LAI SIANGTHO HOLIM NA Volum. 7

Rev: Suan Khan Thang (Mualpi-Tonzang)

Lung dam na thu umin tui a ki phum mi peuh peuh in hot khiat na ngah ding uh aa..Marka 16:16Jesuh umin, tuahi leh nang leh na inn kuan pihte in hot khiatna nangah ding uh hi. Sawltak 16: 31

John 3: 4-5 Nikodemas in mi khat a teek khit ciangin bang ci suak kik thei ding hiam? A nu sung ah lut kik in suak kik thei ding a hi hiam? ci hi. Jesus in “mi khat peuh in tui leh kha siangtho tawh a suak kik kei leh Pasian ukna sung tung thei lo ding hi” ci hi. Lei tung bup galpi nihna Japan gal lai in Tonzang gam lam aa Zomi te mangkang te in Manipur gam Imphal khuapi ah refugee in kem hi. Pawl khat te in inn leh lo nusia ngamlo in tai nuam lo uh hi. Ni khat Japan te in vanleng tawh ka khua uh bomb khiat zih ziah hi. Bomb a khiatma deuh in van leng gin a zak ciangin Pawk khat inn kaa nuai dum sungah tuak suk in bu pah uh aa, a ta te nih uh bel huan lak aa nah tang lak ah bu uh hi. Van leng in bomb a khiat ciangin innkaa nuai aa dum sung aa te lei vuk nelh in a nu uh inn kaa pek nih in tep to lianin dum sung aa lei vuh pawl in ong to meng meng ve vua ci in, ki ko ko kawm in si uh hi. Tua dum sungpan kha khat leng khia pah ving vengin, Mau vom ah nupi khat sung ah lut pah ziau hi. Nau suak aa a tei ciangin, Ka pian na Mualpi ka nu ka pa te ka u ka naute tua te, tua te a gen ciangin a u a nau te in delh in va en uh hi. Hih bang danin mihing sung ah piangkik cih Lai siangtho sung ah a om loh hangin, Lai bu tuam tuam ah ki gen peuh mah. Kawl te pau leh a sial sihte hia ci ki gen pha deuh. Milim bia ten (Nirvana) a cih pen sih na om nawnlo nat na om nawnlo phawk na zong om nawnlo bei mang kiuh keuh na ci hi. Ei bel bei mang lo lua kisa aa, Jesus pen “Hallelujah” ci aa phat cih tak aa phat di ih ni tha a thupi pen tua hi. Pasian ukna vantung ih cih pen ih tun theih nading in Jesuh hong pai hi. Jesuh hong paina thu a bulpi tua mah hi pah hi. Hong sih giap na zong tua mah hi. Jeush in mi khat peuh in tui leh kha siangtho tawh a suahkik kei leh van tung gam tunglo ding hi. ci hi.

Tui (water) H2O A khiat na bel thuk lak lua lo zawin tui pen leipi mai tang 2/3 bang a dim ni sim aa ih dawn guah aa hongzu zel lui te gunte ah a luang, tuipi dim taka a om tui temah hi pah hi. Johan in mite a tuiphum na tui mah hi pah aa, a tui in a thu tuampi hih tuan lo hi. Pentecost ni in Peter in mi tul thum bang tui nap hum hi. Sawltak 2: 31. Gaza khua lampi ah Ethiopia mangpa in “hiah tui om hi, Ka ki tui phum ding kua in kham thei ding hiam” a cih ciang in Philip in na tui phum hi. Sawltak 8:39, Tui tawh kiphum na tan ciang na ngawn Jessus min tawh phum kul hi. Bang hang hiam cih leh Sawltak 2:38, Peter in “Na mawh na uh ong ki mai sak theihna ding in Jesus min tawh na ki tuiphum un ci hi. Jesus min zang kei leng mawh maai na ding min dang zon kul ding hi. Jesus min tawh tui phum na ciangpen tui tawh pian thakna suah thakna a hi hi.

Kha Siangtho Kha siangtho tawh suah tawh suahthakna bel Pentecost ni aa Kamsang bang aa “kamtuampau na” a hi hi. Tui tawh suak thak a hih kei leh Kha Siangtho tawh suah thak na pen tui tawh masa zaw ding, Kha tawh masa zaw ding cih thu guipi, zuiding om tuan lo hi. Kha siangto tawh suah thak na in a ma sungah a pian masak aa leh tua zawh teh tui tawh suah kikna, tuiphum na kipia hi. Sawltak 8:15-16 Samaria mite in tui tawh suah kik a ngah masa uh aa, tua ciang in kha siang tho kinget sak hi. Sawltak ten khut nga aa Thu a ngetsak uh ciangin Kha Siangtho ngah lam thei uh hi. Gentail mite a hi Conilius te inn kuan tung ah, Kha Siangtho ngahin Kam tuam napau uh hi. Kha siangtho ngah aa kam tuam a pau uh ciangin Jesus min aa tuiphumna ki pia hi. Sawltak 10:14-17 Ephesa khuami te Johan in a tuiphum ciangin banglo min khat peuh tawh ki tui phum uh hi. Paul in Jesus min tawh tuiphum in a lu tung ah Khut nga aa thu a ngetsak ciangin Kha Siangtho ngahin kam tuam pau uh hi. Sawltak 19:1-7. Jesus min tawh ki tuiphumna pen tui aa suak kik na hi aa, Kha siantho tawh suahkik na pen Kha siangtho kam-tuam pau theih dong aa Kha Siangtho ki ngetsakna a hi hi.

Motto: Matthew: 18:20Date: 27/ 1/ 2013

Thumna: Zo lai siam lo ka hih man un lai mal khial a om leh nong mai sak nang leh lung duai tak in nong sim sak na ding in Jesus min suan in kong thum uh hi: