ॐ srimad valmiki ramayana - chinmayajyoti.org · chinmaya mission san diego page 1 ॐ srimad...
TRANSCRIPT
Chinmaya Mission San Diego Page 1
ॐ Srimad Valmiki Ramayana
Invocation
śuklāmbaradharaṁ devaṁ śaśivarṇaṁ caturbhujam |
prasannavadanaṁ dhyāyet sarvavighnopaśāntaye || vāgīśādhyāḥ sumanasaḥ sarvārthānāmupakrame |
yaṁ natvā kṛtakṛtyāḥ syustaṁ namāmi gajānanam || gururbrahmā gururviṣṇuḥ gururdevo maheśvaraḥ |
guruḥ sākṣāt paraṁ brahma tasmai śrīgurave namaḥ || akhaṇḍamaṇḍalākāraṁ vyāptaṁ yena carācaram |
tatpadaṁ darśitaṁ yena tasmai śrīgurave namaḥ || dorbhiryuktā caturbhiḥ sphaṭikamaṇimayīīmakṣamālāṁ dadhānā
hastenaikena padmaṁ sitamapi ca śukaṁ pustakaṁ cāpareṇa | bhāsā kundenduśaṅkhasphaṭikamaṇinibhā bhāsamānāsamānā
sā me vāgdevateyaṁ nivasatu vadane sarvadā suprasannā || kūjantaṁ rāma rāmeti madhuraṁ madhurākṣaram |
āruhya kavitāśākhāṁ vande vālmīkikokilam || yaḥ piban satataṁ rāmacaritāmṛtasāgaram |
atṛptastaṁ muniṁ vande prācetasamakalmaṣam || goṣpadīkṛtavārīśaṁ maśakīkṛta rākṣasam |
rāmāyaṇamahāmālāratnaṁ vande'nilātmajam || ullaṅghya sindhoḥ salilaṁ salīlaṁ yaḥ śokavahniṁ janakātmajāyāḥ |
ādāya tenaiva dadāha laṅkāṁ namāmi taṁ prāñjalirāñjaneyam || yatra yatra raghunāthakīrtanaṁ tatra tatra kṛtamastakāñjalim |
bāṣpavāriparipūrṇalocanaṁ mārutiṁ namata rākṣasāntakam || manojavaṁ mārutatulyavegaṁ jitendriyaṁ buddhimatāṁ variṣṭam |
vātātmajaṁ vānarayūthamukhyaṁ śrīrāmadūtaṁ śirasā namāmi || āpadāmapahartāraṁ dātāraṁ sarvasampadām |
lokābhirāmaṁ śrīrāmaṁ bhūyo bhūyo namāmyaham ||
rāmāya rāmabhadrāya rāmacandrāya vedhase | raghunāthāya nāthāya sītāyāḥ pataye namaḥ ||
vaidehīsahitaṁ suradrumatale haime mahāmaṇḍape
Chinmaya Mission San Diego Page 2
madhye puṣpakamāsane maṇimaye vīrāsane susthitam | agre vācayati prabhañjanasute tattvaṁ munibhyaḥ paraṁ
vyākhyātaṁ bharatādibhiḥ parivṛtaṁ rāmaṁ bhaje śyāmalam || vāme bhūmisutā purastu hanumān paścāt sumitrāsutaḥ
śatrughno bharataśca pārśvadalayorvāyvādikoṇeṣu ca |
sugrīvaśca vibhīṣaṇaśca yuvarāṭ tārāsuto jāmbavān madhye nīlasarojakomalaruciṁ rāmaṁ bhaje śyāmalam ||
rāmaṁ rāmānujaṁ sītāṁ bharataṁ bharatānujam |
sugrīvaṁ vāyusūnuṁ ca praṇamāmi punaḥ punaḥ || namo'stu rāmāya salakṣmaṇāya devyai ca tasyai janakātmajāyai |
namo'stu rudrendrayamānilebhyo namo'stu candrārkamarudgaṇebhyaḥ || caritaṁ raghunāthasya śatakoṭipravistaraṁ |
ekaikamakṣaraṁ puṁsāṁ mahāpātakanāśanam ||
vālmīkigirisambhūtā rāmāmbhonidhisaṅgatā | śrīmadrāmāyaṇī gaṅgā punāti bhuvanatrayam ||
vālmīkermunisiṁhasya kavitāvanacāriṇaḥ | śṛṇvan rāmakathānādaṁ ko na yāti parāṁ gatim ||
Chinmaya Mission San Diego Page 3
Benediction
svastiḥ prajābhyaḥ paripālayantāṁ nyāyyena mārgeṇa mahīṁ mahīśāḥ |
go brāhmaṇebhyaḥ śubhamastu nityaṁ lokāḥ samastāḥ sukhino bhavantu || kāle varṣatu parjanyaḥ pṛthivī sasyaśālinī |
deśoyaṁ kṣobharahitaḥ brāhmaṇāḥ santu nirbhayāḥ || aputrāḥ pautriṇaḥ santu putriṇaḥ santu pautriṇaḥ |
adhanāḥ sadhanāḥ santu jīvantu śaradaṁ śatam || caritaṁ raghunāthasya śatakoṭipravistaraṁ |
ekaikamakṣaraṁ proktaṁ mahāpātakanāśanam || śṛṇvan rāmāyaṇaṁ bhaktyā yaḥ pādaṁ padameva vā |
sa yāti brahmaṇaḥ sthānaṁ brahmaṇā pūjyate sadā || rāmāya rāmabhadrāya rāmacandrāya vedhase |
raghunāthāya nāthāya sītāyāḥ pataye namaḥ || yanmaṅgalaṁ sahasrākṣe sarvadevanamaskṛte |
vṛtranāśe samabhavat tat te bhavatu maṅgalam || yanmaṅgalaṁ suparṇasya vinatākalpayat purā |
amṛtaṁ prārthayānasya tat te bhavatu maṅgalam || maṅgalaṁ kausalendrāya mahanīyaguṇātmane |
cakravartitanūjāya sārvabhaumāya maṅgalam || amṛtotpādane daityān ghnato vajradharasya yat |
aditirmaṅgalaṁ prādāt tat te bhavatu maṅgalam || trīn vikramān prakramato viṣṇoramitatejasaḥ |
yadāsīnmaṅgalaṁ rāma tat te bhavatu maṅgalam || ṛṣayaḥ sāgarā dvīpā vedā lokā diśaśca te |
maṅgalāni mahābāho diśantu tava sarvadā || kāyena vācā manasendriyairvā buddhyā''tmanā vā prakṛtisvabhāvāt |
karomi yadyat sakalaṁ parasmai nārāyaṇāyeti samarpaye tat ||