.. sha~NkarabhagavatpAdakR^ita AnandalaharI ..bhavAni stotuM tvA prabhavati caturbhirna vadanaiHprajAnAmIshAnastripuramathanaH pa~ncabhirapi.na SaDbhiH senAnIrdashashatamukhairapyahipati-stadAnyeSAM keSAM kathaya kathamasminnavasaraH.. 1 ..ghR^itakSIradrAkSAmadhurimA kairapi padai-rvishiSyAnAkhyeyo bhavati rasanAmAtraviSayaH.tathA te saundaryaM paramashivadR^i~NmAtraviSayaHkatha~NkAraM brUmaH sakalanigamAgocaraguNe.. 2 ..mukhe te tAmbUlaM nayanayugale kajjalakalAlalATe kAshmIraM vilasati gale mauktikalatA.sphuratkA~ncI shATI pR^ithukaTitaTe hATakamayIbhajAmi tvAM gaurIM nagapatikishorImaviratam.. 3 ..virAjanmandAradrumakusumahArastanataTInadadvINAnAdashravaNavilasatkuNDalaguNA.natA~NgI mAta~NgIruciragatibha~NgI bhagavatIsatI shambhorambhoruhacaTulacakSurvijayate.. 4 ..navInArkabhrAjanmaNikanakabhUSAparikarai-rvR^itA~NgI sAra~NgIruciranayanA~NgIkR^itashivA.taDitpItA pItAmbaralalitama~njIrasubhagAmamAparNA pUrNA niravadhisukhairastu sumukhI.. 5 ..himAdreH saMbhUtA sulalitakaraiH pallavayutAsupuSpA muktAbhirbhramarakalitA cAlakabharaiH.kR^itasthANustAnA kucaphalanatA sUktisarasArujAM hantrI gantrI vilasati cidAnandalatikA.. 6 ..saparNAmAkIrNA katipayaguNaiH sAdaramihashrayantyanye vallIM mama tu matirevaM vilasati.aparNaikA sevyA jagati sakalairyatparivR^itaHpurANo.api sthANuH phalati kila kaivalyapadavIm.. 7 ..vidhAtrI dharmANAM tvamasi sakalAmnAyajananItvamarthAnAM mUlaM dhanadanamanIyA~Nghrikamale.tvamAdiH kAmAnAM janani kR^itakandarpavijayesatAM mukterbIjaM tvamasi paramabrahmamahiSI.. 8 ..prabhUtA bhaktiste yadapi na mamAlolamanasa-stvayA tu shrImatyA sadayamavalokyo.ahamadhunA.payodaH pAnIyaM dishati madhuraM cAtakamukhebhR^ishaM sha~Nke kairvA vidhibhiranunItA mama matiH.. 9 ..kR^ipApA~NgAlokaM vitara tarasA sAdhucaritena te yuktopekSA mayi sharaNadIkSAmupagate.na cediSTaM dadyAdanupadamaho kalpalatikAvisheSaH sAmAnyaiH kathamitaravallIparikaraiH.. 10 ..mahAntaM vishvAsaM tava caraNapa~NkeruhayugenidhAyAnyannaivAshrimiha mayA daivatamume.tathApi tvacceto yadi mayi na jAyeta sadayaMnirAlambo lambodarajanani kaM yAmi sharaNam.. 11 ..ayaH sparshe lagnaM sapadi labhate hemapadavIMyathA rathyApAthaH shuci bhavati ga~Ngaughamilitam.tathA tattatpApairatimalinamantarmama yaditvayi premNAsaktaM kathamiva na jAyeta vimalam.. 12 ..tvadanyasmAdicchhAviSayaphalalAbhe na niyama-stvamarthAnAmicchhAdhikamapi samarthA vitaraNe.iti prAhuH prA~ncaH kamalabhavanAdyAstvayi mana-stvadAsaktaM naktaMdivamucitamIshAni kuru tat.. 13 ..sphurannAnAratnasphaTikamayabhittipratiphala-ttvadAkAraM ca~ncacchhashadharakalAsaudhashikharam.mukundabrahmendraprabhR^itiparivAraM vijayatetavAgAraM ramyaM tribhuvanamahArAjagR^ihiNi.. 14 ..nivAsaH kailAse vidhishatamakhAdyAH stutikarAHkuTumbaM trailokyaM kR^itakarapuTaH siddhinikaraH.maheshaH prANeshastadavanidharAdhIshatanayena te saubhAgyasya kvacidapi manAgasti tulanA.. 15 ..vR^iSo vR^iddho yAnaM viSamashanamAshA nivasanaMshmashAnaM krIDAbhUrbhujaganivaho bhUSaNavidhiH.samagrA sAmagrI jagati viditaiva smararipo-ryadetasyaishvaryaM tava janani saubhAgyamahimA.. 16 ..asheSabrahmANDapralayavidhinaisargikamatiHshmashAneSvAsInaH kR^itabhasitalepaH pashupatiH.dadhau kaNThe hAlAhalamakhilabhUgolakR^ipayAbhavatyAH saMgatyAH phalamiti ca kalyANi kalaye.. 17 ..tvadIyaM saundaryaM niratishayamAlokya parayAbhiyaivAsIdga~NgA jalamayatanuH shailatanaye.tadetasyAstasmAdvadanakamalaM vIkSya kR^ipayApratiSThAmAtanvannijashirasi vAsena girishaH.. 18 ..vishAlashrIkhaNDadravamR^igamadAkIrNaghusR^iNa-prasUnavyAmishraM bhagavati tavAbhya~Ngasalilam.samAdAya sraSTA calitapadapAMsUnnijakaraiHsamAdhatte sR^iSTiM vibudhapurapa~NkeruhadR^ishAm.. 19 ..vasante sAnande sukumitalatAbhiH parivR^itesphurannAnApadme sarasi kalahaMsAlisubhage.sakhIbhiH khelantIM malayapavanAndolitajalesmaredyastvAM tasya jvarajanitapIDApasarati.. 20 .... iti shrImacchha~NkarAcAryaviracitA AnandalaharI ..