Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

thlatUN (april) 19, 2019 ZirtawpNi (friday)

Hmasawnna Thar Vol - 34/188 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

NEWS TOMkiMcHANcHIN LAKTAWIMEMCOS OB ding thlang

CCpUr: Manipur Ex-Servicemen Multipur-pose Co-operative Society chun zanikhan an Office, Ngulthong Bazar, N. Lam-ka-ah General Body meet-ing-cum-BOD Election an nei. GT Thanga, Presiding Officer le PK Lian, Polling Officer nina hnuoiah kum 2019-22 sunga BOD mem-ber ding thlanghai chu- Sub. Major Hranghleia, Hon/Capt. Siamzathang, Sub. Phungkam, Sub. K. Thang-khopau, Hav. Khamzatuan, Sep. Pumkhanzam, Hav. S. Nangzaching le Nk. Chinkhannang hai an nih. April 22, 2019 khin MEM-COS office-ah cabinet in-siem an tih. MEMCOS a hin mem-ber 138 an um mek a, za-nita inkhawmnaa \hang hai kuomah sitting alloance Rs. 2,000 seng sem an nih.

One Day Dissemination Workshop nei

CCpUr: District Health Society (NHM), CCPur huoihawtnain April 18, 2019, 10AM khan Life Café Auditorium, Reng-kai-ah Rashtriya Kishore Swashtya Karyakram (RKSK) le inzawmin One Day Dissemination Work-shop nei a ni a, Dr VC Pau Tonsing, CMO/CCur, Dr Jamthainlal, DFWO/CCPur

bakah CHCs/PHCs haia Medical Officer Incharge-hai, BPM, BFM, DPMU, ADC/CEO le ZEO CCPur hnuoia DPO, ICDS Coor-dinator le CCPur District Private School Association a President le Secretary-hai an \hang. Workshop hunah So-morendro, DPM, Neng-khanlal, DI EO han RKSK

programme chungchang hrilna an nei a, Dr Jire L. Pudaite chun Peer Educators hai mawphurna a hril. RKSK hi India sawrkarin January 7, 2017 naupang/tleirawl kum 10-19 inkar hai hriselna dinga health programme a lo \an niin, fak le dawnin a zirnaw leia in\hang ding anga in\hang thei-lo suikkemna ding le Iron tlaksam leia hriselnawna um hlak hai sukkiemna ding health programme a nih. Workshop zo hin April 24, 2019 chen aw dingin Peer Educator hai ta dingin RKSK htuah Train-ing of Trainers (TOT) nei zawm nghal a nih. Training hi Dr VC Pau Tonsing, CMO, CCPur >>sunzawmna phek 2-ah

Institute hawngna le MPc Women’s Wing kum khat tling lawmnaCCpUr: Mizo People Convention (MPC) Sub-Hqrts. Manipur huoi-hawtnain zani zantieng 2:00PM khan Chieng-kawngpang-a MPC Sub-Hqrts Office-ah Socio-Economic Development Society (SEDS) Computer Training Institute hawng-na le MPC Sub-Hqrts Women’s Wing kum khat tling lawmna hun hmang a nih. G. Thangkhosuan-mung, Dy. Chairman,

ADCC chun Chief Guest a \hangin Training Institute a hawng a, Rev. Mangk-hokam, Vice Chairman, ESC in Training In-stitute hi \awng\ainain an hlan. Hun hmang sungin Chongneihkim, Chair-person, MPC Sub-Hqrts Women’s Wing in report a pek a, Rev. Soikhogin Thangjom, Chairman, MPCS, Hqrts veng in Women’s Wing hai ta din-ga \awng\aipekna a nei.

SEDS Computer Training Institute hi MPC member, a bikin tlan-grama um Class VIII le a chungtieng han a thlawna training an nei theina din-ga hawng a ni a, first batch ah mi 50 training pek ning an ta, April 22, 2019 khin class \an an tih. Hi Institute a ding hin G. Thangkhosuanmung chun Computer set 5 a pek niin Paulalson Gangte, Secy. Information chun a hril.

Good Friday chawlGood Friday leiin vawisun hin Hmasawnna Thar \hangsain tuolsung nitin chanchinbu Office-hai khar ning a tih. Hi lei hin April 20, 2019 khin tuolsung nitin chanchin-buhai hung suok naw ni a, April 21, 2019 a inthawk hung suok \an nawk an tih.

- Editor & publisherHmasawnna Thar Daily

Temporary in vawisun Khominthang mei inluttir hman tumElectric umnaw leiin Generator zawr a fe hle

CCpUr: April 15, 2019 a Thlisie hrangin Manipur hmun tum tum a nuoi \uma Electric High Ten-sion le Transmission ban tam tak a mutthluk leia Churachandpur District in electric meivar a hmunaw chu April 18, 2019 kha a ni 4 na a nita leiin mipui han harsatna namenlo an tuok tah. Department chun elec-tric sietna hmun hai siem \hat tumin theitawp an suo zig a, zanikhan TD I DGM thupek dungzuiin Moirang to Moirang Khunou 33KV siem\hat hmasak niin Line charged a nitah. Zani chawhnung-tieng khan Churachandpur temporary-a mei peklut/supply thei ngei tumin Moirang 33KV SS a in-

thawk Khengjang 132KV SS 33KV inkar line siem\hatna sin thaw a ni a, electric ban 15 vel thliin a mutthluk hai laia a tam-lem phun\hat zo a nitah. Tuhin S. Kotlian lai electric ban pahni phun ding a la um a, vawisun hin buoipui nawk ning a ta, zo hman a ni chun April 18, 2019 zantieng hin Kheng-jang 132KV SS chenah 33KV peklut ngei tum a ni a. Hi taka inthawk Khom-inthang 33KV SS Charge ning a ta, mei a fe \ha thei chun temporary in vawiz-antieng hin Loadshedding malamin electric meivar hmu thei a ni el thei tiin department official haia in-thawk thu dawngna chun a hril. Amiruokchu, 132KV

Tower 6 zet thli hrangin a mutthluk hai siem\hatna dingin thlakhat chuong zet hun a aw ding nia hril a ni a, zani hmasaa inthawk khan KTC Company chun Electric Tower 6 tlu hai siem\hatna sin an \an tah. Hieng tower hai hi phun/siem\hat zo a ni hmakhat chu Electric mei-var nidang anga regular in ei la hmu thei hrinaw ding niin thu dawngna chun a hril bawk. Hieng laizing hin Elec-tric var naw leiin tulai hin Churachandpur town sun-gah solar plate, battery le Generator chin chi (porta-ble) hai zawr a fe hle. So-lar plate chin, battery chin le generator chinhai chu inchawk ding a um meu ta naw nia hril a nih.

2nd Phase LS Election Inner Manipur Vote 80.47% Thlak, nuhmei pakhat thiManipur-a vawikhatna dingin Governor-in Imphal-ah Vote a thlak ve

imphal: India sawrkar thar siemna dinga khawve-la democracy lientak India Election Commission thu-pek angin, Manipur seat pakhat \hanga State 11-a Parliamentary Seat 95 haia inthlangna chu April 18 zing dar 7am a inthawka zantieng dar 4pm chen khan hlawtling takin all In-dia buoina taluo um lovin zofel a ni tah. Manipur-a Lok Sabha seat 2 laka pakhat Inner PC candidate 11 umna, voter 9, 28, 626 hai laka 80.47% in vote an thlaknaa chun, hmun hni ah EVM suksiet le buoina thu suok met le nupui pakhat a thi ti bak chu buoina taluo um lovin zofel a nih tiin CEO Ma-nipur Mr PK Singh chun a hril. Mr PK Singh, CEO-in a hril dan chun, zantieng dar 7pm chena Inner Manipur PC sunga A/C 32-a Polling Stations 1, 300 haia vote thlak zat le Outer PC vote percent chu 80.45% (Inner-excluding 70 PS to be con-firmed) le 84.80% (Outer-without Henglep) niin a hril a. Kum 2014-a 75.16% laka chu a \ha hle niin a hril. Inner Manipur ah hin Third Gender 32 an um a, PwD (Pieng danglam) 4, 523 an um bawk. CEO hril dan chun 6-Keirao A/C, Imphal East sunga 6-10 Kiyamgei

Muslim South-A ah voter \henkhatin indik naw taka vote thlak an tum leiin PO le polling personnel han an danga, lungsenin EVM/VVPAT hai suksein an tlansie a. Buoina vengna dingin CRPF han blank fire an kap a, polling process suktawp nghal a nih, tiin a hril. Mita hmutuhai hril dan chun, dar 11am velah Ki-yamgei High Madrasa poll-ing station-a PO chet dan chu voter \henkhatin an dit naw leiin EVM, VVPAT le CCTV hai an suksiet a. Inkhak buoina velah Pre-siding Officer, Mr L. Love-ly Singh le Micro Observer Mr. P Gunachandra hai an hliem a. CRPF han silai an hmet puoka, police han tear

gas an kapna ah civil pali an hliem bawk niin an hril. An hril dan chun, buoina in\anna chu voter \henkhatin ‘booth rigging’ an thawa inthawka in\an niin an hril a. Presiding Of-ficer chun ‘proxy voting’ thaw an tum leia suok niin a hril bawk a. Re-poll nei dinga ti a nih a, April 19 hin ngaituo ning a tih, tiin CEO chun a hril. INC candidate O. Nabakishore-in complaint a siem dan chun, 6/6 - Ki-yamgei Mamang Leikai ah Polling Station lut a tum leh an lo dang a. Ama agent hai \hangin, BJP agent ti lo Agent dang tukhawm an um nawh a. Iengleia Con-gress agent lut phal lo am a na? ti an dawn laiin mi

pakhat a hung a, Congress agent angin an hrila chu BJP mi a nih ti hriet suok a nih, tiin a hril. Congress agent hai chun an kutah pentui dum n^l pekin an insuoktir vawnga, in\hung le vote an thlak khawm an phal-pek naw niin an hril a. BJP worker hai chun Congress candidate Nabakishore a um sawt taluoa, minute 15 zet a um leia buoina suok niin media hai a hril. BJP worker pa hin journalist hai chu hi thu hi cover lo din-gin a hril niin an hril bawk. O Nabakishore chun Andro Assembly Constitu-ency polling station No. 7/10, 7/39 le 7/40 hai chu BJP worker an ‘rigged’ vawng leiin 6/6-Kiyamgei

Mamang Leikai leh re-poll a ngen a. Hi thu le inzawm hin Irilbung Police Station ah FIR No.27(4)2019, U/s 147/148/149/171F/ 325/427/ IPC dated 18th April, 2019 filed a ni a. Hi thua Form 17 scrutiny chu April 19 dar 11am hin nei ning a tih, tiin CEO chun a hril. 6-Keirao A/C hnuoiah bawk, 6/20-Urup Muslim a Scrutiny khawm April 19 bawk hin nei ning a tih, tiin CEO’n a hril. Hmun dangah, 32/37-Waithou L.P School Polling Station, Withou Bazaar ah Ms. Ningthou-jam Basanti Devi (55) of Kakching Wairi, Kakching District chu vote thlak >>sunzawmna phek 4-ah

CM le Governor in Good Friday le Easter Sun-

day Chibaiimphal: Vawisuna Good Friday hmangtu dinghai le Easter Sunday hungtlung ding hmangtu dinghai po po Manipur CM, Pu N.Biren Singh chun Good Friday le Easter Sunday chibai a buk tawl. Good Friday le Easter Sunday hai hin inremna, muongna, inhmangaina le inngaidamtuona hai hung intlun ngei dingin hi ni hmangtu dinghai po po dit-sakna an hlan. Chun, Governor Dr Na-jma Heptulla chun, Good Friday hmangtu dinghai po po Good Friday hlimum tak hmang dingin ditsakna chibai a buk a. Isu Krista mi tin ta dinga a hung thi ni Good Friday hin Isu tuorna-hai min hrietsuoktirin, Ama ditdan ang taka hnungzuitu dinga inpehai khawmin mani inhlan tharna huna an hmang a nuompui thu a hril. Isu Krista hung tuorna le thina chu khawvel mi tin sandamna ding a nih anga sandamna intluntu nih ngei sien a nuom thu a puong.

Inruithei Rs. 1.7 crore manhu leh mi 2 an man

CCpUr: April 16, 2019 khan Assam Rifles han Khengjang, CCPur lai mobile vehicle check an nei huna Gypsy pakhat suk-chawla an dapnaah Heroin 1.7 kg le ‘World is Yours’ (WY) mums 48,000 dap-dawkin Gypsy-a chuong pasal pahni hai leh an man.

Inruithei hai hi Sa-bawn bawm (plastic soap-cases) le tui bawm (plastic water containers) haia int-hun an nih. Inruithei mana um hai hi market rate-ah Rs. 1.7 crore vel manhu ni dinga hisap a nih tiin Assam Ri-fles thusuok chun a hril.

Outer Manipur (ST) 19 PS ah Re-poll zofelimphal: 17th Lok Sabha Election 2019 Phase hma-satak April 11-a Outer Ma-nipur (ST) Parliamentary Constituency sunga Polling Station 19 haia Re-poll chu April 18 khan, 2nd Phase (Inner PC) ruola neiin buoina taluo um lovin zofel a ni tah. Re-Poll neina chu Churachandpur district

Henglep A/C sunga Polling Station pathum, 57/01-San-glei, 57/03-Songkong le 57/18-Songphu hai le, Se-napati district-a PS 11, Ukh-rul district-a PS 4, Karong A/C-a PS 8 le Chandel district-a pakhat (41/30 Ma-houtera) hai an nih. Senapati district, Tadu-bi Assembly Constituency

49/10-Tadubi (A-1) polling station, Mao Maram higher secondary school ah zing dar 7:50am a \an ti lo chu dar 7am in \an vawng a nih. Tadubi (A-10 hi EVM \hat naw leia a huna \an thei lo a nih. Chief Election Officer (CEO) Manipur Mr PK Singh hril dan chun, Hen-

glep biela PS 3 hai \hang lova Outer Manipur vote thlak (April 11) per cent-age chu 84.80% a nih. First Phase, Outer Manipur (ST) chu April 11 khan nei a nih a. District 12-a A/C 28 haia Polling Station 1,562 ah vote thlak a nih a. Chu laia 19 chu re-poll nei a nih. (IT/DCEO-M)

COpS in annual GB meeting

CCpUr: April 18, 2019, 10:30AM khan M/s Civil Officer Pensioners Society (COPS) chun an Office, Eden Huan, Hiangtam Lam-ka-ah 26th Annual General Body meeting an nei. Inkhawmna hi C. Hangshing, President in \awng\ainain a hawng a, L. Thanngur, Vice President in welcome address a hril zoin S. Vungsing, Secre-tary in Annual report a pek a, Dr N. Tualkhankham inrawinain kum 2018-19 sunga member lo thi tah- Ms Zairemthang, S Phungzakham, S Dolian Capvung, T Goukhankh-up, T Pumkhokam le SN Ngurte hai sunna hun hmang a ni bakah C. Hang-

shing, in message a hril a, Pu L. Thanngur in founder member dama la um mi 4 hai kuomah lawmpuina thilpek an hlan a. S. Than-mang, Finance Secretry in audit statement, 2018-19 le S. Vungsing, Secy. in Annual Budget 2019-20 a phara, member han an hriltlang. Founder member dama la um mi 4 chawimawina inhlan hai chu- H Ne-ngsong, S Thangkhopau Ngaihte, Dr Th Lamboi Vaiphei le Kaikhosat Vai-phei hai an nih. COPS a hin members 208 an um a, hi lai hin members dama la um 144 niin, kum 2018-19 sung >>sunzawmna phek 2-ah

CM-in a sun thu a puongimphal: Chief Minister Mr N. Biren Singh chun, April 15 nia thlipui le ruopui-in Manipur hmun hran hran a mut-hrut laia thi, Ms Chink-holal (50), wife of Mr Nem-dong (74) of K. Salem Veng, Churachandpur district le Ms. Yengkhom Nung-shitombi (53) of Kakching Wairi, Kakching District hai a sun thu a puong a. A sung-

hai kuomah thlamuongna a um pei a beisei thu a hril bawk. Chief Minister chun zani ta Inner Manipur par-liamentary constituency vote thlak laia 32/37 Waithou L.P School Polling Station, Wait-hou Bazaar-a vote thlak dinga fe thi, Ms Ningthoujam Bas-anti Devi (55) khawm a sun thu a puong bawk. (DIPR)

RFT le BPCL in Optical Camp 2019

CCpUr: Ropiang Founda-tion Trust (RFT) le Bharat Petroleum Corporation Limited (BPCL) \hangruol han zani zingkar khan Cov-enant School-ah Optical Camp, 2019 an huoihawt. Hiengang Optical Camp hi kum 2019 sung Schools/Colleges 13 haia nei hman tum a nih.

Zanita Optical camp huna hin Dr T. Guite, Dr Chiin Guite hai inrawinain Dr Ginsuanmung le Dr Kim han Mit tieng harsatna nei hai enfelna an nei a, Re-frectionist 5 le Volunteers 6 han an \hangpui. RFT chairman Dr Thangchinkhup Guite chun >>sunzawmna phek 2-ah

HSA ccPur college Unit in lawmpuina

CCpUr: Hmar Students’ Association (HSA), CC-Pur College Unit chun Pu Ruoivel Pangamte, CC-Pur Colelge Principal in-charge mawphurna pek a ni le inzawmin April 18, 2019 khan a Office-ah lawmpuina hunser an hmangpui. Hi huna hin Unit Presi-dent Krossngaisang Fimate

le Secretary Benjamin Lalngilnei han Unit hminga lawmpuinain Hmar hnam puonte inbattirin, lawm-puina thilpek an inhlan. Hi huna hin Principal Pu Ruoivel Pangamte chun inchuklai hai thurawn \ha tak tak hrilin infuina thu a hril a, hi zo hin thingpui dawntlangna le inpawlhlim-na hun hmang a ni bawk.

Hmasawnna Thar2 thlatUN (april) 19, 2019ZirtawpNi (friday) artiClE/hEalth & EmplOymENt NEwS

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

SUNZAWMNAVAWISUN THUPUIMi po poin thil an suksuol vawng ta a, Pathien ropuina an chang zo ta naw a nih. Chuong a ringtu-hai chun Krista Isua intlanna um lei chun, lunginsi-etnaa a thlawna thiem inchangtirin an um a.

-ROM 3: 23-24

Good FridayMihriem hin lungrila ngaituo bik, invawi bik, inhnik bik le ngaipawimaw bik ei nei seng hlak. Tulai taka Manipur mipuihai invawi le lungril ngaituona la pengtu tak chu thlisie hrang leia thil a suksiet hai le MP election chungthu hai a ni ngei ring a um. Thlisie hrang khan thil tam tak a suksiet bakah nupui 3 in thina tuokin mi 40/50 vel an hliem a. Hi thil tlung hin ei lungril a tawk a, siet tuokhai lungril takin ei tuor-pui seng ring a um. Thlisie hrang leia siet tuokhai hi sawrkar \hangpui le sawmdawl ding chauva ei ngai chun thil indik ni thei naw nih. Manipur mipui han ei thei dan danin \hangpuina thilpek pe thei seng inla chu thil \ha ni ngei a tih. Kristienhai lem chu \hang-pui ngaihai \hangpuitu ding, \aphai \appui ding le lawmhai lawmpui theitu dinghai ei nih. Ei sin le ei mawphurna hi a tak le thil thawin suklang thei seng inla nuom a um. Vawisun hi mi suolhai ta dinga Isu Krista a thina ni le an pumpekna ni Good Friday a ni a, kristienhai ta ding chun ni pawimaw le ni bik a nih. Hi lei hin lungrila invawi le ngaituona dang dang ei nei a lo ni khawmin la sie \hang ei tiu a, vawisun hin chu Good Friday hi ursun takin hmang seng tum ei tiu. Pathien tak ni lo, milim biehai hmana an sakhuo ni pawimawhai ursun taka an inser thei chun, Pathien tak le ei ta dinga kross-ah hemdea uma a mi hung thichilna ni champha Good Friday hi ursun taka ei inser hi a phu hlie hlie a nih. Ei hriet seng angin Good Friday hi Kristienhai hun le ni pawimaw tak tak pathumhai laia pakhat , a ni le thla pangngai zing lo, movable feast an tihai laia mi a ni a, March 20 le April 23 inkarah a tlung hlak. Kumzabi 4-naa inthawk ta khan easter Sunday hma chiea Zirtawpni hi Lal Isu kraws-a hemde a ni hrietz-ingna ni dinga an lo inser \an, kum zabi 6-na vela in-thawk Good Friday an ti chu a hming a hung put pei ta a nih. Kristienhai chun hi ni hi ei ngaipawimaw seng a, kum tinin ursun takin ei hmang seng hlak a nih. Kohran Pawl \henkhat chun thupui siemin an hmang hlak. Kohran pawl \henkhat chun tu kuma an Good Friday thupuiah, “Ka kuomah Paradis-ah um veng i tih,” ti hi an hmang. Nang le keiin tu kuma Good Friday thupuiah iem hmang veng ei ta? Luka 23:43 a chun, Isu chun a kuomah, “Titakze-tin ka hril che hi, vawisun hin ka kuomah Paradis-ah um veng i tih” a ta. An suol lei hrima a bula hemde vea um pasal pahnihai laia pakhat chun Kraws chun-gah chatuona hringna lampui le suol faina vadung a hmu a, Kalvari Vadung mawi tak, a ta dinga luong suok chun a suk thienghlim theizie a hung inlang a, a ta ding chau ni lovin a ringtu taphawt ta dingin hi thil hi ei chang ve thei seng a nih. Ei suol leia to el ding ei ni naw a, Isu pan hi chatuon hringna lampui mi pe theitu a ni ti hi thar taka ei hriet hi a pawimaw hle. Thlarau sandamna chang ei nuom chun Isu pan a \ul a nih ti hi Bible chang hin a min chuktir a nih. Lal Isu kuoma um ve dingin, “Kraws-ah chun thisen hlu a um a, ka ta dinga a hmaa luong kha, Ringnain ka lo hmu,” ei ti ve thei a ngai a. chu ding chun Pathien ngaidamna chang ei ni hmasak ve khawm \ul bawk a tih. Pathienin a ngaidam nawhai chu vanram an kai naw ding a nih. Ngaidam ei nina ding chun ei suol ei sim a, Pathien ei pan a, ngaidam ei inhni a \ul a nih. Sandam tahai ei ni a; sandam mek le la sandam ding, iengkim famkima la chang ding ei ni angin Chatuona Isu kuoma cheng ve dingin ei tu hun hi ei hrietchiengin, ei nun hmang mekah pei hin suol thisanna nun a um zing ding a nih. Paula’n, “Nitin ka thi hlak a ti ang kha ei nina a ni ve a ngai a nih. Vawisuna ei ta dinga sandamtu thina niah hin ei mihriem hlui nina le suol kai popo hai hi Isu leiin thisan ve inla. Chuonganga Krista kuomah ei thi ve chun a kuomah ei hring nawk ve ding a lo nih. Phil-ipi 1:21 a chun, “ Ka ta ding chun hring hi Kroista a ni a, thi khawm hlawkna a nih,” tiin Tirko Paula chun a lo hril a. Ei ni rawi khawmin hiengang hin ei ti ve thei dim chu maw? A ti thei ve taphawt chu Chatuonin Lal Isu kuomah ei umzing ding a ni a. lallukhum ropui tak, hnetu lallukhum chu vanah Isu ei hmu hunah ei la khum seng ding a nih. lal Isu ta dingin thil iengkim hi ei tuor huom le ei hmangai let ve ding a nih. A san chu ei ta dingin thil iengkim a lo tuor ta leiin.

Good Friday Sermon

SIEL ANG AN SAWI-Rev.Kh.Thang Dailo

Tienlai ei pi le pu, thangsuo haiin Inchawng/Sielsun an thaw chun siel thatin khawtlâng ruoi an ṭhe hlaka. An siel that ding chu tlangval haiin khawlai dungah an chaiin, nasa takin an vuokin an sawisak hrep a. A chau hnêp hnungin Inchongpa tuola seluphan a chun an thlunga. Inchongpa chun a feiin a nâkah a hung suna, siel chu a chau hnêpta leiin awlsam takin an that hlak a nih. Hi hi Siel ang an Sawi umzie chu a nih.Chang thlang: (isai 53:2-5) “A pienken \hatna le hmêl mawina hrim hrim a nei nawh a, ama ei hmuin ama ei ditna dingin mawina hrim hrim a nei nawh… Ama chu mihriemhai hmusit le dit nawin a um a; …….. ama chu hmusitin a um a, eini hlak chun ama chu ei ngaisâng si nawh…….Ama chun ei natnahai phurin, ei lungngainahai khawm a phur ngei a…., Nisienlakhawm, ama chu ei bawsietnahai leiin inhliemin a um a, ei khawhlonahai leiin vuok thidukin a um a; a vuokna invuolhaia sukdamin ei um tah”.“Kei chu a mawi ka ti hun lai tak chu, Saruok ngota siel-ang an sawi vela; Vuokthiduk le dangcharin an ruma, Hmangaitu um lo lai. Thimlai zingin a hmai an tuom, Vuok thidukin an siem; Khawlevarah par angin vul a ta, Lili le Saron par nekin mawi lem a tih.” (Rev. Zosanglien)isu Krista lungngaina le tuorna râpthlak zie:Mel Gibson-a film/movie the passion of the Christ(2004) kha ei en tawl tah ka ringa. Hi movie review le criticism thawtuhai tam tak chun Isu tuordân/an sawisak dân rapthlâk taluo le hleihluok taluo hi an sawisêlna chu a nih. Hi movie review thawtu pakhat chun, hieng anga insoisakna râpthlâk movie/film a la hmu ngai naw thu hrilin, Isu Krista tuorna le inpêkna ngairopuina nêkin an sawisakna râpthlâk taluo hin lungril a lâkhmanga. Mi hai, thlarau malsawmna le lungril inpe em ema movie hung entuhai lungril a sukna(abuse)a, enzo hmaa suok el um dingin a hril hiel el. Isu an sawisak dan hi chu a lo rapthlâk awm ngei. Tulai mihriemin an ngaipawimaw em em - human right an bawsiet nasa khawp el. Isu Krista, râpthlâk le mawinaw taka soisak a ni lai kha chu mihriem pangngai mita chun mawina hrim hrim a nei nawh. Amiruokchu Rev. Zosanglien hin “…. ama chu ei bawsietnahai leiin inhliemin a um a, ei khawhlonahai leiin vuok thidukin a um a; ei thlamuongna dinga thununna chu a chungah a tlah a, a vuokna invuolhaia sukdamin ei um tah” ti lungril thlaraua a hmu leiin khieng khin a’n zawt a lo ni zing el. Hmangaina mita en chun mi hmelsie an tihai khom hmu mawi thei a lo nih. Isaac Watts, English hlaphuoktu inlârtak el chun Isu Krista Kros lera a tuor thu chu hlain mawi em emin a lo phuok bawka. Hi hla \awng hi English \awng popoa mawi le ropui taka mihai hril a tling. A mawi le ropui zie anga Hmar \awng ei inlet suok thei naw nia ka hriet leiin ama ziek ang charin tarlang el ka tih.See from his head, His hands, His feet,Sorrow and love flow mingled down;Did e’er such love and sorrow meet,Or thorns compose so rich a crown? A taksa tuor chu hrillo, a lunggnaina le beidawngna nasat zie - a thlantui thisena far hiel el. Ei lungnai beidawng chângin, “Ka beidawng taluot leiin ka thlan a phul el a nih” ei ti hlak. Thlantui thisen / hematohidrosis hi doctorhai khawma thil umthei niin an hril. Beidawngna le lungngaina a nasa taluot chun

thlantui suokna dawt kha a puokkawi theia. Thlantui le thisen inpawl kha a hung suok hlak niin an hril. Ei pi le puhai, an mawl laia ran (siel) chunga an thilthaw ang el a Rome sipaihaiin Isu Krista chunga kut an thlâk thu Mel Gibson a movie ah ei hmuin ei hiret tah. A râpthlâk taluo a, Film review thawtu haiin an soisel hiel a. Mel Gibson a thil thaw hi indikin kei chu ka ring. Bible ah chieng takin a hril a. “Nisienlakhawm, ama chu ei bawsietnahai leiin inhliemin a um a, ei khawhlonahai leiin vuok thidukin a um a” 2- isu Krista hieng lawm lawma suk beidong/lungngaitu, thattu le siel anga sâwitu hi tum a na? Roman sorkar, Roman sipaihai, Juda hotuhai, le Pilat ning an ti maw? Hi zawna hi ei don hmain Mauruong tienami la hril hmasang ei tih. Mauruong nu le pa chu sunni thlâkin lovah sin an thaw a. Zantieng inlawi a hung hun chun Mauruong nu chun paikawng sipin thing a phura. Mauruong pa chun zuiin in tieng chun an hung inlawia. Lampui thlang tienga chun hmurkuong hmin ṭha em em an hei hmua. Mauruong nu chun, “Hi hmurkuong hi chu a va hmin duk ṭha de, Mauruong a lo phingṭam ta ding leh zuk lo ta” tiin a pasal kuoma chun a zuk ti a. A pasal ruok chun, “Chuonga i naunu ta dinga i dit chun nangin hei thliek la a nil an nawm” a tih a. Mauruong nu chun thei le thei lovin a phurrik pum chun hmurkuong, lamthlang khobaka um chu hei thliek a tuma. A kesir an pel leiin lamthlang rawla chun a tla tah a. A tlahlum ta der el a. Chuleichun Mauruong chu naufahrain a hung um tah a. Mauruongnu thina san chu Mauruongpa lei ni lovin Mauruong lei a nih. A nuin a hmangai em leiin inkhaw sasa’n Mauruong ta dinga hmurkuong thliek a tum leiin a thichil lem a nih. Chuleichun Isu Krista hi Rom sorkar, Sipai le Judhai that ni lovin nang le kei a mi hmangai leiin, Pathien chatuon remruotna sukfamkim dingin, hieng lawm lawma lungngai le sawisakna tuorin, kros ah hemdein, a hringa a hung inhlân a nih. Isu Krista suklungngai le sawisatu chu nang le kei ei lo ni zing el.

3- Good friday-a thil tlunghai laia pakhat cho:Isu a hung thi chara Jerusalem Temple puonzar a thler (Mat 27:51) hi thilmak em em a nih. Mithiem/Bible sûttu hai ziek dânin hi puonzar hi a dung ft. 60 leh a khang ft.30, a sâ zie chu kutphah ang vela sa ni awm a ni. Temple hmun thienghlim tak, Pathien umna (Mercy Seat), Puithiem laltak cho lût phalna pindan bang dinga zâr a ni a. Hieng ang anga puonzar sa, hmun danga thler silova, a lâi taka Isu’n, “A kin ta” tia a thlarau an thlâ chara a hung thler el hi thilmak a tling a, inentir ropui tak nei a nih. Thuthlunghlui huna chun temple-a pindan, Hmun Thienghlim tak (Holiest of the Holy), Pathien umna a chun Thiempu Laltak cho a lût theia. Chu khawm chu kum khat ah vawikhat cho, fimkhur em emin. Turuok hin chu Isu Krista tuorna le intlanna thisen leiin Pathien le ei inkâr pindan chu keithlêr le lâkhmang a lo nita a. Chuleichun Pathien ropui le ṭium em em chu nêl takin, a zangâina le a hmangaina leiin tuhin ṭi lovin ei biek thei tah. Ei chan hi a va ropui de! “Chuongchun unauhai, Isu thisen lei chun, hmun inthienga khan lût ei inhuom leiin……Pathien sûnghai chunga Thiempu ropuitak ei nei leiin.” (Heb 10:19-20). “Aron inthawina hai chu a ngaita nawh, Lal Krista thisen, ka suol inthawina a nih; Vâna lallukhum ka chang ve theina d’in,Krista’n ka suol popo a ngaidam tah.” (Thangzarlien) haleluiah!!

PM Helicopter dap leiin Officer a suspended; congress in Ec ditsak bik neiin an tumBhUBaNESwar: April 16, 2019 khan Election Commission of India (ECI) in Odisha hmuna election General Observer dinga a ruot Karnataka cadre IAS Officer Mohammed Moh-sin chun Prime Minister Narendra Modi chuongna Helicopter a dap a, hi lei hin PM Modi chu a vu-ongsuok ding minute 15 lai zetin an hnu pha leiin Election Commission chun IAS Officer Mohammed Mohsin hi a sina inthawk a suspended. Prime Minister Modi hi election rally nei dinga Sambalpur pana vu-

ong ding a ni a, chu hunah a chuongna ding Helicopter dap/dap tum leiin a vuong-suok ding hun minutes 15 velin an hnu pha a nih. Hieng laizing hin Con-gress chun PM chuongna Helicopter dap tum a ni leia IAS Officer a sina inthawk

suspended-a a umna thuah Election Commission chu \an bik nei tiin an sawisel a, PM chuongna Helicopter a khan iem a um a? tiin Elec-tion Commission zawna a pek a. Election Commis-sion rules in PM motor check lo ding ti a um

nawh tiin Officer suspend-ed-a a umna hi an sawisel a, leaders hai vuongna dap vawng ta nekin EC chu official hai chunga action lain senior Congress leader Ahmed Patel chun an tum. Tuta hma khan Prime Minister Narendra Modi chuongna Helicopter-a in-thawk box dum zawndaw-ka private cara-a phur hmang hmu a ni leiin Con-gress chun kha box sunga khan iem a um, khawlam a tlung ti enfel dingin Elec-tion Commission a lo ngen ta bawk a nih.

maharashtra-ah rs. 19 lakh manThane: Maharashtra-a Thane khawpui a chun Election Commission-a Flying squad pawl han Car pakhat sukchawla an dapnaah sumfai Rs. 19 lakh zet dapdawkin an man. Car neitu chu Archi-

tech Durgesh Nadkarni a ni a, Kolshet area lai a mo-tor sukchawla an dapnaa an man a nih. Mr Nadkari chun Navi Mumbai area-a construc-tion sites haia sinthawtu hai hlaw pek dinga pawisa hi a phur niin a hril.

BJp mla thinaa inrawl Naxal cadre 2 kap hlumraipUr: Tulai hnai ela Dantewada district, Chhattisgarh-a BJP MLA chuongna le convoy motor lambun-naa \hang Naxal cadre pahni hai chu zani zingkar 5:30AM khan Daulikar-ka village-a District Reserve Guard (DRG) han anti-Naxal Operation an thaw huna inkaptuonaah kap hlum an

nih tiin Dy. Inspector General (Anti-Naxal operations) Sundarraj chun PTI palai a hril. First phase a ding campaign thei tawpni taka BJP MLA convoy motor kha lambun a ni a, BJP MLA bakah security personnel 4 in thina an tuok a nih.

Naxal cadre kap hluma um hai chu Vargese le Linga hai an nih. Vargese hi Maoist-a Malangir Area Committee member niin, hi biela Maoist student wing enkawltu a nih tiin DIG chun a hril. Chun Vargese hi IED siem le kamna tienga expert nia hril a ni bawk.

AR han rangkachak 10.86 kg leh pasal 1 an manimphal: April 16, 2019 khan 43 Assam Rifles han New Champhai, Moreh-ah Thangjahao Touthang (36), s/o Jangsei Touthang of Moreh Ward No.9 chu rangkachak tlang (gold biscuits) 64 (10.86kg) leh an man a, Customs Department kutah an inhlan. Rangkachak mana um hi Rs.3.74 Crore manhu vel nia hril a nih.

in a hawng a, training a hlawtling ngei theina dingin TOT hai chu lunglut taka inchuk dingin an fui. Dr Steve Tungnung, DNO, RKSK chun hi training zo hu-nah ANM le Nurse han ASHA le Peer Educators hai train-ing an peksawng nawk ding thu a hril. Training sung hin Dr Jire L. Pudaite, Medical Of-ficer, CMO Pool; Dr Zenbiaklun, MO Ayush; Dr Donna Vunngaihching, MO Ayush le Huaisianvung, DCM hai inchuktirtu in \hang an tih.

One Day Dissemination

tukum sung school tum tuma students 20,000 vel hai mit a thlawna test nei pek hman tum a ni thu a hril. RFT hin nikum khawm khan Government Schools 10 vela students 2500 vel hai mit enfelna neiin students 260 hai kuomah mitvar a lo pek ta a nih.

RFT le BPCL in Optical Camp 2019

khan mi 7 an inzieklut thar a, nikum chen khan members 53 in thina an lo tuok tah. Hun tawp tieng H. Pauzachin, Recording secretary chun meeting thutlukna hai tiemsuokna neiin, Boboi Gangte, Executive member in lawmthu hrilna a nei zoin Upa S. Vanlalruala, Executive member in \awng\ainain hun a khar.

COPS in Annual GB Meeting

Educational Tour in an fe

CCpUr: V.K. Tawna High a Class X inchuk-lai hai chu an subject-a um le an inchuk district puotienga um hai en din-gin History le Geography Department in Educational tour an buotsai a, zanikhan Moirang le Imphal haia hmun tum tum an sirkuol. Educational Tour a hin nuhmei 17 le pasal 13, an rengin student 30 an \hang a, tour fe ding hai hi zingkar 7AM khan Sia-mnunlian Valte, Execu-tive Director, VK Taw-

na High in \awng\ainain an thlasuok a, Hoih Betty, Headmistress khawmin a uop. Student hai hi Bus pakhata fe an ni a, History teacher Michael Nau-lak le Geography Teacher Thangggoulun Gangte han an inrawi a. Moirang-ah INA Museum le Nambol-ah Red Hills Lokpaching; Geographical sites Keibul Lamjao National Park le Loktak Lake hai an en a, zantieng CCPur an hung kir nawk.

Pieng Danglam Pitar Km. 4 Fein Vote Thlakimphal: CEO Manipur-in piengkena ruol banlo (People With Disabilities – PwD) or pieng danglam-hai chu chu vote \ha taka an thlak theina ding le lawm-man chen khawm siempek dinga a ti laiin, 20/6-Young Men’s Development As-sociation, Heirangthong Maobam Leikai, Langtha-bal A/C ah ruok chu pitar pakhat Km. 4 neka hla kea hungin vote a hung thlaka, \hangpuitu ding volunteer an um naw bakah thilpek (present) iengkhawm a dawng ve naw niin an hril. Hmun danga mihai chun vote thlak hmasatak 50-na chen le pieng dan-

glamhai hrim hrim ‘pres-ent’ le ‘gift’ an dawng tawl laiin, kum upa nu ruok hi chu ama pawisa sengin Km. 4 neka hla Polling Booth hungin vote a hung thlaka chu tukhawma an lo ngaisak nawh tiin an hril. CEO Manipur-in press conference-a a hril dan chun, pieng danglamhai thak lawn-na ding motor tamtak sie zing a nih a. |hangpuitu ding vol-unteer hai um vawng dingin a hril a. Pieng danglam vote thlak kum upahai chu Sana le Key Chain dam pek din-gin ECI-in a recommended laiin hi pitar hin chu a hmu ve nawh tiin Association thu-suok chun a hril. (IT)

Election official lung-phuchawl in a thi

haNUr: Karnataka-a chun Lok Sabha Election fe mekah Chamarajanagar –a Polling official Shan-thamurthy (53) chu a duty laiin zanikhan lungphu chawlin a thi. Shanthamurthy hi Hanur-a Government Pre-University College-a Lectuter ni lai a ni a, Chamarajnagar hmuna Polling officer a nih tiin Charmarajanagar Deputy Commissioner BB Kaveri chun a hril a, Booth num-ber 48 ah reserve staff a um niin a hril. Zingkar 9AM vel khan Polling booth room sungah

a lan lawn kuol a, chu huna lungphu chawla tlu niin Mr Kaveri chun a hril. Mr Shanthamurthy hi inrang takin District Hospital panpui a ni a, sienkhawm doctor han a hringna an san hman ta chuongnaw a nih. Shantamurthy hin a nuhmei bakah nau pahni a thisan. DC Kavery chun, Elec-tion Commission in dan a lo siem ta angin Shan-tamurthy sunghai kuomah zangnadawmna Rs. 15 lakh indik taka pek an ni ding thu a hril. Shantamurthy hi re-serve booth a sie a ni leiin inthlangna chu a sukbuoi nawh. Chun, Tamil Nadu-a Erode hmunah vote thlak dinga inthlar pasal kum 63 mi Murugesan chu khaw hre loa tlu thluin a thi bawk.

States 4 haia khuorel sietna tlunga thi 60 tling tahNEw dElhi: India rama states 4- Ra-jasthan, Madhya Pradesh, Gujarat le Maharashtra haiah thli le ruo inthuoa a hrang le sur leia mihriem thina tuok chu 60 an tling ta niin official thusuok chun a hril. Rajasthan Relief Secretary Athu-sosh AT Pedneker chun, Rajasthan-a mi thi zat 25 an tling ta niin a hril a,

Madhya Pradesh a chun mi 22 in an thi ta niin senior police official thun a hril. Gujarat sawrkar-a Director of Re-lief GB Mangalpara chun, thli le ruo leia mihriem thina tuok 10 an tling ta niin a hril a, Maharashtra a chun mi 3 in thina an tuok ta niin thu dawngna chun a hril. Prime Minister Narendra Modi

chun khuorel sietna tlung leia thina tuok sungkuo hai kuomah Prime Ministers National Relief Fund a inthawk zang-nadawmna Rs. 2 lakh seng le hliemna tuok hai \hangpuina Rs. 50,000 seng pek dingin tuta hma khan a lo puong tah. Manipur a khawm April 15, 2019 a thlisie hrang lei khan nupui pathumin thina an tuok a nih.

3thlatUN (april) 19, 2019ZirtawpNi (friday) NatiONal/iNtErNatiONal & advErtiSEmENt Hmasawnna Thar

laKtawi

Akhilesh in Aza-mgarh biela dingin

nomination a fileaZamGarh: Uttar Pradesh a chun Samajwadi Party (SP) president Akh-ilesh Yadav in Ningani khan Azamgarh Lok Sabha seat-a ngir dingin nomina-tion paper a file. Mr Akhilesh in nomi-natin a file huna hin BSP national general secre-tary Satish Chandra Misra khawmin a zui. Azamgarh biel hi kum 2014 Lok Sabha election-a Mr Mulayam Singh Yadav (Akhilesh pa) lo tlingna a ni a, 2014 khan Mainpuri seat a khawm Mulayam Singh Yadav kha a lo tling a nih. Azamgarh biel hi May 12, 2019 a inthlangna nei ding an nih.

EC in Kartarpur Corridor thuah

MHA phalna a pekNEw dElhi: Election Commission (EC) chun Kartarpur Corridor lampui km. 4.25 a sei Lane 4 a lien siemna ding Order insuo thei dingin Union Ministry of Home Affairs (MHA) chu phalna a pek tah. A hma khan EC chun Lok Sabha Election zo hma chu tender chau insuo thei ding le lampui siemna sin tak chu la sukchawl dingin an hriettir a nih. Amiruok-chu, Kartarpur Corridor chungchang hi September, 2019 chena dinga deadline um a ni lei le diplomatic sensitive matter a ni leiin lampui siemna ding or-der insuo phal pek dinga EC kuoma ngenna a siem dungzuia EC in a remti pek ta a nih.

Court in mi 3 bail a phal pek

BilaSpUr: Chhattisgarh High Court chun kum 2014 a Antagarh byelec-tion fixing case-a intum mi pathum hai chu bail-a suok a phal pek. Court in bail a phal pek hai chu Chief Minister hlui Raman Singh makpa Dr Puneet Gupta, minister hlui Rajesh Munat le BJP leader Maturam Pawar hai an nih. Kum 2014 a Antagarh Assembly byelection a khan Congress candidate Maturam Pawar chun BJP candidate hratna dingin last minute-ah an hnukdawk a. Hi thil suizui a ni hunah an thilthaw hrietsuok a ni leiin Pawar khawm hi Congress in an lo hnawtdawk a nih.

MP hlui Jagmeet Brar in Akali Dal

zawm dingChaNdiGarh: Con-gress a inthawka hnawt-dawk, a hnunga Trinamool Congress zawm MP hlui Jagmeet Singh Brar chun April 19, 2019 hin Mukt-sar, Punab-ah Akali Dal a zawm ding thu a hril. Brar hi Congress Working Committee (CWC) ah kum 10 sung zet permanent invitee-a lo um a ni a, kum 2016 a kha Congress a inthawk hnawt-dawk a nih. Kum 1999 khan Brar hin Faridkot Lok Sabha seat-ah Sukhbir Badal a hneban a, Badal chunk um 2004 election a khan Brar hi a hneban nawk ve thung a nih.

5th phase nomi-nation file thei

hun a tawpNEw dElhi: May 6, 2019 a States 7 chuonga Lok Sabha seats 51 haia fifth phase election um dinga nomination paper file theina hun chu zani zantieng khan a tawp tah. Scrutiny April 20, 2019 in um a ta, inhnukdawk num hai April 22, 2019 chenah inhnukdawk thei an tih.

pandit Nehru deusawna dinga Statue of Unity bawl a ni nawh: modiNEw dElhi: Prime Minister Narendra Modi chun, Sardar Patel lim (statue) ‘Statue of Unity’ chu Pandit Jawaharlal Ne-hru hmusit le deusawna dinga bawl ani naw thu a hril. Hi thu hi Ningani-a Amreli, Gujarat-a PM Modi in vote campaign-a thu a hrilnaa a hril a ni a, Oppo-sition leaders hai chun Pa-tel neitu an insak a, hawng a nia inthawk mi nuoi 12 chuongin Statue of Unity an sir ta laiin tuchena hin Congress leaders tukhaw-min Statue of Unity an la sir nawh tiin an tum. Statue of Unity hi khawvela statue insang tak ni dinga October 31, 2019 a kha PM Modi in a hawng a

ni a, hi statue siemnaa hin Rs. 2,389 crore zet seng a nih. PM Modi in a hril pei-naah Kashmir buoina chu Congress sawrkar le policies lei a nih tiin an tum a, kum 5 liemta sung khan Kash-mir ti lo India ram hmun dang dangah bomb puok

hriet ding a um nawh. Tuta hma chun an khat tawkin India ram hmun hran hran, Pune, Ahmedabad, Hyder-abad, Kashi le Jammu haiah a tlung hlak. Sienkhawm kum 5 liemta sung khan hieng hmun haia hin bomb puok tlung in hriet am? tiin mipui lai zawna a siem a.

Tuta Kashmir buoinaa hin mawphurtu ka ni am? tia za-wna siemin, Congress poli-cies lei vawng a nih tiin PM Modi chun a hril. Congress in centre-ah sawrkarna an hung siem chun Armed Forces (Spe-cial Powers) Act (AFSPA) ennawn ding, sedition law hnawl ding le Kashmir-a security suktlawm dinga an hril hai chu PM Modi in nasa takin a sawisel bawk. PM Modi hin Bagalkot le Chikkodi, Karnataka bakah Thiruvanantha-puram, Kerala haia khawm zanikhan vote campaign in mipui hmaah thu a hril. Rahul Gandhi chun Badaun, Uttar Pradesh le Junagadh le Kutch, Gujarat haiah campaign a nei ve.

Poonam Sinha in Home Minister inkhing-pui dingin Nomination paper a file

lUCKNOw: 17th Lok Sabha Election fe mekah zani hmasa lai ela Sama-jwadi Party (SP) zawm Poonam Sinha chun Nin-gani khan Uttar Pradesh-a Lucknow Parliamentary Constituency a ngir dingin Nomination paper a file. Poonam Sinha hi BJP MP hlui le tuta hma meta Congress lo zawm tah ac-tor a inthawk Politician a inlet tah Shahtrughan Sinha nuhmei a nih. Ms Sinha hi SP-BSP le RLD \hangruol hai can-didate a ni a, Lucknow PC a hin Union Home Minister ni lai Rajnath Singh an kh-ingpui ding a nih. Rajnath Singh hin kum 2014 Lok

Sabha Election a inthawka kha Lucknow PC hi a lo biel a nih. Ms Sinha in Nomina-tion paper a file huna hin a pasal Shatrughan Sinha khawmin a zui. Nupa ni si in party hran ve vein an um a nih. Shahtrughan Sinha hi BJP ticket-ah term 2 zet Bi-har-a Patna Sahib biela MP dinga thlangtling lo nitah a ni a, BJP chunga lungawi-naw leia tulai hnai ela kha BJP suoksana Congress par-ty zawm a nih a, Lok Sabha Election fe meka hin Patna Sahib biel-a bawk Union Minister ni lai BJP Candi-date Ravi Shankar Prasad leh an inkhing ding a nih.

Shatrughan Sinha chun, BJP ah ‘dictatorship a zuol pei’ tinaw chu ieng-khawm hmasawnna a um nawh tiin tuta hma khan a lo hril tah. Insung pa tak a nina angin a sunghai \hangpui chu a mawphurna a ni leia a nuhmei Poonam Sinha chu party dang ticket-a ngir nisien khawm a campaign pui niin Mr Shatrughan Sinha chun a hril. Hi thu hi Congress leaders \henkhatin Mr Sinha in SP candidate le a nuhmei Poonam Sinha ta dinga vote a campaign an ngai thei raknaw le an sa-wisel deu leia a hril a nih. Lucknow biel hi kum 1991 a inthawk BJP in an lo biel tah, PM hlui (L) Atal Bihari Vajpayee in kum 1991-2004 inkar sung a lo biel a ni a, Vajpayee in active politics a chawlsan hnungin kum 2009 khan Lalji Tandon (BJP) in Lucknow PC a hin hratna a lo chang a, chu hnungah Rajnath Singh in a hung biel sawng nawk ta a nih.

North Korea Ningintelin Ralthuom Thar Ensin Nawk TahpyONGyaNG: Khawvela mi \ium tak chu pawisak nei lo, ‘beidawnghai’ le ningintelhai an nih an ti angin rambung khawm ningintela suokdawk or eltam ding zawnghai hi \i an um zuol. Khawvelin a endan dang tlata inhrie North Korea chun, US le an inbiekna deadlock ningintelin ralthuom thar “tactical guided weapon,” a test nawk tah niin a puong. North Korea-in tuta a test ralthuom hi chu inbieknahai sukbuoina ding khawpa khap thil ‘long-range missile’ hai ang an nawa chu, a mipuihai kuomah ralthuom siemna tieng hma an sawn pei a nih inhriettrna ding khawpa thilthawthei chu a nih. A sipaihaiin US le an inbiekna a zuva el ta dinga an ngai khawm hi ralthuom thar a nei (test) hin US na ver sawt a ta, inbiekpui ngei ngei ngai dingah hung ruotin inbiekna nei a hung rawt an beisei a nih. Khawvel mithmua ‘hratnaw’ anga inlang an nuom naw hrim hrim. Ralthuom thar (a hming hril lo) test lai hi President Kim Jong Un chun, Academy of Defence Science ah a va en ve a.

An test zovin, “Hi ralthuom thar hin People’s Army hai hratna le theina tamtakin a belsaa, ral dona kawngah an theina nasatakin a \hangpui ding a nih” tiin a hril niin Korean Central News Agency chun a ziek. AP le Reuters hai khawmin, North Korea’n test a thaw hi ieng ang ralthuom chie am a na test hi an hrilfie thei nawh a. Ballistic Missile le nuclear nisien chu inbiekna sukbuoi thei ding a na. South Korea analyst hai chun, thalmitnei chi khat ‘cruise missile’ ni an ring. South Korea-a suitu le enkaitu \henkhat chun US le inbiekna dead-lock lai tak a nih leiin, North Korea chun economic sanctions hai hlip dinga a ngenna le inzawmin a neka nasa lema Nuclear bomb test le Missile program hung thawin, thawluina hmangin US le South Korea hai nawrlui a tih ti an inlau a nih.

North Korea ningintelin Russia le China bie \hain US le South Korea le Japan le an ruolhai beina ding chen a hung rawt dawk an inlau bawk. Kim Jong Un chun kar thar khin Russia inzin a tum thu hriet a ni bawk. Media report hril dan chun Vladivostok, Russia sir a ta, President Vladimir Putin leh Summit nei an tih, tiin Japan TV Fuji chun Kim Jong Un Chief of Staff Mr Kim Chang Son chu Vladivostok-ah thil umdanhai a en thlithlai lai an suklang. Chang hin Kim Jong Un inzin ding zata a fena ding lo buoitsaitu a nih a. Singapore le Hanoi Summit haiah khawm khan a lo fe hmasaa logistic thilhai a lo sukfel vawng hlak. US President Donald Trump chun Kim Jong Un le inbiekna vawi thumna nei ding chu pawi a ti nawa, a nuom tho laiin, inbiek felna le inremna a um hmaiin nuclear bomb or missile hai ensinna (test) dang um nawk pal a tih ti an lau thu a hril a. Chuong ang test dang chu a um naw hram a beisei thu a hril. (Reuters)

Bus passenger 14 vel Ko dawka Kap hlum an NihKaraChi: Pakistan-a helpawl hai nunrawngna le rikrapa chetna chu a la zuolkai pei a. Ningani khawm khan paramilitary anga inthuom ralthuom chawi mi 15-20 velin bus 5-6 vel lo dang chatin, passenger hai an in\umtir a, an identity (nina) an enfie pei hnungin 14 vel chu an kap hlum niin police thusuok chun a hril. Official thusuok hril dan chun , Karach i l e Gwadar inkar, Balochistan province-a Makran Coastal Highway, Balochistan-a Ormara area ah helpawl sipai uniform hak 20 velin motor 6 vel an lo dang a. An lekhahai an enfel hnungin an kap hlum niin a hril. Balochistan Inspector General of Police, Mr.

Mohsin Hassan Butt hril dan chun, paramilitary Frontier Corps hai uniform hak mi 20 velin Buzi Top area lai zingkar inhma takin an bei a. Mi 16 an thlang suok hai laia mi 2 an tlan suoka, 14 chu an kap hlum a nih, tiin a hril. B a l o c h i s t a n H o m e Minister Mr Zia Langove chun , he lpawlha i h in inthupna dingin sipaihai uniform an hak niin a hril.

Helpawlhai man tuma zawng mek an nih a. Mithihai khawm tu ham an na ti hriet suok tuma buoipui mek a nih tiin a hril. B a l o c h i s t a n C h i e f Minister Mr Jam Kamal chun thiltlung hi nasatakin acondemned a. “Hieng helpawlhai hin Balochistan hming an suksieta, an thil suol thaw hin hmasawnna ding le inlainatna um ding

dang thei chuong naw nih. Suol thawtuhai man niin an phu ang peia hrem ning an tih” tiin thina tuok sunghai a sunpui thu a puong bawk. A thawtu an lan puong nawh a. Balochistan hi Iran le Afghanistan le inri a nih a. Pakistan-a chu ram retheina tak le hnufuolna pawl tak niin, minority Shia Muslims le ethnic worker, Pubjab a inthawka inpemhai an uma, bei an ni hlak. Kar hmasak khawm khan an capital Quetta ah Hazara Shia Muslim hai beinaah mi 21 ISIS han an that a, mi dang 60 an hliem ta bawk. Kum 2015 khawm khan Karachi pana fe Bus (coach) chu Mastung area, Khad Kocha tlang lai an lo bei a, mi 19 an that a nih. (AFP)

KAnGlA pACKAGed drInKInG wAtera Unit of lamJiNGBa GrOUp

Regd. No. 10041

Tui thienghlim le inhnik man tlawm taka la nuomtuhai chun a hnuoia address a hin ngaivena registration thaw thei zing a nih. Features & Benefits * Free Home Delivery * One Month Free Subscribtion * Rs. 250/- Subscribtion per mont (30 jars PM)addrESS:

Sangaimart OfficeNear Rengkai Govt. Hr. Sec. SchoolCCPur, ManipurContact nos 9366523755/ 7085552200 (19,21)

GOVERNMENT OF MANIPUROFFICE OF THE DISTRICT ELECTION OFFICER/DC,

CHURACHANDPUR

NOTICEChurachandpur, the 18th April, 2019

No.1 DC(CCP)/ELEC/EVMs&VVPATs/LS-2019/9: In Continua-tion of this office’s Notice of even No. dated 16.04.2019, it is hereby notified for information of all concerned that, Repoll for 57/1-Sanglel, 57/3-Songkong and 57/18-Songphu has been completed today and Poll-ing Parties are likely to arrive by early morning of 19.04.2019. Strong Room (A & B Category) located on the Ground Floor (Right Wing), DC Office, Churachandpur will be opened at 10:00 AM on the 19.04.2019 (Friday) for entering Polled & Defective Polled EVMs & VVPATs inside 57-Henglep (ST) AC Strong Room followed by sealing of the Strong Room.

2. Further, the defective EVM/VVPAT if any, shall be kept in Strong Room ‘C’ and unused Reserved EVM & VVPAT in Strong Room ‘D’ Both located on the Ground Floor (Right wing) DC Office, Churachandpur.

3. The Contesting Candidates, their Election Agents and representatives of Recognised Political Parties functioning in the District are hereby informed to witness the Opening and Sealing of the Strong Room as mentioned above.

Sd/- (Shyam Lal Poonia) District Election Officer/DC, Churachandpur District.

Civil Aviation Secy. in meeting

a neipuiNEw dElhi: Bat hau leia Jet Airways in April 17, 2019 zana inthawk domestic le international services hai temporary-a a sukchawl hri le inzawmin Civil Aviation Secretary chun Ningani khan Airport le Airlines authorities hai chu a hran ve vein meet-ing a neipui a. Jet Airways service chawl leia thil thaw dan ding hai a hrilpui.

Mimkei leiin Jammu-Srinagar Highway kharJammU: Jammu-Srinagar national Higyway a chun Ra-man le Banihal inkar hmun tam takah mimkei a tlung leiin zani hmasa zanrila inthawk khan khar a ni a. Hi lei hin motor chi tum tum 3,000 chuong lampuiah an intang mek. SSP Traffic (NH) JS Johar chun, mimkei hi a hmasa takin zan dar 12 vel khan Monkey Morh hmuna a tlung a, lampui inthielfaina sin thaw mek a ni laiin Anokhi Fall area lai hmuna khawm mimei a tlung leiin lampui hi khar a nih tiin a hril.

BJP candidate house arrest a sie

lUCKNOw: Uttar Pradesh-a Bulandshahr biela BJP candidate Bhola Singh chu Polling station sungah vote a campaign lei-in house arrest a sie a nih. Mr Bhola Singh hin Sharma Inter College Poll-ing Station sunga vote hi a campaign a ni a, Police han dang an tum a, sienkhawm District Magistrate le Returning Officer Abhay Singh hai phalnaa Polling booth lut a ni thu hrilin campaign hi a sunzawm pei nia hril a nih. District Magistrate ruok chun poll-ing booth a campaign dinga phalna an pek ni loin poll-ing station sir phalna an pek a ni lem thu an hril. Hi thil tlung hi social media haiah nasa taka the-dar a ni a, hi thil tlung lei hin District magistrate chun election vote thlak zo hma poa dingin House ar-rest a siena Order an suo a nih.

Second phase LS election zoNEw dElhi: April 18, 2019 khan States 11 le Union Territory pakhat haia Lok Sabha Constitu-encies 95 haiah Lok Sabha Election phase 2-na chu hlawtling taka zo a nih tiin Senior Deputy Elec-tion Commissioner Umesh Sinha chun a hril. Puducherry (UT) chu vote tla percent insangna tak niin 78% a tla a, a dawtah West Bengal-ah 76.07% a tla a niin Umesh Sinha chun a hril. Manipur a chun votes 74.3percent vote a tla a, As-sam 73.32 per cent, Tamil

Nadu 72 per cent, Chhat-tisgarh 71 per cent, Ma-harashtra 62 per cent, Ut-tar Pradesh 62.3 per cent, Jammu and Kashmir 43.4 per cent, Karnataka 61.84 per cent le Bihar-ah 62.52 per cent a tla. Lok Sabha second phase election le inruol hin Odisha-a Assembly seats 35 le Tamil Nadu-a Assem-bly seats 18 haiah Assembly election nei a ni bawk. Odis-ha a Lok Sabha le Assembly election haia chun votes 64% ve ve a tla niin report chun a hril. West Bengal a chun Lok

Sabha election vote thlak hu-nah buoina a suok a, hmun dang a chun buoina taluo suok hriet a ni nawh. Second phase election –a candidate inlar zuol deu hai chu Union Ministers Jual Oram, Sadananda Gowda le Pon Radhakrishnan; Prime Minister hlui HD Deve Gow-da; Congress leaders Veerapa Moily le Raj Babbar; Na-tional Conference president Farooq Abdullah, DMK chief Dayanidhi Maran, A Raja le Kanimozhi bakah actor a in-thawk politician hung nitah Hema Malini le Prakaj Raj hai an \hang.

Sawrkarin J&K LoC a insumdawngtuona a khar

NEw dElhi: Jammu and Kashmir-a Line of Control (LoC) a Pakistan le insumdawngtuona chu Pakistan \hangsana thil

khapa sumdawngtu han hmangsuolin ralthuom, in-ruithei le pawisa lem tawl-ruknaain an hmang ti report um leiin India sawrkar chun

LoC a insumdawngtuona a suktawp/khar. LoC a insumdawngtu-ona hi Jammu and Kash-mir a LoC biela chenghai le Pakistan le thil chi tum tum indawrtuona dinga hawng a ni a, sienkhawm hmangsuol a nih ti report um leia Ministry of Home Affairs in J&K le PoK ar-eas, J&K –ah Trade Fa-cilitation Centres pahni - Salamabad, Uri, Baram-ulla district le Chakkan-da-Bagh, Poonch district haia a hawng an nih.

Punjab mi pahni hai Saudi Arabia-ah an ring tan an nih: MEA

NEw dElhi: India rama Punjab mi pahni Satwinder Kumar of Hoshiarpur le Harjeet Singh of Ludhi-ana hai chu February 28, 2019 khan Saudi Arabia sawrkar chun an ring tanin a sukhlum tah niin Ministry of External Affairs (MEA) chun zanikhan a sukchieng a. Amiruokchu, sukhlum an ni hma hin sukhlum an ni ding thu Saudi Arabia-a Indian Embassy inhriet-tir hmasak an ni nawh tiin MEA thusuok chun a hril. Satwinder le Harjeet hai hi December 9, 2015 a Arif Imamuddin le India mi pakhat thata intumna leia man an nih.

Saudi Arabia dan dung-zuiin an sung han an ruong inhlawm theinaw ni hai a, death certiticates chau an hmu thei ding niin MEA chun Satwinder nuhmei Seema Rani an hriettir. Satwinder sunghai hril danin March 2, 2019 khan Saudi a inthawk phone call an dawng a, chu hu-nah Satwinder le Harjeet hai hi sukhlum an ni thu inhriettir an ni thu a hril a, sienkhawm official taka sukchiengna iengkhawm an hmu naw a. Chu le inzawma MEA kuoma thil umdan an intlun hnungah sukhlum an ni ngei thu hi MEA in a hung sukchieng ta a nih.

Hmasawnna Thar4 EntErtainmEnt / SportSthlatUN (april) 19, 2019ZirtawpNi (friday)

sun ZAWMnA.......

Champions League roundup:

Away goal leiin Tottenham semifinals an lut; Liverpool chun awlsam takin Semifinals an lut bawkmaNChEStEr: Qua-druple beisei Manchester City chun Ningani zingkar (IST) khan an home Etihad Stadium/ City of Manchester Stadium-ah Tottenham an mikhuol a. Manchester City chun Tottenham hi 4-3 in hne hai sienkhawm first leg a khan Tottenham in 1-0 in an lo hne ta leiin Aggregate 4-4 in an indraw a, Tottenham chun Man. City nekin away goal an hau lem leiin Cham-pions League semifinals an lut lem. Champions League quarterfinals-ah an tlak lei hin Pep Guardiola inrawi Manchester City chun tuta season fe meka Quadruple an beiseina a lo tawp tah. Man. City le Totten-ham in quarterfinals second leg an inkhel \um hin goal 8 zet a lut a, goal hmasa Ra-heem Sterling in minute 4

naah Man. City ta dingin goal a thun a, hi zo minute 7 naah Son Heung-min chun Tottenham ta dingin goal a hung thun ve bakah minute 10 naah a thun bawk. Hi zo char minute 11 naah Ber-nardo Silva in Man. City ta dinga goal a hung thun nawk bakah minute 21 naah Sterling chun Man. City ta dingin goal a hung thun nawk leiin Man. City chun first-half chenah 3-2 in Tot-

tenham hi an hne a. Second-half inkhel nawk hnung minute 59 naah Ser-gio Aguero chun Man. City ta dingin goal a hung thun nawk a. Sienkhawm minute 73 naah Fernando Llorente chun Tottenham ta dingin goal a hung thun nawk leiin Inkhel pangngai hun tawp chenah Man. City chun Tottenham hi 4-3 in an hne a, sienkhawm Man. City ta ding chun semi-finals lut

theina dingin a la huntaw-knaw leiin Injury time-ah nasa takin an nawr zawm pei a, Injury time tawp ding minute 2 chuong met la umah Manchester City for-ward Raheem Sterling chun Aguero ball pass hmangin goal a thun a, Man. City players le fans hai semifi-nals lut dinga inringin hlim le lawmin an khek a, an inchawm vel a, sienkhawm an hlim sawt nawh, Ref-

eree in VAR a enfel hunah Sergio Aguero a lo offside leiin “No Goal” Screen-ah a hung inlang a. Goal dang thun na ding hman a um tanaw leiin Aggregate-ah 4-4 a indrawin away goal leiin Tottenham chu semi-finals an lut ta lem a nih. Man. City manager Pep Guardiola khawmin pawi a ti hle, sienkhawm sawisel ding a um si nawh. Manchester City hin tuta

hma khan season cup hmasa tak dingin EFL Cup an lo lak ta a, tuhin FA Cup final May 18, 2019 ah Watford le khel ding mek an ni a, Pre-mier League-ah hma\huoitu ni mek Liverpool le a chun-ghnung insawk zak zaka um le champion ni thei zing niin Liverpool hnuoiah a pahnin-ain an um mek a nih. Pep Guardiola chun tuta hma khan Champions League an lak naw chun

hlawsamin an ngai ding thu a lo hril a, sienkhawm semi-finals lutzo taloin an tla ta a nih. Quadruple beiseina a tawp hnung hin Pep Guar-diola chun Premier League title lak nawk ngei tuma theitawp an suo ding thu Tottenham in Champions League-a inthawk an knock-out hnung hin a hril. Hieng laizing hin quar-ter-finals leg 2 match dan-gah zani zingkar khan Porto chun an home Estadio do Dragao stadium-ah Premier League hma\huoitu Liver-pool an mikhuol a. Liver-pool chun Porto hi hnesaw takin 4-1 in an hne a, first leg-a khan Liverpool hin 2-0 a Porto hi an lo hne tasa a ni leiin Aggregate 6-1 zeta Porto hnein Champions League semifinals an lut.

Goal hmasa Sadio Mane in Liverpool ta dingin minute 26 naah goal thunin first-half chenah hma an \huoi a, Second-half minute 65 naah Mohamed Salah in Liverpool ta dingin goal a thun bakah minute 77 le 84 na haiah Roberto Fir-mino le Virgil Van Dijk han Liverpool ta dingin goal an thun bawk a nih. Porto chun Eder Militao hmangin minute 68 naah goal khat an thun ve. Champions league Quarterfinals khel zo a nita le inzawm hin Tot-tenham chun May 1, 2019 khin semifinals leg 1-ah Ajax mikhuol a ta, Barce-lona chun May 2, 2019 khin Liverpool a mikhuol ding a nih. Semifinals second leg chu May 8 le 9, 2019 khin inkhel ning a tih.

France Ligue 1:

PSG in Nantes an hne zo nawh

pariS: Nantes chun Nilaini khan an home-ah league hma\huoitu Paris Saint-Germain (PSG) an mikhuol a, PSG chun hratna an chang zonaw lei-in vawi 8-na dinga Ligue 1 title lak ding sukdet theina hun \ha an lost nawk. Goal hmasa minute 19 naah Daani Alves chun PSG ta dingin goal a hung thun a, sienkhawm Di-

ego Carlos Santos Silver in Nantes ta dingin minute 22 naah goal a hung thun nawk bakah Abdul Ma-jeed Waris chun Nantes ta dingin goal a hung thun bawk leiin first-half che-nah Nantes chun PSG hi 2-1 in an hne a. Second-half minute 52 naah Diego Carlos Santos Silva chun Nantes ta dingin goal a hung thun sa nawk bawk

a. Inkhel hun bo tawm minute 89 naah Metehan Guclu chun PSG ta din-gin goal a hung thun ve a, sienkhawm inkhel tawp chenah an goal bat po an thungkir zo tanaw leiin Nantes chun PSG hi 3-2 in an hne ta a nih. PSG hin hratna chang naw hai sienkhawm games 32-ah points 81 hmuin hrat takin hma an la \huoi pei a, anni dawttu LOSC chun games 32-ah points 64 chau la hmuin an karah points 17 zet a la tla. Nantes hin games 32-ah points 38 hmuin table-ah 14-na ni mek an nih. Lyon le St-Etienne chun games 32-ah points 56 le 53 hmuin pathumna le palina an ni a, Marseille chun points 51 hmuin pan-gana a ni mek.

Jarrell Miller damdawi khap a fak hmel a hrietnaw thu a hrillOS aNGElES: June 1, 2019 a Britain heavy-weight boxer le world heavyweight title 3 kawl mektu Anthony Joshua le New York hmuna inhnek dinga ti American boxer Jarrell Miller chun ieng damdawi a fak hmel a hri-et naw thu hrilin, March 20, 2019 a Voluntary Anti-Doping Association (VADA) in metabolic modulator Drugs test an thaw naa a failed ( a tak-saah damdawi khap hmu) chu mak a ti thu a hril. Drugs test a failed nia hril chungthua hin sample dang test thaw thar dinga appeal a thaw ngei ding thu

Jarrell chun a hril. Hieng laizing hin an khingpui ding Anthony Joshua camp khawmin June 1, 2019 a Madison Square Garden hmuna Jarrell Miller le inhnek dinga riruong siema um chu a puitling ngei thei-

na dingin hma an lak zing a. Chuong laizing chun Jarrell le inhnek ding a lo remtanaw a ni khawma Joshua in an hnekpui ding dang an ngaituo mek niin Matchroom chief executive Frank Smith chun a hril.

South indian film Jhansi demand an Sang hle

mUmBai: Tulai chu Hindi film Bollywood product nekin South India tienga inthawka film hai demand an sang lem niin an lang. PVR Guruprasad a film hmasatak ‘Jhansi’ khawm nuhmei Inpsector IPS officer nal zet zawt pa tak le nu tak film chun, tienlai style ang nisienla khawm India cinema entuhai a la hne lem chu a nih. Shooting zo vawng tah, post production stage-a um nunghak hmel\ha le zei Raai Laxmi changna ‘Jhansi’ chu a poster le trailer hai pholar a ni ta laklaw si, shooting zo an tah ti tlanghriet a nih tah bawk a. Hmarcha deng inthak deu, inhnik deu lo intem lawk, fak hun la tlung

si lo, fak chak ta bawk si ang khan a film hi en chakin \awng hran hrana inlet ding chenin rawtna a um tah a nih. PVR Guruprasad direct hmasatak ‘Jhansi’ hi nuhmei IPS officer pa tak el a na. Pakhat double role chu nuhmei dawi deu a ni nawk a. Studio ah dubbing an thaw mek a, re-recording thawin dialogue hai an siem\hat lai hun a ni leiin \awng dang dang khawmin siem nisien ti hi an rawtna a nih. Raai Laxmi film hmasa 2012 a mi Updendra le Kalpaana le an chang khawm kha a fe hle. ‘Jhansi’ hi action film a nih a. Stunt master le Thriller Manju a film 500-na a ni tah. Insuolna turu deu deu, pa tak tak a um \euva,

Laxmi khawm a pa thei \ek \ek hle. Action film a siemna ding lei ringawt hin Martial arts training hran a nei ngat a nih. Mi a hip bek bekna chu a malpui mar tawn tawna police uniform a hakna City Express-in poster an lo tarsuok \eu tah lei khawm a nih. Police officer uniform le nuhmei nilum zakuo inphan haka a lamna, inang naw deu deu milim chun mi a hip ve tlat a nih. Director hril dan chun, Hindi \awnga dubbing thawna rights chu zawr an tah a. Laxmi hi South Indian mi a lo ni bawk leiin South Indian \awnga siemna ding demand khawm a tam a nih, tiin a hril. Tum dan le beisei dan chun Hindi bakah Tamil le Telegu haiin dubbing thaw tum a nih. ‘Jhansi’ pasal Hero chu Shrijit a nih a. Ravi kale le Mukesh Tiwari hai khawm an \hang bawk. Music chu Kruopakar MN niin Veeresh-in Camera a hem ve thung.

Chungtienga inthawka hmet-kawp Kan Nih: Jennifer lopez

l O S a N G E l E S / N E w yOrK: Bible thu quote-in mi tamtakin ‘inneina chu chungtienga inthawka siem a nih’ an ti angin, hlasakthiem le actress ni ta bawk Jennifer Lopez (49) chun, ama neka kum 6-a naupang, anachu lien lem, Alex Rodriguez (43), a pasal huol ni ta chu, ‘chungtienga inthawka hmetkawp’ an nih niin a hril. Nau pahni ve ve nei tah hnunga inhmangai ve ve Jennifer Lopez le sumdawng hausa A lex ha i chu an inhmangaina an thuk deu deu a. Alex chun, Jenni a propose-na ding hin thla ruk lai zet an buotsai niin tulai hnai khan a puong. Zani lai khan New York City ah Jennifer a film thar ‘Hustler’ shooting an thawna le inzawmin an inzin a . Khawlai an leng velnaa chun ‘businessmen’ an ang lem hman hman a. Mipui tlang mithmuah khawm an thup thei ta naw chu an inhmangaina a nih a. Kawtthlerah cameraman hai inhuol vawng lai khawmin an inkiss el a nih. Mill ionaire ve ve an nih bawk a. Alex lem chu sumdawngtu a n i ang in businessman takin an chei a. J-Lo khawm a hei inchei chu a mei mei naw hle. A tarmit ringawt khawm Rs. 30, 000 chuong man a nih. A dum vawng puonbil le zakuo inkawp a haka, taksaa kawp tlat a nih leiin a piengzie hmai ruol an nawh. Hand bag dum ve ve an khai a. Alex khawm coat buong leh necktie vut rawng leh, gentleman indik tak a nih. The Dance Again saklartu

J-Lo khawm make-up a tak taluo nawa chu a complexion huntawk charin a hmanga, nabe rangkachak le sam eng thal inhme ding tawk charin, an cool dun hle. Alex chun Bahamas-a a propose hmaa an buotsai dan a hril a. “Thla ruk sung chu ka propose dan ding ka lo inchuk a. Khupa ding\ha\huonin, kutsebi chawia ka nuhmei dinga ka hni dan ding ka lo thawlawk sina. A hun a hung tlung chu ka ring nekin kan zak nawh a. A lo awlsam khawp el” tiin Jimmy Fallon Late Late Night Show a hril. Jennifer khawmin an nupa nun ding chu ‘chungtienga inthawka siem/ruotlawk’ niin a hril a. “Iengkim kha awlsam takin a um el a nih. Iengkim kan thaw taphawt kan thaw kawp pei a. A beiseina (dreams) ka hrieta, ka beiseina a hriet a. Kan pahnia kan umin kan hrat lem a nih. “Kan pahnia kan thaw thei thilhai ngawt kan hriltlanga, mimal mala kan theina nekin kan pahnia kan thaw tlanga kan theina kha a hrat lem pei a. Mimala kan thaw suok suong ding nekin kan pahnia kan thaw suok suong ding kan nei lem pei. Kan pahnia kan umin kan hlim takzet” tiin J-Lopez chun a hril. A l e x k h a w m i n , “Vawisuna kan umna le ni theina ngirhmun hi kan pahnia kan tlung a ni leiin kan lawm takzeta, chu chun a mi sukhlim a nih. Makhata kan hlawtlingna le hlimna nekin kan pahnia kan hlawtlingna le hlimna hin a mi sukhlim lema, chu chu kan inhawi tina tak khawm a nih” tiin a hril ve.

dwayne Johnson Naunu Kum Khat tling vel O S a N G E l E S : Hollywood-a pa sek tak le lien tak chun naute chintak a nei ti dingin Dwayne ‘The Rock’ Johnson chun ama naw ang takin a nau pathumna naute Tia Gianna (1) chu kum khat a tling ve tah leiin a lawmnain Instagram ah an thlalak a share ve a, en nuom an um kher el. Inbuon hrat (wrestler) hlui film tienga lut tah Johnson (46) chun, zakuo bovin a pum rang nei nuoiin khum chungah in\hungin a naunu Tia Gianna chite chu a ke karah an \hungtir a. A kutlai ve ve incheltirin Gia chu mitmeng fel kawkin a meng kawk a. Johnson chun, pa po povin an nauhai an hmangai anga hmangainain, “Happy 1st Birthday to our strong lil’ beauty, Tia Gianna. Get used to daddy’s hands kid ~ they’ll always have your back. #puamana” tiin a post. Dwayne Johnson hin a nauhai hi a suong ve thei em em a. Social media haiah a pholang ve deu ran hlak. A nauhai le an inhnaizie hi suklang a nuoma, a nuhmei (an nu) tak ruok chu a suklang ngai nawh. Johnson hin 2007 a inthawka an zuipui tah Lauren Hashian leh khawm kum 3-a upa nau Jasmine an nei a. Lauren le hin 2006-a intawngin tuchen hin an la um kawp. Hi hma hin a nuhmei Dany Ga rc i a l eh nau nuhmei Simone (17) an nei a. Garcia hi Merrill Lynch ah Executive sinthaw a nih a. The Rock leh 1997-2007 (kum 10) an inneia chu an inthe a. Chu hnung chun Garcia chu Manager kaiin a hlawtling peia, Johnson khawm a hlawtling pei bawk. G a r c i a h i n G a r c i a C o m p a n i e s a n d i n a , Superman changtu Henry Cavill hai dam a client an nih. Seven Buck Productions ah co-founder le co-CEO

a ni bawka, film siem hrat Johnson Fast & Furious Character leh an la thaw zawm pei thei a nih. Ruol\ha an la ni zinga, Good Morning America TV ah an inlang kawp a. An inruol\hatna le hlawtling peina kawnga ngaidan an indawn a. Johnson chun Garcia ‘therapy’ lei niin a hril a. Inhrietthiem taka nun an hmang tung peina zar niin an inhril. Fiemthu thutakin, \hang an lak nasata zie le an thaw nasat zie hrilin, Johnson chun Simone a nei lai chun kum 29 chau a la nia a buoi zie a hril a. Garcia a en a, “E, nang khawm i la um ie maw?” a ta, fiemthuin an lan nui dar dar thei a nih. “Simone ka nei chun kum 29 ka nih a, tum’m ka na ti ka lan hriet nawh, ka thaw tak tak ding chau a nih. Simone leh kan la nei a. WWE ka \hang lai a nih bawka, kekawr khawm ka bun hman meu nawh. Garcia hlak business tieng an bur \hat lai tak a nih bawk. A hlawtling peia, kan hlawtlingna ve ve chun a mi kei hnai peia, vawisun chenin a mi la keizawm a nih” tiin a hril. A n i n r u o l \ h a a a n inhr ie t th iem dan chu, Johnson le an in\he hnungin,

Dany Garcia chu ama khata sinthawa um zing a ni laiin, Johnson a ruolpa le personal trainer, Dave Rienzo kuomah Garcia a hung insawn luta, an innei daih. Johnson chu Lauren leh an um kawp zinga, Gia birthday khawm anni’n an lawmpui.

dinga an tlar ve laiin a tlua, a hmunah a thi nghal niin ei thudawngna chun a hril. Chief Minister chun mithi nu sunghai a sunpui thu a puong nghal. Hienglai zing hin, Manipur-a viawkhat-na dingin, Manipur Governor (Larsap) Pi Dr Najma Heptulla chun, 11/34-Old Lam-bulane (B) polling station, TG Hr Second-ary School ah ‘vote thlakna hmun thleng a awlsam’ ti entirna dingin New Delhi a mi chu Sagolband A/C ah hung sawnin dan ang takin a vote zingkar dar 7:15am khan a thlak ve a. Nuhmeihai po po thaw ve dingin a fiel. Old Lambulane (B) ah hin voter 436 an um a, pasal 231 le nuhmei 205 an nih. Governor hi Chief Electoral Officer (CEO) Manipur, Mr. Prashant Kumar Singh, State Nodal Officer/Media & Com-

munication, Ms. W. Phajatombi Devi, SDO/Lamphel, Dr. M. Veto Singh le offi-cial dang dang han an zui. Vote a thlak zova press-media hai inhmupuiin, election chu iengkhawm \ithawng le vengthawng um lovin, zalen takin mani vote seng muong taka thlak ding a nih, tiin a hril a. Ram siemna din-ga pawimaw vote pakhat chauh hlutna hi hriea hmang \angkai seng ding a nih, tiin a hril. Governor chun nuhmeihai vote thlak ve hi a pawimaw thu hrilin, sawrkar ah khawm a tamlem an um a pawimaw thu a khekpui tah hlak a. Beijing Declaration a inthawk lem khan chu Nuhmei hai elec-tion-a an \hang hi a khekpui ngat ngat an tah niin a hril. (DIPR/IT)

2nd Phase LS Election Inner Manipur

Nepal-in A Satellite Hmasatak US-a Inthawk A KapsuokKathmaNdU: India sak laia uma India khawl thilthawtheina le thlalem satellite hai hun iemani chen man in\awmpui tah Nepal chun ama puol bika a hmang dinga siem Satellite NepaliSat-1 chu US a inthawkin hlawtling takin vanboruokah a hang kapkai ve tah, scientist hai an lawm hle. Napali scientist haiin an siem NepalSat-1 hin Nepal time 2.31am, April 17 khan Virginia, USA a inthawkin kap suok a nih tiin Nepal Academy of Science and Technology (NAST) chun a hril. Hi Satellite hi Nepali scientist pahni, Japan Kyushu Institute of Technology-a inchuk mek, BIRDS project hnuoia an siem a nih. Prime Minister Mr K P Sharma Oli chun scientist hai chu a lawmpui hle a. An

ramin Satellite hran ngat a hei nei chu uongpui tham tak a nih tiin a hril. NAST thupuongtu Mr Kuma Dhungel chun, an ramin space engineering tienga hma an sawn ve theina dinga investment thar an hmalakna niin a hril. NepalSat-1 hi low orbit satellite a nih a. Hnuoia inthawka Km.400 vela khin khawvel hel a ta, Nepal ram leilung thlalakhai lain a hung thawn hlak ding a nih. International Space Station (ISS) ah \um phawt a ta, thla iemani zat hnungah vuong

suokin a khatin khawvel a hel ta ding a nih, tiin a hril. Satellite ah hin Nepali flag le NAST logo a kawp a. A siemnaa \hang scientists hai hming khawm a chuong bawk. Nepal Academy of Science and Technology chun Rs 20 million vel a seng a. A rik dan chun Kg. 1.3 vel chauh a nih. BIRDS project hi UNO-in rambunghai mani satellite an nei theina dinga project a \hangpui a nih a. Nepal chun Japan thiemna in\awmpuiin a siem suok ve tah a nih. (AFP)

peru president hlui an Kap hlum pallima: President khawm fakruk hlepruk hmang chu an him bik nawh. Peru President hlui Alan Garcia (69) chu Brazil company pakhatin President a ni laiin thamna an pek tia intumna le inzawma thu indawnna nei dinga Court thupek pumpelna dinga ama le ama an kap leia damdawiin panpui chu dam zo lovin a thi. Alan Garcia hin prosecutor haiin an man tum man nawna dingin ama le ama inkap hliem tum a nih. Man a tuok nawna dinga inkap hliem tum chu a hliemna tuor zo lovin a thi ta a nih. Garcia hi Nilainia Court-in mi 9 man dinga thu a pekhai

lai a \hang ve a nih. Brazil company pakhat Obedrecht chun 2016 khan Latin America rama construction sumdawngna hlawk tak pakhatah thamna pawisa fatuah an tum ve leia a hming inlang ve a nih. Garcia hi a tir chun thuhril thiem tak President vawi hni thlangtling an tah a. A hmasaa chun foreign investment tieng

hril uorin, free trade a sukhrat a. Corruption le intumnahai hnawlin President chu a chel suok hram a. Intum a ninahai a la hnawl zing. Nilaini khan Obedrecht company han 2016-a thamna pawisa an pek mi 9 hai lai a hming a \hangsaa, prosecutor han thu indawn dinga man an tum laia thil tlung a nih. A party hotuhai chun enkawl a nina hospital Casimo Ulloa Hospital tuolah a thi thu hi an puong a. Lungphu hrat naw, \i taluo leia lung\hawng thut thut vawi thum neia emergency operation thawa san hman lova thi niin an hril.