Written by Qurratul Ain Mehboob7738855181

SCREENPLAY & DIALOGUES

Montage

[Gawon ke kuch log ekk hi pariwar ke 4 sadasyon ko iss buri trah se pitai kar rahen hain..the jayse kisi pagal janwar ko pita jata hai.Gawon ke sare log muk darshak bane ..iss tamashe ko khadhe dekh rahe the..]Cut toAnchor link 1.Kyun koyi Kisi ko iss tarah pitai karega? Akhir yeh kaun log the Jo kisi pariwar ko iss bedardi ke saath sare- aam pit rahe the...kya yeh koi apradhi the..? Yeh phir bekasoor the?? yeh inke saath koi sadyantra ho raha tha?? . aise hi aapke mann main bhi aa rahi hongi...aakhir kya ho raha tha yahan kyun yaatnayen di ja rahi thi inhe..? Yeh janne ke liye hamein 4..mahine pahle chalna hoga..!! [supoul Bihar ki yeh ghatna hai, jis main ek dalit pariwar rahta tha. Bahut hi garib priwar tha yeh. Sukhdev apne do bachhaon aur patni ke saath sukun ki zindagi guzaar raha tha]S No.-1

Ext/Int/nightLocation: sukhdevs homeCha-Father/mother/daughter/son[scene will be opend with the wide short, sukdev coming towards his home and inter into it ]

Mamta[sukhdev ki beti apne ghar main pareshan tahal rahi hai..darwaze pe khat ki aawaz hoti hai..]Pita ji !! aap ittna der kahen kar diya??Sukhdev

[ghar ke ander aate huye aur haaton main pakdha samaan mamta ko dete huyehas ker mamata se kaha]To tu perashaan ho rahi thi meri bitya?

Mamta

[thodhe naraaz hote huye]

To na hoti chinta karne ki baat hi hai? Aap jo itna der kar diya aur kitna andhera ho gaya hai..dekhiye toh..?? Basanti

[Etne main basanti Ander se aati hai aur kahti hai]

Tum bhi na mamata ke bapu ..apni aadat sudhar lo jamana ka dekho kab ka ho jaye koi nahi janta!! achcha kahe itna der kar diya aane mainkitna bar aap ko kaha hai...ki sanjh hone se pahle ghar aajaya Kariye.? Lekin kabhi aap sunten hain hamri baat...!!Sukhdev

[sukhdev basnti ko dekh kar kahta hai]Age se dhayaan rakhegen ham..tum sahi kah rahi ho..are wo apna anil hai na..wo sahar jar aha tha bas usi se baat main samay ka oata hi nai chala..khana lagade jaldi seaur munna kahan hai?? So gya ka..??Basanti

Haan haan laga rahe hain..haan munna sut gya hai..

Montage

Basnti khana lagati hai..roti aur saag ek plate main karke sukhdev ko deti hai waisa hi plate basanti aur mamtaka bhi hai..sab milkar khana khate hain..

Cut to S No.-2

Ext/day

Location: sukhdevs home

Cha-Sukhdev

[sukhdev apne khet jaane ke liye lagbhag tayaar ho chukka tha usne kandhe pe kudaal rakkha,aur basanti ko bahar se awaz lagayi]

Mamata ki maa are oo mamata ki maan ham khet ja rahe hain..naasta karne ka samay nahi hai..bahut jaldi dhup aa jata hai..achcha mamta ke haanth khet par roti bhijwa dena..?basanti

[ander se mamta ki maan chilla kar kahti hai.aavaaz deti hai ke thik hai]haan-haan bhijwa denge ..!Cut to

S No.-3

Ext/day

Location: sukhdevs Khet

Cha-

[treatment sukhdev khet main hal jot raha hai..mamta chilla kar bulati hai

MamtaPitaji jaldi..aaye

Sukhdev

[beti ki awaz ko sunkar jawab deta hai.]

Haan bitiya bas aa rahe hain..!!

Treatment sukhdev hal wahin par chodh kar kandhe se gamcha le kar moonh pochta hua mamta ke pass aata hai..

Mamta

[gusse se apne pita ko dhekte huye]ee ka pitaji ..aapko ketna baar kaha hai ke khet main jab kaam karo sar main gamcha baandh liya karo lekin aap gamcha ko garden main lapete rahte hain..dekhte hain kitna garmi padh ra hai..Sukhdev

[beti ko zara manate hai,phir sukhdev bolta hai]achcha meri maan !! pahle roti khila de uske baad ji bhar ke daat legi..bas![treatment -mamta jaldise roti,piyaaz aur hari mirch nikaal kar apne pita ko dene lagi aur ruaansi ho kar apne pita ko khate huye dekhne lagi]

Sukhdev

[beti ko udaas dekh kar kahta hai..]ka hua mamta kahe udas lag ri hai..tu..maan ne kuch kaha hai..ka tujhe..??

Mamta

[udasi se ] nahi pitaji ..kuch nai ..aap din bhar dhup main kaam karte rahte hain..aur roti pyaj khayenge to aapko taakat kaise hoga ..aaj ghar main koi sabji nai tha toh maan ne roti pyaj hi bhej diya

Sukhdev

Achcha..!! to tu isliye udaas hai..are tere baap ko isi pyaj aur roti se sarir main bahut takat milta hai..tu kahe paresaan hoti hai..achcha tune roti khaya..??Mamta

[thodha chwok si gayi phir samhalte huye boli]

Haanpitaji ham roti khaa kar hi ghar se nikle hain.. maan ne hamko Aur bablu ko pahle hi de diya tha..khane ko.Sukhdev

[thodha chwokte huye]

Bablu..?? iss samay toh woh school main hota hai?

Mamta

Haanhaan pitaji!aaj oska jee thik nahin tha isliye maan usko school nahin bheji!Sukhdev

[thodha sochte huye]

Tu bhi kal se school jaana surukar de.. teri maastarni saher se aa gayi hai hamko raste main mili thi.Mamta[khush hote huye]

Haanpitaaji maasterniji!saher se aagae..??Sukhdev

[beti ke taraf hasker dekte huye kahta hai]

Chalab tu jaldi se jaa!teri maan paresaan ho rahi hogi..?Mamta

[Khane ke dabba ko kapde men baandhti hai.]haan Haanpitajimaan chinta kar rahi hogi.. ab ham jaa rahe hain !

[treatment mamta ghar jaane ke liye khadhi ho jaati hai.. uske saath hi sukhdev bhi khadha ho jaata hai]

Mamta

Pitaji sar pe gamcha jaroor baandh lena,bahut dhoop hai!!Sukhdev

[sukhdev use bharosa dilate huye bola]

Haanhaan bandh lenge ab tu jaldi jaa!![sukhdev hasta hai]CUT TOS No.-4

ext/day

Location: village road

Cha-

[treatmenr mamta jaldijaldi kadam badhati apne ghar ki taraf jaa rahi hai..use maan aur bimaar bhayi ki chinta thi woh khush bhi thi ke use kal se school jana thamamta apni dhun men chali jaa rahi thi.achanak mamta ko aisa mahsus hota hai ke koi uska picha kar raha hai pal bhar ko who rukhti hai!!phir apna vaham samajh kar jaldijaldi ghar ki taraf badhne lagti hai..mamta ke kadam tez ho jate hain!

CUT TOAnchor link 2.

Sola varshiye mamta bahut khush thi ke kal se woh school jaayegi,mamta bahut mehnati bachchi thi.apne maata pita aur bhaai ki laadli. har waqkat apne ghar ki chinta rahti. woh bahut aage tak padhna chaahti thiaur masterni banna chahti thi. dalit hone ki vajah se gawon me log kam hi sammaan dete the.lekin isse mamta ko kuch phark nahin padhta tha.lekin mamta ko aisa mahsoos kyun hua? Ke koi uska picha kar raha hai..kya koi mamta ka sachmuch picha kar raha tha!yaa phir ye uska vaham?tha?

CUT TO S No.-5

ext/day

Location: sukhdevs house

Cha-basanti,sukhdev bablu,mamta. treatment basanti bahar nal pe bartan dho rahi hai,sukhdev lakdi kaat raha hai, chota beta bablu apni kitaab nikaal kar bahar padh raha tha.Mamta

[Mamta ghar ke ander se bahaar aati hai kaandhe main school bag Daleaur school dress pahne aur khushi se kahti hai] Maan,pitaji ham school jaa rahe hai..!!Sukhdev

[khushi se beti ko dekhta hai.]

Haanhaan beta tu jaajaldi!!teri maasterni tera rastaa dekh rahi hogi?

Bablu

Pitaji didi aaj kitni sunder lag rahi hai na[hasta hua kahta hai..]

Basanti

[Has kar kahti hai.] chal tu padhayi kar chup semamta school se tu sidha ghar aana kahin sakhi saheli ke saath ghumne nai chal jana.Mamta

Haan maan school se sidha ghar hi aayenge..ab ham jayen..??

Bablu

Haan..didi ab jaw..!!

Treatment - mamta hasti huyi ghar se baahar nikal jaati hai..sukhdev aur basabti bablu ki baat sun kar hasne lagte hain.CUT TO

S No.-6

ext/day

Location: school road

Cha-mamta Treatment -Mamta khushikhushi school ki taraf kadam badhaye jaa rahi thi .Use is baat ki khushi hai,ke uski ek baar school phir se shuru ho gayi hai mamta apne pawn se patthar ko maarti huyi school ke taraf badhi chali jaa rahi thi woh bahar se apne school ke gate ko dekh kar khush ho gayi kuch bachche bhi idhar udharr nazar aa rahe the ,woh sidha apne class ke taraf badh jati hai.Cut to

Scene no.7

Int/day

Location: mamtas classroom

Cha-mamta masterni Mamta

[treatment mamta apne classroom ke darwaze ke bahaar se hi apni maasterni ko kursi main bhaiti kitabon ko check karti dekhti hai]

Mamta

[mamta ne Khushi se thodha zore se kaha masterni se kaha] pranam maasterniji..??

Maasterniji

[chowk kar! aur khushi se uski taraf dhekte huye kahti hai]

Are mamta!aawoander to aawo kaho kaisa rahaek mahine ka chooti??

Mamta

[bura sa munh bana kar ]

Nahinmaasterniji,ek dam bhi achcha nahin lagaham to roj yehi sochteke aap sahar se kab aayengi aur hamaara padhai kab suroo hoga!Maasterniji

[usko manaate huye]

Achcha..aisa tha..bachche to khush hote hain chutti ka sunkaraur tumko dukh ho raha tha..Chalo ab ham aaa gaye naa!..Tum roz padhne aana??

Mamta

Haan masterni ji abb ham roj padhne ayenge hamko bhi apki tarah masterni jo banna hai..!!

Masterniji

Are wah..! ye to badi achchi baat hai ke tum bhi hamari tarah masterni banogi..!!

Treatment mamta masterniji ki baat ko sun kar muskura deti haimasterni bhi hasti hai.

Charge to mamta. Sc. No.-8ext/day

Location: sukhdevs house

Cha- mamta basanti.Basanti

[treatment basanti kapdhe ko rassi pe dalte hai!mamta ghar ke ander aati..Basanti beti ko dekh kerkapdhe ko vahin chodhti huyi beti ko aakar pyaar se kaandhe se pakad kar poochti haibasanti

are ! hamri bitiyaa aa gayi?kaisa raha tumra pahla din schoolka..??Mamta

[khushi se maa ki taraf dhek huye]very good maan.!!bahut majaa aayaa!maasterniji ne kahake ek mahine ka jo padhai naga huaa hai?woh sab bhi puraa maasterniji karvaa dengi..!basanti

are wah..! meri beti to angreji bol rahi haiaaj??mamta

haan maan !! ham bhi angreji bolenge jaisa masterni ji bolti hain..na..waisa hi..??basanti

achcha ..! ja abb jake school dress utar le abhi bablu bhi aane hi wala hogakhana laga deten hain aake khale ..mamta

achcha maan ham abhi aate hain..!!Treatment mamta ander chali jati hai..basanti phir kapda rassi main dalne lag jati hai.

CUT TO

S No.-9Ext/day

Location: school road

Cha-mamta Treatment -mamta roz ki tarah school jaa rahi thi apne aap main magan Bahut dino ke baad use phir aisa mahsooshuwaa ke koi uska picha kar raha hai,usne do teen baar piche mudh ke bhi dekha,lekin koi nazar nahin aayaa,darti huyi mamta jaldijaldi school ki taraf badhne lagimamta ka chappal tut jata haimamta apne tute chappal ko dekhti hai..phir piche moodh kar bhi dekhti hai..mamta apne dono chappal ko haanth main lekar nange pawn zor-zor se chalne lagti hai..itne main mamta ke pawn main kuch chubh jata haimamta krah uthti hai..mamta ke pawn se khun nikal raha hota hai..mamta ke aankhon main aansu aa jate hainMamta

[Mamta mutter] pawn main to bahut dard ho raha hai..ham school kaise jayenge..?? [mamta apne bag se apna ek rumal nikalti hai aur use apne pair main baandhti hai..phir idhar-udhar dekhti haiuse koi nazar nahi aata hai..mamta langdatehuye wapas ghar ki taraf chal padhti hai.CUT TO

Anchor link 3.

Aakhir ek hi tarah ka anubhav mamta ko kyun ho raha tha. use yeh uska vaham to nahin lag rahatha yaa phir koi sahi main uska picha kar raha tha..lekin iss choti si bachchi ka koi picha kyun karegakya mamta ke saath koi anhoni hone wali thi yaa kuch aur.hi ..baat thi??Cut to

S No.-1o

Int/dayLocation: sukhdevs home

Cha- basanti , mamtaTreatment mamta ghar main aati hai..mamta ko dekh kar sabji kaatti basanti chawk jaati hai.

Basanti[basanti sabji katna chodh mamta se poochti hai] Are mamta tu iss samay ??ka hua ..?

Mamta

[ruwansi hokar maan ke pass langdate huye aati hai] dekho na..maan..mera chappal toot gya ! aur pawn main kaanch bhi chubh gya hai..[ mamta apna khun main sana pair maan ko dikhati hai.]Basanti

[chikh kar] hay re dayya ee to bahute khoon bah raha hai!! Tu baith ham abhi haldi garam karke late hain!

Treatment basanti haldi garam karke laati hai aur mamta ko pair main lagati haiphir ek patti baandh deti hai.

Basanti

Abb tu aaram kar.

Mamta

Maan aaj masterni ji..ganit ki pariksha lene wali thi..aur dekho na..hamko ka ho gya..??

Basanti

To ka hua..? kal parikcha de degi..teri masterni to bahut achchi hai..na.? tujhe pyar bhi to karti hai..!

Mamta

Haan maanmasterniji bahut achchi hain..lekin mera chappal bhi to toot gya hai

Basanti

Tu chinta na..kar bitiya abhi bablu school se aa jayega to tera chappal silwa lenge..!

Treatment mamta maan ki baat ko sunkar khush ho jati hai.

Charge to mamta.

S No.-11Int/NightLocation: sukhdevs homeCha- sukhdev ,basanti ,bablu mamta.Treatment - basanti apne pati aur dono bachchon ko raat ka khana Khila rahi hai.

Bablu[khana ko dekh kar bablu bura sa moonh banakar bolta hai] eekaa maan? sab din ek sa khana? bas roti dal? kabhi murgi bhi pakaw naa maan ?

Mamta

[gusse se bhai ko dekhti huyi kahti hai]

Aebablu chup.. se khana kha.bas bakar-bakar karta hai.jo ghar main hoga wahi toh pakayegi maan..!!Sukhdev

[bachchon ko ladta dekh sukhdev thodha sa mood achcha karne ke liye kahta hai.]

Thik toh..bitwa kah raha hai..? sab din ek sa khana? arekhabi kabhaar murgi bhi banaa de bhagwaan hamra bachcha log ke wasteBasanti

[thodha gusse main pati ko dekh ke bolti hai] Kahan se murgi banaaye? thik se roti daal toh jutta naihai..murgi kahan se pakayen..Sukhdev

[patni ko thodha gussa kam karne ke liye has kar kahta hai ]Dekhdekh gussa na ker.. mamta ki maan kal murgi hi pakega..hamre bachcha log ke liye...Mamta

Nai pitaji aap bablu ki baat mat suniye iska to dimaag hi kharab hai..

Sukhdev

Are bitiya ham bhi toh bahutte din se nai khaye hai na murgi tera dil nai karta achcha khana khane ko..bol..aur tere pair se khoon nikla hai..usko waapas bhi to lana hai..[sukhdev bol kar hasta hai.] kal to murgi hi banega!![treatment - mamta sukhdev ko dekhti hai.. aur has deti hai..sukhdev has deta hai..sabhi ke chehre main khushi thi ke kal murgi banega khane main..]

CUT TO

S No.-12Int/day

Location: sukhdevs home

Cha-

Basanti

[treatment mamta so rahi hai,basanti aakar mamta ko uthati hai. ] Aremamta uth school nahin jaana ka tujhe ..tera dard kaisa hai..bitiya..?

Mamta

[dhire se uth baithti hai aur wahin se diwaar ki taraf dekhti ] maan pawn main to thoda dard hailekin hamko school jana jaroori hai..?Basanti

Na..beti aisa dard main tu paidal chalegi to aur dard badh jayga aaj tu..hai na..school naga kar de..kal se school chali jaygi.!

Mamta

[udas ho kar] thik maan jaisa aaj ham school nai jaate hainmaan ek baar aur haldi ka lape kar do na..pair main..??

Basanti

Haan bitya ham abhi lekar aate haintu abhi aaram kar.

Treatment - basanti kamre se nikal jati hai..mamta kuch sochne lagti hai

Charge to mamta. S No.-13

ext/day

Location: sukhdevs home

Cha-mamta ,sukhdev,basantiTreatment sukhdev ghar ke andar in karta hai..mamta ko charpayi pe baithe dekh kar chawnk jata hai..apne haanth main pada thaila ek taraf rakhta hai..Sukhdev

Are bitya aaj school kahe nai gayi..??

Mamta

[andar se aati basanti kahti hai] mamta ke pair main abhi bhi dard hai isiliye aaj ham usko school nai bhejen hain..kal se school jaygi..

Sukhdev

Achcha..kiya aaj school nai bheja abb hamri bitya naya chappal pahan kar school jayegi

Mamta

[Khushi se] naya chappal pitaji..??

Sukhdev

Haanbitya naya chappal..[ sukhdev apne kapde ke jhole se ek chappal nikal kar mamta ko deta hai..

Mamta

[mamta chappal dekh kar khush ho jati hai] wah pitaji ee to bahut sunder haiek dam sahar ki ladkiyon ki tarah hai..ham pahan ke dekhen..??

Sukhdev

Haan..haan..dekh pahan ke..!

Basanti

[basanti pahanne se rokti hai.] rook abhi ..mat pahan ismain to edhi hai tujhe aur jayda dard hoga

Mamta

[mamta zid karti hai.] nahi maan ..dard nahi hoga ..abhi ham pahan kar dekhate hain..[ mamta chappal pahanti hai aur chal kar dikhati hai..]

Sukhdev

[Khush ho kar] dekha hamri bitya ka..dard udanchu ho gaya.!!Treatment mamta khushi..khushi chappal ko pahan kar chalti hai..basanti aur sukhdev mamta ko khush dekh kar khush hote hain.Cut to

S No.-14ext/day

Location: sukhdevs home

Cha-mamta ,sukhdev,basanti

[treatment Basanti ghar ke rasoi se mamta ko aavaaz deti hai.. naashta karne liya bulaati hai!]Basanti

Are mamta jaldi se aake nasta kar le..Mamta

[Mamta school dress pahne ander kamre se nikal kar basanti ke pass aati hai.!] Nahin maa!ham nasta aakar karlenge hamko der ho gayi hai ..! dekho maan ..?chappal kitna achcha lag raha haiapni masterni ko bhi ham apni chappal dikhayenge..!

[mamta khush ho kar maan ko dikhati hai.][basanti chappal ke taraf dekh kar] haan bitya bahut achcha lag raha hai..! ekdam sahar ki ladki ki tarah..

Mamta

Achcha maan ham ja rahe hain aate samay bablu ko bhi ham saath leke ayenge..

Cut to

S No.-15ext/day

Location: school road

Cha- mamta [der ho jaane ki wajah se mamta jaldi jaldi school ki taraf badh rahi thi..apne nate chappal ko bhi muskura kar dejhe ja rahi thi.jaldi-jaldi school jaa rahi hai.Achaanak mamta ko kisi ne ek divaar ke piche kisi ne khich liyaye itna jaldi main hua ke mamta ko kuch bhi samajh main nahi aya ..lekin mamta ke hosh udh gaye..mamta ke face reaction lene hain.CUT TO

Anchor link 4.

Aakhir Ye kya ho raha tha mamta ke saath..!! aur koun tha woh jo mamta ke saath aisi harkaten kar raha tha?? kya ye mamta ke marzi se ho raha tha ..? ya koi phir mamta ke saath koi jabardasti.kar raha thaaane wale din mamta ke liye kuch kathin hone wale then..CUT TO

S No.-16Int/Night

Location: sukhdevs bed room

Cha- basanti, sukhdev.[treatment sukhdev aur basanti zameen par lete huye the aur mamta aur bablu ke bare main baaten kar rahe the]Basanti

[lete huye chat ki taraf dekhte huye bolti hai.]

Mamta ke baapu!!ab tum mamta ke liye ver dhoondo 16 saal ki ho gayi hai,kuch din se thodha chupchup si rahti hai,pataa nahinpadhai ka bojh hai ya phir kuch aur?Sukhdev[thodha othte huye gusse se bolta hai ]Yeh tu kya bol rahi hai?...tera dimag to kharab nai ho gaya hai..mamta achchi bachchi hai!use to ham masterni banaayenge !haan padhai ka boj hoga isiliye chup rahti hogi bitia hamritu uski maan hai ki dusman ..?? tub hi apni beti ko bojh samajhti hai na..ke beti 16 saal ki ho gayi haiab uske liye war dhundoabhi mamta bachchi haisahar main mamta ki umar ki ladki frak pahan ke khelti hai..! aur tu uski byah ki baat kar rahi hai..Basanti

[basanti sukhdev ki baat soon kar use samjhane ki koshish karti hai.] mamta ke bapu ye sahar nai hamra gawn hai..gawn ke log padhe likhe hote nahi hote hain .yahan ke log yahi chahte hain ..ke jitna jaldi ho sake beti ki bidayi kar den ham ka gawn se alag hain..??

Sukhdev

[gusse se patni ke taraf bina dekh ke bola]Haan alag hain ham ..hamri bitya masterni banegi..ketna sauk se hamri bitya school jati hai..tu uske bare aisa baat kar rahi ke jaise tu uski sauteli maan hai..!!Chalab so jaa subah hamko jaldi uthna hai.. dusre gawon jana hai.. kheti ka kuch samaan lana hai.. sewere roti de degi raaste ke liye!![treatment -sukhdev dusri karwat leke sone ki koshish karta haisukhdev ke chehre pe kuch pareshani jhalak rahi thi..basanti bhi kuch pareshan nazar aa rahi thi.!]

CUT TO

S No.-17Int/Day

Location: sukhdevs home

Cha-mamta [treatment mamta gumsum aangan main bathi huyi hai aur kisi soch main gum hai basanti mamta ko dekh kar pareshan hoti hai.]Basanti

[beti ko khamosh dekh kar basanti poochti hai]Kabitia ka huwa? kaa soch ri hai jaa.. jake tayyar ho ja school ke vaaste..school nai jana hai..ka..??Mamta

[zameen ke taraf dekhte huye kahti hai.]

Maanji thik nai lag raha hai..school nahin jaane ka man kar raha hai hamko !Basanti

[paas aakar bathte huye kahti hai.]

Kaa huya?koi baat hai ka?..masterniji ne kuch kaha hai..kya..?Bahut chup,chup hai do din se?

Mamta

[mamta jaldi se maan ko dekhti aur muskurati hui boli]

Nahin maakoi baat nahin haimasterniji to bahut achchi hain..tu to bas toorant perashan ho jati haiasal main pitaji dosre gawon gayen hain na..? isliye socha aaj school naga karlete hai aur aaj ham sara din ghar ka kaam kar lete hain..agar tu chahti hai ke ham school chale jayen to thik hai ham chale jaate hain.!!

Basanti

[itminaan ka saas lete huye]Achcha,isi vaste hamari laado dukhi hai.. bablu hai na!tu school jaanahin to tera bap bahut gussakahega ke ham hi tujhe school jane nahi diya hoga jaa jaldi se jake jaldi se tayyar ho jaa!!Treatment mamta na chahte huye bhi school ke liye tayyar hone chali jati haibasanti muskurati mamta ko jate huye dekhti hai.Charge to basantiS No.-18ext/Day

Location: school road

cha-mamta [treatment mamta daredare kadmo se school ki taraf badh rahi thi..Bahut saare bure aur daraawne khayal mamta ke mann main aarahe the. aur us din ke ghatna se uska man bahut dara hua tha! achaanak mamta ke kandhe me piche se kisi ne haanth rakkha.. mamta bhaibit ho kar piche palti!!]

Sarita

[treatment sarita mamta ki saheli mamta ka dara chehra dekh kar hasne lagi.aur haste huye kaha] Are!tu to aise dar gayi ke main koi bhoot hoon..!! aise ka dekh rahi hai apni sakhi ko? pahle dekhaa nai ka kabhi..??Mamta

[thodha sa normal hote huye kahti hai.]

Ooo ham samjhe ke pata nahin koun hai..? isi liye ham darr.. gaye aur koi baat nai hai..! chal jaldi chal nahin to kachcha suru ho jayegi!Treat ment mamta aur sarita jaldi-jaldi school ki taraf badhne lagti hain. CUT TO

S No.-19Ext/Day

Location: school gate

cha-

[ school ki chutti ke baad sarita aur mamta school gate ke paas khadhi hain]

Sarita

[apne baalo ke riban ko thik karte huye]

Mamta ham mousi ke ghar jaa rahe hai amrood sita phal lane..tu bhi chal na..thode der main aa jayenge!! Mamta [mamta kuch soch kar] nai sarita ham samay par ghar nahi pahoonchenge to maan paresaan hogitu chali ja..Sarita

Achcha thik haiamrood aur sita phal ham tumkombhi denge ..achcha thik hai ham chalet hain..warna mausi phir hamko dategi ..!!

Treatment Dono saheli hasti hai phir dono apne raste chali jaati haiCUT TO

S No.-20Ext/Day

Location: school road

cha-mamta suresh [mamta phir dari sahmi si ghar ki taraf badhne lagiAbhi kuch hi doorchali thi ke use piche se kisi ne khickh kar ek taraf kar diya.mamta use apne saamne paakar paseenepaseene ho gayi aur dar ke maare uske gale se aavaaj hi nahin nikli]

Suresh[mamta ki taraf dekhte huye has kar bola]

Mamta Kaa ham itne bure hain jo dekh kar der gayi tum..??Mamta[ darte aur apne aapko chudhate huye]eeetumhamhamre saath aisa kahe kar rahe ho.. ham ka kiye hain tumra..hamko chodhohamko ghar jaane do hamri maan paresaan ho rahi hogi hato hamre raste se..??!!

Sures

[suresh ek dam se mamta ko chodete huye bola] Lo chodha diya!...abb khus..??[treatment mamta ek taraf rote huye jaldi se apne aap ko khud main samatte huye jaldi se jaane ke liye aage badhi hai lekin? suresh uske saamne aa kar khadaa ho gaya aur kahne laga]

Sures

[mamta ke thodhi ko upar karte huye bola]

Pehle!!vada kar hamse kal yahin par milegi..?humko tum se bahut sarabaat kar na hai milegi tabi to bataaenge aur kal tere liye ek tohfa bhi layenge samjhi..??

Mamta Tohfa wo kyun lawoge mere liye ?? maan kisi se kuch bhi lene mana karti hai isliye hamko tumse kuch nahi lena hai..Suresh

[mamta ki baaten sunkar suresh has deta hai] are tubhi na ekdam pagli hai.. tujhe batane ki kya jaroorat hai..ke hamne tujhe tohfa diya hai.!! Mamta

To kya maan se jhuth bolenge ham!Suresh

Tu maan se sab baat karti haikya..kya ..??

Mamta

Haan ham maan se sab baat karte hai..!!

Suresh

Aaj ki bhi baat maan se batayegi..??

Treatment suresh ki baat soon kar mamta suresh ko gaur se dekhti haisuresh mamta ko muskura kar dekhta haimamta bhi muskura deti hai.

Suresh

Kabhi-kabhi koi baat maan se bhi chupana padhta hai..!![mamta ko gahri nazron se suresh dekhta hai]Charge to mamta

S No.-21int/Night

Location: sukhdevs home

cha- bablu , sukhdev,basanti.[ bablu laalten main padhai kar raha hai!.sukhdev kudaal thik kar raha hai!basanti roti banaa rahi hai mamta ko wahan na dekh kar basanti se poochta hai..]Sukhdev

[kudaal ek taraf rakhta hai]

Are! mamta ki maa??aaj mamta badi jaldi so gay..i?uska tabiyat to thik hai na..?

Basanti

[roti ek taraf rakhti huyi]

Haan ..tabiyat thik hai kahke suti hai ke kal masterniji jaldi bulayi hai..khana khake suti hai..tum chinta mat karo !!Sukhdev

Achcha-achchaab jaldi se khana de de bahut bhuk lagi hai..!! haan ek baat toh ham batana hi bhul gaye ..ooo jo apna lohaar hai na..sambhukal uski beti ka byah haihamlog ko bulaya hai..Basanti

[kuch sochti hai] jaa ke ka karenge sau pachaska kharcha badh jayga..!!

Bablu

Nai maan hamlog jaroor byah main jaynge..!! wahan..achch-achcha khane ko milega..hai na..pitaji..??

Sukhdev

Haan-haanbitwa..ye teri maan hai nabass aise hi bak-bak karti rahti hai..!!

Basanti

[gusse se bablu ko ek thappad marti hai] tu bass khan eke liye marr kahe tujhe ghar main to khana milta naihai.

Treatment basanti se maar kha kar bablu rone lagta hai..sukhdev bablu ko chup karane lagta hai..

Sikhdev

Tumko ka hua hai..?? badi..gusse main hai aaj tu?bhala bachcha ko aise koi marta hai..ka..?? kal mamta aur bablu ko saath le kar byah main chal jana sau rupya bitya ki maan ko de dena.

Treatment narazgi se sukhdev ko dekhti hai.CUT TO

S No.-22 ext/Day

Location: school road

Cha-

[ treatment aaj mamta ke pawn dar kar nahi balke tez..tez chal rahe then aaj uske chehre main ajeeb si muskurahat thi solah saal ki kishorike man main aaj ek naya ahsaas jaag raha tha!woh baarbaar piche mudh kar dekh rahi thi maano kisi ka intazaar kar rahi hai lekin koyi nahin aaya uske chehre ka rang pikha padh gaya thamamta ke aankhen kisi ko dhund rahi thin lekin wahan mamta ke alawa koi nahi tha..mamta udaas mann se school ke gate main ghus jaati ha!!Ext/day S No.-23Location: sukhdevs house

Cha-mamta ,basanti,bablu.Treatment mamta ghar main aati hai basanti bablu ke baal ko thik kar rahi hai..maan ko naya kapda aur bablu ko naya kapda pahne dekh kar mamta ko bahut hairat hoti haiwho apna school bag charpayi pe fek kar basanti ke pass aati hai.

Mamta

Maan tum sabne naya kapda kyun pahna..hai??

Basanti achcha tu aa gayi !! ja jaldi se tayyar ho ke aaja ..sambhu lohar ki beti ka byah hai ..aaj ham sab wahin jaa rahe hai!!

Mamta

[mamta boora moonh bana leti hai] nai maa tu bablu ke saath chali ja mera ji nai hai jane ka..!

Bablu

Chalo na..didi..? wahan bahut mithayi bhi hogi khane ko..?Basanti

Eee ka baat hua..?? tumko ka ho gya jo nai jane ka mann haija jake jaldi se tayyar ho !.jab dekho to jiye thik nai hai..??

Treatment mamta basanti ki baat sun kar ander kamre main chali jaati hai.

Cut to

S No.-24Ext/day Location: sambhu houseCha-mamta ,basanti.sambhu ,bablu sambhu suresh sambhu wife and othersTreatment sambhu ki beti ka byah ho raha haikuch bheed bhaadh hai..sab log ek jagah khade ho kar byah hote dekh rahe hain mamta bhi bedili se byah dekh rahi hai..achanak mamta ki nazar saamne khade suresh par jati hai..jo mamta ko dekh raha tha..suresh ko dekh kar mamta ka udas chehra khil jata hai..suresh mamta ko ishare se bahar bulata hai..mamta ishare se inkaar karti hai..suresh phir ishare se bulata hai..mamta dheere se wahan se nikalna hi chah rahi thi ke basanti aa jati hai..mamta ruk jati hai..suresh ko gussa aa jata hai..aur who wahan se chala jata hai..mamta ko bahut dukh hota hai suresh se na milne ka.Charge to mamta

Ext/day time 5 pmS No.-25Location: sukhdevs house

Cha-mamta ,basanti,bablu[treatment mamta ke haanth main do notebook hai woh maan ke paas aati hai maa bahaar aangan main jhaadhu laga rahi hai bablu lattu nacha raha hai..]Mamta

[mamta kuch jhijhakte huye maan ke pass aati hai aur basanti se kahti hai]

maan!ham sarita ke ghar jaa rahe hain thodha saa likhna rah gaya thaham aadhe ghante main aa jayenge tum chinta mat karna.Basanti

Eee achanak tu sarita ke ghar kahe ja rahi hai..?? aaj school to gayi thi na..tu ..? to likhna kaise rah gaya..??

Mamta

[Thode gusse se] tum bhi na..maan kabhi-kabhi thanedarni..ban jati ho ..bas abhi aa jate hain na ham..

Basanti

Achcha thik hai..bablu ko saath leja ..!!dekh saam hone ko hai..!

Mamta

Tum bhi na..maan .bablu ka karega wahan par..ham to likhenge..sarita ka to kio bhayi bhi nahi hai..jiske saath bablu khelega[maan ki baat sune bina mamta ghar ke darvaaje se bahaar nikal jaati hai.

Charge to basantiS No.-26Ext/Evening

Location: village road

Cha-

[treatment mamta jaldijaldi apni manzil ki taraf badhi chali jaa rahi thikabhi usne jhoot nahin kaha tha apni maa seis baat ka use afsoos bhi hai lekin woh dil ke haanton majboor ho chuki thi.Mamta

v/o ham aaj tak maan se aise jhuth kabhi nahi bola..pata nahi maan ko kaisa laga hoga.mamta phir chalne lagti hai..mamta ko samne suresh nazar aata haimamta khadi ho jati hai..suresh mamta ke pass aata hai..

suresh

[mamta ko gaur se dekh kar kahta hai] aaj maan ko sach bata kar aayi hai..ya jhuth bol kar aayi hai.

Mamta

Agar sach kahte toh ham tumse milne aa sakte then ka??Suresh

Achcha ab toh tum safed jhuth bolne lagi hai na..??

Mamta achcha abb ham chalte hain..!! achcha..bulaya kyun tha..hamkoyahan ??Suresh

Abhi aayi aur abhi chal di..aisa bhi ka kaam hai..tumko..?? achcha dekho ham tumre liye ka laye hain..?? [suresh apne pocket se ek dabba nikal kar deta hai..

Mamta

Ka..hai..??

Suresh

Pahle kholo to !!

Mamta

[Mamta kholti hai] achcha nakhun paalis hai..!!

Suresh

Haan dekho ..kitna sunder rang hai..!!

Mamta

[Khushi se dekhti hai.] haan bahut sunder rang hai..!! Suresh

Haan ekdam tumre jaisa sunder

Mamta

[Sharma kar]hatt ham sundar kahan hain..??

Suresh

Kaun andha kahta hai ke tum sundar nahi ho..?? hamri nazar se dekho tum kitni sundar ho.!!

Treatment suresh mamta ka haanth pakadta hai..mamta haanth chudati hai..suresh phir pakadta hai..mamta chup rahti hai..suresh mamta ko kiss karna chahta hai..mamta suresh ko dhakka de deti hai..suresh ladkhada kar niche gir jata hai..mamta darr jati hai mamta suresh ko uthane ki koshish karti hai..suresh uske haanth ko jhatak deta hai..mamta ruwansi ho kar suresh ko dekhti hai..suresh uth jata hai..aur jane lagta hai.

Mamta

[suresh ka haanth pakad kar] hamse ruth gaye tum ..??

Suresh

[Suresh gusse se] itna jor se hamko dhakka jo diya tumne..agar ham mar jate to..??Mamta

[Surash ki baat soon kar suresh ki moonh main haanth rakh deti hai.] aise to mat bolo !! koi itna bhi jor se dhakka nahi de diya tha..ham?? achcha ab ham chalet hain raat hone ko aayi hai maan chinta kar rahi hogi

Suresh

Achcha wada kar ke kal khet ke pass ayegi school ke baad..tab jane denge ham tumko..??

Mamta

[jhunjhla kar] haan baba ham aa jayenge ab jane do hamko ..!!

Treatment mamta chali jaati hai..suresh mamta ko kamini nazaron se jate huye dekhta hai.

CUT TOS No.-27Ext/night Location: sukhdev houseCha-mamta ,basanti ,bablu and sukhdev.[treatment Raat ho chuki thi Ghar ke bahar aangan main..basanti aur sukhdev mamta ka intazaar kar rahe the..achanak darwaaze per khatka sunai diya..mamta darwazaa laga rahi thi ]

Sukhdev

[Gusse se mamta se bola]

itne der se kahan thi, ee..samaye ghar aane ka hai..?

Mamata

[Thartharati aur kapkapati aawaaz mein sukhdev se bolti hai]

Pi...pita ji hamm sahi samay pe sarita ke ghar se. ni..nikle the. Lekin gali main kutta bahut tha. To hum uske hatne ka raah dekh rahe the . isliye pitaji der ho gaya Hamko ! maaf kar dena pita ji..??sukhdev

[zoor se haste huye]

Are! Hum to samjhe the ki hamari beti sherni hai, are ee to chuhiya nikli..chuhiya..!!Basanti

[daantte huyemamta ko ]

Chal jaldi se haanth munh dho le ham khana lagate hain..jara iss ladki ko akal nai hai ke itna raat main ghar se baahar nai rahte hain..jane kab akal ayga isko ..??Treatment Mamta apne kamre main jaa kar char payi pe baith jati hai..mamta ke jaan main jaan aati hai mamta itminan ka saans leti hai.Cut to..

S No.-28Ext/afternoon Location: khet ke peeche

Cha-mamta and sureshMamta[mamta Ghabraai Huyi suresh ke pass pahuchti hai..suresh mamta ko dekhte hi gale laga leta hai mamta suresh ko apne se alag karti hui kahti hai]Mamta Ye kya kar rahe ho tum ??Hamko ee sab achcha nai lagta hai !! ye sab achcha kaam nai hai..??Suresh

[Mamta ke baalon ko sahlaate huye kahta hai]

Are ! tumko koun ee sab bol diya hai ke ee sab galat hai..Galti hum ka kar rahe hain? Ham to pyaar kar rahe haiare pagli pyar karna paap thode hai.Koi hai hamre jitna smart iss gawn main.. Are goan ki sari ladhkiyan na tujhse jalan karti hai .aur ke..Ham hain ki sirf tere par hi marte hain..!! aur tu hai ki sahi aur galat bata rahi hai hamko ! tu nai janti haike Tu kitni sunder haiachcha ek gana tumko sunate hain ..tumra mood hai na..ekdam achcha ho jaygaMamta

[suresh ki ye sabb batein mamta ko achchi lag rahi thi ya nahiWho khud samajh nahi pa rahi thi!saham ki gahraai ko dekhte huye usne suresh se kaha] Bahut der ho gya ! Ab ham ghar jaate hain Treatment suresh mamta ki baat ko ansuna karke apne mobile main gana lagata hai.[roop tera mastana pyar mera diwana bhul kahin hamse na ho jayeye gana soon ke mamta Sharma jati haisuresh mamta ka bag ek taraf phek deta hai..aur mamta ko bahon main bhar ke kiss karne lagta haiphir mamta aur suresh apne had ko paar kar dete hain.]Cut to..Anchor link 5.

Mamta jo kabi jhoot nahin bolti thi ! lekin ab jhoot bolne lagi thi .woh kiske vajha se jhoot bol rahi thi!..kya ye jhoot use bahut hi mahanga padhne wala tha yaa woh sachmuch mamta se pyaar karta tha?? Mamta suresh ko bina jane suresh se pyaar karne lagi. kya mamta ko itni badhi galti karni chahiye thi useapni maan se ye baat zaroor bataani chahiye thiya apni saheli sarita se hi suresh ke bare main bata deti .mamta ne aise aadmi par vishwaas kar liya tha jisse woh sirf chand dino se hi jaanti thiaane wale kal main mamta ke liye kya tufan aane wala tha isse mamta bilkul bekhabar thi.!CUT TO

S No.-29Ext/day

Location: sukhdev house

Cha-mamta [treatment mamta bhari man se thoda langdati huyi aangan main jhaadhu laga rahi hai aur maan nal ke paas bartan dhoti basanti mamta ko gumsum dekh kar pareshan ho jati hai basanti bartan dhona chodh kar mamta ke pass ati hai.Basanti

Ka hua hamri bitya ko..jo itna chup hai..aur tere pawn main ka hua hai..jo langda ke chal rhi hai..kahin chot oot lag gya ka..??

Mamta

[mamta maan ke bbat ko sun ke darr jati hai.] nai maan kuch nai hai..sar main dard ho raha hai..aur kuch nai..[achanak mamta ko kuch yaad ata hai ] maan ham sarita ke pass se aate hain bas adha ghanta main.

Basanti

[hairat se ] abhi to kah rahi thi ke sar dard kar raha hai..aur abhi achanak sarita ke ghar jana hai..aram kar chup se..!!

Mamta

Nahi maan hamko bahut jaroori kaam hai..ham abhi aate hain

Treatment mamta maan se kah kar ghar se baahar nikal jaati hai..basanti khud se sawal karti hai

Basanti

[basanti mutter] mamta ko ka ho gya hai..aisi to hamri bitya nahi hai.

Charge to basanti

S No.-30int/evening Location: khetCha mamta and sureshTreatment suresh mamta ko dekh kar darr jata hai..mamta ghabrayi si suresh se bolti hai

Mamta

Sures hamko kuch bhi achcha nai lag ra hai..!! tum apne mata pita ko hamre ghar bhejo byah ke liye..!!

Suresh

[Mamta ko samjhata hai] bhej denge ..itna paresaan kahe ho rahi hai pagli ?? ham..kahin bhag jayenge ka..tumko chodh ke..?Mamta

[Mamta gusse se suresh ka collar pakad leti hai.] aisa na..phir se mat bolna !! nahi to ham tumri jaan le lenge.!Suresh

[Thoda sambhalte huye ] dil to le hi liya hai..! jaan bhi ab le hi lo..??

Mamta [collar chodti hai] hamko na majaak ekdam pasand nahi hai..!Suresh

Ham majaak kahan kar rahe hain..?? bas ab ham kuch hi din main apne pariwar walon ko bhejte hain .! tum chinta mat karoaur haan.. abb thoda hamlog ko kam milna chahiye hamari byah ki jo baat hone waali hai.kyun sahi kah rahe hain na ham.??Treatment mamta suresh ki baat ko soon kar has deti hai..aur wahan se chali jati hai suresh sar main haanth rakh kar kuch der kuch sochta hai phir wahan se chala jata hai.

Cut to

Sce no.31

int/day Location: sukhdev HomeCha-mamta ,sukhdev,basanti,bablu.Mamta

Treatment mamta School jane ke liye tayyar hoti hai..apne baalon main ribbon laga rahi hai..bablu baahar padh raha hai..sukhdev..khet jane ke liye tayyar hai..basanti roti paka rahi hai.

Sukhdev

[sukhdev Gale main tauliya rakhta hua kahta hai] bablu chal ham tumko school chodh dete hain..!! mamta kahan hai..?? mamta ki maan !

Mamta

School ke liye tayyar hoti hogi.[mamta ko chillati hai] mamta are mamta..!! kabse tayyar ho ri hai tujaldi aa??

Treatment mamta ki aawaz soon kar mamta baahar aati hai..bablu bhi uth kar sukhdev ke pass aa jata hai..

Sukhdev

[mamta se kahta hai] ka hai hamri bitya?? Padhayi ka jayda bojh ho gaya hai..ka?? are mamta ki maan hamri bitya ko kabhi-kabhi anda de diya kar..naaste main!!Treatment mamta anda ka naam soon kar bura sa moonh banati hai..

Basanti

Mamta ke bapu tum jawo na..ab? bablu ka school ka der ho jayegaaa mamta ab tu baith ja naasta kar le!

Treatment basanti ki baat soon kar sukhdev aur bablu exit karte hainmamta zameen par baith jati hai..basanti mamta ke liye anda talti haimamta ko anda dekh kar ulti aane lagti hai..mamta daudh kar nal ke pass chali jaati hai aur ulti karne lagti hai..basanti bhag kar mamta ke pass aati hai..beti ki aisi halt ko dekh kar wo bahut kuch samajh jaati hai basanti gaur se maan ki taraf dekhti hai ..aur sar neeche kar leti hai..basanti wahin ppar bejaan ho kar sar pe haanth rakh kar baith jati hai Cut to

Sce no.32

int/night Location: sukhdev HomeCha-mamta ,sukhdev,basanti[treatment basanti ki maan sar haantho main liye ro rahi hai mamta bhi darvaaze ke niche baithi ro rahi hai basantiapne pati ka intezaar kar rahi hai.baahar se khat ki awaaz aatihai dono maan beti ki nazar aapas main milti hai !mamta ke aankhon main pachtaave ki aansu dikhaai de rahi thi.Sukhdev

[treatment sukhdev ander aaya!dono maan beti ko aisi haalat mein dekha to uska kaleja munh ko aaya .aur usne darte huye puchha]Mamta ki maa sab thik to hai na..?tum log itna chup-chup kaahe ho.??Basanti[Rote Huyi apne pati ko dekhte hui boli]

Mamta ke bapu ! hamm munh dekhane ke layak nahin rahe.. sab khatam ho gaya..!!Sukhdev[ghabra kar kahta hai] are tum ka bol ri ho hamri to kuch samajh main nai aa raha hai..ka hua seedha-seedha bataw..?? to sahi ?Basanti

Mamta.pet se hai..!!

Sukhdev

[Chilla kar] Ye tu pagal toh nahi ho gayi ! Hamri bitiya hamri saan hai.. tu jaahil aurat hai..!!woh hamko jite ji nahi maar sakti hai.

[pass bathi mamta ki tarf sukhdev dekhta hai] bitya ye tu apni maan ko samjhati nai haiulta seedha baat karti hai.Treatment mamta apne pita ki baat ko soon kar sukhdev ke pair ko pakad leti hai aur zor-zor se rone lagti hai.Mamta[darte aur rote huye]

Pita ji hamko maaf kar dijiye..!! Hamse bahut badha paap ho gaya !!whowho hamse saadi karega pita ji .usne waada kiya hai hamse..!! kal who aakar aap se saadi ka baat karega..??[treatment sukhdev mamta ki baat ko soon kar shocked ho jata hai..mamta ke haanthon se apna pair chuda kar andar kamre main chal jata hai aur ja kar ander se kundi laga leta hai .Mamta basanti ko dekhti hai..basanti mamta ko dekh kar moonh udhar fer leti hai]Charge to mamtaSc no.-33

Ext/day

Location: School Road.

Cha-mamta and sureshMamta[treatment suresh ke saamne mamta ro rahi hai mamta suresh ko saari baten bata deti hai saarescene ko flash back main dikhana hai. Suresh thoda pareshan ho jata hai lekin ..normal rahne ki acting karta hai.]Mamta

Suras Tum aaj hi mere pita se mera haanth maang lo! Nahi toh ham kahin munh dikhaane layak nahi rahenge.Suresh

Are pagli ro kahe rahi hai..yeh le mithaai kha..hamko to maloom tha ke aisa hone wala hai..pyar kabhi chupne wala chiz hai..?? Samajh le aaj hamri baat pakki ! dhol baje ke saath aake tujhe le jayen ge samjhi !![ suresh apne pocket se naikal kar ek mithayi mamta ko deta hai aur kahta hai] chal abb ye mithayi khale ..kyunke hamlog maan baap jo banne wale hain..!! [treatment mamta suresh ki taraf aankhen phaade hairat se dekh rahi thi..use yakin hi nahin ho raha tha, ke suresh uski saari pareshani ko yun dur kar dega, suresh wah mithai mamta ke munh main daal deta hai..mamta dheere dheere mithayi kha leti haimamta Sharma jati hai..Charge to suresh S No.-34 int/dayLocation: sukhdev Home

Cha-basanti,mamta ,sukhdev.Treatment mamta ghar ke ander ghusti hai..apne pet ko pakde dard se chillate mamta ki awaz ko sunkar basanti ander se aati hai..mamta zameen par dard se tadap rahi thi..

Mamta

[Mamta basanti se kahti hai rote huye] maan sures ne hamre saath bahut bada dhoka kiya maan ..

Basanti

[Beti ke sar ko god main rakhe pareshani se kahti hai] ka hua hamri bachchi..ka dhoka kiya saadi nai karega thujhse ..??

Mamta

Maan mera gerbhpaat ho gyamaan..suresh ne zahar khila diya maan

Treatment mamta ki baat ko soon kar bsanti ke hosh udh jaate hain

Charge to basanti

S No.-35 int/nightLocation: sukhdev Home

Cha-basanti,mamta ,sukhdev

[treatment mamta ki haalat bahutt chinta janak ho gayi thi, mamta ka garbpaat ho gaya tha uski maan uske sirhaane aur baap pair ke pas baitha apni kismat par ro raha tha.Sukhdev

Ham panchayat jayenge mamta ki maan ..!! ham aise haanth main haanth dhare to baith nahi sakte ..apni bachchi ko insaaf to dilayenge ham..sirf hamri beti dukh nai sahegi usko bhi saja milegi.. !!Treatment basanti apne pati ko dekhti hai..kahti kuch nahi hai..phir mamta ki taraf dekhti hai..jo besudh bister par padi thi..aakhir mamta ke maa-baap ne panchayat jaane ka faisla kiya.

Cut to

Cut to..

S No.-36Ext/Day

Location:PanchayatCha-sukhdev,basanti ,bablu and others.[mamta ke maan-baap aur chota bhai sabhi insaaf ke liye panchayat pahuchete hain]Sukhdev

[pancho se apni beti ki gohaar lagate huye sukhdev kahta hai.]Sarkar hamri zindagi barbaad ho gayi !hamari beti ko suresh ne sahdi ka jhansa dekar..uske saath duskarm kiya..aur use dawa dekar uska garbhpaat kara diya..hujur hamri bachchi ko insaaf dilayen hoojur aur suresh se shadi karne ka aadesh de sarkaar...!Punch 1[sukhdev ki saari batein sunne ke baad pancho ne mamta ko hi kusurwar thahraya aur kaha]

Tere beti hi kulachhani hai !! kahin ka paap aakar kisi par madh rahi hai,tune apni beti ko yahi sichha di thi..ki shaadi se pahle hi apna munh kala kar le..aur tu to masterni banana chahta tha..use dekha kaisi masterni banihahahaha[loughing]Sukhdev

[Panch ki baat soon kar aag babula hoa jata hai] ye aap ka kah rahen hai sarkaraap hamri hi bachchi ko dosi thahra rahe hain..??Punch 2

[Sukhdev ko daant kar] chup tu hamen batayega ke ham kya Karen. ..Gawon ke logon apradhi suresh nahi..hai apradhi mamta hai..isliye gawon ke log iske pariwar wale ki pitai karo ..ke dobara aisi harkat koi aur ladki na kare are.. ladkon ki baat aur hai..!! lekin ladkiyon ko apni maryada nahi bhulni chahiye.!

[treatment punch ka fasla sunte hi... gowan ke log sukhdev ,basanti aur bablu par tut padhe hain aur unhen lahu-luhaan kar dete hain..]Anchor Line 5Yah kaise faisla tha..?? ye haiwaniyat nahi thi to aur kya tha..? kya kisi bekasur ko aisi saza milni chahiye ? kya punch ka faisla ek taraf hota hai? gawon main panchayat isliye hote hain ke gawon ka masla gawon main hi hal ho jaye..walon ko jab insaaf ki zarurat ho to use punch sahi faisla suna kar pidhit ke saath insaaf kare.lekin Yahan to pidhit ko hi sazaa de di gayi hai .abb ye pidhit pariwar kiska darwaza khatkhatayenge ??Cut to

S No.-37Inr/Ext/Day

Location:Police stationCha-sukhdev,mamta ,basanti ,bablu[sukhdev apne lahu-luhaan pariwar ke saath police thane pahunchta hai]

Mamta

[treatment mamta rote bilakte apni aap biti batati hai montage main dikhana hai.]Sukhdev

Thanedaar saheb hamari beti ki jindagi barbad ho gayi..panchyat ne bhi hamri madad nai ki ab bas aap sures ko giraftar kijiye uske kiya ka usko saja dilwaye ?police[sari batein sun kar mamta se bola]

Tumm chinta matt karo..tumm sahi jagah aayi ho..ab tumhara apraadhi jail ke salaakhon ke andar hoga!

[treatment saare scene montage main dikhana hai Police apne counstable ke saath Gawon se khoj kar suresh ko giraftaar kar use jail bhej deti hai aur mamta ko chikitsak upchar ke leye sadar aspataal bhej deta hai..

Cut to..

Closing Anchor Link:-

Lagatar 7 mahine tak mamta ka shoshan hota raha, shadi ke naam par bholi bhali kishori dhokha khati rahi, ham apne pariwar se aisi baat chupa leten hain jo hamain chupana nahi chahiyejab pariwar ko ghatna ka pata chalta hai tab tak bahut der ho chuki hoti hai...!! jis baat ko ham chupana chahte hain jab who sabke samne ayegi tab kaya hoga. ..te ham nahi sochte .!! aaj bhi Hamare desh main mahilaon ko aaj woh sammaan nahi mila hai..jiski woh haqdaar hain! Aaj bhi unka shoshan Ho raha hai..ghar main..sasural main..office main..aaj hamein samaaj ko badalne ki zaroorat hai !! suresh jaise log to hamen har modh har society main milenge bass hamen mamta nahi banna hai..hamen unke soch par nahi balke apne dimaag se chalna hai..kyunki dil to kamzor hota hai..lekin dimaag kamzor nahi hota hai hamen aise ghatiya sochon se nikal kar aage badhne ki sochna haiab sahne ki nahi jawab dene ki baari hai . kal phir ek sachhi ghatna ke saath milenge ! tabtak ke liye savdhaan aur surakshit rahein..sawdhani hamari suraksha apno ki . Page 2 of 46