8/12/2019 MLA & SEC Inkawmna Thuchah - 25.2.2014

1/3

MIZORAM LEGISLATIVE ASSEMBLY MEMBER (MLA) TE

LAWMNA LEH THUCHAH

February ni 25, 2014

Ram tana thawhpui, Pu Speaker Chief Minister leh Legislator zahawm takte u,

Kan Lalpa Isua Krista hmingin Mizoram Presbyterian Kohhran, Synodaiawhin chibai kan bk a che u.

1. Lawmpuina:Kohhranho \awng\aina chhnga mipuite hmanga kan ram rorltura Pathianin a ruat che u hi thinlung takin kan lawmpui che u a, kan chhuang

hle che u a ni. Kan ram hruaitute hi Pathian ruat an ni tih hi Kohhranho chuan

kan pawm dan a ni a; nangni pawh hi tun huna kan ram enkawlna kawnga Pathianrawngbawl tura thlan in nih avangin theih tawpa \awiawm che u kan inhuam a;

\ha tak leh tluang taka ro in rel kan duhsak che u a ni.

2. Lawmthu sawina: Ram hruaitu thlan tharte Synod aiawha kawm \hin hiSynod inkhawmpuiin tih tura a lo rel tawh ni mah se, kan duh hun huna kan koh

khawm rual in ni lova; chuti chung chuan inthlahrung takin kan duhnate kan

Speaker zahawm tak hnnah kan han thlen a. Anin inhawng taka min lodawngsawngin kan rawtna min pawmpui a, ruahmanna min siampuiin in hun hlu

tak in rawn pe thei ta hi kan Speaker leh MLA zahawm tak takte chungah kan

lawm em em a ni.

3. Thuchah: Kan ramah hian ram roreltute leh Kohhranhote hi Pathian hruaina

zuia thawkho tur kan niin kan hria a. Kan nitin khawsakna mamawh ngaihtuah

kawngah ram hruaituten mawh in phur zual a; thlarau lam mamawh ngaihtuahkawngah Kohhranhovin tih tur kan ngah hle bawk a ni. Chuvangin, infinchhuah leh

inngaichang tawn a, theih tawpa kan \anho theih nan he hun remchang hi chuhin

kan ngaih pawimawh zual thu tlemte han sawi chhuah hram kan duh a. Dawh theitaka min lo ngaihthlaksak a, a theih anga min tihhlawhtlinsak turin kan ngen che

u a ni.

a) Hleih nei lo va, dik taka rorel turin : Hleih nei taka rorel hi Pathianin

a duh lo va, dik taka rorel turin roreltute chu a phut tlat a ni. Chuvangin

Mizoramah hian rorelna dik leh fel a awm theih nan, dik tak leh \ha taka rorel

turin kan beisei che u a. He Sorkar thar hi Party sorkar mai ni lo va, huapzosorkar ni turin kan duh a ni.

8/12/2019 MLA & SEC Inkawmna Thuchah - 25.2.2014

2/3

b) Ram hmasawnna hnukpui ngai pawimawh turin : (Ref. Synod 2004 Gen:2,

2005 Gen:17, 2008 Gen:29 ) Heng ram hmasawnna hnukpui Kawlphetha, ei leh

bara intodelhna, Vantlang hriselna, zirna lam, ram ngaw, nungcha leh leilung

humhalh humhalh kawnga \an la tur leh inkalpawhna \hate hi ngai pawimawh a,

thapui thawha bei ngei turin kan duh che u a; ram hmasawnna tur hian mimalham\hatna lam aia vantlang thil in\awmte ngai pawimawh hmasa turin kan beisei

bawk che u a ni.

c) Mizorama Zu Khapna kalpui dan chungchang : Kan rama Zu Khap Burna

Dan kan hman hnu-ah hian kan khawlai te hi a lo ralmuang ta hle mai a.

Zu ruih avanga lirthei chetsualna leh tharum thawhna dang thleng \hin pawha tlakhniam phah hlein a hriat a, a lawmawm hle a ni.

Kan Sorkar thar hian Zu Khap Burna Dan hi kalpui zel a tum dan hre

lo mah ila, kan ram dinhmun enin Zu khuahkhirhna thlahdul hi a ngamawmlohvin kan hria a ni.

Zu-in mihring hriselna a khawih pawi dan te, khawtlang nunhona a

nghawng buai dan leh kan thlarau lam nun thlenga a khawih pawi dan te

han ngaihtuah hian kan ram leh khawtlanga Zu tihtlangnel loh hi kan \hatpui

ber kan ring a,Kohhran rorelna chuan Zu a duh lohzia a lo tarlang fo tawh\hin a ni.

Tuna MLTP Act, 1995 kenkawh hi Kohhranin kan thlawp em em a, hei hian

mipui nun a tizalen a, sualna, chhiatna leh thihna tam tak thleng tur a veng a;mimal, chhungkua, khawtlang leh kan ram tan he dan kenkawh hi malsawmna a

niin kan hria a. Chuvangin he dan hi chak taka kalpui zel turin kan ngen che ua ni.

d) Mizoram leh Cachar inrina venhim thu : Kum 2013 Synod Inkhawmpui

chuan kan ram leh Cachar inrina chungchang a ngaihtuah a : Mizoram leh Cacharinrinna vela Mizo fate buh leh thlai, thing leh mau, hnam dangin an ruksak leh

hnehchhuha an laksak leh an tihchhiatsak \hin hi a lo tawp theih nan venhim hna

thawk turin Sorkar ngen ni se kan ti a. Ramri hrula chengte sahimna mai baka,

an huan lo ram te venhim leh humhalh \ul hlein kan hria a. Synod Inkhawmpuichuan kan unaute thlamuang taka an khawsak ve theih nan Sorkarin \an a lak chu

\ulin a hria a ni.

e ) Corruption tibo turin : (Ref. Synod 2006 Gen:44) Kan ram hruaitu zahawm

takten Corruption dona kawnga theih tawp chhuah in tumna \awngkam kan lo

hriatte hian min thlamuan hle a. Corruption hi kan ram hmelma, mihring nun lehrilru tichhetu, ram tihmingchhia a, ram hmasawnna daltu leh mi dangte chanvo

laksakna sual lian tak a ni a. Chuvangin, corruption tibo tura in hmalakna hi hlen

chhuak ngei turin kan beisei che u a ni.

8/12/2019 MLA & SEC Inkawmna Thuchah - 25.2.2014

3/3

4. Tlangkawmna : Hun kal tawh han thlir letin kan ramah hian Kohhran leh

Sorkar chu inngaichang tawn thiam takin kan lo thawkho tawh \hin a. Sorkar lo

ding tawhte pawhin Kohhranho thurawnte zawldawh takin min lo dawnsawnsak

tawh \hin a. Tunah pawh hian kan Sorkar thar hian Pathian leh a Kohhranho aw

ngaichang a, Pathian \ihna dik tak nen he ram hi in kaihhruai kan duh a, kan lo\awng\aisak zel dawn che u a ni. Pathian hre reng chunga, dik tak leh fel taka

ram rorelna kalpui turin kan duhsakna kan hlan leh a che u.

Ram tana in thawhpuite

Sd/- Sd/-

UPA H. ZOLIANA REV K. LALHMUCHHUAKA

Secretary Moderator

MIZORAM PRESBYTERIAN KOHHRAN SYNOD

25.2.2014