LAI SIANGTHO HOLIM NA Volum. 9

Rev: Suan Khan Thang (Mualpi-Tonzang)

“Mundang ah ni tul khat om sangin nangma huang sung ah ni khat om hoih zaw hi. Git lohna inn sungah ka ten sangin ka Pa-sian inn kong cing ka hi nuam zaw hi” Late 84:10

Leitung ah i om lai teng hazatna a om tawn tung ding hi a, nang zong na hazat kawm kawm om thei ve ve ding hi. Hazat na bel Pasian in deih lo a hih manin thu kham 10 sung ah na ki at hi. Sum le paai, neih leh lam, min thanna neih ding a haksat hangin hazatna bel neih ding hak sa khol lo hi. “Na tua cih pong mawk hangin”, “Amah atua cih hangin”... ih cih lak ah (hang in) a ki hel kam guui cing khat a ki hel lak ah hazatna a ki hel khin hipah hi. Leitung ah nun tak khua sakna lak ah kumpi nasepna tawm ki kum nuam hang. A lianpen Kumpipa laiat pa, kumpi nasem a dawl dawl in, a niam pen inn phiat pawl, kong cing pawl hi pah hi. Ih na sep na tuam tuam te ah i dinmun ciat om hi. Bang din mun ah om ta le cin na dinmun pepeuh tung lug kim hit hiat ding thupi hi.

Denial dinmun: Tan lang khawng kum thum bang a kia pawl hi lo ding hi. A meel zong mi ngaih theih di hi pah. A pum tung poi na omlo, a ciim, a theih baih te lak ah ki teel hi. En huai, hazat huai mawk mah hi. Tua pil na thuk a pia pen Pasian hi ci hi. Dan 1:17Daniel a pilna a ki lat khiat na dingin Kumpi pa in mang man hi, a mang mat lah a lung kha sak, lausak a hih hangin a mang thei nawnlo in a mang theih lo ban ah a mang khiatna gen ding bel thu haksa hi. A mang gen thei hi leh a khiatna bel mot gen mawk theih hi ven. Kumpipa mipil lak ah 5 vei 6 vei a thuap thuap in ong tel mi ka hi zong in kei zong Pasian in gen ding hong pulak kei buag leh dawng lo a om cip ding mah hi. A hi zongin Pasian in Deniel tung ah hilh in Kumpipa mang gen in a khiat na zong gen pah hi. Deniel 2:15 Hih thu thuk mang leh mang khiat na a pu lak theih ma in Daniel te Babilon gam uk a suak uh a, Daniel bel kupi inn ah omin kumpi pa tawh vaihawm khawm hi. Kumpipa in Daniel te Pasian biak ding a thu piak sa a hih manin milim lianpi khat bawla biak ding thu in Daniel te ki hazatna pan a thu ki bawl hi ci ih phawk thei hi. Tua hang a milim bia nuam lo Daniel te Kumpipa ki khia hi. Meei khuk pi pan in Danel te si lo in vak zial zial Kumpi pa in a muh ciang in “Meei phualah i khiat mi 3 thum tun mi 4 hi mawk a, a lina papen Pasian tawh ki bang “ ci hi. Tua hangin Pasian miin pah tawi in a om hi. Daniel te a za khang to to in gambuppi uk ding Kumpi pa in geel na aneih ciangin en cik in a mawh na zong pha mah mah uh hi. A hih hangin Daniel tungah mawh sakna ding a mu zawh loh uh ciangin kumpi pa kiang ah paisim in, kua man Pasian kiangah thu ngen thei lo ding cih thu kham bawl sak hi. Daniel in ni khat 3 vei dong ngen zaw sop a hih manin humpinelkai te khumna sungah ki khia hi. Humpi nel kaite in a neek ngei te tawh ki bang sa khol lo ai tam lei tawh a ki a that gawp lohna ding in na tawi ziau uh hi. Kumpi pa a hih leh Daniel a ki ne bei tam ci in ih mu thei lo bek thamlo in a zi na ngawn lawnglo hi ci hi. Dan 7:18

Mordekai: A na sep bel kong cing hi. A za neu na ah va kam tam se ngei lo hi. Kong cingpa a ha za, a hua mah mah khat omhi. Kum pi pa tawh nisima sung tum pusuak a, an ne khawm tui dawn khawmpa, a lai at pa hi. Mordekai in thu nget na tawh pan mun a lak loh ngal bang mah ki hut na ding nei tuan lo hi. Kumpi pa lai at pa in thu neihna, vang let na tawh a thu zawh lua ki sa a, a mah thah ding nangawn hawm thawh hi. Mordekai ki thah ni ding zan ciang in Pasian in na sem hi. Pasian tua zah val ze kai lai leh Mordekai tham lo a mi nam bup in kithat ding hi.

Motto: Matthew: 18:20Date: 9/ 2/ 2013

Thumna: Zo lai siam lo ka hih man un lai mal khial a om leh nong mai sak nang leh lung duai tak in nong sim sak na ding in Jesus min suan in kong thum uh hi:

mail to: suankthang@gmail.com