Fuddari: Kaklut amchi kor Somia.
Sogllim: Kaklut amchi kor.
DHAVEM STHAN:
JEZUK VINGLLO KORTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Magnneacho Bhag: ‘Amcho Dispott’tto Giras Az Amkam Di’
Niall:
Vinglleponn mhollear amchea somazant ‘kongall’ zavop, bankcrupt zavop, vo
uktaddar poddop. Jezuk konnachoch adar na, kuddir anglleancho pasun sangat na.
Kedem vhoddlem eksurponn. Eke vatten, amchea ghorant chori zalear ani dusre
vatten, amcho duddu sugur kel’li ‘bank’-ui choramni foddli zalear, amkam kitem
bhogchem na kai? Osle dixer amchem magnnem hench zatolem, ‘amcho dispott’tto
giras az amkam di’, faleam khatir nhoi punn aichea disa khatir.
Magnnem: Mogalla Jezu, Somudaik jinnent, gorib-dubllim bhavam-bhoinnim ani her vangddeam,
veg-vegllem vinglleponn onnbhovtat; duddvam vatten, jevnna vatten, bholaike vatten,
nhespa vatten, sombonda vatten, adi. Oslem vinglleponn ‘az’ nhesounk, amkam dor
eka vangddeak zobabdari asa. Somudaiant, dor disa ami amchea vangddeancho giras
ani goroz puri kortanv, titlo amcho sombonnd vaddot ravta. Punn hem vollkhuche
suvater, amchi goth, ‘sodam morta taka konn roddtta’ osli zalea ani oxem,
vinglleponn bhogtoleank ami nhesounk fattim urleanv. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
IKRAVEM STHAN:
JEZUK KHURSAR KHILLAITAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Magnneacho Bhag: ‘Ani Ami Amcher Chukloleank Bhogxitanv’
Niall:
Jezuk khursar martanam, doreamni bandinant, punn khilleamni khillaitat. Vhoddantli
vhodd kuddichi dukh mhollear, morosor marop ani hem xevottachem dukh bhogunk,
Jezuchem kalliz kitlem kalljidar zalem na? toxench hem dukh ditole monis, porki vo
48
onvollkhi nhoi asle. Tancheach sangata To jietalo, bhonvtalo, porgott’ttalo, kaim
pavttim borobor jevl’lo ani tantlea kaim zannak Tannem borim-i kel’lim. Punn hea
khinnak tanchem onupkari kalliz, Jezuchem kalliz chirun uddoita ani kuddiche dukhi
poros kallzachi vhoddli dukh pavoita. Ani tori astana, udar monan ani teach uktea
kallzan Jezu tankam bhogxita.
Magnnem: Mogalla Jezu, ek somudai koso, ek mon ani ek kalliz amkam asunk favo, punn ekach
mud’deacher, ekach somajik proxnnacher, amchea somudaiant veg-vegllim monam
uprasleant ani he vorvim, amchech bhitor futti uprasleat, eka-mekachim kallzam
pinzleant, thomnne marun, artem-portem ulovn, dusreank khursar marleant. Amkam
bhogos.
Fuddari: Kaklut amchi kor Somia.
Sogllim: Kaklut amchi kor.
BARAVEM STHAN:
JEZU KHURSAR MORTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Magnneacho Bhag: ‘Toxim Amchim Patkam Bhogos’
Niall:
Moronn mhollear ogeponn; jinnechem ogeponn, monachem ogeponn, kallzachem
ogeponn ani kuddichem ogeponn. Anik ken’nach To amkam bhettcho na. khursar
melo punn nitoll kallzan To melo, konnachench vaitt ghenastana, konnachoch rag
dhori nastana melo. “tukam tuje sovem dusreamni kel’lem zai, toxem tum-i dusream
sovem kor” oxem Jezu mhonntta zalear, “toxim amchim patkam bhogos” oxem
mhonnonk tum purto asai?
Magnnem: Mogalla Jezu, kumsarantlean Tuje lagim ami amchea patkachem bhogsonnem
magtanv. Punn amchea peleak bhogsunk ami fatt kortanv. Oxe toren ami amchea
somudaiantlea vangddeank ontoskornnachea mhelleponnant, dumankaientuch khursar
moroitanv. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
TERAVEM STHAN:
49
JEZUK KHURSAVOILO DENVOITAT ANI TACHE AVOICHEA GOPANT
GHALTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Magnneacho Bhag: ‘Ani Amkam Tallnnent Poddunk Dinv Naka’
Niall:
Jezuchea zolma disa, Jezuchi kudd avoichea gopant khellttali. Aiz tich kudd, mornna
disa, tech avoichea gopant ghott zalea. Zolmacho hanso mornnachea dukhan bodol’la.
Challis dis ani rati, oronneant astana, Jezuk tin vhodd tallnneo aileo, ten’nam
Devachea Utrantlean Tannem tallnneancher zoit vhelem. Toxench Getsemanichea
molleant Jezu magnnem korun, apleam xisam koddem portota ani te Taka nhidlole
mellttat, ten’nam Jezu mhonntta, “tallnnent poddona zaunk magnnem korat.”
Devachem utor ani magnnem zanv di amkam eke avoichi veng, te vorvim, amchea
tallnneanchea vellar, ami he vengent asro ghenv.
Magnnem: Mogalla Jezu, Ek mogachi veng kitlem-kitem korunk xokta. Amchea somudaiant ami
dukhovloleank, koxttovtoleank ani sanddloleank vengovun, tanchea jivitant ami
zaitem boreponn haddunk xoktanv. Punn sobar pavttim amchea apleponnak lagun,
amchi veng dukhovloleank ani eksureank bhettounk ami ghott kelea. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
CHOVDAVEM STHAN:
JEZUK FONDDANT NIKHIPITAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Magnneacho Bhag: ‘Punn Vaittantlim Amkam Nivar’
Niall: Konnech poilim zolm gheunk naslolea povitr kusveant thavn, Jezu zolmolo ani atam,
konnakuch poilim ghalunk naslolea fonddant Jezuchi kudd nikhipitat. Jezu povitrtaien
zolmolo ani povitrtaienuch melo. Ami patki soiman zolmoleanv, patki konddant ami
jietanv ani patki fonddant ami mortoleanv. Zolm amcheamni bodlunk zaina, punn
amchi jinn vaittantli nivarunk ani fondd nitoll korunk, amchea hatant asam. Amchea
borea kornneam vorvim ani jinneche dekhi vorvim, ami amkanch ani somudaiantlea
bhavam-bhoinnink vaittantlim nivarum ietat.
50
Magnnem: Mogalla Jezu, Somudai amkam eka-mekachi dekh apnnaunk ani eka-mekache
prernnentlean jinn jieunk apoita. Amchi jinn vaitt chintnanchea, vaitt utranchea, vaitt
kornneanchea, vaitt anvddeanchea ani vaitt nodranchea chiklan lhovta, ten’nam bhav-
bhoinnponnachea huskean, amchea borea utrantlean amcho somudai, hea vaittantlo
nivarunk ami chukleanv. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
Xevottachem Magnnem:
Amchea Bapa sorginchea, ami Tujim bhurgim, ekach somudaiachim vangddeam.
Somudaiant jietana, ‘Amchea Bapa’ hem Jezun xikoil’lem prarthon ami amche jinnent
jieunk ani jitle-i pavttim tem ami uchartanv, title-i pavttim, tem somudayachea
ekcharant ani ekvottant bhor ghalum mhonn magtanv. He vorvim ami suvarthachem
nhoi, punn somudaik monachim zavn, eka-mekacho husko dhorun, bhogsonnem divn
ani ghevn, eka-meka pasot magun amcho somuday jieunk amkam adar di.
Pap Saibachea Sonkolpam Pasot:
Amchea Bapa…….
Noman Marie…….
Mhoima Bapak…...
51
DEVACHE SUMURTICHEA UPDESANCHER ADARLOLI
KHURSACHI VATT
VIXOI: “DEVACHEO ADNIA PALLUM-IA, SORGINCHEA RAJEACHE
DAIJI ZAUM-IA.”
Survatechim Utram:
Ek girest tornnatto Jezu fuddem ieta ani vicharta, "Guruji, Mhaka sasnnik jivit
mellcheak hanvem kitem korunk zai? Hea proxnnak Jezu oso zobab dita, ‘Tum sasnnik
jivit mellun gheunk sodtai zalear adnia samball." Sasnnik jivit mellun gheunk,
sasnnik jivit onnbhovunk, sasnnik jivitache ami daiji zaunk, he khursache vattent ami
dha updesancher niall korteleanv. He khursache vattecho vixoi: “Devacheo Adnia
Pallum-ia, Sorginchea Rajeache Daiji Zavum-ia.” Bhoktiponnan he khursache
vattent vantto gheum-ia.
POILEM STHAN:
JEZUCHER MORNNACHEM FORMONN MARTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Poilo Updes: Ekleach Sorvespora Devak pornipatt korun nomoskar korcho
ani sogllea kallzan Tacho mog korcho.
Niall:
Dev monis zalo ani mon'xam modem ailo. Punn monis Hea Devak vollkhunk visorlo.
Ho polle monis Devacher formonnn marta. Dev To amcho, Rochnnar soglleancho.
Somi To amcho, Soddvonnddar soglleancho. Ani Heach Devacher monis formonn
marta. Amchea Devak ami sarkim vollkhotanv kai? Ami khorea Devachi bhozonn
kortanv kai? vo amchea jivitant, duddu, bhangar, bhattam-besam, vostu, hankam ami
dev korun bhoztanv kai?
Magnnem:
Mogalla Bapa, sogllea amchea kallzan, sogllea amchea bollan, ani sogllea amchea
monan, Tunch sarko khoro Dev ani Rochnnar mhonn ami visorleanv. Tukach
nomoskar korunk, Tujich bhozonn korunk, Tuzoch mog korunk, Tujeruch bhavarth
dhorun jieunk ami chukleanv. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
52
DUSREM STHAN:
JEZUCHEA KHANDAR KHURIS GHALTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Dusro Updes: Sorvespora Devachem Povitr Nanv, bemanan gheum noie.
Niall:
Sorvespora Devachem nanv Povitr, kiteak Dev Povitr. Devachench Povitr nanv ghevn
Devakuch amche modem ami hajir kortanv. Takach ami bhett’ttanv ani amkanch ami
Tache adin kortanv. Zaite pavttim hem Povitr nanv ami amchea faideak lagun
uchartanv. Naka tea suvatancher, gorje bhair Devachem nanv vapurtanv ani pitartanv,
oxe toren Devachea nanvak beman kela. Amcheo chuki-fotti lipovn dovrunk
Devachem nanv ghetanv. Devachea nanvan, Devan rochlolea mon'xancho pasun jiv
kaddttanv. Devachea nanvan mon'xank ami xiraptanv, dusreanchem padd zaunk
magtanv. Oxe toren Devak ami okman kortanv.
Magnnem:
Mogalla Bapa, Tujem nanv gheun, Tuka vakhannche bodlek, Tujea nanvachi fokanna
keleant. Tujea nanva vorvim dusreanchea jivitant boreponn haddche bodlek,
dusreanchea ani amchea-i jivitant ami vaitt haddlam. Tujea nanvak ami man diunk na.
Amkam bhogos.
Fuddari: Kaklut amchi kor Somia.
Sogllim: Kaklut amchi kor.
TISREM STHAN:
JEZU POILE PAVTT DHORNNIR PODDTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Tisro Updes: Sorvesporacho dis, Tache khuxie pormonnem samballcho.
Niall:
Aitar, Sorvesporak bhettoilolo ani Povitr kel'lo dis! Sorvesporan ghoddil'lo dis to,
sontoxi ani anonbhorit zaunk amkam karonn asa. Akh’khea satolleant, Devacheach
53
adaran kel'lea vavra pasot ani zoddil'lea dispott’ttea girasa pasot, Devak dhin’vasunk
ani vakhannunk, aitara disa Misache bhetttent vantto ghetanv. Devache kurpen borlolo
dis to. Misache bhettent vantto ghevn, Tachech kurpen ami vaddttanv. Toch amchea
vavracher axirvad ghalta ani Toch amkam sobar denneamni bhorta. Aiz thoddim
zannam aitarachim pasun vavrak vetat. Aplea kuttumbak ani Devak pasun vell dinant.
Thoddim zannam aitar mhonnttat ani dis bhor ghora lagim nhidun ravtat. Igorz
matecho kaido, "Aitarchea disak Misache bhettent vantto gheuncho". Misak vochona
zalear patok khorem, punn ami Devchea moga khatir misak vetanv. Zalear Devache
khuxie pormonnem ho dis ami pallttanv kai?
Magnnem:
Mogalla Bapa, Tuzo dis Tuje khuxie pormonnem samballunk ami fattim urleanv.
Misache bhettent vantto gheunk ami allsai kaddlea. Zaite pavttim, "Misak vochona
zalear Patok zata" oslea monan ami misache bhettent vantto ghetla ani Tujea disacho
orth ani somoz chukicho kela. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
CHOVTHEM STHAN:
JEZU APLE AVOIK MELLTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Chovtho Updes: Avoi-Bapaik man dinvcho.
Niall:
Eke avoichem kalliz kitlem mhovall, tichem kalliz rokhddench aplea bhurgeam thaim
voddtta. Aplo Put khuris vhorta tem polleun, Marie-chem kalliz dukhi zata. Ti aplea
Putak bhettunk sodta. Xekim Tichi bhett aplea Puta koddem zata. Aplea Putache koxtt
pollevn, tichem kalliz kitlem dukhunk na zait? Amchim avoi-bapui amkam khub koxtt
kaddun vaddoitat. Ami koxttovtanv ten’nam tanchem-i kalliz dukhi zata. Ami tankam
okmanachim utram uloitanv ten’nam tanche-i kalliz fugar zata. Ami tankam
ghorantlim bhair ghaltanv ten’nam tanchem kalliz dukhunk lagta. Tori astana tim
amcho khub mog kortat ani amkam bhettunk ani bhogsunk tim ravtat. Punn amich,
amchea avoi-bapaink man diunk, tankam somzunk ani tanche lagim bhogsonnem
magunk visortanv.
Magnnnem:
54
Mogalla Jezu, Tunvem Tuje avoik sodanch man diloi ani tika sodanch khalto ravloi.
Itlench nhoi, punn Tum tika ken’nach eksuri sanddun vochunk nai. Tika Tunvem
somestanchi avoi korun dili ani xekim, Tunvem tika aple sorim vheli. Punn amchi
vagnnuk urfattich zalea. Ami amchea avoi-bapaink man ani respet diunk ani portench
zalear, ami amchea avoi-bapaiam thaim onupkari vagleanv. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
PANCHVEM STHAN:
JEZUK KHURIS VHORUNK ADAR MELLTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Chovtho Updes: Vhoddilank man dinvcho.
Niall:
Ami sogllim somazant jietanv. Ani ho somaz bore bhaxen cholunk, veg-veglleo
podveo ani odikhar aslole monis vavurtat; xallent xikovpi, rajeant ani desant sorkari
montri, igorjent padri, adi. Soglleank Deva koddsun odhikar mell’lla. Chovthi adnia
amkam vhoddilank ani odhikariank, ap-aplea zagear ani ap-aple zobabdare
pormonnem, man diunk apoita. Ani oxem kortanv ten’nam amich amcho somaz, bore
bhaxen cholounk amcho sohokar ani adar ditanv. Punn zaite pavttim, veg-vegllea
karonnank lagun, ami vhoddilancher add vetanv ani somazant legit futti ghaltanv. Ani
osli sonvoi amchea kuttumbamni survat zata. Kuttumbantlea vhoddilank man
ditoleanv ten’nam ami somazant aslolea her vhoddilankui man ditoleanv ani
vhoddilank man ditoleanv ten’nam ami Devakui man diunk pavtoleanv.
Magnnem:
Mogalla Jezu, Tuka somazachea vhoddilam fuddean ubo kelo, ten’nam ‘Apunn
Devacho Put ani apnnak odik podvi asa mhonn dakhounk, vhoddilanchea odhikara
voir cholunk zatalem, punn Tum vhoddilank khalto ravloi. Ho odhikar Tujeach Bapan
tankam dila mhonn Tunvem vollkhun ghetlem ani tankam man dilo. Ami zalear Zaite
pavttim amchea vhoddilancher add geleanv. Amchea vhoddilank man diunk na.
Amkam bhogos.
Fuddari: Kaklut amchi kor Somia.
Sogllim: Kaklut amchi kor.
55
SOVEM STHAN:
VERONIKA JEZUCHEM MUKHAMOLL PUSTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Panchvo Updes: Aplea jivak man dinvcho.
Niall:
Jivit zavn asa, amkam Devachem vortem dan. Ani tea von Aplea rupachim amkam
rochleant. Amchea jivitacho rochnnar ani dhoni Toch. Tannech amkam avoichea
kusveant akarleant. Aiz zaitim zannam aplea jivitak man dinant, Jivitachi vitt ailea
mhonnon jiv diunk sodtat. Aiz kitlim amchi tornnattim, veg-vegllea karonnank lagun
aplo jiv sompoitat. Amchea jivitacho nas korunk amkam kosloch odhikar na.
Veronika Jezuchem mukhamoll pusta, ani Jezu aplem mukhamoll tea rumalar
chhapun haddtta. Jezuk amchea jivitacho maz korum-ia ani Tachem rup amchea
jivitant chhapun haddum-ia. Ten’nach ami sompurnn jivit jieunk pavtoleav.
Magnnem:
Mogalla Jezu, Tunvem amkam Tujea mogan ani Tujea sarkeachim rochleant. Punn
ami amchea jivitak man diunk na. Amchea jivitachem vorteponn vollkhun, dor disak
amchea jivitachi, dhin’vasnnechi bhett Tuka bhettounk ami visorleanv. Amkam
bhogos.
Fuddari: Kaklut amchi kor Somia.
Sogllim: Kaklut amchi kor.
SATVEM STHAN:
JEZU DUSRE PAVTT DHORNNIR PODDTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Panchvo Updes: Peleachea jivak man dinvcho.
Niall:
Jezu Aplo khuris ghevn vetana, sarkoch thokta ani dusre pavttim dhornnir poddtta.
Soinik tacher khontto ani soiteo marun Taka utthoitat. Jezu utth’ttha ani Apli fuddli
vatt dhorta. Aiz mon'xacho valor unno zait veta, jiv pasun kaddunk ami bhienant.
56
Mon'xak kochro koso lekhtanv. Amcheach ghorcheam vangddeank khonttamni,
thapttamni martanv. Hospital-ant dotor, kusveant aslolea bhurgeacho jiv kaddttat.
Rostear monis obseogak sampddun koxttovta ani tollmollta, punn ami taka hat divn
adar diunk sodinanv. Oslem amchem monisponn ani amchi vangnnuk, peleachea
jivak man diunk ani pelea sovem Jezuk polleunk ani Jezuk onnbhovunk addaita.
Amkam bhogos.
Magnnem:
Mogalla Jezu, Tunvem dusreanchea jivitak mhotv dilem. Dusreanchea jivitachem
vorteponn Tunvem voir ukhlun dovorlem. Somazant bhairailoleank Tunvem
apnnailim ani tankam Tunvem, novem jivit favo kelem. Punn ami oslem mon’xall
jivit jieunk fattim urleanv, Peleachea jivak man diunk visorleanv. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
ATTHVEM STHAN:
JERUZALEACHEA OSTOREANK JEZU BHUZVONN DITA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Sovo Updes: Utramni ani Kornneamni kuddichem nirmollponn
samballchem.
Niall:
"Dor eka mon'xachi kudd Somiak bhettoiloli asa, tatunt Somi Dev thikann korta ani
Apli korun gheta. Dekhun Amchi kudd pozoddponnak bhettounchi nhoi.” Aiz
tornnatteanchea tonddar vaitt-gallianchim utram ek style zalea ani utra konn-konnim
galliancho pavs xinvorta. Itlench nhoi, punn pozddea ulovpa vorvim, kuddichea
pozoddponnak ani onirmollponnak karonn zalam. Amche kazari dadle ani bailo,
ovisvaxiponnan vagun, kuddichem visvasponn ani nirmollponn samballunk chukleant.
Magnnem:
Mogalla Jezu, Tunvem amkam tondd dilai, he vorvim dusreank borem utor diunk Tum
amkam huskaitai. Toxench sonvsarik boreponn bhogunk, Tunvem amkam sobit kudd
dilai. Punn soitanache tallnnent poddun utramnim ani kornneamni, kuddichem
nirmollponn rakhunk ami fattim urleanv. Amkam bhogos.
57
Fuddari: Kaklut amchi kor Somia.
Sogllim: Kaklut amchi kor.
NNOVEM STHAN:
JEZU TISRE PAVTT DHORNNIR XEVTTOTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Satvo Updes: Chorum noie.
Niall:
Jezu thoklo. Anik ani vatt Tachean cholunk zaina. khursachea bharan To tisre pavttim
khala poddtta. Cholunk zaina, tori astana to utth’ttha ani Aplim pavlam fuddem marta.
Soglleanche nodrek ubo ravun, Zakev Somiak mhonntta, "Saiba! polle, atanche-atam
mhoje girestkaiecho ordo vantto hanv goribank ditam, ani hanvem konnak fosoila
zalear, chovpott portun ditam". Ten’nam Jezu taka mhonntta, "Aiz hea ghorak taronn
ailem". Zakevachem jivit ami zannanv. To ek patki, chor, nagovnno, fottkiro,
duddvanche axecho monis aslo, Punn Jezu tachea jivitant ietoch, tachea ghorabeant
ani tachea jivitant xanti ieta. Ami dusreanchem chorun girest zaunk sodtanv, ten’nam
amchea khuttunbant ani amchea jivitant xanti, sovostkai asona.
Magnnem:
Mogalla Jezu, ami dusreank chorun, nagovn, girestkai ektthaim kelea. Oxe toren
amcheach kuttumbant ani amcheach jivitant ami dusreanchem vaitt magun ghetlam.
Amkam bhogos.
Fuddari: Kaklut amchi kor Somia.
Sogllim: Kaklut amchi kor.
DHAVEM STHAN:
JEZUK VINGLLO KORTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Satvo Updes: Peleachea vostunk nuksann haddum noie.
Niall:
58
Xipai Jezuchem angavlem kaddttat ani Taka vingllo kortat. Uprant, tem sorti ghalun
konnak poddtta kai mhonn polletat. Satvi adnea, amkam dusreanche vostunk nuksann
haddum naka, mhonn sangta. Aiz ami apsuvarthiponnan bhorun, apleponnan chintun,
nattkai korun, dusreanchea vostunk nuksann haddttanv. Addkam-naddkam korun,
dusreancheo vostu amcheo korun ghetanv. Amcho ghorcho koir vhorun, kollonastana
dusreanchea bhattant uddoitanv. Poixe asat mhonn, artem aslolem portem korun,
khottim kagdam korun, dusreanchim bhattam viktim ghetanv ani gorje bhair durig
ghalun, dusreancheo vatto ami addaitanv.
Magnnem:
Mogalla Jezu, amche nattkaiek lagun, amche axek lagun, amchea peleak ani tachea
vostunk khub nuksann haddlam. Ani he vorvim, amchea peleak ami dukh, koxtt, tras
dileat. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
IKRAVEM STHAN:
JEZUK KHURSAR KHILLAITAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Satvo Updes: Peleak favo ti mozuri dinvchi.
Niall:
Jezu hea sonvsarant Aplo boro vavr korit gelo. Soglleank boreponn ximpddait gelo.
Hea Tachea borea vavrak, ‘khursachem moronn,’ Tachea jivitachi xim’ zali. Ami
oxench kitem amchea vavraddeam thaim kortanv. Amchea vavraddeam thaim ami
khub vavr korun ghetanv, punn tanchi mozuri dinvchea vellar ami tankam sotaitanv.
Tankam ami favo ti mozuri dinanv. Amchea kitleancheach ghoramni sirvidor astolim.
Amchea sirvidoram thaim amchi vagnnuk kosli zata kai? Tanchea vavrachi favo ti
mozuri ami tankam ditanv kai?
Magnnem:
Mogalla Jezu, veg-vegllea panvddeancher ani veg-vegllea poristhitincher, amche
khala asloleam, sorkari toxench khasgi vavraddeam thaim, mon’xallaien vagunk nanv,
tanchea vavrak favo ti mozuri diunk na. Amkam bhogos.
Fuddari: Kaklut amchi kor Somia.
59
Sogllim: Kaklut amchi kor.
BARAVEM STHAN:
JEZU KHURSAR MORTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Atthvo Updes: Fott marum noie ani peleachem nanv uboum noie
Niall:
Jezuk, hem khursachem moronn favo korunk, zaite fotting govai toiar kele ani
fottingponnanuch, Jezuk hem moron favo kelem. Jezucho ghat ghetlo ani Jezuk
khursar killailo mhonn, tache dusman khub khuxal zale. Punn Jezun Aplo Atmo Aplea
Bapachea hatant ghatlo, teach vellar ani tech ghoddiek tanchi khuxalkai nopoit zali.
Bhirant ani niraxiponn tanchea jivitant bhitor sorlem. Fotti govai divn, peleak
dukhovn, peleachem nanv vibaddun, jivitant khuxal astolom, mhonn ken’nach
chintinaka. Bhirant sodanch tujea sangatak astoli, karonn sot ken’nam uzvaddak
ietolem, tem tuka khobor na. fottingponnan jielear, sotachi bhirant tuka sodanch
sotaitoli.
Magnnem:
Mogalla Jezu, fotti marun, fottik govai diun ami niropradi mon'xak guneavkari kela.
Fottingponnak sangat diun, niropradi mon'xak bondkhonnint ghatla.
Fottingponnachem jivit jieun, ami amchem patok lipounk sodlam. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
TERAVEM STHAN:
JEZUK KHURSAVOILO DENVOITAT ANI TACHE AVOICHEA GOPANT
GHALTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Nnovo Updes: Chintnamni ani anvddeamni nirmollponn samballchem.
Niall:
60
Amchim chintnam sobar. Borim-vaitt, zaite torechim chintnam amchea monant
ghunvtat. Borim chintnam amkam Devachea mogan ani peleachea mogan vaddunk
adar kortat, zalear vaitt chintnam amchi kallza-monachi xanti vibaddttat, kuddichem
nirmollponn bhoxttaitat ani otmeachi Povitrtai bigoddttat. Amchem kalliz-mon nitoll
asta ten’nam amkam borim chintnam ietat, karonn ami jem chintanv, tench ami
anvddetanv ani tench ami kortanv.
Magnnem:
Mogalla Jezu, Tuji Povitr kudd khursaveli denvoun, Tuje avoiche povitr vengent
ghatli. Tuje avoichi veng povitr ani nirmoll asli. Punn aiz tuji kudd amchea vengamni
gheunk ami purtim nhoi. Vaitt chintun, vaitt anvddevn, vaitt korun, amche kuddichi
povitrtai vibaddlea ani amchi veng opovitr kelea. Amkam bhogos.
Fuddari: Kaklut amchi kor Somia.
Sogllim: Kaklut amchi kor.
CHOVDAVEM STHAN:
JEZUK FONDDANT NIKHIPITAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Dhavo Updes: Peleache vostunchi axa dhorum noie.
Niall:
Jezu mhonntta, "Sonvsarant tumkam theve ektthaim korum nakat, punn sorgar
tumkam theve zomovn dovrat. Sonvsarant tumi peleache vostunchi axa dhorun
jienakat, punn Sorginchea Rajeacher dolle lavn jieiat". Karonn, Kristi jinnecho hetu
mhollear, melea uprant Sorgar vochpacho ani hoch anvddo amchea kallzant dovrun
ami jieunk favo. Sirakachea pustokant amkam oxem melltta, "Addkam-naddkam
korun zomoilole grestkaiancher tujem kalliz dovrum naka; nisonttonachea vellar teo
tuka kosleach faideak poddcheo nant.
Magnnem:
Mogalla Jezu, hea sonvsarant jietana, ‘Bapachi khuxi’ hoch zalo Tuzo anvddo. Tujem
kalliz ani mon, Bapachea Rajeacher aslem. Hea sonvsarant jieunk, Tunvem amkam
gorjechem tem favo kelai, punn tori astana ami amchem kalliz ani mon amchea
peleachea vostuncher dovrun jieleanv. Amkam bhogos.
Fuddari: Kaklut amchi kor Somia.
61
Sogllim: Kaklut amchi kor.
Xevottachem magnnem:
To girest tornnatto Jezuk mhonntta, “Hanv lhanponni thavn, hem korit ailam”. Jezu
tacher barik nodor marta ani mhonntta, “Ekuch tuka unnem; voch, tuje koddem asam
titlem-i vik ani duddu goribank di, ani tuka sorgar thevo mellttolo; magir ie ani
Mhozo pattlav kor.” Punn to girest monis him utram aikun, dukhabhorit zavn, portun
veta. He khursache vattent ami hea ‘Dha Updesancher’ niall kela ani koxe toren
amchem jivit zanvchem, hacher ami bhor ghatlea. Mogalla Jezu, he updes ami amchea
jivitant pallun, ami tujea Rajeache daiji zaunk, amchem kalliz mon aitem kor. Amen.
Pap Saibachea Sonkolpam Pasot:
Amchea Bapa…….
Noman Marie…….
Mhoima Bapak…...
62
SONVSKARANCHER ADARLOLI KHURSACHI VATT
VIXOI: “SONVSKARANTLEAN BOLL GHEUM-IA, JIVITACHI VATT
CHOLUM-IA.”
Survatechim Utram:
Mogall bhoinnim-bavamno, amchea zolma te mornna poriant, Sonvskar amkam
sangat ditat. Povitr Sobhent satui Sonvskar Jezun ghoddleat ani te vorvim amchi vadd
zaunk te amkam bhasaileat. Tor aiche Khursache vattecho vixoi: “Sonvskarantlean
boll gheum-ia, jivitachi vatt cholum-ia.”
Sonvskaramni Dev amkam mellunk ieta ani amkam Povitr korta. Amchea dor eka
jivitachea panvddear ami ek-ek Sonvskar ghetanv ani he vorvim, Dev amchea jivitant
amchea sangata asa mhonn dakhoitanv. Tor, aiz ami hi khursachi vatt choltana
Sonvskaranchem mhotv vollkhun, tancheach bollan jivitachi koxtti ani teagi vatt
cholunk amkam boll magum-ia.
(Chotrai dovorchi: Don-don sthanamni ami dor eka Sonvskaracher niall kortoleanv
ani konn porim, dor eka Sonvskara vixim amchem mon zanvchem tem ami
niallttoleanv).
POILEM STHAN:
JEZUCHER MORNNACHEM FORMONN MARTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Sonvskar: Povitr Snan vo Bautizm
Niall: Povitr Snana vorvim ami sogllim Devachim apnnailolim bhurgim zatanv. avoi-bapui
aplea bhurgeak, Povitr Snan diunk igorjent gheun ietat, ten’nam tea bhurgeak
Devachea mogan vaddounk ani tachea bhavarthachi akarnni korunk, Povitr Sobhe
hujir bhas ditat. Hi amchi avoi-bapainchi zobabdari, ami sarki pallttanv kai? Devachea
mogan vaddounche bodlek, sonvsari vostuncho mog dakhovn, tanche vaitt vaddik
ut’tejon dilam. Hea karonnan aiz kitlinch amchim bhurgim ani tornnattim vaitt rostear
pavleant. Amchea bhurgeank goroz tem ami ditanv punn gorjechem tem diunk ami
visortanv. Oxe toren ami amcheach bhurgeancher mornnachem formonn martanv.
Magnnem: Mogalla Jezu, Tunvem amkam avoi-bapaink bhurgeachem dennem favo kelai ani tech
borobor, hea bhurgeak Tujea mogan vaddounk, amkam kherit zobabdari dilai. Punn hi
amchi zobabdari ami sarki pallunk na. Kolltta-nakolltta ami amchea bhurgeanchea
63
vaitt sobhavachim karonn zaleanv. Amchea bhurgeank ami amcho mog ani vell diunk,
ani bhov korun Tujea mogan vaddounk, amkam Tuzo adar di.
Fuddari: Kaklut amchi kor Somia.
Sogllim: Kaklut amchi kor.
DUSREM STHAN:
JEZUCHEA KHANDAR KHURIS GHALTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Sonvskar: Povitr Snan vo Bautizm
Niall: Udok, tel, dhovi nhesonn ani pettloli vat, zavn asat Povitr Snanacheo kaim khunnam.
Hea khunnam vorvim ami Jezuk nhestanv ani Jezuchea Iadniki, Provadi ani
Raiponnachea kariak khand martanv. Iadnik koxim ami Povitr Misache bhettent
vantto ghevn, amcheach jivitachi bhett Jezu borobor Bapak kortanv. Provadi koxim
ami amchea utram ani kornneam vorvim Jezuchi bori khobor porgott’ttanv ani Rai
koxim dusreanchi, odik korun gorjevontanchi seva korunk Jezu apoita. Punn amchea
jivitant pollelear, hea tinui kariancher visor poddlolo zannovta. Hea tinui kariam
vorvim, amchem Kristi jivit orthabhorit korunk ami fattim urleanv ani xelli-moddim
Kristanvam zavn, Povitr Sobhent ami zodd-bharadik khuris zaleanv.
Magnnem: Mogalla Jezu, Povitr Snana vorvim Tunvem amkam Iadniki, Provadi, ani Raiponnant
vantto dilai. Him kariam amchea jivitant pallun, mogachi, bhavponnachi, ekvottachi,
eka-mekachea huskean bhorloli, eka-mekachea adarak pavtoli, Povitr Sobha ami
bandun haddunk amkam Tuzo adar di.
Fuddari: Kaklut amchi kor Somia.
Sogllim: Kaklut amchi kor.
TISREM STHAN:
JEZU POILE PAVTT DHORNNIR PODDTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Sonvskar: Thiravnnecho Sonvskar vo Krizm
Niall:
64
Thiravnne Sonvskara udexim amkam Povitr Atmeachim dennim purponnim favo
zatat. Eke bhaxen, Povitr Snanant xevlolea Povitr Atmeachi amche bhitor zag zata.
Hea sonvskara vorvim, Jezuche govai zaunk, utramni ani kornneamni bhavarth
ximpddaunk ani bhavartha khatir zhuzunk amkam adex melltta. Ani hem korunk, toch
Povitr Atmo amkam, aplem kherit boll dita. Hem sot ani hi sozmonni ami vollkhun
ghetlea kai? Povitr Atmeachim follam gheun Povitr Sobhent ani somazant Jezuchim
okhondd sakxidaram zaleanv kai?
Magnnem: Podvedar Jezu, tum khursachea bharan poilech pavtt dhornnir xevttolo, ten’nam tum
tosoch thoinch ravunk nai, punn tum utthloi. Amkam mell’llolim Povitr Atmeachim
funkott dennim ani follam ami khorea monan svikarunk ani Tujea rajea khatir tim
vaprunk chuktanv, ten’nam Tuje mukhar ami khala poddttanv. Oslea vellar novean
utthun, heach Povitr Atmean bhorun, Tuje vhhoddvike khatir, Tuje mhoime khatir
vavrun, amkam dil’lem karia pallunk, Tunch amkam adar di.
Fuddari: Kaklut amchi kor Somia.
Sogllim: Kaklut amchi kor.
CHOVTHEM STHAN:
JEZU APLE AVOIK MELLTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Sonvskar: Thiravnnecho Sonvskar vo Krizm
Niall:
Jezu apli koxtti vatt choltana aple avoik melltta. Mari, hench Povitr Atmeachem boll
gheun, aplea Putak ut’tejon dita. Amchea jivitant koxtt-trasam vorvim niraxiponn ieta
ten’nam, hea koxtt-trasank fuddo korunk, amkam Povitr Atmo ghottai dita. Teach
borobor jivitachea pavla-pavlak zobabdareo vaddttat, ten’nam heo zobabdareo
pallunk, Povitr Atmeachea Denneanchim amkam goroz poddtta. Ani heach Povitr
Atmeachea bollan sogllea addkhollink fuddo korunk adar melltta.
Magnnem:
Somia Jezu, Tuje avoin tuka Tuzo khuris vhorunk, aplea asnnea vorvim boll dilem,
tech porim amcher koxtt ietat ten’nam Povitr Atmeachea asnnean, Tacheach bollan,
tankam fuddo korunk ani dusrim koxttovtat ten’nam tankam-i ami adar ani nett diunk
Povitr Atmeachea adaran amchim mona uzvaddai mhonn magum-ia.
Fuddari: Kaklut amchi kor Somia.
65
Sogllim: Kaklut amchi kor.
PANCHVEM STHAN:
JEZUK KHURIS VHORUNK ADAR MELLTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Sonvskar: Piddestanchi Mhaknni
Niall: Hea sonvskarant, padri Jezuchea nanvan piddestancher hat dovorta, magnnem korta
ani tel laita. He mhaknne vorvim Jezu Piddevontank ghottai dita, Tanchi bigoddloli
bholaiki portun dita, odik korun tanche koxtt sonsunk tankam adar dita. Zaite pavttim
hea sonvskaracho khoro orth somzunk ami pavunk nanv, to amkam sorgar vochpachi
ticket koxi dislea. Ho Sonvskar gheunk ami bhieleanv.
Magnnem: Mogalla Jezu, Hea sonvskara vorvim Tum amchea sangatak ravun, amche khuddiche
piddecho khuris vhorunk, amkam tum adar ditai. Amkam tum khori pekhovnni favo
kortai. Hea sonvskarachi ami sarki somzonnim ghevn, amchim monam uzvaddai ani
hi makhnni ghetolea bhavam-bhoinnink pekhovnni favo kor.
Fuddari: Kaklut amchi kor Somia.
Sogllim: Kaklut amchi kor.
SOVEM STHAN:
VERONIKA JEZUCHEM MUKHAMOLL PUSTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Sonvskar: Pidestanchi Makhnni
Niall: Jezuchem ghaiall zal’lem mukhamoll pollevn, Veronika ek rumal ghevn fuddem sorta
ani Jezuchem mukhamoll pusta. Piddestank fokot Sontesanv lailear puro na,
mhotvachem ki ami soglleamni, tanchea ghorcheamni, xezareamni, ixtt-mitramni
tankam amcho vell, seva ani sangat diunk goroz. He vorvim, nhoich hea sonvskara
vorvim punn odik korun, Amchea moga vorvim tanche koxtt sonsunk ami adar
zatoleanv.
Magnnem:
66
Jezu, voizanchea voiza! tunvem zaitea lokak hat lavn bore kele. Ami Amchea
piddestam sangata amcho vell sarunk, tankam adar diunk ani Veronika bhaxen
tanchem ghaiall zal’lem mhukamoll pusunk amkam urben bhor.
Fuddari: Kaklut amchi kor Somia.
Sogllim: Kaklut amchi kor.
SATVEM STHAN:
JEZU DUSRE PAVTT DHORNNIR PODDTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Sonvskar: Sondhan Sonvskar vo Kumsar.
Niall: Jezu Dusre pavttim khursachea bharan dhornnir poddtta. Ami zalear, bogor-bogor
amcheach patkanchea bharan poddttanv. Jen’nam ami patok kortanv, ten’nam ami
Devak okman kortanv, Tache lagim aslolem mogachem natem toddttanv.
Kumsarachea sonvskara vorvim ami prachit kortanv ani mon bodlun Devaxim portun
vetanv. Kitle pavttim ami hea sonvskarachi beporva kelea kai? Ho sonvskar gheunk
vetanv, ten’nam amchea ontoskornnachi chovkoxi korun, amchea patkachi dukh
dhorun, portun patok korcho nam, mhonn nichev kela kai? Sogllim patkam padrik
sagun, padri dita tem prachit ami pall’llam kai? Oxe toren khontibhorit kallzan
amchem kumsar ami kortanv vo kaido asa mhonn ami kumsar zatanv kai?
Magnnem: Kaklutivont Bapa, vechik puta bhaxen ami sanddttanv, ten’nam vechik putachea
mogall ani doiall bapai bhaxen, amkam Tuje vengent gheunk amchi vatt Tum polloit
ravtai. Ami patkant poddttanv title-i pavttim, ek borem kumsar korunk ani prachita
vorvim tuje vengent portun ieunk amkam boll di.
Fuddari: Kaklut amchi kor Somia.
Sogllim: Kaklut amchi kor.
ATTHVEM STHAN:
JERUZALEACHEA OSTOREANK JEZU BHUZVONN DITA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Sonvskar: Sondhan Sonvskar vo Kumsar
67
Niall: Jezu Aplo khuris ghevn vetana, Jeruzaleachea roddttolea ostoreank bhuzvonn dita.
Kumsarachea sonvskarant ami amchea patkachi khori dukh dhorun, Jezu lagim
bhogsonnem magtanv, ten’nam Jezu amkam bhuzvonn favo korta. Sondhan-
Sonvskara vorvim ami nhoich Deva lagim, punn mon’xam koddem-i sondhan
kortanv. Zaite pavttim ami kumsar zatoch, Deva lagim sondhan kortanv punn pelea
lagim sondhan korunk visortanv. Peleak bhogsunk ani Pelea lagim bhogsonnem
magunk ami fattim sortanv.
Magnnem: Doiall kaklutsara Jezu! tunvem tujea jivitant soglleank bhogxilim. Aiz amkam Tuje
bhaxen, chukloleank bhogsunk ani goroz poddlear legit, tanche koddlean bhogsonnem
magunk ani bhogsonnem gheunk amkam aitim kor.
Fuddari: Kaklut amchi kor Somia.
Sogllim: Kaklut amchi kor.
NNOVEM STHAN:
JEZU TISRE PAVTT DHORNNIR XEVTTOTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Sonvskar: Dev-Munniareanchi Sonvskarnni vo Ord
Niall: Jezun sadea, osokt mon’xank aplo pattlav korunk apoile. Pedru, Judas ani her xis aple
osoktaiek lagun poddle. Pedru apli osoktai vollkhun gheta ani Jezu lagim bhogsonnem
magta ani Jezu taka bhogxita. Aichea kallar Toch Jezu, osleach osokt mon’xank
iadnik zaunk vinchun kaddtta. Tanche osoktaiek lagun, te-i ken’nam-ken’nam zomnir
xevttotat. Oslea vellar, tanche sovem amchi vagnnuk kosli zata kai? Tanche he
osoktaiek lagun, ami tanche pasot Deva lagim magtanv kai?
Magnnem: Bollvont Jezu! Khursachea bharan tuji kudd osokt zavn, tum tisre pavtt dhonnir
xevttolo. Amche-i padri osokt ani aple osoktaient te poddttat, ten’nam tanche pasot
magunk amkam xikoi, ani tanche osoktaient Tunch tachem boll za.
Fuddari: Kaklut amchi kor Somia.
Sogllim: Kaklut amchi kor.
DHAVEM STHAN:
JEZUK VINGLLO KORTAT.
68
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Sonvskar: Dev-Munniareanchi Sonvskarnni vo Ord
Niall: Jezucho vavr toch Iadnikacho vavr. Devacho mog mon'xank ugto korunk ani mon'xak
Devaxim pavounk, hoch Jezucho vavr zalo. Hench karia, ek iadnik apnnakuch visrun,
Jezucho vavr fuddem vhorunk vavurta. Xipaiamni Jezuk vingllo kelo, toxem aiz ami-i,
Jezun vinchun kaddlolea heach iadnikank, tanche osoktaiek lagun vinglle kortanv.
Tanchi osoktai ami somzun ghenvche suvater, tanchem nanv uboitanv, tancheo
khobro ganv bhor kortanv, tanchi kagall gheun Bispachea darar vetanv. He porim
tankam sobhemazar ami vinglle keleat.
Magnnem: Mogalla Jezu, ami chuktanv ani patok adartanv, ten’nam ami padrimxi kumsarak
vetanv. To amchi sogllim patkam aikota ani konnank kolloi nastana, Tujeach nanvan
amkam bhogsonnem dita. Jen’nam amcho iadnik chukta, ten’nam tacheo khobro
korun, tachem vaitt ulovn, ami taka sobhemazar vingllo korina zaunk, somjikaiechem
kalliz amkam di.
Fuddari: Kaklut amchi kor Somia.
Sogllim: Kaklut amchi kor.
IKRAVEM STHAN:
JEZUK KHURSAR KHILLAITAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Sonvskar: Komunianv
Niall: Jezun nimannea jevnnar unddo moddlo ani to Aplea xisank dilo ani mhollem: “Hi
Mhoji kudd… Hanvem ti tumche pasot somorpunchi asa”. Ani hich Apli kudd
Tannem khursar somorpili. Ho gutth komunianva vorvim amkam bhogunk melltta.
Iadnik unddo gheta, povitr utram mhonntta ani sado unddo Jezuche kuddint bodolta.
Zaite pavttim hea povitr vellar, dhean-mon divn ami misant vantto gheunk na.
Thodde pavttim ami dubavleanv ani komunianv mhollear, ek chalto unddo koso ami
dhorla. He porim Jezuche kuddik okman kela.
Magnnem:
69
Jezu mogalla, hea chaltea unddea rupan, tum amchea kallzamni biradd korun, amkam
novem jivit favo kortai ani amkam kuddi-otmeachi pekhovnni favo kortai. He Tuje
kuddik ami man diunk, bhavarthan Tuka xevunk, amchim kallzam aitim kor.
Fuddari: Kaklut amchi kor Somia.
Sogllim: Kaklut amchi kor.
BARAVEM STHAN:
JEZU KHURSAR MORTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Sonvskar: Komunianv
Niall: Jezun nimannea jevnnar kals ghetli ani tem Aplem rogot mhonn vanttun dilem. Hench
rogot, amche soddvonne pasot Tannem khursar varoilem. Aplea rogtan Tannem
amchim patkam dhuvun kaddlim. Hacher ami ken’nam tori lokx ghatlam kai? Vo
amchim adlinch patkam portun-portun adarun ami teach chiklant lhovtanv kai? Aplem
rogot varovn Jezun haddloli soddvonn ami ozun onnbhovchi asanv kai?
Magnnem: Mogalla Jezu, amkam soddvonn favo korunk, ami Bapachea mogachi veng
onnbhovche khatir, Tunvem Tujem rogot varoilem. Tujea eka-eka rogtachea
thembeacho valor korunk amkam xikoi. Tujem rogot amcher xinvrai ani amkam
povitr kor.
Fuddari: Kaklut amchi kor Somia.
Sogllim: Kaklut amchi kor.
TERAVEM STHAN:
JEZUK KHURSAVOILO DENVOITAT ANI TACHE AVOICHEA GOPANT
GHALTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Sonvskar: Logn Sonvskar
Niall:
Logn zavn asa ek apovnnem. Logn Sonvskara udexim ghov ani bail Devacho oprimit,
xim’-mer naslolo mog hajir kortat. Aplo sompurnn mog eka-mekak vanttun, Devache
70
rochnnechea vavrant sohokari zavn bhurgeank zolma haddttat. Aiz kitlim kazari
zoddiam, bhurgeachem dennem axetat ani kitlinch kazari zoddiam bhurgeachem
dennem nakartat. Kusveant rochun ailolea bhurgeacho jiv kaddttat, tanchi kudd
kochreachea dhobeant uddoitat. Itlench nhoi, ek bail apli kudd, dusrea dadleache
vengent dita, zalear ek ghov apli kudd, dusre baileche vengent ghalta. Jezuchi mel’li
Povitr kudd khursaveli denvoitat ani Tache avoiche vengent ghaltat. Ami amche
kuddik ani dusreanche kuddik kitlo man ditanv kai?
Magnnem:
Mogalla Jezu, amchea ghov-bailechea mogachea ani ekvottachea jivita udexim, ami
Tujea mogachi sakxi diunk amkam Tuzo mog di. Ani amchea mogacher ani
ekvottacher, koslich addkholl ghali nastanam, bhurgeachem dennem ami svikarun,
amcho kuttumb sufoll korunk amchim monam uzvaddai.
Fuddari: Kaklut amchi kor Somia.
Sogllim: Kaklut amchi kor.
CHOVDAVEM STHAN:
JEZUK FONDDANT NIKHIPITAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Sonvskar: Logn Sonvskar
Niall: Mog zavn asa Logn Sonvskarachi buniad. Mog mhollear apleakuch visrun dusrea
khatir jievop. Osloch mog Jezun, Apnnachench bolidan khursacher korun amkam
dakhoilo. Ho Jezucho Ap-teagi mog, kazari jivitachea mogacho nomuno. Aiz zaitea
karonnank lagun, kitleach zannanchea lognik jivitant futt poddlea. Ghov ani bail
ekvottan jienant. Mog, somjikai mhonnttat ti unni poddunk laglea. Dubavuch na,
kazari jivitant voir-sokol zatach, punn kazari jivit tuttun poddop hacho xevott nhoi.
Jezucher nodor marum-ia. Jezuchi mel’li kudd fonddant nikipitat, punn Jezu tea
fonddantuch urona, tisrea disa jivont zata. Kitlim-i vhodd tufana kazari jivitant uprasli
zalear, kedo-i vhoddlo proxnn poddlo zalear, eka mekak soddinastana fuddo korum-ia.
Hacho xevott kazari jivit sompurnn zatolem ani Devacho mog ani Devachim sobar
besanvam ami onnbhovunk pavtoleanv.
Magnnem:
Mogalla Jezu, Logn-Sonvskarachem Povitrponn vollkhunk ani eka-mekak ditat ti
mogachi ani visvaxiponnachi bhasavnni, moro porian samballunk, amkam Tuzo adar
di.
Fuddari: Kaklut amchi kor Somia.
71
Sogllim: Kaklut amchi kor.
Xevottachem Magnnem:
Mogalla Jezu, sonvskaram vorvim amchea jivitachea veg-vegllea panvddeacher,
Tujem hajirponn disun ieta. Sonvskaram udexim, amkam Tuji soddvonn pavta. Hi
kursachi vatt Tuje borobor choltana, Tuvench dil’lea sonvskarancher ami niall kela ani
dor eka sonvskara vorvim, amkam favo zatolem novem jivit ami koxe toren jieuchem,
hacherui ami bhor ghala. Hea sonvskaranchem mhotv vollkhun gheun, Dev-jivitant
ami vaddot vochunk, Tunch amkam Tuzo adar di. Amen.
Pap Saibachea Sonkolpam Pasot:
Amchea Bapa…….
Noman Marie…….
Mhoima Bapak…...
72
NIMANNEA
SUKRARAK
KHURSACHI VATT
73
NIMANNEA SUKRARAK: SOMUDAIANCHER ADARLOLI
KHURSACHI VATT
VIXOI: “APSUVARTHAK KHILLAUM-IA, SOMUDAIANT JEZUK
PORZOLLAUM-IA.”
Survatechim Utram:
Priticheam bhavam-bhoinnimno, hem gonvllik voros somudaiank bhettoilam. Ami
sogllim somudaiachim vangddeam. Kristi jivituch mhollear somudai. Somudai
mhollear xezaream-ghorabeam thaim ekchar, sevechem mon ani karia, Povitr
Sobhechea fuddaream thaim ekvott ani Jezu Krista thaim lagxil’lo sombond. He
khursache vattecho vixoi: “Apsuvarthak khillaum-ia, somudaiant Jezuk
porzollaum-ia.” He khursache vatte vorvim ami Jezuchea koxttancher niall
kortoleanv. He Jezuche koxtt amchea somudaik jivitant disun ietat. Amcho somudai
mhaka ani mhojea vangddeank ek khursachi vatt zalea kai? Hea vellar amchea
somudaiantle khuris niallum-ia ani Devache kurpen, tancher zoit vhorunk ani
somudaik jivit fultem ani jivall korunk, Devacho adar somestank magum-ia.
POILEM STHAN:
JEZUCHER MORNNACHEM FORMONN MARTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Jivitacho Onnbhov:
“Chol ge mai, somudaiek voch, vell zalo. Dor eka ghorantlo konn tori somudaiek
ieunkuch zai, oxem fuddari mhonntta.”
Niall:
Jezucher gharamnni ani goirsomozan mornnachem formonn marlem. Amchea monant
ek somudaia vixim vhodd goirsomoz asa. Amkam somudai mhollear, pondra disamni
eka vorachi, zatoli fokot somudaiachi zomat. Hea zomatimni vantto ghenant, tim
somudaiant poddonant oxem ami chintanv. Somudai mhollear mhojea xezareak
ravtolea ghorabeancho jivo ekvott. Punn somudaiachi zomat gorjechi. Punn hea
zomatimni vantto ghetelim, dusream vangddeancher formonn martat, tancheo khobro
kortat ani ken’nam tankam pallunk avgodd zatole nirnnoi ghetat. Somudaiachea
74
zomatimni bhag gheun, soglleanchea otmik faideak ani Kristi jivit fulounk ekdom
gorjechem.
Amcho Zobab:
Somudai mhollear ami sogllim, nhoich somudai zomat zata ten’nam, punn sogllea
vellar. Hanv somudaiache zomatik vochum vo na vochum, punn hanv somudaiacho
vangddi. Mhojem Kristi apovnnem folladik korunk, somudai ani somudaiacheo
zomati mhaka adar kortat. Mhojem mon ani kalliz somudaiam vixim chukichem
zalam, dekhun mhaka bhogos Jezu.
Fuddari: Kaklut amchi kor Somia.
Sogllim: Kaklut amchi kor.
DUSREM STHAN:
JEZUCHEA KHANDAR KHURIS GHALTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Jivitacho Onnbhov:
“Vincy itlo soro pieta, ki taka pill’llear soroch gollttolo. Hea disamni tachem pievop
hispa bhair zavn, to atam hospital-ant koddkoddtta. Vorsak ek pavtt tori tachem hem
nattok asanch, tache anik khobrek vochpachem?”
NIALL:
Jezuchea khandar to bharadik khuris ghalo, amchea moga khatir to sonsnnikaien
fuddem vhelo. Amchea sorvbhonvtonnchea ghorabeamni zaka ami somudai
mhonnttanv, thoim zaitem vaitt ghoddtta. Bebdikai, moddko khellop, bhattam-
vattechem kestanv, zhaddachea kandeank ani pikun poddttolea panank lagun
zhogddim, zati-kati voir kaddop adim. Hea soglleam vostoleam vaitthak lagun
amchem kalliz-mon uchamboll zata ani jivituch khuris koso dista. Toxench mhaka
vaitt kortoleank, hanv vaitt nodren polletam, mhoje nodrevoilim tim khala poddttat,
mhoje nodrentlean tancho khuris hanv bharadik kortam. Mhojea somudaiantlea
vangddeam modem bhed ani vegllochar kortam.
Amcho Zobab:
Mhojea sorvbhonvtonnchea mon’xam sovem hanv somjik, bhogsonnem ditolom ani
ghetolom, kalljidar govai zaunk na. Jezu, mhaka bhogos.
Fuddari: Kaklut amchi kor Somia.
Sogllim: Kaklut amchi kor.
TISREM STHAN:
75
JEZU POILE PAVTT DHORNNIR PODDTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Jivitacho Onnbhov:
“Are! atam atth voram zait ailim, bai ozun tuition-ak thavn ieunk na, bexttich bhirant
dista. Bab kitlo-i vell korun ailear zata punn baiek matso vell zalear kalliz kampta. Bai
mhollear matxem osokt ani tacho konnui faido kaddunk xokta.”
Niall:
Jezu dhornnir apttolo toso, aiz zaiteo ostoreo ani choli bhurgim hinnponn bhogtat.
Ami sogllim, eke ostorek zolmoleanv, torui tichea sarkea rupkara sovem onit
adartanv. Amchea ghorabeant nodor marlear, amcheo avoio sokallim utth pasun tem
nhido poriant, aplo dispott’ttim vavr fikirin kortat. Dadlo ani ostori ekach dorjeachem
kam’ korun, ostorek unnem pagar melltta. Bhurgeamni mosteponnam kelear, avoik
bottam dakhoitat. Dadlo apli dadagiri ani hukum’xai ostorecher choloita punn
ghorabeant ani vavrache suvater eke ostorecho vhoddlo dusman mhollear tich ek
ostori. Tankam eka-mekachi nosai zata. Somazantlea chintnam pormonnem, ostori
zaite pavtt sokol apttota ani ami tika apttitanv.
Amcho Zobab:
Mhojea somudaiantlea choliank ani ostoreank hanv manan ani eksarko lekhtam kai?
Ostori mhollear osokt, kam’achem ani moujechem hatiar mhonn ami somzoleanv?
Amkam bhogos Jezu.
Fuddari: Kaklut amchi kor Somia.
Sogllim: Kaklut amchi kor.
CHOVTHEM STHAN:
JEZU APLE AVOIK MELLTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Jivitacho Onnbhov:
“Mummy, Dev soglleank sogllem kiteak dina? Aiz dotoniche teacher-in amkam
bhettek vhel’le kodden, hanv onath ani opangull bhurgeank bhettlem. Tankam
Mummy-Daddy-chi chodd goroz asli, torui tankam babddeank konnuch na. Sister
tancho sambhall korta.”
Niall:
76
Jezu aple avoik bhett’tta, ticho husko dhorta, tika eksuri soddina. Amchea somudaiant
barik nodor marlear zaitim durboll, gorib, gorjevont, opangull, piddest, ‘pixim’ oslim
bhavam-bhoinnim asat. Amche bhaxen sadaronn jivit jieunk tanche lagim zaina.
Tankam amchea adar-sohokarachi goroz poddtta. Tanche sovem husko-moipas
dakhounk sodtana, amchea somudaiant aslolea, oslea mon’xank sodun kaddunk goroz,
uprant tankam bhett divn, tankam amcho sangat ani vell divop. Uprant ghoddtta zalear
ani tankam goroz zalear, amcheamni tankam poixeancho adar diunk zata. Dev sogllem
soglleank dina, kiteak mhoje vorvim Dev tancheo gorzo pureo korunk axeta. Asam kai
hanv toiar?
Amcho Zobab:
Durboll, gorib, pixim, onath, opangull, piddest oslea mon’xancho mhaka ugddas ieta
kai? Tanchea koxtta-dukhant vantto gheunk hanv kiteak bhietam? Mhaka bhogos
Jezu.
Fuddari: Kaklut amchi kor Somia.
Sogllim: Kaklut amchi kor.
PANCHVEM STHAN:
JEZUK KHURIS VHORUNK ADAR MELLTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Jivitacho Onnbhov:
“Zinia, tuzo baba hea vorsak S.S.C.-ik asa, hanv ek ‘Maths teacher.’ Tacho vell ani
poixe pidd’ddear korun taka pois tuition-ak ghal’le poros, mhojexim dhadd”
Niall:
Sirencho Simao Jezuk khuris vhorunk adar dita. Amchea somudaiant veg-vegllea
mollar vavr-dhondo kortelim bhavam-bhoinnim asat. Zaite pavttim, poixe asunui
kam’ korunk monis asonant. Thodde pavttim kam’ korun gheunk favo te poixe
asonant. Zaite pavttim xezareancho adar sohokar ghevn, sompeponnim vavr korunk
zata. Punn xezareancho adar magunk ani gheunk amkam khaltikai asona, toxench
gorjevont xezareank amche lagim ghoddtta to adar diunk, amkam aiteponn ani
udarponn asona. Amcho vavr-dhondo, nhoich amchea ghorabeachea udarposonna
khatir, punn amchea somudaiachea boreponna pasot. Somudaiacho somarombh ani
kariakrom asta ten’nam aplea vavr-dhondeacho onnbhov ani kola vaprun, soglleank
boreponn haddum ieta.
Amcho Zobab:
Devan dil’le gunn ani vavr-dhondo, somudaiant konnak tori udarponnim adar diunk
ken’nam tori vapurla kai? Mhaka kai konn adar korina, zalear hanv dusreank kiteak
adar dium? Amkam bhogos Jezu.
77
Fuddari: Kaklut amchi kor Somia.
Sogllim: Kaklut amchi kor.
SOVEM STHAN:
VERONIKA JEZUCHEM MUKHAMOLL PUSTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Jivitacho Onnbhov:
“Chol go, Vinay ani Pooja-ger vochun tankam chovtichi porbim dium-ia. Mhaka
operation kel’lem ani rogtachi ekdomuch goroz poddloli ten’nam Vinay khaxa rogot
diunk mukhar sorlo.”
Niall:
Veronika Jezuchem mukhamoll pusta. Amchim mukhamollam Devacho rupkar
porzollaitat. Ami veg-vegllea dhormachim zanv, punn ekach Devachim bhurgim.
Amchea xezareak dusrea dhormachim bhav-bhoinnim jietat, zanv Hindu, Muslim
adim. Tim amchea xezareak asat mhonnttoch tim somudaiachi vangddi. Tanchea
jivitachea sukha-dukhant vantto ghevop, tanchea festam-porbank bhett korop, logna-
mornnant sangat divop, ekdom gorjechem. Ami ekach Devachim bhurgim dekhun ami
eka-mekachim bhav-bhoinnim. Dhormachea nanvan zaite pavttim ontor kortanv,
amcheach dhormachea mon’xank odik man ditanv ani dor eka dhormachea mon’xam
sovem, veg-veglle bhaxen amchem vaitt chintop ghevn vagtanv. Election-am vellar,
dhormachea nanvan somudai foddun uddoitanv. Monisponnachea dhormant ami
sogllim ek ani ekach Devachim bhurgim. Sangatan hat divn ekamekacho somudai
bandum-ia.
Amcho Zobab:
Dhorm veglle zait, punn mhojea xezareak ravtolim, dusrea dhormachim bhav-
bhoinnim ani ami kristanvam, ekach Devachim bhurgim mhonn hanv vollkun ghetam
kai? Amkam bhogos Jezu.
Fuddari: Kaklut amchi kor Somia.
Sogllim: Kaklut amchi kor.
SATVEM STHAN:
JEZU DUSRE PAVTT DHORNNIR PODDTTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
78
Jivitacho Onnbhov:
Xezareancho somudai anik koslo? Ghorabeachoch somudai na sarko. Ghorabo ho
mullavo ani poilo somudai. Ghorabeant tersa vellar T.V.-k ani mobile-ak vell ditanv,
eka-meka lagim ulounk vell na, chukloleank bhogsonnem na ani ghorabeachea
boreponna khatir vavurtoleanchea teagank mol na.
Niall:
Ektthaim jietole, xezarche ghorabe somudai ghoddttat. Je xezaream modem xegunn
zai, te poile ghorabeant asunk goroz. Hanv zor ghorabeantlea vangddeank bhogxinam,
zalear xezarchea dusmanak bhogsunk mhaka kotthin zatolem. Zor mhojea ghorcheank
hanv vell dina ani tanchi khobor ghevn, tanchea sukha-dukant vantto ghena, zalear
xezareancho anik mhaka kitlo husko astolo? Amchea ghorabeantle monis amche
sovem koxe vagtat, tea pormonnem amchem jivit akarun ieta. Ghorabo ek painnem,
zoim ami chuki korun zaitem xikunk pavtanv. Ghorabea itli anik dusri xalla na.
Mhozo ghorabo ek somudai. Hea vellar mhojea ghorabeantlea dor eka vangddeacho
ugddas korum-ia
Amcho Zobab:
Mhojea ghorabeantlea vangddeancho mog korunk, tanche sovem husko dakhounk ani
vell diunk, mhaka kiteak kotthin zata? Kosleo addkholli mhaka tancho mog korunk
dinant? Amkam bhogos Jezu.
Fuddari: Kaklut amchi kor Somia.
Sogllim: Kaklut amchi kor.
ATTHVEM STHAN:
JERUZALEACHEA OSTOREANK JEZU BHUZVONN DITA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Jivitacho Onnbhov:
“Age xamaim, akh’khe ratchi tum bovalltta ani amkam nhidunk pasun dinai, tum
hantrunnar aslear kitlim vorsam zalim, moronastana kiteak urlea mhonn Dev zanna,
bexttich ghorant suvat addaitai.
Niall:
Jezu apunn itlo koxttovlo astana legit, Jeruzaleachea ostoreank bhuzvonn dita.
Amchea ghorabeamni zannttim-mhatarim asat ani asunk zai. Amchim ghorchim,
zanttim-mhatari zalim mhonnttoch, zaite pavttim ami tankam ghoracho konnso vo
ajilacho darvontto dakhoitanv. Tannim bandlolea ani vinktim ghetlolea bhattamni ami
sust bhiradd kortanv ani tankam babddeank onvollkhi mon’xam sangata ani osurokxit
79
ghoramni vhorun soddttanv. Amchim zannttim-mhatarim aiz kortat, tench ami-i
zanntteponnar kortoleanv. Tankam vell diunk amkam ubgonn ieta, punn tankam
somzun, sonsnnikaien ami tankam amcho moladik vell dilo zalear, tim khub khuxal
zatat ani amche khatir magtat. Amchim bhurgim, zantteam-mhataream sovem mog
dakhoinant, karonn tim amkam polletat ani xiktat.
Amcho Zobab:
Zanntteancho mog korunk, sonsnnikaien tankam somzunk ani tanchi seva korunk ami
udarponn dakhoilam? Amchim zannttim-mhatarim amkam ghorant kiteak nakat?
Hanv eka disak zanntto zatolom mhonn kiteak visorta kai? Amkam Bhogos Jezu.
Fuddari: Kaklut amchi kor Somia.
Sogllim: Kaklut amchi kor.
NNOVEM STHAN:
JEZU TISRE PAVTT DHORNNIR XEVTTOTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Jivitacho Onnbhov:
Mhaka somudaiachi zomat toxench somudaiachem jivit titlem avoddna punn hanv
sodanch misak vetam, vachpam-gaionam kortam ani dotoniche sonsthent ek
Devsondexkar koso vavurta. Firgojent padr-vigarak zaito adar ditam, punn somudai
mhollear, matxem dusrech bhaxen dista.
Niall:
Oxem chintpi ani oxem jievpi zaitim borim Kristanvam asat. Firgojechea vavrant tim
zaitim misoll zatat ani zaiteo sonstha, tim bore bhaxen choloitat ani zobabdarechim
vangddeam koxim vavurtat. Punn ‘Somudai’ mhollear tankam katkutleo khatat. Tim
somzotat te bhaxen, somudai xikloleank nhoi punn nennarank, girestank nhoi punn
durbollank, kamank vetoleank nhoi punn bekar asloleank. Somudaiant, somudaik jivit
jieunk, soglleanchea bhagevontponnant vantto gheunk tankam naka. Sonsthamni nanv
zhoddunk, fuddariponn cholounk, ken’nam-ken’nam matso avaz korunk sondhi
melltta, punn somudai mhollear soglleanchi, sogllea vellar ani soglle suvater.
Somudaiant sogllea borobor eksarkim zaunk matxe avgodd zata.
Amcho Zobab:
Sonstha vorvim zo boro vavr hanv kortam, to somudaim vorvim odik folladik korunk,
hanv kiteak bhieta ani fattim sortam? Ek firgoz mhollear sogllea somudaiancho
somudai mhonn hanv kiteak vollkhun ghena? Amkam bhogos Jezu.
Fuddari: Kaklut amchi kor Somia.
80
Sogllim: Kaklut amchi kor.
DHAVEM STHAN:
JEZUK VINGLLO KORTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Jivitacho Onnbhov:
Atam anik, konn-konn Jezuchi bori khobor porgottunk, ghoram-ghoramni bhonvtat
ani ‘brother’ mhonnlolo, choloitolea zomatimni vantto gheunk magtat. Hea
zomatimni pekhovnni melltta ani thoim somudaik mon asam, eka-mekacho husko asa,
duvent poddlear khobor pasun ghetat.
Niall:
Zaitim amchim bhav-bhoinnim hea ‘brother’-ache zomatik vetat vo veg-vegllea
zpmeani bhitor sorleant. Him bhav-bhoinnim, ghoddie somudaik jivit axetalim ani tem
tankam atam mell’llam. Poilim Kristanvam somudaik jivit jielim. Aiz Kristanvam
somudaik mon soddun, apleponnachem jivit jietat. Hea sthanant, ‘Jezuk vingllo kelo’
hacher ami niall kortanv. Amchea somudaiamni ami eka-mekak vingllim kortanv.
Sobhemazar lojek ghalop, nanv varear ghalop, khobro korop, zanno zavn noko aslolea
bhaxen dakhovop, adim. Somudaiant jen’nam Devachea utracho mog na,
magnneachem vatavoron na, soglleam sovem husko na ani eka-mekak sangatan ghevn
vaddpacho, zor haves na, zalear somudai anik koslo?
Amcho Zobab:
Ami fokt ‘brother’ ani ‘believers’ hancher formonn martanv? vo tim somudaianchea
khaxelea gunnancher bhor ghaltat toso ami amchea somudaiant nett ani umed
dakhoitanv? Amkam bhogos Jezu.
Fuddari: Kaklut amchi kor Somia.
Sogllim: Kaklut amchi kor.
IKRAVEM STHAN:
JEZUK KHURSAR KHILLAITAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Jivitacho Onnbhov:
“Kal, ghora samkaruch rostear eka lhan bhurgeak serious accident zalo. Zokhmi zala
vo na hem pollenastana, xezarchea thoddeamni chukin motor-cycle choloitoleak
81
boroch boddoilo. Tachi motor-cycle lastat mhonn bovallunk lagle. Vichar-pachar
korinastana, omkech poixe di, na zalear police complaint korta mhonn bhirant ghali.”
Niall:
Amchea somudaiant ami zaiteank khursar khillaitanv. Jezu Tum niropradhi asunui
tannim Tuka khursar khillailo. Tujer dukhacho pavs votlo. Amchea somudaiant rosto,
posro vo anik koslem-i bhailea vo vegllea somudaiantlea lokak amchea sombondan
haddtta toslem, somajik kendr asum ieta. Bhailea vo onvollkhi mon’xam sovem,
amchi Kristi govaiki kosli zalea kai? Amchea festam-somarombhamni, zaito lok
xezareak asta. Tannim amche sovem, Kristacho rupkar polleunk zai aslo. Jim
mon’xam amchea somudaiantlim nhoi, tanchem sovem sevechem mon, udarponn,
somjikai dakhovn tankam Kristi dhormachim totvam porgottunk zatat. Vaitt ulovn ani
adarun, nanv pidd’ddear kel’le poros, borem ulovn ani adarun, nanv zoddum-ia.
Amcho Zobab:
Mhojea somudaia bhailo vo onvollkhi konn ailear taka mhojea rupant Kristacho govai
mell’lla vo disla? Borea samaritana bhaxen mhoji vagnnuk zalea kai?
Fuddari: Kaklut amchi kor Somia.
Sogllim: Kaklut amchi kor.
BARAVEM STHAN:
JEZU KHURSAR MORTA.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Jivitacho Onnbhov:
Ieta tea aitarak, amcho somudai misachi manddavoll korunk asa. Igorjent
‘announcements’ korunui soglleanchea daraxim vochun sangunk zai. Igorz nitoll-safai
korunk bhov thoddim ietat, xiklolim zaitim, punn vachpam korunk sogllinch fattim.
Somudaiam pormonnem sevadhormik manddavoll korunk bhirant dista.
Niall:
Jezu khursar melo khoro, punn Povitr -Sobhechea sevadhormant To jieta, odik korun
Misachea bolidanant To amkam bhett’tta. Jezun Apunn ho sonvsar soddun veche
adim, Aplea xisanchea somudaiant, sangatan nimannem jevonn korun, Aplem jivem
asnnem amkam dovorlem. Ami misant koso vantto ghetanv? Amcho somudai misachi
toiari ani manddavoll korunk asa ten’nam, ami lojen ani bhieun ang kaddttanv.
Amchich Igorz nitoll-saf korunk amkam vell na, ‘hanv korina zalear konn tori
kortolo,’ oxem ami chintanv. Amchea somudaiant bore vachpi, gavpi, muzg vazovpi
asat, punn goroz ten’nam konnuch mukhar sorona. Dhorm-dan mezunk, ushers
ravunk, traffic-achi zobabdari polleunk amkam zodd lagta.
Amcho Zobab:
82
Misachi bhett amchea somudaiacho ekvott khunnaita kai? Misache bhettechi toiari ani
manddavoll korun, amchea somudaiacho ani firgojecho ekvott ghoddunk hanv sondi
ghetam?
Fuddari: Kaklut amchi kor Somia.
Sogllim: Kaklut amchi kor.
TERAVEM STHAN:
JEZUK KHURSAVOILO DENVOITAT ANI TACHE AVOICHEA GOPANT
GHALTAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Jivitacho Onnbhov:
Hea vorsak, natalam somoiar, amchea somudaiacho programme, amchea lhan
bhurgeamni ani tornnatteamni bhes-boro soboilo. Tannim aple gunn ani kola
soglleanchea faideak ani monoronjona khatir vapurli. Bhurgeank ani tornnatteank
lagun, amcho somudai fulta ani jivall zata. Tim amchi girestkai.
Niall:
Jezuk khursa voilo denvoun, tache avoichea gopant ghaltat. Amchea bhurgeank-
tornnatteank, amchea somudaiant maie-mog melltta kai? Somudai, xezarchea-
ghorabeancho ekvott dekhun, dor ghorabeantlim bhurgim-tornnattim, somudaiachim
vangddi. Bhurgeam-tornnatteam vorvim, somudai fulta ani jivall zata. Aiz amchea
bhurgeam-tornnatteancher nodor marlear, dolleantlim dukham gollttat. Tankam aplem
jivit ekmullem jieunk zai. Amchea ghorabeamni ekuch vo dogam bhurgim dekhun tim
aplea-vadeachim zatat. Tankam ghorcheam ani xezaream sangata vell sarunk naka,
punn bhailean kitloi vell sarunk tim toiar. Mon’xall sombond soddun, mobile phone,
internet, facebook hancho tankam odik mog lagla. Amchea bhurgeank sogllem ditanv,
punn Devacho mog ani xezareancho husko dhorunk xikounk chuktanv. Bhurgeank
lagun xezaream modem kestanvam korun, dusmankaien jietat. Xezarchem bhurgem/
tornnattem mhojea bhurgeak/tornnatteak pidd’ddear korta oso vankddo somoz ghevn
asam.
Amcho Zobab:
Amchea Somudaiantlim bhurgim-tornnattim khoim asat kai? Amchea somudaiant
tankam kitlo zago ani mhotv asam?
Fuddari: Kaklut amchi kor Somia.
Sogllim: Kaklut amchi kor.
CHOVDAVEM STHAN:
83
JEZUK FONDDANT NIKHIPITAT.
Fuddari: Pornipatt ani nomoskar kortanv Tuka Somia Jezu Krista.
Sogllim: Kiteak Tujea Povitr Khursa vorvim soddoilo mhonn sogllo sonvsar.
Jivitacho Onnbhov:
Bhatt-bhens aslear kitem pott bhộrta ani jevonn dita? Amchea bhattant aslolim sogllim
zhaddam katrun uddoum-ia anik bhatt ‘builder-ak’ vinkum-ia. Xezareanchi addkholl
astolich punn tankam hanv bhietam? Tim mhaka postat kitem?
Niall:
Jezuk khursar marun, sogllo bhorvanso palovn Taka fonddant nikhipilo. Fonddant
jivit na, thoim sogllem sompta, kusta ani soglleanchi mati zata. Somudai mhollear ami
zogtanv ti, mati-zomin ani sorvbhonvtim aslolem soim ani nisorg. Poixeanche bhikek
ani pottache axek lagun ami amchi mati-zomin vinktanv. Amchea purvozanchem daiz
ami porkem kortanv. Amchea soimak, katrun, vibaddun ani vidrup korun, jivench
fonddant ghaltanv. Somudaiacho toluch umttaitanv. Somudaik jivit fonddant ghalpa
sarkeo amcheo ievzonneo. Devan dil’lea ani purvozamni samball’llolea soimak
bhagak ghevn, somudaik jivit fuddem vhorche poros ami soimacho nas korun,
somudaiacho nas-duspott kortanv.
Amcho Zobab:
Hanv eka somudaiacho vangddi mhonn visrun, apsuvarthi zavn, soimachi vatt laitam?
Mhojea nirnnoiacher xezarim aplem mon ugtem kortat vo addkhol ghaltat, ten’nam
mhoji vagnnuk kosli zalea?
Fuddari: Kaklut amchi kor Somia.
Sogllim: Kaklut amchi kor.
Xevottachem Magnnem: Amcho somudai ek khuris ani khursachi vatt nhoi, punn amchem Kristi apovnnem ani
jivit jieunk ek boro upai. Somudaia bhair anik amkam taronn na, mhojean fokt
dusream vangddach bhagevont zaunk zata. Mogall Bapa, ami somudaiachim vangddi
mhonn vollkhunk amche motint ghal ani amcho somudai, mhoje vorvim mogacho,
sevecho, somjikaiecho, bhogsonneacho ani Dev bhiranticho kor mhonn magtam.
Krista amchea Somia vorvim. Amen.
Pap Saibachea Sonkolpam Pasot:
Amchea Bapa…….
Noman Marie…….
Mhoima Bapak…...
84
DUSRO BHAG
NIMANNEA BRESTARAK
POVITR SONVSKARA
MUKHAR
ORDEM VOR
85
VIXOI: “SORGAR VOCHPACHI VATT XEZAREACHEA
ANGNNANTLEAN.”
Survatechem Git : A-35 – Tuje Sorxem Aileanv, Dhonia
Fuddari: Sogllim ami dimbi ghalum-ia ani git gheum-ia, Gaionanchea Jhelear ank A-
35 – Tuje Sorxem Aileanv, Dhonia.
Survatechim Utram:
Fuddari: Priticheam bhoinnim-bhavamno, hea ordea voracho vixoi: “Sorgar
Vochpachi Vatt Xezareachea Angnnantlean.” Gel’lea vorsa ani hea vorsak somudaik
jivitacher ami zaito niall kela ani korit asanv. Somudai mhollear, xezaream-
ghorabeancho, Devachea Utrachea uzvaddan Kristi jivit jievpacho ani vanttpacho
haves. Amchea somudaiancher ek nodor marlear zaitem apleponn, bhed-vegllochar
ani dusmankai disun ietat. Amkam eka-mekachem poddlolem na. Jezun xikoil’lea
totvam pormonnem ami jieunk ang kaddttanv. Poilea Kristanvam bhaxen jieunk
zaitim chuktanv. Ho vell Jezu sangata sartana, ek borem somudaik jivit jieunk
Tachench boll ani ghottai amkam soglleank magum-ia.
Nomoskarachem Magnnem:
Fuddari: Jezu, poilea Kristanvam bhaxen aiz pasun Tum Kristi dhormacho ani Kristi
somudaiacho maz ani kendr mhonn ami vollkhun ghetanv. Tuje bhair anik dusro Somi
ani Dev amkam na. Tunch amchem jivit ani amcho somudai choloitai mhonn ami
visvas thevtanv. Hea vellar soglle nomrutaien, Tujea paiam poddttanv ani Tuka
nomoskar kortanv. Khaltikaien man bagavn Jezuk nomoskar korum-ia.
(Thoddo vell vogeponnan sarum-ia.)
Fuddari: Zata tannim dimbieruch ravchem. Amchi nodor hea sadea unddea rupan
aslolea Jezucheruch dovrum-ia.
(Thoddo vell vogeponnan sarum-ia.)
Dhin’vasnnechem Kalliz Uloita:
Fuddari: Ami sogllim somudaiachim vangddim. Somudaiant jietana ami eka-meka
koddlean zaitem xiktanv, zaitem novem kitem tori onnbhovtanv. Somudaiant ekvottan
jietana, Devan amkam sobar denneamni bhorleant. Thoddo vell vogich ravun sogllim
boreponna niallum-ia ani sorv boreponnam khatir Devak dhin’vasum-ia.
(Thoddo vell vogeponnan sarum-ia.)
86
Fuddari: Khoreanich Dev amche lagim Aplea Utrantlean uloita. Amkam Aplea
utrantlean bhuzvonn, ghottai ani boll favo korta. Tor hench Tachem Utor aikunk
amchem kalliz ani mon toiar korum-ia. Sogllim ami ubim ravum-ia.
Devachem Utor: D.I 2:42-47
Zobab Git: A-2 – Amchea Bapa Sorgavelea
Fuddari: Atanch aikol’lea Devachea Utrak amcho zobab koso git gavum-ia,
Gaionanchea Jhelear ank A-2 – Amchea Bapa Sorgavelea. Sogllim ami bosum-ia.
(Akh’khem gaion ghenvchem).
Niall:
Atanch aikol’lea vachpant, somudaiachea vixex gunnancher niall korunk amkam
melltta. Poilim Kristanvam somudaiant jietalim. Aiz pasun ami somudaiant jietanv,
punn zaitem veglleponn disun ieta. Amkam soglleank borem jivit jieun, Sorgar
vochunk anvddo asa punn ami eklinch bhagevont zaunk zaina, amkam dusreanchi-i,
odik korun somudaiachea vangddeanchi ani xezareanchim ekdom goroz. Atam kaim
somudaik gunnancher ami niall korum-ia.
1) Poilim Kristanvam Jezuche xikvonnent vantto ghetalim. Aiz amkam Povitr
Sobhechi xikvonn aslear, xibir aslear ami ang kaddttanv. Jezuchi xikvonn
gheunk ani somudaiache zomatik vantto gheunk ami fattim sortanv.
2) Poilim Kristanvam bhavponnacho ekchar samballttalim. Tanche modem ek
mon, ek kalliz aslem ani tim bhagak ghevn, gorje pormonnem vanttalim. Aiz
amchem kitem kai? Aiz ami gorib-girest, xiklolim-nennar, vhodd-lhan osli
ontor korun bhed-bhav kortanv. Amche modem ekvott ani bhavponn unnem
zalam.
3) Unddeache moddnnent ani magnneant chukoinastana vantto ghetalim. Aiz
amkam soglleo kariavolli korunk vell asa, punn magnnem korunk ani Igorjent
zatolea kariavollimni vantto gheunk amkam vell na. Devak ami kitlo vell ani
zago ditanv kai?
4) Poilea Kristanvank pollevn zaito lok Kristanv zatalo. Amcho somudai koslo
kai? Amchea xezaream lagim amchem jivit koslem zalam? Amkam pollevn
konn tori Kristacho pattlavddar zaunk axeta kai?
(Thoddo vell vogeponnan niall korum-ia).
Bhavartheanchim Magnnim:
87
Fuddari: Atam ami amcheo gorzo, amchim magnnim Jezu mukhar dovrum-ia.
Bhavarthan maglolem amkam favo zata. Dor eka magnnea fattlean amcho zobab
zatolo: “Jezuchea Nanvan Bapa, hem magnnem kortanv Tuka.” Sogllim ami dimbi
ghalum-ia.
1) Ami jivitant somudaiam vorvim bhagevontponn zoddunk Deva lagim magum-
ia.
2) Xezaream sangata mogan, somjikaien, bhogsonnean ani udarponnan jieunk
Devacho adar magum-ia.
3) Adlem kitem vaitt kelam tem visrun, novean ixttagotiche ani xantiche bandpas
xezaream sovem bandunk, Devacho adar magum-ia.
4) Zaite pavtt xezaream modem voir-sokol zata ten’nam somjikaien eka-mekak
bhogsunk, Devacho adar magum-ia.
Fuddari: Thoddo vell vogi ravun, amchea somudaia khatir, somudaiantlea dor eka
vangddea khatir magum-ia. Konn-konn piddest asa, gorjek sampoddla ani pordesant
vavr korta, tanche pasot magum-ia. Soglleank Devachea hatant ghalum-ia ani
‘Amchea Bapa’ hem magnnem borobor mhonnum-ia.
Fuddari: Jezu sangata amcho vell sarun, amchea kallzak somadhan bhoglam. Jezun
amkam, zonn ekleak Aplea gopant ballgun dovorleant. Aiz Jezu amkam, dor eka
vangddeak somudaiant jieunk ulo marta. Jezucho tallo ami aikum-ia. Tacho vavr ami
amchea somudaiamni fuddem vhorum-ia ani Takach ami sakxi divum-ia. Thoddo vell
vogich ravun amchi man bhagavn, Jezucho axirvad amcher ani amchea somudaiachea
dor eka vangddeacher magum-ia.
Xevottachem Git: D-2 –Ami Sogllim Ek
Fuddari: Xevottak ami sogllim git gheum-ia, Gaionanchea Jhelear ank D-2 –Ami
Sogllim Ek.
88
VIXOI: “MAGNNEACHEA JIVITANTLEAN, MOGACHO SOMUDAI
BANDUM-IA.”
Survatechem Git: R-40 – Tuka Ami Polleunk Nam
Fuddari: Sogllim ami dimbi ghalum-ia ani git gheum-ia, Gaionanchea Jhelear ank R-
40- Tuka Ami Polleunk Nam.
SurvatechimUtram:
Fuddari: “Khontin bhoron Mhozo jiv mornnache tonnir pavla; tumi hanga ravat ani
Mhoje bori zagronn korat”. Ani matso fuddem gelo ani sorpottun Jezu oxem
magnnem korunk laglo: “Mhojea Bapa, zata zalear, Mhoje velem hem patr pois
vochum-di; tori punn Mhaka zai toxem nhoi, tuka zai toxem zaum-di.”
Hea ordea vorak amcho vixoi zatolo: “Magnneachea jivitantlean, Mogacho
Somudai Bandum-ia.” Jezuchea jivitant nodor marlear, Jezu Aplea jivitant, sodanch
Aplea Bapachi khuxi korunk vavurlo. Aplea Bapachi khuxi Aplea sovem kitem, tim
zanna zaunk, To magnneant vell sartalo. Magnneantlean Aplea Bapa sovem, Aplo
sombond ghott kortalo ani magnneantlean, Aplea Bapachea mogan vaddttalo. Ho vell
ami Jezu sangatak sarunk aileanv. Tor Tachoch adar, amkam zonn ekleak magum-ia.
Ho vell bore bhaxen ami magnneant sarunk ani Tachi khuxi amchea jivitant kitem, ti
zanna zaunk ani Tacheach mogan ami vaddunk Tachoch adar ani kurpa amkam
magum-ia.
Nomoskar:
Fuddari: Jezu eke kodden magnnem korun aslo, Tannem tem sompoilea uprant,
Tachea xisantlea konn eklean Taka mhollem: “Saiba, Zuanvan apleam xisank
magnnem korunk xikoilem toxem, Tum-i amkam xikoi.” Ami-i magnnem korunk
sodtanv, ami-i magnnem korunk axetanv. Amkam magnnem korunk xikoitolo Jezu,
magnneachea jivitant vaddunk adar ditolo Jezu, maganneantlean Devachea ani
peleachea mogan vaddounk xikoitolo Jezu, hea vellar hea unddeachea rupan amche
modem hajir asa. Taka Man bagavn nomoskar korum-ia. (Nomoskar Tuka kortanv,
hem dulpod gavchem)
(Thoddo vell ogeponnan sarum-ia. Ghoddtta tannim dimbieruch ravchem)
Dhin’vasnnechem Kalliz Uloita:
Fuddari: Mogall bhoinnim-bhavamno, magnnea vorvim ami zaitim boreponnam
amchea jivitant onnbhovleant. Magnneachea jivita vorvim, amchea jivitant, amchea
kuttumbant, amchea somudaiant, zaitem boreponn ailam. Magnnea vorvim amkam
novem jivit favo zalam. Magnnea vorvim amkam pekhovnni favo zalea, magnnea
vorvim amcho porxn suttavo zala, magnnea vorvim amchea xikpant amkam ies
mell’llam. Magnnea vorvim ami zaitim boreponnam onnbhovleant. Tor hea sogllea
89
boreponnam khatir Jezuk gitantlean dhin’vasum-ia ani vakhannum-ia. Git ghevum-ia,
Gaionanchea Jhelear ank D-27 -- Mhojea Deva, Tum Sorv Boro.
(Konnem-i eklean hem git ucharchem/gavchem ani dor eka xloka fattlean soglleamni
dulpod ganvchem)
Mhojea Deva, Tum Sorv Boro
1) Mhojea Deva, Tum sorv boro,
Rochnnar Mhozo, Dhoni khoro.
Sogllea kallzan niz mog Tuzo
Hanvem sodanch korunk favo.
Dp.: Deva, Tujea mogak lagtam,
Kalliz mhojem Tuka ditam.
2) Kitlo mhozo mogu keloi,
Mhaka rochloi, mhaka posloi,
Ek-ek mhozo oprad sonsloi,
Iemkonddantlo mhaka rakhloi.
3) Tujea Rogtan, Tujea Masan
Mhaka postai vhodda mogan.
Mhoje khatir khursar meloi,
Sorga-daiji mhaka keloi.
Fuddari: Devachem Utor jen’nam ami vachtanv vo akotanv, ten’nam ami Jezuk
amcho vell ditanv. To kitem sangta tem chitan aikunk ami fuddem sortanv. Tor
Tachench Utor atam aikunk ani tem amchea kallzant rigounk ami toiar zavum-ia.
Sogllim ami ubim ravum-ia.
Devachem Utor: Lk 11: 1-4
Fuddari: Sogllim ami bosum-ia.
Niall:
Mogall bhoinnim-bhavamno, magnnea vorvim amcho sombond Deva lagim ghott
zata, Devachem asnnem ami onnbhovtanv, Devachea mogan ami vaddttanv. Punn
hache von odik, magnnea vorvim mogacho somudai bandunk amkam adar melltta.
Xezaream modem mogachea sombondan jieunk amkam boll melltta. Eka-mekak
bhogsunk ani eka-meka lagim bhogsonnem magunk amkam xokti melltta. Eke bhaxen
amchem magnneachem jivit, amchem somudaiak jivit, jieunk amkam adar korta.
90
Atanch ami aikol’lea Xubh-Vortomanant, xis Jezuk magnnem korunk xikoi, mhonn
magtat. Ten’nam Jezu tankam sobit ani vhodda molachem magnnem xikoita. Hem
magnnem Devachea, toxench mon’xachea mogan ani ekvottan jieunk, amchim
monam ani kallzam huskaita.
Amchem magnneachem jivit, amchea kornneantlean disun ieta. Aiz ami zaitim
zannam magnnem kortanv. Punn amcheo kornneo amkam sobtat tosleo zainant. Deva
lagim ami amcho sombond vaddounk sodtanv, punn xezareak jietolea bhavam-
bhoinnim sovem, amche tuttlole sombond, novean bandunk ami sodinanv. Devachea
mogan ami vaddunk sodtanv punn xezareak bhogsun, mogan jieunk ami sodinanv.
Oslem amchem jivit zata ani hakach lagun magnneacho foll amkam mellona. Tor hem
Jezun xikoilolem magnnem amchea jivitant sodanch chalu dovrum-ia. Ani tem
amchea jivitant jieunk ami vavrum-ia.
Bhavartheanchim Magnnim:
Fuddari: Mogall ixttamno, ho vell ami Jezu sangatak magnneant sarla. Hea vellar
kherit bhaxen Jezu amkam, Apli khuxi ukti korunk sodta. Jezu mhonntta, “Ho vell
tumi Mhojea sangatak sarla. Atam vochat ani Mhojea Bapachem Raj bandunk
vavrat.” Devachem Raj mhollear, somudaik jivit, zoim ami mogan, ekvottan,
bhavponnan, eka-mekachea huskean borun jietanv. Hench zavn asa Devachem Raj ani
hench Devachem Raj bandunk Jezu amkam dhaddtta. Tor vogeponnim amkam Tacho
adar ani boll magum-ia.
(Thoddo vell vogeponnan sarum-ia.)
Fuddari: Him amchim vogeponnan kel’lim magnnim ek korun, Teach Jezun
xikoilolem magnnem mhonnum-ia. (Ghoddtta zalear ‘Amchea Bapa’ gavun
mhonnchem)
Fuddari: Magnneachea jivitantlean, mogacho, ekvottacho, bhavponnancho ani
sevecho somudai bandunk vetana git gheum-ia Gaionanchea Jhelear F-23 – Vochum-
ia. (Tinui xlok gavche)
91
VIXOI: “TUMICH TANKAM JEVUNK DIAT.”
Survatechem Git: A-35 – Tuje Sorxem Aileanv, Dhonia
Fuddari: Sogllim ami dimbi ghalum-ia ani git gavum-ia, Gaionanchea Jhelear ank A-
35 – Tuje Sorxem Aileanv, Dhonia.
Survatechim Utram:
Fuddari: Bhavam-bhoinnimno, amkam Kristanvank aiz kherit dis. Aichea disak,
Jezun tin mhotvacheo ghoddneo ghoddun, amche khatir dovorleo. Misachem bolidan,
Iadniki Sonvskarnni ani Priti-mogachi adnia. Hea ordea voracho vixoi: “Tumich
Tankam Jevunk Diat.” Ho vell ami Jezu sangata sarum-ia ani Tachem boll ani
ghottai magum-ia.
Nomoskarachem Magnnem:
Fuddari: Mogalla Jezu, Tum Devacho Put zavnui, amche soddvonne pasot Tunvem
monisponnacho akar ghetloi. Dev-soim soddun amche sarko zalo. Hea vellar Tum hea
sadea unddea rupan hajir asai, mhonn ami sotmantanv ani soglle khaltikaien Tujea
paiam poddun, Tuka ami nomoskar kortanv. Lhanvikaien man bagavn Jezuk
nomoskar korum-ia.
(Thoddo vell vogeponnan sarum-ia.)
Fuddari: Mogall bhavam-bhoinnimno, ho thoddo vell ami Jezu sangata sarunk
aileanv, ghoddtta tannim dimbieruch ravun, ho vell Jezu sangata sarcho. Amchem
sogllem dhean-mon, lokx ani amchi nodor Jezucheruch dovrum-ia. Hea vellar
vogeponnan, Jezucher nodor marun, Jezuk amche lagim ulounk dium-ia. Jezu sogllea
vellar amche lagim uloita, ami fokt aiteponnan Taka aikunk goroz.
(Thoddo vell vogeponnan sarum-ia.)
Fuddari: Hea vellar sogllim ubim ravun Devachem Utor aikum-ia.
Devachem Utor: Lk 9: 12-17
Zobab Git: D-28 – Mhojea Jevnnak Ieiat
Fuddari: Atanch aikol’lea Devachea Utrak amcho zobab koso git gheum-ia, amchea
Gaionanchea Jhelear ank D-28 – Mhojea Jevnnak Ieiat. Sogllim ami bosum-ia.
Niall:
Atanch aikol’lea Devachea Utrant, Jezu panch hozar lokanchi bhuk marta. Hozaramni
ektthiam zal’lea lokak, ‘kitem-i tori khaunk diat’, mhonn Jezu Aplea xisam koddem
magta. Oslea vellar, xis zaiteo addkholli ghaltat, punn Jezu Aplea udarponnantlean ek
92
ojap korun, panch hozaram voir lokanchi bhuk marta. Ho niall kortana, tin bhagancher
ami lokx ghalum-ia.
1. Xisanchem apsuvarthponn
2. Jezuchem fuddariponn ani xisancheo addkholli
3. Jezucho proitn ani udarponn
1. Xisanchem apsuvarthponn
Disachea xevottak, sanjechea adesak, xis samke thoklole ani apnnacheruch tanchi
nodor asli. Sogllea vellar amcheamni dusreanchem chintunk zaina. Ken’nam-ken’nam
apsuvarthi zanvchem poddtta. Aplem biradd sodunk ani aplea jevnna-khannachem
polleunk, lokak dhaddun di, mhonn xis Jezu lagim magtat.
2. Jezuchem fuddariponn ani xisancheo addkholli
Jezu fuddakar ghevn, Apleach xisamni, lokak kitem tori dinvchem mhonn magta.
Punn xis zaiteo addkholli ghaltat, dekhik xharant vechem poddtta, zaite poixe zai
poddttole ani hozaramni lok aslolo.
3. Jezucho proitn ani udarponn
Ho soglli poristhiti Jezu vollkhota, Apnnachea monis soiman, aple bhitorlem
monisponn ani mon’xall nodor taka, ‘kitem tori korunk’ huskaita. Jezu thoklolo
astanai ani Aplea sangateancheo addkholli-i aikun, Aplea lagim ghoddtta to proitn
korta ani Aplem udarponn dakhoita. Poile suvater, soglleank zomeamni bosoita. Hea
vellar zomean asloleanchi mukhel goroz mhollear jevonn. Dusre suvater, Jezu Devak
dhin’vasta ani Devacho adar magta ani tisre suvater, Aplea xisank te vanttunk laita.
Aiz mhojem kitem kai? Hanv eka somudaiacho vangddi. Amchea somudaiant zaiteo
gorzo asat. Hanv teo sakar korunk chintam vo apsuvarthi zatam? Mhojench chintun
hanv addkholli ghaltam? Devacho adar magun hanv mhojea somudaiantle proxn
suttave korunk proitn kortam kai? Eka-mekacho sangat ghevn, amcheamni amchea
somudaiantle proxn suttave korunk zatat.
Fuddari: Amchi nodor Jezucheruch dovrum-ia ani To mhoje lagim kitem magta tem
aikum-ia. Jezucho ulo amchea kallzant rigoum-ia.
Bhavartheanchim Magnnim:
Fuddari: Hea vellar sogllea visvasan amchim magnnim Jezuk sangum-ia. Dor eka
magnnea uprant amcho zobab zanv di “Jezuchea Nanvan Bapa, hem magnnem
kortanv Tuka.” Sogllim ami dimbi ghalum-ia.
93
1) Amche sorbhonvtonnim zaitim gorjevontam asat. Ami tanchi goroz vollkhunk
ani amche lagim ghoddtta te bhaxen tankam adar-sohokar diunk Devacho adar
amkam magum-ia.
2) Jezun ojap korun, Aplea xisancho sangat ghevn, lokanchi bhuk marli. Povitr
Sobhent veg-veglleo zobabdareo pallttana, dusreank sangatak ghevn vavrunk
Devacho adar amkam magum-ia.
3) Devacher patievn jieunk, Jezu amkam xikoita. Sogllo vavr kortana, Devacho
adar ani sangat ghevn korunk, Devachich kurpa amkam magum-ia.
4) Amchea khasgi jivitant amkam zaiteo gorzo astoleo. Hea vellar teo Jezuk
sangum-ia. Amchea jivitant sodanch Devacho ani peleacho mog korunk
amkam xikoi, mhonn Deva lagim magum-ia.
Fuddari: Thoddo-so vell vogim ravum-ia ani amkam, konnem mag mhonn sanglam,
konnak ami magtoleanv mhonn utor dilam ani konnak amchea magnneanchi goroz
asa, tancho ugddas korun, tanche pasot ami magum-ia.
(Thoddo vell vogeponnan sarum-ia.)
Sogllim amchim magnnim ek korun, Jezun Aplea xisank xikoilolem magnnem, hat
zoddun borobor mhonnum-ia. Amchea Bapa....
Xevottachem Magnnem:
Jezu mogalla, ho thoddo vell Tujeach sangata sarun, amkam xanti favo zalea. Tunch
amchem boll ani amchi ghottai. Dor disa ami amchea jivitant, lhan-lhan ojapam ani
vizmitam onnbhovunk, Tuzoch mog ami chakunk, amkam Tuje kurpen bhor. Amcher
zonn ekleacher Tuzo subham’ axirvad ghal ani Tujeach asrea khal amkam rakh ani
samball. Amen.
Xevottachem Git: F-18 –Sangatan Cholum-ia
Fuddari: Xevottak ami sogllim git gheum-ia, Gaionanchea Jhelear ank F-18 –
Sangatan Cholum-ia.
94
VIXOI: “XEZARI-SOMUDAI VOLLKHUM-IA, JEZU MOGANT
VADDUM-IA.”
Survatechem Git: R-30 – Probhu Jezu
Fuddari: Sogllim ami dimbi ghalum-ia ani git gavum-ia, Gaionanchea Jhelear ank R-
30 – Probhu Jezu.
Survatechim Utram:
Fuddari: Priticheam bhavam-bhoinnimno, Jezun amchea Somian, Aplea dor eka
xisak ek adnia dili. ‘Tuzo Mog Kortai Toso, Tujea Peleacho Kor’. Hea jogant jietolea
dor eka mon’xak, xezari asa. ‘Ami somajik zunve nhoi,’ oxem ami khub pavttim
aikolam ani hea mhonn’nneacher, niall korunk khub sondi favo zalea. Punn ghoddie,
vegan dhanvtolea jivitachea bharan, udorgotichea sankhlleamni revddon ani novea
adhunik kolponank bhulun, amche osmitaiechem kherit khaxeleponn, mhollear
amchem xezariponn ani hem ami visorleanv. Tor, aiz ho vell Jezu sangata sartana ami
novea monan ani urben hem xezariponn vollkhum-ia, somzum-ia ani tem portun
ekdam novean jieunk, Jezu vorvim Bapak orpum-ia.
Nomoskarachem Magnnem:
Fuddari: Somia amchea Guru, Tum monis zavn amchea somazant ailoi ani amche
sonskrutaieche soglle gunn, Tuje kurpen bhorun apnnaile. Tum Devacho Put zavnui,
mon’xam modem jieunk fattim ravlo nai, punn amkam khore sombond xikounk,
Tunch poilo sombondant jielo. Tujea xisank apovn, ek bhavarthacho somudai
ghoddun, peleachea mogachem ani sevechem, vhodd udharonn Tunvem amkam
dovorlem. Hem tujem vorteponn ani udarponn manun gheun, Tuka ami vhodd
khatikaien man bagovn nomoskar kortanv.
(Thoddo vell vogeponnan sarum-ia. Ghoddtta tannim dimbieruch ravchem.)
Dhin’vasnni
Fuddari: Deva amchea rochnnara, Tujim kortutvam ani vizmitam vhodd
doiallaiechim ani movallaiechim. Amkam Tuje rochnnek, favo na tori, sobar
denneamni ani kurpen bhortai. Amchim xezaream Tujech kurpechem ek dennem. Hea
xezari-somudaiant aslolo dor ek vangddi Tuzo mog, husko ani kaklut ukti korta. Tor
hea vellar amchea xezareancher niall korun, kaim boreponnachea, adarachea ani
huskean bhorloleam, priti-sevechea ghoddneancho ugddas korum-ia ani hea sogttam
pasot Dev-Tritvek dhin’vasum-ia. Ghoddtta tannim lhan-lhan magnnim korun Devak
dhin’vasunk ieta. Dor eka magnnea fattlean ami dulpod gaitoleanv, Jivea Devak
vakhannttanv, sogllea kallzan dhin’vastanv, amchea Gaionachea Jhelear ank E-14.
(Thoddo vell vogeponnan sarum-ia.)
Devachem Utor: Lk 10:29 - 37
Niall:
95
‘Sab’ Vanni-cher (Channel) “Tarak Mehta Ka Ooltah Chashma” hea vinodmak
daravahikant (Comedy Serial) amkam xezari-sombondachi ani tanche modem vostolo
mog, khuxalkai ani ekvott polleunk melltta. Amkam ho daravahik polletoleank
hansunk khub sondheo favtat zalear tantuntlean, hea vixoiacher atthaploli bori dekh
ani totvanchi xikvonn favta.
Akh’khea Bharotant ani amchea Goyant legun, Xezari-sombondak khub mhotv asam
ani to khubxea rajeamni jivo asa. Xezaream amkam khub gorjechim ani xezaream
nasot zalear, amchem jivit ritem ani unneponnachem. Eka kuttumba fattlean,
xezariponn amkam dor eka mon’xak tache veoktimotv ghoddunk mhotvachem iogdan
dita. Aichi poristhiti khub veglli ani vidrup zal’lea sonvsarant, hea mhotvachea xezari-
sombondacher dur-lokx zalam. Aiz nhoi fokt amchea ghora-bhonvtonnim durgam
ubim zaleant, punn amchea kallzamni ani monamni ragachi ani kudd’ddeponnachim
durgam ubim keleant.
Amchea sukhachea vellar, amchim hinch xezaream amkam amchi, khuxalkai vanttunk
ani choddounk, adarachim zatat. Amchea kuttumbant kosleai dobajeache ghoddnnechi
toiari korunk, poilim amchim hinch xezaream ani uprant soiream-dhaiream, aple
kuveti pormonnem adar diunk taktik kortalim. Dhormam modem ontor pollenastana
xezaream eka-meka thaim, zanv Natalam vo Ganesh Chaturthi vo Deepavali, khan-
pivonn vo ghor angnnam sazounk ani nottounk, xezaream sodanch fuddem aslim.
Dukham ani sonkoxttam vellar, tinch xezaream bhuzvonn ani ghottai divpi asro ani
thikann zatalim.
Xezaream modem futti ani goir-somoz zavn, nhoi kaim kuttumba modem, punn
somudaiant ani ken’nai vaddeant futti poddon, xezareanchim kallzam ani monam
doxim zaleant. Hacho porinnam nhoi fokot somudaiachea vaddloleancher, punn
bhurgeancher poddlolo amkam disun ieta. Ekvottan ani bhavponnan jieunche bodlek,
torunn ani bhurgea monant, kusddeponnachi ani apleponnachi pidda ani voso lagun,
ekameka thaun pois jieunk lagtat. Jezun hench kitem aplea xisanchea somudaiant
onnbhovlem ani adim fuddem tacher nixedh marun, tankam Aplea mogant ekcharan
jieunk xikoilem.
(Thoddo vell vogeponnan sarum-ia.)
Fuddari: Sogllim ami dimbi ghalum-ia ani vogeponnan amcheo khasgi ghorzo
Jezuchea paiam sorxim dovrum-ia.
(Thoddo vell vogeponnan sarum-ia.)
Sogllim amchim magnnim ek korun, Jezunuch xikoilolem magnnem ami sangatan
mhonnum-ia. Amchea Bapa......
Xevottachem Magnnem:
96
Jezu mogalla, ho thoddo vell ami Tujea sangata sarun, xezari-somudaiacher niall kela.
Amchea somudaiant jietana ekvott samballunk ani dor eka vangddeam vorvim Tuzo
mog ami onnbhovunk Tum amkam Tuje kurpen bhor. Amchea somudaiant vaitt vosta
tem nopoit korun boreponn ximpddait ravunk, Tum amkam Tuzo adar di. Amcher
zonn ekleacher Tuzo subham’ axirvad ghal ani Tujea asrea khal amkam ballgun
dovor. Amen.
Xevottachem Git: F-23 – Vochum-ia
Fuddari: Xevottak ami sogllim git gheum-ia, Gaionanchea Jhelear ank F-23 –
Vochum-ia.
97
VIXOI: “ZAGRUT RAVAT, MAGNNEM KORAT.”
Survatechem Git: A-35 Tuje Sorxem Aileanv, Dhonia
Fuddari: Sogllim ami dimbi ghalum-ia ani git ghevum-ia, Gaionanchea Jhelear ank
A-35 – Tuje Sorxem Aileanv, Dhonia.
Survatechim Utram:
Fuddari: Priticheamno, Jezu, Bapacho soddvonnecho vavr, sonvsarant fuddem
vhortanam, eksure suvater magnnem korun, Aplo vell sartalo. Magnnea vorvim
Bapacho ani Jezucho sombond ghott zatalo, tem Jezuchea xisamni pollelem ani
jivitant onnbhovlem. Dekhun, “Amkam-i magnnem korunk xikoi” him utram Jezuche
xis udgartat ani Jezu tankam “Amchea Bapa” hem magnnem korunk xikoita. Poradin
zal’le ratik, Jezu Aplea xisam vangdda magnnem korunk veta ani tankam zagrut
ravun, magnnem korunk formaita. “Zagrut ravat, magnnem korat” heach Jezuchea
utrancher niall korun, ho thoddo vell Jezu sangata sarum-ia.
Nomoskarachem Magnnem:
Fuddari: “Magat ani tumkam mellttolem,” “Sogllim jim vojeachea bharan chepleant
tim Mhoje sorxim ieiat ani Hanv tumkam somadhan ditolom.” Osleam utramni
amchem jivit urben ani bhorvonxean bhorunk ailolo Jezu, hea vellar hea unddea
rupan, amche modem hajir asa. Amchea jivitacho To dhoni ani raza. Soglle
khaltikaien amchi man bagovn Taka nomoskar korum-ia. (Nomoskar Tuka Kortanv,
hem dulpod gavchem.)
(Thoddo vell vogeponnan sarum-ia. Ghoddtta tannim dimbieruch ravchem.)
Dhin’vasnnechim Magnnim:
Fuddari: Jezu boreponnacho sagor, amkam sodankall khuxal dovrunk vavurta.
Amkam amcheo gorzo favo korun, he sonvsari iatrent amkam adar dita. Hea vellar
ami amcho thoddo vell, Jezuk dhin’vasun ani argham divn sarum-ia. Dor eka magnnea
fattlean ami git ghetoleanv, Gaionanchea Jhelear E-7 – Korat Vakhann’nni. (Fokot
poilo xlok ghenvcho.)
1. Mogalla Jezu, amchem jivit Tujem ek vhodd dennem. Tujeant rigun ravun,
amchea jivitak orth ani khuxalkai melltta. Jivitache zagrutaien patkacher zoit
vhorunk chukleanv ten’nam Sondhanachea Sonvskara vorvim amchim patkam
bhogsun, amcho sombond novean bandtai dekhun, Tuka amche dhin’vas.
2. Mogalla Jezu, jivitant addkholli, koxtt ani dukh uprastat ten’nam, Tuje sorxim
ami dhanvun aileanv. Magnnea vorvim amchea jivitantle proxn suttave zaleat.
Dukhant ani pidde vellar, Tujem boll ani pekhovnni favo zalea, dekhun Tuka
argham ani dhin’vas Jezu.
98
3. Mogalla Jezu, amchea kuttumba pasot tuka dhin’vastanv. Amchea
kuttumbantlea dor ek vangddea pasot Tuka ami argham ditanv. Amche
kuttumb mogan, xantin ani povitrtaien vaddounk, kurpa favo kortai dekhun,
Tuka ami dhin’vastanv.
Fuddari: Vogich ravun hea vellar, amchea kallzamni upzotolim dhin’vasnnechim
bhavanam Jezuk sangum-ia.
(Thoddo vell vogeponnan sarum-ia.)
Fuddari: Ami magnneant vell sarunk, Aplea ani pelea sangata sombondan jieunk Jezu
amkam, Aplea utrantlean ulo marta. Khoreanich Devachem utor jivem ani suddsuddit.
Tachem utor amkam xikvonn dita, jivitant marg-dorxon favo korta. Tor hench
Devachem utor aikunk ami toiar zaum-ia. Sogllim ami ubim ravum-ia.
Devachem Utor: Mk 14: 32-42
Zobab Git: B-6 – Somia, Tujim Utram
Fuddari: Atanch aikol’lea Devachea Utrak amcho zobab koso git gavum-ia,
Gaionanchea Jhelear ank B-6 – Somia, Tujim Utram. Sogllim ami bosum-ia.
Niall:
Aplea bhovxik jivitant, Jezun magnneak poilo ani voilo zago dilo. Devachem utor
porgottun thoktalo, torui magnneant thirponn samballttalo. Magnneantlean Jezu,
Bapachi khuxi vollkhotalo ani tech porim, soglleam addkhollink fuddo korunk boll
ghetalo. Aiz Jezu Aplea xisam vangdda, Getsemani molleant magnnem korunk veta.
Khursar morun, Bapacho vavr xarti pavovpacho vell ailo, mhonn Jezu zanno aslo.
Oslea vellar akant, niraxiponn, bhirant Jezu jivitant onnbhovta. Jezu magnneantlean
Devachi khuxi korunk boll gheta. “Tuji khuxi sorgar zata toxi sonvsarant zanv” - him
utram Jezu Getsamanichea molleant palltta ani Aplea xisank, jivitant zagrut ravun,
magnnem korunk apoita.
Amchea jivitant koxtt, dukh, niraxiponn ami onnbhovtanv, ten’nam mhoji vagnnuk
kosli zata kai? Jezu magnneantlean Bapachi khuxi korunk anvddetalo. Hanv magnnem
korta ten’nam Devachi vo mhoji khuxi korunk anvddetam kai? Thodoch vell vogich
ravun amchea jivitacher niall korum-ia.
(Thoddo vell vogeponnan sarum-ia.)
Bhavartheanchim Magnnim:
Fuddari: “Magat ani tumi ghetoleat; sodat ani tumkam mellttolem; darar marat ani
tem tumkam ugoddttolem.” Heach Jezuchea utrancher bhavarth dhorun, kaim amcheo
99
gorzo Jezuchea paiam sorxim dovrum-ia. Dor eka magnnea fattlean amcho zobab
zatolo: “Jezuchea nanvan Bapa, hem magnnem kortanv Tuka.” Sogllim ami dimbi
ghalum-ia. (Ghoddtta zalear zobab gaion korcho)
1. Mogalla Jezu amchea iadnikam pasot ami magtanv. Tuzo vavr fuddem
vhortana, addkholli ietat ten’nam magnneant thir ravun, visvasan magnnem
korun, tankam fuddo korunk, tankam Tuji kurpa favo kor.
2. Mogalla Jezu ami somestamni magnneak poilo ani voilo zago divn, sodanch
amchea jivitant Tuji khuxi vollkhun gheunk amkam Tuji kurpa favo kor.
3. Mogalla Jezu, amchea ganvant piddek lagun koxttovtolea soglleam bhavam-
bhoinnink ami Tujea hatant ghaltanv. Tuji khuxi zalear tankam veginuch
pekhovnni favo kor mhonn, ami Tuje lagim magtanv.
4. Ami soglleamni, amchea somudaiant ekvott samballunk, thoddo vell tori
magnneant sarunk ani amchea somudaiant uprastole proxn, magnneachea
bollan suttave korunk, amkam zonn ekleak kurpa magum-ia.
Fuddari: Vogich ravun amcheo khasgi gorzo Jezu fuddem dovrum-ia.
(Thoddo vell vogeponnan sarum-ia.)
Fuddari: Sogllim amchim magnnim ek korun, Jezunuch xikoilolem magnnem sogllim
borobor, hat zoddun mhonnum-ia. Amchea Bapa…..
Fuddari: Bhavarthan thoddo vell vogich ravun, Jezucho axirvad amcher, amchea
kuttumbachea vangddeancher ani amchea somudaiantlea vangddeancher magum-ia.
Xevottachem Git: E-2 – Argham Tuka, Somia
Fuddari: Xevottak ami sogllim git gheum-ia, Gaionanchea Jhelear ank E-2 – Argham
Tuka, Somia
100
NIMANNEA BRESTARAK
POVITR SONVSKARA
MUKHAR
POVITR VOR
101
VIXOI: “JEZUCHEA KOXTTANK AMCHE KOXTT EKTTHAUM-IA,
BHAVARTHACHE GOVAI ZAVUM-IA.”
SURVATECHIM UTRAM:
Fuddari: Mogall bhavam-bhoinnimno, aiche he povitr rati Jezu sangata kaim ghoddio
sarunk ami ektthovleanv. “Koxttam viret zoit nam ani zoita viret mukutt nam”.
Sukh-dukh mon’xache jinneche don bhag. Sukh jivitant khuxalkai haddtta, zalear
dukh, koxtt-tras jivit niraxi korta. Tujea koxttam-dukhant konnachoch sangat nasun
‘khoim vechem, konnacho adar magcho?’ tem kainch somzonam. Oslea vellar Jezu
apnnacher nodor marunk amkam apoita. Jezucher akant ieta ani moronn lagim pavta
ten’nam, Tache lagxil’le ixtt pasun bhirantin zollim-mollim xipoddttat, eklo Taka
nakarta, zalear dusro vikun dita. Tor hea vellar, Jezu borobor kaim ghoddio sartana ani
Jezuchea koxttancher niall kortana, ami amchea-i koxttancher nodor marum-ia ani
Jezucho sangat sodum-ia.
Hem vor ami char bhagamnim vanttoleanv.
Poilo bhag: Povitr Sonvskarachi bhozonn
Dusro bhag: Dhin’vasnni
Tisro bhag: Devachem utor ani niall
Chovtho bhag: Bhavartheanchim Magnnim
Sogllim ami dimbi ghalum-ia ani git gheum-ia Gaionachea Jhelear A-35.
SURVATECHEM GIT: A-35 --Tuje Sorxim Aileanv, Dhonia
POILO BHAG: POVITR SONVSKARACHI BHOZONN
Fuddari: Jezun Aplea bhovxik jivitant zaiteank novem jivit dilem, pidda-rogantlim
borim kelim, patkantlim bhogxilim, jivitantlea avhanank, proxnank nove dixen fuddo
korunk kurpa dili. Toch Jezu hea vellar amche mukhar hajir asa. Amchea-i jivitant
upraslolea koxttam-trasank, addkhollink, tufanank fuddo korunk ut’tejon ditolo Jezu,
amche modem asa. Sogllim, lhanvikaien amchi man bagavn Jezuk nomoskar korum-
ia.
Git: R-4 --Nomoskar Tuka Kortanv
Fuddari: Sogllim ami bosum-ia.
Dhumpachi Arti: (Bhajan gavchem)
Git: R-12 -- Jezu, Jezu, Jezu
102
DUSRO BHAG: DHIN’VASNNI
DHIN’VASNNECHIM MAGNNIM:
Fuddari: Bhagevont Paulu, Tesalonikarank borovn, aple poile chittint oxem
mhonntta: “khoinche-i poristhitint argham diat, kiteak Jezu Krista sovem oxem korun
tumi Devachi khuxi pallttat.” Hich zavn asa Kristachea pattlavdaranchi jinn. Zo konn
khoinche-i poristhitint Devache upkar atthoita to jivitant niraxi zaina, punn khuxal
kallzan tust gait ravta.
1. Jezu mogalla, mhoje pasot Tum sonvsarant ailoi ani mhoje pasot Tum khursar
meloi dekhun, Tuka dhin’vas.
2. Somia Jezu, zaiteank Tunvem borim kelim. Aiz Tujea utra vorvim mhaka
pekhovnni ditai dekhun, Tuka dhin’vas.
3. Jezu, kalliz Tujem aidon kurpechem. Hich kurpa mhojea koxttamni ditai
dekhun, Tuka argam Jezu.
4. Jezu, amchea bautizma vorvim amkam zonn ekleak bhavarthachem dennem
Tunvem favo kelai dekhun, Tuka vakhann’nni Jezu.
5. Mogalla Jezu, amchea jivitantle koxtt-tras mogan apnnaunk ani Tujeach adaran
te sonsunk, Tum amkam Tujem boll ditai dekhun, Tuka argham Jezu.
6. Krista Jezu, Tum Raza zavnui, chakrachem rup Tunvem ghetlem ani
mon’xachi seva keli, dekhun Tuka dhin’vas Jezu.
(He bhaxen odik magnnim toiar korchim.)
DHIN’VASNNECHEM GIT: Q-8 -- Gitam Gavun Gavun
TISRO BHAG: DEVACHEM UTOR
Fuddari: Devachem utor amche koxtti jinnek bhuzvonn ani bhorvonso. Devachea
utrant amkam melltta zannvai ani ghottai. Devachem Utor amchea koxttant amkam
adar ani bhuzvonn dita, amcho bhavarth zagoita. Tor hench Devachem Utor ami
chitan aikum-ia. Sogllim ubim ravum-ia.
Devachem Utor: Lk 22: 29- 46.
Fuddari: Sogllim ami bosum-ia.
(Thoddo vell vogeponnan sarum-ia.)
Niall:
103
“Bapa, Mhoji khuxi nhoi, punn Tujich khuxi zanv di.”
Jezun Apleam xisam borobor nimannem jevonn kelea uprant, Getsemani mhonnlolea
molleant magnnem korunk veta. Jezu Apnnank kitem ravta tem ievzun, bhirantin
bhorun tollmollunk ani middmiddunk lagta. Koxttam-trasam vellar dusreanchea
sangatachi amkam chodd goroz poddtta. Oslea vellar Jezu, Apleak sangat diunk
Pedruk, Jakobak ani Juanvak borobor vhorta ani zata zalear Aplea Bapa lagim,
Apunn pieunk vecho asam tem patr pois kaddunk magta, punn Apli khuxi nhoi bogor
Bapachich khuxi zanv mhonn magta. Aplea Bapacher visvas dhorun koxttam-
mornnak fuddo korunk toiar zata.
Adlea Korarant nodor marlear, Job hea promannik ani khaltea Devachea chakrachea
bhavarthachi topasnni koxttam-trasantlean zata. Taka tachim bhurgim, mon’zat, ghor-
dar nam zatat ani akhrek tachi bholaiki-i bigoddtta, punn Job Devacher bhavarth
dovorpacho soddinam. Portench zalear “Sorvesporan dilem, Sorvesporan vhelem,
Sorvesporachem Nanv vhodd zanv” (Job 1:21b)- oxem udgarta. Hich zata koxttam-
trasam vellar tachea bhavarthachi ucharnni. “Ami Devachea hatantlem borem
ghetanv, tor vaittui ami manun gheunk naka? Job sodanch koxttam-trasam vellar
Devak visvaxi ravta (Job 2:10).
Arthur Ashe, ek nanv vosto ‘Tennis’ khellgoddi. Kallzachea operesanvam vellar,
AIDS zal’lea rogtacho vapor kel’lean, marekar AIDS-ache piddek bolli poddtta. Tachi
chuk nastanam taka hi pidda bhogchi poddtta. Hi khont porgottunk, sonvsar-bhor
tache dukhest bore magpi, taka chitti boroitat. Tantli ek chitt oxi asli. “Hi marekar
pidda onnbhovunk Devan tukach kiteak vinchun kaddunk zai aslo?” Te chittik to oso
zobab dita. “Jen’nam hanv khellant zoitivont zatalom ani ‘Trophy’ ubartalom ten’nam
hanvem Ken’nach Deva lagim vicharunk nam. ‘Mhaka kiteak?’” Aiz amchea
koxttam-trasam vellar, hanvem Devak kiteak mhonnunk zai “Mhaka kiteak”?
Jezuchea jivitant koxtt-tras uprasle ten’nam, Jezu hea koxttam-trasam koddlo pollun
vochunk nam, punn tankam fuddo kelo. Apnnank kitem ghoddttolem aslem tem
sogllem Jezu zanno aslo. “Mon’xachea Putan koxtt-moronn sonsunk zai ani tisrea
disa punorjivont zaunk zai”. Aplea jivitant sodanch Tannem Aplea Bapachi khuxi
polleli ani Tache pormonnem jielo. Job-an ani Arthur Ashe-an porian aplea jivitant
upraslolea koxttank, avgoddaiank, Devacheruch visvas dovrun fuddo kelo. Devak
xirapche bodlek, Taka tannim vakhannlo, Tachi tust gaili.
Amchea jivitant koxtt-dukh uprastat tea vellar, amchi vagnnuk kosli zalea kai? Hanv
tanche sorxil’lo pois dhanvlam kai? Ami Devak xinnla kai? vo oslea vellar kuddea
devancho sangat ghetla kai? vo poixancher, mon’xancher, vostuncher amcho bhavarth
dovorla kai? Thoddeo ghoddio vogich ravun niall korum-ia.
(Thoddo vell vogeponn samballchem.)
104
Fuddari: Amcho khasgi zobab koso git gavum-ia Gaionachea Jhelear W-14.
Git: W-14 -- Mhojea Adarak Pav
Niall:
“Tallnnent poddonam zaunk magnnem korat.”
Aple xis Sorginchea Bapachea ekvottant ani sombondan vaddche khatir, Jezu tankam
“Amchea Bapa” he magnnem xikoita. Aple xis tallnnent poddonam zaunk, akh’khi rat
zage ravun Apnnam borobor magnneant sarunk magta, punn xisam lagim hem
ghoddonam, karonn tanche dolle jhemen zodd zal’le.
Challis dis Jezun oronneant magnneant sarlea uprant, soitan Taka naddtta, fosounk
sodta, punn To oslea bhulovnneank patt volltta. Jezu, Apunn konn ani Aplem karia
kitem, tem bhes-borem zanno aslo. Khasgi magnnea vorvim, Tannem aplo sombond
Bapa lagim okhondd kel’lo ani hakach lagun, devcharachea tallnneancher,
bhulovnneancher zoit vhorunk sompem zalem. Oslea vellar to Aplea Bapak thir,
visvaxi ravta ani amkam soglleank koxttam-dukham, trasam vellar bhavarthak thir
ravunk ek nomuno zata.
Magnnem, amchea chaltea Kristi jivitant bhov mhotvachem. Magnnea vorvim amcho
sombond Deva ani pelea lagim mozbut korunk, Magnnem zavn asa ek hatiar. Amchea
jivitant ietolea vaitt-vignank bhavarthan fuddo korunk ghottai dita. Magnnem amchea
jivitant, ghorabeant ani somudaiant khuxalkai, ekvott ani somjikaie, oslim dennim
nirmann korta. Magnnem amchea jivitant novsornni, bodolnni haddtta. Hem sogllem
ami magnneantlean onnbhovtanv, zalear tujea jivitant koxtt-tras uprastat ten’nam,
magnneantlean Jezuchi ghottai ani xokti gheunk tum kiteak fattim sortai? Jezuchea
utrancher visvas dovor, karonn Jezu mhonntta “Sogllim tumi koxtt kaddtat ani vhodd
bhara khal asat, tim Mhoje-xim ieiat ani Hanv tumkam xanti-somadhan ditolom.”
Thoddeo ghoddio vogich ravun niall korum-ia.
(Thoddo vell vogeponn samballchem.)
Fuddari: Amcho khasgi zobab koso git gavum-ia Gayonachea Jhelear R-38.
Git: R-38 -- Tujea Hatan
CHOVTHO BHAG: BHAVARTHEANCHIM MAGNNIM:
Fuddari: Jezu Tuje bori, aiz ami amchea jivitantlea koxttank mogan fuddo korunk
adar magtanv. Tujea koxtta-khursa vorvim, amchi Tunvem soddvonn keli. Jivitantlea
105
sogllea oddchonneank mogan fuddo korunk, amkam Tuzo adar di. Hea vellar kaim
amcheo gorzo hech dixen Bapak ubarum-ia.
1. Bapa, aiz ami iadnikponnache sthapnnecho dis pallttanv. Tor iadnikank,
tanchea jivitant ietolea koxttam-addkhollink, vadoll-moddank Tujer visvas
dovrun fuddo korunk, tankam Tuji zannvai ani kurpa di.
2. Amcho des-karbar choloitoleamni, porjechea jivitant uprastolea avhanank,
sonkoxttank fuddo korunk, aplo zata titlo adar sohokar diunk, Bapa lagim
magum-ia.
3. Bapa, amchea jivitant dukh-koxtt, tufanam, avhanam nirmann zatat ten’nam
amcho bhavarth halta-dholta. Oslea vellar Tujeruch amcho bhavarth okhondd
korunk, amkam zonn ekleak Tuji kurpa di.
(He bhaxen, Firgojecheo gorzo monant dhorun odik magnnim toiar korchim.)
Fuddari: “Tallnnent poddonam zaunk magnnem korat.” Jezun xisank magnnem
korunk xikoilem ani magnneantlean Deva lagim vochpacho marog amkam ugddapo
kelo. Hich Jezuchi adnia monant dhorun, Tannech xikoilolem magnnem dhir ghevn
mhonnum-ia. Amchea Bapa……
Xevottachem Magnnem:
Fuddari: Jezu mogalla, Tujea koxttancher niall korun, amchea-i jivitant ietolea
koxttancher ami nodor marun, ho thoddo vell Tujea sangata sarla. Dor disa Tujich ami
dekh ghevn, amchea-i jivitant ietolea koxttam-addkhollink mogan fuddo korunk ani
Tujeach adaran tancher zoit vhorunk, amkam zonn ekleak Tuje kurpen bhor.
Bhavarthak govai diunk amkam Tujea Povitr Atmeacho adar di. Dor disachea
tallnneancher zoit vhorun, Tuka manta toslem jivit jieunk amkam Tuzo adar favo kor
ani Tujeach besanvamni ani axirvadan amkam bhor. Amen.
(Xevottak git gheum-ia Gaionanchea Jhelear ank F-23 – Vochum-ia, Krista Xantin
Vochum-ia.)