nArAyaNaM padmabhuvaM vasiSThaM shaktiM ca tatputraM ca parAsharaM cavyAsaM shukaM gauDapAdaM mahAntaM govindayogIndramathAsya shiSyam.shrIsha~NkarAcAryamathAsya padmapAdaM ca hastAmalakaM ca shiSyaMtaM toTakaM vArttikakAramanyAn asmadgurUn santatamAnato.asmi..gurubrahmA gururviSNurgururdevo maheshvaraH.guruH sAkSAt paraM brahma tasmai shrIgurave namaH..shuddhasphaTikasaMkAshaM shuddhavidyApradAyakam.shuddha pUrNaM cidAnandaM sadAshivamahaM shraye.. 1 ..sImAtItamanAdyantaM nAmoccAraNabheSajam.kAmitAsheSaphaladaM shrImadviSNumahaM shraye.. 2 ..yogihR^itpadmanilayaM natajIvahite ratam.shrutInAM janmabhUmiM tvAM caturmukhamahaM shraye.. 3 ..prasamAhitamatyantaM prathimAmitatejasam.vashIkR^itaparAnandaM vasiSThaM gurumAshraye.. 4 ..shuktau rUpyamivAbhAti yadrUpaM mayi kalpitam.shaktyA pari taM yena shaktiM taM gurumAshraye.. 5 ..karaNAtItacidrUpaM paripUrNaM parAyaNam.paramAnandasaMtuSTaM parAsharamahaM shraye.. 6 ..vedavyAsaM svAtmarUpaM satyasandhaM parAyaNaM.shAntaM jitendriyakrodhaM sashiSyaM praNamAmyaham.. 7 ..trikAlAtItacinmAtraprashAntasvAntasaMyutam.vikArAdyairasaMspR^iSTaM shukaM gurumahaM shraye.. 8 ..gUDhA mAyA yasya vAkyairvrIDitA vilayaM gatA.krIDantaM vidyayA sArdhaM gauDapAdaM tamAshraye.. 9 ..jIveshabhedarahitaM nAvikaM bhavavAridheH.bhAvAbhAvavidUrasthaM govindaM gurumAshraye.. 10 ..sha~NkArUpeNa maccittaM pa~NkIkR^itamabhUdyayA.kiMkarI yasya sA mAyA shaMkarAcAryamAshraye.. 11 ..vishvaM mAyAmayatvena rUpitaM yatprabodhataH.vishvaM ca yatsvarUpaM taM vArtikAcAryamAshraye.. 12 ..anAdyavidyAmutsArya pradnyAnaghanarUpatAm.yo bodhayati sacchhiSyAn taM bodhaghanamAshraye.. 13 ..sitAghanAdidR^iSTAntairyatsvarUpaM shrutirjagau.pradnyAnaghana eveti taM dnyAnaghanamAshraye.. 14 ..dnyAnAnAmuttamaM dnyAnaM dnyAninAmuttamo yataH.dnyAnottama iti khyAtaM guruM tamahamAshraye.. 15 ..dnyAnanishreNimAlambya brahmAkhyaM girimunnatam.Aruhya kR^itakR^ityo yastaM dnyAnagirimAshraye.. 16 ..durvAdiduSTamAta~NgavidAraNapaTIyase.namaH shrIsiMhagiraye gurave divyacakSuSe.. 17 ..IpsitArthaprado nityaM praNatAnAM ca dehinAm.yatirIshvaratIrthAkhyaH taM namAmi guruM shivam.. 18 ..shrutimastakakUTasthamadnyAnadvipabhedinam.shrImantrarAjamUrtiM taM nR^isiMhaM gurumAshraye.. 19 ..avidyAcchhannabhAvAnAM nR^iNAM vidyopadeshataH.prakAshyati yastattvaM taM vidyAtIrthamAshraye .. 20 ..adnyAnAM jAhnavItIrthaM vidyAtIrthaM vivekinAm.sarveSAM sukhadaM tIrthaM bhAratItIrthamAshraye.. 21 ..avidyAraNyakAntAre bhramatAM prANinAM sadA.vidyAmArgopadeSTAraM vidyAraNyaguruM shraye.. 22 ..vidyAvidyAvivekena pAraM saMsAravAridheH.prApayatyanishaM bhaktAn taM vidyAraNyamAshraye.. 23 ..avidyAraNyasaMkleshakR^ishAnubhR^ishatApitaH.saMshraye satataM bhUtye candrashekharacandrikAm.. 24 ..avidyAkhyadvipadvaidhIbhAve dakSaM samAshraye.nR^isiMhabhAratIshAkhyahariM shrutiguhAshrayam.. 25 ..puruSottamatAM yAnti yamAshritya janAH shraye.kSarAkSaramatItaM taM puruSottamayoginam.. 26 ..kiMkarIkR^itabhUpAlaM pa~NkeruhasamAnanam.taM kAruNyapayorAshiM saMkarAkhyaM guruM shraye.. 27 ..candrikAdhavalodArasAndrakIrticchhaTAdharam.indriyerdurjayaM naumi candrashekharabhAratIm.. 28 ..prasiddhavidyAnilayaM lasamAnaguNotkaTam.bisajAkSArcakaM bhaktyA nR^isiMhaM tIrthamAshraye.. 29 ..puruhUtAdidevaughapauruSeyaguNotkaTam.puruSArthapradaM naumi puruSottamayoginam.. 30 ..kAmadviradapa~ncAsyarAmaNIyakamandiram.somopamAnanaM shrImadrAmacandraguruM bhaje.. 31 ..surasindhulasatkIrtiM smarasindhughaTodbhavam.nArasiMhArcakaM shrImannArasiMhayatiM bhaje.. 32 ..sArAsAravivekadnyaM mArakAnanaku~njaram.shUraM dAne ca nirataM nArasiMhayatiM bhaje.. 33 ..nR^isiMhatAM prayAntyAshu yamAshritya janA bhuvi.nR^isiMhabhAratIM vande dviguNopapadaM sadA.. 34 ..taM sarvabhUtAbhayadaM vibhavairanvitaM param.nArasiMhaM guruM cApi navaM dnyAnArNavaM bhaje.. 35 ..satyasvarUpaM saddnyAnaniSThaM sAkSAcchhivaM param.sadA dAnarataM dAntaM saccidAnandamAshraye.. 36 ..mahAmerusamaM dhairye mAdhurye.apyamR^itopamam.UhApohArthaniSNAtaM nArasiMhaM guruM bhaje.. 37 ..saccittAmbujamitrAya saccaritrayuje namaH.saccidAnandabhAratye saccidAnandamUrtaye.. 38 ..saccidAnandabhAratyai navyAyAstu namo.anisham.bhavyAtmadnyAnanirdhUtAvidyAkAryopalabdhaye.. 39 ..mAramAta~Ngapa~ncAsyaM madasarpadvijarSabham.nR^isiMhabhAratIM vande jitAkSaturagaM sadA.. 40 ..tattvamasyAdivedAntavAkyArthadnyAnavAridheH.pUrNacandramasaM vande saccidAnandayoginam.. 41 ..abhinavapadapUrvAn saccidAnandasaMdnyAnnigamAshikharavedyAn nityakalyANarUpAn.tribhuvanajanavandyAn sarvalokaikahR^idyAnhR^idayakamalamadhye bhAvayAmyambujAsyAn.. 42prahlAdavarado devo yo nR^isiMhaH paro hariH.nR^isiMhopAsakaM nityaM taM nR^isiMhaMguruM bhaje.. 43 ..shrIsaccidAnandashivAbhinavya nR^isiMhabhAratyabhidhAnyatIndrAn.vidyAnidhIn mantranidhIn sadAtmaniShThAn bhaje mAnavashaMbhurUpAn.. 44 ..sadAtmadhyAnanirataM viSayebhyaH parA~Nmukham.nomi shAstreSu niSNAtaM candrashekharabhAratIm.. 45 ..vivekinaM mahAprAGYaM dhairyaudAryakSamAnidhim.sadA.abhinavapUrvaM taM vidyAtIrthaguruM bhaje.. 46 ..vidyAraNyAdiyogIndrAdhiSThitaM pIThamuttamam.ala~NkurvANamadhunA bhAratItIrthamAshraye.. 47 ..gurubrahmA gururviSNurgururdevo maheshvaraH.guruH sAkSAt paraM brahma tasmai shrIgurave namaH.. 48 .... iti shrIguruparaMparAstotraM ..