1

2

GLAWK (1)

Grawng been yuh num bung been.

1. Num been Rob rom Haktiex vax, mawh been kaoh khaing rhawm

keud pui ku ceu Haktiex Meung Man, Kham geu krax taug mao son

kawn pui haktiex.

2. Num been robrom haktiex vax mawh been thung gau krax lhak haing

haok huan been ot kawn pui haktiex, grum rhawm yuh paox grawm

gau krax lhak haing mai pui ku meung, thung gau pui hak tiex vax

kaux cong haok huan.

GLAWK (2)

Grawng been of hak tiex Meung Man

1. Grawng been ot haktiex meung man, haktiex meung man mawh

haktiex rob rom pui ku ceu, mawh haktiex hot si brawm, ang koe krax

haok huan, gaox nghox mau khri, kawn pui haktiex ang koe krax haok

huan ngai lai mhai ce, kaing ting: mawh jao koe naing si vai daux

haktiex, viex nad mawg gut kheem krax ot been koe paox tix daux

haktiex.

2. Grawng been haktiex vax, haktiex vax mawh kawn haktiex ot daux

haktiex rob rom meung man tix dauh, koe ceu pui Vax, Mien,Shiam,

Hawx, Prawng, Khang, Man, Akha koe pui (10)ceu haoh, mawh ceu

pui haktiex hot si bhawm, kha rhawm tix ot piang gawng piang lhua.

3. Grawng been kaing: haktiex grum rhawm rieb been yien yawg tiep

thie pui guah ceu pui, tang yuh cub caw lawg kaux tix, riep been haok

huan tang giex kuang haktiex nyiex cao tix kaux cong.

GLAWK (3)

Grawng riang rao kaing haktiex

Son kaux cong haok huan kaing haktiex si voe ngai, caw tix tieb thie

pui gut kheem yuh kaing ang mhawm daux nyiex daux yaong, son sang haok

huan kaux cong haktiex caw tix teei riang rao tix mai pui ku ceu, ang guah

ceu pui haktiex, ang guah si mex si bun, ang guah cub caw been li.

3

GLAWK (4)

Grawng num bung been

Ex caw tix ot greem been kru naing, tang giex kuang haktiex nyiex

yaong cao tix greem ceung fux haktiex rob rom ku kaux, glawk been ot ex si

voe ngai, tix khuan taix giex man chix kru naing tang giex kuang haktiex

nyiex yaong cao tix kaux cong.

1. Grawng si nax krax ot kawn pui ku ceu ang guah ceu pui hun, ceu pui

tux, tat deuh been si du piang kaing kawn pui awm paox, grum rhawm

nap yam gau krax lhak haing mai paox tix, tieb tie:ceu pui hun gut

kheem ceu pui tux, mai tieb tie: pui tang yuh cub caw lawg kaux tix

daux Haktiex .

2. Grawng paox grawm kru naing: num been rob rom haktiex Vax, chix

ti yuh paox grawm mai pui ku cub dau haktiex Meung Man, pui ku

cub, caw: ti grum rhawm nap yam been ot been koe paox ti daux

Haktiex, grum rhawm gau krax lhak haing, yuh paox grawm mhawm,

teem coi paox ti.

GLAK(5)

Grawng been ot piang hak tiex.

(Kawx ci kuang si veung thix)

Num been rob rom Haktiex Vax, tang giex kuang Haktiex Nyiex

Yaong ti kaux cong haok huan, nap yam krax been ot paox ti, ang hu sug sag

si nax cub caw paox ti, grum rhawm guah been ot si du piang kaing kawn

pui ku ceu, grum rhawm yuh paox grawm krax lhak haing mai pui piang

meung ku cub.

GRAK(6)

Grawng Sin ngao pui hak tiex.

(Nong ming heux cing cix veung thix)

Grawng haktiex guang ma kawn pui haktiex, sin ngao kawn pui

haktiex Vax, kaing ting: kaoh khaing kaing: yuh pui haktiex 98% son,kaing

ting: plak been ot, teei riang rao: ti mai kaing: yuh kawn pui haktiex, ex

caw ti hawt lox tat been, sau riang sum to ma, yuh kaing: jhaw, yuh ti sak

sawm mhawm ot, son sang luan krax ot kawn pui Haktiex khaing krax kha

4

rhawm, sau riang teem coi: krax ot kawn pui, gau krax lhak haing, yuh lah

lai: gaux rhawm rieb pui plak praix: viex mau khri yuh kaing:haok huan

daux Haktiex.

GLAK(7)

Grawng beeh glawm kaing yuh

(Ceung chuan veung thix)

1. Tang koe beeh glawm giex kuang nyiex yaong cao ti.

2. Tang koe beeh glawm keud been kaux cong haktiex cao ti.

3. Haktiex rob rom Meung Man, daing haoh hun ceu pui ku cub,

grum rhawm giex haktiex rob rom Meung Man kaux cong.

GLAK(8)

Grawng beeh glawm num bung been.

(tang teux feung to mu piao)

Tix: Grawng kaing: yuh Cub Num bung been

Tang giex kuang haktiex Vax kaux cong, sau riang sawg mau khri,

yuh kaing: jhaw haok huan mai sau riang gau ngai lai: mhai ce, tieh loh krax

ot been koe Haktiex Vax koe krax haok huan kaux cong.

Kaing ting: kaing yuh haktiex rob rom Meung Man, mawh haktiex

haoh hun cub caw pui ku Cub, caw: ti grum rhawm, guah been ot si du piang

kaing kawn pui, son sang koe krax haok haok huan kaux cong haktiex rob

rom Meung Man.

Ra: Grawng giex kawng cub Num bung been.

1. Num been rob rom haktiex Vax, pui ku ceu grum rhawm hawt krax

lawng blawng: jhi been rob rom haktiex Vax.

2. Num been rob rom haktiex Vax, mawh num been ting: ceu thung gau

been kaing: yuh ex kru naing: pui Meung haktiex Vax ku cub,mawh

si awp mhawm si brawm ting: piang kaing: yuh ex kawn pui ku ceu.

3. Num been rob rom haktiex Vax, grum rhawm gau krax lhak haing

mai kawn pui haktiex, mawh been rhawm keud kaoh khaing kawn

pui Haktiex, deeh viex hu laig thung gau pui haktiex grum rhawm rhi,

hawt hu krax ti nyaing: mai kawn pui haktiex.

4. Hawt been tat, phan koe krax phit lud, caw rieb nghiet lox si diex gau

plak piang, kieh rhawm keud awm kraung naing.

5

5. Rhawm keud kaing: yuh kieh khaw caw mai been shiao pui hun plak

piang,tieb tie: pui lhak haing tang krai lox yuh kaing: lawg kaux ti,

tieb tie: cub caw pui, tang khrawm yuh:cub caw been li.

6. Num cub bung been, caw: ti koe krax grum rhawm rhi, caw: ti chix

nap yam krax ot kawn pui, rieb nghiet been tat lox krai num cub caw

bung been plak piang:, ang pon: ti krai: lox pie: lhien si nax kawn pui.

GLAK(9)

Gawng lox nghoik

(cie su yi)

Grawng krax lawng: kaing: yuh: ex si voe ngai, caw: ti hu lawng:daux

krax pa riang:, ex cub num bung been, kaux hak, nex nham ju:ex, kham ti

saux yum: son kawn pui haktiex, sau riang: yuh been son kawn pui, ang lhat

son krax tug khax kha rhawm, teem coi: yaog khaox glawm cien: khaing

piang: kaing pui haktiex.

Grum rhawm grum rhi mai num been ot, priex rien: been ot kaux cong,

rieb nghiet lox tat num been son kaing: yuh: ku ceu ku grawng, kieh: been

rob rom kaux cong leeing ju.

Bang kum tat daux Vawng

1990.4.19 ngaix.

Been rob rom haktiex vax, Meung Man

1991.12.1 ngaix.

6

MEUNG MAN BEEN ROB ROM HAKTIEX VAX,

Bang kum bung been bawg (1) daux 1992.1.19 ngaix.

(tix yi kai tang tai ta hui thong kaw)

GRAWNG (1)

Glawk (1) Been rob rom haktiex Vax, ang guah ceu: pui, ang guah Si mex

si bun, pui koe mee (18) num:, phan hoik si dawng tawng: krax

lawng : cub bung been, chix ti rieb laig cub caw bung been.

Grawng laig cub caw bung been

Glawk (2) Phan yum rhawm sang laig cub caw bung been, tiem lai: krai

rhawm keud mai sawg pui bung been prim (2) kaux rieb joh ti,

phan pui hum hoik grum rhawm, tiem lai: krai plak piang: tat lox

yeen gien.

Glawk (3) Grawng cub caw bung been

1. Cub caw bung been pui ku ceu, grum rhawm tau, son haok huan kaux

cong been ot kawn pui haktiex.

2. Bre hawt bawg yam been tat cub bung been ku ceu ku grawng.

3. Grum rhawm rieb nghiet lox tat cub bung been. ang pon: thox thiang

krax phit lud cao ti.

4. Sau riang thung gau kaing:been haok huan, tang yuh: tang ih, kham

geu krax tug kha ku ceu ku grawng.

5. Been kaing: ang caw:, been sang laux: yuh: been ot kawn pui,caw:ti

teei krax phi,lud.

Glawk (4) grawng bung been khaw caw:

1. Sau riang gau chix ngai lai: krax lhak ku ceu, tik been tuah klaung,

can: been ang khaw ang caw:.

2. Sau riang: thung gau been kaing: kaux cong haok huan krax ot kawn

pui, bre priex rien: been awm tom ngai cao ti.

3. Yuh: been kaing: ceu pa ti, caw: kum kawng nghiet been tat cub caw

bung been.

7

4. Phan koe krax phit lud, cub cha, caw: rieb nghiet been tat cub caw

bung been.

5. Kaing ting:, cub bung been, kieh: mawh: lox ti gum cum ti dauh, mai

kru naing: pui Meung.

6. Cub bung been, sau riang thung gau kawn pui yuh: ti ih kaing: jhaw,

son sak sawm mhawm ot kawn pui haktiex, grum rhawm mai kru

naing: pui meung, giex haktiex nyiex yaong kaux cong.

7. Grum rhawm hawt nghiet lox been tat si miang: plak piang:, ang pon:

viex been ang mhawm, lox ang khaw, paw kum krai: lox pie: lox lhien.

8. Priex rien: rieb nghiet lox tat cub bung been , tang yuh: tang ih, kham

geu krax tug kha , thung gau krax haok huan son kawn pui Haktiex.

9. Bre priex rien: num been kaux cong.

Glawk (5) Grawng beeh glawm cub bung been.

1. Cub bung been koe beeh glawm krai: rhawm keud ti daux bang kum.

2. Daux glawk been tat, phan koe dee: ang khaw, ang brieb,chix ti tiem

lai: krai mai si miang cao kaing plak piang:.

3. Phan mhong been kaing: sang laux: leeing yuh: been ot, ang pon: ti

mox, caw: tiem lai: krai mai si miang: cao kaing plak piang.

Glawk (6) grawng been ot cub bung been.

Phan pui rawg ti laig cub bung been, caw: deuh jhak bawg yam, kru

naing: Lien (3) khix, pui yuh:been plak khaix, caw: dauh: jhak bawg

yam mee (6) khix, phan hoik khaw rhawm keud pui hun, chix ti rieb

laig cub bung been.

Glawk(7) Grawng been ot cub bung been phan hoik rieb laig cub bung been,

caw:ti rieb nghite lox tat bung been, mai caw: ti tawx mau bung been

ku khix ku num.

Glawk (8) Grawng phit bung been, Phan phit lud daux been ot, phit ting,

phit iak chix ti tik glawk si miang, deuh jhak glawk bung been.

Glawk (9) Grawng rawg ti lih khaing been, Phan pui rawg ti lih khaing

been, Cub bung been tiem lai: krai si miang plak paing.

Glawk 10: Grawng phit bung been Cub bung been, phan phit lud, ang chix

loh rhawm ti, chix ti yuh lai: tawx lih, pui ang hoek kum lox, mai pui

ang tawx mau bung been bawg yam mee (6) khix, sawn mawh tang

lih nawh khaing daux been.

8

Glawk (11) Grawng pui hoik tik lih, pui hoik tik lih khaing bung been, mai

pui hoik ap tawx pang nad ti ka pui koeng, ang lai: chix ti rieb laig

cub bung been.

Glawk (12) Grawng pui ting: phit grawng been tat ot piang kaing ex pui ku

kaux, sau riang joh jhan kaux cong, son haok huan Haktiex Nyiex

Yaong.

GRAWNG (2)

Grawng khrawm kaing: yuh Cub caw bung been

(tang teu cu cee tu heux cu cee ci ko)

Glawk (13) Grawng khrawm cub caw bung been pui ku ceu, caw: ti grum

rhawm, gau tawng: glawk num bung been, priex rien: been ot kaux

cong .

1. Cub pui bung been ku cub, khrawm kum sum cub cao kaing bung

been, cawk si lag co kaing, cao plud moe toe khaix, kaux cong.

2. Grawng been ot, pui lawg kaux nghiet lox pui hun, pui hun nghiet lox

cub bung been, cao kaing kru naing: pui meung nghiet lox tat si miang

num been daux Vawng.

3. Cub caw bung been plak greem ku cub, ang pon: ti thox thiang

been tat si miang cao kaing plak piang.

4. Bang kum ting: bung been Haktiex Vax, mawh si ngaix ting: ceu,

piang kaing ex kru nain, pui meung ku kaux, Veng kru naing daux

shien, caw: ti nghiet bawg yam been tat si miang daux Vawng.

5. Cub cao kaing bung been, kum kawng, yuh ti tawng: rhawm keud kru

naing pui Meung, son sang cox loh been ot pa mhawm.

6. Pui bung been plak greem ku cub, phan sang koe lox kum kaing: yuh,

caw: ti tiem lai: krai mai si miang plak piang.

7. Caw ti chix nap yam, krai lox mhawm si voe ngai pui hun, phan lox

kum, kaing :yuh koe dee lud cud cha,chix ti kum krai: pui hun mhong

si dawng, song sang mhawm been.

8. Plak been kaing: yuh ku ceu, ceu kaing: lud, kaing: mhawm, caw:

glawm cub bung been, cao prawng:been tat lox.

Glawk(14) Grawng kaing: yuh cub bung been kaing: yuh ku ceu ku grawng,

mawh beeh glawm cub bung been plak piang khawm uik.

Glawk(15) Grawng kaing : num bung been.

9

1. Phan koe bang kum kaing: ting: ceu plak greem, caw: beeh glawm

num bung been daux Vawng: cao prawng been tat lox. Cub caw bung

been plak greem ku Veng ku Cub, khawm uik, caw: ti ot greem num

bung been daux Vawng.

2. Daux Shien,daux Veng,kru naing, daux thuang daux ying, caw: ti

khrawm bang kum bung been ku cub, mai yuh bang kum cawk si lag,

laug cao kaing cub caw bung been.

Glawk (16) Grawng cao kaing bung been, phan koe bang kum cawk si lag

laug cao kaing bung been, caw: beeh glawm cao kaing bung been plak

piang cao khraix khrawm bang kum sum cub cao kaing bung been.

Glawk (17) Grawng Cub bung been, phan hoik khrawm kum cawk si lag

laug cao kaing bung been, caw：beeh glawm cub caw bung been plak

piang mawh cao khrawm lox guah kaing:yuh cub caw bung been plak

greem.

Glawk (18) Grawng kaing: bung been, Cub bung been, plak greem ku cub,

caw: ti grum rhawm nghiet been tat num been daux Vawng, phan lox

kum been tat koe dee lud ang khaw, caw: ti tiem lai: krai: mai si

miang plak piang, ang pon: ti kum krai: mai pui plak praix.

Glawk (19) Grawng been lox tat, son sang caw: been ot mai rhawm keud

kru naing: pui Meung, sau riang si diex gau, krai pui tawng: been tat si

miang daux Vawng.

Glawk (20) Grawng Been tat cub bung been, Si voe sang kum lox tat been,

cub bung been caw: ti khrawm kum, cao kaing: kru naing: pui Meung

plak greem, phan been tat koe dee lud cud cha, chix ti tiem lai: krai:

mai num bung been plak piang, phan hoik grum rhawm tat lox,caw: ti

rieb nghiet lox tat si miang ting: daux vawng.

Glawk (21) Grawng lox tat num bung been daux Vawng: cub bung been

plak greem, caw: ti kum krai: pui Meung tawng ku Veng ku Cub.

Glawk (22) Grawng sum cub bung been, phan sang sum cub caw bung been,

mai tik prah cub bung been, caw: beeh glawm num bung been plak

piang kum lox tat been.

10

Glawk (23) Grawng sang si dawng been ot, plak greem daux Vawng: caw:

ti koe cub bung been, daux Shien, Veng kru naing: cao kaing ku cub,

caw: ti laig num bung been daux Vawng:, phan ang khaw chix ti prah.

Glawk (24) Grawng nyiex Lum bung been nyiex lum bung been plak greem

ku cub, caw ti tang keud sawn sum nyiex lum krai been, nyiex lum

gau lien ku Veng ku Cub.

GRAWNG(3)

Grawng khrawm cub bung been ku cub.

(tang teu kawx cix cu cee)

Tix: Grawng khrawm cub cw bung been.

Glawk (25) Grawng khrawm cub caw bung been cub bung been ku cub ku

Veng, ang lhat krax saux, krax yum, ang lhat krax taug, krax mao, ap

tawx nex nham ti son ceu pui Haktiex Vax, rieb nghiet been tat si

miang ting: daux Vawng.

Glawk (26) Grawng khrawm bang kum cao kaing bung been daux Haktiex

khawm uik, caw: num bung been daux Vawng: mawh cao teei beeh

glawm khrawm bang kum khawm uik. Plak greem daux Vawng:

sum koe nyiex lum (Ceung cee cux )sum cao kaing Su Ci (1)kaux, koe

si miang cao kaing cong Su Ci (1) kaux, mai cao kaing Fu Su Ci plak

greem, plak greem nyiex lum ting daux Vawng sum koe nyiex lum

jhawp kaing: plak greem, plak greem koe nyiex lum rob been, nyiex

lum kru naing:, nyiex lum krai: been, nyiex lum paox grawm kru

naing:, nyiex lum maox riem.

Ra: Grawng khrawm cub caw bung been.

Kru naing, pui meung.

Glawk (27) Grawng nghiet lox tat daux Vawng, Cao kaing cub bung been

daux Shien, Veng kru naing: plak greem ku cub, caw: ti rieb nghiet

lox tat cub num bung been plak piang ku Cub.

Glawk (28) Grawng kraix khrawm Cub bung been, caw: sum cao kaing

(tang woe Su ci) (1)kaux, mai sum cao kaing (Fu Su ci), daux Shien,

Veng kru naing:, daux See, sum koe cub bung been (tang woe, chang

11

wu woe yien), phan hoik khrawm mhawm, tiem lai: tawx plak piang

tat lox.

Loe: Grawng khrawm glawk cub bung bung been.

(tang teux ci cheung cu cee)

Glawk (29) Grawng khrawm cub bung been.

1. Cub Lien daux Ling, daux Yaong, daux Veng, Nyiex Gau Lai:, nyiex

Lum yuh kaing: jhaw khan kix, phan hoik koe pui bung been(5)kaux

plak piang, chix ti tang sum cub caw bung been tix mu, phan ang

nyang koe (5) kaux, chix ti hu laig cub caw bung been tang cub.

2. Cub caw bung been ku kaux, caw: ti rieb nghiet lox tat cao kaing ti

glawk mawx glawk an.

3. Kaing: yuh cub caw bung been.

(1) Caw: ti thung gau tawng: been ot, mawh ceu pui daux Haktiex

Meung Man, grum rhawm yuh kaing: jhaw priex rien: Haktiex rob

rom kaux cong.

(2) Rieb nghiet lox plak piang, khrawm gau krai pui tawng:been ot,

grum rhawm mai kru naing: pui Meung, sau riang khrawm cub

pui bung been haok huan, rieb nghiet lox tat cub caw bung been,

sau riang yuh kaing : jhaw, giex Haktiex kaux cong.

4. Caw: khrawm yuh bang kum cawk si lag, cub bung been (5) num tix

bawg, phan lih koe kaing: tang ceu caw: ti jhak bawg yam cao: yuh

bang kum cub bung been.

5. Cub caw pui bung been(5)num tix bawg, ang chix ti lhaong ju khaing

60-65 num.

Pon: Khaix an

(Chix tha)

Glawk (30) Cub caw bung been ot, caw: ti sau riang thung gau pui Haktiex

tawng: been ot, yuh cub caw bung been koe krax haok huan kaux cong.

12

Bang kum bung been bawg (1)

1992 num, khix 1-19 ngaix.

Meung Mau cub pui awn ju thung been hak tiex Vax.

(Wa Bang ming chux ching nying thuang)

1999 num,khix 1

Grawng kaing lai(Cang cheung)

Lox jauh- cong cheux.

Cub pui awn ju thung been mawh riang rao: thung been greem num

bung been rob rom Haktiex Vax, khrawm gau pui awn ju laig cub caw thung

been ku Veng ku Yaong, mai daux Nyiex Gau Lai, caw: ti khrawm sum cub

caw thung been, mawh khaox toe taix raix toe ju been rob rom Haktiex Vax.

Cub pui awn ju thung been, grum rhawm rieb nghiet lox tat been rob

rom, gau chix krax lhak haing, kaing haok huan kieh: khaw caw: mai krax

ot kawn pui Haktiex, grum rhawm mai pui ku ceu, sau riang yuh kaing: jhaw,

giex Haktiex kaux cong.

Glawk kaing: yuh cub pui awn ju thung been Haktiex Vax, grum

rhawm ot greem num been rob rom, sau riang gau chix ngai lai: gau grawng

Lien, giex kraung: naing:, giex Haktiex kaux cong, khrawm sum cub pui

thung been koe plak khaix.

Cub pui awn ju thung been Haktiex Vax, caw: ti sau riang thung gau

pui tawng :been ot, nap yam rieb nghiet lox glawk been tat, kraix khrawm

pui awn ju thung been koe krax haok huan kaux cong,sau riang khrawm kum

kawn pui lhak haing, pui vao:rhawm yuh kaing: jhaw, giex kuang Haktiex.

Cub pui awn ju thung been Haktiex Vax, mawh riang rao: khaox toe

taix raix toe ju, been kru naing: rob rom Haktiex Vax, caw:ti khrawm gau

giex kaux cong, joh jhan teem coi: tawx cub pui thung been gau ngai lai:

krax lhak haing ku ceu.

Cub pui awn ju thung been Haktiex Vax, caw: ti khrawm grum rhawm

ot greem lox cub caw thung been, tieb tie: cub been kaing: ang brieb, nap

yam krax been ot kawn pui, cao kaing cub caw thung been ku kaux, hawt

bawg yam nghiet lox glawk been tat, phan phit lud, caw: ti rieb nghiet lox

tat cub caw thung been plak piang:, tieb tie pui ang nghiet lox,pui ang koe

cub caw cao kaing.

Cub caw pui awn jut hung been Haktiex Vax, caw: ti koe rhawm keud,

muh rhawm kawn pui Haktiex, giex man chix been yien yawg grum rhawm

13

mai pui piang Haktiex, cub pui awn ju thung been, num Vawng: Haktiex

Vax, ot greem lox khrawm num been rob rom daux Vawng: plak greem, koe

cub caw thung been daux Veng ku Yaong mai daux Veng kru naing: ku cub,

grum rhawm thung gau paox ti rieb nghiet lox cub caw thung been plak

piang:.

GRAWNG (1)

Pui thung been-(Thuang Yien)

Glawk (1) Pui koe ju 14-26 num plak greem, phan khaw rhawm, chix ti

rieb laig cub caw thung been Haktiex Vax, phan hoik rieb laig cub caw

thung been, caw: ti rieb nghiet lox tat cub caw thung been, khrawm kum

tawx mau thung been ku khix ku num, pui ku ceu, phan yum rhawm, chix ti

tiem lai: rawg laig cub caw thung been Haktiex Vax.

Cub caw thung been, pui hoik koe ju (26) num, phan ang koe krax

haok huan kaing: yuh, chix ti tiem lai: tawx lih khaing cub caw thung been.

Glawk( 2) Kaing: yuh cub caw thung been.

1. Sau riang thung gau glawk bung been, gau chix ngai lai: krax lhak

haing, chix yuh kaing: haok huan ku ceu.

2. Si diex gau krai: pui tawng: krax lawng: been ot, hawt lox tat been ot,

yuh pon: koe krax haok huan kaing: jhaw, ang lhat son krax taug krax

mao.

3. Doh rhawm rhi hawt nghiet glawk been tat, yuh been kaing: mhawm

son kawn pui Haktiex, grum rhawm tieb tie: pui yuh been kaing: ang

mhawm grai khaing daux Haktiex.

4. Grum rhawm giex kraung: naing:, priex rien: Haktiex Nyiex Yaong

kaux cong.

5. Grum rhawm mai kru naing: pui Meung, gaux rhawm kraix khrawm

cub caw thung been kaux cong, khrawm kum chawk mhaing rhawm

keud kawn pui Haktiex mai kum krai: kaing: yuh cub caw thung been.

6. Phan koe krax phit lud, tang rieb loh krax phit lud cao ti mhawm.

Glawk (3) Kaing: yuh cub caw thung been

1. Cub caw thung been ku kaux,koe beeh glawm krai: lox rhawm keud ti

daux bang kum son sang kaux cong been ot.

2. Bang kum cub caw thung been, chix ti kum krai: kaing: yuh rhawm

keud ti ku kaux.

14

3. Cao kaing cub caw thung been, koe beeh glawm si diex gau cub pui

thung been plak greem ku kaux.

4. Phan koe dee ang khaw rhawm ka been ot, chix tiem lai: krai: mai cub

caw thung been plak piang:, ang chix ti krai: mai pui plak praix:.

5. Yan khrawm kum cub caw thung been, chix ti tang krai: dee mhawm

dee lud ti si nax pui hun.

6. Son lox kum krai: cao kaing cub caw thung been ku cub, phan koe

ngai jhak rhawm keud yuh ka mawx, chix ti tiem lai: krai: rhawm

keud ti mai cub caw, cub caw lawg kaux pui mawx, ang chix mox

rhawm keud kaing: yuh ti khaing cub caw thung been plak piang:.

Glawk 4: Grawng rawg laig cub thung been.

1. Phan gaux rhawm sang laig cub thung been, caw: ti tiem lai: rhawm

keud ti tawx ka cub caw thung been (cee pu), sawg pui prim thung

been (1) kaux, pui prim bung been(1) kaux (2) kaux, pui joh ti laig

cub thung been.

2. Phan cub caw thung been plak piang: pui hun hoik grum rhawm, chix

ti mawh cub pui thung been tix kaux, cub caw thung been, jhak khix

num tiem ti een daux phuk lai:

3. phan mawh pui thung been tix kaux,caw: ti grum rhawm rieb nghiet

bawg yam lox tat cub caw thung been, priex rien: kaing: yuh ku ceu

ku grawng.

4. Been kaing: yuh cub caw thung been, sau riang giex kraung: naing:

priex Haktiex Nyiex Yaong kaux cong, pui awn ju thung been, pui

vao: rhawm mhawm lox, ghaok kaing: yuh,teem riang rao:, yaog yaw:

ceu kaux, tawx giex kuang si diex gau kawn pui Haktiex, phan koe

pui phit lud, caw ti si diex gau krai pui mhong lox mhawm awm cao

pai saux, phan koe krax phit lud tang deeh cox loh rhawm keud ti

mhawm, paw: thox thiang krax phit cao ti, phan ting: phit, si diex gau,

tat glawk phit, greuh tik glawk kaing: yuh, deuh jhak glawk thung

thung bung been, phan tat glawk phit lud, cub thung been,caw: ti

khrawm chawk mhaing lox si dawng, tom chix ti tat glawk phit lud

piang kaing kawn pui.

5. Cub pui thung been, ang grum rhawm ang kum lox ang ngiet lox tat

cub caw thung been, caw: ti tiem lai: krai: mai cub caw thung been

plak piang.

Cub pui thung been ang khaw ang brieb mai been ot, ang grum

rhawm , ang hoek kum lox, ang tawx mau thung been bawg yam (6) khix,

cao kaing cub caw thung been tiem lai: krai: mai cub caw (cee pu) plak

piang, sawn mawh tang lih khaing cub caw thung been.

15

GRAWNG (2)

Glawk khraix khrawm cub thung been.

Glawk (5) Cub pui awn ju thung been Haktiex Vax, sau riang yuh krax

grum rhawm mai kawn pui Haktiex, mawh been kaoh khaing pui ku

ceu, caw: ti ot greem num been rob rom Haktiex Vax.

1. Cub pui thung been ku kaux, pui lawg kaux, caw rieb nghiet lox cub

caw thung been, cub caw plak greem ku cub rieb nghiet lox cub caw

plak piang.

2. Cao kaing num cub caw thung been daux Vawng: Haktiex Vax plak

greem ku Veng ku Yaong mai Veng kru naing: ku cub , caw: ti sau

riang khraix khrawm bang kum sum cub caw pui thung been koe ku

cub ku Veng.

3. Cub caw pui thung been, khrawm kum been kaing: cub caw plak

greem yuh ka mawx, caw ti tiem lai: krai: mai cub caw cao kaing plak

piang: ku bawg ku yam.

4. Cub Cao kaing thung been (woe yien )caw: ti khrawm kum guah beeh

glawm kaing: yuh si dawng.

5. Beeh glawm kaing: yuh cub thung beeh ot ku grawng, caw: beeh

glawm num cub thung been daux vawng: mawh cao khrawm kum

guah kaing: yuh pui ku cub.

6. Son bang kum sum cao kaing cub pui thung been, ci kuang ku cub,

plak piang mawh cao teei beeh glawm khrawm kum sum ceu tat lox.

GRAWNG (3)

Num cub thung been daux vawng mai plak greem ku cub.

(Thuang cong yang ci ti fang heux cuing tui cux cee)

Glawk (6) Num Cub caw thung been daux Vawng: koe beeh glawm giex

kuang khrawm cub thung been Haktiex Vax khawm uik, khraix

khrawm bang kum cub pui thung been (4) num tix bawg, num cub

thung been daux Vawng:, khrawm kum tat lox son been kaing: yuh

cao kaing cub caw thung been Haktiex Vax ku cub.

Num cub thung been (woe yien) daux vawng: sum cub caw cao

kaing teei beeh glawm su ci (1) kaux, cao kaing: fu su ci (1) kaux ,

khaix an cub cao kaing: cub thung been daux Vawg:.

16

Glawk (7) Cub caw thung been daux pui meung ku Veng mai daux pui

meung ku Veng mai daux Veng Kru naing: ku Cub.

Cub caw thung been num Veng kru naing : (daux see) daux Shien,

khrawm bang kum sum cao kaing cub thung been (4) num tix bawg,

khrawm bang kum sum cao kaing thung been daux Veng, phan koe

kaing: tang ceu chix ti phai jhak bawg yam khrawm kum tat lox

grawng cub cao kaing cub thung been ot.

Phan hoek bawg yam daux bang kum, cub cao kaing thung been

ku cub, caw: beeh glawm num thung been plak piang: mawh cao teei

beeh glawm khrawm lox bang kum, hawt yuh awm lox tat si miang

cao kaing plak piang.

Cub caw num thung been daux Haktiex mai Veng kru naing: ku

cub, caw: ti khrawm kum sum cao kaing cub thung been, cao kaing

(su ci) (1) kaux, cao kaing (fu su ci ) (1) kaux, cub caw cao kaing

khrawm kaing jhaw plak greem.

Phan khrawm bang kum sum cub cao kaing thung been daux

Haktiex mai daux Veng kru kaing: (4) num tix bawg, caw: ti grum

rhawm rieb nghiet lox tat num cub caw thung been plak piang.

Glawk (8) Glawk kaing: cub caw thung been ot, num kru naing:rob rom

daux ying:, daux ling ku cub, nyiex gau lai: ku Veng, daux laih, nyiex

lum yuh kaing: ku cub ku Veng, phan koe pui thung been, chix ti

khrawm sum cub caw thung been (cee pu), phan koe pui thung been

(3) kaux haok plak piang chix tix yuh cub caw thung bun tix mu, (cee

pu),daux cub caw:thung been tix mu, cao ti koe cao kaing su ci (1)

kaux, cao kaing fu su ci (1) kaux, khaix an koe cub cao kaing

khrawm kaing: jhaw plak greem, bawg yam (2) num, caw: khrawm

yuh bang kum cub cao kaing thung been (1) bawg.

Glawk (9) Cub caw thung been hawt grawng lox been tat si miang plak

piang, kru naing: mai pui Meung, grum rhawm sawg gau krax lhak

krax haing, krax haok huan, gau ti chix nap yam been ot kawn pui,

sawg gau krax lhak haing mai pui ku Meung.

Khrawm kum krai: rhawm keud ti son been ot ku kaux, son

sang nie: koe krax haok huan kaux cong been ot kawn pui Haktiex.

Num been rob rom daux vawng hak tiex Vax.

Nyiex lum cub caw ngai lai

Kaung Meung Mau.

1991 num,khix 1

17

Num been rob rom hak tiex Vax.

(Wa bang ling heux tang kaing ling)

(lox Vax …lox Hawx)

Num Sum Been - Chang Wu Woe Yien

Num Bung Been - Tang Yien

Cub Caw Bung Been -Tang Cee Pu

Cub Bung Been -Tang Shao Cu

Rob Kum Been - Cu Cee Seung Hawx Huix

Mau Bung Been -Tang Feue

Pui koe ju mee 18 Num plak piang: chix laig cub bung been

<LOX VAX >---------------<LOX HAWX>

Thung Been -Thuang Yien.

Cub Caw Thung Been -Thung Cee Pu.

Cub Thung Been -Thung Shao Cu

Pui awn ju koe mee 10-17 Num plak piang:, chix laig cub thung Been.

Meung Man, been rob rom hak tiex Vax.

Bang kum bung been bawg (1)

Daux 1992 num, khix 1-19 ngaix.

Deeh thut lih plak lai Vax- nyiex lum rom been.

2003 num, khix 7-7 ngaix.

18

Grawng Tiem lai: laig num bung been.

Lai (Rux Tang)

Son ---------------cao kaing cub caw bung been ku kaux.

Ceu kaux aux mawh Ai Pleek, ru sai saw, ceu pui Vax, ju (21) num, keh:

Yaong Ox Sua, Veng Meung Mau 1985 num, khaix 6-14 ngaix.

Grawng daux nyiex daux ma yix.

Daux Nyiex yix koe (5) kaux, ceu: kaux keeing aux mawh: Ai Sang, ceu:

kaux Miex aux mawh: I Kap, pux: si mex aux mawh: Nyi Lhee, mawh pui

hot yuh: ti ih kaing: jhaw, ang nyang sax yuh: been kaing: Haktiex mai pui

tang ceu.

Yam in aux yuh: been Nyiex lum gaox Shine Meung Mau, cao kaing yix

mawh: ( ).

Grawng rhawm keud daux been ot.

Aux hoik si dawng tawng: been rob rom Haktiex Vax, mawh: been keh

kaing nex nham kawn si mex kawn bun, tawx ju ti saux yum: son kawn pui

Haktiex, ang guah cub caw been li, ang guah ceu pui Haktiex, mawh been

yien yawg mhawm son kawn pui, tieb tie: naing si vai ang koe daux Meung.

Phan cao kaing grum rhawm rieb aux laig num bung been, aux caw: ti

rieb nghiet lox tat si miang: plak piang: ku bawg ku yam, plak piang: tawx

aux yuh: kaing: pa dix, aux caw: ti yuh:, ang lhat krax saux krax yum, mai

hawt tawx mau: bung been ku khix ku num.

Cao joh aux laig bung been

1. Tax ( )

2. Tax ( )

2006.6.20 ngaix.

19

Grawng been kru naing rob rom hak tiex Vax,

glawk been tat(3)grawmg ting.

(Sang ta Ci lix)

1. Grum rhawm rieb nghiet lox tat si miang: plak piang.

2. Aung pon: ti teei kraung: khrai pui Meung.

3. Pon: kraung: khrai, ap tawx daux pui hun.

Grawng been rien rhawm (8) grawng.

(Pang shang cu yi)

1. Krai: lox mhawm jhawm jiet.

2. Yuh: krax lah lai: rauh see.

3. Vai: kraung krai deeh tawx.

4. Laux: kraung vai deeh cox mhawm.

5. Ang pon: yoek plai krai: lox vao.

6. Nap yam been ot kawn pui.

7. Ang pon: gut kheem, phit mai bun dai.

8. Ang pon: ti yuh: nyiex ma pui laux.

Nyiex Lum cub caw ngai lai, hak tiex Vax.

Kaung Meung Mau

2012 num, khix 12

20

Grawng Tiem lai: laig num bung been.

Lai (Rux Tang)

Ceu kaux -------------------------------------------------------------------------------

Num keh: --------------------------------------. Ju: ----------------------------------

Ceu keeing: ------------------------------------. Ceu miex: ------------------------

Dee keh Yaong: --------------------. Kaung: ---------------Meung -------------

Dee ot yam in,Yaong -------------. Kaung ----------------Meung -------------.

Greem kaung mawx --------------. Meung -----------------mawx.

Grawng kaing tawng yung --------------------------------------------------------

--------------------------------------------------------------------------------------------

--------------------------------------------------------------------------------------------

Kaing pa chix hoik yuh : ------------------------------------------------------------

--------------------------------------------------------------------------------------------

--------------------------------------------------------------------------------------------

Rhawm keut ngaix jhak: ka nun bung been hak tiex vax: -------------------

--------------------------------------------------------------------------------------------

--------------------------------------------------------------------------------------------

--------------------------------------------------------------------------------------------

--------------------------------------------------------------------------------------------

--------------------------------------------------------------------------------------------

21

Rhawm keut to kaux cao:

(k) Grawng kaing daux Meung Vax, mai kaing plak praix: ----------------

--------------------------------------------------------------------------------------------

--------------------------------------------------------------------------------------------

--------------------------------------------------------------------------------------------

(Kh) Grawng kaing kru naing Meung Vax: ------------------------------------

--------------------------------------------------------------------------------------------

--------------------------------------------------------------------------------------------

--------------------------------------------------------------------------------------------

(G) Grang krax grum rhawm: -----------------------------------------------------

--------------------------------------------------------------------------------------------

--------------------------------------------------------------------------------------------

--------------------------------------------------------------------------------------------

(Ng) Grawng cub ceu cao pui: ---------------------------------------------------

--------------------------------------------------------------------------------------------

--------------------------------------------------------------------------------------------

-------------------------------------------------------------------------------------------

(C) Grawng cub ceu tang ceu-------------------------------------------------------

--------------------------------------------------------------------------------------------

--------------------------------------------------------------------------------------------

--------------------------------------------------------------------------------------------

22

(S) Grawng kaing laih lai: ----------------------------------------------------------

--------------------------------------------------------------------------------------------

--------------------------------------------------------------------------------------------

--------------------------------------------------------------------------------------------

Awm plak piang in kix, phan koe rhawm ti sang laig daux cub

num bung bung hak tiex vax chix ti pawk lai yuh nin.

(-----------------------------------)

-----------------------------------

-----------------------------------

Ceu kaix -----------------------------

Mobile : --------------Home: --------------fax: --------------------.

Email: -----------------------------

Riang