lalita hrudaya stotram - · pdf fileshree lalita hrudaya stotram 1 shri lalita tripurasundari...

SHREE LALITA HRUDAYA STOTRAM

WWW.BHARATIWEB.COM 1

shrI lalitA tripurasundarI hrudaya stotram

atha shrI lalitA hrudaya stotram

shrI lalitA tripurasundaryai namah

devyuvAcha

devadeva mahAdeva sacchidAnandavigrahA |

sundaryAhrudayam stotram param koutUhalam vibho || 1 ||

IshvarouvAcha

sAdhu sAdhutvayA prAgye lokAnugrahakArakam |

rahasyamapi vakShyAmi sAvadhAnamanAhshruNu || 2 ||

shrIvidyAm jagatAm dhAtrIm sargasthitilayeshvarIm |

namAmi lalitAm nityam mahAtripurasundarIm || 3 ||

bindutrikoNasamyuktam vasukoNasamanvitam |

dashakoNadvayopetam bhuvanArasamanvitam || 4 ||

dalAShTaka samopetam dalaShoDashakAnvitam |

vruttatrayAnvitam bhUmisadanatrayabhUShitam || 5 ||

namAmi lalitAchakram bhaktAnAmetadiShTadam |

amrutAmbhodhinidhou tatra ratnadvIpam namAmyaham || 6 ||

nAnAvrukSha mahodyAnam vande aham kalpavATikAm |

santAnavATikAm vande harichandanavATikAm || 7 ||

mandAravATikAm vande pArijAtAkhya vATIkAm |

namAmi tava deveshi kadambavanavATikAm || 8 ||

puShparAga mahAratnaprAkAram praNamAmyaham |

padmarAgAkhyamaNibhih prAkAram sarvadA bhaje || 9 ||

gomedaratnaprAkAram vajraprAkAramAshraye |

vaiDUryaratnaprAkAram praNamAmi taveshvarI || 10 ||



indranIlAkhyaratnAnAm prAkAram praNamAmyaham |

muktAratnamayam chaiva prAkAram sarvadA bhaje || 11 ||

marakatAkhyamahAratna prAkArAya namastava |

vidrumAkhyamahAratna prAkArAya tu tavAshraye || 12 ||

mANikyamaNDapam vande sahasrastambhamaNDapam |

lalite tava deveshi bhajAmyamrutavApikAm || 13 ||

AnandavApikAm vande bhaje chaiva vimarshikAm |

bhaje bAlAtapodgAram chandrikodgAramAshraye || 14 ||

mahAshrungAraparikhAm mahApadmATavIm bhaje |

chintAmaNi mahAratna gruharAjam namAmyaham || 15 ||

pUrvAmnAyamayam pUrvadvAram devi bhajAmi te |

dakShiNAmnAya rUpam te dakShiNadvAramAshraye || 16 ||

namAmi te param dvAram pashchimAmnAya rUpakam |

vande aham uttaradvAram uttarAmnAyarUpakam || 17 ||

UrdhvAmnAyama aham vande UrdhadvAram kuleshvari |

lalite tava deveshi mahAsimhAsanam bhaje || 18 ||

brahmAtmakamanchapAdamekam tava namAmyaham |

ekam viShNumayam manchapAdam tava namAmyaham || 19 ||

ekam rudramayam manchapAdam tava namAmyaham |

manchapAdam namAmyekam tava devIshvarAtmakam || 20 ||

manchaikaphalakam vande sadAshivamayam shubham |

namAmi te hamsatUlatalimAm parameshvarI || 21 ||

bhajAmi te hamsatUla mahopAdhAnamuttamam |

koustubhAstaraNam devi tava nityam namAmyaham || 22 ||

mahAvitAnakam vande mahAyavanikAm bhaje |

evam pUjAgruham dhyAtvA shrIchakrasya shivapriye || 23 ||

maddakShiNe sthApayAmi bhAge puShpAkShatAdikam |

abhitaste mahAdevi dIpAmstAn darshayAmyaham || 24 ||



mUlena tripurAchakram tava sampUjayAmyaham |

tribhihkhaNDaistava tryastram pUjayAmi shivapriye || 25 ||

vAyvagni jalasamyuktam prANAyAmairaham shive |

shoShaNam dAhanam devi karomyAplAvanam tathA || 26 ||

trivAram mUlamantreNa prANAyAmam karomyaham |

apasarpantu te bhUtA ye bhUtA bhUmisamsthitAh || 27 ||

ye bhUtA vighnakartAraste nashyantu shivAgyayA |

karomyanena mantreNa tAlatrayamaham shive || 28 ||

nArAyaNo aham brahmA aham bhairavo aham shivo asmyaham |

devoham paramAtmA aham mahAtripurasundari || 29 ||

dhyAtvaivam vajrakavacham nyAsam tava karomyaham |

kumArIbIjasamyuktam mahAtripurasundari || 30 ||

mAm rakSha rakSheti hrudi karomyanjalimIshvari |

namo devyAsanAyeti te karomyAsanam shive || 31

chakrAsanam namasyAmi sarvamantrAsanam bhaje |

sAddhyasiddhAsanam vande mantrairebhir maheshvari || 32 ||

karomyasmimshchakra mantrairdevatAsanamuttamam

karomyatha ShaDangAkhyam mAtrukAshcha karomyaham || 33 ||

vashinyAdyaShTakam nyAsam ShoDhAnyAsam karomyaham |

mahAShoDhAm tatah kurve navayonyAkhyamuttamam || 34 ||

chakranyAsam tatah kurve shrIkaNThanyAsamuttamam |

keshavAdi mahAnyAsam kAmanyAsam karomyaham || 35 ||

kalAnyAsam tatah kurve kurve kAmakalAhvayam |

pIThanyAsam tatah kurve tattvanyAsam karomyaham || 36 ||

tatah karomi sthityAdinyAsam tat tripureshvari |

tatah shuddhodakenAham vAmabhAge maheshvari || 37 ||

karomi maNDalam vruttam chaturasram shivapriye |

puShpairabhyarchya sAdhAram shankham samsthApayAmyaham || 38 ||



archayAmi ShaDangena jalamApUrayAmyaham |

dadAmi chAdimam bindum kurve mUlAbhimantritam || 39 ||

tajjalena jaganmAtastrikoNam vruttasamyutam |

ShaTkoNam chaturasram cha maNDalam prakaromyaham || 40 ||

vidyayA pUjanam madhye khaNDaistryastrAbhi pUjanam |

bIjAvrutyA koNaShaTakam pUjayAmi shivapriye || 41 ||

tasmin dashakalAyuktamagnimaNDalamAshraye |

dhUmrArchiSham namasyAmi UShmAm cha jvalinIm bhaje || 42 ||

jvalinIm cha namasyAmi vande aham visphullimginIm |

sushriyam cha surUpAm cha kapilAm praNamAmyaham || 43 ||

naumi havyavahAm nityam bhaje kavyavahAm kalAm |

yAdibhih sahitA vahneh kalA dasha tathA bhaje || 44 ||

sUryasya maNDalam tatra kalAdvAdashakAtmakam |

arghyapAtre tva aham vande tapinIm tApinIm bhaje || 45 ||

dhUmrAm marIchim vande aham jvAlinIm cha ruchim bhaje |

suShumNAm bhogadAm vande bhaje vishvAm cha bodhinIm || 46 ||

dhAriNIm cha kShamAm vande sourA etAh kalA bhaje |

somasya maNDalam tatra kalAh ShoDashakAtmakAh || 47 ||

arghyAmrutAtmakam vande amrutAm mAnadAm stuve |

pUShAm tuShTim bhaje puShTim ratim dhrutimaham bhaje || 48 ||

shashinIm chandrikAm vande kAntim jyotsnAm shriyam bhaje |

naumi prItim chAngadAm cha pUrNAm pUrNAmrutAm bhaje || 49 ||

svaraih ShoDashabhiryuktA bhaje somasya vai kalAh |

trikoNalekhanam kurve akathAdisurekhakam || 50 ||

haLakShavarNasamyuktam sthitAntarham sabhAsvaram |

vAkkAmashaktisamyuktam hamsenArAdhayAmyaham || 51 ||

vruttAdbahih ShaDasre cha lekhanam prakaromyaham |

purobhAgAdi ShaTkoNam ShaDangenArchayAmyaham|| 52 ||



shrIvidyAyAh saptavAram karomyatrAbhimantraNam |

samarpayAmi vishveshi tasmin gandhAkShatAdikam || 53 ||

dhyAyAmi pUjAdvayam te sarvam vidyAmayam shubham |

caturnavati sanmantrAn spruShTvA tatprajapAmyaham || 54 ||

vahnerdashakalAh sUryakalAdvAdashakam bhaje |

Ashraye ShoDashakalAstatra somasya kAmadAh || 55 ||

sruShTimruddhim smrutim vande medhAm kAntim namAmyaham |

lakShmIm dhrutim sthirAm vande sthitim siddhim bhajAmyaham || 56 ||

etAm brahmakalAm vande jarAm tAm pAlinIm bhaje |

shAntim namAmIshvarIm cha ratim vande cha kAmikAm || 57 ||

varadAm hlAdinIm vande prItim dIrghAm bhajAmyaham |

TAdibhih sahitA viShNoh kalA dasha tathA bhaje || 58 ||

etA viShNoh kalA vande tIkShNAm roudrIm bhayAm tathA |

nidrAm tandrAm kShudhAm vande namAmi krodhinIm kriyAm || 59 ||

udgArIm cha bhaje mrutyumetA rudrakalA bhaje |

pItAm shvetAm bhaje nityamaruNAm cha tathA bhaje || 60 ||

bhaje asitAm tathA anantAm ShAdibhih sahitAstathA |

Ishvarasya kalA hyetA vande nityamabhIShTadAh || 61 ||

nivruttim cha pratiShThAm cha vidyAm shAntim namAmyaham |

indhikAm dIpikAm chaiva rechikAm mochikAm tathA || 62 ||

parAm sUkShmAm namasyAmi naumi sUkShmAmrutAm kalAm |

vande gyAnAm kalAm chaiva tathA gyAnAmrutAm kalAm || 63 ||

ApyAyinIm vyApinIm cha vyomarUpAm namAmyaham |

kalAh sadAshivasyaitAh ShoDasha praNamAmyaham || 64 ||

hAmsAkhyam cha mahAmantram jyotiSham hamsamAshraye |

pratatprathamavishvAntam mantram jyotimAshraye || 65 ||

tryambakam cha namasyAmi tadviShNoh praNamAmyaham |

viShNuryonim mUlavidyAm mantrairebhiranuttamaih || 66 ||



amrutam mantritam vande chaturnavatibhistava |

akhaNDaikarasAnandakare aparasudhAtmani || 67 ||

svacChandasphuraNAmatra nidhehyakularUpiNi |

akulasthAmrutAkAre shuddhagyAnakare pare || 68 ||

amrutatvam nidhehyasmin vastuni klinnarUpiNi |

tadrUpiNyaikarasyatvam krutvA hyetatsvarUpiNi || 69 ||

bhUtvA parAmrutA a akArA mayi chitsphuraNam kuru |

amruteshIm namasyAmi sarvadAmrutavarShiNIm || 70 ||

vAgvAdinIm namasyAmi shrIvidyAm praNamAmyaham |

ebhirmanUttamairvande mantritam paramAmrutam || 71 ||

jyotirmayamidam kurve paramarghyam maheshvari |

tadbindubhirme shirasi trigurun pUjayAmyaham || 72 ||

brahmA ahamasmi tadbindum kuNDalinyA juhomyaham |

hrucchakrasthA mahAdevIm mahAtripurasundarIm || 73 ||

nirastamohatimirAm sAkShAt samvitsvarUpiNIm |

nAsApuTe parakalAmatha nirgamayAmyaham || 74 ||

samAnayAmi tAm haste trikhaNDakusumAnjalou |

jaganmAtarmahAdevi mahAtripurasundarI || 75 ||

sudhAchaitanyamUrtim te kalpayAmi namah shive |

anena manunA devi yantre tvAm sthApayAmyaham || 76 ||

mahApadmavanAntahsthe kAraNAnandavigrahe |

sarvabhUtahite mAtarehyehi parameshvari || 77 ||

deveshi bhaktisulabhe sarvAvaraNasamyute |

yAvat tvAm pUjayiShyAmi tAvat tvam susthirA bhava || 78 ||

anena mantrayugmena tvAmatrAvAhayAmyaham |

kalpayAmi namah pAdyamarghyam te kalpayAmyaham || 79 ||

sugandhatailAbhyangam cha majjashAlApraveshanam |

kalpayAmi namastasmin maNipIThopaveshanam || 80 ||



divyasnAnIyamIshAni gruhANodvartanam shubham |

gruhANoShNodakasnAnam kalpayAmi namastava || 81 ||

hemakumbhachyutaistIrthaih kalpayAmyabhiShechanam |

kalpayAmi namastubhyam dhoutena parimArjanam || 82 ||

bAlabhAnupratIkAsham dukUlaparidhAnakam |

aruNena dukUlenottarIyam kalpayAmi te || 83 ||

praveshanam kalpayAmi tavAlepanamaNDapam |

namaste kalpayAmyatara maNipIThopaveshanam || 84 ||

aShTagandhaih kalpayAmi sarvAngeShu vilepanam |

kAlAgaru mahAdhUpastava keshabharasya hi || 85 ||

mallikA-mAlatI-jAtI-champakAdi-manoramaih |

rachitAh kusumairmAlA kalpayAmi namastava || 86 ||

praveshanam kalpayAmi namo bhUShaNamaNDapam |

upavesham ratnapIThe tatra te kalpayAmyaham || 87 ||

navamANikyamukuTam tacchandrashakalam tatah |

tatah sImantasindUram tatastilakamruttamam || 88 ||

kAlAnjanam kalpayAmi pAlIyugalamuttamam |

maNikuNDalayugmam te nAsAbharaNamIshvari || 89 ||

te kalpayAmi tripure lalitA adharayAvakam |

athA a adyabhUShaNam kaNThe hemachintAkamuttamam || 90 ||

padakam te kalpayAmi mahApadakamuttamam |

kalpayAmi namo muktAvalimekAvalim cha te || 91 ||

ChannavIram cha keyUrayugalAnAm chatuShTayam |

valayAvalimIshAni UrmikAvalimIshvari || 92 ||

kAnchIdAmakaTIsUtram soubhAgyAbharaNam cha te |

tripure pAdakaTakam kalpaye ratnanUpuram || 93 ||

pAdAngulIyakam tubhyam pAshamekakare tava |

anyasminnankusham devi puNDrekShudhanuSham pare || 94 ||



apare puShpabANAmshcha shrImanmANikyapAduke |

navAvaraNadevIbhir-mahAchakrAdhirohaNam || 95 ||

kAmeshvarAnkaparyanka upaveshanamuttamam |

sudhAsvAkhyam chaShakam tatah AchamanIyakam || 96 ||

karpUravITikAm tubhyam kalpayAmi namah shive |

AnandollAsa velAsahAsam te kalpayAmyaham || 97 ||

mangalArArtikam devi Chatram te kalpayAmyaham |

tatashchAmarayugmam te darpaNam kalpayAmyaham || 98 ||

tAlavruntam kalpayAmi gandham puShpam maheshvari |

dhUpam dIpam cha naivedyam kalpayAmi namastava || 99 ||

athA aham vaindave chakre sarvAnandamayAtmike |

ratnasimhAsane ramye samAsInAm shivapriyAm || 100 ||

udyadbhAnusahasrAbhyAm japApuShpasamaprabhAm |

navaratnaprabhAdIptamukuTena virAjitAm || 101 ||

chandrarekhAsamopetAm kastUrItilakAnchitAm |

kAmakodaNDa-soundaryanirjita-bhrUlayugAm || 102 ||

anjanAnchitanetrAm tAm padmapatranibhekShaNAm |

maNikuNDalasamyukta karNadvayavirAjitAm || 103 ||

muktAmANikyakhachita nAsikAbharaNAnvitAm |

madapATalasamyukta kapolayugalAnvitAm || 104 ||

pakvabimbaphalAbhAsA adharadvayavirAjitAm |

shuddhamuktAvaliprakhya dantapanktivirAjitAm || 105 ||

tAmbUlapUritamukhIm susmitAsyavirAjitAm |

AdyabhUShaNasamyuktAm hemachintAkasamyutAm || 106 ||

padakena samopetAm mahApadakasamyutAm |

muktAvalisamopetAmekAvalivirAjitAm || 107 ||

keyUrAngadasamyukta chaturbAhuvirAjitAm |

aShTagandhasamopetAm shrIchandanavilepanAm || 108 ||



hemakumbhasamaprakhya stanadvayavirAjitAm |

raktavastraparIdhAnAm raktakanchukasamyutAm || 109 ||

sUkShmaromAvalIyukta tanumadhyavirAjitAm |

muktAmANikyakhachita kAnchIyutanitambinIm || 110 ||

sadAshivAnkastha pruthumahAjaghanamaNDalAm |

kadalIstambhasankAsha UruyugmavirAjitAm || 111 ||

kadalIkAntisankAsha janghAyugalashobhitAm |

gUDhagalphadvayopetAm raktapAdayugAnvitAm || 112 ||

brahmA-viShNu-mahAdeva-shiromukuTajAtayA |

kAntyA virAjitapadAm bhaktatrANaparAyaNAm || 113 ||

ikShukArmukapuShpeShu pAshAnkushadharAm parAm |

samvitsvarUpiNIm devIm dhyAyAmi parameshvarIm || 114 ||

pradarshayAmyatha shive navamudrA varapradAh |

tvAm tarpayAmi tripure tridhA mUlena pArvati || 115 ||

AgneyyAmIshadigbhAge nairutyAm mArute tathA |

madhye dikShu ShaDangAni kramAdabhyarchayAmyaham || 116 ||

AdyAm kAmeshvarIm vande namAmi bhagamAlinIm |

nityaklinnAm namasyAmi bheruNDA praNamAmyaham || 117 ||

vahnivAsAm namasyAmi mahAvajreshvarIm stuve |

shivadUtIm namasyAmi tvaritAm kulasundarIm || 118 ||

nityAm nIlapatAkAm cha vijayAm sarvamangalAm |

jvAlAmAlAm cha chitrAm cha mahAnityAm cha samstuve || 119 ||

divyoughebhyo namasyAmi pareshaparameshvarIm |

mitreshamatha ShaShThIshamuDDIsham praNamAmyaham || 120 ||

charyAnAtham namasyAmi lopAmudrAmaham bhaje |

agastyam praNamasyAmi siddhoughe kAlatApanam || 121 ||

dharmAchAryam namasyAmi muktakeshIshvaram bhaje |

bhaje dIpakalAnAtham mAnavoughe tatah param || 122 ||



viShNudevam namasyAmi prabhAkaramaham bhaje |

tejodevam namasyAmi manojamatha samstuve || 123 ||

kalyANadevam kalaye ratnadevam bhajAmyaham |

vAsudevam namasyAmi shrIrAmAnandamAshraye || 124 ||

parameShThigurum vande paramam gurumAshraye |

shrIgurum praNamasyAmi mUrdhni brahmabile sthitam || 125 ||

kam bile aham namasyAmi shrIguroh pAdukAm tatah |

atha prAthamike devi chaturasre taveshvari || 126 ||

aNimAm laghimAm vande mahimAm praNamAmyaham |

Ishitvasiddhim vande aham vashitvam cha namAmyaham || 127 ||

prAkAmyasiddhim vande aham bhuktimicChAmaham bhaje |

prAptisiddhim sarvakAmapradA siddhimaham bhaje || 128 ||

madhyame chaturasre aham brAhmIm mAheshvarIm bhaje |

kaumArIm vaiShNavIm vande vArAhIm praNamAmyaham || 129 ||

mAhendrImapi chAmuNDAm mahAlakShmImaham bhaje |

trutIye chaturasre aham sarvasankShobhiNIm bhaje || 130 ||

sarvavidrAviNIm mudrAm sarvAkarShiNikAm bhaje |

mudrAm vashankarIm vande sarvonmAdinikAm bhaje || 131 ||

bhaje mahAnkushAm mudrAm khecharIm praNamAmyaham |

bIjamudrAm yonimudrAm bhaje sarvatrikhaNDinIm || 132 ||

trailokyamohanam chakram namAmi lalite tava |

namAmi yoginIm tatra prakaTAkhyAmabhIShTadAm || 133 ||

sudhArNavAsanam vande tatra te parameshvari |

chakreshvarIm tatra vande tripurAm parameshvarIm || 134 ||

sarvesankShobhiNIm mudrAm tato aham kalaye shive |

athA aham ShoDashadale kAmAkarShaNikAm bhaje || 135 ||

buddhyAkarShaNikAm vande ahankArShaNIm bhaje |

shabdAkarShaNikAm vande sparshAkarShaNikAm bhaje || 136 ||



rUpAkarShaNikAm vande rasAkarShaNikAm bhaje |

gandhAkarShaNikAm vande chittAkarShaNikAm bhaje || 137 ||

dhairyAkarShaNikAm vande smrutyAkarShaNikAm bhaje |

nAmAkarShaNikAm vande bIjAkarShaNikAm bhaje || 138 ||

AtmAkarShaNikAm vande hyamrutAkarShaNIm bhaje |

sharIrAkarShaNIm vande nityAm shrIparameshvarIm || 139 ||

sarvAshApUrakam chakram kalaye aham taveshvari |

guptAkhyAm yoginIm vande tartA aham guptapUjitAm || 140 ||

pItAmbujAsanam tatra namAmi lalite tava |

tripureshIm mahAdevIm bhajAmIShTArthamsiddhidAm || 141 ||

sarvamvidrAviNIm mudrAm tartA aham tAm vichintaye |

shive tavAShTapatre ahamangakusumAm bhaje || 142 ||

anangamekhalAm vande hyanangamadanAm bhaje |

tato aham praNamasyAmi hyanangamadanAturAm || 143 ||

anangarekhAm kalaye bhaje te anangaveginIm |

bhaje anangakushAm devi tava chAnangamAlinIm || 144 ||

sarvasankShobhaNam chakram tartA aham kalaye sadA |

vande guptarAkhyAm tAm yoginIm sarvakAmadAm || 145 ||

tatrA aham praNamasyAmi devyAtmAsanamuttamam |

namAmi jagadIshAnImaham tripurasundarIm || 146 ||

sarvAkarShaNikAm mudrAm tatrA aham kalayAmi te |

bhuvanAre tava shive sarvasankShobhiNIm bhaje || 147 ||

sarvavidrAviNIm vande aham sarvAkarShi NikAm bhaje |

sakalAhlAdinIm vande sarvasammohinIm bhaje || 148 ||

sakala stambhinIm vande kalaye sarvajrumbhinIm |

vashankarIm namasyAmi sarvaranjanikAm bhaje || 149 ||

sakalonmAdinIm vande bhaje sarvArthasAdhinIm |

sampattipUriNIm vande sarvamantramayIm bhaje || 150 ||



bhajAmyaham tatah shaktim sarvadvandva kShayankarIm |

tatrA aham kalaye chakram sarvasoubhAgyadAyakam || 151 ||

namAmi jagatAm dhAtrIm sampradAyAkhyayoginIm |

shive tava namasyAmi shrIchakrAsanamuttamam || 152 ||

namAmi jagadIshAnImaham tripuravAsinIm |

kalaye aham tava shive mudrAm sarvashankarIm || 153 ||

bahirdashAre te devi sarvasiddhipradAm bhaje |

sarvasampatpradAm vande bhaje sarvapriyankarIm || 154 ||

namAmyaham tato devIm sarvamangalakAriNIm |

sarvakAmapradAm vande sarvaduhkhavimochinIm || 155 ||

sarvamrutyuprashamanIm sarvavighnanivAriNIm |

sarvAngasundarIm devIm sarvasoubhAgyadAyinIm || 156 ||

sarvArthasAdhakam chakram tathA aham kalaye sadA |

kalayAmi tato devIm kulottIrNAkhyayoginIm || 157 ||

sarvamantrAsanam vande tripurAshrIyamAshraye |

kalayAmi tato mudrAm sarvonmAdanakAriNIm || 158 ||

antardashAre te devi sarvagyAm praNamAmyaham |

sarvashaktim namasyAmi sarvaishvaryapradAm bhaje || 159 ||

sarvagyAnamayIm vande sarvavyAdhivinAshinIm |

sarvAdhArasvarUpAm cha sarvapApaharAm bhaje || 160 ||

sarvAnandamayIm vande sarvarakShAsvarUpiNIm |

praNamAmi mahAdevIm sarvepsitapradAm bhaje || 161 ||

sarvarakShAkaram chakram tatrA aham kalaye sadA |

nigarbhayoginIm vande tatrA aham parameshvarIm || 162 ||

sAdhyasimhAsanam vande bhaje tripuramAlinIm |

kalayAmi tato devi mudrAm sarvamahAnkushAm || 163 ||

aShTAre vashinIm vande bhaje kAmeshvarIm sadA |

modinIm vimalAm vande hyaruNAm jayinIm bhaje || 164 ||



sarveshvarIm namasyAmi koulinIm praNamAmyaham |

sarvarogaharam chakram tavA aham devi chintaye || 165 ||

rahasyayoginIm devIm sadA aham kalayAmi te |

namAmi tripurAsiddhAm bhaje mudAm cha khecharIm || 166 ||

mahAtrikoNasya bAhye chaturdikShu maheshvari |

namAmi jrumbhNAna bANAn chApam sammohanam bhaje || 167 ||

pAsham vashankaram vande bhaje stambhanamankusham |

trikoNe aham jagaddhAtrIm mahAkAmeshvarIm bhaje || 168 ||

mahAvajreshvarIm vande mahAshrImAlinIm bhaje |

mahAshrIsundarIm vande sarvakAmaphalapradAm || 169 ||

sarvasiddhipradam chakram tava devi namAmyaham |

namAmyatirahasyAkhyAm yoginIm tatra kAmadAm || 170 ||

tripurAmbAm namasyAmi bIjamudrAm namAmyaham |

mUlamantreNa lalite tvAm bindou pUjayAmyaham || 171 ||

sarvAnandamayam chakram namAmi lalite tava |

parApara rahasyAkhyAm yoginIm kalaye sadA || 172 ||

mahAchakreshvarIm vande yonimudrAmaham bhaje |

dhUpAdikam sarvamayi te kalpayAmyaham || 173 ||

tvatprIyate mahAmudrAm darshayAmi tatah shive |

tridhA tvAm mUlamantreNa tarpayAmi tatah shive || 174 ||

shAlyannam madhusamyuktam pAyasApUpasamyutam |

ghrutasUpasamAyuktam sarvabhakShyasamanvitam || 175 ||

sasitam kShIrasamyuktam bahushAkasamanvitam |

nikShipya kAnchane pAtre naivedyam kalpayAmi te || 176 ||

sankalpya bindunA vaktram kuchou bindudvayena cha |

yonim tu saparArdhena krutvA shrItripure tava || 177 ||

etat kAmakalArUpam bhaktAnAm sarvakAmadam |

sarvasampatpradam vande namaste tripureshvari || 178 ||



vAmabhAge trikoNam cha vruttam cha chaturasrakam |

krutvA gandhAkShatAdyaishcha hyarchayAmi maheshvari || 179 ||

vAgbhavAdyam namasyAmi tatra vyApakamaNDalam |

jalayuktArdAnnayuktam makAratrayabhAjanam || 180 ||

tatra vinyasya dAsyAmi bhUtebhyo balimuttamam |

namaste devadeveshi namastrailokyavandite || 181 ||

namah parashivAnkasthe namastripurasundari |

pradakShiNAm namaskAram manasA aham karomi te || 182 ||

tatah sakalamantrANAm samrAgyIm parameshvarIm |

prajapAmi mahAvidyAm tvatprItyArthamaham sadA |

tava vidyAm prajaptvA atha staumi tvAm parameshvarIm || 183 ||

mahAdevi maheshAni sadAshiva mahApriye |

mahAnitye mahAsiddhe tvAmaham sharaNam vraje || 184 ||

jaya tvam tripure devi lalite jagadIshvari |

sadAshivapriyakari pAhi mAm karuNAkari || 185 ||

jaganmAtarjagadrUpe jagadIshvaravallabhe |

jaganmaye jagastulye gouri tvamAhamAshraye || 186 ||

anAdye sarvalokAnAmAdye bhakteShTadAyini |

girirAjasya tanaye namaste tripureshvari || 187 ||

jayAdidevadeveshi brahmamAtarnamo astu te |

viShNumAtaranAdyante haramAtah sureshvari || 188 ||

brahmAdisurasamstutye lokatrayavashankari |

sarvasampatprade nitye tvAmaham kalaye sadA || 189 ||

nityAnande nirAdhAre chidrUpiNi shivapriye |

aNimAdiguNAdhAre tvAm sadA kalayAmyaham || 190 ||

brAhmyAdimAtrusamstutye sarvAvaraNasamyute |

jyotirmaye mahArUpe pAhi mAm tripure sadA || 191 ||

lakShmIvANyAdisampUjye brahmaviShNushivastute |

bhajAmi tava pAdAbjam sarvakAmaphalapradam || 192 ||



sarvashaktisamopetam sarvAbhIShTaphalaprade |

namAmi tava pAdAbjam devi tripurasundari || 193 ||

tvatpriyArtham tatah kAmshchicChaktim sampUjyAmyaham |

mapanchakena tAm shaktim tarpayAmi maheshvari || 194 ||

tayopetam havihsheSham chidagnou prajuhomyaham |

tvatpriyArtham mahAdevi mamAbhIShTArthasiddhye || 195 ||

baddhvA tAm khecharIm mudAm kShamasvodvAsayAmyaham |

tiShTha me hrudaye nityam tripure parameshvari || 196 ||

jagadambe mahArAgyi mahAshakti shivapriye |

hrucchakre tiShTha satatam mahAtripurasundari || 197 ||

sarvalokaikasampUjye sakalAvaraNairyute |

hrucchakre tiShTha me nityam mahAtripurasundari || 198 ||

|| phalashrutih ||

etat tripurasundaryA hrudayam sarvakAmadam |

mahArahasyam paramam durlabham daivatairapi || 1 ||

sAkShAt sadAshivenoktam guhyAdguhyamanumattamam || 2 ||

yah paThennityamekAgrah shruNuyAd vA samAhitah |

nityapUjAphalam devyAh sa labhennAtrah samshayah || 3 ||

pApaih sa muchyate sadyah kAyavAkchittasambhavaih |

sarvajanma samudbhUtairgyAna krutairapi || 4 ||

sarvakratuShu yatpuNyam sarvatIrtheShu yat phalam |

tatpuNyam labhate nityam mAnavo nAtra samshayah || 5 ||

achalAm labhate lakShmIm trailokye chApi durlabhAm |

sAkShAd viShNusamo martyo shIghrameva bhavet sadA || 6 ||

aShTaishvaryamavApnoti sa shIghram mAnavottamah |

guTikA pAdukA siddhyAdyaShTakam shIghramashnute || 7 ||

shankhAdyA nidhyo vA api tam nityam paryupAsate |



vashyAdInyaShTakarmANi shIghram siddhyanti sarvadA || 8 ||



bhUlokasthAh sarvanAryah pAtAlasthAh sadAnganAh |

sarvalokasthitAh sarvA yAshchAnyArUpagarvitAh || 9 ||

ramante tena satatam shIghram vashyA na samshayah |

rAjAdyAh sakalA martyAh haraharyAdayah surAh || 10 ||

anantAdyA mahAnAgAh siddhayogeshvarAdayah |

ruShayo munayo yakShAstam nityam paryupAsate || 11 ||

mahatIm kIrtimApnoti shivaviShNusamaprabhAm |

paramam yogamAsAdya khecharo jAyate sadA || 12 ||

apamrutyuvinirmuktah kAlamrutyuvivarjitah |

paramAyuShyamApnoti haraharyAdidurlabham || 13 ||

ashrutAni cha shAstrANi vyAchaShTe vidhivat sadA |

mUDho api sarvavidyAvAn dakShiNAmUrtivadbhavet || 14 ||

grahabhUtapishAchAdyA yakShagandharvarAkShasAh |

etasya smaraNAdeva vinashyanti hi sarvadA || 15 ||

tadgAtram prApya sakalam viSham sadyo vinashyati |

sahasrakAmasankAshah kAntyA yah sarvadA bhavet || 16 ||

tasmAdetat paThet stotram tripurAhrudayam shubham |

japed yah sarvadA sAkShAd bhaved devIsvarUpakah || 17 ||

sAngam tripurasundaryA nityapUjAphalam labhet |

vimukto rogasanghAtairArogyam mahadashnute || 18 ||

prApnoti mahadaishvaryam sarvavidyAnidhirbhavet |

tatkarasparshamAtreNa naro brAhmaNatAm labhet || 19 ||

muchyate sakalairvighneh sa nityam mAnavottamah |

sa bhunkte sakalAn bhogAn durlabhAmshcha dine dine || 20 ||

labhate putrapoutrAmshcha mahAlakShmIsamanvitAn |

paramAyuShyasamyuktAn sAkShacChivasamAn guNaih || 21 ||

sruShTipAlanasamhArakartevAyam sadA bhavet |

yaste krupAvAn bhavati sa trimUrtirna samshayah || 22 ||



tatsamIpasthitah shIghram sadA jAtismarobhavet |

tasya gehe sadA kAmadhenuh kalpatarustathA || 23 ||

chintAmaNishcha satatam tiShThatyeva na samshayah |

mahAjayamavApnoti sadA sarvatra mAnavah || 24 ||

vajrakAyasamo bhUtvA charatyeva jagatyayam |

mahAsukhI bhavennityam paramAtmA bhavet sadA || 25 ||

muchyate sakalebhyo api bandhanaih shrunkhalAdibhih |

tam pUjayanti satatam harirudrAdayo api cha || 26 ||

shubhameva bhavennityam sadApadbhirvimuchyate |

devagandharvarakShAdyaih brahmAdyairapi durlabhAn || 27 ||

prApnoti sakalAn kAmAn shIghrameva na samshayah |

divyabhogayuto divyakanyAbhih saha samyutah || 28 ||

vimAnam sa samAsthAya divyAbharaNabhUShitah |

divyachandanaliptAngah sadA vimshativArShikah || 29 ||

sa bhunkte sakalAn bhogAn devaloke narah sadA |

tasmAdetat paThet stotram tripurAhrudayam shubham |

japedyah satatam bhaktyA bhavet sAkShAt sadA shivah || 30 ||

|| iti shrI rudrayAmale IshvarapArvatIsamvAde shrI lalitAtripurasundarI hrudaya stotram

sampUrNam ||

lalita hrudaya stotram - · pdf fileshree lalita hrudaya stotram 1 shri lalita tripurasundari...

Documents