.. bAlA karpUra stotram ..prakR^iti chhandas - 21karpUrAmindugaurAM shashisakaladharAM raktapadmAsanasthAMvidyApAtrAkSamudrAdhR^itakarakamalAM tvAM smaransan trilakSam.japtvA candrArddhabhUSaM suruciramadharaM bIjamAdyaM tavedamhutvA pashcAdpalAshaiH sa bhavati kavirAD devi bAle maheshi.. 1 ..hastAbjaiH pAtrapAshAMkushakusumadhanurbIjapUrAndadhAnAMraktAM tvAM saMsmaransan prajApatimanujo yastrilakSaM bhavAni.vAmAkSI candrasasthaM kSitisahitavidhiM kAmabIjaM tavedaMcandrairhutvA dashAMshaM sa nayati sakalAn vashyatAM sarvadaiva.. 2 ..vidyAkSAGYAnamudrA.amR^itakalashadharAM tvAM manoGYAM kishorIMsmerAM dhyAyantrinetrAM shashadharadhavalAM yo japed vai trilakSam.jIvaM sa~NkarSaNADhyaM tava suranamite sargayuktaM subIjaMhutvAnte mAlatIbhirbhavati sa lalite shrIyuto bhogavAMshca.. 3 ..dhyAyan tvAM pustakAkSAbhayavaradakarAM lohitAbhAM kumArIMkashcidyaH sAdhakendro japati kulavidhau pratyahaM SaTsahasram.mAtarvA~NmArashaktiprayutamanumimaM tryakSaraM traipuraM tebhuktvA bhogAnanekAn janani sa labhate.avashyamevASTasiddhIH.. 4 ..AraktAM kAntadorbhyAM maNicaSakamatho ratnapadmaM dadhAnAMvA~NmAyAshrIyutAnyaM manumayi lalite tattvalakSaM japedyaH.dhyAyan rUpaM tvadIyaM tadanu ca havanaM pAyasAnnaiHprakuryAdyogIsho tattvavettA parashivamahile bhUtale jAyate saH.. 5 ..vANI ceTI ramA vAgbhavamatha madano shaktibIjaM caSaDbhiretaishcandrArddhacUDe bhavati tava mahAmantrarAjo SaDarNaH.japtvainaM sAdhako yaH smaraharadayite bhaktitastvAmupAstevidyaishvaryANi bhuktvA tadanu sa labhate divyasAyujyamuktiM.. 6 ..atyaSTi shikhariNI chhandas - 17mahAbinduH shuddho janani navayonyantaragatobhavedetadbAhye vasuchhadanapadmaM suruciram.tato vedadvAraM bhavati tava yantraM girisutetadasmin tvAM dhyAyet ka harihararudreshvarapadAm.. 7 ..navInAdityAbhAM trinayanayutAM smeravadanAMmahA.akSasragvidyA.abhayavarakarAM raktavasanAm.kishorIM tvAM dhyAyan nijahR^idayapadme parashivejapen mokSAptyarthaM tadanujuhuyAt kiMshukusumaiH.. 8 ..hR^idambhoje dhyAyan kanakasadR^ishAmindumukuTAmtrinetrAM smerAsyAM kamalamadhulu~NgA~NkitakarAm.japeddiglakSaM yastava manumayo devi juhuyAtsupakvairmAlUrairatuladhanavAn sa prabhavati.. 9 ..smareddhastairvedAbhayavarasudhAkumbhAn dadhatImsravantI pIyUSaM dhavalavasanAmindusakalAm.suvidyAptyairmantraM tava haranute lakSanavakamjapettvAM karpUrairagurusahitaireva juhuyAt.. 10 ..sahasrAre dhyAyan shashadharanibhAM shubhravasanAM-akArAdikSAntAvayavayutarUpAM shashidharAm.japedbhaktyA mantraM tava rasasahasraM pratidinamtathA.a.arogyAptyarthaM bhagavati guDUcyaiH prajuhuyAt.. 11 ..kulaGYaH kashcidyo yajati kulapuSpaiH kulavidhaukulAgAre dhyAyan kulajanani te manmathakalAm.SaDarNaM pUrvoktaM japati kulamantraM tava shivesa jIvanmukta syAdakulakulapa~Nkeruhagate.. 12 ..shive madyairmAMsaishcaNakavaTakairmInasahitaiHprakurvashcakrArcAM sukulabhagali~NgAmR^itarasaiH.baliM sha~NkAmohAdikapashugaNAnyo vidadhatitrikAlaGYo GYAnI sa bhavati mahAbhairavasamaH.. 13 ..manovAcA.agamyAmakulakulagamyAM parashivAmstavImi tvAM mAtaH kathamahamaho devi jaDadhIH.tathApi tvadbhaktirmukharayati mAM tadviracitamstavaM kSantavyaM me tripuralalite doSamadhunA.. 14 ..anuSThAnadhyAnArcanamanu samuddhAraNayutamshive te karpUrastavamiti paThedarcanaparaH.sa yogI bhogI syAt sa hi nikhilashAstreSu nipuNaHyamo.anyo vairINAM vilasati sadA kalpataruvat.. 15 ..bAlAM bAladivAkaradyutinibhAM padmAsane saMsthitAMpa~ncapretamayAmbujAsanagatAM vAgvAdinIrUpiNIm.candrArkAnalabhUSitatrinayanAM candrAvataMsAnvitAmvidyAkSAbhayabibhratIM varakarAM vande parAmambikAm.. 16 .... shrIparAtantre bAlAtripurasundarI karpUrastotram ..